هل يوجد مكان نشتكي

[الخيالة]

سلام عليكم

بغيت استفسر هل في وزارة أو لجنة نقدر نشتكي عن صاحبة بيتنا القديم اهيه جابت لنا أوراق حطت ع الباب اخطار هدم البيت و عطتنا مهله ان لازم نطلع من البيت عيد الفطر ع الأساس تبي تهدم البيت و مارضت حتي يوم قلنا لها تزيد الاجار و ماطلعنا من البيت لان ابوي و أمي كبار بالعمر و مافيهم حيل و تعبانين و كان في الصيف والرمضان و الصيام مارضت و تبهدلنا و اتعبوا زياده الوالد والوالدة لدرجة ماقدروا يكملون صيامهم و كله بسبتها و علي كلامها ان بيسكرون الكهرباء و بيسوون هدم للبيت و من هالكلام و الحين من يوم اللي احنا طلعنا من البيت لين الحين مر تقريبا اكثر من سبع شهور و اهيه ماهدمت البيت جيراننا اللي كان قاعد طابق الثاني للحين موجود و اللي شفنا ان بس جددت البيت و اجرت للناس هاي اللي خلتنا ان نشتكي كذبت علينا لعوزتنا بهدلتنا و في للنهايه لا هدم ولي شي شلون اقدر اشتكي ماكان لداعي تكذب علينا و تبهدلنا جذيه و كانت تعرف ان ابوي تعبان و أمي تعبانه و احنا بس بنات و اخوي كان مسافر عن طريق الشغل و فعلا تعذبنا وايد
ممكن تخبروني أذا في مكان و شلون اشتكي و عندي نسختين من أوراق اللي كانت لاصقه ع الباب و كانت تهددنا فيهم ان بسرعه و بيسكرون الكهرباء و نطلع مع ان احنا عمرنا طول هالخمس سنوات ماتاخرنا في دفع أجار البيت اول الشهر كننا نعطيها و البيت احنا كننا نصبغه و نعدله ولي لعوزناها بس ماقدر انسي شلون احنا تلعوزنا و تبهدلنا و شلون كان حال أمي وأبوي :(

[المحاميه]

اشلون جابت اخطار بالهدم وطلع مب صحيح؟
اختي تبين تشتكين على شنو؟
يمكن الموضوع فيه تعب ومعاناه نفسيه
لكن المؤجر والمستأجر لهم الحق بانهاء العقد اذا انتهت مدة الايجار
يخطر الطرف اللي حاب ينهي الطرف الاخر قبل موعد الانهاء وبس

فلو تعتقدين انها انهت العقد معاكم وتبي تأجره حق غيركم بغض النظر عن الاسباب فهذا الشي من حقها وماتقدرين تشتكين عليها فيه

بس لو كانت المده مانتهت وهي اجبرتكم على الخروج اهني ممكن تشتكين فالمحكمه
غير جذي ماعتقد لكم حق

هي حره في ملكها
تأجره او ماتأجره الخ

هذا اللي اشوفه
والله اعلم

[حمد 2002]

بيتها وكيفها ..

وتصرفها صح معاكم ..

[qtr qtr]

قال الله تعالى : ((وَعسَى أن تَكرَهُوا شَيْئًا وَهُو خيرٌ لَكُمْ وعَسى أن تُحبُّوا شَيْئًا وهُو شَرٌّ لَكُمْ وَاللهُ يَعلمُ وأَنتُم لا تَعلَمونَ)) [البقرة: 216]:

ربما هو خير لكم يا اخت الخياله

[Rider]

كيف تشتكون عليها وهي صاحبة الملك

[الخيالة]

اشلون جابت اخطار بالهدم وطلع مب صحيح؟
اختي تبين تشتكين على شنو؟
يمكن الموضوع فيه تعب ومعاناه نفسيه
لكن المؤجر والمستأجر لهم الحق بانهاء العقد اذا انتهت مدة الايجار
يخطر الطرف اللي حاب ينهي الطرف الاخر قبل موعد الانهاء وبس

فلو تعتقدين انها انهت العقد معاكم وتبي تأجره حق غيركم بغض النظر عن الاسباب فهذا الشي من حقها وماتقدرين تشتكين عليها فيه

بس لو كانت المده مانتهت وهي اجبرتكم على الخروج اهني ممكن تشتكين فالمحكمه
غير جذي ماعتقد لكم حق

هي حره في ملكها
تأجره او ماتأجره الخ

هذا اللي اشوفه
والله اعلم


لا ماكان في بيننا عقد اجرت البيت و كل شهر كانت تجيب فاتوره تستلم الاجار و تأخذ لها نسخه
الأوراق عندي اللي مكتوب فيها هدم البيت و لازم نطلع بس عقب اهيه ماهدمت البيت عزاب قاعدين الحين بالبيت

[الخيالة]

بيتها وكيفها ..

وتصرفها صح معاكم ..

بيتها و كيفها!! عادي تبهدل الناس في الصيف و الرمضان و ماترضي تعطينا مهله لين عقب الرمضان ع الأساس في الأوراق مكتوب تاريخ هدم البيت و كانت تقول موبيدي و من هالكلام وآخرته ماهدمت اجرت للعزّاب !!! ماكان بيننا فترة عقد أصلا عشان نقول انتهت مدتنا قعدنا خمس سنوات و كل شهر تاريخ ثلاثين كانت تستلم الاجار بدون اي تاخير ابي اشتكي لان الأوراق من وين جابت ليش قالت هدم و ماهدمت و اجرت للعزّاب جان قالت ابي ااجر لناس غير كل ما نسألها كانت تقول بهدم كامل و بسوي عماره

[الخيالة]

كيف تشتكون عليها وهي صاحبة الملك


انا بس ابي اشتكي لان اذا الأوراق مو صجي كذبت علينا جابت من البلديه أوراق اخطاريه مكتوب هدم كامل بشوف شنو سالفة هالاوراق و للعلم مره بغت تسكر علينا الكهرباء واحنا للحين ماكننا محصلين بيت و محد في البيت احنا البنات و أمي وأبوي و اليهال ضاقت فينا الوسيعه عقب قلنا لها بنتصل وطني الحبيب لانج مب راضيه تنطرين احنا ماحصلنا بيتنا حالتنا حاله عقب مادري خافت أو لا قالت خلاص عيد الفطر تطلعون و بنفسكم شفتوا الكتاب من البلديه وانا ابي ابني عمارة و كلكم لازم تطلعون حتي الجيران

[شموخ دائم]

,

,


مرحبا

الله يساعدك

اذا صدق طلعت شهاده هدم وما اهدمت
( تقدرين تشتكين )

واذا عندك صوره من قرار الهدم


تقدرين تشتكين ( 6 شهور ) هي المهله
للهدم

اذا حد طلع ( شهاده هدم ) له مهله يهدم 6 شهور
واذا ماهدم !!

فهذا تلاعب على العقد والقصد منه التنصل من العقد بطريقه الهدم
واستخدام ورقه الهدم القانونيه
( في غير محلها )

لاخراج المستاجرين
بدون وجه حق

يوجد قانون تم وضعه قبل 4 سنوات
ارجعي ( للجنه فض المنازعات الايجاريه )

اسئلي عن مكانها
وبتفيدك
ويوجد قاضي في اللجنه

وبيطلبون صاحب البيت
ثاني يوم

اهم شي

1- ورقه الهدم
2- البيت مازال مؤجر


اذا كل واحد بيطلع ورقه هدم
ويطرد المستاجرين
تصير الدنيا فوضى

والعقود مالها قيمه حبر وورق

يوجد قانون في لجنه فض المنازعات
,

,

[وسمي2016]

شموخ دائم ,,,,بيض الله وجهك

والله يجعلك في شموخ وفي خدمة اخوانك
فالمنتدى,,,,, ولا هنا قصور من كل المشاركين
والحاضرين,,,,, ربي يسعد ايامكم جميع

اللهم امين

[البعيد]

بعد اذا امقسمة البيت ومأجرة على عزاب حسب الي فهمته من كلامج هذي مخالفات البلدية مسؤولة عنها

ولاهنت ياشموخ ع الرد الوافي

[ساراام]

المشكله مافي بينكم عقد هذا خطأ

لو في عقد وطلعتكم قبل لاينتهي بغير وجه حق اهنيه تقدرين تشتكين

[الخيالة]

,

,


مرحبا

الله يساعدك

اذا صدق طلعت شهاده هدم وما اهدمت
( تقدرين تشتكين )

واذا عندك صوره من قرار الهدم


تقدرين تشتكين ( 6 شهور ) هي المهله
للهدم

اذا حد طلع ( شهاده هدم ) له مهله يهدم 6 شهور
واذا ماهدم !!

فهذا تلاعب على العقد والقصد منه التنصل من العقد بطريقه الهدم
واستخدام ورقه الهدم القانونيه
( في غير محلها )

لاخراج المستاجرين
بدون وجه حق

يوجد قانون تم وضعه قبل 4 سنوات
ارجعي ( للجنه فض المنازعات الايجاريه )

اسئلي عن مكانها
وبتفيدك
ويوجد قاضي في اللجنه

وبيطلبون صاحب البيت
ثاني يوم

اهم شي

1- ورقه الهدم
2- البيت مازال مؤجر


اذا كل واحد بيطلع ورقه هدم
ويطرد المستاجرين
تصير الدنيا فوضى

والعقود مالها قيمه حبر وورق

يوجد قانون في لجنه فض المنازعات
,

,


جزاك الله خير اخوي
نعم الحين مر اكثر من سبع شهور ع الموضوع و ماهدمت البيت جددت بس و اجرت البيت عندي الأوراق

بسأل ان شاءالله عن مكان اللجنة و بشوف انا أسوي هالشي عشان أمي وأبوي انا كنّت اشوف شلون كان حالتهم و تبهدلوا و تلعوزوا شلون في الحر و الرمضان و ماكان بيننا عقد لان صاحب البيت القبلي كان أبوهم و الله يرحمه ماقصر معانا و اجر لنا البيت و عقب وفاته صار ورثه و كل بيت راح حق وحده من البنات و صارت اهيه صاحبة البيت حتي قبل لاتحط الأوراق يوم اللي كانت تبي تخبرنا ان لازم نطل من البيت كانت مطرشه اثنين مصريين و اهمه كانوا داشين البيت لان الباب كان مفتوح و كانوا يطالعون البيت وامي فجاة شأفتهم و تموا يقولون احنا جايين نقول لكم ان لازم تطلعون من البيت أمي خافت و خبرتنا وماكان في ريال بالبيت واحنا طلعنا قلنا لهم يطلعون أو بنجيب شرطه لان دشوا البيت حتي بدون إذن بعدها بكم يوم جابت حطت الأوراق

الله لايحط حد في هالمواقف واحنا مانقول غير حسبي الله ونعم الوكيل وفِي ناس نسوا الرحمة و قلوبهم قاسي

جزاكم الله خير ع المرور و اتمني إغلاق الموضوع بما ان اخوي الشموخ جاوب و عطاني اسم المكان

[معماري قطري]

المحكمة اختي تتكلم بعقود بس بغض النظر عن العقود فيه شهود وهذي استخدمت الحيلة حتى تطلعكم .. وانتشروا اللي يسوون هالفعايل خصوصاً التأجير بالباطن واللف على القانون

ما تخسرين شيء طالبي بتعويض ووضحي حالتج عند اللجنة ثم عند القاضي في المحكمة .. والله يرزقكم خير ويجازي كل ظالم

[معماري قطري]

حتى إحتمال أمر الهدم مزور لتسكتين عن الموضوع

[الخيالة]

مابي تعويض ولا ابي فلوس منها بس ابيها تفهم و تحس باللي احنا مرينا فيها بسبتها ماقدرنا نصوم طحنا مرضي في المستشفي من الضغط والهم و التعب ابيها تعرف ان ربنا ماينسي حد ابيها تفهم شنو يعني حسبي الله ونعم الوكيل تفهم ان رمضان شهر الرحمة واهيه نست كل شي و يوميا اتصال و تهديد اذا ماتطلعون بنسكر الكهرباء ومادري شنو حتي الدوام كننا نداوم ومافينا حيل لان من نوصل البيت نرتب الأغراض وما كننا نقدر يوميا نجيب حد نأجر عمال يأخذون وايد و هم بعد ماكانوا يجون الا نص الليل كانوا يقولون لان رمضان

[الخيالة]

جزاك الله خير اخوي معماري

[مخطط قطري]

احنا سمعنا وجهه نظرج ويمكن وجهه نظر المالك تختلف عن كلامج وهي راعيه الحلال وصاحبه الحق ولا بالعقل شيخلي مالكه العقار تظطر تجيب ورقه هدم عشان بس اطلعكم وماطلعتكم وع كلامج جابت ناس ثانين واجرت لهم البيت بالرغم وحسب ادعاءج انكم كنتو بتزيدون الايجار لها ورفضت يعني الدافع من اخراجكم من العقار مش القيمه الايجاريه مثل ما اغلب ملاك العقار يسسون يطلع المستاجر لانه فيه شخص بيعطيه اكثر ف اصرارها على خروجكم (وهذا حق اصيل لها ) وراه سبب قوي لانعلمه ،،،،
انا عندي عقار تجاري وفي مطعم مشهور بقطر ومسبب ازعاج لباقي المحلات واشتكو عندي من راعي المطعم فكلمته عشان نشوف حل يرضى جميع الاطراف واحنا نتناقش تفاجاءت يقولي بزيدك 5000 بس خلني اقعد مابي اطلع!!!!

[Q-tr]

اشلون جابت اخطار بالهدم وطلع مب صحيح؟
اختي تبين تشتكين على شنو؟
يمكن الموضوع فيه تعب ومعاناه نفسيه
لكن المؤجر والمستأجر لهم الحق بانهاء العقد اذا انتهت مدة الايجار
يخطر الطرف اللي حاب ينهي الطرف الاخر قبل موعد الانهاء وبس

فلو تعتقدين انها انهت العقد معاكم وتبي تأجره حق غيركم بغض النظر عن الاسباب فهذا الشي من حقها وماتقدرين تشتكين عليها فيه

بس لو كانت المده مانتهت وهي اجبرتكم على الخروج اهني ممكن تشتكين فالمحكمه
غير جذي ماعتقد لكم حق

هي حره في ملكها
تأجره او ماتأجره الخ

هذا اللي اشوفه
والله اعلم


مداخله


في اغلب عقود الايجارات واللي عندهم عقارات فاهمين وش اقصدغالبا

هناك شرط ذا لم يتم اخطار اين كان سوا المستاجر ام الموجر بانهاء العقد فالعقد يتجدد اوتوماتكيا......


الله يعينج يااصاحبة الموضوع والحوار العام ليس المكان المناسب للافتاء افضل انج تاخذين العقد وتروحين لقانوني او لجهه مختصه وهم بيفيدونج.....

[المحاميه]

المشكله مافي بينكم عقد هذا خطأ

لو في عقد وطلعتكم قبل لاينتهي بغير وجه حق اهنيه تقدرين تشتكين

صحيح

وحتى لجنة فض المنازعات
بتستند على ايش ومافي بينكم عقد؟
مشكله

[المحاميه]

مداخله


في اغلب عقود الايجارات واللي عندهم عقارات فاهمين وش اقصدغالبا

هناك شرط ذا لم يتم اخطار اين كان سوا المستاجر ام الموجر بانهاء العقد فالعقد يتجدد اوتوماتكيا......


الله يعينج يااصاحبة الموضوع والحوار العام ليس المكان المناسب للافتاء افضل انج تاخذين العقد وتروحين لقانوني او لجهه مختصه وهم بيفيدونج.....

ايوه يتجدد
خصوصا لو العقد لمدة سنه وتم المستاجر وماطلع والمؤجر سكت عنه فهذا رضاء ضمني من الطرفين بقصد التجديد

المشكله انها تقول مابينهم عقد
وتقول جايبه اخطار بالهدم مب صحيح
مادري اشلون
وليش تطلع اللي مستاجرين وماتهدم وماتأجره؟ مانعرف شالقصد

لكن ارجع واقول كلن حر ف ملكه
له حرية التصرف فيه
سواء يستخدمه او يستغله او يستفيد منه
مانقدر نفرض عليه قيد

اضم صوتي لصوت شموخ في انها ممكن تقول ان صادها ضرر ادبي جراء اخطار الهدم مع عدم تنفيذ الهدم فالمده المحدده
غير جذي ماتقدر تشتكي
يعني شتقول والله راعية البيت ماتبي تأجرلنا؟ واصلا مابينا عقد واحنا تضررنا؟

[CH Engineer]

يمكن السبب لو اجرت على عزاب بتاجر بالشخص وهالشي يريحها اكثر
ويمكن تبي تبني ستور و غرف فالبيت و وجودكم ( عايلة) يخرب عليها
هي ما جابت امر اخلاء بالقوه وكانت تقدر تسوي هالشي لان مابينكم عقد بس كانت تخرعكم عشان تطلعون بسرعه ولا شكلها ما كانت راضيه انها أطلعكم بالقو

[الخيالة]

احنا سمعنا وجهه نظرج ويمكن وجهه نظر المالك تختلف عن كلامج وهي راعيه الحلال وصاحبه الحق ولا بالعقل شيخلي مالكه العقار تظطر تجيب ورقه هدم عشان بس اطلعكم وماطلعتكم وع كلامج جابت ناس ثانين واجرت لهم البيت بالرغم وحسب ادعاءج انكم كنتو بتزيدون الايجار لها ورفضت يعني الدافع من اخراجكم من العقار مش القيمه الايجاريه مثل ما اغلب ملاك العقار يسسون يطلع المستاجر لانه فيه شخص بيعطيه اكثر ف اصرارها على خروجكم (وهذا حق اصيل لها ) وراه سبب قوي لانعلمه ،،،،
انا عندي عقار تجاري وفي مطعم مشهور بقطر ومسبب ازعاج لباقي المحلات واشتكو عندي من راعي المطعم فكلمته عشان نشوف حل يرضى جميع الاطراف واحنا نتناقش تفاجاءت يقولي بزيدك 5000 بس خلني اقعد مابي اطلع!!!!


مادري شنو قصدك اذا تقصد احنا كننا مسببين لها الإزعاج أو شي الجيران شاهدين و تاريخ الفواتير حق دفع الاجار دليل ثاني ان عمرنا مل تأخرنا في دفع الاجار و احنا قلنا لها تزيد لين عشر آلاف هاي اللي نقدر و رفضت و اذا اهيه مأجره حق العزاب ست غرف بالبيت غير اللي ورا و الحوش و مواقف السيارات أكيد بتحصل اكثر من عشر آلاف انا اللي علي باروح و يزور ع اللجنة و بقول لهم عن الي صار حتي اذا اهنئ ماسووا شي طول عمري بقول حسبي الله ونعم الوكيل محد راح يحس باللي احنا مرينا فيها و اللي شفنا و ربنا كريم و ماينسي عبده و لكل ظالم يوم و المظلوم بياخذ حقه

اتمني إغلاق الموضوع لان مثل ماقلت حصلت علي اسم اللجنة من اخوي شموخ

[pink pearl]

الله يعينكم والله مرات الواحد يبي يشتكي بس مب عارف يروح؟ وهل بيآخذ حقه ولا لا؟

الله يفرجها عليكم وعلى أمة محمد

[مخطط قطري]

ايوه يتجدد
خصوصا لو العقد لمدة سنه وتم المستاجر وماطلع والمؤجر سكت عنه فهذا رضاء ضمني من الطرفين بقصد التجديد

المشكله انها تقول مابينهم عقد
وتقول جايبه اخطار بالهدم مب صحيح
مادري اشلون
وليش تطلع اللي مستاجرين وماتهدم وماتأجره؟ مانعرف شالقصد

لكن ارجع واقول كلن حر ف ملكه
له حرية التصرف فيه
سواء يستخدمه او يستغله او يستفيد منه
مانقدر نفرض عليه قيد

اضم صوتي لصوت شموخ في انها ممكن تقول ان صادها ضرر ادبي جراء اخطار الهدم مع عدم تنفيذ الهدم فالمده المحدده
غير جذي ماتقدر تشتكي
يعني شتقول والله راعية البيت ماتبي تأجرلنا؟ واصلا مابينا عقد واحنا تضررنا؟
المحاميه لعقود شي والحاصل بسوق شي اخر ،،، انا عندي فيلا سكنيه العقد بيني وبين المستأجر سنتين وكاتبين بالعقد بند ف حاله الرغبه بالتجديد يشعر المستاجر المالك بانه له الرغبه بالتجديد قبل انتهاء العقد بشهرين وانا يوم شفته مابلغني توقعت يبي يجدد وخليته وخلص العقد ودخلنا في شهر جديد والحبيب قاعد ووصلنا يوم ظ¢ الشهر ماوعيت المندوب يكلمني ماعطيه المفاتيح وطالع ماعرفت شتصرف القانوني الصح بس دامه طلع ماقلت له شي ورجعنا له شيك الضمان لانه سلمنا العقار كما هو ومافي اي شي يستحق الصيانه ف اتوقع مب شرط يشعرك انه بيجلس او لا وهذا صار عرف

[المحاميه]

^

بارد عليك عقب

[وحيد-الشوق]

بيتها وكيفها ..

وتصرفها صح معاكم ..

يليت شوي تحسن التصرف وترد برد عدل

الله يكون بعونج اختي هالناس ماينفع معاهم غير الدعاء وقت السجود

[أم هشام]

انا اذكر كتبتي عن موضوعكم هذا اكثر من مرة
و أول شي الله يعين اهلك لان اكيد الكبار في السن صعب عليهم التنقل من بيت لبيت .
لكن اختي اسمحيلي على المداخلة و اللي استنتجتها من المواضيع الللي كتبتيها لنفس المشكلة .
اول شي هيي اعطتكم مهلة 6 اشهر عشان تطلعوا يعنى مش بين يوم و ليله و في رمضان ( لزاما))
و ثاني شي من ردودك في الموضوع السابق يبين انكم لعوزتوها باصراركم انكم ما تطلعوا . يعني لو كانت ناوية تغير رأيها ما راح تغيره مع اصراركم . خاصة انه هذا ملكها و هي حرة . و يمكن اضطرت تعطيكم هالورقة بالهدم عشان تقتنعوا تطلعوا .
يعني اغلب العائلات المستأجرة لما الملاك يخاطبوهم باخلاء المنزل بخلوا المنزل بدون اي شوشرة او جدال و احنا منهم . و علاقة والدي مع المالك الحالي لبيتنا طيبة جدا من ورى حسن التعامل و التصرف من قبل الطرفين .
و اسمحيلي على الرد يمكن قاصي شوي . بس لازم نكون واقعيين شوي ..

[qtr qtr]

انا اذكر كتبتي عن موضوعكم هذا اكثر من مرة
و أول شي الله يعين اهلك لان اكيد الكبار في السن صعب عليهم التنقل من بيت لبيت .
لكن اختي اسمحيلي على المداخلة و اللي استنتجتها من المواضيع الللي كتبتيها لنفس المشكلة .
اول شي هيي اعطتكم مهلة 6 اشهر عشان تطلعوا يعنى مش بين يوم و ليله و في رمضان ( لزاما))
و ثاني شي من ردودك في الموضوع السابق يبين انكم لعوزتوها باصراركم انكم ما تطلعوا . يعني لو كانت ناوية تغير رأيها ما راح تغيره مع اصراركم . خاصة انه هذا ملكها و هي حرة . و يمكن اضطرت تعطيكم هالورقة بالهدم عشان تقتنعوا تطلعوا .
يعني اغلب العائلات المستأجرة لما الملاك يخاطبوهم باخلاء المنزل بخلوا المنزل بدون اي شوشرة او جدال و احنا منهم . و علاقة والدي مع المالك الحالي لبيتنا طيبة جدا من ورى حسن التعامل و التصرف من قبل الطرفين .
و اسمحيلي على الرد يمكن قاصي شوي . بس لازم نكون واقعيين شوي ..

صحيح تذكرت موضوعها

[الخيالة]

انا اذكر كتبتي عن موضوعكم هذا اكثر من مرة
و أول شي الله يعين اهلك لان اكيد الكبار في السن صعب عليهم التنقل من بيت لبيت .
لكن اختي اسمحيلي على المداخلة و اللي استنتجتها من المواضيع الللي كتبتيها لنفس المشكلة .
اول شي هيي اعطتكم مهلة 6 اشهر عشان تطلعوا يعنى مش بين يوم و ليله و في رمضان ( لزاما))
و ثاني شي من ردودك في الموضوع السابق يبين انكم لعوزتوها باصراركم انكم ما تطلعوا . يعني لو كانت ناوية تغير رأيها ما راح تغيره مع اصراركم . خاصة انه هذا ملكها و هي حرة . و يمكن اضطرت تعطيكم هالورقة بالهدم عشان تقتنعوا تطلعوا .
يعني اغلب العائلات المستأجرة لما الملاك يخاطبوهم باخلاء المنزل بخلوا المنزل بدون اي شوشرة او جدال و احنا منهم . و علاقة والدي مع المالك الحالي لبيتنا طيبة جدا من ورى حسن التعامل و التصرف من قبل الطرفين .
و اسمحيلي على الرد يمكن قاصي شوي . بس لازم نكون واقعيين شوي ..

لا اختي اهيه عطتنا مهله يوم احنا قلنا بنتصل وطني الحبيب عشان يمكن نلقي لمشكلتنا حل عقب قالت مو بيدي بيد صاحبة البيت في لندن و بعدها بيومين اتصلت قالت خلاص بعطيكم مهله أكثر و ثاني شي احنا في هالمدة ماحصلنا بيت شنو نسوي يعني ماتم حد ما قلنا له بس ماحصلنا بيت كان في بس غالي و مانقدر ندفع اي مبلغ يعني نطلع نقعد في الخيمة؟ نبهدل الوالد والوالدة في الوقت اللي اهمه يحتاجون الراحه؟! و كننا نقول لها للحين ماحصلنا واهيه كانت تقول هاي اللي مكتوب في العقد كم شهر و لازم تتطلعون ولما خلصت المدة اللي مكتوب في العقد واحنا كننا ضايعين شنسوي كلمتها أمي وقالت بنتصل وطني الحبيب عَل وعسي نلقي حل لان للحين ماحصلنا وقت وللعلم هالفترة بعد كننا مشغولين مع علاج ابوي يعني مب يوميا نقدر نطلع ندور بيت اخر شي مادري شكلها خافت أو ليش قالت خلاص العيد مابيكم تكونون بالبيت ردينا قلنا خلي ع الأقل عقب العيد الناس صايمين حر صعب قامت قطت كلام علي مرت اخوي و قالت خلاص ومادري شنو و لو لا اصرار أمي ان نسكت و بس نقول حسبي الله مرت اخوي كانت تبي تشتكي لانها كلمتها بالفاظ مب زينه احنا الحمدالله من صوبنا لا لعوزناها بيوم ولي شي وربنا شاهد و اتمني ربنا يأخذ حقنا منها و شكرًا لكم ع المرور

[المحاميه]

المحاميه لعقود شي والحاصل بسوق شي اخر ،،، انا عندي فيلا سكنيه العقد بيني وبين المستأجر سنتين وكاتبين بالعقد بند ف حاله الرغبه بالتجديد يشعر المستاجر المالك بانه له الرغبه بالتجديد قبل انتهاء العقد بشهرين وانا يوم شفته مابلغني توقعت يبي يجدد وخليته وخلص العقد ودخلنا في شهر جديد والحبيب قاعد ووصلنا يوم ظ¢ الشهر ماوعيت المندوب يكلمني ماعطيه المفاتيح وطالع ماعرفت شتصرف القانوني الصح بس دامه طلع ماقلت له شي ورجعنا له شيك الضمان لانه سلمنا العقار كما هو ومافي اي شي يستحق الصيانه ف اتوقع مب شرط يشعرك انه بيجلس او لا وهذا صار عرف

انت غلطان
انت سكت عن حقك
فيه بند للاخطار بالتجديد
وهو مااخطرك
يعني المفروض يطلع
ومن باب حرصك
تكلمه وتبلغه ان اليوم الفلاني خلاص اخر يوم
سلم واستلم

اسمحلي انت اهملت وهو استغل

وترا فيه عقود مايعتبر السكوت فيها تجديد ضمني

احسن شي ان الواحد يراكض ورا حقه
خصوصا الحين لان بعض الناس ماعندهم ضمير

[المحاميه]

تقدرين تعتدين بايصال الايجار
بس مادري موقفج ضعيف ولا لا
لان مانعرف هي شبتقول ولا اشلون بتدافع عن نفسها ويمكن تنكر
ولاتنسين ان مابينكم عقد وهذي نقطه سلبيه

لكن جربي واسعي
والله يفك عوقج حبيبتي

انا ماحب حد ينظلم وبالعكس اتمنى انج تاخذين حقج لان دوم الضرر النفسي اكبر من المادي وهالشي معروف
لكن انا ابينلج بعض النقاط اللي بتحطها الجهه اللي بتلجأينلها فالحسبان

موفقه

[الحياة الخالدة]

لا اختي اهيه عطتنا مهله يوم احنا قلنا بنتصل وطني الحبيب عشان يمكن نلقي لمشكلتنا حل عقب قالت مو بيدي بيد صاحبة البيت في لندن و بعدها بيومين اتصلت قالت خلاص بعطيكم مهله أكثر و ثاني شي احنا في هالمدة ماحصلنا بيت شنو نسوي يعني ماتم حد ما قلنا له بس ماحصلنا بيت كان في بس غالي و مانقدر ندفع اي مبلغ يعني نطلع نقعد في الخيمة؟ نبهدل الوالد والوالدة في الوقت اللي اهمه يحتاجون الراحه؟! و كننا نقول لها للحين ماحصلنا واهيه كانت تقول هاي اللي مكتوب في العقد كم شهر و لازم تتطلعون ولما خلصت المدة اللي مكتوب في العقد واحنا كننا ضايعين شنسوي كلمتها أمي وقالت بنتصل وطني الحبيب عَل وعسي نلقي حل لان للحين ماحصلنا وقت وللعلم هالفترة بعد كننا مشغولين مع علاج ابوي يعني مب يوميا نقدر نطلع ندور بيت اخر شي مادري شكلها خافت أو ليش قالت خلاص العيد مابيكم تكونون بالبيت ردينا قلنا خلي ع الأقل عقب العيد الناس صايمين حر صعب قامت قطت كلام علي مرت اخوي و قالت خلاص ومادري شنو و لو لا اصرار أمي ان نسكت و بس نقول حسبي الله مرت اخوي كانت تبي تشتكي لانها كلمتها بالفاظ مب زينه احنا الحمدالله من صوبنا لا لعوزناها بيوم ولي شي وربنا شاهد و اتمني ربنا يأخذ حقنا منها و شكرًا لكم ع المرور
لما خلصت المدة اللي مكتوب في العقد !!
أي عقد ؟؟

[الحياة الخالدة]

لا ماكان في بيننا عقد اجرت البيت و كل شهر كانت تجيب فاتوره تستلم الاجار و تأخذ لها نسخه
الأوراق عندي اللي مكتوب فيها هدم البيت و لازم نطلع بس عقب اهيه ماهدمت البيت عزاب قاعدين الحين بالبيت
تقولين ما كان في بيننا عقد

[المحاميه]

يمكن قصدها المده المكتوبه ف اخطار الهدم

[ولي العهد]

بيتها وكيفها ..

وتصرفها صح معاكم ..

بيتها وكيفها ماختلف معاك اما تصرفها صح فلالالالالالالالالالالالا والف لالالالالالالالا ولا فيه اي من الانسانية والرحمه والشفقه

اطالب ادارة المنتدى يعطونك تقاعد قمت اتخورها

[بوحارب]

هذا تلاعب على الدولة انها تجيب ورقة هدم مبنى ومن ثم ما تهدمة

الله يعينكم ويعوضكم خير




بيتها وكيفها ..

وتصرفها صح معاكم ..

حمد روح قسم الأستراحة نزلوا موضوع جديد

وخل مواضيع الكبار للكبار اوكي حبيبي :)

[R 7 A L]

الحين اكيد انتي في بيت جديد وابوك وامك عندك وطيبين وبخير
وش لك بعوار الراس ومحاكم وانتي ماخسرتي شي

[مخطط قطري]

انت غلطان
انت سكت عن حقك
فيه بند للاخطار بالتجديد
وهو مااخطرك
يعني المفروض يطلع
ومن باب حرصك
تكلمه وتبلغه ان اليوم الفلاني خلاص اخر يوم
سلم واستلم

اسمحلي انت اهملت وهو استغل

وترا فيه عقود مايعتبر السكوت فيها تجديد ضمني

احسن شي ان الواحد يراكض ورا حقه
خصوصا الحين لان بعض الناس ماعندهم ضمير
بالعكس المحاميه انا ما اهملت الا تابعت الموضوع واي عقد عندي قبل لايخلص بفتره نتصل في المستاجر ونساله اذا بيجدد خير وبركه ,, مب مجدد عندي فتره اسوق عقاري شهر او شهرين قد حصلت مستاجر جديد ,,, احنا كنا نتصله قبل الشهرين مسكر طلع الاخ مسافر ومسكر البيت لاني ارسلت المندوب يمر عليه قالي البيت مافيه حد والي علمنا انه مسافر جاره وماعندنا الا وسيله اتصال وحده جواله ومغلق لين قبل لاينتهي العقد بايام وعقب ماكلمناه نظرا لانشغلنا بامور هامه اخرى وبنفس الوقت توقعته بيجدد

[غريب الدّار]

هل كل من طلع ورقة هدم ، يجب عليه أن يهدم؟
قصدي هل القانون يلزم كل من طلع تصريح هدم انه يهدم؟ ولا الامر اختياري؟
لان يمكن انا أكون صاحب عقار وابي اهدم وعقب اغير رايي

كيف تقدر تثبت سوء النية في الموضوع ؟؟

هاذي نقطة


النقطة الثانية :
صاحبة الموضوع تقول ان ماكان في عقد ايجار بينهم وبين صاحبة البيت ؟؟؟ !!!!

لا ماكان في بيننا عقد اجرت البيت و

يعني قدام القانون (أتوقع) مالهم صفة من البداية
هل يقدر أي شخص انه يشتكي على صاحبة البيت لو ماكانت له أي صفة؟؟


والله يعينج اختي ياصاحبة الموضوع ويوفقج ويشافي مريضكم

[المحاميه]

الحين اكيد انتي في بيت جديد وابوك وامك عندك وطيبين وبخير
وش لك بعوار الراس ومحاكم وانتي ماخسرتي شي

الضرر المعنوي اخوي رحال كبير ومايتعوض

[المحاميه]

بالعكس المحاميه انا ما اهملت الا تابعت الموضوع واي عقد عندي قبل لايخلص بفتره نتصل في المستاجر ونساله اذا بيجدد خير وبركه ,, مب مجدد عندي فتره اسوق عقاري شهر او شهرين قد حصلت مستاجر جديد ,,, احنا كنا نتصله قبل الشهرين مسكر طلع الاخ مسافر ومسكر البيت لاني ارسلت المندوب يمر عليه قالي البيت مافيه حد والي علمنا انه مسافر جاره وماعندنا الا وسيله اتصال وحده جواله ومغلق لين قبل لاينتهي العقد بايام وعقب ماكلمناه نظرا لانشغلنا بامور هامه اخرى وبنفس الوقت توقعته بيجدد

اقولك لازم تراكض ورا حقك
مب كل الناس عندها ذمه وضمير

الله يعينك

[partyQtr]

اختي صح طلعتو من بيتها

اش لج بالمشاكل وعوار الراس وركضة المحاكم

لو هي ظلمتكم او غلطت في حقكم ربي بحاسبها وتحسبي عليها

اما سالفة تشتكين وتفتحين عليج باب مالها داعي كلش سواء

كان الحق معاج او العكس