مشاكل الصيانة وحلها من تجارب الأعضاء

[معماري قطري]

واجهتني مشكلة غريبة يوم الأربعاء 2 / 11 هذا الشهر

ملخصها كنت طالع من البيت وجاني اتصال الساعة 10 تقريباً الليل من بنتي تقول إن البلاط فوق في الصالة تقشع من مكانه .. رجعت بسرعة وشفت الوضع ونزلت تحت تفحصت الجدران والأسقف من تحت .. البلاط فوق كل بلاطة 120 في 60 سم كبار وثقال ومثبتين زين ما كنت عمري اتخيل بيتحركون .. حتى بفعل فاعل ثقلهم كفيل بثباتهم

سبحان الله كأنه اصطدام ببعض وارتفاع فجأة لفوق حول 20 سم في أماكن وفي أماكن قليل جداً وفي أماكن لا يلاحظ

ليلتها يمكن نمت ساعة وكنت مخطط شسوي وافكر وايد في السبب .. هل هو الحفريات قربنا لدرجة تهتز الأرض؟ أو الحفر لخط الريل تحت بيتنا والمحطة قريبة لازم كل ما قرب الخط منها يرتفع لسهولة خروج الناس من المحطة

خفت من مشكلة انفكاك قضيب حديد وتحريكه للبلاط لأن فيه حديد تم غمسه حتى يشد الدرج ويكون معلق

من صبح كلمت الباكستاني ولد فريجنا ومن مواليد قطر وقال انا قريب قلت لا تأخر ساعة حتى يطلعون العيال بعدين تعال .. جاء وشاف وصور وقال باشوف لك بلاطين وان شاء الله الشغلة سهلة وباجيب مونة زينة ولا تهتم

الساعة ثنتين جاوا وبدوا يشيلون البلاطات .. شلوا 10 كل وحدة بمساحة 0.72 متر مربع يعني العشر حول 7.2 متر مربع مب مساحة بسيطة وكلها في وسط الصالة .. بقوا بلاطات شبه مفكوكات بس لو بنشيلهم بعد قصة .. الشيل كان بقص القراوت في الأطراف والرفع من الجانب المنفك شوي شوي وخذ حول ساعتين .. لكن العجيب البلاطات غالبيتهم منفصلين عن المونة تحتهم انفصال تام .. أما لسوء التركيب أو بسبب الهزات من الحفر

مع العلم انا مركب البلاط على خرسانة وكانت الأرض تحت نظيفة ولا فيها كراكات ولا انحناء .. والتركيب كان سهل بس بلاطتين انكسرت أطرافهم وقت النزع وبلاطة صادها انحناء من قوة ضغط التمدد .. والبيت صار له 12 سنة مبني

هذي صورة توضح الأكثر ارتفاعاً بس الارتفاع جاء لهم كلهم والصبية كانت بعيدة تحت بحدود 20 سم

http://i.imgur.com/M0Qknoq.jpg

كان ظلام داخل ولا يبين شصاير

http://i.imgur.com/8wdxzjy.jpg

هنا الأبطال وهم يشيلون البلاطات

http://i.imgur.com/44wX8Ew.jpg

كنت منهمك معاهم ونسيت التصوير لأن بقت بلاطتين ما شلوهم وكان شيلهم صعب لأنهم لازم نحرك النعلات وفي الطرف لاصقين عدل

وهذي النتيجة بعد عمل القراوت واللاصق اللي حطيناه تحت مايل للأبيض صناعة قطرية ورشحه الفورمان وقلت زين لأن العمل لازم يتم بسرعة

http://i.imgur.com/xHxjPZt.jpg

http://i.imgur.com/b37CtDY.jpg

http://i.imgur.com/dQ37RwQ.jpg

الشغل استغرق 6 ساعات من ثنتين لين ثمان الليل وكلف 250 ريال وكنت معطيهم 500 حق المواد وخليت الباقي لهم

وهذي المكسورة كسرة ذكرى إن شاء الله آخر الأحزان

http://i.imgur.com/WgaPZKe.jpg

وأرجوا مشاركتي بمشاريع صياناتكم وبتعليقاتكم

بنتي تشمتت فيني تقول شغلك غش

[معماري قطري]

إخوي يقول تفككت بعد بلاطات عنده وباسئل جاري إن شاء الله

الظاهر الحفريات القوية كانت السبب

[سعود.]

إخوي يقول تفككت بعد بلاطات عنده وباسئل جاري إن شاء الله

الظاهر الحفريات القوية كانت السبب


صحيح يابوعبدالله

الحفريات ممكن تأثر على الديكور بعد .*

بسيطة بأذن الله .

[لطيف الروح]

بسيطه ان شاء الله اخوي معماري قطري
سؤال البلاط الي تقصده هو للصالة في الدور الأول او الدور الارضي
اذا كانت صالة الدور الاول فكم الطول و العرض و نوع السقف هل هو هوردي او صولد و سماكته و حديد التسليح

[Azizuk]

اولا الحمدالله على السلامة وزين انها جاءت على بلاط مب شي ثاني لا قدر الله


بس نفس المشكلة صارت في بيت عمي على نفس حجم ومقاس البلاطة اللي عندك 120*60

انا توقع ان حجم البلاطة هو المشكلة

والله خوفتني انا ماخذ حق المجلس الخارجي نفس الحجم من نوع بيراندا إسباني( peronda )

تتوقع لازم ماتتركب زيرو جوينت ويكون الفاصل بين كل بلاطة وبلاطة على الأقل 2 مم أو 1 مم

[معماري قطري]

صحيح يابوعبدالله

الحفريات ممكن تأثر على الديكور بعد .*

بسيطة بأذن الله .

هي الله يسلمك مب بس حفريات .. هدم المحطة يهز الأرض هز وفترة طويلة .. ألحين بدوا يحفرون

وبعدين الحفار الدائري بيمر تحت البيوت وبيرتفع كل ما قرب صوب المحطة والخوف الأكبر من انهيارات فجأة

[معماري قطري]

بسيطه ان شاء الله اخوي معماري قطري
سؤال البلاط الي تقصده هو للصالة في الدور الأول او الدور الارضي
اذا كانت صالة الدور الاول فكم الطول و العرض و نوع السقف هل هو هوردي او صولد و سماكته و حديد التسليح

الدور العلوي ( الأول ) والسقف هذا two way slab ومقوى بحديد اضافي 20 ملم حتى يشد الدرج لأن الدرج بدون عمود تحته .. ومثل ما هو واضح من الصور الصبية تحت ما فيها شيء

[سعود.]

هي الله يسلمك مب بس حفريات .. هدم المحطة يهز الأرض هز وفترة طويلة .. ألحين بدوا يحفرون

وبعدين الحفار الدائري بيمر تحت البيوت وبيرتفع كل ما قرب صوب المحطة والخوف الأكبر من انهيارات فجأة


بأذن الله انه مايصير الى كل خير .

[معماري قطري]

اولا الحمدالله على السلامة وزين انها جاءت على بلاط مب شي ثاني لا قدر الله


بس نفس المشكلة صارت في بيت عمي على نفس حجم ومقاس البلاطة اللي عندك 120*60

انا توقع ان حجم البلاطة هو المشكلة

والله خوفتني انا ماخذ حق المجلس الخارجي نفس الحجم من نوع بيراندا إسباني( peronda )

تتوقع لازم ماتتركب زيرو جوينت ويكون الفاصل بين كل بلاطة وبلاطة على الأقل 2 مم أو 1 مم

الله يسلمك ويسلم جميع من يقرأ

احنا يومها الظهر المكيف يشتغل والليل بندناه ودفأ المكان بسرعة والظاهر التمدد سوى ضغط وانفك مرة وحدة .. العيال يقولون طلع صوت قوي خرعهم وكل شيء صار فجأة

انا هذا مسويه زيرو جوينت أو تقريباً زيرو جوينت والمساحة 6.1 العرض والطول 8.5 بس في الوسط جاي قوس فتحة الدرج مقلل المسافة لحول 7 متر

لو بتسوي زيرو جوينت أو حتى بقراوت القراوت قوي وما ينضغط لازم تركب فواصل تمدد أفضل .. شوف لو كل 3 أمتار كافية إن شاء الله .. شوف فيلاجيو داخل كله فواصل ربر حتى شكلها حلو

الفورمان يقول بيوت كثيرة تستوي هشكل خصوصاًً المهجورة أو اللي مسافرين أهلها فترة طويلة

[معماري قطري]

بأذن الله انه مايصير الى كل خير .

إن شاء الله ماخذين احتياطاتهم

قالوا بنركب مجسات ولا ركبوا شيء

[سعود.]

من فترة كنت ابحث عن طرق تركيب الارضيات . الاغلبية يقول لازم على الاقل 1 ملم فاصل . وموضوع قص ليزر وانة لازم يركب بدون فاصل ( زيرو جوينت ) اتوقع فقط للبلاط نخب اول . عاد تعال اشلون الحين بعرف انه نخب اول كل الي شفتة سواء بالنهار او بالليل يبين فية التموجات من انعكاس اضوء . وحتي طريقة وضع بلاطتين على بعض ماظن الواحد بيسويها على جميع البلاط .

اترك الميكرفون لكم ....

[معماري قطري]

من فترة كنت ابحث عن طرق تركيب الارضيات . الاغلبية يقول لازم على الاقل 1 ملم فاصل . وموضوع قص ليزر وانة لازم يركب بدون فاصل ( زيرو جوينت ) اتوقع فقط للبلاط نخب اول . عاد تعال اشلون الحين بعرف انه نخب اول كل الي شفتة سواء بالنهار او بالليل يبين فية التموجات من انعكاس اضوء . وحتي طريقة وضع بلاطتين على بعض ماظن الواحد بيسويها على جميع البلاط .

اترك الميكرفون لكم ....

هو اخوي سعود ال 1 ملم بينملي مادة صلبة نفس ال 0 ملم واللي البلاط فيها ملاصق لبعض ما فيه مجال للتمدد .. غرفنا كلها فوق 3 في 3 اللي هي المساحة الآمنة وبعدها لازم تحط فاصل تمدد .. فاصل مرن ربر أو ماستك قابل للانضغاط .. لو تشوف البلاطتين اللي احتكوا في بعض وصارت الهوشة بينهم في البداية بتقول صج الضغوط الحرارية قوية .. استغربت متنفة الأطراف كأنها مضروبة بمطرقة ولو كان بلاط ضعيف كان تكسر كله .. هذا 12 ملم وعاش 12 سنة بدون أي كسر لكن الضربات للهدم والحفر أكيد فككت الالتصاق واستوى أي تمدد يعني قابلية الحركة والانفتاح

بالنسبة لوضع بلاطتين فوق بعض أكيد تحتاج مواد قوية ومناسبة ولازم فواصل التمدد

أحسن مكان لفاصل التمدد في البيوت والمساحات الصغيرة في الأطراف وعند الأبواب وباسوي بحث إن شاء الله وبحط من اليوتيوب توضيحات .. في الطرف لأن النعلة تغطي الفاصل وعند الباب ممكن تغطيته بالسجاد أو بقطعة الرخام اللي تكون فاصل بين مساحة ومساحة

[سعود.]

هلا بوعبدالله

المقصد من 1 ملم هو اخفاء العيوب اذا وجددت وبعض اطراف البلاط خصوصآ البورسلان تكون اطرافة حادة ووضع 1 ملم راح يغطي الطرف الحاد .

هذا الي فهمته من خلال البحث عن طرق تركيب البلاط .

[سعود.]

https://m.youtube.com/watch?v=c339CYALBjk

بوعبدالله

هذا رابط ( لماجد المحيميد ) صاحب موقع وكتاب للبناء فنون .
لاحظ في المقطع حاطين فاصل بلاستيكي 1 ملم . سبق ان تكلم عندها على حسابة في تويتر . وذكر الملاحظات الي ذكرتها لك .

[الفني]

مرحبا اخوي معماري قطري كيف حالك ان شاء الله تكون بخير وصحة . السبب الرئيسي وراء تفكك السيراميك عن الأرضيات هي الرطوبة العالية خلفه فبسببها تنتفخ الواجهة الأساسية وتدفع بالسيراميك الى الأمام مما يسبب الخلع .

[معماري قطري]

https://m.youtube.com/watch?v=c339CYALBjk

بوعبدالله

هذا رابط ( لماجد المحيميد ) صاحب موقع وكتاب للبناء فنون .
لاحظ في المقطع حاطين فاصل بلاستيكي 1 ملم . سبق ان تكلم عندها على حسابة في تويتر . وذكر الملاحظات الي ذكرتها لك .

ما قصرت كلامه واقعي واتفق معاه ومثل ما قلت الملمتر حق ضبط الحواف .. البورسلان الزين يجي فيه شطفة صغيرة بحدود ملم تسوي 45 درجة منها حتى لو ألصقته زيرو جوينت يبين فراغ بسيط وممكن نستخدمه كفاصل تمدد بشرط ما نحط مونة وكذلك تكون حافته ناعمة لو بلاطة شوي مرتفعة واللي عندي إيطالي من نفس النوع

[معماري قطري]

مرحبا اخوي معماري قطري كيف حالك ان شاء الله تكون بخير وصحة . السبب الرئيسي وراء تفكك السيراميك عن الأرضيات هي الرطوبة العالية خلفه فبسببها تنتفخ الواجهة الأساسية وتدفع بالسيراميك الى الأمام مما يسبب الخلع .

هلا فيك اخوي الفني .. بخير الله يسلمك ويا عساك بخير

كلامك صحيح لو ما فيه قراوت يسد الفجوات ولو الصبية رطبة وحطينا عليها البلاط .. لو ترجع للصورة بتشوف القراوت الخاص وهو بحبيبات صغيرة وقوي جدا .. بتشوفه قايم قطعة وحدة مثل الخط وصلب جدا .. هذا يخلي مهمة تغلغل الماء مشن امبوسيبل

[بوخالد911]

عانك الله بش مهندس.

[معماري قطري]

عانك الله بش مهندس.

وياك يالغالي .. صحيح ليلتها تميت ادعي بتسهيل الموضوع لأني خفت يكون فيه خلل من الصبية تحت وأفكاري راحت بعيد .. والحمد لله الله وفقني باصلاح سريع ونوعاً ما مرضي ما عدا البلاطتين اللي انسكرت أطرافها والتكلفة بسيطة جداً .. صدقني لو عرب ما ياخذون أقل من 2000 ريال وما يسوون الشغل في 6 ساعات متواصلة

[سعود.]

[B]https://youtu.be/CMh8WtUZdRw

وش رايك بهذا الكلام ؟؟؟

[معماري قطري]

[B]https://youtu.be/CMh8WtUZdRw

وش رايك بهذا الكلام ؟؟؟

100% صحيح ولازم نسوي هالطريقة حق سور السطح مع تمديد الأعمدة وحتى لو سوينا جسر فوق يكون أقوى وأفضل

[معماري قطري]

أُمور بسيطة وتفاصيل مهمة مثل ذي تعني الفرق في الجودة والشغل المضبوط .. بيت الوالد توه ماكمل 3 سنين حاطين طابوقة بدال الجسر المقلوب ومستوي شلخ محدد مكان الطابوقة وهذا ما انتبهت له انا والاستشاري كذلك

[سعود.]

أُمور بسيطة وتفاصيل مهمة مثل ذي تعني الفرق في الجودة والشغل المضبوط .. بيت الوالد توه ماكمل 3 سنين حاطين طابوقة بدال الجسر المقلوب ومستوي شلخ محدد مكان الطابوقة وهذا ما انتبهت له انا والاستشاري كذلك

فعلا الجسر المقلوب مهم للي بيبلط سطح بيتة .

[سعود.]

100% صحيح ولازم نسوي هالطريقة حق سور السطح مع تمديد الأعمدة وحتى لو سوينا جسر فوق يكون أقوى وأفضل


توقعتك بتوافق .

[معماري قطري]

توقعتك بتوافق .

دوم مع الصح اخوي سعود بس لو معلومة غلط احاول اوضح الصح وخلفياته

المطر جاي ونبغي صيانة المطر وحلولها

أوقات يكون الموضوع بسيط وانت ما تلاحظه وتحسب حساب أشياء أكبر .. انا مسوي قبة ومسوي فيها 8 درايش ثابتة جاية مع ميلان القبة ومن تحت عريضة وفوق أقل عرض .. يعني مثل طرف فلح البرتقالة .. الألمنيوم معمولة له كسرة بحيث يثبت من الصوبين .. يعني ثابت ومغلق باحكام وفوق هذا عليه بليته ألمنيوم جايه مغطية الفريم اللي معمول له ماستك ولاصقة عليه من فوق لحمايته من الحرارة ومن أي تسريب

من سنتين ويمكن 3 بدت تسرب ولا عرفت من وين رحت حق تدمر قلت ابي اعزل منطقة القبة لأن سقفها نازل وغير عن باقي السقف .. سوينا لها عزل وبعد سربت .. تعقد وكلمت مديرهم قال لي مستحيل عزلنا زين وطرش حد يصلحه وبعد خرت .. نقاط بسيطة بس مزعجة

بعد كل هاللفة ناديت السواق يشوف من تحت ومعاه عمال بنيان مب ألمنيوم وصبينا ماي فوق ودققوا وين تسرب وكشفوا الماي ينزل من طرف وحدة بس من ال 8 درايش ويتسرب على الكورنيش ويصب من جهة غير .. ركبوا وشافوا حصلوا الحديدة اللي فوق منفتحة ( قطعة الالمنيوم ) والماستك منتهي ويسرب وحطوا بداله سيليكون وغطوه بقطعة الالمنيوم وهالمرة أول اختبار وكانت العملية ناجحة

خراب الماي يحتاج تصرف سريع وانتباه وتدقيق حتى تعرف وين التسريب وما تخسر كثير

[الوطنيه]

بالتوفيق