نقاط تفتيش على الليسن ضروره

[MAZEN37]

تحياتي
ملاحظ كثير من السيارات يسوقونها شباب صغار تحت ال 18 تواجدهم ملفت للنظر يا ادارة المرور
حتى في مراهقين صغار ومنهم يروح المدرسه بسياره
ولي امر الطالب يتساهل مع ابنه او انه مب قادر عليه
لكن
ارواح الناس غاليه
على الجميع التقيد بالقانون والحزم
اقترح نقاط تفتيش عند المدارس الثانويه وشرطة مرور تفتش على صغار السن بالتحديد وفي الحارات وعند محلات الكرك والاسواق
على الاقل حجز السيارة لا تقل عن 3 شهور

[بانغ بانغ]

اييييييه يا مازن

اتقولي نقاط

المفروض سجن ومنع ليسن للابد

العام الماضي طالب في الثانوية في الوكرة ما عنده ليسن ركب معاه اثنين من نفس الصف

وكان مسرع وانقلبوا على خط مسيعيد

الاثنين الابرياء ماتوا وكانوا وحيدين اهلهم والمذنب تم حي

كيف اهل الابرياء ايحسون الحين !!!!

[R 7 A L]

مؤيد لكلامك
وياليت الي يمسكونه وعمره تحت 18
يسجنون ولي امره الي سمح له عشر أيام ويحجزون السيارة عشر ايام

[بوحارب]

والله بعض هالمراهقين يسوقون احسن بألف مره من بعض العرب والأسيويين والحريم في الشارع

وبعض سواقين كروه الأغبياء :)

هذولي اللي يبيلهم سحب ليسن ونقاط تفتيش

وأكيد الشي هذا غلط لكن بعض الأسر محتاجه ولدها يسوق ويقبض موتر خصوصا اذا كان هو الوحيد في البيت

بس على شرط أن يكون عاقل ومب طايش ومتهور يذبح خلق الله

[monatee]

يجب معاقبه ولي الامر .. او من اعطاه السياره .. عقوبه جنائيه

[qtr qtr]

فئه تخرب على فئه
في بعضهم ماشاءالله عليهم ركاده فالسواقه ومشواره من البيت للمدرسه ومن المدرسه للبيت
او مودي اهله الجمعيه مب الكل نفس الطيش اهم شي يحطون تحريات واللي يستعرض ويسوق بتهور يمسكونه وحجز بلا حب اخشوم ولا واسطه
والمصيبه قدام عيني عند المدرسه شباب بعمر ال20 يستعرضون يعني اللي بعمر 17 اركد منه هنا المصيبه
ولا تنسى بعضهم شكله يبين صغير تقول تحت 18 وهو ماشاءالله طاف ال20 .

[بوخالد911]

لازم الابن + الأب ينقطون بالسجن.

[سعود.]

يجب معاقبه ولي الامر .. او من اعطاه السياره .. عقوبه جنائيه

بالضبط

[نفسي عزيزه]

بالماضي سقت وانا بالاعدادي اروح للمدرسه واقدر اقول ان هذا العمر خطيررر جدا واي حد ياثر عليك وتحفص وتسابق واحتمال حوادث فانتبهو لابنائكم الله يرضى عليكم انا فقدت اعز صاحب لي والسبب هالسيارات


والحمدلله على كل حال

[بانغ بانغ]

امس اتمشى والا موتر بدون سواق طلع جدامي ، توقعت جني عنده كتشه !

طلع ياهل يادوب راسه ايصك التكاية

يحليله اسواقته هاديه بس والله خطر وين اهاليهم

[راجي الْعفو]

بالماضي سقت وانا بالاعدادي اروح للمدرسه واقدر اقول ان هذا العمر خطيررر جدا واي حد ياثر عليك وتحفص وتسابق واحتمال حوادث فانتبهو لابنائكم الله يرضى عليكم انا فقدت اعز صاحب لي والسبب هالسيارات


والحمدلله على كل حال

عطنا سوالفك لا نخشها ^_^

امس اتمشى والا موتر بدون سواق طلع جدامي ، توقعت جني عنده كتشه !

طلع ياهل يادوب راسه ايصك التكاية

يحليله اسواقته هاديه بس والله خطر وين اهاليهم

وانت لا تطلع نفسك براءة ^_^
شكلك كنت مغبر الفريج

_________________----

في الفترة الأخيرة لاحظت تشديد من دوريات المرور على هالفئة العمرية
حتى صارو يوقفونهم في الفرجان اذا شافوهم

[MAZEN37]

ياا راجي العفو تعال على اي مدرسه ثانويه وشوف العجب نص طلاب هالمدارس مواترهم بباركنج المدرسه عيني عينك

[aloosh]

الى يفتشون على الاجانب واعاده النظر في ليسنهم اللي يجيبونها من بلادهم
اقلب الحوادث من الاجانب واخطرها

[أبو راكان]

في احد المدارس الثانوية شفت عدد سيارات الطلاب من غير مبالغة اكثر من 100

[ya3coub]

من طالب لي طالب يفرق في الي كمل الثمنطعش و ما عنده وقت للمدرسه خصوصا و الحين للي ما يدري المرور يسقطون الكل بسبب او بدون اجانب او قطريين في تساهل بس للبنات الكل راسب !!!!


و بالنسبة للمدارس ماله داعي دورية تروح لين المدارس علشان تخالف انما اذا شافو اشتباه او قياده برعونه عقبها خالفو و سفلو بالمراهق و بالي عطاه السيارة بس في كثير و شوف عيني صحيح بدون ليسن بس باحترام و ركاده و للأسف البعض لما ياخذ الليسن يخترب !!!!

انا مع الطلاب يسوقون فالثنوية و مع ايضا كل ثنوية يكون في لها وقت مخصص فالسنة بمواقف المدرسه يعلمونهم السواقه و ايضا المرور يرخص اللياسن بالإمتحانات بالظبط نفس امريكا

الي احنا انقول من 18 عندهم السواقه من سطعش و فالمدارس الإمتحان يكون و متعارف عليه الي يقدر عليه يقدم و الي ما يقدرون ما يقدمون و على حسب الولايات و المدارس بعد.

[معماري قطري]

ولدي في ثالث ثانوي ومشتط يبي يسوق أقول له بالقانون أول ليسن بعدين تسوق مع السائق وهو يرجع السيارة من المدرسة لين يعطونك ليسن كامل مب تحت التعليم

اقتنع بروحه قال خلاص باصبر

[معماري قطري]

من طالب لي طالب يفرق في الي كمل الثمنطعش و ما عنده وقت للمدرسه خصوصا و الحين للي ما يدري المرور يسقطون الكل بسبب او بدون اجانب او قطريين في تساهل بس للبنات الكل راسب !!!!


و بالنسبة للمدارس ماله داعي دورية تروح لين المدارس علشان تخالف انما اذا شافو اشتباه او قياده برعونه عقبها خالفو و سفلو بالمراهق و بالي عطاه السيارة بس في كثير و شوف عيني صحيح بدون ليسن بس باحترام و ركاده و للأسف البعض لما ياخذ الليسن يخترب !!!!

انا مع الطلاب يسوقون فالثنوية و مع ايضا كل ثنوية يكون في لها وقت مخصص فالسنة بمواقف المدرسه يعلمونهم السواقه و ايضا المرور يرخص اللياسن بالإمتحانات بالظبط نفس امريكا

الي احنا انقول من 18 عندهم السواقه من سطعش و فالمدارس الإمتحان يكون و متعارف عليه الي يقدر عليه يقدم و الي ما يقدرون ما يقدمون و على حسب الولايات و المدارس بعد.

مهندس يعقوب في أمريكا بعض الولايات من 15 وبعضهم 16 بس الشرطة ما عندهم لعبة وتحصل الصغار يخافون أكثر من أي حد ومنضبطين عدل

[معماري قطري]

عطنا سوالفك لا نخشها ^_^


وانت لا تطلع نفسك براءة ^_^
شكلك كنت مغبر الفريج

_________________----

في الفترة الأخيرة لاحظت تشديد من دوريات المرور على هالفئة العمرية
حتى صارو يوقفونهم في الفرجان اذا شافوهم

انا ما سئلتني كنت اصيح من الخوف وما ازيد عن 60