لازم نلوم الحريم في كل الأحوال !

[غريب الدّار]

السلام عليكم

مساكم الله بالخير


بسم الله ندخل في الموضوع :


1- الأعراس : ياخي هالحريم لعوزونا ! عرس الرياييل مايكلف لازم عرس الحريم يكلف ، قاعة مادري بكم ، وكوشة مادري شلون شكلها :anger1: وبعض البنات يبون طريقة معينة للدخول لهم ولازواجهم ، ياخي بدون عرس الحريم تقل التكاليف


2- ليلة القرنقعوه : ياخي هالحريم مشكلة !! لازم أكياس معينة لعيالهم ولازم ثياب خاصة وتوزيعات مادري شلون شكله ، خربوا التراث وقعدوا :anger1:

3- السفر : ياخي الحريم يحبون يدورون الأسواق ووايد يشترون ، مايخلون شي مايشترونه

4- الخدم : فلانة عندها 3 او 4 خدامات شدعوة!! ماتبي تسوي شي وماتبي تتحرك وكل هاذول خدم حق بيتها وعيالها



طبعا اللي تم ذكره مجرد أمثلة ، وفي غيرها الكثير


يمكن مانقدر ننكر ان بعض الأمور تحصل سواء في مجتمعنا او مجتمعات ثانية ، لكن السؤال المهم :
هل فعلا المشكلة في الحريم ؟؟؟؟؟

اللي ابي أقوله يالربع :
ترى المشكلة في الرجال من البداية


يعني اللي يتهم الحريم بكل هالصفات ، طيب وين دوره هو ؟؟ ليش صرنا نقط كل شي على الحريم حتى في حالة الغلط وين دور الرجل؟

ادري الحريم امهاتنا وخواتنا وخالاتنا وعماتنا ، يمكن يغلطون
لكن اللي يبي ينتقد زوجته ، وين دورك ليش مامارست قوامتك؟؟


اللي يبي ينتقد بنته : وين دورك كأب؟؟؟ ليش ماسنعتها؟


اللي تنتقد بناتها : وين دورج كأم ؟؟؟ مب انتي اللي ربيتيهم ؟



هل المشكلة فقط من الحريم ؟؟ ام ان غياب الرجل عن المشهد والسماح بأمور كثيرة أدى للوضع اللي مايعجب الكثيرين؟
الكثيرين صاروا اول مايشوفون وحدة ممشاها لاسمح الله ................... ، الواحد منهم يقول : وين ابوها؟ وين اخوها؟ وين زوجها ؟ الشرهة عليهم هم اللي امخلينها -----> يعني المشكلة فيهم من البداية ؟

المايك لكم



ملاحظة : ماانفي الخطأ عن الحريم في أمور كثيرة لكن اعتقد ان الرجل له دور في الموضوع بشكل أو بآخر


ادري ان في بعض الأحيان المعطيات تكون ضد الرجل (ومابي ادخل في تفاصيل لان الموضوع بيتشعب ) لكن هل تشوفون الدور مشترك ؟

[شبح الصمت]

وعليكم السلام ورحمة الله وبركاته ،،


في امور نحن نشترك فيها
وفي امور عند البعض لا حول ولا قوة لهم بها ..
بس يتم عبارة عن مشاهد من بعيد ومبقق عيونه ..:eek5:


بنتكلم عن نقطة الاعراس
دور الرجال ضايع مسكين لانه بيقولون له انت اش عرفك واشدراك وانت ما تعرف شيء وطبعاً البعض ما يبي يعور راسه فبيسلمهم الخيط والمخيط وبيتم يطالع من بعيد ..

عن ليلة القرنقعوه والصرف فيها لو اهو ما شرى اهي اذا تشتغل بتروح تسوي كل شيء بنفسها ..
اما عن السفر بعد نفس الشيء اذا تشتغل بتقوله فلوسي وابي ادلع نفسي وهو دامه ما راح يدفع ما راح يقوم بروووم ويبطل حلجه ..
والخدم بعد اذا اهي تشتغل بتقول كيفي انا اعطيهم وادفع لهم ..

[نمر بن عدوان]

على اساس الحرمه تنطر فلوس من رجلها . الحرمه صارت هي الي تدفع وترتب وتسوي كل شي والسبع لاهي ولايدري شالطبخه .

[Rider]

موضوع مميز ولي رجعه

[سعود.]

على اساس الحرمه تنطر فلوس من رجلها . الحرمه صارت هي الي تدفع وترتب وتسوي كل شي والسبع لاهي ولايدري شالطبخه .


هههههههههههه

[نايم سهران]

الله يحفظ زوجتي انا رتبت العرس وسويت كل شي وهي ولا تكلمت ولا بطلت حلجها في شي ،، صحيح الحين بعد الزواج تقط علي نغزات بس الأمور طيبه :tooth:

[بصمة قطرية]

على اساس الحرمه تنطر فلوس من رجلها . الحرمه صارت هي الي تدفع وترتب وتسوي كل شي والسبع لاهي ولايدري شالطبخه .

:ok::ok::ok:
بعد ما قريت هالرد قررت أتابع بصمت .. :)

[نفسي عزيزه]

بالظبط

[Rider]

ياخي العزيز المرأة بتسوي كل شي اذا ماورها رجال بمعنى كلمة رجال حنا مانقول لا تسون شي ومانقول مالكم دور في الحياة لكن من المفترض يكون كل شي بعقل مب فلانه سوت انا بسوي غير عنها مشكلة المرأة تحكمها العطف اكثر من العقل علشان كذا لاتحسن التصرف في بعض الامور

[R 7 A L]

اذا مافيه تعاون وتنازال ورضى
الوضع بيكون سيئ
الكل له دور
مثل ما القوامه للرجل
كذاك للمرأه دور

[رجل مثالي]

وعليكم السلام ورحمة الله وبركاته ،،


في امور نحن نشترك فيها
وفي امور عند البعض لا حول ولا قوة لهم بها ..
بس يتم عبارة عن مشاهد من بعيد ومبقق عيونه ..:eek5:


بنتكلم عن نقطة الاعراس
دور الرجال ضايع مسكين لانه بيقولون له انت اش عرفك واشدراك وانت ما تعرف شيء وطبعاً البعض ما يبي يعور راسه فبيسلمهم الخيط والمخيط وبيتم يطالع من بعيد ..

عن ليلة القرنقعوه والصرف فيها لو اهو ما شرى اهي اذا تشتغل بتروح تسوي كل شيء بنفسها ..
اما عن السفر بعد نفس الشيء اذا تشتغل بتقوله فلوسي وابي ادلع نفسي وهو دامه ما راح يدفع ما راح يقوم بروووم ويبطل حلجه ..
والخدم بعد اذا اهي تشتغل بتقول كيفي انا اعطيهم وادفع لهم ..



كل ما قلته أخوي صحيح عن هذا الموضوع

[قطريه ماركه]

اعتقد ان الرجل له دور في الموضوع بشكل أو بآخر

لازم يكون للرجل دور و كلمة في تقويم السلوك سواء للبنت أو الزوجة ....

[طلعة الروح]

انا ماراح القي اللوم لا ع الرجل ولا ع المرأة
ألقي اللوم على اسلوب التربية الخاطئ الي اخرج لنا هالمفرزات الاجتماعية وكذلك الوم سوء الاختيار وسوء الفهم لدور كل طرف في الحياه وكذلك الاباء الذين يكتفون بدور الانجاب بدون تربية صحيحة، أحيان خيار واحد خاطئ من شخص غير مسؤول عاطفيا واجتماعيا واخلاقيا ممكن يأثر سلبا على مجتمع بأكمله بدون مبالغه فما بالك بأسره واحده!!