سؤال بخصوص شراء بيت

[جود الحزن]

السلام عليكم ورحمة الله وبركاته
الله يرحم والديكم بغيت اعرف شنو احسن طريقه اقدر اشتري فيها بيت علما بأن راتبي19 الف وماعندي اي مبلغ مدخرلاني مسؤله عن مصاريف عيالي ومااقول الا حسبي الله ونعم الوكيل
وهل تنصحوني بالايجار او اشتري بيت ؟
الله يجزيكم خير لاتتاخرون علي بالرد

[سهم ماينزل]

19000 الف صعب جداً أن يكون هذا المبلغ الشهري اقصاد لبيت ومصروف عائلي في نفس الوقت

الله يرزقك ويوفقك لأفضل الحلول

[الصريح99]

اعتقد ان الأفضل تنتظرين ولا تشترين الان فلعقارات بدأت بالنزول واحتمال كبير تستمر بنزولها
فلافضل تنتظرين وبنفس الوقت توفرين من الراتب عشان يساعدك كدفعه أولى عند الشراء ،،، بتوفيق

[بصمة قطرية]

صعب جداً إختي ..
إحنا شرينا و القسط الشهري فوق الثلاثين ألف ..
الله يعينج و يسهل أمورج ..

[Locale]

الله يعين ويسرلج امورج ويرزقج من حيث لاتحتسبين

[المحاميه]

والله يا اختي انا شفت موضوعج اول مانزلتيه وكنت باقولج صعب تشترين بيت
اقل بيت ب2 مليون والبنك يبي فايده يعني القسط اقل شي 20 اذا مب اكثر

انسب حل تأجرينلج بيت بعيد عن الدوحه لان كل مابعدتي قل السعر

والله يفك عوقج وينولج مرادج

[ساراام]

الله يعينكم

[سعود.]

في رأيي تأجير شقة هو الافضل للوضع الحالي .

الله يعينكم ويفرجها قريبآ .

[جود الحزن]

يالله يعني مافيه امل اني اتملك بيت يضمني انا وعيالي
وصعب اني أأجر شقه بحكم هالعادات والتقاليد يعني لازم يكون بيت
ومن خلال ردودكم حسيت اني حتى الاجار مابقدر اخاف ااجر ومع الوقت مااقدر ادفع اجار البيت مع هالمصاريف لاني اكيد اني بأثث البيت من الى
اما الادخار صعب وااااااايد لاني متحمله مصاريف العيال والسفر ووو لاني ماابي يقصرهم شي و لو ادخر شهر او شهرين على الشهر الثالث احتاجه واصرفه
على كثر ماردودكم سببت لي احباط ويأس والم وحسره على كثر مانورتني وفطنتني
الله كريم والله رحيم بعباده بس ابي منكم الدعاااااااء
مشكورين وماقصرتو كلن باسمه والله يجزيكم خير على تكرمكم بالرد والله يستجيب لدعواتكم ان شاء الله

[بوخالد911]

الله يسهل عليكم
ويفرجها

[سعود.]

واحد من ربعي ساكن في مجمع سكني دور ارضي ايجارة اذكر 6500 في ام العمد

[المحاميه]

اختي دامج محتده اتركي عنج السفر والكماليات
اجري بيت
اثثي على دفعات واشيا معقوله
الكماليات عقب

[بوحارب]

صعبه تشترين بهذا الراتب

بس نصيحة اذا بتأجرين بيت خذي شي سعره معقول

عشان ما تتوهقين في المستقبل لا قدر الله وتتراكم عليج متأخرات الأجار

بالتوفيق

[ya3coub]

اختي ابعدي نفس ما ذكرتي عن الشقق
ارخص شقه بــ6500

و عندج عيال

اجريلج فيلا ابتدائا من 10 ألاف تلقينهم بلوسيل و ام العمد و من فوق الخيسه شمالا.

الحوش لج و لعيالج و بيت خاص فيكم حتى لو كبير تحطون فيه اغراضكم و الأثاث حبه حبه و اخذيه مثلا بعقد 3 سنين اذا رضى صاحب البيت.

اما شراء صعبه و ما انصحج فيها حاليا مع الوقت و هالــ3 سنين الله يزيدج بالرزق ان شاء الله و تترقين او يزيد راتبج لين ما تتمكنين من شراء البيت والله يعينج يا رب

[دااانة قطر]

يالله يعني مافيه امل اني اتملك بيت يضمني انا وعيالي
وصعب اني أأجر شقه بحكم هالعادات والتقاليد يعني لازم يكون بيت
ومن خلال ردودكم حسيت اني حتى الاجار مابقدر اخاف ااجر ومع الوقت مااقدر ادفع اجار البيت مع هالمصاريف لاني اكيد اني بأثث البيت من الى
اما الادخار صعب وااااااايد لاني متحمله مصاريف العيال والسفر ووو لاني ماابي يقصرهم شي و لو ادخر شهر او شهرين على الشهر الثالث احتاجه واصرفه
على كثر ماردودكم سببت لي احباط ويأس والم وحسره على كثر مانورتني وفطنتني
الله كريم والله رحيم بعباده بس ابي منكم الدعاااااااء
مشكورين وماقصرتو كلن باسمه والله يجزيكم خير على تكرمكم بالرد والله يستجيب لدعواتكم ان شاء الله

الله يعينج ويسهل امورج

[R 7 A L]

الدوله ماراح تقصر معك
ابحثي عن بيت اجار وقدمي اوراقك على الشوؤن الاجتماعية وصندوق الزكاه
بيساعدونك في الاجار ان شاءالله

[بنت شرق]

الحكومة ما اتقت الله وراعت المحتاجين من النساء للسكن وكل الي صار موقفين قانون السكن للنساء
حسبي الله ونعم الوكيل

[جود الحزن]

اعتذر عن تأخري في الرد عليكم بسبب حالتي النفسيه بسبب التفكير في هالموضوع
الله يجزيكم خير والله يعطيكم كل اللي ببالكم وتتمنونه ومشكورين على ردودكم كلن باسمه
بالنسبه للشؤؤن الاجتماعيه ماقدر اقدم عليها لاني وللاسف معلقه لاني بارمله ولا مطلقه وحاليا في بيت اهلي
ولكن غير مرتاحه لا انا ولا عيالي ولافيه اي استقلاليه انتظرت لين كبرو عيالي فقررت استقل في بيت لحالنا
اما صندوق الزكاه فمااقدر اقدم عليه لان بتقوم القيامه علي لان اهلي في خير وحتى اللي اسمه زوجي ولكن؟؟؟؟؟
تعبااااانه نفسيا انا وعيالي ولاني بقادره اوصل لحل ابي استقر معاهم في بيت ولكن الشكوى لله ومثل مايقولون العين بصيره واليد قصيره
دعواااااتكم لي بتييسيير الامور وراحة البال يااخوان

[المحاميه]

اتجهي للمحكمه
اطلبي بيت ونفقه
وغصبا عنه
هو ابوهم ولازم يتحمل مسؤوليتهم
مب بس انتي
قاط الحمل عليج
وليش انتي راضيه

[جود الحزن]

لما سألت محامي قال لي ان مالي نفقه ولا اي حقوق لان عيالي كبار تعدو 18 سنه فاخترت اني اكون معلقه ولا مطلقه

[المحاميه]

انزين لج حق بيت مع عيالج

استغفرالله

[جود الحزن]

البيت هو فيه الحين ولحاله فيه وادري مستحييييييييييل يعطيني اياه انا وعيالي ولا يأجر لنا لانه بخيل مايطلع منه ولاريال
صبرت عليه لين مل الصبر مني
خليها على الله بس اختي

[qwerty]

البيت هو فيه الحين ولحاله فيه وادري مستحييييييييييل يعطيني اياه انا وعيالي ولا يأجر لنا لانه بخيل مايطلع منه ولاريال
صبرت عليه لين مل الصبر مني
خليها على الله بس اختي

نصيحة هالنوعية من الناس ماينفع معاهم غير المحاكم
والمحامي غلطان النفقة لج وللعيال
وتقدرين ترفعين دعوى نفقة بأثر رجعي وتاخذين كل حقوقج
وبخصوص البيت اذا ظروفج صعبة ممكن تبنين ملحق صغير في بيت هلج حل موقت
وان شاء الله عيالج ماراح يقصرون معج لما يخلصون دراستهم ويشتغلون
والصبر مفتاح الفرج
والله يفرج همج