المراكز الصحيه...ما في موعد ما في علاج و اطلع بره

[khaldoon]

كتبت اكثر من مرة عن خدمات المراكز الصحيه و كانت اخرها في الرابط التالي و ارجو قراءة الموضوع السابق

http://www.qatarshares.com/vb/showthread.php?619505

امس رحت المركز و دخلت على الترياج علشان موضوعين بسيطين جدا جدا جدا....الممرض بعد عشرين دقيقه من الفحص و تسجيل البيانات و الاسئله قالي ارجع الاستقبال

رجعت الاستقبال يقولون لي خد موعد الخميس الصباح.
-يا جماعة انا موجود الحين و المركز فاضي و الدكاتره يتمشون بالممرات و حاملين اكواب القهوه و من غرفة لغرفه يسولفون و يتزاورون من الفضاوه و قتل الوقت ليش اجي الخميس الصباح و اتأخر عن دوامي و عن مدارس الاولاد..... موضوعي ما ياخذ ربع ساعه من الدكتور ...دواء حساسيه و دواء رشح و زكام للاطفال....
-الحاله مو طارئه
-يا جماعه هذه بنت صغيره عندها رشح و كحه ايش مب طارئه و تعال الخميس الصبح...ما في شي اسمه مب طارئه لما نتكلم عن طفله اقل من عشر سنوات
-ما في حراره
-انا قولت للممرض انه معطينها مخفض للحراره قبل تيجي
-.............
-و الحل
- اتصل على 107 خذ موعد

و فعلا اتصلت على 107 و صار الحوار الغبي التالي
-تواصل اخوي مع المركز و خذ منهم موعد
- انا داخل المركز و يقولون لي اتواصل معاكم انتوا على 107 علشان اخذ موعد
- انا ما عندي جدول المواعيد و ما اقدر احجزلك موعد خليهم هم يحجزون لك موعد
- اسمع كلم الموظفه هي وافقه قدامي

النتيجه انه هو ما يقدر يحجز موعد ولا هي عندها موعد غير الخميس الصباح
-طيب يا جماعه انتوا الاثنين اعطوني موعد الاسبوع القادم بخصوص الحساسيه طالما انكم شايفين الموضوع مب مستعجل و بالنسبه للزكام و الرشح اروح الطوارىء للاطفال
- اسفين والله ما نقدر نعطيك موعد الاسبوع القادم لانه ما في جداول و اتصل الخميس بالليل تتضح الرؤيه الفلكيه معنا (يعني ما يشوفون اكثر من اسبوع...مدى الرؤيه و التخطيط مدتها اسبوع واحد فقط تنتهي صلاحيتها يوم الخميس)

و بالنهايه و بعد حوار اكثر من نصف ساعه و الله العظيم روحت وما سويت شوي ...بالله عليكم ما كان خلصت و صرفت الدوا لو ايام الطيبين....حسبي الله على من سوا فينا هالشكل

اترك لكم التعليق

[حمد بن سعد]

والله كلامك صحيح

لاذمه ولا ضمير في بعض الدكاتره رحت طواري الاطفال في الريان من 5:45 خذت رقم ورحت القياسات الحيويه والبنت فيها حراره من ثلاث ايام تروح وتجي وعطوني رقم والله بيني وبين اخر رقم 28 حاله جلست الين الساعه 8 والرقم يادوب يتحرت كل نص ساعه وقمت اتجول بين الغرف .


والله الذي لا اله الا هو

واحد يدور بنسكفيه وثاني على الكمبيوتر يقرى الايميلات والثالث يطلع من غرفه يدخل غرفه لاذمه ولا ضمير .

حسبي الله ونعم الوكيل فيهم وفي المسؤولين عليهم .

[أسد الجزيرة]

هذي بركات النظام الجديد بين كل مريض و مريض راحة للدكتور

[ضوى]

سخافة وقلة حيا

طالعين بس في الجرايد لغينا المواعيد شهالمسخرة

مافي إدارة سنعة لهالمراكز

[qatari911]

مره رحت ودخلت غصب على الدكتور لان رقمي بعيد واصلن مافيه حد من المرضى
والله العظيم لما دخلت عليه والساعه 5:30 وكان دكتور ثاني معه يقوله ياخي مايصير اول مانجي يدخلون المرضى علينا من الساعه خمس المغرب
المفروض 5:30 او 5:45 يعني الاخ فوق ماهو توه جاي وفاضي مافيه مرضى ويتذمر
مافيها شي لما تتراجعون عن النظام الجديد لانه اثبت فشله
فليش المعاند وتطلعون بالجرايد وتمدحون النظام وهو فاشل ؟؟؟

[khaldoon]

كذابين ما لغوا المواعيد ولا شي و اتحداهم ...اصلا هم مبسوطين على نفسهم انهم شغالين على هالنظام من سنة

يعني قولنا قبل مواعيد للاسنان و للعيون امنا بالله و ماشي الحال....بس مواعيد للرشح و الزكام و لدواء احمرار الجلد و انا موجود ...والله قمة المسخره ....كل شي صار متجه للاصعب و للتعقيد...أقولهم والله انا اللي اخدم فيكم مب انتوا اللي تخدمونا احنا المراجعين

[بوحارب]

الصحه عندنا مستواها من ردي الى اردى

[المحاميه]

شهالتنظيم ؟ شهالردود؟

وشو مب طارئه وتعال الخميس؟

ليش يعني مادخلت عالدكتور على طول
مافهمت؟

امس كان الاثنين مب الجمعه .. شسالفه؟!؟


ليش سكتلهم ..
الصراحه انا تنرفزت ..
استغفرالله

[المحاميه]

والله انا علطول عند الخاص
عالاقل فيه احترام وتنظيم وبدون تأخير

لان فعلا نظام المركز مجحف .. بروحي تعبانه وابي حد يخلصني مب ينرفزني ..

[بانغ بانغ]

ابتسم


انت في الدوحة

[khaldoon]

شهالتنظيم ؟ شهالردود؟

وشو مب طارئه وتعال الخميس؟

ليش يعني مادخلت عالدكتور على طول
مافهمت؟

امس كان الاثنين مب الجمعه .. شسالفه؟!؟


ليش سكتلهم ..
الصراحه انا تنرفزت ..
استغفرالله

نص ساعه اتهاوش معاهم و ما طلعت بشي....اشلون يعني اقتحم عرفة الدكتور و اقوله بتعالج ابني و بنتي غصب عنك؟!!....ما يصير انت محامية وادرى مني بالقانون

اقولهم انتوا تقولوا طوارىء بالويك اند علشان تخففون الزحمة على طوارىء حمد...اليوم مب طوارىء ليش ما تعالجون

الخلاصه ...ما في علاج بالمراكز الصحيه بعد اليوم الا بموعد مسبق و الا يكذب هالكلام يواجهني

[khaldoon]

والله كلامك صحيح

لاذمه ولا ضمير في بعض الدكاتره رحت طواري الاطفال في الريان من 5:45 خذت رقم ورحت القياسات الحيويه والبنت فيها حراره من ثلاث ايام تروح وتجي وعطوني رقم والله بيني وبين اخر رقم 28 حاله جلست الين الساعه 8 والرقم يادوب يتحرت كل نص ساعه وقمت اتجول بين الغرف .


والله الذي لا اله الا هو

واحد يدور بنسكفيه وثاني على الكمبيوتر يقرى الايميلات والثالث يطلع من غرفه يدخل غرفه لاذمه ولا ضمير .

حسبي الله ونعم الوكيل فيهم وفي المسؤولين عليهم .

لا حول ولا قوة الا بالله

كل الشكر عل الرد القيم اللي اثرى الموضوع

[khaldoon]

هذي بركات النظام الجديد بين كل مريض و مريض راحة للدكتور

اي نظام جديد لازم يدعوون انه ناجح غصب و بعد كم سنة يلغوه ...وهالكلام مب على قطاع العلاج فقط و اللبيب بالاشارة يفهم

[khaldoon]

سخافة وقلة حيا

طالعين بس في الجرايد لغينا المواعيد شهالمسخرة

مافي إدارة سنعة لهالمراكز

مين اللي يكذب و يقول لغوا المواعيد.....خليه يروح معاي الحين ع المركز نشوف

[المحاميه]

لا الموضوع ماينسكت عنه

ايه كان درعمت عالدكتور
ولا عالمسؤول

ترا مب فوضى ..
والكلام غير منطقي
شنو انا تعبان
والله تعال راجعنا بعد يومين
ياسلام؟!؟


اشتك عليهم .. او ارفع كتاب

[ضوى]

مين اللي يكذب و يقول لغوا المواعيد.....خليه يروح معاي الحين ع المركز نشوف

حطوه بالجرايد والكل استبشر خير

[جبر ال جبر]

اي نظام جديد لازم تكون فيه بعض العيوب وان شاءالله تتحسن للافضل ويكون خير للجميع انا عكسكم اشوف دايمن النظام شي جيد ويجب الجميع الالتزام فيه

[ضوى]

الزكام والبرد معروف تروح بنفس الوقت مب قبل لا امرض بكم يوم ولا عقب الانتكاسة بكم يوم عيل بشنو استفدت ، وااشلون طب مجتمع اذا بمواعيد ؟ معروف طب المجتمع يعني اي عارض صحي يصيدك تروح للمركز تكشف وتاخذ علاج بس موعد هذي سابقة

[الدوحه1]

الكل يشتكي من النظام الصحي في الدوله, الحل هو تسليم ملف النظام الصحي للدوله لمستشفى عالمي متخصص في هالمجال!

الدكتور عطاني تحويل طاريء لمستشفى القلب.. المهم رحت مستشفى القلب وقالوا لي اقرب موعد بعد شهرين؟؟؟؟؟؟؟؟؟؟؟؟؟؟؟؟
حاولت معاهم شلون بعد شهرين والدكتور كاتب "طاريء" مافي فايده"صم بكم عمي" ؟؟؟؟؟

[الشفق الحالم]

نص ساعه اتهاوش معاهم و ما طلعت بشي....اشلون يعني اقتحم عرفة الدكتور و اقوله بتعالج ابني و بنتي غصب عنك؟!!....ما يصير انت محامية وادرى مني بالقانون

اقولهم انتوا تقولوا طوارىء بالويك اند علشان تخففون الزحمة على طوارىء حمد...اليوم مب طوارىء ليش ما تعالجون

الخلاصه ...ما في علاج بالمراكز الصحيه بعد اليوم الا بموعد مسبق و الا يكذب هالكلام يواجهني

دايما تصير معاي بالمركز الصحي بس اعرف اخلص اموري واتهاوش مع الموظفه ومرات ادخل عالدكتوره اكلمها واذا قالتلي الموضوع عند الاستقبال مب عندي اقعدلهم بالاستقبال اسوي ازعاج ولويه واشتكي للمراجعين عن سوء الخدمه واكوك العالم لين مايتمللو ويدخلوني !

[الشفق الحالم]

مسويين الطواريئ ليش عيل بالمركز الصحي! اكيد مافي حد بيجيب ولده مصخن بدون لا يعطيه بنادول بالبيت!!
اذا مب عاجبهم يحطوا تعميم ان في حالة ارتفاع درجة حراره الطفل لاتقم باعطاءه اي مخفض للحراره واحضره فورا للمركز الصحي حتى نقول بتصديقك وادخالك عالدكتور!!

[Rider]

الصحة مب مهمه أهم شي ولف الرياضة ويكفي البيطريين لي حاطينهم لنا في المستشفيات والمراكز الصحية

[MAZEN37]

زمان كان يجيني مسج لموعد العيادة بالمركز وكنت اروح امس اشوف الموعد طاف لانه ماجاني مسج تذكير
احنا نتقدم او نتاخر

[المحاميه]

^

امحق
صج مالهم امان

[CH Engineer]

فالخاص فحص الحمل ياخذ ظ،ظ* دقايق
وبعد ساعتين يتصلون فيك يعطونك النتيجه

الحكومي بعد 3ايام تجي تاخذ موعد من الدكتور تدخل على حسب الزحمه و يسلمك الورقه!!

[هيليوم]

انا ما احب اتشائم لكني شفت في الجرايد قبل فترة يمكن سنة ونص واكثر حركة تغيير في مدراء المراكز الصحية وصراحة ما اعجبتني ابدا وعرفت ان ما وراها الا المشاكل وعن نفسي ما صرت اروح الا اذا كنت مضطر

[R 7 A L]

بركات مؤسسه الرعاية الصحيه
لو تتكنسل ابرك

[بوخالد911]

ابتسم


انت في الدوحة
نووووووووووووووووووو

:(

[بوخالد911]

من شهر ونص
عندي مراجعة دورية
اتصلت 107
وخذيت موعد منهم مع دكتوري اللي يتابع حالتي

ووصلني مسج في الموعد المحدد للتذكير
ووصلت ع موعدي
وخلصت

ولله الحمد والمنة.

[بانغ بانغ]

نووووووووووووووووووو

:(

سوووووووري بوس بت وت تو دو

[بوخالد911]

سوووووووري بوس بت وت تو دو

جست شووووت ذم

!!!

[راعي الكورفت]

لو شي بسيط روح للصيدليه .

ماتحتاج تروح المركز.

[بصمة قطرية]

لحد الحين مركز أم صلال الصحي ممتاز
يارب ما تنتقل له عدوى المراكز الثانية ..

سابقاً كنا تبع الريان
أسوأ مركز صحي بصراحة
لازم كل ما أروح لهم أتهاوش معاهم
بسبب نظام المواعيد
كأن الواحد جاي يلعب
حلوة روح و تعال بعدين ..!!!!
نظام فاااااااشل
اللي اقترح هالنظام 100% عمره ما دخل مركز صحي ..

[دااانة قطر]

الله المستعان
في مركز مدينةخليفه دوم أمر لعالم في هالموقف بحكم بناتي تابعين لهم
اليوم جيت مركز الخليج الغربي مع شغالتي توها لها ثلاث اسابيع بصراحه كنت عند الاستقبال ولا مرت دكتورة شافت شغالتي وعلى طول تسألها وتحاول تفهم منها قلت لها جديده وماشتغلت من قبل المهم حاولو وماقصروا القهر أن ماعندهم اللي يفهم لغتها سوو لها تخطيط قلب وتحليل دم وسكر بس ماقدروا يشخصون حالتها عدل حولوني عالطواري لي الحين ساعه ونص من الزحمه يقولون لي جدامج فوق 30 ومن جيت ماسمعتهم نادوا على ولا وحده غير وحدة تصيح من الألم ومحد معبرها ولا في كراسي طواري حمد من سيء لأسوأ الله المستعان

الله يشفي كل مريض

[aloosh]

انا اشك ان هذول دكاتره مؤهلين
انا رحت امريكا وبريطانيا والمانيا
الدكتور يستقبل طول اليوم حاله كل ربع ساعه او عشر دقايق لنهايه دوام
اما عندنا دكتور يقعد يسولف معا المريض ساعه
المريض لا يحتاج اكثر من 10 الى 15 دقيقه كلها فحص فقط فيه شي اخر يتحول الى القسم المختص لا يحتاج المريض كل هذا الوقت
واغلبهم من جنسيه معروفه في تاخير

اجل داخل على دكتور يسجل تشخيصي في الكمبيوتر بصبع واحده ويدور الحروف ايش ها الدكتور كمبيوتر لا يعرف له

انا شفت بعيني دكتور في الاطفال الريان وكنت انتظر برا طلع قعد 25 دقيقه يتكلم بالتلفون لا ولبس البلطو الابيض

[دااانة قطر]

لازلت في الطواريء ضيعوا تحويلة المركز غير النفسيه الخامسه واللي يتهرب ويقطع الأوراق على دكتور ثاني

حسبي الله ونعم الوكيل

[JN000N]

وسكت وطلعت؟
يبيلك دروس ف النحاسه وطولة اللسان

الظاهر مثل ما قلت انا قبل سنه وزود انهم يبونا نحجز موعد نقولهم احتمال بكره امرض ممكن تعطيني موعد في حالة ان مرضت اقدر اتعالج؟
عموما هم دافعيين ملايين عالسستم اليديد ف انسوا ينلغي قبل ما تطلع روحكم سابع سما وترد لمدة كم سنه عقب يعترفون انه فشل

[شيخ الديرة]

لو يوصلون كم طبيب من اياهم للمطار، الاطباء الباقين يشتغلون عدل

[R 7 A L]

اخر موقف صار لي مع المركز الطبي الي انا تابع له
جيتهم يوم الاثنين وكان حجز سفري يوم الجمعه
المهم موظفة الاستقبال عطتني رقم للي ياخذ الحرارة والضغط دخلت حتى مانتظرت دقيتين كنت فرحان
كان معي زكام واحتقان وكحه المهم هالممرض اخذ ضغطي وحرارتي وقال ارجع للاستقبال
رجعت للاستقبال قالوا موعدك يوم الاحد ههههه قعدت اضحك قلت انتم تمزحون ولا تكلمون جد
قالت الموظفه لا والله مانمزح قلت اليوم الاثنين وانا مسافر الجمعه قالت هالموعد من الطبيب مش من عندنا
قعدت اضحك قلت حتى لو ماسافرت وجيتكم على الموعد راح اكون بأذن الله تشافيت المده طويل تقريباً اسبوع
طلعت من عندهم وعلى اقرب صيدليه اخذت ادويه حول الثمانين ريال وسافرت الجمعه وانا مافيني شي

للعلم المستشفى كان شبه فاضي
هل هاانظام هو تحويلنا لكي ندفع من فلوسنا بطريقة غير مباشرة ؟

[حمد بن سعد]

لحد الحين مركز أم صلال الصحي ممتاز
يارب ما تنتقل له عدوى المراكز الثانية ..

سابقاً كنا تبع الريان
أسوأ مركز صحي بصراحة
لازم كل ما أروح لهم أتهاوش معاهم
بسبب نظام المواعيد
كأن الواحد جاي يلعب
حلوة روح و تعال بعدين ..!!!!
نظام فاااااااشل
اللي اقترح هالنظام 100% عمره ما دخل مركز صحي ..


لا يدخل المركز الصحي بس على طول يكلم الدكتور ع الجوال ويوقله جايكم ويدش دايركت

[حمد بن سعد]

وسكت وطلعت؟
يبيلك دروس ف النحاسه وطولة اللسان

الظاهر مثل ما قلت انا قبل سنه وزود انهم يبونا نحجز موعد نقولهم احتمال بكره امرض ممكن تعطيني موعد في حالة ان مرضت اقدر اتعالج؟
عموما هم دافعيين ملايين عالسستم اليديد ف انسوا ينلغي قبل ما تطلع روحكم سابع سما وترد لمدة كم سنه عقب يعترفون انه فشل


ماتفيد النحاسه وطولة للسان معاهم

حسبي الله ونعم الوكيل

تكفي وتوفي

[khaldoon]

مره رحت ودخلت غصب على الدكتور لان رقمي بعيد واصلن مافيه حد من المرضى
والله العظيم لما دخلت عليه والساعه 5:30 وكان دكتور ثاني معه يقوله ياخي مايصير اول مانجي يدخلون المرضى علينا من الساعه خمس المغرب
المفروض 5:30 او 5:45 يعني الاخ فوق ماهو توه جاي وفاضي مافيه مرضى ويتذمر
مافيها شي لما تتراجعون عن النظام الجديد لانه اثبت فشله
فليش المعاند وتطلعون بالجرايد وتمدحون النظام وهو فاشل ؟؟؟

ما تنسى نص ساعه صلاة المغرب و نص ساعة صلاة العشاء لو صادفوا خلال الدوام و بالتوقيت الشتوي....و ما تنسى انه لازم يريح شوي اول ما يوصل من الزحمة يشرب شاي و قهوة و ما تنسى انه لازم يتم ورده من القران الكريم و يقرأ الجزء اللي عليه خلال وقت الدوام لانه وقته الحكومه مب وقته الخاص و و لازم يوفر قد ما يقدر في وقته الخاص لنفسه

دائما يطلعون انظمه كتجارب و يبون ينجحونها غصب و يسوون كل التسهيلات غير الصحيحه علشان تنجح بأي طريقه او كما يدعون انها نجحت و يعلنون نجاحها و تشتغل كم سنة لانه مب معقول يجربوا في الشعب و تطلع تجاربهم غلط ...هذا يدل على رؤيه غير صحيحه و سوء تخطيط و سوء اداره ...الخ ...يعني تتوقع احد المسؤولين يطلع يقول احنا جربنا شي و ما زبط و احنا اسفين بنرجع للنظام القديم؟؟؟!!! لا طبعا....اكيد طبعا مو مثل اللي داخل رونج سايد بالشارع (عكس السير) و بلف و بير جع ...هو بيستمر بالغلط الى ما شاء الله

بعد كم سنة ينسف النظام الجديد من أساسه و نرجع للنظام القديم.....طبعا فئران التجارب هذه هم الشعب... المرضى...الطلبه في المدارس......الخ

[khaldoon]

الصحه عندنا مستواها من ردي الى اردى

لا ما نبي نتكلم عن الصحه و الطب و مستواه.....ما ننسى انهم لهم باع كبير و ما ننكر شي... احنا نتكلم عن النظام الجديد العقيم المتبع في المراكز الصحيه و اللي يصعب الحياة على المراجعين و يسهلها اكثر على الاطباء....صرنا احنا نشتغل على راحة الطبيب و لازم نرتب نفسنا على هواه

باختصار ما في موعد مسبق اطلع بره .....انقلع ما في علاج

[شبح الصمت]

اول شيء يا اخوي خلدون ما تشوف شر بنتك والله يشفيها ويعافيها ويشفي كل طفل مريض وكل مريض على الاسره البيضاء ..

شوف ياخوي انا بنتي اتعبت علي وودتيها طوارئ الريان صراحة زحمة زحمة ويهال الله يشفيهم ..
دخلت الساعة 6 طلعت الساعة 9

انا مستغرب ليش رجعوك !!
شالسبب الي خلاهم يقولون لك خذ موعد
مع انه بنتي فديتها كان فيها صخونه وترجيع ودخلوها

[khaldoon]

والله انا علطول عند الخاص
عالاقل فيه احترام وتنظيم وبدون تأخير

لان فعلا نظام المركز مجحف .. بروحي تعبانه وابي حد يخلصني مب ينرفزني ..


حتى الخاص صار زحمة في بعض الاوقات و في خاص تبي تروحين بدري علشان الدور...و مقياس نجاح الطبيب الخاص بالنسبة لنا هو كم مريض قدامنا يتهافت عليه و عيادته دايما مليانه....لو فاضي و بيكش ذبان بنقول مب شاطر ولا يفهم و نتردد نروحه ....و للاسف الخاص مب دايما مؤهل انه يعالج المريض ولا يملك الاجهزة في بعض الاحيان او انه بعالج اعمار معينه و هو بنفسه الخاص يطلب من المريض يروح على مؤسسة حمد.....

مثلا جيت اسوي تحويل للمستشفى...اقولهم ينفع اجيبه من عيادة خاصة قالوا لا المركز الصحي اللي انت تابع له.... ما في فايده

[khaldoon]

ابتسم


انت في الدوحة

يا اخوي الدوحة على راسي والله و افضل من بلادنا مليون مره بس اخوي هالاشياء هذه تقهر لانها ما لها داعي ...يعني انا بالمركز و هو فاضي و موضوعي بس اخذ مرهم لاحمرار اليد و الثاني ابي دوا رشح و زكام.... كلكم تعرفون انه هالشي ما ياخذ اكثر من عشر دقايق عند الطبيب لو شافه....فليش روح و تعال بعدين الصباح و اتأخر عن شغلك و عن مدارس الاولاد.....لانه النظام نظام

ما في مرونه ...ولا منطق....ولا انسانيه لما نقول بنت صغيره عندها رشح و زكام......تقولي تعال الخميس....حالتها مب طارئه....هذا اللي يوجع القلب ....تحس تتعامل مع اغبياااااااااء

[khaldoon]

لا الموضوع ماينسكت عنه

ايه كان درعمت عالدكتور
ولا عالمسؤول

ترا مب فوضى ..
والكلام غير منطقي
شنو انا تعبان
والله تعال راجعنا بعد يومين
ياسلام؟!؟


اشتك عليهم .. او ارفع كتاب

يا غريب كون اديب

و ما في مسؤول بالليل و تعال الصباح.... يعني مسألة اني اروح الصباح على المركز بنية اني اشتكي بس و اتأخر عن شغلي....هذه مب منطقيه ولا تستاهل الا لو كان الموضوع خطير جدا و في مشكله تأذيت منها

اعيد و اقول ...مختصر الموضوع......ما في موعد....اطلع بره

[khaldoon]

حطوه بالجرايد والكل استبشر خير

في احد يضلل الرأي العام هنا....يا انه اللي طلع بالجريده يكذب ....و حاشا لله و استغفر الله انه يكون بيكذب .... يا انه الموظفين كلهم بالمركز الصحي و في الكول سنتر على رقم 107 يكذبون او غالبا انهم لسه ما وصلهم التعميم او انهم مب عارفين شغلهم او انهم متفقين مع بعض على الشعب بشكل غير مكتوب

ما اعرف....في احتمالات اخرى.....

[khaldoon]

اي نظام جديد لازم تكون فيه بعض العيوب وان شاءالله تتحسن للافضل ويكون خير للجميع انا عكسكم اشوف دايمن النظام شي جيد ويجب الجميع الالتزام فيه

ما اختلفنا يا اخوي و متفق معاك انه النظام من حيث المبدأ جيد....بس هو الهدف منه القضاء على الزحمة.....مب تنفيذه سواء في زحمة او ما في و مب معناته نقبل انه الدكاتره يتمشون باكواب القهوة بالممرات و يتزاورون بينهم و بين بعض و المركز والله العظيم فاضي و موضوعي ما ياخذ عشر دقايق لاطفال و يقولون لي تعال الخميس الصباح

هالكلام اكيد مرفوض ولا يقبله احد ولا هو منطقي

[قطريه ماركه]

حسبي الله على هالنظام الفاشل موعد حق اومول و سيرس

عارفين ادويتهم

انا دخلت الساعه 9 الصبح قالت لي موعدج 1 الظهر
رحت صيدلية خذت الادوية اللي ابيهااا

صرنا نتطبب على نفسنا مالت عليهم

و اليوم الثاني مستشفى خاص

خلاص صار الوضع لا يطاق

و المستانسين ع الموضوع الدكاتره كله فاضيين !!

[khaldoon]

الزكام والبرد معروف تروح بنفس الوقت مب قبل لا امرض بكم يوم ولا عقب الانتكاسة بكم يوم عيل بشنو استفدت ، وااشلون طب مجتمع اذا بمواعيد ؟ معروف طب المجتمع يعني اي عارض صحي يصيدك تروح للمركز تكشف وتاخذ علاج بس موعد هذي سابقة

يا جماعه بقولكم شي تحطوه حلقه باذنكم و ارجوكم لا تنسوه......

ما في حراره عندك.... لو تخبط راسك بالحيط ما في اجازه ....لو منظرك منتهي و رايح فيها و بتموت...ما في حرارة ..انت كذاب و حالتك مب طارئه وما في اجازة ...هالكلام موجود في اكثر من مركز و حتى في مستشفى حمد.... احنا نتكلم عن نظام متبع مب محسوبيات و واسطخ...اللي عنده واسطه ياخذ الاجازه و هو قاعد ببيته ما يدل المركز ولا يوصله

بعدين هم ما يبون المريض اول ما يمرض يروح المركز ياخذ دوا....ما ينفع هالكلام.....يبون كريات الدم البيضاء و الاجهزة الدفاعية في الجسم تتحرك شوي و تشتغل و تحلل راتبها ..والا نغذيها ببلاش و نصرف عليها ..ما يصير نريحها على طول ...يبون يسوون مناعه للجسم..ما نظل اتكاليين على الدواء و المساعدات الخارجيه.....لازم الاصلاح يتم من الداخل ...يا يثبت الجسم كفاءته و قدرته على التحديات و مواجهة الامراض اللي حوليه يا انه لا يستحق البقاء بينا ...و خله ينقلع و يروح تحت التراب

[ساراام]

احنا المركز اللي تابعين له كل مره عندهم قانون شسالفه

من اسبوع دخلوني لانه كانو حاطين دكتور خاص للقطريين

اما الصيدليه ساعه بس عشان الادويه

الله يعين

[فيصل99]

راحت ايام الطيبين نظام الأوراق والرقم الي ع البطاقة

[معماري قطري]

الله المستعان وفي ذمة الاداريين

[المحاميه]

استغفرالله
ارتفع ضغطي وانا اقرا تجاربكم

من اللي حاط هالنظام؟؟؟؟ :anger3:

[الرايــق]

ذكرتني بموقف من فترة قريبه جدا

رحت طوارئ الاطفال للمركز الفلاني تقريبا مع اذان الفجر والولد رضيع وحرارته 40 وشوي ..
وحالته حاله

الدكتور طلع من غرفته او مكتبه وطالعني وجات عيني ف عينه وشاف ان الوضع جدا مستعجل وعقبها بكل برود قال للممرضة انا رايح اصلي الفجر..
الحين ماحد معترض على الصلاة في وقتها لكن يا دكتور يا محترم لو انك تستاهل الروب اللي لابسه والاذان الا الان ما خلص وشفت الحالة مستعجله وما في حد بالمركز كان وقفت معانا مش تخليني انتظرك نص ساعه بعد ما الممرضة اخذت الحرارة للطفل

لازم يكون في رقابه عالدكاترة نفسهم

[بنت شرق]

على سالفة مانزل الجدول ، مرة اتصلت فيهم 107 وطلبت موعد فعلا ايقولون ما نزل الجدول ويوم السبت ماراح نحجز لكم لأنه للطواري فقط
مايصير يمكن كموظف ما اقدر اشوف الدكتور إلا يوم السبت صراحة اذا بيستمرون هالشكل بيضيعون الاوادم

[هيليوم]

الله المستعان وفي ذمة الاداريين


صادق

شوف اخوي معماري التعيينات اللي صارت السنة اللي طافت

http://alarab.qa/story/660627/%D8%AA%D8%B9%D9%8A%D9%8A%D9%86%D8%A7%D8%AA-%D8%AC%D8%AF%D9%8A%D8%AF%D8%A9-%D9%81%D9%8A-%D9%85%D8%A4%D8%B3%D8%B3%D8%A9-%D8%A7%D9%84%D8%B1%D8%B9%D8%A7%D9%8A%D8%A9-%D8%A7%D9%84%D8%B5%D8%AD%D9%8A%D8%A9-%D8%A7%D9%84%D8%A3%D9%88%D9%84%D9%8A%D8%A9


مثل ما هو مذكور كلهم تقريبا دكاترة لكن هل خبرتهم ومهاراتهم الإدارية كافية لتسيير الشغل بالشكل المطلوب؟؟ ؟

[معماري قطري]

صادق

شوف اخوي معماري التعيينات اللي صارت السنة اللي طافت

http://alarab.qa/story/660627/%D8%AA%D8%B9%D9%8A%D9%8A%D9%86%D8%A7%D8%AA-%D8%AC%D8%AF%D9%8A%D8%AF%D8%A9-%D9%81%D9%8A-%D9%85%D8%A4%D8%B3%D8%B3%D8%A9-%D8%A7%D9%84%D8%B1%D8%B9%D8%A7%D9%8A%D8%A9-%D8%A7%D9%84%D8%B5%D8%AD%D9%8A%D8%A9-%D8%A7%D9%84%D8%A3%D9%88%D9%84%D9%8A%D8%A9


مثل ما هو مذكور كلهم تقريبا دكاترة لكن هل خبرتهم ومهاراتهم الإدارية كافية لتسيير الشغل بالشكل المطلوب؟؟ ؟

الله أعلم الأسماء كلها أسماء قطرية لكن في الواقع الطبيب القطري ما تحصله بسهولة

ما ندري شخبراتهم بس نتمنى يكونون قد المسؤولية ويطورون

[Bo jassim 33]

الله المستعااان

[شيخ الديرة]

صادق

شوف اخوي معماري التعيينات اللي صارت السنة اللي طافت

http://alarab.qa/story/660627/%D8%AA%D8%B9%D9%8A%D9%8A%D9%86%D8%A7%D8%AA-%D8%AC%D8%AF%D9%8A%D8%AF%D8%A9-%D9%81%D9%8A-%D9%85%D8%A4%D8%B3%D8%B3%D8%A9-%D8%A7%D9%84%D8%B1%D8%B9%D8%A7%D9%8A%D8%A9-%D8%A7%D9%84%D8%B5%D8%AD%D9%8A%D8%A9-%D8%A7%D9%84%D8%A3%D9%88%D9%84%D9%8A%D8%A9


مثل ما هو مذكور كلهم تقريبا دكاترة لكن هل خبرتهم ومهاراتهم الإدارية كافية لتسيير الشغل بالشكل المطلوب؟؟ ؟

ملاحظة مهمة جداً، الطبيب درس طب، وليس ادارة.

اكبر مستشفيات العالم تدار برجال اعمال، وليس أطباء

[هيليوم]

احب اذكر ان مؤسسة الرعاية الصحية ذكرت انه ما راح يتم ارجاع أي مريض حضر للمركز بدون موعد وفي نفس الوقت راح يستمر العمل بنظام المواعيد ، الواقع غير للأسف والناس اللي ماعندها مواعيد يتم ارجاعهم بحجة الزحمة او ان الحالة غير طارئة وفي الحقيقة الموازنة بين النظامين صعبة جدا وقبل المراكز الصحية ما تطبق النظام هذا شركة فحص السيارات اللي قبل وقود كان عندها نظام مشابه الدور والمواعيد بس الغت المواعيد وصار بالدور بس والجهتين يعانون من كثرة المراجعين

[يمامـة]

بالفعل نظام متخلف..
الحين حضرتي لو رحت المركز الصحي اقدر نص ساعة اسولف مع أي طبيبة او طبيب اعرفهم
واللي اعرفهم يمكن عشر طعش وحدة و واحد..
فتخيلوا اني دخلت عند طبيبة حتى سوالف الخدم تكلمنا فيها وهي ماخذة راحتها لأن هذا وقتي
في الوقت اللي طلبت لي كل شي ابيه..
فنص ساعة لكل مريض في مركز صحي غير متخصص وأطباء عاميين فيهم ظلم للمراجعين الاخرين..

لو طبيب متخصص واستشاري بنقول يالله مسكين يبي يتعرف على تاريخنا الصحي
لكن طبيب عام.. ما يقدر يسوي لك شي غير انه يطلب لك تحاليل ويحولك للمختصين..

لذلك اضم صوتي لصوتك انه نظام متخلف جدا.. رغم ان مركزنا ما نعاني ابدا من أي ازدحام
ما شاء الله تبارك الرحمن تف تف تف..
لكن المراكز اللي فيها مراجعين قطريين ومراجعين غير قطريين.. الله يعينهم بصراحة!!

[المحاميه]

^

ماشاء الله
جذي السالفه
يعني فيه ناس تقعد تسولف وتتاخر على هالاساس
وفيه ناس قاعده تنطر برا وتتعطل
عشان تسولفون عن الخدم
خوش
اذا وقتج نص ساعه وخلصتي ف خمس دقايق عطي مجال حق غيرج
ماتدرين شنهي ظروف كل واحد ولا شنو ورا

لاحول ولا قوة الا بالله

[يمامـة]

^

ماشاء الله
جذي السالفه
يعني فيه ناس تقعد تسولف وتتاخر على هالاساس
وفيه ناس قاعده تنطر برا وتتعطل
عشان تسولفون عن الخدم
خوش
اذا وقتج نص ساعه وخلصتي ف خمس دقايق عطي مجال حق غيرج
ماتدرين شنهي ظروف كل واحد ولا شنو ورا

لاحول ولا قوة الا بالله

النظام يعطي كل مريض نص ساعة.. بمعنى.. لو الطبيب خلص من مريض في 10 دقايق
وحب يروح غرفة طبيب ثاني .. يقدر يروح.. لأن المريض اللي عقبه موعده بعد نص ساعة..
هالشي صار في بدايات تطبيق النظام.. اللي اعترضت عليه عند احد الطبيبات بينت لي ان
هالشي في مصلحة المريض.. لأنه الطبيب يحتاج للوقت علشان يتناقش معاه في سجله الطبي..

وبينت اهنيه في ايش تكلمت مع احدى الطبيبات.. فلو بتلوميني ليش تكلمنا عن الخدم
فانا بصراحة.. ناطرة ورقة صرف ادويتي.. لومي الطبيبة اللي عندها تعليمات انها تعطي
لكل مريض حق نص ساعة ايامها.

[يمامـة]

المحامية..

بس للتوضيح

مركزنا نروح له في اليوم مرتين.. وما نلقى أي صعوبة
لأنه ولله الحمد مافيه مراجعين كثر.. ومن اجمل و افضل المراكز
في قطر كلها.. لكن الداد للي مساكين تحصلين القطريين مع الأجانب
الكل ينظلم اهنيه..

[المحاميه]

^

شسم مركزكم؟

حتى لو
هذا مب عذر !!!

[يمامـة]

^

شسم مركزكم؟

حتى لو
هذا مب عذر !!!

عذر بوشو؟؟ انها تكلمت معاي؟

ما بتقدرين تقولين لهم شي.. النظام يعطيهم الحق يمغطون بوقتهم
ولا تقدرين تمنعينهم وهم يقلبون في الأوراق انهم يتكلمون أي موضوع يبون في الوقت
المحدد له..

فبدل ما تحاسبينهم ليش تكلموا.. حاسبي النظام اللي عطاهم كل هالوقت لمريض واحد..

ومركزنا هو مركز العسيري الطبي
واللي اسمه رسميا مركز عمر بن الخطاب رضي الله عنه وارضاه..

[المحاميه]

ماحبيت تبريرج لموقفج بهالطريقه
وبعد تقطين الغلط على غيرج عشان مايكون عليج الغلط

ترا الاختصار زين

[يمامـة]

ماحبيت تبريرج لموقفج بهالطريقه
وبعد تقطين الغلط على غيرج عشان مايكون عليج الغلط

ترا الاختصار زين

تقصدين تغلطيني اني سولفت مع الطبيبة؟

الطبيبة لو ما سولفت معاي راح تسولف مع غيري..
يعني الامر مب متعلق فيني..

واذا بيريحج اني أقول لج اني غلطت يوم سولفت مع الطبيبة

باكتب لج ايه انا غلطت مع الطبيبة يوم سولفت.. وحقج علي وسامحيني..

هذاني اعتذرت.. ومن عقب اعتذاري
ممكن اعرف اشلون ممكن تحاسبين النظام اللي كاان يعطي لكل مريض نص ساعة؟

[ساراام]

كلام يمامه صح

كل مريض له نص ساعه

يعني لو المريض خلص في 5 دقايق

الدكتور عنده 25 دقيقه يتمشى ومحد يقدر يقول له شي

شوفو لنا حل مايصير جي

[معماري قطري]

ملاحظة مهمة جداً، الطبيب درس طب، وليس ادارة.

اكبر مستشفيات العالم تدار برجال اعمال، وليس أطباء

صادق اخوي فيه تخصص إدارة مستشفيات وكله إدارة بس معاه معلومات طبية بسيطة .. ما ادري ليش ما يرسلون حد لدراسته بل يحولون طبيب لمدير

الشيء الثاني المهم هو تطوير الأطباء بدورات طبية

[معماري قطري]

كلام يمامه صح

كل مريض له نص ساعه

يعني لو المريض خلص في 5 دقايق

الدكتور عنده 25 دقيقه يتمشى ومحد يقدر يقول له شي

شوفو لنا حل مايصير جي

مريض ممكن يحتاج دقيقتين ومريض ممكن يحتاج نص ساعة لكن كل مريض بيدخل عدد قليل جداً

[هيليوم]

الله أعلم الأسماء كلها أسماء قطرية لكن في الواقع الطبيب القطري ما تحصله بسهولة

ما ندري شخبراتهم بس نتمنى يكونون قد المسؤولية ويطورون

الله يسمع منك




ملاحظة مهمة جداً، الطبيب درس طب، وليس ادارة.

اكبر مستشفيات العالم تدار برجال اعمال، وليس أطباء


المركز الصحي صغير نسبيا وهذا الشي يساعد في الإدارة لكن نظام العمل القائم على المواعيد وكل مريض نص ساعة ما يساعد والمفترض من المدراء ان تكون لهم كلمة في النقطة هذي والا بيضيع جزء كبير من مجهودهم في الإدارة

[بنت شرق]

مشكلة وزارة الصحة أنها مش ناوية تتراجع عن خطأها بالتسجيل المسبق لمرضى المراكز الصحية وايجاد حلول بديلة للضغط المدعى أنه موجود
اعتقد بفتح التأمين وتقطير المراكز لصحية لصالح دخول القطريين أولا لن نواجه مشكلة

[khaldoon]

الكل يشتكي من النظام الصحي في الدوله, الحل هو تسليم ملف النظام الصحي للدوله لمستشفى عالمي متخصص في هالمجال!

الدكتور عطاني تحويل طاريء لمستشفى القلب.. المهم رحت مستشفى القلب وقالوا لي اقرب موعد بعد شهرين؟؟؟؟؟؟؟؟؟؟؟؟؟؟؟؟
حاولت معاهم شلون بعد شهرين والدكتور كاتب "طاريء" مافي فايده"صم بكم عمي" ؟؟؟؟؟




سلامات ان شاء الله ما تشوف شر......شوف يا اخوي انا مع فكرة خصخصة بعض مرافق و مؤسسات القطاع العام و قطاع الخدمات و الصحه.....الخ لذوي الخبره في مجالاتهم ...بس ايضا لازم يراعوا ثقافات و اعراف البلد اللي هم فيها مب كل شي بره ممكن تطبقه بالميلي عندنا ....لانه مب بالضرورة اللي ينفع عندهم ينفع عندنا بعد....لابد من الاخذ بهذه الاعتبارات

على فكرة.... فكرة النظام بشكل عام هو الالتزام التام فيه سواء ينفع او لا ينفع ....بضرورة او بدون ضرورة بدون اي مرونه مطلقا.... يعني فكرة بيروقراطيه بحته....انا مع النظام انه يمشي بس مو ببيروقراطيه ما لها داعي

[khaldoon]

دايما تصير معاي بالمركز الصحي بس اعرف اخلص اموري واتهاوش مع الموظفه ومرات ادخل عالدكتوره اكلمها واذا قالتلي الموضوع عند الاستقبال مب عندي اقعدلهم بالاستقبال اسوي ازعاج ولويه واشتكي للمراجعين عن سوء الخدمه واكوك العالم لين مايتمللو ويدخلوني !

والله هالايام صعب......سويت ازعاج في كل المركز و صوتي طان واصل الجهتين بس ع الفاضي ....يقولي دكتور بالمركز نفسه انه عندهم اوامر مشدده و هم تحت الرقابه .... وقالي شوفت اللي عملوه معاك؟.....هم الموظفين ما يرضون فيه ولا رؤوساهم عاجبهم التزام الموظفين و شاعرين بتقصير و تساهل من هالموظفين حتى هههههه والله العظيم

[khaldoon]

مسويين الطواريئ ليش عيل بالمركز الصحي! اكيد مافي حد بيجيب ولده مصخن بدون لا يعطيه بنادول بالبيت!!
اذا مب عاجبهم يحطوا تعميم ان في حالة ارتفاع درجة حراره الطفل لاتقم باعطاءه اي مخفض للحراره واحضره فورا للمركز الصحي حتى نقول بتصديقك وادخالك عالدكتور!!

فكرة الطوارىء في المراكز الصحيه هي لتخفيف الضغظ الكبير على طوارىء حمد...... اي حرارة تحت ال 39 لا تعتبر طوارىء حتى لو الشخص منتهي ....اهم شي تكون الحرارة المسجله في المركز 39 و فوق علشان لو صار تدقيق و تحقيق في اي حاله تظهر انهم ماشيين على النظام فعلا......ما في اجازات تحت او اقل من حرارة 39 ....

[khaldoon]

الصحة مب مهمه أهم شي ولف الرياضة ويكفي البيطريين لي حاطينهم لنا في المستشفيات والمراكز الصحية

ههههههههههههههههههههههه ....لا حرام نظلم كل الاطباء في المراكز الصحيه....بس والله في منهم ناس تبي تفنيش فوري مع سبق الاصرار و الترصد بعدين نفهم غلطهم

[khaldoon]

زمان كان يجيني مسج لموعد العيادة بالمركز وكنت اروح امس اشوف الموعد طاف لانه ماجاني مسج تذكير
احنا نتقدم او نتاخر

للحين تيجي مسج.....يمكن وقع سوها....تدري لو راجعتهم بيقولون لك اتصلنا عليك و انت وافقت انك تحضر و بعتنالك مسج و انت ما حضرت ههههه....سلامات اخوي مازن ما تشوف شر ....اجر و عافية ان شاء الله

[شيخ الديرة]

المركز الصحي صغير نسبيا وهذا الشي يساعد في الإدارة لكن نظام العمل القائم على المواعيد وكل مريض نص ساعة ما يساعد والمفترض من المدراء ان تكون لهم كلمة في النقطة هذي والا بيضيع جزء كبير من مجهودهم في الإدارة

المفروض كل المراكز تدار بنفس اللوائح ومعايير توكيد الجودة, عدم المركزية يؤدى الى فوضى

المدير اللي يشرف على كل هذه المراكز يبدو متجاوز هذه المشكلة, مع كل احترامي للدكتورة وتقديري لها, ولكن يبدو انها تشبه المدرب اللي معنده لعيبة جيدين

[ساراام]

مريض ممكن يحتاج دقيقتين ومريض ممكن يحتاج نص ساعة لكن كل مريض بيدخل عدد قليل جداً

انا لما اخذ رقم للدكتور يكتبون وقت الدخول ورا الورقه

مثلا خذت الرقم الساعه 9 وجدامي 3 بيكون دخولي للدكتور 10 ونص

ساعه ونص بس عشان 3 مرضى واغلبهم ماياخذون النص ساعه كامله

يعني هالقانون ف صالح الدكتور مش المريض

[khaldoon]

فالخاص فحص الحمل ياخذ ظ،ظ* دقايق
وبعد ساعتين يتصلون فيك يعطونك النتيجه

الحكومي بعد 3ايام تجي تاخذ موعد من الدكتور تدخل على حسب الزحمه و يسلمك الورقه!!

والله يا اخوي معلوماتي قبل ست سنوات و اكثر كان في فرق شهر او شهرين بين موعد التليفزيون و مقابلة الدكتوره علشان تخبر الام عن وضع الجنين للصورة المأخوذه من شهرين.....

بعدين ليش بعد ثلاثة ايام اخذ موعد من الدكتور اللي هو بيعيطينا الموعد بعد كم اسبوع و الا شهر شهرين....ليش مب بنفس اللحظه تاخذ الموعود ...والا هي مشاوير ..و تضييع وقت...هذا احد اسباب الزحمة

[khaldoon]

انا ما احب اتشائم لكني شفت في الجرايد قبل فترة يمكن سنة ونص واكثر حركة تغيير في مدراء المراكز الصحية وصراحة ما اعجبتني ابدا وعرفت ان ما وراها الا المشاكل وعن نفسي ما صرت اروح الا اذا كنت مضطر

والله بعتذر منك ما عندي فكرة عن الاسماء اللي تغيرت و الاسماء اللي انحطت فما اقدر اعلق....الله يجيب اللي فيه الخير

[khaldoon]

بركات مؤسسه الرعاية الصحيه
لو تتكنسل ابرك

لو نرجع للسيستم القديم افضل مليون مره.....بلا مواعيد بلا بطيخ ....طالما المركز فاضي فليش المواعيد....صدقني هذول اللي حطوا السيستم حافظين مب فاهمين ...يعني هم حفظوا انه في مواعيد للمريض علشان يدخل بس ما فهموا انه هالمواعيد انعملت لتخفيف الزحمة....طيب لو ما في زحمة اصلا المفروض يستقبلون المرضى.....بس هم مب فاهمين روح السيستم و الغرض منه اصلا...تطبيق بدون فهم...مثل القطار ماشي لقدام بخط واحد من غير تفكير

او انهم ماشيين على مبدأ ولا تقربوا الصلاة...وما كملوا الايه.....يعني لازم يفهموا انه امشوا على المواعيد لو في زحمة و استقبلوا الناس لو ما في زحمة

[khaldoon]

نووووووووووووووووووو

:(

زعتلوا حبيبنا بوخالد ههههههه

[khaldoon]

من شهر ونص
عندي مراجعة دورية
اتصلت 107
وخذيت موعد منهم مع دكتوري اللي يتابع حالتي

ووصلني مسج في الموعد المحدد للتذكير
ووصلت ع موعدي
وخلصت

ولله الحمد والمنة.

سلامات ان شاء الله ما تشوف شر....اجر و عافيه ان شاء الله

[khaldoon]

لو شي بسيط روح للصيدليه .

ماتحتاج تروح المركز.


والله رحت للصيدليه قبل علشان اريح نفسي وما استفدت و لهالسبب روحت المركز....ايضا ما تنسى الصيدليه مب حل بديل ...الدواء اغلا و ما في تأمين بدون وصفة طبيه و ع الفاضي مرات بعكس المركز الصحي

[khaldoon]

لحد الحين مركز أم صلال الصحي ممتاز
يارب ما تنتقل له عدوى المراكز الثانية ..

سابقاً كنا تبع الريان
أسوأ مركز صحي بصراحة
لازم كل ما أروح لهم أتهاوش معاهم
بسبب نظام المواعيد
كأن الواحد جاي يلعب
حلوة روح و تعال بعدين ..!!!!
نظام فاااااااشل
اللي اقترح هالنظام 100% عمره ما دخل مركز صحي ..

هجوووووووووو على مركز ام صلال هههههه

بصمة هالنظام على كل المراكز ما في شي اسمه الحين المركز هذا يشتغل بطريقه مختلفه عن باقي المراكز ...كلهم تابعين للرعاية الصحيه اللي لها نفس النهج و السيستم

[khaldoon]

الله المستعان
في مركز مدينةخليفه دوم أمر لعالم في هالموقف بحكم بناتي تابعين لهم
اليوم جيت مركز الخليج الغربي مع شغالتي توها لها ثلاث اسابيع بصراحه كنت عند الاستقبال ولا مرت دكتورة شافت شغالتي وعلى طول تسألها وتحاول تفهم منها قلت لها جديده وماشتغلت من قبل المهم حاولو وماقصروا القهر أن ماعندهم اللي يفهم لغتها سوو لها تخطيط قلب وتحليل دم وسكر بس ماقدروا يشخصون حالتها عدل حولوني عالطواري لي الحين ساعه ونص من الزحمه يقولون لي جدامج فوق 30 ومن جيت ماسمعتهم نادوا على ولا وحده غير وحدة تصيح من الألم ومحد معبرها ولا في كراسي طواري حمد من سيء لأسوأ الله المستعان

الله يشفي كل مريض

والله فعلا مرات اروح المركز الصحي او طاورىء الاطفال و اقعد ربع ساعه على الاقل ولا نادوا على رقم ولا تغيرت الشاشه ...ما افهم ليش هالاهمال ...

الله المستعان.....ما تشوفون شر

[khaldoon]

انا اشك ان هذول دكاتره مؤهلين
انا رحت امريكا وبريطانيا والمانيا
الدكتور يستقبل طول اليوم حاله كل ربع ساعه او عشر دقايق لنهايه دوام
اما عندنا دكتور يقعد يسولف معا المريض ساعه
المريض لا يحتاج اكثر من 10 الى 15 دقيقه كلها فحص فقط فيه شي اخر يتحول الى القسم المختص لا يحتاج المريض كل هذا الوقت
واغلبهم من جنسيه معروفه في تاخير

اجل داخل على دكتور يسجل تشخيصي في الكمبيوتر بصبع واحده ويدور الحروف ايش ها الدكتور كمبيوتر لا يعرف له

انا شفت بعيني دكتور في الاطفال الريان وكنت انتظر برا طلع قعد 25 دقيقه يتكلم بالتلفون لا ولبس البلطو الابيض

والله متفق معاك 100%....اصلا ايش الدكتور يشوف مريض نص ساعه... وهو كل الموضوع يمكن يبي دوا رشح و الا مرهم.....نص ساعه يسوون فيها عملية و يمكن اقل في بعض الاحيان...هذا استهبال واضح

والله اكثر من عشر دقايق او ربع ساعه الموضوع لا يستحق كحد اقصى ....الحين الدكتور صار يعتبر انه نص ساعه من وقت المريض يبي يوفر فيها باي طريقه علشان يتفرغ للعب و المسخره و يصير حتى يسحب ع المريض ...

بعدين لو كل دكتور يحتاج نص ساعه للمريض يعني خلنا نقول بيدوام الدكتور ثمن ساعات معناته بيشوف اقل من 16 مريض علشان هو ما يستقبل اول ما يوصل ...لازم تضيع اول 20 دقيقه و في صلاة مغرب و صلاة عشاء و ورد قران لانهم يخافون ربهم وايد و في تليفونات و زيارات ...بينما اول كانوا يستقبلون بحدود 30 مريض او اقل شوي

طب والله العظيم مركز المطار رحته مره شوفت عيد ميلاد لوحده موظفه هههههههه...خلهم ينفسون عن نفسهم شوي ...من ضغط الشغل الله يعينهم كل نص ساعه مريض هههههه

[khaldoon]

لازلت في الطواريء ضيعوا تحويلة المركز غير النفسيه الخامسه واللي يتهرب ويقطع الأوراق على دكتور ثاني

حسبي الله ونعم الوكيل

ايه والله حسبي الله و نعم الوكيل فيهم ....الله المستعان

[khaldoon]

وسكت وطلعت؟
يبيلك دروس ف النحاسه وطولة اللسان

الظاهر مثل ما قلت انا قبل سنه وزود انهم يبونا نحجز موعد نقولهم احتمال بكره امرض ممكن تعطيني موعد في حالة ان مرضت اقدر اتعالج؟
عموما هم دافعيين ملايين عالسستم اليديد ف انسوا ينلغي قبل ما تطلع روحكم سابع سما وترد لمدة كم سنه عقب يعترفون انه فشل


صدقيني لساني طويل بس ما ينفع معهم....يمكن الحريم يستحون منهم و يمشوهم ....بس اللي فهمته انه في تشديد عليهم

انا قولت مليون مره انه احنا المراجعين و المرضى صرنا نخدم و نشتغل عند موظفين المراكز الصحيه. ...تعال و روح و خذ رقم و ارجع خذ رقم و صف ع الدور و تعال بكره و تعال الاسبوع الجاي ....طيب ليش تعال قبل نص ساعه من الموعد.... طالما انت تبي تشوفيني في الساعه المحدده والا انا تحت رحمتك و رغباتك يمكن تقرر تخلص من مريضين اول عشر دقايق و تريح باقي الساعه

الدكاتره اكيد مبسوطين على هالنظام

[khaldoon]

لو يوصلون كم طبيب من اياهم للمطار، الاطباء الباقين يشتغلون عدل

والله عندي قصص يندى لها الجبين....باختصار في دكاتره وايد يبيلهم تسنيع وهم من الاجانب من كل الجنسيات العربيه و الاجنبيه و الاوروبيه...يبلهم تأديب شديد جدا و هالكلام مب بس بالمراكز الصحيه...هالكلام في عيادات مختلفه تتبع مؤسسه حمد و الرعايه الصحيه

[khaldoon]

اخر موقف صار لي مع المركز الطبي الي انا تابع له
جيتهم يوم الاثنين وكان حجز سفري يوم الجمعه
المهم موظفة الاستقبال عطتني رقم للي ياخذ الحرارة والضغط دخلت حتى مانتظرت دقيتين كنت فرحان
كان معي زكام واحتقان وكحه المهم هالممرض اخذ ضغطي وحرارتي وقال ارجع للاستقبال
رجعت للاستقبال قالوا موعدك يوم الاحد ههههه قعدت اضحك قلت انتم تمزحون ولا تكلمون جد
قالت الموظفه لا والله مانمزح قلت اليوم الاثنين وانا مسافر الجمعه قالت هالموعد من الطبيب مش من عندنا
قعدت اضحك قلت حتى لو ماسافرت وجيتكم على الموعد راح اكون بأذن الله تشافيت المده طويل تقريباً اسبوع
طلعت من عندهم وعلى اقرب صيدليه اخذت ادويه حول الثمانين ريال وسافرت الجمعه وانا مافيني شي

للعلم المستشفى كان شبه فاضي
هل هاانظام هو تحويلنا لكي ندفع من فلوسنا بطريقة غير مباشرة ؟

علشان نظامهم الفاشل بتدفع فلوس و التأمين ممكن ما يردها لك علشان ما جبت وصفه طبيه....مثل اللي صار معي بالزبط

تصدق احد العاملين في مؤسسه حمد قالي في دكتوره فاضية كانت من التسعه للعشره و المريض عنده اعاقه جسديه و متأخر عشر دقايق و واصل على الساعه 9:10 مب تسعه و الدكتوره رفضت تشوفه

[khaldoon]

لا يدخل المركز الصحي بس على طول يكلم الدكتور ع الجوال ويوقله جايكم ويدش دايركت

والله ياخوي يجيه الدوا بالكراتين بعد و هو بسريره

[khaldoon]

ماتفيد النحاسه وطولة للسان معاهم

حسبي الله ونعم الوكيل

تكفي وتوفي

والنعم بالله

[khaldoon]

اول شيء يا اخوي خلدون ما تشوف شر بنتك والله يشفيها ويعافيها ويشفي كل طفل مريض وكل مريض على الاسره البيضاء ..

شوف ياخوي انا بنتي اتعبت علي وودتيها طوارئ الريان صراحة زحمة زحمة ويهال الله يشفيهم ..
دخلت الساعة 6 طلعت الساعة 9

انا مستغرب ليش رجعوك !!
شالسبب الي خلاهم يقولون لك خذ موعد
مع انه بنتي فديتها كان فيها صخونه وترجيع ودخلوها

الله يحفظك يا الغالي..... رجعوني لانه البنت ما عندها حراره يعني حالة مب مستعجله...بنتك الله يحفظها عندها ترجيع و سخونه يعني حاله طارئه .....اقولهم ماخذه دواء ينزل الحراره بس ما في فهم و ما يحطون باعتبارهم انها بنت صغيره و لازم يكون لاطفال الاولويه في كل شي و يتعاملون مع الحاله مثل الكبير اللي بتحمل المرض لانه جاي بدون موعد

[khaldoon]

حسبي الله على هالنظام الفاشل موعد حق اومول و سيرس

عارفين ادويتهم

انا دخلت الساعه 9 الصبح قالت لي موعدج 1 الظهر
رحت صيدلية خذت الادوية اللي ابيهااا

صرنا نتطبب على نفسنا مالت عليهم

و اليوم الثاني مستشفى خاص

خلاص صار الوضع لا يطاق

و المستانسين ع الموضوع الدكاتره كله فاضيين !!

ايه والله انك صادقه....حسبي الله ونعم الوكيل فيهم

[رايق البال x]

نفس نظام بريطانيا بالضبط ...
هذا دليل ان اللي وضع هذاالنظام الجديد ليس قطري ....

[khaldoon]

احنا المركز اللي تابعين له كل مره عندهم قانون شسالفه

من اسبوع دخلوني لانه كانو حاطين دكتور خاص للقطريين

اما الصيدليه ساعه بس عشان الادويه

الله يعين

فعلا الادوية الحين صار صرفها يتأخر وايد.....سألت صيدلاني بالمركز عن سر هالتأخير قالي انه صارت لخبطه قبل و واحد اخذ دواء غيره بالغلط و لهالسبب صار في تدقيق اكبر

[khaldoon]

راحت ايام الطيبين نظام الأوراق والرقم الي ع البطاقة

فعلا صار النظام اكثر تعقيدا و مزعج جدا .....هذا نظام امريكا بيطبقونه عنا غصب

[khaldoon]

الله المستعان وفي ذمة الاداريين

في دكتور قالي انه نظام جابوه الاجانب و يحرصون على تنفيذه المسؤولين القطريين و الله اعلم

[khaldoon]

استغفرالله
ارتفع ضغطي وانا اقرا تجاربكم

من اللي حاط هالنظام؟؟؟؟ :anger3:

راجعي الرد بالاعلى ....حياكي الله ....سلامات

[khaldoon]

ذكرتني بموقف من فترة قريبه جدا

رحت طوارئ الاطفال للمركز الفلاني تقريبا مع اذان الفجر والولد رضيع وحرارته 40 وشوي ..
وحالته حاله

الدكتور طلع من غرفته او مكتبه وطالعني وجات عيني ف عينه وشاف ان الوضع جدا مستعجل وعقبها بكل برود قال للممرضة انا رايح اصلي الفجر..
الحين ماحد معترض على الصلاة في وقتها لكن يا دكتور يا محترم لو انك تستاهل الروب اللي لابسه والاذان الا الان ما خلص وشفت الحالة مستعجله وما في حد بالمركز كان وقفت معانا مش تخليني انتظرك نص ساعه بعد ما الممرضة اخذت الحرارة للطفل

لازم يكون في رقابه عالدكاترة نفسهم

سلامات ما يشوف شر.....اجر و عافيه ان شاء الله....شوف يا اخوي اقولها عن تجربه مع هالاشكال ....لو كانت اوقات الصلاة داخل الدوام بيصلون جماعه و استراحه نص ساعه ...لو كانت مع نهاية الدوام بيقولك انا مستعجل والا عندي مشوار خلاص بصلي بالبيت...تدري ليش يقولها للي حوليه..... لانه يقصد في قرارة نفسه انه انا الحين هذا وقتي الخاص مب وقت العمل فما عندي استعداد اضيع نص ساعه من وقتي الخاص في صلاة جماعه معاكم لانها ما جات في وقت دوام هالمره

نص ساعه للفجر ليش ان شاء الله و هو داخل دوام؟؟؟؟.....تصدق القرداغي سمعته مره يقولك لو انت داخل دوام لازم ما تصلي الا الفرض فقط و لا تصلي السنه!!!.....

اتمنى من كل قلبي انه هالدكتور هذا يتفنش لانه لا يستحق المكان اللي هو فيه

[khaldoon]

على سالفة مانزل الجدول ، مرة اتصلت فيهم 107 وطلبت موعد فعلا ايقولون ما نزل الجدول ويوم السبت ماراح نحجز لكم لأنه للطواري فقط
مايصير يمكن كموظف ما اقدر اشوف الدكتور إلا يوم السبت صراحة اذا بيستمرون هالشكل بيضيعون الاوادم


حسبي الله عليهم و نعم الوكيل...نظام مقرف مثل اللي حطه ...حسبي الله على كل من تسبب في ضرر و ازعاج هالعالم