استراحة الخير والمطر والانتعاش .. كن إيجابياً

[العلياا]

مساكم الله بالخير
مبارك عليكم الحياا جميع

عسى محد غرق :(

[المحاميه]

الله يبارك فيج
لا الحمدلله الوضع تحا السيطره

[JN000N]

احنا مازلنا غرقانين ماياو اللي يصرفون الماي عيزنا واحنا نضرب لهم

[المحاميه]

الله يعينكم

[ya3coub]

تصبحون على خير جميعا

[معماري قطري]

بديت اقرا الصفحات بعدين قلت 50 صفحة وين بخلصها

[الماريّة]

السلام عليكم ورحمه الله وبركاته

صبحكم الله بالخير

[R 7 A L]

صباح النور
توه واصلني فيديو سيارة غرقانه ومات راعيها واخوه يصيح عليه في السعودية

[الحياة الخالدة]

السلام عليكم ورحمة الله وبركاته
صبحكم الله بالخير
الله يجعلها بداية أسبوع موفقة للجميع

[الحياة الخالدة]

وصلتنا الفيديوهات والصور أشكال والوان
الله يرحم من توفى ويعين كل من توهق
ويجعلها امطار خير وبركة

[بانغ بانغ]

صباحو جميعا

[بانغ بانغ]

خلو الاستراحة شغالة اليوم لانها اجواء مطر

[الحياة الخالدة]

ههههههههههه حسب الشبح اللي بيدش يسكرها

[Dana’1]

السلام عليكم
صباح الخير ،،،
شلونكم كيف الاوضاع بالحي عندكم غرق وإلا!

[الحياة الخالدة]

هلا هلا بالغالية
احنا الحمد لله في أحسن حال
للحين ما طلعت للدوام
بس منطقتنا أو بالأحرى قدام بيتنا الطريق سالك

[الحياة الخالدة]

وشكراً على الرسالة اللي بعثتيها لي عالخاص
بحاول اكلمهم لو صار عندي مجال

[الحياة الخالدة]

لكن اللي صار لنا امس في سوق واقف الوكرة لا ينسى

[المحاميه]

صباح المطر
والشوارع الغرقانه

[المحاميه]

شاللي صارلكم ف سوق واقف الوكره


الزحمه تنرفزني crazycrazy

[بانغ بانغ]

لكن اللي صار لنا امس في سوق واقف الوكرة لا ينسى

لا يكون الظهر ؟

يعني شفتي الكارثة المطرية

[Dana’1]

هلابس زووود يالغاليه ،،، العفو ماسوينا شي^_^
احنا بعد قددام البيت الحمدلله مافيه نقعه ينزل من صوبنا لين جيرانا من شرق ياعزتي لهم هجال قدام بيتهم محاصرين!

[بانغ بانغ]

شاللي صارلكم ف سوق واقف الوكره


الزحمه تنرفزني crazycrazy

المحامية فاتتك القطاوة امس

يتسبحون يحليلهم في المحيط اللي عند بيتي بس كان ناقصهم كم جاموس وكم تمساح وايصير احد مشاهد national geographic

[مستـريــح البـــال]

صبحكم الله بالخير جميع ،،،

صباحكم ،، اشلونه ؟

[بانغ بانغ]

صبحكم الله بالخير جميع ،،،

صباحكم ،، اشلونه ؟

صبحبح

محد مستانس الا انت يا مستريح

الله ايدومها عليك

المهم هل غرق موترك او لا

[مستـريــح البـــال]

اللهم لك الحمد ،، وهو في حد ماخذ منها شي ؟؟ :rolleyes:

ابشرك ،، موتري صُنع ليغرق :ok2:

انت اخبارك مع الاجواء ؟؟

[المحاميه]

ههههه

بانغ يوز عني
والله عندي فوبيا من القطاوه
لاتجيب طاريهم

[ya3coub]

صباحكم سعيد و رايق

و اتمنى لكم اسبوع موفق

https://s11.postimg.org/5u4vkl5g3/148021926020017920140.jpg

[المحاميه]

صباح النور اخوي مستريح

مرحبا ديور
شسالفة النقع معاكم

:(

[مستـريــح البـــال]

صباح الاجازات محاميتنا ،،،

[بانغ بانغ]

اللهم لك الحمد ،، وهو في حد ماخذ منها شي ؟؟ :rolleyes:

ابشرك ،، موتري صُنع ليغرق :ok2:

انت اخبارك مع الاجواء ؟؟

والله امس في الوقرة ( احد اللكنات ومعناها الوكرة بالعربي ) غرقنا والحمدلله اني امسوي كل الترتيبات اللازمة لكن خر عندي جزء من المرزام ..

الحمدلله بضبطه اليوم .

اما جدام البيت ..... مستنقع كبير

خلها على الله بس

[الماريّة]

وشحاااااااااااالكم كلن بحاله

وش ذا العلوم على الصبح الله يهديكم
غرق وموت استصبحوا يالله صباح خير


رحاااااالوه:eek3: خل منك لعلوم الشينه

[الماريّة]

يارب الشبح مايسكر الاستراحه

امس رحت للشمال من غبشه انا وخواتي

يااااااااااااااااااااااااه يازين الوناسه وزين الجوو

من الرويس وراد ولين الزباره وعين محمد

بحط لكم الصور

[ya3coub]

صبحكم الله بالخير جميعا

انتو اشلونكم مع النقع

احنا قريب البيت شي متوقع فانا اطلع من ورى و ربي لك الحمد انه الطريق سالك

زحمه الهايواي واصله لين دوار العبيدلي و يبالفيت بصير ذكي و تجاوزت يمين مابي اصير مراسلكم للزحمه لان كل شارع او مختصر اسوئ من الي قبله من قوقل مابس 52 دقيقه من الهايواي لين نادي القولف هاي اسرع طريق !!!!

[مستـريــح البـــال]

اي سمعنا ان المقاطعات الجنوبيه ،،

جاها من الخير والامطار الكثير ،،، الله يديمها ،،

[المحاميه]

هلا الماريه

شخبارج بعد المطر؟

[المحاميه]

خاطري ف نوتيلا
لكن ممنوع منعا باتا قاطعا
:(
النفسيه مب شي
تبي شوكليت

[ya3coub]

يارب الشبح مايسكر الاستراحه

امس رحت للشمال من غبشه انا وخواتي

يااااااااااااااااااااااااه يازين الوناسه وزين الجوو

من الرويس وراد ولين الزباره وعين محمد

بحط لكم الصور

بالانتظار اختي الماريه

غباش = الصباح هههههه من الموضوع الثاني

اكيد الصور حلوه جدا

[بانغ بانغ]

خاطري ف نوتيلا
لكن ممنوع منعا باتا قاطعا
:(
النفسيه مب شي
تبي شوكليت

اللله على الشوكولاطه

احب طورطة التفاح برضو

[ya3coub]

خاطري ف نوتيلا
لكن ممنوع منعا باتا قاطعا
:(
النفسيه مب شي
تبي شوكليت

لا تخلين شي بخاطرج اختي المحاميه خصوصا حق النفسيه

[المحاميه]

صباح الخير اخوي يعقوب

ماشاء الله صوره معبره لمعنى الانجاز

مستريح ،،
للاسف داومت
ماغبت صامله
مع ان النفسيه غلط

[Dana’1]

^^
لا تحرمين نفسك من الشوكليطه خذي قطعه صغيره عن الخاطر:)
رجيم الحرمان يذبح حشى

[المحاميه]

بالانتظار اختي الماريه

غباش = الصباح هههههه من الموضوع الثاني

اكيد الصور حلوه جدا

ههههههههههه
زين قمت اتعلم واتجمع
شاطر

[المحاميه]

اللله على الشوكولاطه

احب طورطة التفاح برضو

ههههه
يالله يبلنا
بس شاطر تتكلم عن الاخطاء
تعبت نفسيتنا
لازم الحين توزع علينا شوكليت

[مستـريــح البـــال]

خاطري ف نوتيلا
لكن ممنوع منعا باتا قاطعا
:(
النفسيه مب شي
تبي شوكليت

النفسيه اذا ما عطيتيها على راسها ،، صدقيني بتعطيج على راسج ،،

شوكلت ،، وعقبه كيك ،، فغوزي ، ...

[المحاميه]

لا تخلين شي بخاطرج اختي المحاميه خصوصا حق النفسيه

لا باخلي
لان داشه ف نظام دايت مع مركز سليم
ولازم التزم :(
ولو كلت باحس بالذنب
ساعات نبي شي بس مانقدر ناخذه
مالنا الا الصبر
هههههه

شكرا عالاطراء

[مستـريــح البـــال]

كوفي والامور طيبه ،،، :ok2:

[الماريّة]

http://d.top4top.net/m_331m1tgc0.mov

تفضلوا اسمعوا صوت المطر 😍 في الرويس امس

[مستـريــح البـــال]

صباح الخير اخوي يعقوب

ماشاء الله صوره معبره لمعنى الانجاز

مستريح ،،
للاسف داومت
ماغبت صامله
مع ان النفسيه غلط

O M G :rolleyes2:

عيل ما نلوم نفسيتج ،،،

[المحاميه]

النفسيه اذا ما عطيتيها على راسها ،، صدقيني بتعطيج على راسج ،،

شوكلت ،، وعقبه كيك ،، فغوزي ، ...

ههههههه
انا معطتها ع راسها عشان جذي داومت

بس انا حزات احس خلاص مابي اداوم هههه

لا الوضع تحت السيطره
مع ان الجو
يقولك خرب الرجيم
وصور السناب مايحتاي
:(

[Dana’1]

جوس جو يالماريه تهنيتو:)

[المحاميه]

هههه
خاشه العارضه حق يوم ثاني
ان شاء الله باطلع قريب ولازم مع الاجازه كوفي من برا ولا كرك

اهني تكون اجازه صح :ok:

[الماريّة]

مرحبتين المحاميه

الله يسلمج اخبااااااااااري ااااه لاتنشديني عن اخباري مع المطر

مابي ادوام اليوم مالي خاطر ابي اروح الشمال بعد :eek3:

ليش مايخلونا ندوام في البر وقت الشتا

[الماريّة]

صح يعقوب
مغباش غبشه غبشآ مبكرا

كلها يعني بدري من الفجر هههه

[مستـريــح البـــال]

http://d.top4top.net/m_331m1tgc0.mov

تفضلوا اسمعوا صوت المطر �� في الرويس امس

ما شاء الله عليج وعلى قولة اختنا ديور جوج جو :nice:

مادري ليش يوم شفت الفيديو تذكرت هايدي بس لو في شوية خضار :ok:

[المحاميه]

مرحبتين المحاميه

الله يسلمج اخبااااااااااري ااااه لاتنشديني عن اخباري مع المطر

مابي ادوام اليوم مالي خاطر ابي اروح الشمال بعد :eek3:

ليش مايخلونا ندوام في البر وقت الشتا


ياريت والله
مادري

صج هالجو يبيله اجازه
وتنسين نفسج صوب الشمال

واصلا غياب الشمس يسببلي اكتئاب :cry2:
فلازم الشمال

[الماريّة]

ما شاء الله عليج وعلى قولة اختنا ديور جوج جو :nice:

مادري ليش يوم شفت الفيديو تذكرت هايدي بس لو في شوية خضار :
ok:

هايدي هههههههههههه

ان شاء الله سبوعين ويطلع العشب
يبغي لنا بعد وسمي ثاني ويكثر العشب

[Dana’1]

المهم الاجواء الحلوه يبغالها افطار حلو ودسم .. عصيده .. بلاليط... قرص وتمر قهوه مهيله ومزعفره،،، كرك زنجبيل شعبيات من قلب
هيا وين الفطور!؟

[مستـريــح البـــال]

المهم الاجواء الحلوه يبغالها افطار حلو ودسم .. عصيده .. بلاليط... قرص وتمر قهوه مهيله ومزعفره،،، كرك زنجبيل شعبيات من قلب
هيا وين الفطور!؟

ايباااااه ،،،

ومن يعرف يضبط هالسوالف غيركم ،،، احنا اللي نقول وين الفطور ،،،

[الماريّة]

ديور من هيا ؟؟؟

هههههه

تذكرتج يوم شفت لوجو الرويس ^_^

[بانغ بانغ]

المهم الاجواء الحلوه يبغالها افطار حلو ودسم .. عصيده .. بلاليط... قرص وتمر قهوه مهيله ومزعفره،،، كرك زنجبيل شعبيات من قلب
هيا وين الفطور!؟

عصيييييييييييييييييييييييييييييييييييييده

اصبتيني في مقتل

[ya3coub]

جوي حاليا ليلحين فالزحمه وصلت محطه بترول الجامعه و استمع الى صوت الريان

الاغنيه اتقول
مسموح يالي تعذرت مسموح لو ما اتعذر في غيبتك

لبهره حسيت و تخيلت مديري مطرشلي هالمقطع اهداء

[المحاميه]

المهم الاجواء الحلوه يبغالها افطار حلو ودسم .. عصيده .. بلاليط... قرص وتمر قهوه مهيله ومزعفره،،، كرك زنجبيل شعبيات من قلب
هيا وين الفطور!؟

هههه
اختار كرك وقرص ..
والباقي اخليه حق غيري



ايباااااه ،،،

ومن يعرف يضبط هالسوالف غيركم ،،، احنا اللي نقول وين الفطور ،،،

سلامتك مب شرط
هذاك اول
الحين محد يعرف
بالعكس في رياييل يعرفون احسن من الحريم
هههههه

[المحاميه]

جوي حاليا ليلحين فالزحمه وصلت محطه بترول الجامعه و استمع الى صوت الريان

الاغنيه اتقول
مسموح يالي تعذرت مسموح لو ما اتعذر في غيبتك

لبهره حسيت و تخيلت مديري مطرشلي هالمقطع اهداء


تمام
اهم شي ماتطب ف نقعة ماي
وان واجهت اي شي
عندك الخبير بانغ
عنده واسطه حلوه ف اشغال
يقدر يساعدك ف ثواني

هههه

[المحاميه]

<< افصلت

:taunt:

[بانغ بانغ]

تمام
اهم شي ماتطب ف نقعة ماي
وان واجهت اي شي
عندك الخبير بانغ
عنده واسطه حلوه ف اشغال
يقدر يساعدك ف ثواني

هههه

احم احم كاني سمعت اسمي ولا اهلوس انا

لو عندي واسطة ! كنت شليت النقعه من جدام بيتي واستعجلتهم في رصف الشارع بدل هاللغلاعك

لو بس كنت محامي شاطر كنت بهدلتهم

[Dana’1]

ايباااااه ،،،

ومن يعرف يضبط هالسوالف غيركم ،،، احنا اللي نقول وين الفطور ،،،

بانغ بانغ عندده خوش طباخ:)

[بانغ بانغ]

بانغ بانغ عندده خوش طباخ:)

حميد ما يعرف الا مجبوس

احسدوه بايلوت وراجي ونكلان

حاى البيض ما قام ايعرف ايسويه

[Dana’1]

ديور من هيا ؟؟؟

هههههه

تذكرتج يوم شفت لوجو الرويس ^_^
اكيد تذكرتي الفلتر هههههههه
هيا يعني يلاااا ( هيا بنا ) << الشرح متعوب عليه

[المحاميه]

احم احم كاني سمعت اسمي ولا اهلوس انا

لو عندي واسطة ! كنت شليت النقعه من جدام بيتي واستعجلتهم في رصف الشارع بدل هاللغلاعك

لو بس كنت محامي شاطر كنت بهدلتهم


نقزه حق موضوعك اللي صارلك يومين تغرد فيه






بانغ بانغ عندده خوش طباخ:)

هههه
انا اشهد
فالوقره

[Dana’1]

حميد ما يعرف الا مجبوس

احسدوه بايلوت وراجي ونكلان

حاى البيض ما قام ايعرف ايسويه

سياسة اطفي العين :)
العصيده اصابتك في مقتل معناه يضبط العصيده ...:)

[المحاميه]

سياسة اطفي العين :)
العصيده اصابتك في مقتل معناه يضبط العصيده ...:)

ههههه
زين جذي حكرتلك

[بوحارب]

السلام عليكم

صباح الخير

اني بدي هير ؟

[بانغ بانغ]

السلام عليكم

صباح الخير

اني بدي هير ؟

شخبار سيلين والفتك

[JN000N]

لا
روح داوم يلا

[المحاميه]

انا استئذن عندي اجتماع خارجي :(

[بانغ بانغ]

سياسة اطفي العين :)
العصيده اصابتك في مقتل معناه يضبط العصيده ...:)

ديور لو يوميا اكل عصيده ماكنت اشتقت لها

هذي لغة ادبية محد ايعرفها

وينك يا سااااااااااااااااااااااالم يا ولد الزهران .... الفزعة

[Dana’1]

مرحبا جنون شلونس شكل سهرتس صباحي مع الصغيرون

[الحياة الخالدة]

لا يكون الظهر ؟

يعني شفتي الكارثة المطرية

إيوة بالضبط وكنا في وسط المعمعة
يعني صار لنا نفس اللي يصير في الافلام الهندية
نركض تحت المطر

[بانغ بانغ]

إيوة بالضبط وكنا في وسط المعمعة
يعني صار لنا نفس اللي يصير في الافلام الهندية
نركض تحت المطر

هههههههههههههههههههههههههههههههههههههههههههه

زين حسيتوا فينا الفقارة

[بوحارب]

شخبار سيلين والفتك
هلا هلا


شمال شمال والأجواء كانت من الااااااااااخر



لا
روح داوم يلا
الدوام للرجاجيل طال عمرج :(


انا استئذن عندي اجتماع خارجي :(
خفي علينا يا وزيرة الثقافة ههههههههههههههههههههههههههههههههههههه

[الماريّة]

والله زين للحين ماسكر الاستراحه:shy:

[سالم الزهران]

ديور لو يوميا اكل عصيده ماكنت اشتقت لها

هذي لغة ادبية محد ايعرفها

وينك يا سااااااااااااااااااااااالم يا ولد الزهران .... الفزعة

أتفق معك بانغ , العصيدة وينا وينها , بس ما عليك من ديور عينها باردة خاف من غيرها :confused:

[بانغ بانغ]

والله زين للحين ماسكر الاستراحه:shy:

واسطة يبا

الحياة مب هينة

موديررررة كبيرررررة

[بانغ بانغ]

أتفق معك بانغ , العصيدة وينا وينها , بس ما عليك من ديور عينها باردة خاف من غيرها :confused:

حبببببببببببببببببيب

[الحياة الخالدة]

واللي كمل علينا
انغلبنا من عيال الذيب في الليل

[الماريّة]

لايسكرونها اليوم خلونا نستمع بسوالف الحيا

انا مب معاكم للحين فكري شمال صوب المطر
:cry2:

[الحياة الخالدة]

ههههههههههه مديرة كبيرة
لا تغترون .. شوي ويسكرها الشبح الطيب

[مستـريــح البـــال]

شكلهم مره وحدة بيطفون الليتات (عنصر المفاجأه ممتع ) ،،، :waiting:

[Dana’1]

ديور لو يوميا اكل عصيده ماكنت اشتقت لها

هذي لغة ادبية محد ايعرفها

وينك يا سااااااااااااااااااااااالم يا ولد الزهران .... الفزعة


ما عرفتك يا أحمد شوقي ..يا توفيق الحكيم يالعقاد انت اثرك جامع لغه الادباء يا اديب عصرك

[بوحارب]

مب مسكر الأستراحة سولفي يالماريه امورج طيبة

فاتج المطر صوب الزبارة يوم الجمعة كان شي خيااااااالي

[الماريّة]

احس السكن حوالينا شوي وكل شي ظلام ويقول يالله برع لو سمحتوا ههههه

[الحياة الخالدة]

اضم صوتي لصوت المارية

[مستـريــح البـــال]

نشوفك ياللي صبعك على الزر الاقفال ،،، :protest:

[الماريّة]

مب مسكر الأستراحة سولفي يالماريه امورج طيبة

فاتج المطر صوب الزبارة يوم الجمعة كان شي خيااااااالي

من قالك فاتني

لا يباا رحت وشفت وصورت وصلت لين عين محمد
وشفت الحيا يازينه في كل المناطق المايده وام ثنيتين وام قريبه
ومسيكه ماتفوتني اجواء المطر كللللش كلللش

[Dana’1]

انتو لا تصيرون مثل البزران وقت الجمعه كل شوي يمه متى بنروح ... يمه بنروح الحين خن نجلس شوي .. !!


استمتعو بالاستراحه لا تنشدون ههههههههه

[بوحارب]

من قالك فاتني

لا يباا رحت وشفت وصورت وصلت لين عين محمد
وشفت الحيا يازينه في كل المناطق المايده وام ثنيتين وام قريبه
ومسيكه ماتفوتني اجواء المطر كللللش كلللش

مافيج حيله

هذا طريقي كل ويكند وانا رايح العنه

بس المطر القوي كان الجمعة في الليل عالساعة 11 كذا

شي خيالي والله

خلاص المره الجايه سيروا علينا تعشوا عندنا في عشيرج

ترى نسوي كبسه هامور حاقه ما حصلتش

[مستـريــح البـــال]

انتو لا تصيرون مثل البزران وقت الجمعه كل شوي يمه متى بنروح ... يمه بنروح الحين خن نجلس شوي .. !!


انتو بعد استمتعو بالاستراحه لا تنشدون ههههههههه

وانتو بعد لا تحطون الاكل وترتبون الاوضاع ،، عقب تقولون يله بنرد البيت ،،، :rolleyes2:

[R 7 A L]

اهب للحين الاستراحة مفتوحة

[الماريّة]

مافيج حيله

هذا طريقي كل ويكند وانا رايح العنه

بس المطر القوي كان الجمعة في الليل عالساعة 11 كذا

شي خيالي والله

خلاص المره الجايه سيروا علينا تعشوا عندنا في عشيرج

ترى نسوي كبسه هامور حاقه ما حصلتش

الجمعه ماطلعنا
رحنا من صبح السبت لين قريب المغرب عادني بحط الصور لكم

وعلى القوه اخوي بوحارب اتعشى عندكم العافيه
وكثر الله خيركم

يبي له هامووور وصافي الشمال بعد
:shy:

[بوحارب]

الجمعه ماطلعنا
رحنا من صبح السبت لين قريب المغرب عادني بحط الصور لكم

وعلى القوه اخوي بوحارب اتعشى عندكم العافيه
وكثر الله خيركم

يبي له هامووور وصافي الشمال بعد
:shy:

الله يعافيج

ما شاء الله وقت حلو اللي رحتوا فيه

كان المطر شغال طول الوقت ^^

[JN000N]

مرحبا جنون شلونس شكل سهرتس صباحي مع الصغيرون

روتين يومي :happy:

[الحياة الخالدة]

اهب للحين الاستراحة مفتوحة
ياكم النظال الأكبر

[الماريّة]

الله يعافيج

ما شاء الله وقت حلو اللي رحتوا فيه

كان المطر شغال طول الوقت ^^

اي ماشاء الله جاتنا حلبه صوب الرويس
واحنا رادين صوب عذبه بعد جاتنا حلبه قوووويه السيارات معاد تحركت

ويوم رحنا صوب الزباره بعد صب علينا رشراش مهب واجد

[الحياة الخالدة]

ديور المشكلة لما تتسكر يقطونها براسي
وانا بروحي ما ودي تتسكر

[الماريّة]

لا عيل شكله الي يسكرها دايم

مانتبه يمكن مشغول :p

يارب ماينتبه ولاتتسكر

[بوحارب]

روتين يومي :happy:
احسن من القعده على الجوال @@




اي ماشاء الله جاتنا حلبه صوب الرويس
واحنا رادين صوب عذبه بعد جاتنا حلبه قوووويه السيارات معاد تحركت

ويوم رحنا صوب الزباره بعد صب علينا رشراش مهب واجد
الحمدلله على الرحمه

لو عطونا اجازة اليوم بعد كان اكملت الفرحه هههههههه


ديور المشكلة لما تتسكر يقطونها براسي
وانا بروحي ما ودي تتسكر

مشكلة اللي يسوي نفسه بريئ !!

[الحياة الخالدة]

بوحارب
كلن يرى الناس بعين طبعه

[Dana’1]

وانتو بعد لا تحطون الاكل وترتبون الاوضاع ،، عقب تقولون يله بنرد البيت ،،، :rolleyes2:

ههههههههههه عندكم هالحركات بععد
لا لا انا ما اسويها:playball:

[بوحارب]

بوحارب
كلن يرى الناس بعين طبعه

اكيد مافيه شي

المجرمين معروفين :)

[Dana’1]

خوش روتين يا جنون ... خفت عليس يختس الضحكه النقازيه ماتطمن*:)
الله يحفظه لكم

[JN000N]

خوش روتين يا جنون ... خفت عليس يختس الضحكه النقازيه ماتطمن*:)
الله يحفظه لكم

حاليا الوضع انام وعيني مفتوحه واصحصح فجاه وارد اخثر وهكذا ههههه

[R 7 A L]

ياكم النظال الأكبر

جاكم الاعصار ماشي يعيقه هههههه

[الحياة الخالدة]

بوحارب اطلع برا
روح ذاك الصوب يدورون على سائقين مهرة

[بوحارب]

بوحارب اطلع برا
روح ذاك الصوب يدورون على سائقين مهرة

ههههههههههههه



زين نبي ريوق شالسالفه

على الأقل الزرقا كيمة وجباتي مب غلط

[مستـريــح البـــال]

:pilot:

هاه مافي مطر منيه منااك ؟؟؟

حد يبشرنا ،،

[بوحارب]

:pilot:

هاه مافي مطر منيه منااك ؟؟؟

حد يبشرنا ،،

لا مافيه

بس ننطر الحياة الخالدة تعزمنا على الريوق

يقولون نازلها راتب دبل هالشهر

[مستـريــح البـــال]

يعله في زووود وزوود ،، هي كريمه ( وكل الأعضاء ،، كل ابوهم ) يستاهلون ،،

بس تهقى بيكفي ؟؟

[R 7 A L]

يعله في زووود وزوود ،، هي كريمه ( وكل الأعضاء ،، كل ابوهم ) يستاهلون ،،

بس تهقى بيكفي ؟؟

انت بس ابي 20 الف

[وسمي2016]

:pilot:

هاه مافي مطر منيه منااك ؟؟؟

حد يبشرنا ،،

اشاء الله تبارك الرحمن

http://store2.up-00.com/2016-11/1480228878711.jpg

اللهم زد وبارك اللهم رحمتك ياكريم

[الماريّة]

ابشروا بالحيا

اشوف الحين من ورى دريشتي الجنوبيه حقبان جايه من شرق الى جنوب

[الماريّة]

اشاء الله تبارك الرحمن

http://store2.up-00.com/2016-11/1480228878711.jpg

اللهم زد وبارك اللهم رحمتك ياكريم

مرحبا بعلومك الطيبه
علم الحيا والطيبين يبين ياخونا الوسمي
بعدي على ذا لعلوم الزينه

[مستـريــح البـــال]

الله يبشرك بالخير وين ما ناظرت ،، قول امين ،،

اللهم صيبا نافعا ،،

[شبح الصمت]

مبارك عليكم الحيا

[مستـريــح البـــال]

ابشروا بالحيا

اشوف الحين من ورى دريشتي الجنوبيه حقبان جايه من شرق الى جنوب

ويبشرج بالخير وين ما رحتي ،، قولي امين ،،،

[وسمي2016]

مستريح البال


مستريح البال ولاقيل ولاقال
شاري الراحه مالي بالهموم
الهوى ياناس هو بالعدل
لو صفا لك يوم ماظنه يدوم

[الماريّة]

اجمعين يارب

[مستـريــح البـــال]

الله يرضى عليكم يامشرفينا ،،،

دام في علوووم طيبه ،، خلوا الاستراحه ،،،،

ما تدرون تغيرون نفسية حد للاحسن ،، بروحه العنوان يشرح الصدر ،،

الله يجزاها خير اختنا الحياة ،،،

[المحاميه]

زعلانه

[المحاميه]

ايه قولولنا متى الحلبه
اذا الصبح مافي امل اداوم ههههه

[مستـريــح البـــال]

مستريح البال


مستريح البال ولاقيل ولاقال
شاري الراحه مالي بالهموم
الهوى ياناس هو بالعدل
لو صفا لك يوم ماظنه يدوم

صح لسانك يالذيب ،،، :nice:

خذنا منها اللي يكفينا يالغالي ،،،،

والله العالم اللي بالصدور ،، هو في أحلى من راحة البال ؟؟ مش كدا والا ايه ؟؟ :)

[وسمي2016]

مرحبا بعلومك الطيبه
علم الحيا والطيبين يبين ياخونا الوسمي
بعدي على ذا لعلوم الزينه

الله يديم عزكم وطيبكم ولكل منهو حاضر
كل خير وسلامه,,,,,,

,,:victory:,,

[Dana’1]

ديور المشكلة لما تتسكر يقطونها براسي
وانا بروحي ما ودي تتسكر

ديور المشكلة لما تتسكر يقطونها براسي
وانا بروحي ما ودي تتسكر

كلنا ودنا ماتتسكر ،، بس الاعضاء يحنون يبغونها تسكر:)
آيه عليج ،، لا لا حشى ماسكرتيهن*المراريت الاخيره
ماعليس منهم بس

[المحاميه]

الحمدلله خلصت من الاجتماع

وتذكرت عندي شغل متراكم فالمكتب :(
ليش ليش ليش :(

[وسمي2016]

صح لسانك يالذيب ،،، :nice:

خذنا منها اللي يكفينا يالغالي ،،،،

والله العالم اللي بالصدور ،، هو في أحلى من راحة البال ؟؟ مش كدا والا ايه ؟؟ :)

تسلم الغالي,,,,من اشوف اسمك اتذكر هالكلمات
هالمره كتبتها من رايق مزاج,,,,,وبابخته
من استراح باله وراق له المزاج:shy:

[شبح الصمت]

من فيكم هاليومين عنته راحت فيها اغرقت ...


اعرف شباب فالسيلين الله يحفظهم جاتهم المطره وغرقت عنتهم

المضحك المبكي في السالفة انهم جايبين مكينه تشفط الماي !!!!

صراحة انا لو منهم خلاص اشل قشي وازحف اي مكان ثاني ..
ولو جوني البيئة بقول لهم شوفوا شلي صار فينا ..


والحمد لله على كل حال

[وسمي2016]

الحمدلله خلصت من الاجتماع

وتذكرت عندي شغل متراكم فالمكتب :(
ليش ليش ليش :(

يتراكم عليج الخير,,,,, قولي امين :nice:

ذكرتيني بشغلي متراكم ,,,,,يللا نشوفكم على خير وموده

[الحياة الخالدة]

الله يحفظ مديرنا قطري ويحنن قلبه علينا
الكل مستانس ومحتاج للفضفضة

الله يحفظكم جميع ويديم علينا وعليكم الراحة والوناسة

أهم شي لحد يتهاوش هههههههههههه
لأن المدير راقد ولو وصله صوت الهواش بيقوم معصب ويطفي الليتات

[الحياة الخالدة]

وسمي ،، يا أخي اسمك بروحه يشرح الخاطر
خلك معانا وعطنا العلوم الزينة

ولا يهونون البقية

[الحياة الخالدة]

يا جماعة نبي ريوق
وين النورثي

[@north_star@]

انا قاعد اراقبكم واقول ليش مب مسكرين الاستراحة للحين

[R 7 A L]

الحمدلله خلصت من الاجتماع

وتذكرت عندي شغل متراكم فالمكتب :(
ليش ليش ليش :(

تراكم الشغل عندك
لانك يوم الخميس فالتها في المنتدى
خلي المنتدى واستراحة المطر تنفعك

[الحياة الخالدة]

رحال
شرايك تروح ترقد ولا تقبس علينا

والا اقول لك : بنعطيك لستة هدايا تشتريها لنا من امريكا وانت راجع

[الحياة الخالدة]

يقولون سوق امريكا ما يسكر ليل ونهار

[Dana’1]

حاليا الوضع انام وعيني مفتوحه واصحصح فجاه وارد اخثر وهكذا ههههه

آيه علينا ماعطونا الاجاننب من قلوبهم .. النونو بغرفه وهم بغرفه غاطين بنومهم ههههههههه

[@north_star@]

اليوم الريوق بالبر يبيله .............

http://www.majaless.com/up/get-11-2016-o4ytg6kz.jpg (http://www.majaless.com/up)

[R 7 A L]

رحال
شرايك تروح ترقد ولا تقبس علينا

والا اقول لك : بنعطيك لستة هدايا تشتريها لنا من امريكا وانت راجع

شدراج اني اكبس ابي انام بس سهران على شانكم ههههههه

الهدايا حرام

[JN000N]

الله يحفظ مديرنا قطري ويحنن قلبه علينا
الكل مستانس ومحتاج للفضفضة

الله يحفظكم جميع ويديم علينا وعليكم الراحة والوناسة

أهم شي لحد يتهاوش هههههههههههه
لأن المدير راقد ولو وصله صوت الهواش بيقوم معصب ويطفي الليتات

اخاف يسويلنا نفس العم معيض بالخيزرانه

[R 7 A L]

اخاف يسويلنا نفس العم معيض بالخيزرانه

بعض الاعضاء يبي لهم العم معيض هههههههه

[JN000N]

آيه علينا ماعطونا الاجاننب من قلوبهم .. النونو بغرفه وهم بغرفه غاطين بنومهم ههههههههه

اتصدقين اعرف وحده الله يستر عليها
غرفتها فوق وغرفة البيبي تحت ينام مع الخدامه !
الحين انتي ام البيبي ومرات تستضيقين من صياحه اخر الليل وتتعبين معاه وتتنرفزين مرات
شلون لو خدامه والبيبي مب مالها!

[JN000N]

بعض الاعضاء يبي لهم العم معيض هههههههه

اولهم انت مع تصوير من كل الجهات هههاي

[مستـريــح البـــال]

الله يحفظ مديرنا قطري ويحنن قلبه علينا
الكل مستانس ومحتاج للفضفضة

الله يحفظكم جميع ويديم علينا وعليكم الراحة والوناسة

أهم شي لحد يتهاوش هههههههههههه
لأن المدير راقد ولو وصله صوت الهواش بيقوم معصب ويطفي الليتات

نوم العوافي يارب ،، خلوه خلوه ،،

حتى لو طفى الليت نوره مسفر المكاان ،،،

[مـراحـب]

مرحبا ، ،،

[JN000N]

نوم العوافي يارب ،، خلوه خلوه ،،

حتى لو طفى الليت نوره مسفر المكاان ،،،

نوع من انواع التحيلق

[JN000N]

مرحبا ، ،،

مرحبتين




على فكره حبيت اقولكم طول ما انا موجوده ب الاستراحة خطر انها تتسكر بيكون بنسبة 100%
اما لو انا محد عادي تتم مفتوحه لين الويكند الياي خخخخ

[مستـريــح البـــال]

نوع من انواع التحيلق

تنكرين هالشي ؟؟؟ :waiting:

[JN000N]

تنكرين هالشي ؟؟؟ :waiting:

اي :sneaky:
دامه راقد خلني اعقر فيه ههههههه
ياخي ماعرف اتحيلق

[R 7 A L]

اولهم انت مع تصوير من كل الجهات هههاي

كل مشروك مبروك وانتي معنا ههههههه


الشي الي افكر فيه دايم
ان خاطري استأجر نادي رياضي واجمع اعضاء المنتدى واسكر عليهم واجيب عشرين ثور مالت اسبانيا وانا اشوفهم من المدرجات
قمة الاثارة ههههههه

[مستـريــح البـــال]

يا يبه اشفيج ،، غيري النظره ،،

من لا يشكر الناس لا يشكر الله ،، بس الاساليب تتغير ، والمفاهيم تتغير ،،

بعدين مب زين الكلام عن الناس وهم رقوود ، والا محد ،،

:waiting:

[JN000N]

كل مشروك مبروك وانتي معنا ههههههه


الشي الي افكر فيه دايم
ان خاطري استأجر نادي رياضي واجمع اعضاء المنتدى واسكر عليهم واجيب عشرين ثور مالت اسبانيا وانا اشوفهم من المدرجات
قمة الاثارة ههههههه

لا انا بصوركم

وانت شوله ماتكون اول الحضور فالساحة

[JN000N]

يا يبه اشفيج ،، غيري النظره ،،

من لا يشكر الناس لا يشكر الله ،، بس الاساليب تتغير ، والمفاهيم تتغير ،،

بعدين مب زين الكلام عن الناس وهم رقوود ، والا محد ،،

:waiting:

لا هالناس حتى وهم رقود لين انا عقرت فيهم يرن المنبه عندهم ويقومون خخخ
الله يستر لايصير صج ويصكها احين
بعدين اشكر الناس اقول نورهم مسفر المكان حتى لو طفو الليتات :sneaky: يمه منك

[الحياة الخالدة]

اخاف يسويلنا نفس العم معيض بالخيزرانه
شكله جذي
عاد مديرنا لين عصب عصب

[مستـريــح البـــال]

انا ،، دنا غلباااااااان ،،

حتى شوفي البراءة :shy:

[JN000N]

شكله جذي
عاد مديرنا لين عصب عصب

مديركم كله معصب
متى ضحك بس

[JN000N]

انا ،، دنا غلباااااااان ،،

حتى شوفي البراءة :shy:

كيوووت البراءه

[JN000N]

يالله دام احباب الله واخيرا رقدو
انا بعد استاذنكم بغط لي جم ساعه قبل يقومون

[الحياة الخالدة]

نوم العوافي جنون لج ولأحباب الله

[JN000N]

الله يعافيج غناتيه

[مستـريــح البـــال]

كيوووت البراءه

كيووووت ميين ،، عيب عند العرب :eek5:


،،،،،

يا الله بمطر وخير ،،

يا الله تسقي كل ارض ،، وترويها ،، ونشوف خضااار ،، واشجار ،، وان شاء الله غابات بعد ،،

قولوا امين ،،

[الماريّة]

يَ حضرة المسؤول عفست جونا
ؤلا تواخذنا على الخاطر الشين
الناس في ذا الجو تكشت و حنا
نوايق مع الشباك كن حن مساجين


نبي نطللللع 😩

[المحاميه]

انا انسحب
عندي شغل وايد للاسف

:(

لازم اترك المنتدى شوي ..

[بانغ بانغ]

انا انسحب
عندي شغل وايد للاسف

:(

لازم اترك المنتدى شوي ..

لا حاسبي بتقوم الحرب بدونك .... ارجعي بسرعه والا بعطيك هدية قطو

[الحياة الخالدة]

يالوقراوي
لا تتنقشر بالمحامية

[R 7 A L]

يَ حضرة المسؤول عفست جونا
ؤلا تواخذنا على الخاطر الشين
الناس في ذا الجو تكشت و حنا
نوايق مع الشباك كن حن مساجين


نبي نطللللع ��

لو انا مسئولك
اعطيك انذار شديد اللهجه

[بانغ بانغ]

يالوقراوي
لا تتنقشر بالمحامية

ههههههههههههه صراحة ماسك قلبي وانا اكنب

[الحياة الخالدة]

ههههههههههههه صراحة ماسك قلبي وانا اكنب

ههههههههههه حظك انها مشغولة وما شافت للحين
قول ان شاء الله لما ترد تكون اعصابها هادية

[الحياة الخالدة]

زين يا جماعة الحين احنا محبوسين في دواماتنا
شخبار الجو والمطر برا

[بانغ بانغ]

يرجى اغلاق الموضوع بسرعة قبل لا تدش المحامية

ادارة
عرب
مشرفين

وانا خوفي موكلها يحكمون عليه بالاعدام او مؤبد واتحط الحرة في المنتدى

[الحياة الخالدة]

ههههههههههههههههههه
خلاص الاستراحة بتستمر لين يوقف المطر ويشفطون كل النقع من الشوارع و يتصحا الغيم

[الحياة الخالدة]

الوو المحامية تعالي بسرعة
الوقراوي يبيج في كلمة راس

[الحياة الخالدة]

رحال ،، روح ارقد

[بانغ بانغ]

في سابع نومه مسكين لا يحلم بكوابيس فينا

ما تسمعين الشخير في الكيبورد

[R 7 A L]

رحال ،، روح ارقد

ادور احد ارفع ضغطه
ماش اليوم كلهم رايقين ههههههه

[بانغ بانغ]

اووووووو انت قاعد

تراني امدحك رحال

[R 7 A L]

اووووووو انت قاعد

تراني امدحك رحال

نص قاعد ونص راقد هههههههه
شخبار فطورك اليوم يقولون دبيتها قبل لاتطلع

[بانغ بانغ]

نص قاعد ونص راقد هههههههه
شخبار فطورك اليوم يقولون دبيتها قبل لاتطلع

اخاف اقولك وتستلمني ديور
















فطرت بيض

[ya3coub]

و انا بسجل حضوووور من امس كررررررف اشوه اني جيكت ايميل الدوام اول ما وصلت البيت و ادري بالمشكلة قبل ما اداوم



الحمد الله خلصت وايرات المحطة

لشلونكم شخباركم

[Dana’1]

ههههههه
كني بك طلبت حميد يضبط لك عصيده ... ماخبرت هل الوقره وعيال عمهم بالجبيل بخله،،

[Dana’1]

مرحبا يعقوب ،، احنا بخير*الحمدلله
شلونك والاوضاع بالوسيل ستي

[Dana’1]

جنون شكلها للحين عين وعين وعليه
هالوحده الي تقولين عنها الله يهديها يارب ... حرامات بيبي تتولااه الشغاله خطيه:(
وعلى كثر الفيديوهات الي توصل ا بعض
لناس ما تتوب

[بانغ بانغ]

98862

[وسمي2016]

بناء قوي للمزون جنوب وشرق الغويريه الان
وعلى دلالة الالوان المفروض اقوى من مطر
الدوحه امس وتمتد الى سمسمه ومدينة الكعبان
وراس لفان,,,,,,انتبهوا يالسواقين وان شاء الله
بدأت المزون تبني غرب وجنوب غرب الدوحه الى الصناعيه
واسبيرزون الان حسب الردادار وبطلع بعد شوي
اشيك ,,,,,,وان شاء الله تزيد وتتكاثر المزون المطيره
في كافة ارجاء قطر الخير من الان وحتى المساء

خير كثير ايضا الان شمال وسط نجد وحتى الاحساء والدمام
وقريب من البحرين حسب مايبدو من الردادار الفوري

http://store2.up-00.com/2016-11/1480237850221.jpg

[الماريّة]

الله يرزقنا الحيا الي ينفعنا ولا يضرنا

[وسمي2016]

الله يرزقنا الحيا الي ينفعنا ولا يضرنا

اللهم امين,,,,,اللهم امين

[بوحارب]

انا رحت كتارا كركت ورجعت وانتوا للحين هني

عيل لازم حد يعزمنا على الغدا اليوم

يلا من الشاطر او الشاطره اللي بيتكفل في الغدا :)

نبي ذبيحة بس ماله داعي الكلافة الزايده

[الحياة الخالدة]

الذبيحة عليك
والا تدري بنذبحك انت ونغدي أعضاء المنتدى
والراس حق قطري

[بانغ بانغ]

الذبيحة عليك
والا تدري بنذبحك انت ونغدي أعضاء المنتدى
والراس حق قطري

اموت في الشفل

[الحياة الخالدة]

اموت في الشفل

خلاص ،، ما يغلا عليك

[الحياة الخالدة]

أخونا وسمي ،، أخبارك طيبة
الله يبشرك بالخير

[المحاميه]

ههههههههههه حظك انها مشغولة وما شافت للحين
قول ان شاء الله لما ترد تكون اعصابها هادية

هههههه

افا
انا الحين اقولكم عندي شغل وايد ومتراكم
يبيله قعده ومخ نظيف
ولازم مادخل بعد اهني عشان اقدر اركز وانجز
وانتو الاثتين مستلميني .. :(

ما هذا التصرف؟

هههه على حظكم رايقه ..
مع ان افتر مخي من الاوراق اللي عندي


بانغ
من زمان مناشبني
ماعرف ليش


:(:(:(

[المحاميه]

بناء قوي للمزون جنوب وشرق الغويريه الان
وعلى دلالة الالوان المفروض اقوى من مطر
الدوحه امس وتمتد الى سمسمه ومدينة الكعبان
وراس لفان,,,,,,انتبهوا يالسواقين وان شاء الله
بدأت المزون تبني غرب وجنوب غرب الدوحه الى الصناعيه
واسبيرزون الان حسب الردادار وبطلع بعد شوي
اشيك ,,,,,,وان شاء الله تزيد وتتكاثر المزون المطيره
في كافة ارجاء قطر الخير من الان وحتى المساء

خير كثير ايضا الان شمال وسط نجد وحتى الاحساء والدمام
وقريب من البحرين حسب مايبدو من الردادار الفوري

http://store2.up-00.com/2016-11/1480237850221.jpg


اهم شي مب صوب الدوحه

:unsure:

[بوحارب]

الذبيحة عليك
والا تدري بنذبحك انت ونغدي أعضاء المنتدى
والراس حق قطري
على كيفج

ليكون مكتوب على جبهتي خروف سوري ههههههههه

يلا يالحياة نبي تعزمينا يقولون نازلج دبل راتب والخير وايد عندج

يلا اي فندق او اي بوفيه نروح !

اموت في الشفل

وقف معاي ههههههههه

[بوحارب]

المحاميه ما نبيها معانا لأنها نفسيه بتلوع جبدنا

كله متملله ههههههههه

[وسمي2016]

على كيفج

ليكون مكتوب على جبهتي خروف سوري ههههههههه

يلا يالحياة نبي تعزمينا يقولون نازلج دبل راتب والخير وايد عندج

يلا اي فندق او اي بوفيه نروح !


وقف معاي ههههههههه

كلنا معاك بوحارب ,,,,,شد الهمه

دام فيها ذباح وبوفيهات :waiting:حطنا على يمينك

[وسمي2016]

اهم شي مب صوب الدوحه

:unsure:

صدقتي ,,,,غرقنا بما فيه الكفايه
اللهم حوالينا ولا علينا يامن وسعت
رحمته كل شي,,,,,يارزاق ياكريم

[بوحارب]

كلنا معاك بوحارب ,,,,,شد الهمه

دام فيها ذباح وبوفيهات :waiting:حطنا على يمينك

تعجبني ههههههه

يلا يالحياه متى العزومة ؟

[وسمي2016]

أخونا وسمي ،، أخبارك طيبة
الله يبشرك بالخير

تبشرين بالخير والجنه وكل منهو حاضر بأذن الله

وسط قطر شمال الجميليه الى الغويريه هذي
فوريه على ذمة الردار ,,,,خط الجميليه-الغويريه
الان خيال,,,,,,لحد يسرع اللي بيروح بالركاده


http://store1.up-00.com/2016-11/1480241747871.jpg

وسحابه كبيره ولونها احمر داكن تتوسط البحر
بين الخبر والبحرين وبأتجاه البحرين ركز,,,,

يالله تحفظ اخوانا هل البحرين وتعينهم على الطبعه:shy:

[مستـريــح البـــال]

شفت برق علينا هلت امزووونه ،،، جعل يسقي قطر ويعل ريضااانه ،،،


يا الله بالخير يارب ،،

اللهم سقيا رحمه ،، وصيبا نافعا ،،

[JN000N]

جنون شكلها للحين عين وعين وعليه
هالوحده الي تقولين عنها الله يهديها يارب ... حرامات بيبي تتولااه الشغاله خطيه:(
وعلى كثر الفيديوهات الي توصل ا بعض
لناس ما تتوب

اي والله مأمنه يبلفيت
ولين طاح الفاس فالراس صاحو



ماشاءالله
صامده الاستراحة

[مستـريــح البـــال]

ماشاءالله
صامده الاستراحة

وان شاء الله ما يخر عليها ماي ،،،،

[JN000N]

وان شاء الله ما يخر عليها ماي ،،،،

الله يسلم الطربال الصيني اللي محطوط فوقها
شزينه رخيص ومايخر ومايكلف الدوله حخخخخ
فهمتها

[الماريّة]

شعلوم الحيا غرب دخان وضواحيها

يالبى دخان في ذمتي عم بعشئها كتير :shy:

[وسمي2016]

شفت برق علينا هلت امزووونه ،،، جعل يسقي قطر ويعل ريضااانه ،،،


يا الله بالخير يارب ،،

اللهم سقيا رحمه ،، وصيبا نافعا ،،

اللهم امين,,,,


https://www.youtube.com/watch?v=-lE76-aiKVo

[مستـريــح البـــال]

الله يسلم الطربال الصيني اللي محطوط فوقها
شزينه رخيص ومايخر ومايكلف الدوله حخخخخ
فهمتها

لا فهمي على قدي :swoon:

[مستـريــح البـــال]

اللهم امين,,,,


https://www.youtube.com/watch?v=-lE76-aiKVo


سلااااامي علييييك :nice:

[JN000N]

لا فهمي على قدي :swoon:

:sneaky:

[وسمي2016]

يا زين البر فالجو الجميل وشبت الضو ,,,والقهوه

يالله حيهم,,,,,

http://www.alriyadh.com/media/article/2013/10/19/img/581069757711.jpg

مو صورة حد,,,,,,منقوله من منتدى الرياض
لكنها تعجبني ,,,:ok:,,,

[الماريّة]

يا زين البر فالجو الجميل وشبت الضو ,,,والقهوه

يالله حيهم,,,,,

http://www.alriyadh.com/media/article/2013/10/19/img/581069757711.jpg

مو صورة حد,,,,,,منقوله من منتدى الرياض
لكنها تعجبني ,,,:ok:,,,

انا ابغي الغوري العود وانتوا لكم باقي الغواريه
كيفكم عاد ^_^

[الماريّة]

98863

هذي امس صورتها

[وسمي2016]

انا ابغي الغوري العود وانتوا لكم باقي الغواريه
كيفكم عاد ^_^

وانا علي الشاذليه وصبت القهوه


https://www.youtube.com/watch?v=ic7RUrrhwtw

يللا نشوفكم على كل خير وموده

أدري ثقلت عليكم بالفيديو هات,,:shy:,,,,,السموحه

[ya3coub]

مرحبا يعقوب ،، احنا بخير*الحمدلله
شلونك والاوضاع بالوسيل ستي

مرحبا بج اختي ديور الوضع حاليا محاضره سيفتي عن اهميتها و بيعطونا خوذه جديده النظاره منها و فيها

[الماريّة]

وانا علي الشاذليه وصبت القهوه


https://www.youtube.com/watch?v=ic7RUrrhwtw

يللا نشوفكم على كل خير وموده

أدري ثقلت عليكم بالفيديو هات,,:shy:,,,,,السموحه


سلاااام على الكيف كفووو يا الوسمي تحري بها 👍🏻

زين لنا كيفٍ يونس هل الكار=كيفٍ ينومس للسهر والتعاليل
؛
وهذي قصيده الامير راكان بن حثلين العجمي
👇
ياما حلا الفنجال مع سيحة البال = في مجلس مافيه نفس ثقيله
هذا ولدعم وهذا ولد خال = وهذا رفيق مالقينا مثيله

حلوااا بالدلال الصفر و وطعم الشاذليه 😍✌️

[المحاميه]

مرحبا

<< شالادب ماعرفتني

[ya3coub]

من كافتريا الدوام علبال ما يوزعون الخوذه الجديدة

https://s16.postimg.org/ls9lenfsl/14802501395932034460810.jpg

[Dana’1]

ها المحاميه كلتي شكليطه والا صامله

[ya3coub]

https://s14.postimg.org/5ecz2t701/148025094221789574426.jpg

ماشاء الله بس حاسبو يلف عليكم الرصيف ماشاء الله

[الحياة الخالدة]

https://s14.postimg.org/5ecz2t701/148025094221789574426.jpg

ماشاء الله بس حاسبو يلف عليكم الرصيف ماشاء الله

ما شاء الله تبارك الرحمن .. الصورة تشوق
الله يحفظ الجميع

[Dana’1]

اهداء للمحاميه،،،
بس بدل البل الدايت ههههههههه


https://youtu.be/uaHrnkTcQSg

[الحياة الخالدة]

ونقول مساكم الله بالخير
بعد العودة من الدوام .. وبعد الغدا

[Dana’1]

https://s14.postimg.org/5ecz2t701/148025094221789574426.jpg

ماشاء الله بس حاسبو يلف عليكم الرصيف ماشاء الله

خوش جو ماشاءالله

[ya3coub]

ماشاء الله ما صارت5 دقايق الشارع مقابل جامعة قطر غرق

[Dana’1]

الحياة الخالده
يامساء الورد والروقان ... والشبعه ياجعله عوافي

[الحياة الخالدة]

ما شاء الله .. يعني المطر صوب دحيل

و شلون عن بقية المناطق

[الحياة الخالدة]

الحياة الخالده
يامساء الورد والروقان ... والشبعه ياجعله عوافي

هلا والله بالشيخة
الله يعافي قلبج

[الحياة الخالدة]

مرحبا

<< شالادب ماعرفتني

أهلين وسهلين
منخشة في البيت عن المطر ؟؟

[Dana’1]

يعقوب قبل شوي مارين من صوب الجامعه مافيه لا مطر ولا غرق
ما سرع ما تغرق الشوارع على كم مطره ،،،موظفين اشغال المفروض يقدمون استقالات جماعيه،، شي يفشل

الله يحفظ الجميع يا رب

[ya3coub]

https://s14.postimg.org/p5u1yhd1t/14802515767751510879027.jpg

انا اسوق حالياجسر الشمال الدوار باتجاه الشمال متروس ماي نفس الشي دوار الغرافه محدثكم يحاول يشرد من النقع و الزحمه

الي فبيوتهم الرجاء يصورون لنا قوس قزح

[@north_star@]

ما شاء الله عواصف رعدية وهوا وأمطار شديدة طريق سلوى وصوب المعمورة ... اللهم اجعلها سقيا رحمة انا من سنين ما شفت هالامطار ما شاء الله

[الماريّة]

ابشروا بلحيا والبردي جانا ابردي ☺️👏

[ya3coub]

يعقوب قبل شوي مارين من صوب الجامعه مافيه لا مطر ولا غرق
ما سرع ما تغرق الشوارع على كم مطره ،،،موظفين اشغال المفروض يقدمون استقالات جماعيه،، شي يفشل

الله يحفظ الجميع يا رب

حتى انا انصدمت ما يمدي الصور الي احطها لايف ليلحين ما اعرف اشلون ارفع صوره من الجوال بس من الكيمره دايركت

[الحياة الخالدة]

وصلتنا المطرة القوية مع برق ورعد في المعمورة من شوي
بس ما يانا بردي

[الماريّة]

اهداء للمحاميه،،،
بس بدل البل الدايت ههههههههه


https://youtu.be/uaHrnkTcQSg


افا يا ذا العلم. راعي البل ويقول الله يقطعها

^_^

[ya3coub]

المطار و الهلال و المعموره امطار الخير

[الحياة الخالدة]

الحمد لله .. الحمد لله .. الحمد لله

[JN000N]

سالمطر والخير والكورنيش الغرقان

[الحياة الخالدة]

تحنون تبون المطر .. ويوم ياكم قعدتوا تتحلطمون

[مستـريــح البـــال]

اللهم لك الحمد كما ينبغي لجلال وجهك وعظيم سلطان،
لك الحمد حتى ترضى، ولك الحمد اذا رضيت ، ولك الحمد بعد الرضى ،،،

امبارك عليكم الحيا ،،،

[Dana’1]

بالعكس الحمدلله نبغى المطر يا زينه يرد الروح..والله يزيد ويبارك

بس نبغى الأفضل لبلادنا وما ودنا بهالمناظر والخساير الماديه والنفسيه لناس كثييره سيارات مستشفيات إلخ ،،الله يعوضهم كل خير يارب

[مستـريــح البـــال]

ليش خساير ماديه ،،، اشصار من وراي ؟!!!

[المحاميه]

اول ماشفت المطر تذكرتكم

جاتنا رشه بس تخرع اكثر من امس

خاطري حد يعطينا الاوقات المتوقعه بعد ارادة الله اذا ممكن

[Dana’1]

ليش خساير ماديه ،،، اشصار من وراي ؟!!!

لما واحد سيارته بالكامل تغرق<مو خساره؟
لما عياده أطفال بالكامل تسبح والطفل يبكي والمعدات والكهربا ممكن تتأثر<<مو خساره
أموال الدوله إلي تصرف على هالمشاريع العملاقه بالأسم والهشه بالبناء<<مو خساره

تطول القائمه
والله يعوض عالجميع خير