عروض اوريدوو الفاشلة

[مخطط قطري]

يجماعه الخير ممكن حد فيكم يطرش عروض شركات دو الامارتيه وstc السعوديه وزين الكويتيه حق اوريدو وخل ربعنا يتعلمون شوي من التسويق الناجح والعروض الروعه عندهم...

[نايم سهران]

اول كنت أمدحهم بس صراحه كم مره صارت لي حركه من عندهم في الاسبوعين الي فاتووا عرفت انهم موب كفو ولا يعرفون شي اسمه تنافس

[مخطط قطري]

من غيرو اسمهم وهم مب مضبوطين وفودافون قليصه اي عرض فاشل تسويه اوريدوو تسوي مثله مافي شخصيه اعتباريه مع انها شركه عالميه المفروض تحرق اوريدووو حراق ,,,,, قطاع الاتصالات بقطر مقارنه مع دول الخليج احسها في المركز الاخير لمن نسافر دول الخليج ونشوف عروضهم ننصدم من كل شي من العروض القويه او من قوه الارسال او من قوه النت

[monatee]

خلاص اوريدو صار همها الفلوس وبس

تقص على الناس اشكره ..

فواتير زايده .. انترنت مقيد وغالي

[الحياة الخالدة]

عجبتني فودافون قليصه هههههههه
الحين بيدش لك النك نيم الهيئة العامة للاتصالات وبيقول لك يرجى مراجعتنا على هذا الرقم
نفس نك نيم الهيئة العامة مدري المجلس الاعلى للصحة

[Riku3]

ما ادري شفيهم هالفترة .. الانترنت بطيء ولما اتصل اشتكي عقب يكلموني تجاوزت المقدار المخصص وعقبها يتم تقييد الانترنت لين نزول الفاتورة !! .

[كيلو حديد]

أول ما تحول من كيوتل لفودافون
يتصلون من كيوتل يعطونك عروض ويقولون بنحل أي مشكله تقابلك بس حول عندنا .

إنزين ليش ما حليتوا المشكله قبل يحول لفودافون ؟؟!!!! :yawn:

[qatari911]

لو نسوي حملة مقاطعه على اوريدو بس لمدة 4 ساعات نسكر جوالاتنا هالمدة
نسوي مثل ماسوها في حملة على اس تي سي في السعوديه
بس مشكلتنا مانقدر نقاطع او مو الكل بيقاطع

[ساراام]

الله يرحم ايام عرض عبي واحصل على نفس الرصيد مجانا

واذكر الصلاحيه كانت 6 شهور للمجاني

الحين عروضهم فاشله حتى الرصيد المجاني صلاحيته اسبوع اسبوعين

[بوخالد911]

الله يهدي أوريدُ

[شموخ دائم]

,

,

مرحبا

شكرا على الموضوع

اخوي مخطط قطري

بصراحه مجلس الاتصالات ضعيف جدا معاهم

يعني ( يتفقون ) اوريدو وفودافون على ( عدم المنافسه ) بينهم
والاتصالات ( تتفرج





عاملين كذا
:omg:


بصراحه هذا اخر شي اتوقعه يحصل

تقسيم السوق من بينهم

هذا عمل مخالف

ويلغي المنافسه المفتوحه
ويرجعنا للاحتكار من جديد
بعد تثبيت الأسعار بينهم

المفروض المجلس يدخل

او يجيب لنا شركه ( ثالثه )


تضربهم


,

,

[معماري قطري]

ما يقدرون إخوي شموخ أوريدو تغرد تغريدو وماخذه النت والخطوط الأرضية وتنهب بدون حسيب ولا رقيب

فودافون تطر طرارة وتدور مشارك في الجوال ومن خسارة لخسارة .. يجيبون مشغل ثالث بيضيع بين الإثنين وبين الحكومة اللي للترخيص تاخذ أتعاب عالية

[الدوحه1]

أتوقع ان قاعد اللعبه راح تتغير بعد دخول "المسند واكبر الباكر" مجلس إدارة فودافون(الرئيس ونائب الرئيس)؟؟