المساعد الشخصي الرقمي

مشاهدة النسخة كاملة : إستفسـار بخصـوص الإنترلوك ..


بصمة قطرية
25-11-2016, 02:01 AM
بسم الله الرحمن الرحيم
السلام عليكم ورحمة الله و بركاته ..


صبـاح الخير ..

ممكن حد يفيدني برقم حد يركب إنترلوك
يكون شغله مضبوط و أسعاره معقوله ..

و هل الإنترلوك أنواع و لا نوع واحد ..!
جاني واحد يقول لي ثلاث أنواع والسعر حسب النوع
و في أنواع ما تعيش أكثر من سنتين ...!!

أبي أعرف كم سعر المتر ..!



شكراً مقدماً ..
ذكي جدااا
25-11-2016, 02:41 AM
اكيد في انواع انا ركبت من كم سنه بس مااذكر اي نوم كان المتر اذا ماخاب ظني 35 ريال وتركيبه سهل مايبي له لا إسمنت ولا شي. بس يبي له رمل ويركبه فوق الرمل. طبعا لازم يدك الرمل عدل عشان مايصير اي هبوط بالأرض بالمستقبل.
سعود.
25-11-2016, 12:53 PM
نصيحة للجميع في دوحة الجميع

ابتعدوا عن الانتر لوك : يجمع وصاخة وصعب التنظيف والسبب لانة خشن وفواصله عميقة شوي . في انواع كثيرة للبلاط الخارج غيره .
بصمة قطرية
25-11-2016, 02:48 PM
اكيد في انواع انا ركبت من كم سنه بس مااذكر اي نوم كان المتر اذا ماخاب ظني 35 ريال وتركيبه سهل مايبي له لا إسمنت ولا شي. بس يبي له رمل ويركبه فوق الرمل. طبعا لازم يدك الرمل عدل عشان مايصير اي هبوط بالأرض بالمستقبل.

أبي أعرف النوع الانسب
اللي حتى لو السيارات وقفت برع ما يتكسر ..
بصمة قطرية
25-11-2016, 02:49 PM
نصيحة للجميع في دوحة الجميع

ابتعدوا عن الانتر لوك : يجمع وصاخة وصعب التنظيف والسبب لانة خشن وفواصله عميقة شوي . في انواع كثيرة للبلاط الخارج غيره .



يا ليت تفيدنا شالأنواع الموجودة من البلاط الخارجي
و لو مع الأسعر أفضل ..
و هل وقوف السيارات فوقها ما راح يكسرها ..!
ضوى
25-11-2016, 03:14 PM
انا صار لي مركبه انترلوك من عشرين سنه والنوع العادي ماشاء الله للحين معمر ، واحلى مافي الانترلوك تقدرين تشيلينه ، انا يمكن عشر مرات شلت وركبته من مرة ثانيه عشان تمديدات زراعه وكهربا حق حدايق البيت برع وداخل
مستـريــح البـــال
25-11-2016, 03:54 PM
سؤال :

يمكن ينفع الاخت بصمه ، في الانتر لوك اشلون الواحد يتفادى النمل والقراريص، هل في مادة تنرش قبل ؟؟
رجل الجزيرة
25-11-2016, 06:30 PM
وأنا ركبت لي في حوش البيت من شهر بس قبله شليت الرمل الأولي وحطيت طين مخلوط مع رمل وصبيت عليه الماء لين تماسك وضربت عليه طبقه إسمنتية وفوقه رمل وفوق الرمل ماء لين تماسك وفوق إنترلوك وسيارتنا فوقه.
قصة.
:)
ذكي جدااا
25-11-2016, 10:00 PM
يا ليت تفيدنا شالأنواع الموجودة من البلاط الخارجي
و لو مع الأسعر أفضل ..
و هل وقوف السيارات فوقها ما راح يكسرها ..!

لازم تسألين عن قوة الكسر بالنيوتن. للامانه مب متذكر الرقم بالظبط لكن اتوقع لازم قوة الكسر فوق 7 نيوتن هذا اذا انا مب غلطان لاني ركبت إنترلوك من زمان. بس ممكن تسألين اي بناي او صاحب محل كم قوة الكسر اللي تستحمله السياره وحاولي تاخذ اعلى شي
بصمة قطرية
28-11-2016, 02:54 PM
انا صار لي مركبه انترلوك من عشرين سنه والنوع العادي ماشاء الله للحين معمر ، واحلى مافي الانترلوك تقدرين تشيلينه ، انا يمكن عشر مرات شلت وركبته من مرة ثانيه عشان تمديدات زراعه وكهربا حق حدايق البيت برع وداخل


حلو ..
ابي اعرف الأسعار
جبنا أكثر من واحد يعطونا أسعار تقريبية
من 7000 و طالع ..
للـ 80 متر
بس برع البيت ..
بوجبر
28-11-2016, 05:14 PM
توني منتهي من تركيب الانتر لوك لبيتي الجديد..تركيب ونوعية ممتازة


تم ارسال اسم الفورمن ورقم هاتفة ع خاص
بوخالد911
30-11-2016, 12:29 AM
توني منتهي من تركيب الانتر لوك لبيتي الجديد..تركيب ونوعية ممتازة


تم ارسال اسم الفورمن ورقم هاتفة ع خاص


ممكن ذكر نوعه وكم المتر؟
وشكرا
نفسي عزيزه
09-12-2016, 05:58 PM
بيت الاحساء طريق سلوى عليهم بلاط وانترلوك تمشي عليه سيارات البلديه الكبيره ولايصير شي فيه وحلو ومتيين قوي
بوNasser
09-12-2016, 07:38 PM
اعتقد لو انحط السؤال في قسم أعمال البناء والديكور بتحصلون اجابات وتجارب اكثر، على الرابط التالي:

المنتديات الرئيسية*النقــــــــــاش الإقتصــــــــــادي*أعمال البناء والديكور (http://www.qatarshares.com/vb/forumdisplay.php?61-%C3%DA%E3%C7%E1-%C7%E1%C8%E4%C7%C1-%E6%C7%E1%CF%ED%DF%E6%D1)

تحياتي للجميع
بعيد النظر
19-12-2016, 07:35 AM
30208999

هذي ركبلي من 3 اسابيع ..


وبالتوفيق
فريج النجادة
19-12-2016, 10:51 AM
انا صار لي مركبه انترلوك من عشرين سنه والنوع العادي ماشاء الله للحين معمر ، واحلى مافي الانترلوك تقدرين تشيلينه ، انا يمكن عشر مرات شلت وركبته من مرة ثانيه عشان تمديدات زراعه وكهربا حق حدايق البيت برع وداخل

اذا ممكن اختي النوع المركب واسم المحل والسعر

ولكم جزيل الشكر
ضوى
19-12-2016, 12:38 PM
النوع والله ماتذكر بس كان الطوب الاحمر العادي ، وكان ب 45 اذا ماخانتني الذاكرة واخذناه من مصنع الاحمداني في الصناعية
ضوى
19-12-2016, 01:07 PM
http://www9.0zz0.com/2016/11/27/10/501158600.jpg (https://www.0zz0.com)

هاي صورته للي يبي يستفيد
الفني
19-12-2016, 02:39 PM
مرحبا بالجميع بالنسبة للتركيب الانترلوك يعتمد على طريقة التركيب فلازم الواحد قبل التركيب يسال عن مراحل تركيب كيف تكون المراحل التركيب لان يعتمد على السعر الله يطول بأعماركم طريقة تركيب الانترلوك يكون كالتالي :

1- ازالة البلاط القديم او الانترلوك القديم اذا كان موجود .
2- نظافة الأرض كاملة من الرمل القديم ومن الاسمنت القديم وعمل تسوية للأرض .
3- رش الأرض بالماي وثاني يوم القيام بدك الأرض بدكاك .
4- يفضل عمل الصبية في الأماكن وقوف السيارات لان عمل صبية ضمنت الشغل 100% .
5- صب الدفان يكون الدفان من البودرة الناعمة ورش الماي عليها وثاني يوم او ثالث يوم يبدأ مرحلة تركيب الإنترلوك .
6- بعد التركيب النهائي للإنترلوك يقوم بصب الرمل الناعم ( رمل البلاستر ) ودك الانترلوك بدكاك لتسوية جميع قطع الإنترلوك فبهذه الطريقة يكون شغل مضمون 100% وممتاز .

لكن اغلب الي يركبون الانترلوك يعطيك السعر نفسه الخطوات الي ذكرتها بس للأسف ما ينفذ اهم شي عنده يشيل الانترلوك القديم او البلاط القديم وبعد ذلك عملية التنظيف اي كلام ويجيب رمل ويساويه وخلاص يبدا التركيب نفس هالطريقة التركيب الانترلوك او البلاط في الأحواش عقب سنة او سته شهور تحصل الحوش نزل من جهة ومن جهه ثانية ارتفع ترى هاي المشكلة والثاني لما يجي بعد نفس الشي لان اذا ما عمل اسلوب ماي عدل المشاكل تظهر بعدين ومنها هالمشاكل الي ذكرتها .

وشكرا لكم اذا اي حد محتاج اي خدمة تراني في الخدمة ممكن تتواصلون معاي على الخاص اخوكم بوعبدالله
فريج النجادة
20-12-2016, 01:01 PM
بيض الله وجهك يا ابوعبدالله ما قصرت