الزراعة في البيت ( النخيل ) ..

[بصمة قطرية]

بسم الله الرحمن الرحيم
السلام عليكم ورحمة الله و بركاته ..


خاطري أزرع نخل في البيت
عادي ممكن أزرعه في أي مكان
بزرعه في الحوش ..
يعني تمديدات الكهرب وهالاشياء ما بتتأثر
النخيل ما يتعكق وايد و جذوره تتفرع ..!!!
و لو بغيت أزرع أنواع ثانية
بس ملاصق للفيلا على طول
هل أقدر أكسر بلاط وازرع
ما بيوصل لأساسات البيت ..!!
شنو أسلم طريقة للزراعه
مابي أحواض أبي أكسر البلاط و أزرع ..


شكراً مقدماً ..

[ذكي جدااا]

مرحبا اختي بصمه. انا شريت نخل صغير فسائل هالكلام قبل عشر سنوات الحين ماشاء الله يثمرون واكل من رطبهم كل سنه. المهم انا سويت لكل نخله بالحوش حفرة بعمق متر ونص الى مترين ودفنتها بطين. وماشاء الله الامور طيبه للحين. بعدين جذور النخل مب كبيره. اذا بتسوين ملاصق لجدار البيت اتوقع لازم تحطين مسافهً مترين من السور وممكن تسألين حد عنده خبره يمكن الاخ معماري يفيدنا.

[ساراام]

اللي اعرفه انه النخيل جذورها ماتأذي

على الاقل حفره متر ف متر وعمق متر

اهم شي ماتكون لازقه بالجدار يعني بعديها شوي

[MAZEN37]

سبحان الله توني مكسر بلاط حذه الطوفه وحفرت واضرب بايبين كهرب ضرب شورت عندي الاضاءه الخارجيه والباب الريموت ومتلعوز وشغال طلع الباب ونزل الباب وامشي في الظلام حاليا
لازم ناس تفهم وقت الحفر

[بصمة قطرية]

مرحبا اختي بصمه. انا شريت نخل صغير فسائل هالكلام قبل عشر سنوات الحين ماشاء الله يثمرون واكل من رطبهم كل سنه. المهم انا سويت لكل نخله بالحوش حفرة بعمق متر ونص الى مترين ودفنتها بطين. وماشاء الله الامور طيبه للحين. بعدين جذور النخل مب كبيره. اذا بتسوين ملاصق لجدار البيت اتوقع لازم تحطين مسافهً مترين من السور وممكن تسألين حد عنده خبره يمكن الاخ معماري يفيدنا.

ما قصرت أخوي
جزاك الله خير ..

[بصمة قطرية]

اللي اعرفه انه النخيل جذورها ماتأذي

على الاقل حفره متر ف متر وعمق متر

اهم شي ماتكون لازقه بالجدار يعني بعديها شوي

أبي أتأكد كم بالضبط المسافة بين السور و الزرع ..
لأني مقيدة بأماكن معينة ولازم أتأكد قبل الزرع ..

[بصمة قطرية]

سبحان الله توني مكسر بلاط حذه الطوفه وحفرت واضرب بايبين كهرب ضرب شورت عندي الاضاءه الخارجيه والباب الريموت ومتلعوز وشغال طلع الباب ونزل الباب وامشي في الظلام حاليا
لازم ناس تفهم وقت الحفر

الله يعينك أخوي ..
هاي اللي خايفة منه و ابي أتاكد
عشان بكرة ما يعفس لي شي ..

[النهار]

أبي أتأكد كم بالضبط المسافة بين السور و الزرع ..
لأني مقيدة بأماكن معينة ولازم أتأكد قبل الزرع ..

النخل والليمون والتوت واللوز يكفيهم متر او متر ونصف بالكثير المسافه من طوفة البيت
النخل جذوره ليفيه ماتأثر على الجدار لوتزرعين نخل جنب بعض لازم تكون المسافه بين نخله ونخله 3 امثار

[الشمالي111]

الحين مب وقت زراعه النخل مربعانية الشتاء جاية واحتمال كبير يموت النخل واذا على الحفر على حسب حجم وطول النخل اذا فسايل صغار مب شرط متر الحفر والنخل من افضل الاشجار

[ساراام]

أبي أتأكد كم بالضبط المسافة بين السور و الزرع ..
لأني مقيدة بأماكن معينة ولازم أتأكد قبل الزرع ..

المسافه بين السور على الاقل متر وفوق،،اشوف متر ونص مناسب
بالنسبه للعمق انا عندي وحده بعمق 80 سم
وقاعد احاول اشيلها ماشاءالله وايد ثابته،،يعني خلي العمق متر احسن
ومثل ماقالو الحين الوقت مب مناسب للزراعه

بس نصيحه لاتاخذين نخل كبار