وسقط المطر ..... هل من مجيب بخصوص الاخطاء (2)

[بانغ بانغ]

ما شاء الله حلبة مش طبيعية

ومعظم الاخطاء بينت وراح اتبين اكثر

وين التخطيط من مطر كل سنة

الوكرة غرقانة والمدن الثانية غرقت

مبروك عليكم الحيا

** هاي الجزء (2) لاني نزلت نفس الموضوع من كم شهر

[لبيبة]

السلام عليكم ورحمة الله وبركاته،

حسب اللي وصلني، ان مواقف اللاند مارك اللي تحت الارض غرقانة

[بانغ بانغ]

طبيعي تغرق بحكم طريقة البناء بالدوحة

حسب الوضع الحالي بالوكرة صراحة من سنين ما شفت مثله

الله يحفظنا واياكم

[العرابي]

ومعيذر غرقانه
اللهم صيبا نافعا
اللهم سقيا رحمة
ولا سقيا عذاب ولا بلاء ولا هدم ولا غرق

[بانغ بانغ]

ومعيذر غرقانه
اللهم صيبا نافعا
اللهم سقيا رحمة
ولا سقيا عذاب ولا بلاء ولا هدم ولا غرق

امين يا رب

فعلا الوضع صعب وكم شارع تشققوا عندنا

جدام بيتنا مستنقع بسبب تاخير اشغال

[سعود.]

نصحية

شيكوا على نقاط تصريف الماى في سطوح بيوتكم بعضها ينسد ويسبب مشكلة .

الحل بسيط : لاوتحتاج عامل . تسليك فقط لنقطة التصريف بأي شي .

[أسد الجزيرة]

نفق اللقطة مصكر مليان ماي
شارع الوعب غرقان و الماي وصل الجزيرة و الاشارات عطلانه

[أسد الجزيرة]

شارع معيذر غرقان

[وحيد-الشوق]

الوكرة غرقت الحين بيطلع لنا الفقع في دوار الصدفة كل سنة يرقعون فيه ومافي فايدة

مادري متى بنشوف نقاط تصريف صح في المانيا المطر 3 ايام ولاشارع فيه نقع ماي ههههههههههه

[بانغ بانغ]

شباب انا عندي الدكتات اتخر ماي لاني مسوي ممر مغطى والدكتات من داخل هالممر

كيف اقدر اسكر المرزام من فوق السطح عشان الماي ما ينزل بالممر ( كان مساحة بالحوش وغطيتها ولصقتها بالبيت )

[بانغ بانغ]

حل اني اركب مظلة فوق السطح او اني اسكر المرزام بصبية

هل هاي ممكن او بيضر السطح

[الشمالي111]

على جميع جسور خط دخان فيه دناكر سحب واقفه احتياط اذا نزل مطر يسحب على طول من امس في الليل لين اليوم الصبح ههههههههه والمطر نزل في الدوحه اقوى من خط دخان اشغال يبي لها اشغال بهدلتنا وبهدلت قطر

[بانغ بانغ]

على جميع جسور خط دخان فيه دناكر سحب واقفه احتياط اذا نزل مطر يسحب على طول من امس في الليل لين اليوم الصبح ههههههههه والمطر نزل في الدوحه اقوى من خط دخان اشغال يبي لها اشغال بهدلتنا وبهدلت قطر

اتوقع لو اللي جانا من ساعه بالوكرة صاد نفق فبراير كان بيغرقه !

[معماري قطري]

شباب انا عندي الدكتات اتخر ماي لاني مسوي ممر مغطى والدكتات من داخل هالممر

كيف اقدر اسكر المرزام من فوق السطح عشان الماي ما ينزل بالممر ( كان مساحة بالحوش وغطيتها ولصقتها بالبيت )

كان لازم تسوي تحويل للمرزام وتركب بيب ينزل الماء وين ما تبي

انا كنت متخوف من دريشة تسرب في القبة ملصقين حولها بسيليكون والحمد لله ما سربت هالمرة .. هذا أول اختبار لها

[معماري قطري]

السطح لو فوقه ورق طاير من برا أو ورق شجر يمشي مع الماء ويسد فتحات التصريف وهذي لازم ننظف حولها لو مركبين شبك يمنع تسرب الكشرة للبيب

الشبك ضروري ويجي بارز على فوق حتى لو انسد يكون الانسداد جزئي

[معماري قطري]

على جميع جسور خط دخان فيه دناكر سحب واقفه احتياط اذا نزل مطر يسحب على طول من امس في الليل لين اليوم الصبح ههههههههه والمطر نزل في الدوحه اقوى من خط دخان اشغال يبي لها اشغال بهدلتنا وبهدلت قطر

حتى توقعهم لمكان شغلهم الغلط غلط ما يعرفون شالصح من كثر أخطاؤهم

[بانغ بانغ]

كان لازم تسوي تحويل للمرزام وتركب بيب ينزل الماء وين ما تبي

انا كنت متخوف من دريشة تسرب في القبة ملصقين حولها بسيليكون والحمد لله ما سربت هالمرة .. هذا أول اختبار لها

اي والله بوعبدالله نسيت اسوي كذا

هل في طريقة بحكم خبرتك امنع اي تسرب ماي لهالمر مثلا اسكر فتحة المرزام مثلا او اسوي صبية دار مادار الفتحة فوق السطح

[بصمة قطرية]

اتوقع لو اللي جانا من ساعه بالوكرة صاد نفق فبراير كان بيغرقه !

شلون الوضع في 22 فبراير
بروح البيت الحين ..
ما بنغرق ..!!
الهلال غرقت ماشاءالله من زمان ما جاتنا نفس هالمطرة ..
افلب شوارع الهلال غرقت و تسكرت ..

[المحاميه]

خلاص عادي تعودنا
صار المطر مرتبط بهالشي اصلا

لا عاد تنزلون هالمواضيع :victory:

[معماري قطري]

بعدين خط مثل دخان حتى لو الشارع انحفر له وانعمل غلط كالعادة ممكن نسوي حفر جانبية بعيدة شوي ونصرف المياه عليها

[بانغ بانغ]

وصلني فيديو اشكره فيضان ومواتر تتحرك في الماي وهي واقفة . ارقام قطر بس مادري وين

[بانغ بانغ]

خلاص عادي تعودنا
صار المطر مرتبط بهالشي اصلا

لا عاد تنزلون هالمواضيع :victory:

عادي ليش خل تستفيد الناس وتحل الاخطاء

[معماري قطري]

اي والله بوعبدالله نسيت اسوي كذا

هل في طريقة بحكم خبرتك امنع اي تسرب ماي لهالمر مثلا اسكر فتحة المرزام مثلا او اسوي صبية دار مادار الفتحة فوق السطح

بتسوي مشكلة أكبر وبيخر السطح

انا الله يسلمك سويت لتحويل لبايب من تحت صالة وخليته يصب برا سويت له فتحة في الطوفة يصب جهة الأرض المحايدة بين سورنا وسور الحديقة

هذي الأرض الخبير اللي اقترح سور الحديقة العظيم حتى ما يشوفون اليهال الزرافة من ورا الشبك استوت ملجأ للثعابين والفيران .. والمفروض ألحين مع التوسعة والتعديل يسوون بدال السور الخرساني شبك يخلون الناس تشوف الحديقة .. الحديقة منظر عام للناس لكن العقليات اللي تديرها غلط

[معماري قطري]

تمديد البايب من فوق ما يكلفك شيء ولا بياخذ وقت تبي رقم واحد بطرشه لك .. يعني التكلفة بتطلع لك بحدود 500 ريال

[المحاميه]

عادي ليش خل تستفيد الناس وتحل الاخطاء


هههه مانبي
خل معماري يحلها :(

[بانغ بانغ]

بتسوي مشكلة أكبر وبيخر السطح

انا الله يسلمك سويت لتحويل لبايب من تحت صالة وخليته يصب برا سويت له فتحة في الطوفة يصب جهة الأرض المحايدة بين سورنا وسور الحديقة

هذي الأرض الخبير اللي اقترح سور الحديقة العظيم حتى ما يشوفون اليهال الزرافة من ورا الشبك استوت ملجأ للثعابين والفيران .. والمفروض ألحين مع التوسعة والتعديل يسوون بدال السور الخرساني شبك يخلون الناس تشوف الحديقة .. الحديقة منظر عام للناس لكن العقليات اللي تديرها غلط

ماعليك امر بش مهندس ترسلي رقم حد يقدر ايضبط لي الموضوع مثلا ايقص البيتات وايخليها اتصب فوق الملحق مثلا

اكون شاكر بوعبدالله

عودة للموضوع ! انا بطلع لفة مع اليهال في الوكرة وبشوف الوضع

[Dana’1]

ما يعدلون شي الامور مثل ماهي اذا ماهي بزود بعد ترى انا بطبعي ايجابيه بس في امور من الواقع ،،،
الحيين تو جزء من جدار نادي الفروسيه طايح!!



احنا لازم نداري ولاحد يصف يم جدار. والله يحفظ الجميع

[الشمالي111]

بعدين خط مثل دخان حتى لو الشارع انحفر له وانعمل غلط كالعادة ممكن نسوي حفر جانبية بعيدة شوي ونصرف المياه عليها

هم خايفين يتسكر الشارع مثل العام بس المفروض انهم من العام مجهزين انفسهم او مثل ما قلت انهم يحفرون حفر جانبيه لتصريف المياة بس شغلهم غلط في غلط

[معماري قطري]

ماعليك امر بش مهندس ترسلي رقم حد يقدر ايضبط لي الموضوع مثلا ايقص البيتات وايخليها اتصب فوق الملحق مثلا

اكون شاكر بوعبدالله

عودة للموضوع ! انا بطلع لفة مع اليهال في الوكرة وبشوف الوضع

أرسلت لك الرقم وشكلك فهمت الحل وقول لهم عن الصفاية الشبك فوق لو ما ركبت قبل

[معماري قطري]

هم خايفين يتسكر الشارع مثل العام بس المفروض انهم من العام مجهزين انفسهم او مثل ما قلت انهم يحفرون حفر جانبيه لتصريف المياة بس شغلهم غلط في غلط

الحفار سهل وقبل كنا نشوف بايب كبير يمر تحت الشارع لو الشارع مر في وادي حتى يسمح بحركة الماء من جهة لجهة .. ألحين على تطور المعلومات الجغرافية وعلم المساحة بسهولة يقدرون يصلحون .. صج طريق دخان أدارت إنشاؤه قطر للبترول بس بعد أشغال مسؤولة عن تصليح كل الطرق وصيانتها

[معماري قطري]

ما يعدلون شي الامور مثل ماهي اذا ماهي بزود بعد ترى انا بطبعي ايجابيه بس في امور من الواقع ،،،
الحيين تو جزء من جدار نادي الفروسيه طايح!!



احنا لازم نداري ولاحد يصف يم جدار. والله يحفظ الجميع

شارع الفروسية بالذات يحتاج تطوير وترقية سريعة باضافة على الأقل مسارين لكل اتجاه وعمل تقاطعات جسور بدون وقوف نهائياً

[معماري قطري]

نكتة طريق الخور صراحة نكتة هندسية غريبة

ما ادري شلون مهندسين أشغال العظام يفكرون .. الظاهر سمعوا نصيحتي غلط .. رافعين الطريق حول متر .. حاطين خرسانات على الجنبين ودافنين بينها ويدكون .. الخرسانات نفس خرسانة الحماية اللي حق الطرق .. يعني ما تتحمل وزن الدفان والدك

من أبجديات هندسة الطرق عمل الدفان الثابت اللي ما يتغير خصوصاً لو تحتنا أرض سبخية وتقوية التربة بخرسانة وشباك بلاستيك .. ولو نحتاج حوائط جانبية نعملها مع أساسات وقوية ما تتحرك وتكون جزء من الطريق

[معماري قطري]

هههه مانبي
خل معماري يحلها :(

شنحل وشنخلي اختي المحامية

خايف على بانغ شكله تأخر

[بانغ بانغ]

تدري بوعبدالله والله الدورات غرقانة والمواتر الصوالين اموقفة

لا شي خطير والله ومال الصرف مساكين

توي رجعت ما قدرت اكمل وطالع في الجمس الحمر بعد

[بانغ بانغ]

صج فيلاجيو غرق وخر ماي؟؟؟

[المحاميه]

فيه شي ماخر؟؟؟

[بانغ بانغ]

فيه شي ماخر؟؟؟

حتى القطاوة مساكين خرت عليهم الاماكن اللي منخشين فيها

مساكين اللي بيوتهم تعبانة او قديمة

المحامية شكلي باحرك المنتدى وانعينك كمحامية ضد اشغال

[العرابي]

البيوت الشعبيه راحت في خرايطها الله يعين

[المحاميه]

سلامتك لا ضد اشغال ولا شي

قول ضد البلديه
خل يشلون كل القطاوه اول عقب نتفاهم

[العرابي]

سلامتك لا ضد اشغال ولا شي

قول ضد البلديه
خل يشلون كل القطاوه اول عقب نتفاهم

القطاوه ما منها ضرر هي الي تقتل الحشرات والزهيوي الوزغ والسحالي

[ya3coub]

الوكرة و المطار و الهلال غرقانين

للأسف يعني عارفين امطار عالأقل كل منطقه سيارتين و الأولوية للشوارع الرئيسيه و ليست الخارجية مثل سلوى لين دوار الصناعيى علشان ما يصير نفس العام

[وحيد-الشوق]

سؤال يدور في ذهني الحين لو وفد او لجنة الفيفا شافوا الي صاير في شوارعنا شنو بيكون رايهم ؟!

والله ازعل كل سنة اقول بيتعلمون من الاخطاء وبتنحل المشاكل لكن وين ههههههههه

[بانغ بانغ]

سؤال يدور في ذهني الحين لو وفد او لجنة الفيفا شافوا الي صاير في شوارعنا شنو بيكون رايهم ؟!

والله ازعل كل سنة اقول بيتعلمون من الاخطاء وبتنحل المشاكل لكن وين ههههههههه

ابشرك ان كاس العالم بيكون في نفس الفترة

الاشكالية مب هاي ،. هل بتخر محطات المترو ؟

[بانغ بانغ]

المشكلة الاسطوانة كل سنة شغالة وناس تموت وتعيش والفاسدين لحينهم في مناصبهم

[وحيد-الشوق]

ابشرك ان كاس العالم بيكون في نفس الفترة

الاشكالية مب هاي ،. هل بتخر محطات المترو ؟

دام المطار والشوارع والمدراس تخر عيل مب بعيده عن المترو

[بنت شرق]

خر البيت الشعبي اتصلنا بالبنغالي علي قال بكرة أنا ايسوي تصليح إن شا الله ماينزل مطر بكره إلا بعد ما يضبط الأمور

[الشمالي111]

ابشرك ان كاس العالم بيكون في نفس الفترة

الاشكالية مب هاي ،. هل بتخر محطات المترو ؟


تصدق نسولف قبل شوي عن محطات المترو نقول لايكون غرقوا

[بانغ بانغ]

تصدق نسولف قبل شوي عن محطات المترو نقول لايكون غرقوا

هههههههه ترى توقعاتي وحاستي السادسة تمشي صح

عاد كيفكم مالي خص

[لطيف الروح]

المشكلة الاسطوانة كل سنة شغالة وناس تموت وتعيش والفاسدين لحينهم في مناصبهم

الا وش اخبار لجان التحقيق السابقة

[بانغ بانغ]

الا وش اخبار لجان التحقيق السابقة

ايسلمون عليكم وكل يوم سفر

بس يوم المطر واللغلاغة كم تصريح وخلاص

[@north_star@]

للأسف اخوي بانغ كل سنة نفس السيناريو وعلى الاغلب نفس الاماكن يصير فيها تجمع للمياه

[ذكي جدااا]

كل سنه نفس المشكله ونفس التعليقات ونفس المواضيع لا حياة لمن تنادي. بنشوف شنو بيصر بكأس العالم اللي بيصير بشهر نوفمبر وديسمبر. اتوقع الجماهير بتابع المباريات من الفندق

[معماري قطري]

للأسف اخوي بانغ كل سنة نفس السيناريو وعلى الاغلب نفس الاماكن يصير فيها تجمع للمياه

المياه ما تمشي ضد الجاذبية تنزل مع الجاذبية للمناطق النازلة ولو سوينا شوارعنا في حفر لازم بتنزل

[بانغ بانغ]

وصلنا فيديو واكيد شفتوه طويل العمر يتمشى في الماي واكيد شاف بعينه وبيحاسب المعنيين لان :

قطر تستحق الافضل من ابناءها

[معماري قطري]

كل سنه نفس المشكله ونفس التعليقات ونفس المواضيع لا حياة لمن تنادي. بنشوف شنو بيصر بكأس العالم اللي بيصير بشهر نوفمبر وديسمبر. اتوقع الجماهير بتابع المباريات من الفندق

طريقهم بيترتب حتى لو يسوون خزانات صرف تحت الأرض لكن من يلفون شوي بيتفاجئون

[ذكي جدااا]

طريقهم بيترتب حتى لو يسوون خزانات صرف تحت الأرض لكن من يلفون شوي بيتفاجئون
هههههههه ضحكتني بوعبدالله :nice:

[معماري قطري]

المشكلة الاسطوانة كل سنة شغالة وناس تموت وتعيش والفاسدين لحينهم في مناصبهم

تقصدني؟؟

[بانغ بانغ]

للأسف اخوي بانغ كل سنة نفس السيناريو وعلى الاغلب نفس الاماكن يصير فيها تجمع للمياه


كل سنه نفس المشكله ونفس التعليقات ونفس المواضيع لا حياة لمن تنادي. بنشوف شنو بيصر بكأس العالم اللي بيصير بشهر نوفمبر وديسمبر. اتوقع الجماهير بتابع المباريات من الفندق

كلنا قطر

[بانغ بانغ]

تقصدني؟؟

هههههه محشوم

بس صراحة انتقدك واحملك جزء من المسئولية

بما انك متمكن وخطير ليش ما اتدش على معاليه اتحط خطة سنعة

[معماري قطري]

ايسلمون عليكم وكل يوم سفر

بس يوم المطر واللغلاغة كم تصريح وخلاص

لجنتهم منهم وفيهم وباردة عليهم

ثرى مطرنا مب كارثي ووقف لو يومين أو 3 شبيكون الوضع؟

[بانغ بانغ]

98857

[معماري قطري]

هههههه محشوم

بس صراحة انتقدك واحملك جزء من المسئولية

بما انك متمكن وخطير ليش ما اتدش على معاليه اتحط خطة سنعة

ما قابلت معاليه الا مرة في شغل ومرة في معرض وكان قمة الاحترام

في الشغل كنت مسوي تقرير عن مستنقع بو نخلة والخوف من انهياره .. ودارس طبيعة الأرض من ثلاث مصادر وكلها متفقة إن لو صار انهيار جنوبي الماء بيتجه للجنوب ولو صار انهيار شمالي بيتجه شمال وبيكتسح سجن هناك وبيفتر على البيوت .. وكان معاي مسؤولي وانا أصغر الموجودين منصب وحتى سن

سئل مسؤولي عن بعض الأُمور وقربت منهم وضحتها حسب سلوبات الأرض .. طبعاً كانت لنا زيارة حق أشغال وكان اقتراحهم حفر بير غزير يوصل الماء للمياه الجوفية المالحة المتصلة مع البحر .. هذا من حول 10 سنين ولا ادري شصار في المستنقع وشسووا حلول له

كان فيه مقترح من قسم البيئة عندنا بعمل حديقة كبيرة مفتوحة وسقيها بالمياه الشبه صالحة للزراعة وبحيث ما تكون زراعة مثمرة

[معماري قطري]

98857

يبون دعاوي عليهم حتى يكسبون أجر لأن نيتهم التصليح وقطر تستحق الأفضل لكن المطر يخرب عليهم

[معماري قطري]

بو فيصل الكاريكاتير من جرايدنا؟

[بانغ بانغ]

بو فيصل الكاريكاتير من جرايدنا؟

اتوقع لا
وصلني من الربع

[بانغ بانغ]

لو اعرف انزل فيديوهات كنت نزلت بلاوي سودة

[معماري قطري]

هههههه محشوم

بس صراحة انتقدك واحملك جزء من المسئولية

بما انك متمكن وخطير ليش ما اتدش على معاليه اتحط خطة سنعة

أتغشمر معاك ثرى الله يبعدني عن ادارة ضايعة مثل أشغال

خلني مالك نفسي ومريح راسي خلاص ما فيني شدة شغل ومشاوير .. سيارتي من 2012 توها واصلة 54000 بعد لو الوالد والوالدة حولي كان ما وصلت 30000

[معماري قطري]

لو اعرف انزل فيديوهات كنت نزلت بلاوي سودة

سهلة وانا اخوك

شارك في اليوتيوب بايميل من قوقل ومنه تقدر تنزل في اليوتيوب وتنسخ الرابط وتحطه وسط رابط الفلم الموجود يسار فوق ثاني واحد

[حبر وقرطاس]

ومعيذر غرقانه
اللهم صيبا نافعا
اللهم سقيا رحمة
ولا سقيا عذاب ولا بلاء ولا هدم ولا غرق

اللهم امين

[الدوحه1]

https://www.youtube.com/watch?v=M9LkWoFxecQ

[معماري قطري]

هذا ما اعتقد في قطر بس غير مستبعد الحدوث


https://youtu.be/6xHj-ntjGBQ

[معماري قطري]

هذا بيتي .. بحيرة جدام الباب


https://youtu.be/IAHvt1fJ4PQ

[بانغ بانغ]

https://twitter.com/qatarrescueteam/status/802532982217003010

[JN000N]

احنا محيط جدام بيتنا
وعيزنا واحنا نكلمهم يصرفون الماي يقول كل السيارات شغاله
عندهم ستين سياره وكلهم شغالين صرف من العصر ولحين مب ملحقين على هالمياهه
مانقدر نطلع
ولا نطرش حق اغراض البيت ولا نزر ولا نفر
خاطري اييب جماعة اللي سوو الشوارع وخططوها افرك ويووههم ف القار وهو غرقان بالماي :)

[بانغ بانغ]

ليش يا صحافة يا منافقين ياللي بتتحاسبون يوم القيامة

98858

[معماري قطري]

ليش يا صحافة يا منافقين ياللي بتتحاسبون يوم القيامة

98858

ههههههه أي بنية تحتية

مساكين الشرطة والله اللي يبي يسوي جريمة هذا وقته

[معماري قطري]

هذا ما اعتقد في قطر بس غير مستبعد الحدوث


https://youtu.be/6xHj-ntjGBQ

والله ما توقعت هذا في قطر وقلت أكيد في دولة ثانية

حسبي الله على من خطط هالجسور والأنفاق اللي كلفت مليارات ولا فلحت في حل الزحمة وكلها منهولات مرتفعة واستوت بحيرة تغرق السيارات

زين شيصير مع زيادة السكان وزيادة الجرائم الشرطة شبتلحق عليه؟ واللي بينتظر لين 2022 ووقت البطولة الله بيجيب المطر بأمر من عنده من يقدر يخش ويخفي .. الحق ما ينزعل منه وبنسأل يوم فلوسنا وين راحت .. الحين اللي ما عندهم ماي ومعتمدين على الدناكر ودنكرهم مشغول الله يعينهم

[معماري قطري]

قاهريني الأرصاد يقولون لا تاخذون الخبر الا من عندنا .. شدعوى حصري .. وخبير الطقس عندنا يحذرنا من اسبوع

[معماري قطري]

لا ولهم فترة يقولون زخات أمطار خفيفة وهي صج تعتبر خفيفة وما استمرت يومين متواصلة كان بنشوف الويل

[نمر بن عدوان]

بالعكس الامطار الي نزلت غير معتاده وكميات كبيره في فتره بسيطه غير الامطار الخفيفه الي تنزب في فترات طويله مانلاحظ تكوين المستنقعات . امر طبيعي لان البلاد المتعوده على الامطارر تكون فيها شبكة تصريف ضخمه وهالشي مانشوفه لا عندنا ولا عند غيرنا من جيرانا دول الخليج مثل هالبرك والمستنقعات تسوتي عادي . المهم تصريف هالكميات في اسرع وقت عن طريق الشفط

[وحيد-الشوق]

https://twitter.com/qatarrescueteam/status/802532982217003010

والله كارثة وشيء مرعب فعلاً ايش يسوي الي مايعرف يسبح ولاسيارته صالون هذا يمكن سيارته دفع رباعي وانكب مسكين

احنا لو جانا فيضان اذا قدر الله شبنسوي احس قطر بتغرق كلها والله حراااام

[وحيد-الشوق]

بالعكس الامطار الي نزلت غير معتاده وكميات كبيره في فتره بسيطه غير الامطار الخفيفه الي تنزب في فترات طويله مانلاحظ تكوين المستنقعات . امر طبيعي لان البلاد المتعوده على الامطارر تكون فيها شبكة تصريف ضخمه وهالشي مانشوفه لا عندنا ولا عند غيرنا من جيرانا دول الخليج مثل هالبرك والمستنقعات تسوتي عادي . المهم تصريف هالكميات في اسرع وقت عن طريق الشفط

اي معتاده الله يرحم والديك ترى المطر كان مال بو ساعة وساعتين وشوف ايش صار شلون لو يوم كامل !!!!

حدثوا العاقل بما يعقل :)

[بانغ بانغ]

والله كارثة وشيء مرعب فعلاً ايش يسوي الي مايعرف يسبح ولاسيارته صالون هذا يمكن سيارته دفع رباعي وانكب مسكين

احنا لو جانا فيضان اذا قدر الله شبنسوي احس قطر بتغرق كلها والله حراااام

او لو معه عائلة واطفال

اتقول عايشين في تشيلي او اندونيسيا

انا شهدت امطار اخس من هذي في دبي ومسقط وسنغافورة ....

والله لافي نقعة ولا ارتباك مروري

بس ربعنا اهني لان الفساد الاداري في المشاريع مستشري ،

لحد ايرقع وايطبل وايدلس ....

[بصمة قطرية]

اي معتاده الله يرحم والديك ترى المطر كان مال بو ساعة وساعتين وشوف ايش صار شلون لو يوم كامل !!!!

حدثوا العاقل بما يعقل :)

عارف كم الكمية اللي نزلت ..!!؟

[لطيف الروح]

ايسلمون عليكم وكل يوم سفر

بس يوم المطر واللغلاغة كم تصريح وخلاص

لا حول ولا قوة الا بالله العلي القدير يعني طارت الفلوس

[بانغ بانغ]

عارف كم الكمية اللي نزلت ..!!؟

خبيرنا جينيوس تنبأ من اسبوع واكثر

وين الارصاد نايمين ( والا الرادار مالهم ايلف وايدور بسبب الحصان اللي يلحق الرحى تحت )

ليش مافي حيطة وتجهيز سيارات شفط

اعرف شباب توه ساكنين وخرت بيوتهم ..

[ساراام]

شلون لو المطر تم مواصل نفس اول

احيانا يمر شهر مانشوف الشمس والحلبه مايحتاي

مب حاله كل ماطق مطر انرست الشوارع والبلديه مب ملحقين

يعني اللي يبي يروح دوامه يجهزله طراد احسن

[العلياا]

ماقدر اوصف لكم الوضع في معيذر :(


الله يعطيهم الف عافيه رجال الشرطة ولخويا
اللي متواجدين ع اغلب الاشارات ويساعدون العالم

[بانغ بانغ]

اعجبتني المقولة السائدة

نحتاج " لمخلص " وليس " لمخ لص "

[لبيبة]

http://i.imgur.com/G9zee5N.jpg

[R 7 A L]

مبارك عليكم المطر


الحين يالربع انتم تلومون من ؟

[Dana’1]

وين الريان :omen2:

الاجواء في تحسن من السنوات الي طافت المفروض عالاقل الشوارع الجديده ماتكون فيها مثل هالأخطاء

ايش فيها اذا اشتغلوا عدل عالبنيه التحتيه وجهزوها لإستقبال امطار نفس امطار تايلاند مثلا!؟
فوق راسهم والا تحت الارض ابغى افهم!

صدقوني مافيه امل تتضبط الامور دمرانه حتى النخاع

[GENIUS]

الأرقام المعلنة لكميات الامطار استحالة بأن تكون حقيقة الكميات التي هطلت اليوم .

الوكرة الكمية بتقديري الشخصي تتجاوز ال 100 ملل وكذلك الوضع في الجميلية حسب ما وصلني من علوم المطر الكمية أعلى من ال 60 ملل بكثير وأعتقد الأرقام المعلنة أو طريقة حسابها بها خطأ واستحالة تكون هذه الأرقام هي لأمطار اليوم .

[@فهد@]

الله يجعلها امطار خير وبركه .. والله يوفق الجميع ..

[بومحمد المطاوعه]

اسواق الفرجان الي ف ثمامه

اغرفت

ههههه فشيله والله

[بومحمد المطاوعه]

98861

[معماري قطري]

وين الريان :omen2:

الاجواء في تحسن من السنوات الي طافت المفروض عالاقل الشوارع الجديده ماتكون فيها مثل هالأخطاء

ايش فيها اذا اشتغلوا عدل عالبنيه التحتيه وجهزوها لإستقبال امطار نفس امطار تايلاند مثلا!؟
فوق راسهم والا تحت الارض ابغى افهم!

صدقوني مافيه امل تتضبط الامور دمرانه حتى النخاع

على التكلفة الخيالية ذي المفروض يكون الشارع متكامل من كل النواحي ويخدم 50 سنة بدون صيانة وبدون مشاكل تخطيطية .. لكن لو عاملها المقاول برخيص والا صدقة معليش بنقول تمشي الحال

[معماري قطري]

98861

في المجالين من فشل لفشل والله المستعان

ما ننسى من أيام محتفلين بافتتاح طريق روضة راشد اللي كلف بس نص .. نص مليار مب نص ريال وفيه رازعين ست دوارات .. قلتها قبل يموت دوار وينولدون عشرة بداله Wake Up Ashgaal

[Rider]

شخبارك كأس العالم لا هو اي سنة بيكون عندنا ههههههههتت

[معماري قطري]

الأرقام المعلنة لكميات الامطار استحالة بأن تكون حقيقة الكميات التي هطلت اليوم .

الوكرة الكمية بتقديري الشخصي تتجاوز ال 100 ملل وكذلك الوضع في الجميلية حسب ما وصلني من علوم المطر الكمية أعلى من ال 60 ملل بكثير وأعتقد الأرقام المعلنة أو طريقة حسابها بها خطأ واستحالة تكون هذه الأرقام هي لأمطار اليوم .

هم حسب معرفتي يحطون أداة محددة بمقياس بالمللمتر وكل ما دخلها المطر يرتفع داخلها وينعرف القياس .. يعني 60 تعادل 6 سم اللي يشوفها يعتبرها قليلة لكن تسقط على رقعة كبيرة وتسيل وتتجمع في منخفضات صغيرة فتبين أكثر بوايد

[معماري قطري]

شخبارك كأس العالم لا هو اي سنة بيكون عندنا ههههههههتت

الاستعداد لو كان بس حق كاس العالم وكل سنة يتكرر الوضع ونقول خير صج قطر بتستوي ما تستحق شغل نظيف .. المفروض بغض النظر عن كاس العالم والا سباق صخيلات بنسويه بلادنا كبيرة في كل المجالات وهذي أُمور تحتاج لإصلاح سريع أقلها السنة الجاية تكون الأُمور واضحة ومتخذين خطة صحيحة ونمشي عليها لين نخلص .. وشي عيل بوادر الخطة الخمسية وخلصت سنواتها؟ هذي النتيجة المتواضعة والمتراكمة بسبب أخطاء سخيفة

عشت فترات طويلة في فلوريدا المسطحة .. عمري ما شفت نفق الا في مدخل فندق ونفق خدمي تابع للفندق وفيه له بديل .. حتى البيسمنت ممنوع الا للمباني القديمة بسبب ضعف الأرض واحتمال غرق البيسمنت بسبب اعصار أو أمطار قوية .. كلها جسور والدوار لو وجد بيكون في فريج ولا عليه مرور كبير وبيكون زينة وشيء من الماضي

بلاد تخطيطها صعب وعقد وحطيت لها صور كثيرة في موضوع أخطاء الطرق في قطر .. الصعوبة من الجداول المائية ومن الأنهار ومن البحيرات

[معماري قطري]

اسواق الفرجان الي ف ثمامه

اغرفت

ههههه فشيله والله

:telephone: المكتب الخاص

[معماري قطري]

شفنا اليوم سمو الأمير الوالد يتجول بسيارته في نقع المطر والله يصبره على ما يرى صراحة شيء محزن للغاية

[معماري قطري]

مبارك عليكم المطر


الحين يالربع انتم تلومون من ؟

انا الوم الشغل الردي والتخطيط الغير فعال .. كمية الأمطار مب مهولة لكن انسيابها صوب الحفر المعمولة هنا وهناك هو المشكلة .. ذكرت من زمان ومن أول ما شفنا هذي الأنفاق إنها بتغرق بسبب المياه وهذا الشيء يحصل مع كل رشة مطر معتبرة

قبل طريق سلوى سنين طويلة تستوي نقعة صوب شركة التضامن ( الموقع السابق ) وعلى الدورات بسبب مجبورين يسوون سلوب الدوار جهة الداخل حتى السيارة تثبت في اللفة .. رجعوا حفروا للشارع حفرة عميقة وسووا أنفاق أعمق والتصريف فيه مشاكل وكان أسهل لهم لو سووا الشارع شوي مرتفع وسووا كم بحيرة تصريف سطحي أو شبكة تصريف صحيحة تصرف المياه بعيد عن الشارع

[R 7 A L]

انا الوم الشغل الردي والتخطيط الغير فعال .. كمية الأمطار مب مهولة لكن انسيابها صوب الحفر المعمولة هنا وهناك هو المشكلة .. ذكرت من زمان ومن أول ما شفنا هذي الأنفاق إنها بتغرق بسبب المياه وهذا الشيء يحصل مع كل رشة مطر معتبرة

قبل طريق سلوى سنين طويلة تستوي نقعة صوب شركة التضامن ( الموقع السابق ) وعلى الدورات بسبب مجبورين يسوون سلوب الدوار جهة الداخل حتى السيارة تثبت في اللفة .. رجعوا حفروا للشارع حفرة عميقة وسووا أنفاق أعمق والتصريف فيه مشاكل وكان أسهل لهم لو سووا الشارع شوي مرتفع وسووا كم بحيرة تصريف سطحي أو شبكة تصريف صحيحة تصرف المياه بعيد عن الشارع

حياك الله اخوي بوعبدالله
اشكرك على الرد
فعلاً الشغل من بدايته غلط ولكن السؤال كيف هالاخطاء مرت على اشغال اذا افترضنا انها متعاقدة مع شركات وانها جهه اشرافيه ؟
اليوم نسمع الناس يلومون البلديه وانا اقول الله يعين البلدية على اخطاء اشغال
للامانه البلديه موب مقصرة ولكن عدد الدناكر غير كافي لتغطية كافة قطر

خاطري اعرف موظفين اشغال عايشين معنا ولا في كوكب ثانب

[بانغ بانغ]

رحال انت في امريكا شوف نظام الصرف عندهم

واحنا مانقل عنهم امكانيات

[بانغ بانغ]

اتمنى من اخونا genius المشاركة بفاعلية لاثرائنا بالتوقعات الجاية

صراحة قالي من اسبوع عن يوم السبت وعن احداث ثانية حدثت واتمنى ابلاغنا عن الاسبوع الجاي طبعا بتوفيق مع الله سبحانه

[المحاميه]

^

الخوف اتجينا حلبه ثانيه هاليومين
والنقع مانشفت للحين

[بانغ بانغ]

^

الخوف اتجينا حلبه ثانيه هاليومين
والنقع مانشفت للحين

في شي خشن بالطريق خلال العشر ايام الجايين تقربا حسسب القراءات المختلفة هذا والله اعلم

تجهزي للاكشن

[المحاميه]

اما

:(

الله يرحمنا برحمته

موضوعك يضيق الصدر
لاحول ولاقوة الا بالله

[R 7 A L]

رحال انت في امريكا شوف نظام الصرف عندهم

واحنا مانقل عنهم امكانيات

ياخي فرق السما عن القاع
انا لو اني مطول في امريكا كان صورت لكم شلون الصرف عندهم
وشقتي تطل على شارع يشتغلون فيه والله الامكانيات بسيطه بس فيه ناس تفكر
انا الوم اشغال فقط واتمنى من سمو الامير الله يحفظة ان يحل ويكنسل هيئه الاشغال العامة ويرجعها إدارة وينقل كل الموظفين القطريين الي فيها لوزارات ومؤسسات حكومية اخرى ويستبدلونهم ب مهندسين صح لهم خبراتهم وتجاربهم
شغل الاخوان عندنا في اشغال غلط مع احترامي القدير لهم

[رجل الجزيرة]

أقترح إنهم يسكرون أشغال ويجبون خبراء من برا.

[qatari911]

يالله يا اشغال شنو اعذاركم
والي يطلعون ويطبلون ويرقصون ويقولون لنا انتو ماتعرفون شي بس كله تنتقدون وتتحلطمون
اعتقد هذه امطار كم ساعه وصار كذا
لو الامطار استمرت يومين او ايام شكان الوضع ؟؟!!!
اشغال المفروض تخطيطها لعشر سنين او عشرين سنه مستقبلا تسوي شوارع مثل الناس توسع الشوارع تهتم في تصريف مياه الامطار سيارات الشفط تكون جاهزه في مثل هالحالات
بس شاطرين يطلعون في الجرايد وانجزنا المشروع الفلاني قبل الموعد او افتتاح جزئي والمشكله لما تتكلم عن المسارات والتصريف يقولون احنا اعتمدنا اعلى المواصفات العالميه ؟؟!!
عندنا في المنتدى اعضاء مشاء الله عليهم واولهم اخوي معماري قطر نشف ريقه وتعبت ايده وهو يكتب افكار وحلول للاخطاء الشوارع ماشوف شي يطبق من هالافكار لازم نجيب توم وجوزيف وهانك علشان نقول واااو مهندسين خبره ؟؟

ويمكن يطلعون في الجريده ويكذبون كل الي صار او يقولون سيطرنا على الوضع في اقل من يوم ؟؟!!!

ما اقول الا
حسبي الله والنعم الوكيل على كل ظالم وماعنده ضمير

[دايموند]

الخور اقل منطقه سقط فيها الامطار!!!

[بانغ بانغ]

الخور اقل منطقه سقط فيها الامطار!!!

جايكم الخير ان شاء الله

[بانغ بانغ]

يالله يا اشغال شنو اعذاركم
والي يطلعون ويطبلون ويرقصون ويقولون لنا انتو ماتعرفون شي بس كله تنتقدون وتتحلطمون
اعتقد هذه امطار كم ساعه وصار كذا
لو الامطار استمرت يومين او ايام شكان الوضع ؟؟!!!
اشغال المفروض تخطيطها لعشر سنين او عشرين سنه مستقبلا تسوي شوارع مثل الناس توسع الشوارع تهتم في تصريف مياه الامطار سيارات الشفط تكون جاهزه في مثل هالحالات
بس شاطرين يطلعون في الجرايد وانجزنا المشروع الفلاني قبل الموعد او افتتاح جزئي والمشكله لما تتكلم عن المسارات والتصريف يقولون احنا اعتمدنا اعلى المواصفات العالميه ؟؟!!
عندنا في المنتدى اعضاء مشاء الله عليهم واولهم اخوي معماري قطر نشف ريقه وتعبت ايده وهو يكتب افكار وحلول للاخطاء الشوارع ماشوف شي يطبق من هالافكار لازم نجيب توم وجوزيف وهانك علشان نقول واااو مهندسين خبره ؟؟

ويمكن يطلعون في الجريده ويكذبون كل الي صار او يقولون سيطرنا على الوضع في اقل من يوم ؟؟!!!

ما اقول الا
حسبي الله والنعم الوكيل على كل ظالم وماعنده ضمير

صح لسانك

[R 7 A L]

يالله يا اشغال شنو اعذاركم
والي يطلعون ويطبلون ويرقصون ويقولون لنا انتو ماتعرفون شي بس كله تنتقدون وتتحلطمون
اعتقد هذه امطار كم ساعه وصار كذا
لو الامطار استمرت يومين او ايام شكان الوضع ؟؟!!!
اشغال المفروض تخطيطها لعشر سنين او عشرين سنه مستقبلا تسوي شوارع مثل الناس توسع الشوارع تهتم في تصريف مياه الامطار سيارات الشفط تكون جاهزه في مثل هالحالات
بس شاطرين يطلعون في الجرايد وانجزنا المشروع الفلاني قبل الموعد او افتتاح جزئي والمشكله لما تتكلم عن المسارات والتصريف يقولون احنا اعتمدنا اعلى المواصفات العالميه ؟؟!!
عندنا في المنتدى اعضاء مشاء الله عليهم واولهم اخوي معماري قطر نشف ريقه وتعبت ايده وهو يكتب افكار وحلول للاخطاء الشوارع ماشوف شي يطبق من هالافكار لازم نجيب توم وجوزيف وهانك علشان نقول واااو مهندسين خبره ؟؟

ويمكن يطلعون في الجريده ويكذبون كل الي صار او يقولون سيطرنا على الوضع في اقل من يوم ؟؟!!!

ما اقول الا
حسبي الله والنعم الوكيل على كل ظالم وماعنده ضمير



اغلبنا شاف مقطع الفيديو الي الدفاع المدني يشيلون الرجال الي غرق موتره
تدري وش عذر اشغال ؟
يقولون هذا النفق معبر للجمال والابل
زين يامحترمين يا اشغال لين ماتحطون حواجز تمنع دخول السيارات وتسمح لمرور الابل فقط ؟!!
ترا موب كل الناس اذكياء ولا عاقلين كلها عشر بيبات بطول اربعه متر مركوزه على الارض شي غير مكلف

[جبر ال جبر]

اغلبنا شاف مقطع الفيديو الي الدفاع المدني يشيلون الرجال الي غرق موتره
تدري وش عذر اشغال ؟
يقولون هذا النفق معبر للجمال والابل
زين يامحترمين يا اشغال لين ماتحطون حواجز تمنع دخول السيارات وتسمح لمرور الابل فقط ؟!!
ترا موب كل الناس اذكياء ولا عاقلين كلها عشر بيبات بطول اربعه متر مركوزه على الارض شي غير مكلف
بس لاتكبرون الموضوع يالربع ترى الا نفق صغير والريال شيدخله نفق كله ماي !!
والدليل انه الموضوع بسيط الرجال بكشخته وبنظارته الشمسيه حتى وهم ينقذونه يعني الامر مب مستعدي كل هالتحلطم والتذمر
اشغال ماغلطت الي غلط الشخص الي دش هالنفق وهو متروس ماي

[R 7 A L]

بس لاتكبرون الموضوع يالربع ترى الا نفق صغير والريال شيدخله نفق كله ماي !!
والدليل انه الموضوع بسيط الرجال بكشخته وبنظارته الشمسيه حتى وهم ينقذونه يعني الامر مب مستعدي كل هالتحلطم والتذمر
اشغال ماغلطت الي غلط الشخص الي دش هالنفق وهو متروس ماي

اخوي جبر
هذا مثال على تبرئه اشغال للي حاصل وان شغلها صح
شوف المشاريع الي هي سوت كلها اخطاء
شوف طريق 22 فبراير وشوف طريق سلوى الانفاق مافيها تصريف ونذكر 2014 وشصار في انفاق طريق سلوى

[جبر ال جبر]

خبيرنا جينيوس تنبأ من اسبوع واكثر

وين الارصاد نايمين ( والا الرادار مالهم ايلف وايدور بسبب الحصان اللي يلحق الرحى تحت )

ليش مافي حيطة وتجهيز سيارات شفط

اعرف شباب توه ساكنين وخرت بيوتهم ..
الرادار صاده العافور وجيم ماتشوفهم انصدموو من كميه الامطار ولا مساكين لو يدرون كان حطو كراتين فوق المباني وخلو دناكر الصرف على اهبه الاستعداد وكم كلك تحت كل مبنى حكومي

[جبر ال جبر]

مبارك عليكم المطر


الحين يالربع انتم تلومون من ؟
اللوم كله على وزارة التربيه والتعليم والجمارك ومجلس صيانه الدستوربس اشغال مالها خص

[سالم الزهران]

صبحك الله بالخير بو فيصل , يا اخي صديقك من صدقَك و ليس من صدّقك ( يعني يقول لا تعطي ابروفال الا حق الشغلة اللي تستاهل )

اخي لو شفت مدينة جدة , لو مريت في بعض جهاتها ( الظاهر انها تأتي مباشرة بعد الحواضر الكبرى في العالم العربي واقصد القاهرة و دمشق و مثيلاتها )

طيب البنية التحتية في جدة تعبانه بشهادة اهلها و نا واحد منهم .. ان زين جدة مدينة طويله عريضة فيه اجزاء منها ما وصلت لها و لا اعرف اوصل لها

لكن ( في المدن التي تعتبر صغيرة و في البلدان اللي ميزانياتها خير من الله ) ليش ما يهبون هبة و يحفرون الارض و يسوون تصريف و محطات معالجة و و غيرها من المشاريع؟

يبا , الصين نخلوا قلب مدينة شنغهاي اللي كان مستوي عشة دجاج و بنوا فيه أبراج و لندن لين اليوم وهي تنفذ في مشاريع بنية تحتيه و مترو و خلافه ؟؟

أكرر على اهم نقطة ( اذا ما نجحنا في عالمنا العربي في الارتقاء بالمدن الصغيرة نسبياً فكيف بننجح في مدن كبيرة ؟ )

[جبر ال جبر]

شفنا اليوم سمو الأمير الوالد يتجول بسيارته في نقع المطر والله يصبره على ما يرى صراحة شيء محزن للغاية
مب سمو الامير الله يحفظه ولكن شخص اخر عنده نفس السياره والناس ظنته سمو الامير الوالد

[بوحارب]

ماعندكم إلا الأنتقاد بس !!!

ترى عادي يا جماعة هالأشياء تصير في كل بلد مب في قطر بس

ذكروا الله واشغال والبلدية والتخطيط والمرور عارفين شغلهم مب ناطرين تعليمات منكم :(

[R 7 A L]

اللوم كله على وزارة التربيه والتعليم والجمارك ومجلس صيانه الدستوربس اشغال مالها خص

يعطيك العافيك

[جبر ال جبر]

رحال انت في امريكا شوف نظام الصرف عندهم

واحنا مانقل عنهم امكانيات

ف امريكا في بعض الولايات نظام خاص وسستم لمثل هالامور تجاوزو مرحله منهولات الصرف في شوارع تمتص الماي من الظلم مقارنه قطر بامكانيتها المتواضعه واشغال توها يديده في الكار بدوله مثل امريكا خلونا مابين مسقط والبحرين والسعوديه بس

[جبر ال جبر]

ماعندكم إلا الأنتقاد بس !!!

ترى عادي يا جماعة هالأشياء تصير في كل بلد مب في قطر بس

ذكروا الله واشغال والبلدية والتخطيط والمرور عارفين شغلهم مب ناطرين تعليمات منكم :(
لا اله الا الله حق,,,, بس يابوحارب على وعسى واحد من مئات الاشخاص المشاركين في مثل هالموضوع يطرح فكره او حل يسهل تطبيقه لتفادي مثل هالاخطاء مستقبلا لاحظ هالمشكله قامت تتكرر في السنوات الاخيره من انشاء هيئه الاشغال العامه

[بانغ بانغ]

والله يخوي جبر شنسوي الوضع صار وبيصير زيادة

نبي الية واضحة واكيد في بيوت وقصور شيوخ او ناس كبار خرت او تعطلت فاكيد الجماعه عارفين الوضع بس نبي اكشن ضد كل متسبب سواء حهة حكومية او شركة متعاقدة .

[جبر ال جبر]

في شي خشن بالطريق خلال العشر ايام الجايين تقربا حسسب القراءات المختلفة هذا والله اعلم

تجهزي للاكشن
انا اليوم جاي الدوام وقالص الطراد وعندي عده القطس في السياره يعني جاهز خلال 10 ايام الي تقول عنها

[بانغ بانغ]

انا اليوم جاي الدوام وقالص الطراد وعندي عده القطس في السياره يعني جاهز خلال 10 ايام الي تقول عنها

ههههههههههه امسنع الامور

[جبر ال جبر]

ههههههههههه امسنع الامور

اذا ساءت الاحوال الجويه اكثر كلمني امر عليك دوامك بالطراد واخذك اشغال محزم خوص محد يعتمد عليهم في هالامور

[بانغ بانغ]

ليش المسئولين ماياخذون بشور المواطنين او الوجهاء لو حد عنده فكره او مقترح من شأنه ايحل وايخفف الوضع

مب شرط موظف اشغال هو المنقذ

االله المستعان

[جبر ال جبر]

اخوي جبر
هذا مثال على تبرئه اشغال للي حاصل وان شغلها صح
شوف المشاريع الي هي سوت كلها اخطاء
شوف طريق 22 فبراير وشوف طريق سلوى الانفاق مافيها تصريف ونذكر 2014 وشصار في انفاق طريق سلوى
اخوي رحال انا اتفق مع قلبا وقالبا وبالعكس والله ودي اشغال ترجع قسم في وزارة البلدية والبيئه ويخب عليهم بعد ويدير الطرق عندنا والصرف الصحي والمباني شركه خاصه امريكيه .. ولكن في موضوع النفق الي اعتقد ع طريق الشحانيه اعتقد الخاطى هنيه مب من اشغال انصاف للحق يعني في شباب الله يهداه يشوف نقعه ماي كبيره ولا غدير ولا صبخه يدش فيها عرض!!! ولا خبطت سيارته ولا غرق قال المشكله من اشغال؟؟؟

[partyQtr]

منطقتنا ولى جنه طق فيها مطر الشوارع مافيها ماي

[جبر ال جبر]

ليش المسئولين ماياخذون بشور المواطنين او الوجهاء لو حد عنده فكره او مقترح من شأنه ايحل وايخفف الوضع

مب شرط موظف اشغال هو المنقذ

االله المستعان
لانهم ماشين على مبدئ مع المواطن سمعت الشور من قاصر معرفه
لو يسمعون للاقتراحات خصوصا المهندسين القطريين او بعض المخططين الافذاذ اعتقد الوضع بيكون افضل

[جبر ال جبر]

منطقتنا ولى جنه طق فيها مطر الشوارع مافيها ماي

راجعوو حسابتكم شوفو شمسيوين في منطقتكم ..... بس مع الحاصل في البلاد هاليومين المفروض تصلون شكر انه ماجاكم مطر وعفسكم :)

[غريب الدّار]

السلام عليكم

ماراح اركز على حوادث فردية ، لكن أقول بشكل عام ان الوضع ولله الحمد افضل بكثيييييييييييييييييييييييييييييير وفي تحسن مستمر ، وعلى حسب علمي اشغال مراقبة الوضع 24 ساعة ، وقواهم الله والله يعينهم


مع اني اشوف ان الحكم قد يكون مبكر على اعتبار ان الشتا او خلونا نقول المطر امس بس بدا (تقريبا ) وكانت حلبة قوية في الدوحة لمدة اكثر من نص ساعة تقريبا ، مما شكل اختبار حقيقي ، أتوقع تم النجاح فيه بفضل الله سبحانه

هل معنى كلامي ماتوجد أخطاء بالمرة ؟؟؟ لا طبعا ، لكن بشكل عام الأوضاع تحسنت وتتحسن الى الأفضل باذن الله

هذا رايي

[راجي الْعفو]

أقترح يكون العنوان:

وسقط المطر .. هل من خطر ؟!

[بوحارب]

لا اله الا الله حق,,,, بس يابوحارب على وعسى واحد من مئات الاشخاص المشاركين في مثل هالموضوع يطرح فكره او حل يسهل تطبيقه لتفادي مثل هالاخطاء مستقبلا لاحظ هالمشكله قامت تتكرر في السنوات الاخيره من انشاء هيئه الاشغال العامه

اللي بيطرف فكرة جيده الله يعطيه العافيه وعساه عالقوة

اما اللي طايح انتقاد وكأن صارت وفيات وغرف ومصايب هذا ما عنده سالفه

اهم شي يا جبر الطراد خله معلق في الرمانه اسبوع قدام وامورك طيبة هههههههه

[بانغ بانغ]

اللي بيطرف فكرة جيده الله يعطيه العافيه وعساه عالقوة

اما اللي طايح انتقاد وكأن صارت وفيات وغرف ومصايب هذا ما عنده سالفه

اهم شي يا جبر الطراد خله معلق في الرمانه اسبوع قدام وامورك طيبة هههههههه

اخوي بوحارب

مب لازم ننتظر وفيات او كارثة عشان نتصرف

الرجال اللي غرق موتره ( بغض النظر عن خطأ من ) لو معه يهال وحريم

اكيد حد بيموت لان الرجال ما يعرف يسبح

[R 7 A L]

اخوي رحال انا اتفق مع قلبا وقالبا وبالعكس والله ودي اشغال ترجع قسم في وزارة البلدية والبيئه ويخب عليهم بعد ويدير الطرق عندنا والصرف الصحي والمباني شركه خاصه امريكيه .. ولكن في موضوع النفق الي اعتقد ع طريق الشحانيه اعتقد الخاطى هنيه مب من اشغال انصاف للحق يعني في شباب الله يهداه يشوف نقعه ماي كبيره ولا غدير ولا صبخه يدش فيها عرض!!! ولا خبطت سيارته ولا غرق قال المشكله من اشغال؟؟؟

اخوي جبر
كلنا متفقين ان الرجال غلطان وان اغلب الي اذا نزل مطر يستعرضون عضلاتهم و يواجهون الخطر انهم على خطاء


انا انتقد رد اشغال على هذة الحادثه وتبرئتهم لانفسهم بأن الرجال غلطان وماكان ينبغي انه يدخل سيارته في مكان غير مخصص لعبور السيارات


ليش مانشوفهم يردون على الاخطاء الكارثيه الي هو السبب في تأسيسها مقل طريق سلوى وانفاق طريق دخان وماحصل فيها الاعوام السابقة ؟

[بوحارب]

اخوي بوحارب

مب لازم ننتظر وفيات او كارثة عشان نتصرف

الرجال اللي غرق موتره ( بغض النظر عن خطأ من ) لو معه يهال وحريم

اكيد حد بيموت لان الرجال ما يعرف يسبح

الله لا يجيب هالحال من وفيات او حالات غرق

الحمدلله كان لحاله وتم انقاذه ولهم الشكر رجال الأنقاذ

[راجي الْعفو]

تذكرت سنغافوره

مسويين خزانات خاصة تحت الارض تجمع ماي الامطار

وبهالخزانات يتم تزويد المدن بالماي

عندنا يقولون بلادنا مش بلاد امطار و لذلك ما نحتاج هالتصاريف

طيب لو نزل المطر و امتلا الماي ، شبتسوي ؟

لازم يصير شي عشان نتخذ الاجراءات السليمة ؟!

مش فاهم

[جبر ال جبر]

اللي بيطرف فكرة جيده الله يعطيه العافيه وعساه عالقوة

اما اللي طايح انتقاد وكأن صارت وفيات وغرف ومصايب هذا ما عنده سالفه

اهم شي يا جبر الطراد خله معلق في الرمانه اسبوع قدام وامورك طيبة هههههههه

الانتقاد البناء المصاحب بالحلول هذا مرحب به ولاتلوم حد لانه الوضع صاير مسخره يعني في ناس في معيذر والدفنه ماقدرت تطلع من بيوتها والسبه تكرم درام زباله الشارع طافح من الماي ....... اما بخصوص الطراد ابشرك اني لاحمه بالرمانه وقافله بعد خبرك اسعار الطراريد ارتفعت وايد هلايام وصار مطلوب

[R 7 A L]

اللي بيطرف فكرة جيده الله يعطيه العافيه وعساه عالقوة

اما اللي طايح انتقاد وكأن صارت وفيات وغرف ومصايب هذا ما عنده سالفه

اهم شي يا جبر الطراد خله معلق في الرمانه اسبوع قدام وامورك طيبة هههههههه

ياليت اتشوف اسألتي للاخ معماري واجوبته الي كلها حلول
وانتقادنا للتصحيح وليس للتجريح او الاصطياد في المياه العكره
فكلنا هل قطر وتهمنا مصلحه بلادنا

[جبر ال جبر]

اخوي جبر
كلنا متفقين ان الرجال غلطان وان اغلب الي اذا نزل مطر يستعرضون عضلاتهم و يواجهون الخطر انهم على خطاء


انا انتقد رد اشغال على هذة الحادثه وتبرئتهم لانفسهم بأن الرجال غلطان وماكان ينبغي انه يدخل سيارته في مكان غير مخصص لعبور السيارات


ليش مانشوفهم يردون على الاخطاء الكارثيه الي هو السبب في تأسيسها مقل طريق سلوى وانفاق طريق دخان وماحصل فيها الاعوام السابقة ؟

لانه الاخطاء الكارثيه هم السبب فيها

[سالم الزهران]

ف امريكا في بعض الولايات نظام خاص وسستم لمثل هالامور تجاوزو مرحله منهولات الصرف في شوارع تمتص الماي من الظلم مقارنه قطر بامكانيتها المتواضعه واشغال توها يديده في الكار بدوله مثل امريكا خلونا مابين مسقط والبحرين والسعوديه بس

صحيح وعشان نبقى في المنطقة الخليجية, الحي اللي انا ساكن فيه الآن نفذته شركة بارسونز قبل خمس و ثلاثين سنة ... لو تمطر اربع وعشرين ساعة ما راح تشوف نقاع و لا غيرها لان الشوارع كلها ميول و باتجاه الأطراف و فتحات التصريف على جوانب الأرصفة و شبكة تجميع و مجاري فيضانات عدله و بعد ثلث ساعة ما راح تعرف انه كان في مطر اصلاً .

لكن شوف الأجزاء الثانية اللي نفذتها شركات هجينه ( استشاري كوري و مقاول سعودي ...الخ ) .. هبوط .. انهيارات .. انسدادات .. نقاع ماي

تفسيري للمشكلة : من أول أتت الشركات الأجنبية لتثبت نفسها في السوق و اليوم جاء الصينييون مع فائق الاحترام و شركائهم من جلدتنا لكي يتقاسموا الميزانيات و في النهاية انا ما الومهم بقد ما الوم شخصين : 1- المسؤول عن الماستر بلان , 2- الجهات اللي تبرر لهم من صحافة و غيرها .

[شبح الصمت]

لا تعليق ..

:thumbdown:

[JN000N]

اخوي جبر
كلنا متفقين ان الرجال غلطان وان اغلب الي اذا نزل مطر يستعرضون عضلاتهم و يواجهون الخطر انهم على خطاء


انا انتقد رد اشغال على هذة الحادثه وتبرئتهم لانفسهم بأن الرجال غلطان وماكان ينبغي انه يدخل سيارته في مكان غير مخصص لعبور السيارات


ليش مانشوفهم يردون على الاخطاء الكارثيه الي هو السبب في تأسيسها مقل طريق سلوى وانفاق طريق دخان وماحصل فيها الاعوام السابقة ؟

ارجوك قبلها بيومين مستضيفهم حسن الساعي
يقولك الشوارع الي اشتغت عليها اشغال مافيها مشاكل
ودي صج صج اييبهم جماعة اشغال كلهم افرك رمتهم ف النقعه الي قدام بيتنا

[بانغ بانغ]

ارجوك قبلها بيومين مستضيفهم حسن الساعي
يقولك الشوارع الي اشتغت عليها اشغال مافيها مشاكل
ودي صج صج اييبهم جماعة اشغال كلهم افرك رمتهم ف النقعه الي قدام بيتنا

حسن مسكين موظف واعلامي وايسوي اللي ايشوفه صح

لكن وين المعنيين

اي والله كان زين يستضيفهم مرة ثانية ويفضحهم

بحاول اكلمه واقوله اينبش عليهم

[JN000N]

حسن مسكين موظف واعلامي وايسوي اللي ايشوفه صح

لكن وين المعنيين

اي والله كان زين يستضيفهم مرة ثانية ويفضحهم

بحاول اكلمه واقوله اينبش عليهم

كان اللقاء معاهم من الاخر استخفاف بالعقول

[موظف ((حكومي]

سطوانه الغاز وقود


امس تسبح جنب المطبخ الله ستر ومسكناها

[بانغ بانغ]

سطوانه الغاز وقود


امس تسبح جنب المطبخ الله ستر ومسكناها

بل بل بل بل

ألغام عائمة اعوذ بالله

[بوخالد911]

الحمدلله على الحيا

هالمشكلة اتوقعها بتتكرر الى ما شاء الله !!!!

[كود نمبر]

تبون تشوفون الشغل الصح شوفو منطقة بني هاجر
الشوارع تقول مغسوله تصريف الامطار بكل سهوله

[أسد الجزيرة]

تبون تشوفون الشغل الصح شوفو منطقة بني هاجر
الشوارع تقول مغسوله تصريف الامطار بكل سهوله

من جاور السعيد يسعد :o

[بانغ بانغ]

تبون تشوفون الشغل الصح شوفو منطقة بني هاجر
الشوارع تقول مغسوله تصريف الامطار بكل سهوله

تستاهلون

هاي الاخبار المفرحة لبلادنا

نبي نطلع نستانس ونتمشى في المطر بدون اي ارتباك مروري

[الدوحه1]

http://www7.0zz0.com/2016/11/27/12/697631036.jpg (https://www.0zz0.com)



من باب الشفافيه نبغي انعرف اشصار في الموضوع؟؟؟؟؟؟؟

[qatari911]

http://www7.0zz0.com/2016/11/27/12/697631036.jpg (https://www.0zz0.com)



من باب الشفافيه نبغي انعرف اشصار في الموضوع؟؟؟؟؟؟؟





ابرة بنج

[معماري قطري]

حياك الله اخوي بوعبدالله
اشكرك على الرد
فعلاً الشغل من بدايته غلط ولكن السؤال كيف هالاخطاء مرت على اشغال اذا افترضنا انها متعاقدة مع شركات وانها جهه اشرافيه ؟
اليوم نسمع الناس يلومون البلديه وانا اقول الله يعين البلدية على اخطاء اشغال
للامانه البلديه موب مقصرة ولكن عدد الدناكر غير كافي لتغطية كافة قطر

خاطري اعرف موظفين اشغال عايشين معنا ولا في كوكب ثانب

الله يحييك ويبقيك اخوي رحال

ممكن تكون سياسة العمل العامة المفروضة من البلدية على أشغال تقيد عمل حلول واقعية للطرق ويضطرون يسوون شغل رخيص بغالي .. الإدارة الهندسية موقف ما يتزحزح عنه مدير المشروع شعرة ولازم لو عليه ضغوط يحاول يوضح الصح لأصحاب القرار أو يستقيل .. الموظف الأصغر دوم يطلب قرار مكتوب ويرسل رأي هندسي مكتوب وموثق حتى يبريء ذمته

وممكن كذلك الحلول مكلفة جداً مع علمي بأن المكلف جداً اليوم والضروري لازم نعمله قبل السنة القادمة لأن السنة القادمة بيكون مكلف جداً جداً .. دوم هناك عدة بدائل تدرس أول بأول من البداية ويديرها شخص له نظرة استراتيجية هندسية واضحة .. إذا قطر أرضها مسطحة ما ينفع معاها لديمومة الطرق وقوتها الا رفعها والاعتماد أساساً على التصريف السطحي وثانوياً على التصريف المشترك مع الصرف الصحي

طريق مثل طريق الشمال بدل الأنفاق لو اعتمدوا جسور مرتفعة كانت بتطلع أرخص بكثير وكذلك طريق سلوى لكن يبتعدون عن النظام الغريب المهجن دوار ونفق وجسر واشارات .. Four In One .. شبكة جسور وبس لكل الاتجاهات وبدون توقف نهائياً .. أي تقاطع ما فيه داعي لشبكة الجسور كاملة نسوي جزء ونركب القواعد وممكن العمود للأجزاء المتبقية بحيث بنياننا يكون سهل .. ألحين زراعة العمدان وسط دفان بعض الجسور مأساة وشغل غالي مكلف كثير وياخذ وقت كبير .. هذا من الواقع يشوفه حتى اللي ما يعرف يقرأ ويقول غلط

إذا إدارة أشغال تلوم الادارة السابقة عيل اللي بتجي بتتفاجأ بطريق روضة راشد المسمى سريع عليه 6 دوارات .. وبتتفاجأ بشوارع ما فيها صرف أمطار وتتآكل بنيتها وأساساتها بسبب تسرب الماء .. وبتتفاجأ بمخارج هاي وي محطوطة في مداخل هاي وي مما يسبب حوادث وشغل هندسي لكم عليه .. وبتتفاجأ بمنهولات ترتفع في كل شوارع قطر

للأسف شغل أشغال فيه كثير من الدجل وبعيد عن الهندسة ومن اشوف مقابلة أو اقرا كلام لبعض مسؤوليهم اضحك

في السابق طلع لنا واحد يقول أول مرة نسوي جسور في قطر وتحملونا لازم نغلط .. إستوت الهندسة عندهم معتمدة على مبدأ التجربة والخطأ ونتعلم من أخطاؤنا .. لا لا لا حبايبي الهندسة غير تدرس احتمالية الخطأ وتسوي الصح حسب أُصول وحسابات وحسب ما وصل اليه الآخرون

وواحد طلع لنا يبربر ما يبرر يقول شوارعنا مصممة لسيارات صغيرة وأحمال بسيطة تجيبون عليها شاحنات لازم بتخربها .. ليش ما تخترب شوارع أمريكا وعليها شاحنات ليل ونهار .. على بعضها وزن الثلج وبعضها مرتفعة 10 أدوار تأثير الرياح عليها قوي .. وبعضها في مواقع زلزالية .. من أبسط المباديء التصميمية إنك تصمم حق التحميل الأقصى وتحط احتياط أمان فوقه يوصل ل 70% في المباني للأوزان الحية و 40% للأوزان الميتة ولو بادخل في تفاصيل وزن التصميم باضيف ضغط الهواء واحتمالية الزلازل

للطرق أذكر في الوزن التصميمي حق جسر حطينا أقصى احتمال لوجود شاحنات بوزن مخالف وكبير وبعضها تهتز ولوجود هواء قوي ومطر مغطي بعمق كبير وله وزن أكيد .. يمكن أعذار أشغال قابلة للاستهلاك المحلي لكنها يعرفونها عدل المهندسين المختصين ويعرفون إنه كلام وعذر غير واقعي

وسامحوني على الاطالة

[معماري قطري]

رحال انت في امريكا شوف نظام الصرف عندهم

واحنا مانقل عنهم امكانيات

نظام الصرف هناك يختلف باختلاف المكان ولكل مكان تصميم خاص به

فلوريدا في غالبيتها بايبات تحت الشوارع توصل لبحيرات صناعية كبيرة والفتحة من سعتها يدخل فيها تمساح

بص بس بص بس مثل ما تقول زكية زكريا


https://www.youtube.com/watch?v=6WyAg1UAzZQ

الفتحات ليش هالوسع؟ علشان هدر المطر بسيلان بقوة وعلشان ما تنسد من ورق الشجر

[بانغ بانغ]

بو عبدالله قابلت شركة من كم يوم عارضين على البلد تقنية استخدام الماي في المجاري والمطر لانتاج الطاقة

يعني في فرص كبيرة من waste water عندنا

[معماري قطري]

مب سمو الامير الله يحفظه ولكن شخص اخر عنده نفس السياره والناس ظنته سمو الامير الوالد

الله يحفظه بس مؤكد يشوف ويوصله كل علم

[معماري قطري]

ف امريكا في بعض الولايات نظام خاص وسستم لمثل هالامور تجاوزو مرحله منهولات الصرف في شوارع تمتص الماي من الظلم مقارنه قطر بامكانيتها المتواضعه واشغال توها يديده في الكار بدوله مثل امريكا خلونا مابين مسقط والبحرين والسعوديه بس

ههههههه نخلي أشغال تتعلم شدعوى توها يديدة شوف كم سنة وخلصت خطتهم الخمسية وحتى ما اعلنوا عن الخطة الجديدة

إحنا عندنا حفار الأعماق الكبير حق حفر أنفاق القطارات وهذي تكنولوجيا ألمانية .. من سنتين تقريباً أمريكا جايبة نفس المعدات من ألمانيا وحفروا تحت سياتل حق عمل طريق سيارات يفك الزحمة .. اللي صار الحفار وصل منطقة كلها طين فجوة كبيرة تحت الارض وطاح فيها واندفن على أعماق سحيقة

المغزى .. العالم استوى قرية صغيرة والتكنولوجيا متوفرة بس استجلابها عن طريق وكلاء ياكلون اليابس والخضر ويشاركون الشركة في ربح كبير هو المكلف على الحكومة .. شركة الريل اللي وقعت معاها قطر ارتفعت أسهمها حول 3 أضعاف في فترة بسيطة في بورصة ألمانيا

[معماري قطري]

ليش المسئولين ماياخذون بشور المواطنين او الوجهاء لو حد عنده فكره او مقترح من شأنه ايحل وايخفف الوضع

مب شرط موظف اشغال هو المنقذ

االله المستعان

محد يحب هالخبصة الا اللي بالأحمر .. هم اللي يشغلون عمال شركاتهم .. تحسب لو جات شركة دولية لها الحرية تجيب آلاتها وعدتها وعمالها .. ذيلا حتى اللي شارد من كفيله يشغلونه والعمالة بتتوفر لهم أكثر على حساب الشركات الضعيفة بعد تطبيق القانون الجديد

[معماري قطري]

اللي بيطرف فكرة جيده الله يعطيه العافيه وعساه عالقوة

اما اللي طايح انتقاد وكأن صارت وفيات وغرف ومصايب هذا ما عنده سالفه

اهم شي يا جبر الطراد خله معلق في الرمانه اسبوع قدام وامورك طيبة هههههههه

انا انتقادي الوحيد إنك تدفع وايد وتحصل شوي .. شوارع حديثة مكلفة مليارات بعضها تخفق وبعضها تقشرت بسبب تكرر الأمطار

حطيت من أيام مقطع لشارع معمول في 1920 ومن الخرسانة في أمريكا وكان يستعمل لفترة قريبة وتم عمل بديل له بالكامل محاذي له .. في قطر شارع مثل اللي بنته شركة اينو الايطالية حق الخور .. اللي من الجامعة للخور صج خدم فترة ومبني صح على مرتفع بسيط وفي فترة قياسية بس تهالك وفيه هبوطات ويحتاج لرصف وتجديد .. بعض الشوارع ما تمر عليها فترة خمس سنين يعيدونها

طريق الشمال كم تعديل تم عليه وهو توه مبني .. أشغال مسؤولة عن التخطيط والتنفيذ ومتابعته وعن الصيانة

[معماري قطري]

تذكرت سنغافوره

مسويين خزانات خاصة تحت الارض تجمع ماي الامطار

وبهالخزانات يتم تزويد المدن بالماي

عندنا يقولون بلادنا مش بلاد امطار و لذلك ما نحتاج هالتصاريف

طيب لو نزل المطر و امتلا الماي ، شبتسوي ؟

لازم يصير شي عشان نتخذ الاجراءات السليمة ؟!

مش فاهم

المطر نعمة وكنز ولو فيه هذي النوعية من الخزانات وخل نقول فوق الأرض أرخص بس يسوون للمياه تنقية ويتأكدون من نظافتها

هذي طريقة لتغطية خزان مفتوح في لوس أنجلوس ووفروا بها 200 مليون دولار بدل عن التغطية الكاملة بغشائين متصلين ببعض من البلاستيك الخاص


https://www.youtube.com/watch?v=_ekv7-V1B_Q

[معماري قطري]

وشوف الصهاينة شيسوون وشلون يحفظون الماء


https://www.youtube.com/watch?v=K6MjAWQGRVs

[معماري قطري]

ياليت اتشوف اسألتي للاخ معماري واجوبته الي كلها حلول
وانتقادنا للتصحيح وليس للتجريح او الاصطياد في المياه العكره
فكلنا هل قطر وتهمنا مصلحه بلادنا

أكيد وبوحارب مؤكد يوافقنا ويهتم لهذي الأُمور

[معماري قطري]

لانه الاخطاء الكارثيه هم السبب فيها

شيء بسيط ابتعدوا عنه أشغال وكان قبل موجود .. تسكير الفتحات الغير مخصصة لمرور السيارات ببايبات في الأرض مثل اللي يحطونها عند الاشارات تذبح البشر في حال اصطدام قسري لا قدر الله .. وعمل حاجز علوي لتحديد ارتفاع السيارات قبل اللافتات وشفنا شكثر انضربت بسيارة عالية وقبل الأنفاق .. نشال مفتوح صندوقه علق في طريق سلوى قبل

شيء ضحكني ما له أهمية كبيرة بس مخالف للقانون الدولي .. اللافتات اللي تحدد المناطق لازم تبدأ بالمنطقة القريبة فوق وبعدها الأبعد فالأبعد

Wake Up Ashgaal

[معماري قطري]

شكله للمطر جولة أُخرى

[بانغ بانغ]

الوكرة ظلمت والله يستر من الجاي

سمعت خط الشمال حلبة

[بانغ بانغ]

في شي خشن بالطريق خلال العشر ايام الجايين تقربا حسسب القراءات المختلفة هذا والله اعلم

تجهزي للاكشن

نفس التوقعات

[القلب المؤمن]

غضب من الفساد اللي منتشر لاحول ولاقوة الا بالله ، اللهم إنا نسألك العفو والعافية

[بانغ بانغ]

غضب من الفساد اللي منتشر لاحول ولاقوة الا بالله ، اللهم إنا نسألك العفو والعافية

امين

الله ينصر المستضعفين ويعين الفقراء اللذين يلتحفون السماء

[كود نمبر]

:app::app:
من جاور السعيد يسعد :o

:app:

[المزن الرياني]

سبحان الله
ماقد شفت نفس قوه هالمطر من سنييين

[كود نمبر]

تستاهلون

هاي الاخبار المفرحة لبلادنا

نبي نطلع نستانس ونتمشى في المطر بدون اي ارتباك مروري

تستاهل خير
وبكل امانه والله أتمنى الشركه الكويتيه الي اشتغلت عندنا انها تستلم جميع مناطق قطر
شغلهم بصراحه شغل عالمي

[بانغ بانغ]

سبحان الله
ماقد شفت نفس قوه هالمطر من سنييين

والله نفسك من سنين

[JN000N]

بانغ شخباركم عقب المطر احين اللي انهد مره وحده
امس ستين سياره ماكفت تسحب الماي من الوكره ماياو يسحبون الي قدام بيتنا الا 4 الفجر
اليوم شبيسوون عيل

والله احنا نحب المطر ونتباشر فيه ونستانس عليه
لكن حسبي الله على اللي خلونا نستضيق من يهل علينا

[بانغ بانغ]

بانغ شخباركم عقب المطر احين اللي انهد مره وحده
امس ستين سياره ماكفت تسحب الماي من الوكره ماياو يسحبون الي قدام بيتنا الا 4 الفجر
اليوم شبيسوون عيل

والله احنا نحب المطر ونتباشر فيه ونستانس عليه
لكن حسبي الله على اللي خلونا نستضيق من يهل علينا

ابشرك الوقرة طيبة بس غرقت مسكينة

جدام بيتي ما صدقت نشف الشارع اللي لحين ما سووه واكو رجع المستنقع والنامس والبهدلة

[JN000N]

خلو الفرجان اللي غرقت تولي
خلو المجمعات اللي خرت تولي
خلو الانفاق اللي انترست تولي
والمناطق الثاني ختولي بعد


كورنيش الدوحة بعد يغرق ماي!
هاي الواجهة وجذي

http://up.arabseyes.com/uploads2013/27_11_16148025569722851.jpeg


http://up.arabseyes.com/uploads2013/27_11_16148025569724932.jpeg


والله قطر تستحق الافضل
شناقصنا احنا
فلوس وعندنا وامكانيات تتسهل بالخير اللي احنا فيه
كل شي موجود
بس وين الضمير؟
وين اللي يخاف على بلاده وين اللي قبل يفكر ف بلاده يخاف من الله ف امانته ف العمل ويقدم شغله على اكمل وجه
مايسوى عليها قطر كلن يغرف من خيرها ولا يعطيها شي

[JN000N]

ابشرك الوقرة طيبة بس غرقت مسكينة

جدام بيتي ما صدقت نشف الشارع اللي لحين ما سووه واكو رجع المستنقع والنامس والبهدلة

عني انا قررت اربي ضفادع فالفريج
دام البيئه صارت ملائمه لهم
وانت تقدر تربي تماسيح انا اعطيك الكرت الاخضر

[بانغ بانغ]

هههههههههههههههههههههه

اما تماسيح والله عادي البريعصية انتفخوا من الماي وصاروا تماسيح

[معماري قطري]

كشكشها متعرضهاش

يالربع تبالغون حتى الصور مزورة .. وصلني فلم حق سوق الجبر خار يقولون طواريء الأطفال .. يا ناس طواريء يبي لها طواريء؟

[Dana’1]

إي والله قطر تستاهل الأفضل دائما

أحس وضع بالبنيه التحتيه صار خارج التحكم..لأنهم يعمرون مناطق عقب يسون البنيه التحتبه!
ومع كذا اداره في اشغال...وعدم محاسبه لهم ماراح يكون فيه حل

بغض النظر عن المنظر القبيح ،،،من يعوض أصحاب السيارات إلي تعطلت ،،وتعطيل المحلات التجاريه والناس نفسها ماهي عارفه تتحرق عدل ببعض المناطق
فدام فينا فينا هالشي
الحل هو إن البلديه تزيد من سيارات سحب المياه أضعاف مضاعفه وتتوزع بكل حي يبنون لهم مكان وتكون على كامل الإستعداد في المواسم!!!

أما لا كذا ولا كذا،،مايصير

[معماري قطري]

ما اظن حقيقي شكله فوتوشوب


https://youtu.be/5nNA8i6NXhs

بس سوق فيه أسرة

[معماري قطري]

والله خايف على الرجال من المغامرة ماي وكهرباء مشكلة وشكله مب متجهز

هذا أما سوق الجبر القديم أو التوسعة الجديدة اللي سووها .. لو كان القديم معناها اللي اشتغلوا خربوا العازل فوق ولا همهم ولا حسيب ولا رقيب ولو التوسعة وهي جديدة خرت هشكل أكيد فيه خلل كبير

[الحياة الخالدة]

ما اظن حقيقي شكله فوتوشوب


https://youtu.be/5nNA8i6NXhs

بس سوق فيه أسرة

أبييييييييه .. لا حول ولا قوة إلا بالله العلي العظيم

[رجل الجزيرة]

ما اظن حقيقي شكله فوتوشوب


https://youtu.be/5nNA8i6NXhs

بس سوق فيه أسرة

وشلون فوتوشوب؟

[رجل الجزيرة]

عندي فيديو للطوارئ حمد يخر، بعد فوتوشوب؟

[معماري قطري]

وشلون فوتوشوب؟

التكنولوجيا يا اخوي عيل سوق الجبر فيه أسرة .. وسوق الجبر صار له فوق 30 سنة لين خر بنقول قديم

[معماري قطري]

عندي فيديو للطوارئ حمد يخر، بعد فوتوشوب؟

لازم ندافع عن شركاتنا الفتية ونظامنا الهندسي اللذي لا يقهر

[بانغ بانغ]

بوعبدالله والله كل مكان خر

[المحاميه]

شي محزن جدا
وكارثه
اللي صار ف طواري السد
لاحول ولا قوة الا بالله

[بصمة قطرية]

سلموا لي على الأرصاد الجوية ..

الله يجعلها سقيا خير و رحمة ..

الأمطار توها في بدايتها الله يرحمنا برحمته ..

[بنت شرق]

البعض متألم لمنظر الشوارع والاماكن العامة الي غرقت من مطر عادي وتونا ببداية الموسم
واحنا الي بيوتنا متهالكة وكل سنة انسوي لها صيانة ونعاني شنقول عيل غير حسبنا الله ونعم الوكيل
اعتقد المشكلة الأولى والأخيرة في قطر مافي مواصفات للبناء سواء كان منزل أو شارع يحسسونك أنهم سنة أولى حكومة

[معماري قطري]

بوعبدالله والله كل مكان خر

صراحة شيء محزن

تحميلي مسؤولية هذي الأخطاء لجهات عدة مب بس أشغال

عندك المواصفات والمقاييس والجهات اللي تسمح بدخول مواد ومهندسين ما يشرفون صح ولا يصممون صح

بشوف عيني أثناء توقيع عقد بناء الاستشاري البش مهندز والمقاول يتغامزون مع بعض ووقفت التوقيع وزعل مني المالك .. رحت عدلت الخرايط وجبت مقاول ثاني ووفرت عليه مبدئياً 600000 من عقد 2.1 مليون .. كله في اسبوع

بداية من الاستشارات لين عدم تأهيل المهندس القطري لين عدم الاهتمام بالاختصاصات الهندسية .. لين إبعاد الخبرات عن الصورة الهندسية .. لين تدخل جهات وأشخاص بصفتهم ومنصبهم في تخصصات علمية وراي هندسي .. لين عدم تطبيق المعايير الهندسية واستيراد أو السماح باستيراد مواد غش كل هذي الامور وأكيد أغفلت بعضها وصلتنا لهذي القشور البسيطة اللي ما تصمد ولا بتصمد الفترة المرجوة منها وخسارتها كبيرة

يمكن ذكري لسوق الجبر دعابة والا السوق من أفضل المباني القديمة وتكلفته 21 مليون ذاك الوقت وخدم ويخدم

[معماري قطري]

سلموا لي على الأرصاد الجوية ..

الله يجعلها سقيا خير و رحمة ..

الأمطار توها في بدايتها الله يرحمنا برحمته ..

اللهم آمين

الأرصاد يقولون لتصدقون حد وصدقوا نشراتنا بس .. :app: ولهم فترة يقولون مطر خفيف .. حتى أرقامهم لكمية الأمطار مشكوك فيها .. وشكلهم معطين أشغال أرقام غلط والا أشغال كل من فيها من برا ولا يدرون إن قطر يجيها مطر بأمر الله

[بانغ بانغ]

البعض متألم لمنظر الشوارع والاماكن العامة الي غرقت من مطر عادي وتونا ببداية الموسم
واحنا الي بيوتنا متهالكة وكل سنة انسوي لها صيانة ونعاني شنقول عيل غير حسبنا الله ونعم الوكيل
اعتقد المشكلة الأولى والأخيرة في قطر مافي مواصفات للبناء سواء كان منزل أو شارع يحسسونك أنهم سنة أولى حكومة

بالضبط

شهر ابريل تقريبا يوم 14 نزلت موضوع ليش ماعندنا construction code لمعايير البنيان وكنت في الدمام وشفت الفرق في السلع والمنتجات

والاخوان افادونا وايد

[معماري قطري]

نصيحة لكل مسؤول والمفروض هذي مسؤولية أشغال عن كل مبنى حكومي وصيانته

نصيحة الطلب من مكتب خاص فحص المبنى وسقفه والعازل لأن حده في الغالب 15 سنة والضمان 10 سنين وتنتهي صلاحيته

وأي شخص يسرب بيته يحل المشكلة أول بأول ويمكن تكون المشكلة بسيطة جداً وما تكلف الا علبة سيليكون لكن تأثير الماي يتراكم ويخرب حتى الأساسات

الميلان للأرضيات نخليه بعيد عن المباني حتى لو من ورا لأن تسرب الماء قرب الحوائط للأرضية تحت يكون كارثي على فترة طويلة ويضعف الأساسات والأعمدة والأرض

[معماري قطري]

بالضبط

شهر ابريل تقريبا يوم 14 نزلت موضوع ليش ماعندنا construction code لمعايير البنيان وكنت في الدمام وشفت الفرق في السلع والمنتجات

والاخوان افادونا وايد

كانوا يقولون في الربع الثالث اللي راح ولا شفنا شيء .. لا ومألفينه وتعبانين عليه كود للخليج وناويين يبيعونه بغالي بعد .. شلون تبون الناس يلتزمون به وهو بيع وسري .. المفروض منشور للكل وفي موقع نت معتمد ويتم التعديل عليه أول بأول

[معماري قطري]

البعض متألم لمنظر الشوارع والاماكن العامة الي غرقت من مطر عادي وتونا ببداية الموسم
واحنا الي بيوتنا متهالكة وكل سنة انسوي لها صيانة ونعاني شنقول عيل غير حسبنا الله ونعم الوكيل
اعتقد المشكلة الأولى والأخيرة في قطر مافي مواصفات للبناء سواء كان منزل أو شارع يحسسونك أنهم سنة أولى حكومة

انا قلبي تعورني وريولي يعورني هههه وعيوني يدمع من الحزن

كلها يومين وبتتنظف الشوارع وتجف وبتنمسح الأرضيات اللي تبللت وبتترقع الأسقف اللي خرت وبننسى شصار

[معماري قطري]

وكلها يومين بنسمع عن لجنة بتسافر وبتدور حول العالم تشوف حلول وبيرجعون يكتبون موضوع انشائي طويل مثل مواضيع معماري قطري

[بانغ بانغ]

سمعت ان رئيس اشغال بيطير وبيحطون بدله مهندس قطري من برع اشغال

مادري سمعت !

[JN000N]

^ اشغال بكبرها لازم يهردمون برجهم باللي فيه

[بصمة قطرية]

اللهم آمين

الأرصاد يقولون لتصدقون حد وصدقوا نشراتنا بس .. :app: ولهم فترة يقولون مطر خفيف .. حتى أرقامهم لكمية الأمطار مشكوك فيها .. وشكلهم معطين أشغال أرقام غلط والا أشغال كل من فيها من برا ولا يدرون إن قطر يجيها مطر بأمر الله

عمري ما صدقتهم و لا راح أصدقهم
يشككون في ناس ثقة الحمدلله ..
مب محتاجين توقعاتهم
المفروض يحذرون عشان الناس تعرف
و يعملون حسابهم أقلها ما يطلعون اللي عندهم يهال بالذات ..
تونا بداية الموسم و توه الخير جاي إن شاءالله ..
تقريباً نص ديسمبر راح تجينا مطرة أقوى من هالمطرة ..

والله العظيم الفيديوهات اللي شفتها عورت قلبي ..
شوارع غرقت ..!!!
مستشفيات خرت ..!!
بيوت محلات .....
الله يجعلها سقيا خير و رحمة ..

حرام والله العظيم ملايين تنصرف على مشاريع
و آخرتها من أول مطرة تخر ..!!!!!
لازم يحاسبون أشغال
و ميحاسبون المهندسين اللي استلموا المشاريع ..
حرام الدولة تنفع مليارات على مشاريع فاشلة ..!!!

[بصمة قطرية]

^ اشغال بكبرها لازم يهردمون برجهم باللي فيه

استغفر الله العظيم
ما بيحسون إلا إذا خر عليهم البرج ..!!!

[Dana’1]

عمري ما صدقتهم و لا راح أصدقهم
يشككون في ناس ثقة الحمدلله ..
مب محتاجين توقعاتهم
المفروض يحذرون عشان الناس تعرف
و يعملون حسابهم أقلها ما يطلعون اللي عندهم يهال بالذات ..
تونا بداية الموسم و توه الخير جاي إن شاءالله ..
تقريباً نص ديسمبر راح تجينا مطرة أقوى من هالمطرة ..

والله العظيم الفيديوهات اللي شفتها عورت قلبي ..
شوارع غرقت ..!!!
مستشفيات خرت ..!!
بيوت محلات .....
الله يجعلها سقيا خير و رحمة ..

حرام والله العظيم ملايين تنصرف على مشاريع
و آخرتها من أول مطرة تخر ..!!!!!
لازم يحاسبون أشغال
و ميحاسبون المهندسين اللي استلموا المشاريع ..
حرام الدولة تنفع مليارات على مشاريع فاشلة ..!!!

عفوا ما خرت،،،هي سبحت رسمي وكأنها بدون سقف من السماء لها على طول مير اقوى حتى من المطر برا!!

[بانغ بانغ]

كنت في سنغافورة 2007 مع وفد رياضي

والله العظيم حلبة دبل عن اللي عندنا من 8 الصبح لين 5 المساء ولا وقفت . لان صالة تمرين الوفد الرياضي جدام الشارع وجامة كبيرة كنا انشوف منها الشارع

لين رحنا الفندق .... ولا كأنه في شي بس الارض امبلللة

ناس اتخطط وناس انايمة

[بنت شرق]

وكلها يومين بنسمع عن لجنة بتسافر وبتدور حول العالم تشوف حلول وبيرجعون يكتبون موضوع انشائي طويل مثل مواضيع معماري قطري
افكر نرشح معماري يكون استشاري عند اشغال يمكن الله يصلح الحال

[بانغ بانغ]

افكر نرشح معماري يكون استشاري عند اشغال يمكن الله يصلح الحال

ما يبون القوي الامين الحريص

[Dana’1]

كنت في سنغافورة 2007 مع وفد رياضي

والله العظيم حلبة دبل عن اللي عندنا من 8 الصبح لين 5 المساء ولا وقفت . لان صالة تمرين الوفد الرياضي جدام الشارع وجامة كبيرة كنا انشوف منها الشارع

لين رحنا الفندق .... ولا كأنه في شي بس الارض امبلللة

ناس اتخطط وناس انايمة

هالشي مو مستحيل يصير بس يبغاله ناس تشتغل صح
مانروح بعيد،،،الجبيل الصناعيه كانت تمطر عندنا باليوم كامل ويوم متقطع ولا فيه أي غرق ولا كأن نزل مطر ماشاءالله...والجبيل البلد غرقااانه حدها،،،والمسافه بينهم 20 كم

الظاهر من الأفضل إن شركات البترول تتولى الشركات الخاصه للشوراع والبنى التحتيه ،،

[بانغ بانغ]

الا على طاريهم

شخبار هيئة الشفافية

اللي يعرف شي عنهم ، ايوصل سلام بانغ بانغ لهم

[JN000N]

استغفر الله العظيم
ما بيحسون إلا إذا خر عليهم البرج ..!!!

ولا بيحسون
طوف وانتي الصاجه

[الدوحه1]

https://www.youtube.com/watch?v=tXeQ1ENog2o

[بوعبدالله2005]

والله حرام
والله بوق
والله نهب للمال العام
والله غش
والله استهتار
والله شغل من الباطن
والله عدم إتقان العمل

هذا. وللعلم.
بأني على استعداد ان أنفذ جميع مشاريع البنيه التحتيه الخاصة بمياه الأمطار
وعلى استعداد ان أتحاكم اذا لم اوفي بشروط العقد
وبنص السعر. بشرط واحد فقط
ان استلم جميع المبالغ المخصصة للمشروع من مبالغ الدعايه و الإعلان. و التدريب و العمل و الصيانه و الكميشن ومن الباطن و كل شىء المبلغ الأصلي. وليس عبر خمسين وسيييط

وإذا لم أنجز العمل. انا مستعد للإعدام

[Azizuk]

الا على طاريهم

شخبار هيئة الشفافية

اللي يعرف شي عنهم ، ايوصل سلام بانغ بانغ لهم


اللي اعرفه ان كل يوم والثاني مؤتمر في بلاد :strong3:

[الدوحه1]

Rain Causes Flooding, Leaks in 2022 World Cup Host Qatar



Qatari authorities are urging motorists to exercise caution after rain caused flooding in several parts of the country.
The Ministry of Interior issued the advisory on Twitter Sunday, saying roads remain water-logged in certain areas after Saturday's downpour. Footage posted on social media and news websites showed several roads in the capital, Doha, submerged and water leaking through holes in shopping mall roofs.
Qatar is in the midst of a torrid, multi-year building boom as it races to develop infrastructure to host soccer's World Cup in 2022.
It is not the first time rain has caused havoc in the energy-rich country. A year ago, rain breached the roof of the gleaming new Hamad International Airport, home of fast-growing Qatar Airways.
More rain was expected Sunday

المصدر:
http://abcnews.go.com/International/wireStory/rain-flooding-leaks-2022-world-cup-host-qatar-43803335

[بن مسلم]

والله حرام
والله بوق
والله نهب للمال العام
والله غش
والله استهتار
والله شغل من الباطن
والله عدم إتقان العمل

هذا. وللعلم.
بأني على استعداد ان أنفذ جميع مشاريع البنيه التحتيه الخاصة بمياه الأمطار
وعلى استعداد ان أتحاكم اذا لم اوفي بشروط العقد
وبنص السعر. بشرط واحد فقط
ان استلم جميع المبالغ المخصصة للمشروع من مبالغ الدعايه و الإعلان. و التدريب و العمل و الصيانه و الكميشن ومن الباطن و كل شىء المبلغ الأصلي. وليس عبر خمسين وسيييط

وإذا لم أنجز العمل. انا مستعد للإعدام


أصلا دولتنا الحبيبيه اتقول حق الأجنبي تعالوا واسرقوا هي جات علي المشاريع بس في كل القطاعات بوق وراح يستمر هالمسلسل

[لطيف الروح]

الا على طاريهم

شخبار هيئة الشفافية

اللي يعرف شي عنهم ، ايوصل سلام بانغ بانغ لهم

شفافين

[JN000N]

المصدر:
http://abcnews.go.com/International/wireStory/rain-flooding-leaks-2022-world-cup-host-qatar-43803335

دام انكتب هالمقال ولقو عيب على 2022
الحين ربعنا بيتحركون صج وبيشتغلون بذمة وضمير
لان مايخرعهم غير 2022

[غير البشر]

https://www.youtube.com/watch?v=tXeQ1ENog2o


وزاره االصحه تقول مبروك عليكم الحيا


https://twitter.com/4MpA7QVKnqlzQf4/status/802912005921378304

[بوخالد911]

وسقطت ..... مع سقوط المطر !!!

[معماري قطري]

افكر نرشح معماري يكون استشاري عند اشغال يمكن الله يصلح الحال

لا لا استشاري باكون شماعة حق أخطاؤهم وبيكلفوني ارد عليكم هنيه خلوني انطر تقاعدي وافتح مطعم كباب انافس عنتر ما ادري شسمه اللي كان في نجمة وعطوه دكان في سوق واقف .. إيه صدت الاسم شجاع

[aloosh]

لن يصلح حال البلد دام الوزير مسكر بابه ولا ياخذ بأفكر خيرت شباب البلد بل يعتمد على الاجنبي الذييسرق عيني عينك وهم يعلمون ذلك جميعآ
لا احد يقول محد يعرف يعرفون كل شي عن الشركات من صغيره وكبيره
ولكن تجاب الشركه حسب الكميشن اللي راح يحصلون عليه

انا تهمني مصلحه بلادي وكم احس بالوجع عندما ارى تقصير من هولاء التي وثق بهم وحملوا المسؤليه وتصرف المليارات والمشكله صار لها سنين وكل سنه نسمع نفس الكلام ولا نرى شي بالواقع
والله انه شي يحزن كل مواطن غيور وادري انهم يتألمون من منظر تصرف عليه مليارات ومكانك سر

السؤال الى وزير اشغال
كم سنه وهذي المشكله موجوده يمكن من تأسست الدوله ولم نرا حل ممكن يعطونا سبب مقنع يريحون به صدورنا

[بانغ بانغ]

شقت صورة بس مادري عندنا او لا

اتوقع اي لو حد وصلت له الصورة اتش دي ايشيك كأنها مدرسة مستقلة قريبة منها

98865

[بوخالد911]

شقت صورة بس مادري عندنا او لا

اتوقع اي لو حد وصلت له الصورة اتش دي ايشيك كأنها مدرسة مستقلة قريبة منها

98865

ما ظهرت الصورة

[المهندس عبدالعزيز]

انا اتكلم بشكل عام حسب ما ينص عليه القانون القطري وبعيد عن العواطف لأي مشكلة في عالم المقاولات والبنية التحتية

يوجد فقط خمسة حالات (سيناريوهات) للموضوع:

1- في حالة وجود في وجود خطأ في تصميم(مثل عدم تصريف المياه) يتحمله الاستشاري، يجوز للمالك (الجهة الحكومية) خصم الاضرار الخاصة من الاستشاري عبر التأمين والضمان المصاحب
2- أما اذا كان الخطأ في التنفيذ يتحمله المقاول (مثل عدم تنفيذ تصريف المياه) ، يجوز للمالك (الجهة الحكومية) خصم الاضرار من الخاصة من المقاول عبر التأمين والضمان المصاحب
3- اذا كان الخطأ نتيجة قصور في الاشراف من قبل الاستشاري المشرف او الجهة المالكة مثل تكليف شركات عديمة الخبرة الخ (يحتاج ادله صريحة و واضحة جدا لذلك) ومع ذلك يتحمل ايضا المسؤولية الاكبر الاستشاري المصمم او المقاول المعني حسب 1 و2

4- قد يكون الخطأ من احد الجهات المعنية الاخرى المنوط بها تقديم الخدمات مثل عدم الانتهاء من خط تصريف مياه الامطار مما ادى إلى حدوث هذه المشكلة

5- قد تكون نسبة الامطار عالية جداً اكثر من المستوى الطبيعي المتعارف عليه في قطر منذ خمسين سنة فلا تعاقب اي جهة (المالك او الاستشاري او المقاول)، وهذه الحالة في القانون تسمى force ، majure، للتوضيح
https://ar.wikipedia.org/wiki/%D9%82%D9%88%D8%A9_%D9%82%D8%A7%D9%87%D8%B1%D8%A9

ولا يوجد حالة اخرى

وفي اي حال من الافضل تسوية الموضوع وديا مع الاستشاري او المقاول المعني بعيد عن المحاكم لأن طريقها طويل جدا وتستهلك وقت كبير وتكلف مبالغ كبيرة جدا

الخلاصة الحل العملي هو ان المالك (وزارة البلدية) يقوم بالحل الودي والتفاهم مع الاستشاري والمقاول والجهات المعنية لحل الموضوع وتصحيح ما يتم تصحيحه مع خصم مبالغ ماليه عليه، واذا لم يحل الموضوع وديا ممكن اتخاذ الاجراءات القانونية

[بصمة قطرية]

شقت صورة بس مادري عندنا او لا

اتوقع اي لو حد وصلت له الصورة اتش دي ايشيك كأنها مدرسة مستقلة قريبة منها

98865



بسم الله
تخوف الصورة
شكلها مدرسة ..!!!

[بانغ بانغ]

انا اتكلم بشكل عام حسب ما ينص عليه القانون القطري وبعيد عن العواطف لأي مشكلة في عالم المقاولات والبنية التحتية

يوجد فقط خمسة حالات (سيناريوهات) للموضوع:

1- في حالة وجود في وجود خطأ في تصميم(مثل عدم تصريف المياه) يتحمله الاستشاري، يجوز للمالك (الجهة الحكومية) خصم الاضرار الخاصة من الاستشاري عبر التأمين والضمان المصاحب
2- أما اذا كان الخطأ في التنفيذ يتحمله المقاول (مثل عدم تنفيذ تصريف المياه) ، يجوز للمالك (الجهة الحكومية) خصم الاضرار من الخاصة من المقاول عبر التأمين والضمان المصاحب
3- اذا كان الخطأ نتيجة قصور في الاشراف من قبل الاستشاري المشرف او الجهة المالكة مثل تكليف شركات عديمة الخبرة الخ (يحتاج ادله صريحة و واضحة جدا لذلك) ومع ذلك يتحمل ايضا المسؤولية الاكبر الاستشاري المصمم او المقاول المعني حسب 1 و2

4- قد يكون الخطأ من احد الجهات المعنية الاخرى المنوط بها تقديم الخدمات مثل عدم الانتهاء من خط تصريف مياه الامطار مما ادى إلى حدوث هذه المشكلة

5- قد تكون نسبة الامطار عالية جداً اكثر من المستوى الطبيعي المتعارف عليه في قطر منذ خمسين سنة فلا تعاقب اي جهة (المالك او الاستشاري او المقاول)، وهذه الحالة في القانون تسمى force ، majure، للتوضيح
https://ar.wikipedia.org/wiki/%D9%82%D9%88%D8%A9_%D9%82%D8%A7%D9%87%D8%B1%D8%A9

ولا يوجد حالة اخرى

وفي اي حال من الافضل تسوية الموضوع وديا مع الاستشاري او المقاول المعني بعيد عن المحاكم لأن طريقها طويل جدا وتستهلك وقت كبير وتكلف مبالغ كبيرة جدا

الخلاصة الحل العملي هو ان المالك (وزارة البلدية) يقوم بالحل الودي والتفاهم مع الاستشاري والمقاول والجهات المعنية لحل الموضوع وتصحيح ما يتم تصحيحه مع خصم مبالغ ماليه عليه، واذا لم يحل الموضوع وديا ممكن اتخاذ الاجراءات القانونية

الله يعطيك العافية مهندس

كلام سليم مية مية لكن نبي انشوف تحركات البلدية ومجلس الشورى وغرفة قطر ايضا

[معماري قطري]

شقت صورة بس مادري عندنا او لا

اتوقع اي لو حد وصلت له الصورة اتش دي ايشيك كأنها مدرسة مستقلة قريبة منها

98865

فيها شك بالنسبة لي

[بوخالد911]

شفتها من جوالي

ربما فوتو شوب

ربما.

[المهندس عبدالعزيز]

الله يعطيك العافية مهندس

كلام سليم مية مية لكن نبي انشوف تحركات البلدية ومجلس الشورى وغرفة قطر ايضا

جزاك الله خير ، واذا اشغال والبلدية صححوا الموضوع داخليا و قدموا افادتهم انتهى الموضوع

[معماري قطري]

انا اتكلم بشكل عام حسب ما ينص عليه القانون القطري وبعيد عن العواطف لأي مشكلة في عالم المقاولات والبنية التحتية

يوجد فقط خمسة حالات (سيناريوهات) للموضوع:

1- في حالة وجود في وجود خطأ في تصميم(مثل عدم تصريف المياه) يتحمله الاستشاري، يجوز للمالك (الجهة الحكومية) خصم الاضرار الخاصة من الاستشاري عبر التأمين والضمان المصاحب
2- أما اذا كان الخطأ في التنفيذ يتحمله المقاول (مثل عدم تنفيذ تصريف المياه) ، يجوز للمالك (الجهة الحكومية) خصم الاضرار من الخاصة من المقاول عبر التأمين والضمان المصاحب
3- اذا كان الخطأ نتيجة قصور في الاشراف من قبل الاستشاري المشرف او الجهة المالكة مثل تكليف شركات عديمة الخبرة الخ (يحتاج ادله صريحة و واضحة جدا لذلك) ومع ذلك يتحمل ايضا المسؤولية الاكبر الاستشاري المصمم او المقاول المعني حسب 1 و2

4- قد يكون الخطأ من احد الجهات المعنية الاخرى المنوط بها تقديم الخدمات مثل عدم الانتهاء من خط تصريف مياه الامطار مما ادى إلى حدوث هذه المشكلة

5- قد تكون نسبة الامطار عالية جداً اكثر من المستوى الطبيعي المتعارف عليه في قطر منذ خمسين سنة فلا تعاقب اي جهة (المالك او الاستشاري او المقاول)، وهذه الحالة في القانون تسمى force ، majure، للتوضيح
https://ar.wikipedia.org/wiki/%D9%82%D9%88%D8%A9_%D9%82%D8%A7%D9%87%D8%B1%D8%A9

ولا يوجد حالة اخرى

وفي اي حال من الافضل تسوية الموضوع وديا مع الاستشاري او المقاول المعني بعيد عن المحاكم لأن طريقها طويل جدا وتستهلك وقت كبير وتكلف مبالغ كبيرة جدا

الخلاصة الحل العملي هو ان المالك (وزارة البلدية) يقوم بالحل الودي والتفاهم مع الاستشاري والمقاول والجهات المعنية لحل الموضوع وتصحيح ما يتم تصحيحه مع خصم مبالغ ماليه عليه، واذا لم يحل الموضوع وديا ممكن اتخاذ الاجراءات القانونية

بالنسبة للبند الثالث الخطأ من المشرف ويتحمله المصمم كيف؟

وإذا هذي بنود من قانون ممكن تعطيني الرابط حاب استفيد

القضايا صحيح مشكلتها عندنا صعب حلها والحل الودي في الغالب يستفيد منه المقاول والاستشاري ولا يستفيد منه المالك الا لو الخطأ لابس المقاول والمقاول يقدر يتفرط منه بالحل الودي

[أسد الجزيرة]

شقت صورة بس مادري عندنا او لا

اتوقع اي لو حد وصلت له الصورة اتش دي ايشيك كأنها مدرسة مستقلة قريبة منها

98865

في السعوديه

[معماري قطري]

البند الخامس انا اشك في إن هذي الأمطار كارثية وغير معتادة

واللي نشوفه من مقاطع يوضح هذا حتى سوق واقف الساحة عبارة عن أرض صلبة غير منفذة للماء وبدون أبسط تصريف .. طبيعي الماي بينقع بس بارتفاع بسيط حتى يبين من الموجودين حوله

[بانغ بانغ]

في السعوديه

صوب الجبل في الوكرة جهة السيف امس اشوف حفرة امغطاه بماي وكان معاي الجمس وطمرت فيها ووصلت لين التواير

لو صالون كان اندفن عدل

والله ايخوف كانك اتسوق في حقل الغام

[معماري قطري]

جزاك الله خير ، واذا اشغال والبلدية صححوا الموضوع داخليا و قدموا افادتهم انتهى الموضوع

وهذا اللي يصير كل سنة لجنة منهم وفيهم وتغطي على أخطاؤهم .. الخطأ خطأ مهما نجمله

ولازم لجنة مستقلة لأن شغل العزل والاشراف على المباني حتى لو بادارة أشغال يكون بمكاتب يفترض معتبرة تتابع الشغل صح .. اللجنة واجبها من دراسات واقعية ومخبرية سريعة وفي وقت الحدث تحدد الأضرار وتاريخ المبنى وتاريخ صيانته وشسبب الخراب اللي صاده ولا صاد مباني حوله .. نفس الشيء الأرضيات والشوارع .. ليش الشارع ذيه انترس ماي واللي حوله لا

بنظرة انسان بسيط يقول الأرض النازلة يتجه لها المطر ويتجمع فيها حتى لو نازلة ملم عن اللي حولها .. سؤالنا من اللي صمم شوارع تحت منسوب الارض ومن اللي تابع تنفيذها كعامة ونعرف الاجابة ونقول المفروض يكون الوضع أفضل .. ونحط حتى أمثلة من الماضي ومن الشوارع اللي تنفذت في الماضي وموجودة حول قطر وفي قطر

[معماري قطري]

أي لجنة واجبها المفروض يكون أكبر من وشامل وتكون مستمرة .. لأن القصور من عدة جهات حتى قوانين الدولة في العقود وقانون الشركة القطرية تكفل شركة مستثمرة أجنبية يحتاج تعديل حتى تنزل الأسعار وترتفع الجودة

نقص المهندسين الجيدين بعد تتسبب به بعض القوانين السهلة اللي بعد توقيع العقد مع الاستشاري اكس يعين له بالباطن استشاري محلي ( كح ) ويصدر مهندسينه الجيدين برا لمشروع ثاني في دولة قوانينها ما فيها تساهل

أُمور كثيرة صعب أجملها وذكرت الكثير منها مرات ومرات

[بانغ بانغ]

بوعبدالله شارع سلاح الجو للوكرة

احسن شارع في قطر اشوفه

محد خربه غير حفريات اشغال وتحويلاتهم وما شاء الله صامل لحينه

مب عارف من سواه ماتوقع شركة محلية

ولا فيه اي تجمعات ولا هبوط

[معماري قطري]

هالشي مو مستحيل يصير بس يبغاله ناس تشتغل صح
مانروح بعيد،،،الجبيل الصناعيه كانت تمطر عندنا باليوم كامل ويوم متقطع ولا فيه أي غرق ولا كأن نزل مطر ماشاءالله...والجبيل البلد غرقااانه حدها،،،والمسافه بينهم 20 كم

الظاهر من الأفضل إن شركات البترول تتولى الشركات الخاصه للشوراع والبنى التحتيه ،،

تصريف الأمطار ضروري وحتى لو كان بطريقة بسيطة وبأقل المطلوب .. ممكن نسوي ممرات للمياه ونسوي حفر امتصاصية للماء ونسوي برك صناعية بهبوط بسيط كمستنقع للماء أهم شيء تبقى الشوارع نظيفة .. المطر الكارثي غير والغير عن العادة لكن مطر ساعة أو ساعتين يسوي اللي صار لازم بنلوم الجهة المسؤولة

[R 7 A L]

من اول كنت الوم المرور على تصاميم الشوارع
اليوم الوم اشغال
لا ادري كيف خرجوا بهذه التصاميم التعبانه
لا ادري كيف وافقوا على التعاقد مع شركات شغلها تعبان وعندها تأخير
ماعندهم جديه

[معماري قطري]

بوعبدالله شارع سلاح الجو للوكرة

احسن شارع في قطر اشوفه

محد خربه غير حفريات اشغال وتحويلاتهم وما شاء الله صامل لحينه

مب عارف من سواه ماتوقع شركة محلية

ولا فيه اي تجمعات ولا هبوط

قبل يا اخوي الشغل بالبركة يجون من جوانب الشارع وبالشيول يكومون الدفان ويرفعون مستوى الشارع شوي عن الأرض .. ويدكون دك بسيط ومعقول .. مب مثل الحين احفر وادفن ودك لين يتفتت التراب الى بودرة وسو الشارع تحت مستوى الارض .. انا مسكين على قدي ولا اعرف للطرق بس اعرف إن هذا شغل غلط ومن يدخل الماي تضعف الأرض .. بعدين اللي سووا هشكل سووا صحن لتجميع المياه وتستوي مشكلة للي يسوق .. يرفعون شوي ويسوون سلوب مناسب يتصرف الماي بعيد عن الشارع وتنحل المشكلة

الله يعينكم على الشارع الجديد اللي بيسوونه عيل

[المهندس عبدالعزيز]

بالنسبة للبند الثالث الخطأ من المشرف ويتحمله المصمم كيف؟

وإذا هذي بنود من قانون ممكن تعطيني الرابط حاب استفيد

القضايا صحيح مشكلتها عندنا صعب حلها والحل الودي في الغالب يستفيد منه المقاول والاستشاري ولا يستفيد منه المالك الا لو الخطأ لابس المقاول والمقاول يقدر يتفرط منه بالحل الودي

مرحبا اخوي معماري

اذا الجهة المعنية قصرت او اهملت لا يعفي المصمم او المقاول، مثلا المقاول طبق شي غلط والمالك والاستشاري وافقوا هذا ما يعفيه من المسؤولية حسب البند في بند في القانون المدني القطري فقرة 130 لهذا الموضوع، القانون المدني يوضح مسؤولية الاستشاري المصمم والمقاول

[المهندس عبدالعزيز]

البند الخامس انا اشك في إن هذي الأمطار كارثية وغير معتادة

واللي نشوفه من مقاطع يوضح هذا حتى سوق واقف الساحة عبارة عن أرض صلبة غير منفذة للماء وبدون أبسط تصريف .. طبيعي الماي بينقع بس بارتفاع بسيط حتى يبين من الموجودين حوله

لازم افادة رسمية من الجهات المعنية مثل هيئة الارصاد علشان نتأكد

[معماري قطري]

مرحبا اخوي معماري

اذا الجهة المعنية قصرت او اهملت لا يعفي المصمم او المقاول، مثلا المقاول طبق شي غلط والمالك والاستشاري وافقوا هذا ما يعفيه من المسؤولية حسب البند في بند في القانون المدني القطري فقرة 130 لهذا الموضوع، القانون المدني يوضح مسؤولية الاستشاري المصمم والمقاول

مستحيل يا اخوي .. إذا تم العمل حسب التصميم أكيد بيتجهون للمصمم لكن لو تم العمل باهمال وعدم متابعة من الاستشاري تكون المسؤولية عليه .. ولو الاستشاري فاته شيء صعب يلاحظه وأهمل المقاول تبقى مسؤولية المقاول

في عالم أشغال والطرق من يحدد متطلبات الطرق أو ينقل استيعابها من المرور؟ أكيد أشغال .. ومن يعين الاستشاري؟ بعد أشغال .. ومن يتابع شغل التصميم ويوافق عليه؟ بعد أشغال .. ومن يتابع التنفيذ وادارة الإشراف وتعيين المشرفين؟ بعد أشغال .. من يستلم المشروع ويسلم دفعات المشروع ويعين المقاول ويتابعه ويحط شروط المناقصة ويسوي التحليل الفني للمناقصة؟ كله أشغال وممكن مع شراكة من لجنة المناقصات المركزية هذي ما ادري عنها

بعد استلام المشروع تبقى متابعة العقد مع المقاول لين تخلص فترة الصيانة .. ويبقى استلام الصيانة سواء مبنى أو طريق مسؤولية أشغال سواء إدارة صيانة أو القيام بالصيانة أو عمل عقود محددة لصيانة جزئية كلها أشغال

بعد كل هذا يجي المشروع غلط ويصلحونه ويضيفون عليه بعد بملايين هذي كلها مشاكل متسبب بها شغل خطأ سواء تصميم أو تنفيذ من أشغال .. يصيدون كبش فداء عادي عندنا العملية سهلة وكل واحد يصلح سيارته على حساب الحكومة والعملية عمرها ما بتضبط

شلون شياب قبل بنوا الشيراتون والبريد عن طريق شركات خارجية بعمالها وآلياتها وباتفاق مباشر مع الحكومة والحين لا؟ وبسعر مناسب جداً على أسعار ذاك الوقت وبجودة عالية استمرت لين ألحين

نفس الشيء نشوف طرق قديمة خدمت زين ولفترة طويلة وطرق حديثة سيئة أما بسبب التصميم ما تناسب للمرحلة الحالية أو بسبب التنفيذ

طريق مثل طريق سلوى معمول رصيفه بالغرانيت اللي هبط في أماكن كثيرة وغير وتوصخ وما يبين جماله شفايدته وشالفرق لو سويناه ببلاط خرساني رخيص ؟ إذا طريقة التشغيل تتطلب غسيل اسبوعي أقل شيء عن الغبار وما فيه آلية للتنفيذ ليش اسويه من الأساس والبديل الأرخص موجود

[المهندس عبدالعزيز]

مرحبا اخوي معماري

اذا الجهة المعنية قصرت او اهملت لا يعفي المصمم او المقاول، مثلا المقاول طبق شي غلط والمالك والاستشاري وافقوا هذا ما يعفيه من المسؤولية حسب البند في بند في القانون المدني القطري فقرة 130 لهذا الموضوع، القانون المدني يوضح مسؤولية الاستشاري المصمم والمقاول
يالاضافة إلى
شوف البند 7.1.2 في المواصفات القطرية للبناء والبند رقم 8.7.1 الفقرة الثالثة

[بانغ بانغ]

توي مار من دوار الميرة والا اشوف شباب هل قطر من فريق العمل المشرف على الشفط

والله ارفع لهم العقال والقبعه والتحية

بيض الله وجيههم

[حمد 2002]

بعض اصحاب المواتر الصغار ممم الصوالين الله يهديهم ممم مايفهمون للمطر وخصوصا اخوانا الاجانب والحريم مممم ايجوف قدامه نقعه ويدخل فيها وتوقف سيارته ..
والمشكله اضرب لهم هرن اقولهم لاتدخلون ويدخلون ...لازم تكون عند الناس حرفيه بالسياقه بالتعامل مع المطر ..