تنبية لمن يطبخ في المطابخ الشعبية

[aloosh]

السلام عليكم

اخواني واخواتي يجب تنبيه

اي واحد بيطبخ وليمه في المطابخ الشعبية يدخل مطبخهم ويشون الطباخين واين يوضع لحم
صار موقف لي وانصدمت من الاهمال

المهم انتبهوا ما ياخذ من وقتك 5 دقايق

[بوخالد911]

هلا

ممكن اشوي تفاصيل

وليش ما كلمت البلدية حزتها؟!؟!؟

[بانغ بانغ]

الله يعينك اصلا هم كلهم وسخين وصعب الواحد ايشيك

جرجرهم بالبلدية

[المحاميه]

صحيح كل المطاعم وصخين
شتوقعون عيل

[الامتياز]

المطاعم يا اخوان لازم نتذكر انها بزنس
وراعيها يطلب الربح
واذا تشوف راعي المطعم ياكل في المطعم وتعرفه نظيف فهذا مؤشر زين
للاسف معظم المطاعم الا من رحم ربي شعارهم
امسح المكان اللي عين الكاستمر تصله - لاحظو مجرد مسح - ما قلنا تعقيم اوتنظيف عدل
وانسى المكان اللي عين الكاستمر ما تصله - يعني ولا حتى مسح تحلم - ولو كان الاكل نفسه
الله المستعان

[بوحارب]

قول بسم الله وأكل <<< نظام قديم ههههه

يارجل بتتعب وانت تراقب المطاعم والعتب على البلدية وين الرقابة !!!

[بوخالد911]

قول بسم الله وأكل <<< نظام قديم ههههه

يارجل بتتعب وانت تراقب المطاعم والعتب على البلدية وين الرقابة !!!

بلغ عليهم

وبسك / بسكم عن الكسل

[فريج النجادة]

أقسم بالله العظيم اني كنت مشرف على مطعم راقي جدآ

وراهم في كل صغيرة وكبيرة

واذا انا ما كنت موجود تعال شوف القرف

حسبي الله عليهم

[ولد العرب]

الحمد الله
ام العيال تطبخ خروفين مفاطيح ولله الحمد واروع من مطاااعم

مالي حاجه بالمطعم

[بوحارب]

الحمد الله
ام العيال تطبخ خروفين مفاطيح ولله الحمد واروع من مطاااعم

مالي حاجه بالمطعم

الله يخليها لك

[ولد العرب]

هههههههههه خذاه الحمالي



الله يخليها لك

اشكرك بعنف وعقبالك :secret:

[فريج النجادة]

الله يرحمك يا يبة

من ذبخ الخروف وتقطيعة وتغسيلة

وجدر للخروف وجدر للعيش

هو المشروف الاول والاخير على كل صغيرة وكبيرة

حتى يستوي الغدا

ولا يختار الخروف غيرة

ممنوع احد يتدخل لا امي ولا الخدامة

طيب يبة نختار عنك الخروف

انتو اشعرفكم هههههههههههههه

طيب يبة عطنا فرصة نتعلم

روح وراك

ههههههههههههههه

الله يرحمك يا يبة

[راجي الْعفو]

وعليكم السلام و رحمة الله و بركاته

مهما حطيت رقابة ما بيكون اكل المطاعم مثل البيت

ولذلك خلو اكلكم بيتي الا في الحالات القليلة

[حمد 2002]

اكل البيت نفس اكل المطاعم اذا كانت الطباخه هي الخدامه ..


حمد 2002

[Rider]

قولوا بسم الله الرحمن الرحيم وكألوا يعني الواحد لو بيقعد يدقق على كل شي ماخلصنا

[معماري قطري]

واجب كبير على البلدية والمفروض ما يتركون زياراتهم المفاجأة ويكون عقابهم قوي حتى الكل يلتزم

[معماري قطري]

كنت مدمن على مطعم عربي في ميامي .. والزين على طريقي ومعاملتهم طيبة

إستوت بيني وبين اللي يشتغل فيه علاقة طيبة وسوالف وقعدات وقت يكون الشغل خفيف .. وهو مغربي مصطفى .. الله يذكرك بالخير يا مصطفى .. المهم مرة قال لي سالفة فرنسي فتح مطعم كسكسي في باريس وفشل مع إنه نقل الطريقة المغربية بالضبط بس الأكل ما يطلع زاكي بالزاف ( ما ادري صح أو غلط ) يقول رجع يسوي بحث ويشوف شالخلل قال له صاحب المطعم انت سويت كل شيء قال بالضبط مثل ما تعلمت عندكم .. حتى البهارات ماخذها من المغرب

فكروا معاه في كل حل والفرنسي ماخذ احتياطه قال له المغربي أكيد إنتوا نظاف وايد واحنا نسوي الأكل على البركة .. وحبيبنا مصطفى اللي ما يقصر معاي يقول لي السالفة وانا انتبه ليده وشلون أظافره سود .. صج حسيت بنفسي مضيع وقت كبير معاهم

[العقل المدمر]

ترى الاكل الوصخ يقوي المناعة لا تتعودون عالنظافة بعدين بسرعة تمرضون :(

[بانغ بانغ]

ترى الاكل الوصخ يقوي المناعة لا تتعودون عالنظافة بعدين بسرعة تمرضون :(

ههههههه اي والله

يوم كنا صغار السندويتشات اتطيح في الرمل ... وتختفي في البطن في ثواني معدودات

[aloosh]

المفروض البلديه تشد حيلها وتسوي تفتيش عشوائي وتكون العقوبه اغلاق المطعم نهائي علشان الكل يعتدل
اما تنطر احد يجي يشتكي لها عيل ايش دور المفتشين اللي موكله له المهمه ولا رقاد في البيت واخر شهر يقبض الراتب
كل يوم نسمع مطعم مسكر يعني اهل المطاعم مش هامهم الموضوع لانه عارف 15 يوم وبيفتح ويرجع مثل قبل

[حمد بن سعد]

دام صادته النار مافيه شر ان شاء الله

[المحاميه]

هههه
احسن شي الواحد ياكل
بدون لايفكر او يدقق
خلها على الله
غيري جذي صدقني بتتعب وبتدخل نفسك ف متاهات
الله الحافظ ياجماعه
سموا وخلاص

[كازانوفا]

يعني حالهم حال مطاعم الهنود