بين المطرقة والسندان

[الحياة الخالدة]

السلام عليكم ورحمة الله وبركاته
صبحكم الله بالخير يا وجوه الخير

موقف يمر علي .. ويتكرر وايد
وانا متأكدة أنه يمر على ناس وايد مثلي

شخصين .. سواء في الدوام أو في العايلة أو خارج نطاقها ( صديقات مثلاً )
الاثنين علاقتي معاهم زينة .. بحكم إن علاقتي مع الاغلبية متوازنة قدر الإمكان
هالشخصين صار بينهم خلاف أو قد يكون سوء تفاهم
وكل واحد فيهم ياني على حدة وشرح اللي صار من وجهة نظره .. وطبعاً هو يشوف نفسه على صواب
أنا في هالحالة احترت .. الاثنين شايفين نفسهم صح ويشتكون من الطرف الثاني
والخوف وسط الكلام والنقاش تحدث الغيبة
وان وصلتي كلام الطرف الثاني للتوضيح .. تقربين صوب الفتنة
مب الفتنة بمعناها الفعلي لكن انتي مثلاً تبين تقولين ان فلان قال جذي بقصد جذي .. لتوضيح الامر
لكن اللي قلتيه زعل الطرف اللي قلتيه له وخذها بشكل ثاني

مادري إذا قدرت أوصل للي أبي اقوله
المهم إني في هالحالات أضيع في الطوشة
أدري بتقولون خلج مع الحق .. لكن حتى الحق أحياناً ما يكون واضح
وممكن يكونون الاثنين صح

شخصياً ماحب أدش بهالسوالف .. لكن أنحط غصبن عني

[شبح الصمت]

أنا فهمت شلي تبين توصلينه..



ولي رجعه

[الحياة الخالدة]

أنا فهمت شلي تبين توصلينه..



ولي رجعه


الحمد لله إن المقصود وصل
في انتظار عودتك

[R 7 A L]

اسحبي عليهم كلهم
واذا احد يبي يتكلم عن الاخر سكتيه

[شموخ دائم]

,

,


مرحبا


شكرا على الموضوع

المشاكل العائليه والمشاكل الاجتماعيه بشكل عام

والسموحه على هذا المثل


مثل خيشه الفحم

ان تركناها وسخت المكان ووضعها غلط
وان قربنا منها وحملناها وسختنا للأسف

:)

يعني بكل الأحوال بيجينا شي منها حتى السكوت هنا
بيعتبر ( سلبي ) وبيجينا الكلام بالبرود وعدم الاهتمام


اختي الحياه

الإصلاح مطلوب منا وواجب علينا

ولكن الإصلاح يكون بأسلوب ( عدم الخوض بالتفاصيل )

نسمع ونصغي للطرف حتى يقول الي بخاطره ويرتاح ويخفف عن نفسه
وما نعطيه فرصه ( يسب ) او يرمي الكلام للطرف الثاني
وانا مستعد اسمعك لكن بدون الغلط على الشخص الغائب
مجرد نوقفه عن السب او الغلط بكلمه ( حرام ) السب
راح يحاسب على كلامه
ويبتدي يتكلم بشل افضل

احنا نفرض طريقه الكلام
وكل انسان عليه يوضح شخصيته
وما يترك الطرف الثاني يوديه على كيفه

عمر الكلام في التفاصيل ما يحل المشكله بالعكس يضخمها

المشاكل ما تحتاج ( محقق ) يكتشف من الي أخطاء في البدايه
لانها سلسله تجر بعضها من الأخطاء

المشكله حلها ( بتجاوزها ) وتخطيها كتله واحده

يعني نتكلم بدون ما نعزز موقف طرف على طرف
او نقول هذا غلطان او ذاك غلطان

نتكلم بشكل عام الكلام الطيب الي يصلح الطرفين

الكلام الي يشرح الصدر للطرفين وتذكير كل طرف
بمحاسن الطرف الاخر وما قدمه بالسابق

ان الصداقه والاخوه شي مهم وما نخسر اخونا او اختنا او صديقنا او صديقتنا
علشان أمور الدنيا او عشان كلمه او موقف

والناس مو ملائكه والخطاء يحصل بكل بيت وكل عمل وبين الأصدقاء

وعلينا تخطيه

ونسامح ونتجاوز


هذي الطريقه الوحيده الكفيله بحل المشكلات

وتدريجيا الوقت يعالج باقي المشكله بشرط نحرص

على التقريب بينهم


وبس

:)

,

,

[JN000N]

انا بعد ماحب ادخل ف هالامور
بس لما انحط ف هالموقف احاول قد ماقدر اهون الموضوع عند الطرفين واخذ بخاطرهم ثنتينهم وماغلط حد ع حساب الثاني
وفالنهايه مهما صارت مشاكل وخلافات تظل الروابط اقوى
ومع الوقت نستسخف المواقف اللي تهاوشنا عليها ونتحسف على وقت مر ف الخلافات

[القلب المؤمن]

هو فعلا موقف صعب الاصلاح بين متخاصمين
انا بالنسبة لي ابدا ما انقل كلامهم لبعض ولو بنية حسنة لانهم يكونون حساسين جدا لاي شي ينقال
فباختصار اتكلم عن الدوافع مثلا، فلانه اعتقد والله اعلم تمر بظروف حاليا ومتوترة وانا اعرفها انسانة طيبة ماتتعمد تخطي ، او انتوا الاثنين كلامكم صح وكل واحد له راي مختلف وتذكروا لو تشابهت البضاعة لبارت السلع كل واحد موهوب او مبدع بطريقة مختلفة وكل واحد يكمل الاخر ولازم كل واحد فينا يتقبل راي الثاني بصدر رحب ومافي داعي للخلافات والزعل ومن هالقبيل
لاتنقلين كلامهم عن بعض فتقعين في الغيبة او يكبر حجم المشكلة !!
وبالله التوفيق

[الحياة الخالدة]

اسحبي عليهم كلهم
واذا احد يبي يتكلم عن الاخر سكتيه
صعب إني أسحب عليهم وانا في وسطهم خصوصاً لو كنت مضطرة اقعد معاهم فترة من الزمن
وخصوصاً لو كنت مقربة للطرفين والا بكون ساعتها فظة في التعامل معاهم
هي مو سالفة يتكلمون عن بعض بقدر ماهي سالفة انهم قاعدين يشرحون اللي صار لكن من وجهة نظرهم

[الحياة الخالدة]

,

,


مرحبا


شكرا على الموضوع

المشاكل العائليه والمشاكل الاجتماعيه بشكل عام

والسموحه على هذا المثل


مثل خيشه الفحم

ان تركناها وسخت المكان ووضعها غلط
وان قربنا منها وحملناها وسختنا للأسف

:)

يعني بكل الأحوال بيجينا شي منها حتى السكوت هنا
بيعتبر ( سلبي ) وبيجينا الكلام بالبرود وعدم الاهتمام


اختي الحياه

الإصلاح مطلوب منا وواجب علينا

ولكن الإصلاح يكون بأسلوب ( عدم الخوض بالتفاصيل )

نسمع ونصغي للطرف حتى يقول الي بخاطره ويرتاح ويخفف عن نفسه
وما نعطيه فرصه ( يسب ) او يرمي الكلام للطرف الثاني
وانا مستعد اسمعك لكن بدون الغلط على الشخص الغائب
مجرد نوقفه عن السب او الغلط بكلمه ( حرام ) السب
راح يحاسب على كلامه
ويبتدي يتكلم بشل افضل

احنا نفرض طريقه الكلام
وكل انسان عليه يوضح شخصيته
وما يترك الطرف الثاني يوديه على كيفه

عمر الكلام في التفاصيل ما يحل المشكله بالعكس يضخمها

المشاكل ما تحتاج ( محقق ) يكتشف من الي أخطاء في البدايه
لانها سلسله تجر بعضها من الأخطاء

المشكله حلها ( بتجاوزها ) وتخطيها كتله واحده

يعني نتكلم بدون ما نعزز موقف طرف على طرف
او نقول هذا غلطان او ذاك غلطان

نتكلم بشكل عام الكلام الطيب الي يصلح الطرفين

الكلام الي يشرح الصدر للطرفين وتذكير كل طرف
بمحاسن الطرف الاخر وما قدمه بالسابق

ان الصداقه والاخوه شي مهم وما نخسر اخونا او اختنا او صديقنا او صديقتنا
علشان أمور الدنيا او عشان كلمه او موقف

والناس مو ملائكه والخطاء يحصل بكل بيت وكل عمل وبين الأصدقاء

وعلينا تخطيه

ونسامح ونتجاوز


هذي الطريقه الوحيده الكفيله بحل المشكلات

وتدريجيا الوقت يعالج باقي المشكله بشرط نحرص

على التقريب بينهم


وبس

:)

,

,

والشكر موصول لك أخوي شموخ
المثل اللي ضريته يعبر بالفعل عن الوضع في كثير من الاحوال
صعب إنك تتدخل وصعب إنك تسكت
ودك بالاصلاح من غير ما تزيد الطين بلة
تحتاج دقة في التعامل ومهارة ومرونة في التعاطي مع وجهة نظر الطرفين
حتى تصل للتوازن اللي ما يخليك تميل لكفة دون الأخرى

كلامك طيب ونصايحك ثمينة تستحق التطبيق

[مستـريــح البـــال]

صعب إني أسحب عليهم وانا في وسطهم خصوصاً لو كنت مضطرة اقعد معاهم فترة من الزمن
وخصوصاً لو كنت مقربة للطرفين والا بكون ساعتها فظة في التعامل معاهم
هي مو سالفة يتكلمون عن بعض بقدر ماهي سالفة انهم قاعدين يشرحون اللي صار لكن من وجهة نظرهم

اختي الحياة ،،

ربما تكون اختلاف في وجهات النظر لا اكثر ،، ومن تحامل الصدور ، او تراكم الامور بتم تضخيمها ،،

اسألي نفسج هالاسئله :

هدف كل شخص من انه يشتكي لج ؟؟ هل الرغبه في الفضفضه بس !!! ام لحل الامر واصلاح بينهم ،، ام لكسبج لصفه وتشويه صورة الطرف الاخر في عينج ...

وتذكري دائما بأن هالامور واردة وكثيرا ما تنتهي وتعود المياه لمجاريها ،، وهنا يتم تذكر موقفج وكل كلمه قلتيها ،،

حاولي بشكل عام ان تصغرين الدنيا في عيونهم ،،، وانصحيهم ،،

والله يصلح النفوس ،،

[ضوى]

الله يعينج عزيزتي الحياة

مافي بد من الاصلاح وترى ممكن تكذبين عشان تصلحين يعني تقولين لواحدة منهم تراها مدرحت فيج وذكرتج بخير وهذيج تقولين لها نفس الكلام يعني تلينين القلوب على بعض وفي النهاية ربج القادر على كل شي