لماذا لا يحول القطريين للعلاج في مستشفى سدرة

[أسد الجزيرة]

مستشفى على احدث طراز و اطباء ممتازين و لا يوجد مراجعين الا قلة و اجانب

[المحاميه]

وين مكانه؟
شنو تخصصاته؟
ومن له أحقية بزيارته؟

[حمد بن سعد]

و

صباحك خير يالغالي

[بانغ بانغ]

اتوقع افتحوا اطفال واسنان عندهم

في اخت عضوة شغالة معهم اتوقع بتدش للمشاركة اذا شافت الموضوع مش فاكر النك نيم مالها

[رجل الجزيرة]

اتوقع افتحوا اطفال واسنان عندهم

في اخت عضوة شغالة معهم اتوقع بتدش للمشاركة اذا شافت الموضوع مش فاكر النك نيم مالها

نعم جميع عيادات أطفال مستشفى حمد نقلوا إلى مستشفى سدرة.

[الحياة الخالدة]

http://www.qatarshares.com/vb/showthread.php?622803-%C7%DD%CA%CA%C7%CD-6-%DA%ED%C7%CF%C7%CA-%CE%C7%D1%CC%ED%C9-%CC%CF%ED%CF%C9-%DD%ED-%C7%E1%D3%CF%D1%C9

[بوحارب]

المستشفى مفتوح لأهل قطر اخوي ومافيه من الكلام اللي تقوله

هذي تجربتي فيه

http://www.qatarshares.com/vb/showthread.php?620145-%CA%CC%D1%C8%CA%ED-%E3%DA-%E3%D3%CA%D4%DD%EC-%D3%CF%D1%E5

وكل اللي عليك بس تاخذ تحويله من المركز الصحي وتروح لهم

وخلال اسبوع بالكثير بيتصلون عليك لتحديد الموعد

وكل الشكر لكل من سعى على هذا المستشفى الفخم

[أسد الجزيرة]

الي سمعته انه بيضمونه مؤسسة حمد الطبية بيخرج من عباءة قطر فونديشن

[الشفق الحالم]

الي سمعته انه بيضمونه مؤسسة حمد الطبية بيخرج من عباءة قطر فونديشن


لاااااا مانبي يضمونه لحمد ! المستشفى على اعلى مستوى مانبي يتدهور ويتحول لشلليه كلن يوظف ربعه

[وليف الشوق]

الي سمعته انه بيضمونه مؤسسة حمد الطبية بيخرج من عباءة قطر فونديشن

اتوقع تصير مشاكل من ناحية الامتيازات والرواتب والعلاوات للاطباء في حال نقلهم للكادر الطبي لمؤسسة حمد وعدم مساواة بقية الاطباء كأطباء سدرة
لكن في الوقت الحالي اتمنى مايتم نقلهم ولا يتبع اي جهة او مؤسسة ، ولتكون مؤسسة تدير امورها بنفسها ولها ميزانية محدده لعمل ابحاث والاطلاع على اخر التطورات الطبيه الخاصه للاطفال في جميع التخصصات ولا مانع من وجود بعض الرسوم البسيطه من المرضى لهدف تمويل مشاريع الابحاث الطبيه ومساعدتهم في تحسين مستوى الخدمات بشكل ممتاز وراقي ليعود علينا بالنفع وخدمة المواطن والمقيم على ارض قطر الخير

[الشفق الحالم]

اتوقع تصير مشاكل من ناحية الامتيازات للاطباء في حال نقلهم للكادر الطبي لمؤسسة حمد وعدم مساواة بقية الاطباء كأطباء سدرة

عفوا وهي كيكه بتتقسم ولا ايش ! اللي بحمد رواتبهم هالشكل لانهم متدربين ومب شهادات من كندا ولا خبره نفس دكاتره سدره! بيروحون يناشبون العالم عالراتب والمكاتب والامتيازات والاجازات والمؤتمرات ويخلون المرضى اخر همهم كالعاده..

[لـبـيـه]

مستشفى على احدث طراز و اطباء ممتازين و لا يوجد مراجعين الا قلة و اجانب

مابي اطلع برع الموضوع لاكن المضحك المبكي هو قرار اشغال الي بحطه لكم

الدوحة ـ الراية : أعلنت هيئة الأشغال العامة "أشغال" عن غلق الطرق المؤدية إلى كل من مركز السدرة للطب والبحوث ومركز قطر الوطني للمؤتمرات بشارع اللقطة وفتح طريق آخر يقع مباشرة بعد الدوار المائل اعتباراً من مساء يوم السبت القادم وحتى نهاية عام 2017.


وهذا تاريخ الافتتاح قبل فتره طويله

من جانبه، أوضح البروفيسور اللورد دارزي، رئيس مجلس إدارة "سدرة"، أن الافتتاح سيكون بشكل جزئي، ومع نهاية السنة ربما يتم افتتاح كافة العيادات الخارجية به للجمهور، فيما يشهد العام المقبل الانتهاء من التجهيزات الخاصة بالمرضى الداخليين، ليتم افتتاح المستشفى كاملاً لاستقبال المرضى في عياداته الخارجية وأقسامه الداخلية على السواء.

ياخي احس في تحدي بينهم وعناد هههههههههههههه

[الحياة الخالدة]

عفوا وهي كيكه بتتقسم ولا ايش ! اللي بحمد رواتبهم هالشكل لانهم متدربين ومب شهادات من كندا ولا خبره نفس دكاتره سدره! بيروحون يناشبون العالم عالراتب والمكاتب والامتيازات والاجازات والمؤتمرات ويخلون المرضى اخر همهم كالعاده..

من قال لج متدربين
ومن قال لج ما عندهم شهادات من كندا ؟؟
ومن قال لج مب خبرة ؟؟!!
هل أنتِ على اطلاع كامل بالسيرة الذاتية لجميع الأطباء والطبيبات في مؤسسة حمد الطبية عشان تقولين هالكلام ؟؟!!
أرجو أن احنا ما نقط كلام وبس .. واحنا مالنا في الطين ولا في العجين

[بوحارب]

عفوا وهي كيكه بتتقسم ولا ايش ! اللي بحمد رواتبهم هالشكل لانهم متدربين ومب شهادات من كندا ولا خبره نفس دكاتره سدره! بيروحون يناشبون العالم عالراتب والمكاتب والامتيازات والاجازات والمؤتمرات ويخلون المرضى اخر همهم كالعاده..

عاد مشكلة اللي يتكلم ويحسسنا ان مدير الأتش ار في حمد وعنده جميع سجلات الموظفين

نبي كلام يدش المخ يالشفق الا سوالف من هني وهناك ما يصير !

[بوحارب]

وانا اشوف ضم سدره لحمد خطوه ممتازة وان شاء الله تتطبق قريب

[الحياة الخالدة]

عاد مشكلة اللي يتكلم ويحسسنا ان مدير الأتش ار في حمد وعنده جميع سجلات الموظفين

نبي كلام يدش المخ يالشفق الا سوالف من هني وهناك ما يصير !

عادي .. اللسان مافيه عظم
والكيبورد كل من يقدر يطقطق عليه بأي شي

[القلب المؤمن]

وانا اشوف ضم سدره لحمد خطوه ممتازة وان شاء الله تتطبق قريب

اللهم امين يستاهلون اهل قطر كل خير :)

[الشفق الحالم]

من قال لج متدربين
ومن قال لج ما عندهم شهادات من كندا ؟؟
ومن قال لج مب خبرة ؟؟!!
هل أنتِ على اطلاع كامل بالسيرة الذاتية لجميع الأطباء والطبيبات في مؤسسة حمد الطبية عشان تقولين هالكلام ؟؟!!
أرجو أن احنا ما نقط كلام وبس .. واحنا مالنا في الطين ولا في العجين


اختي انا مب جاهله وعندي خبره عن برنامج التدريب بحمد بحكم بعض اقرابي من الاطباء يعني ماله داعي تقطين نغزات ، شوفي معظم اجيال الدكاتره اللي بحمد من 2005-2006 لما افتحوا برنامج الresidency واطلبوا اطباء خريجين وخذوا ناس من جميع الدول العربيه اغلبهم من السودان ومصر وسوريا.. كانو اطباء امتياز resident
التحقوا بهالبرنامج التدريبي بمستشفى حمد وبعد اربع لخمس سنين امتحنوا البورد العربي وصاروا اخصائي وبعدها اللي اتيحت له الفرصه راح كمل فولوشب سنه بالكثير فأي دوله اوروبيه وصار استشاري..
انا اتكلم عن هالشريحه من الاطباء بحمد وهم عدد كبير جدا ومازالت حمد تاخذ هالفئه للعمل بها..
مااتكلم عن المخضرمين الاستشاريين اللي موجوديين قبل ماننولد وايضا في منهم شهاداتهم من دول عربيه مب كلهم استشاريين خبره من كندا وامريكا .
الحين ينعدوا عالاصابع اللي بيروحون سدره لان شهاداتهم من كنده وامريكا وهم دكاتره كبار واصحاب خبره ويستاهلون امثال دكتور الجناحي بقسم الاطفال.
وشكرا

[الشفق الحالم]

وانا اشوف ضم سدره لحمد خطوه ممتازة وان شاء الله تتطبق قريب

اقرا اخر رد لي وبتعرف اني مب مشاركه بالمنتدى حتى اسولف!! انا يهمني الراي العام بالبلد ويهمني انه نشوف حلول للمشاكل بمجتمعنا

[بوNasser]

وانا اشوف ضم سدره لحمد خطوه ممتازة وان شاء الله تتطبق قريب

وانا عكسك بالضبط (( بس ما ادري ليش ))

اشوف ضم مستشفى حمد لسدرة قد تكون الخطوة الافضل، يمكن تحت ادارة سدرة تخف الأخطاء الإدارية والكارثية.....

تحياتي للجميع

[الحياة الخالدة]

اختي انا مب جاهله وعندي خبره عن برنامج التدريب بحمد بحكم بعض اقرابي من الاطباء يعني ماله داعي تقطين نغزات ، شوفي معظم اجيال الدكاتره اللي بحمد من 2005-2006 لما افتحوا برنامج الresidency واطلبوا اطباء خريجين وخذوا ناس من جميع الدول العربيه اغلبهم من السودان ومصر وسوريا.. كانو اطباء امتياز resident
التحقوا بهالبرنامج التدريبي بمستشفى حمد وبعد اربع لخمس سنين امتحنوا البورد العربي وصاروا اخصائي وبعدها اللي اتيحت له الفرصه راح كمل فولوشب سنه بالكثير فأي دوله اوروبيه وصار استشاري..
انا اتكلم عن هالشريحه من الاطباء بحمد وهم عدد كبير جدا ومازالت حمد تاخذ هالفئه للعمل بها..
مااتكلم عن المخضرمين الاستشاريين اللي موجوديين قبل ماننولد وايضا في منهم شهاداتهم من دول عربيه مب كلهم استشاريين خبره من كندا وامريكا .
الحين ينعدوا عالاصابع اللي بيروحون سدره لان شهاداتهم من كنده وامريكا وهم دكاتره كبار واصحاب خبره ويستاهلون امثال دكتور الجناحي بقسم الاطفال.
وشكرا

أنا ما قطيت نغزات .. كلامي كان مباشر
لما حد يجي يعمم وما يخصص في كلامه .. يبقى من حقي أطلب استيضاح الأمر
والتعميم يظلم فئة كبيرة
شي طبيعي كون مستشفى حمد أكبر مؤسسة طبية في الدولة أن يحتوي على جميع الفئات من الأطباء : منهم المتدربين ومنهم الأخصائيين ومنهم الاستشاريين ومنهم ذوي الخبرة الطويلة والشهادات المرموقة والمعترف بها عالمياً ( من كندا وأمريكا إذا هذا بس المهم عندج ) واللي ما يوصل مواصيلها بعض أطباء سدرة
وشي طبيعي ايضاً تختلف مصادر شهادات الأطباء في مؤسسة حمد .. يعني لا تتوقعين كلهم خريجين أمريكا وكندا .. مع العلم أن هالشي ما يعيبهم ولا ينقص من قدرهم ولا من كفاءتهم و إمكانياتهم
الفئة اللي بتروح سدرة نفس ما قلتي عنهم
لكن هذا ما يعني إن اللي بقوا في حمد دون مستواهم وقد يكون مستواهم أعلى

الخلاصة : اللي عاجبينه دكاترة سدرة محد يقدر يعترض عليه وله الحرية في أفكاره ورأيه الخاص
لكن لا يحق له بأي حال من الأحوال أن ينال من قيمة وكفاءة جميع أطباء حمد ( بصفة التعميم ) كما ورد في أول مشاركة لج

والأيام بيننا و الكل مرده بيعرف الفرق بين سدرة .. وبين حمد

[الشفق الحالم]

أنا ما قطيت نغزات .. كلامي كان مباشر
لما حد يجي يعمم وما يخصص في كلامه .. يبقى من حقي أطلب استيضاح الأمر
والتعميم يظلم فئة كبيرة
شي طبيعي كون مستشفى حمد أكبر مؤسسة طبية في الدولة أن يحتوي على جميع الفئات من الأطباء : منهم المتدربين ومنهم الأخصائيين ومنهم الاستشاريين ومنهم ذوي الخبرة الطويلة والشهادات المرموقة والمعترف بها عالمياً ( من كندا وأمريكا إذا هذا بس المهم عندج ) واللي ما يوصل مواصيلها بعض أطباء سدرة
وشي طبيعي ايضاً تختلف مصادر شهادات الأطباء في مؤسسة حمد .. يعني لا تتوقعين كلهم خريجين أمريكا وكندا .. مع العلم أن هالشي ما يعيبهم ولا ينقص من قدرهم ولا من كفاءتهم و إمكانياتهم
الفئة اللي بتروح سدرة نفس ما قلتي عنهم
لكن هذا ما يعني إن اللي بقوا في حمد دون مستواهم وقد يكون مستواهم أعلى

الخلاصة : اللي عاجبينه دكاترة سدرة محد يقدر يعترض عليه وله الحرية في أفكاره ورأيه الخاص
لكن لا يحق له بأي حال من الأحوال أن ينال من قيمة وكفاءة جميع أطباء حمد ( بصفة التعميم ) كما ورد في أول مشاركة لج

والأيام بيننا و الكل مرده بيعرف الفرق بين سدرة .. وبين حمد


عن نفسي الحمدلله جربت علاج سدره مع واحد من عيالي الله يحفظهم بعد معاناه مع حمد وتعاملهم ومواعيدهم وماراح اطب حمد باذن الله بعد اللي شفته من مستوى الخدمه الطبيه بسدره. ومنتظره الحين الكل يجرب ويكتب تجربته وبنشوف

[الحياة الخالدة]

عن نفسي الحمدلله جربت علاج سدره مع واحد من عيالي الله يحفظهم بعد معاناه مع حمد وتعاملهم ومواعيدهم وماراح اطب حمد باذن الله بعد اللي شفته من مستوى الخدمه الطبيه بسدره. ومنتظره الحين الكل يجرب ويكتب تجربته وبنشوف

الحمد لله .. الله يتممها عليكم ولا يحوجكم

[R 7 A L]

ياجماعة لاتستهينون بالاطباء والدكاتره الي متخرجين من دول عربية
انا جاي اكثر من مستشفى امريكي وتصنيفات هالمستشفيات الاولى على العالم على حسب التخصصات
يعلمون فيها ب مراكز عليا

[بنت شرق]

جايين الدكاترة علشان يقبضون الراتب بالدولار فقط لاغير والحصول على اعلى راتب وامتياز والثراء باسرع وقت بس على حساب نفسهم فالمناوبات ارهقتهم

[معماري قطري]

عن نفسي الحمدلله جربت علاج سدره مع واحد من عيالي الله يحفظهم بعد معاناه مع حمد وتعاملهم ومواعيدهم وماراح اطب حمد باذن الله بعد اللي شفته من مستوى الخدمه الطبيه بسدره. ومنتظره الحين الكل يجرب ويكتب تجربته وبنشوف

+1 كم أكرهك يا مستشفى حمد ولا التعقيد في المواعيد .. جايب تقارير يشوفها دكتور سكر يحولوني لطبيب عام ومنه لطبيب عيون عام ومحتاج حد مختص بالشبكية ويسوي فحص الشبكية

كم أنت مستشفى ما تعرف شيء يا حمد وكم هي إدارتك ذاهبةٌ في عينها .. مع إحترامي للأطباء اللي يشتغلون بذمة وخصوصاً من عاشرتهم دراسياً لكن كثيرين يطبقون القانون الطبي بلا انسانية طبية

[بوخالد911]

والكوبي شخباره ؟!؟

[معماري قطري]

ياجماعة لاتستهينون بالاطباء والدكاتره الي متخرجين من دول عربية
انا جاي اكثر من مستشفى امريكي وتصنيفات هالمستشفيات الاولى على العالم على حسب التخصصات
يعلمون فيها ب مراكز عليا

إثبات الوجود والإدارة والبيئة العملية الجيدة لازم بيبرز فيها الزين وخريجين الدول العربية ما عليهم كلام .. لو يشيلون كل طبيب من بيئة مستشفى حمد ويحطونه في مستشفى بقوانين صح ويهتم بالادارة الطبية بتحصلهم جيدين بس في حمد للأسف قصروا فيه اداراته

[معماري قطري]

والكوبي شخباره ؟!؟

توه واحد يشتكي منه شكله مسك الخط ورا بعض المستشفيات التعبانه

[بوحارب]

اقرا اخر رد لي وبتعرف اني مب مشاركه بالمنتدى حتى اسولف!! انا يهمني الراي العام بالبلد ويهمني انه نشوف حلول للمشاكل بمجتمعنا
طيب بس اللي يعمم على الكل هذا غلطان

ما يصير انا اقول جميع اعضاء شبكة الأسهم مب مثقفين ولا يعرفون بينما اعضاء المنتدى الفلاني كلهم فاهمين وأدباء




وانا عكسك بالضبط (( بس ما ادري ليش ))

اشوف ضم مستشفى حمد لسدرة قد تكون الخطوة الافضل، يمكن تحت ادارة سدرة تخف الأخطاء الإدارية والكارثية.....

تحياتي للجميع
الله يكتب اللي فيه الخير للمواطن والمقيم

اهم شي المريض يتعالج ويطلع بخير

:)


عن نفسي الحمدلله جربت علاج سدره مع واحد من عيالي الله يحفظهم بعد معاناه مع حمد وتعاملهم ومواعيدهم وماراح اطب حمد باذن الله بعد اللي شفته من مستوى الخدمه الطبيه بسدره. ومنتظره الحين الكل يجرب ويكتب تجربته وبنشوف

وانا عالجت ولدي في سدره واكيد احسن من حمد

بس ما يصير نقارن بمستشفى قديم عنده عشرات الاف المراجعين

مع مستشفى جديد ماعنده الا عدد قليل من المراجعين

[koketa]

أنا أشتغل في مؤسسه السدره وكنت في حمد من قبل

المفاهيم الخاطئه عند البعض اهيه سبب الخلاف

الفرق بين دكاتره حمد وسدره في الخبره والتدريب

من تجربتي في السدره ان الموظفيين فعلا يدورون مصلحه المريض وعندهم شفافيه في التعامل طبعا في خلافات فرديه لان هي طبيعه البشر بس في النهايه مصلحه المريض لها الاولويه

التحويلات عن طريق المراكز الصحيه ومستشفى حمد

عيادات الاطفال في حمد كلها بتسكر وفي عيادات سكرت فعليا مثل عياده الاعصاب والكلى وكل المواعيد تم تحويلها للسدره يعني المستشفى بتكون المقصد الوحيد للاطفال للعياده الخارجيه بنهايه شهر يناير ظ¢ظ*ظ،ظ§

طبعا اتكلم عن طب الاطفال التخصصي ( أعصاب وكلى وجهاز هضمي والغدد والطب النفسي) ومركز السدره راح يضيف تخصصات زياده ما وفرتها حمد من قبل للاطفال مثل عياده التوحد وعلاجات جديده مثل الميزوثيرابي وغيرها

الفرق الوحيد بين حمد وسدره ان للاسف طب الاطفال في حمد ما كان عليه تركيز لانه مختلط بعده تخصصات اخرى الحين مركز السدره يهتم فقط بالاطفال ويوفر اماكن اوسع للعيادات وعدد الأسره

اللي يقولون ينضم لحمد ترى البورد في سدره في اعضاء من حمد يعني المركز يشتغل مع مستشفى حمد وبينهم اتفاقيات عده

اللي عنده سؤال انا حاضره وما يرده الا كي بورده

[h9466]

من قال لج متدربين
ومن قال لج ما عندهم شهادات من كندا ؟؟
ومن قال لج مب خبرة ؟؟!!
هل أنتِ على اطلاع كامل بالسيرة الذاتية لجميع الأطباء والطبيبات في مؤسسة حمد الطبية عشان تقولين هالكلام ؟؟!!
أرجو أن احنا ما نقط كلام وبس .. واحنا مالنا في الطين ولا في العجين

صدقتي ،،، يجب تحري الدقة والموضوعية قبل كتابة اي جملة اما إلقاء الكلام بدون تثبت يحدث بلبلة ويمكن قارئ عادي يقرا الموضوع ويصدق الكلام وبدوره بيكتب وبيذم في مستشفى حمد واللي في مستشفى حمد وهو أصلا سامع او قارئ الكلام من شخص اخر... ملاحظة هناك ناس تتمنى يكون عندها مستشفى مثل حمد او تتعالج فيه مستشفى عريق وعملاق مثل حمد اما الأخطاء الطبية ففي أمريكا سنويا تسجل اكثر من 90 الف حالة خطأ طبي ...