مطلوب شريك لمشروع صغير ومدخولة ممتاز

[moon15]

مطلوب شريك لمشروع تجاري صغير ومدخول ممتاز ويفضل عربي الجنسية الشراكة تكون في راس المال والادارة وتبادل الخبرات ولايوجد لدي مانع اذا كان لدى الشريك فكرة ممتازة او مشروع ممتاز ويرغب في تنفيذة ولا يملك راس المال لة بشرط ان يكون مشروع صغير ويتكفل هو بالادارة للجادين فقط المراسلة عبر الايميل ومن ثم الاضافة qatarbent@hotmail.com يرجى ارسال رسالة قبل الاضافة للجادين فقط لن يتم اضافة اي شخص مالم يرسل رسالة خاصة ويتم ذكر في عنونها منتدى الاسهم القطرية بخصوص المشروع

[قطر]

تم نقل الموضوع الى المنتدى المختص

[ابوالغالية78]

مرحبا مون 15 ياريت توضحي نوع المشروع هل هو خدمي او فيه بيع وشرا وكم حجم راس المال تقريبا وكم الربح المتوقع
للتواصل gsm-qtel@hotmail.com

[المساهم1]

الله يوفق الجميع

[فاهد العذبة]

تبين مشروع او عندج مشروع ؟؟؟؟ ارجوا التوضيح

[D o h a]

الله يوفقك

بس نصيحتي بعد حط بالك ولازم اتراقبهم بعد لان الثقه هذي الأيام معدومه

والوالد مجرب وندم

[لمت داون111]

السلام عليكم

اختي لو تلاحظين الزيارات 265 ومافي رد يقولج بشاركج لانج ماطرحتي ايش فكرتج وتجارتج

لازم يكون فيه توضيح عشان الي مهتم فعلا يراسج وياخذ باقي التفاصيل وتتفقين معاه

وبالتوفيق ان شاء الله

:nice: :nice: :nice:

[moon15]

السلام عليكم

اختي لو تلاحظين الزيارات 265 ومافي رد يقولج بشاركج لانج ماطرحتي ايش فكرتج وتجارتج

لازم يكون فيه توضيح عشان الي مهتم فعلا يراسج وياخذ باقي التفاصيل وتتفقين معاه

وبالتوفيق ان شاء الله

:nice: :nice: :nice:




شكرا لك اخوي على النصيحة بس اخوي المشروع بالطريقة هاذي ماراح يتوفق وخاصة انه مشروع صغير ومايحتاج احرق كل كروت المشروع وهو فكرة نادرة ومتميزة ولو عرفها غيري اكيد بينفذها وهي ماتتحمل دخول اشخاص وايد فيها عموما انا محتاجة شريك للمشروع مايكون قطري يعني اذا فية شخص عربي الجنسية ويبي لة مدخول مميز من المشروع ايميلي فوق بس ابشرط ايكون متفرغ تماما وجاد والتنفيذ علي والادارة علية ومالة شغل بس نتحاسب اخر الشهر وبيكون شغلة معاي ابنسبة معينة نتفق عليها انا واهو :nice:

[سهم طايح]

ولد البلاد استر وبيخاف على حلالج

قلنا بلاش كلمة مابغي قطري

قولي ابغي شخص ( عربي ) والكل بيفهم !

[زقرتي ومزاجي]

ولد البلاد استر وبيخاف على حلالج

قلنا بلاش كلمة مابغي قطري

قولي ابغي شخص ( عربي ) والكل بيفهم !

صادق ......

[عتيج الصوف]

اختي العزيزه,,,,نصيحه لوجه الله اما تديرين مشروعك بمعرفتك او احد من اقربائك تثقين به ,,,وصدقيني لو تدخلين السوق يمكن نسبة 10% نجاح الشراكات ,,,وخاصه في زمن ضاعت فيه الذمم

[doha-dsm]

مون انتي تبينين بردودك انك موب جدية وانا ترى عربي لعلمك بس لازم يمون عندك اخذ وعطى بالكلام لان هذي شراكة موب عصير بتشربيه وبتقطيه عقب
والله يوفقك

[moon15]

مون انتي تبينين بردودك انك موب جدية وانا ترى عربي لعلمك بس لازم يمون عندك اخذ وعطى بالكلام لان هذي شراكة موب عصير بتشربيه وبتقطيه عقب
والله يوفقك




اخوي انا جادة في الشراكة بس للاسف الاضافات في الايميل شي مختلف تماما وماشاءالله اعمارهم لاتنفع لمشروع تنفع لفتح شات فقط عموما يفضل الاضافة من الجادين اما غير الجادين فيعذروني لن يجدو اي رد مني وسوف يتم حذفهم فورا :nice:

[doha-dsm]

انتي الحين شدراك بعمري وبعدين دامك نويتي تدخلي المجال هذا لازم تكون نفسك اطول شوي ومثل ماقلنلك لو المشروع مقنع المواصفات اللي عندك متوافرة عندي وهذا اميلي وهذا اخر كلام عندي:
doha-dsm@hotmail.com

[من الرياض]

مطلوب شريك لمشروع تجاري صغير ومدخول ممتاز ويفضل عربي الجنسية الشراكة تكون في راس المال والادارة وتبادل الخبرات ولايوجد لدي مانع اذا كان لدى الشريك فكرة ممتازة او مشروع ممتاز ويرغب في تنفيذة ولا يملك راس المال لة بشرط ان يكون مشروع صغير ويتكفل هو بالادارة للجادين فقط المراسلة عبر الايميل ومن ثم الاضافة qatarbent@hotmail.com يرجى ارسال رسالة قبل الاضافة للجادين فقط لن يتم اضافة اي شخص مالم يرسل رسالة خاصة ويتم ذكر في عنونها منتدى الاسهم القطرية بخصوص المشروع


الله ايوفقك تم اضافتك اذا لك نيه في المشروع

[زقرتي ومزاجي]

شكلها تبي واحد عود
ماتبي صغار وماتبي قطرييين

اللهم سترك ياربي

[زمان الصمت]

بارك الله فيج والله يعطيج من العقل الي يسترج موضوعج اعتقد عقولنا اكبر منه بواجد

واتمنى من المشرفين حذفه لأنه مبهم وفيه أسائة من الأخت لأاخوانها القطريين وقدراتهم

وهم الذين بيحفظون لها حلالها اكثر من غيرها انا شغال بالمحكمة اتمنى انها تجي

تشوف القضايا المرفوعة من نساء قطريات على شركاء عرب شي يشيب الرأس