افحصوا تناكر الماي فبيوتكم فوراااااا

[حبر وقرطاس]

السلام عليكم ورحمه الله وبركاته..
اللهم اجعل ما اقول واكتب شاهدا علي يوم القاك..وتقبل مني عملي واغفر لي ذنوبي انه لا يغفر الذنوب الا انت ..
اللهم صلي وسلم على سيدنا محمد وعلى اله وصحبه الى يوم الدين ...أما بعد
حصل معاي موقف بالامس ازعجني ولكن نفعني بنفس الوقت وفتح عيوني على امر كنت غافل عنه تماما ..
انقطع الماء عن البيت منذ الصباح الباكر ..فتوجهت لسطح المنزل لمعرفه السبب وجدت تانكي الماي خالي فعرفت للمشكله ولكن انقطاع الماء جعلني اطل واشوف داخل التانكي ..وهو فعل لن اقوم به بأي حال من الاحوال طالما الماء موجود ..فهالني ما رايت ..قاع للتانكي شبه احمر اللون ترسبات لا اعلم من اين جاءت ..جعلتني اعيد حساباتي في نظافه الماء والاسباب ..فقنت بالتواصل مع احد الشركات واشكرهم على سرعه الاستجابه فقاموا بتنظيف التانكي واصبح كأن لا ترسبات به ..ودخلت في نقاش علمي مع الاخ المندوب من الشركه ..
تبين لي ان مياه قطر مياه رائعه ولكن انابيب التوصيل للمنازل تحمل ترسبات كثيره من اوساخ ورصاص وتتجمع في قاع التانكي والجزيئات الصغيره تذهب الى اجسامنا وقت الاستحمام واستخدام الماء فالمطبخ والخ الخ

على الامد الطويل تسبب تساقط شعر بوجود الكلور وهذه الرواسب ومنها الرصاص ..الذي لا يزول حتى بغليان الماء ..
الى جانب باكوره من الامراض الجلديه كالاكزيما والحساسيه المفرطه والجفاف ومشاكل العيون من جفاف والتهابات ونقص مناعه والاعمق بالكلى والكبد والاورام عافانا الله واياكم .
اخواني الحل الانسب هو فلاتر ضمان مدى الحياه تنظف كل ست شهور تجعل جميع مياه البيت نقيه ميه فالميه صالحه للشرب والاستحمام ..
من اجل حياه صحيه افضل ..حتى مساحيق العنايه بالبشره ومنظفات الشعر وكميه هائله من المستحضرات لا تعطي مفعولها الجيد بسبب الرواسب في المياه بدون فلاتر . .
حبيت افيد الجميع والفت انتباه الغافلين والي يجهلون هذه الاشياء ..
لن تاخذ منك دقائق اصعد لسطح المنزل وانظر بداخل التانكي الذي لديك وسارع في تصحيح الوضع .
اللهم بلغت اللهم فاشهد

مع تمنياتي للجميع بالسلامه وعمر مديد بما يرضي الله ورسوله

[Rider]

يارجال عيل قبل التناكي فوق البيت حديد ومصدي والناس عايشه نعم الان يوجد ترسبات في التناكي لكن وش نسوي حاطين فلتر في المطبخ والله الحافظ

[بوNasser]

الشيخ ممكن فكرة عن حجم الخزان وبكم كان سعر التنظيف (لأن بعض الشركات مبالغين وايد)

[حبر وقرطاس]

يارجال عيل قبل التناكي فوق البيت حديد ومصدي والناس عايشه نعم الان يوجد ترسبات في التناكي لكن وش نسوي حاطين فلتر في المطبخ والله الحافظ

يا ريال قول لا اله الا الله .ترى العلم نور
لا تكون تقليدي ولكن جاك علم جديد نافع وترجعنا الف سنه ضوئيه لورى الله يهداك

[حبر وقرطاس]

يارب اكون افدت الجميع

[لبيبة]

وعليكم السلام ورحمة الله وبركاته،

فلاتر ماء ضمان مدى الحياة <<< من وين؟ ووين تتركب بالضبط؟

[حبر وقرطاس]

الشيخ ممكن فكرة عن حجم الخزان وبكم كان سعر التنظيف (لأن بعض الشركات مبالغين وايد)

شيك الخاص ناصر تلقى الي يسرك . بخصوص الخزان الي كان فيه ترسبات سعته خمسميه وخمسين لتر

[وحيد-الشوق]

ماي الولف والخزان حتى مع فلاتر ماينشرب احنا من سنين نشرب مياة معدنية وللشاي والقهوة وحتى الطباخ نطبخ منه اما عاد في المطاعم مجبورين عاد مايندرى اي ماي يحطون ههههههه

[بن كهلان]

ممكن عنوان او رقم الشركة لوتفضلت على الخاص. وجزاك الله خير على النصيحة

[حبر وقرطاس]

ماي الولف والخزان حتى مع فلاتر ماينشرب احنا من سنين نشرب مياة معدنية وللشاي والقهوة وحتى الطباخ نطبخ منه اما عاد في المطاعم مجبورين عاد مايندرى اي ماي يحطون ههههههه

صادق ..
ولكن الحمدلله الخير واجد .والشركات المتخصصه ماتقصر .اول اهالينا علومهم على قدهم لا انترنت ولا مكملين دراسه .الحين العولمه والشبكه العنكبوتيه جابت علوم وعلوم .الواحد يطور نفسه ويفيد اهل بيته والناس والاجر من الله ..

[سعود.]

المختصين ينصحون بتنظيف الخزان كل 6 شهور .

[Dana’1]

جزاك الله خير
بس حط السعر عالعام عشان الكل ياخذ فكره ويستفيد:)

[حبر وقرطاس]

جزاك الله خير
بس حط السعر عالعام عشان الكل ياخذ فكره ويستفيد:)

نستأذن من الاداره اول

[حبر وقرطاس]

المختصين ينصحون بتنظيف الخزان كل 6 شهور .

صدقت وهذا كلام صحيح

[بـن عدوان]

اتصلت من الوسيط وقالوا حق الدرام الواحد بو 800 جالون ينظفونه ب300 ريال


في ارخص ؟

[ذكي جدااا]

الشي هذا معروف واحنا كل سنه ننظف التانكي حق البيت ولازم يتنظف اصلا

[بوNasser]

شيك الخاص ناصر تلقى الي يسرك . بخصوص الخزان الي كان فيه ترسبات سعته خمسميه وخمسين لتر


تسلم يالغالي

باكلمهم ان شاء الله وباخذ منهم السعر للخزانات الأرضية (أظن الف وخمس أو الفين لتر للخزان الواحد) والسطح حروة الست امية او ثمان اميه.

[بوNasser]

سؤال على الطاير

ما فيه فلتر كبير ينحط قبل الخزان الرئيسي، لأن الفلاتر الصغيرة ما تلحق بسرعة تتوسخ (تتوصخ).

وشكرا للجميع

[معماري قطري]

جزاك الله خير والموضوع مهم جداً

الإشكالية إن حتى لو نظفت اللي يوصل فيه ملوثات والحل الأفضل هو الفلتر الرملي .. مشكلة الكلور ما ادري شحلها وهي موجودة تقريباً في كل العالم .. توجد تقنية التعقيم بالاوزون وبالأشعة فوق البنفسجية بس ما ادري ليش ما تستخدم عندنا

الرصاص مشكلة كبيرة وهو معدن سام واتوقع الفلتر الرملي يزيله .. الفلتر بعضه يجي نوع يزيل كل الأملاح والمعادن وهذا مشكلة لأن فيه معادن ضرورية للجسم

[معماري قطري]

سؤال على الطاير

ما فيه فلتر كبير ينحط قبل الخزان الرئيسي، لأن الفلاتر الصغيرة ما تلحق بسرعة تتوسخ (تتوصخ).

وشكرا للجميع

بيعطل مرور الماي وبنفسه يجي ضغطه ضعيف بس شوف اسئل الشركات المختصة مثل تدمر - البحرية - الطيب غيرهم

[معماري قطري]

الفلتر الرملي اللي فوق يغسل نفسه بنفسه اسبوعياً الفجر بمؤقت .. ويحتاج صيانة حسب نظافة الماي عندك انا سويت له تبديل للرمل بعد 7 سنين والظاهر لازم اسوي صيانة له أو أبدله كامل

[عثرة جواد]

الحين ف جهاز ينحط ف الخزان للبيت كلة وهو ينقي بروحه تشرب وتطبخ من الولف تركيبه 6000

[بوخالد911]

مرة اتصلت بشركة
قالوا السعر وكان معقول
قلت تعالوا البيت
ولما وصلوا وشافوا التنكي قالوا لا هذا حجمه عود ولازم تدفع اكثر !!!!
مع اني قلت لهم حجم التنكي قبل لا يجون !!!

نصابين يا جماعة.

[حبر وقرطاس]

اللي يبي اسم ورقم الشركه يجي خاص

[الماريّة]

شلون فلتر رملي ؟؟؟؟

[shadad]

يارجال عيل قبل التناكي فوق البيت حديد ومصدي والناس عايشه نعم الان يوجد ترسبات في التناكي لكن وش نسوي حاطين فلتر في المطبخ والله الحافظ

ايام التانكي الحديد ههههههههههههههه

[shadad]

الفلتر الرملي اللي فوق يغسل نفسه بنفسه اسبوعياً الفجر بمؤقت .. ويحتاج صيانة حسب نظافة الماي عندك انا سويت له تبديل للرمل بعد 7 سنين والظاهر لازم اسوي صيانة له أو أبدله كامل

كم كلفك ؟؟؟

اذا كانت التكلفه معقوله ليش لا. اما اذا كانت فوق. فما في قدامي االا نتبع الخيار القاسي: نفضي 3 ارباع الخزان ونطب فيه ونفركه. عقب ادخل له هوز البرضر حق تنظيف السيارة وهو بيتكفل بالباقي .

[حمد بن سعد]

عن نفسي الماي للغسيل والطبخ فقط ودامه تصيده الحراره ماعليه شر ان شاء الله لاكن الشرب اشتريه بس مافي مانع اركب فلتر للي جربو شي ممتاز يعطوني التفاصيل

والله يوفقنا وياكم

[Bo jassim 33]

الشركات لعبتهم مثل هذه الامور البسيطه

عادي يضربون عليك 1000 ولا 2000 ريال على خزان 800 لتر نفس اللي صار معاي


اذكر وانا صغير في بيت هلي كان ابوي يطلعنا فوق السطح وننظفه جنه العيد ويطلع يلق لق ( ولا كان يعطينا شي )

الا بالعكس كان يطقنا ويقول لنا هذا من وصاختكم !!
انزين يبه احنا ويش ذنبنا !!


الزبده اللي في امه خير خله يتكلم


اااه يا زين ايام زمان بحلوها ومرها وتناكرها

[سعود.]

الفلتر رملي وحصى وفحم ايضآ بس فحم مو الي في بالكم نوع اخر كربوني

موجود في تدمر . ويتبدل كل سنة فقط المواد تتغير .

[سعود.]

الماي يمر على جميع المواد المذكورة يشيل الشوائب والروائح ووووالخ
توني شارية من كمن شهر .

[بـن عدوان]

والله امس خذت رقمهممن وسيط الراية


وقالي الباشا بيجون وينظفون بمواد خاصة وتعقيم .. الخ

جوا اليوم ومعاهم صابون سائل عادي وتموا ينظفون

اخبر لما كنت صغير كنا ننظف التانكي انا واخواني الكبار خخخ