مالذي يجري "للقطريين"في قناة "ج" للاطفال؟؟؟؟

[الدوحه1]

اليوم وحده من الاخوات العاملات في قناة "ج" للأطفال تشتكي من استبداد وتعسف مدير القناه"بالوكاله"؟؟؟
وتقول ان هناك العشرات من القطريات والقطرييين يعانون من هالمسئول وسوء ادارته وتصرفاته "الصبيانيه"!!!!

وتسألني شالحل؟؟
نصحتها برفع شكوى لرئيس مجلس إدارة شبكة الجزيره موقع باسم كل القطريين والقطريات المتضررين من هالمدير.

اللي اعرفه ان هالمسئول كان موظف عادي في قناة الجزيره الرياضيه وكان كثير المشاكل ولم يكن بالموظف المثالي.. فشلون صار مدير مره وحده؟؟؟؟؟

في حد منكم يعرف حد يشتغل في القناه؟؟؟؟

[بانغ بانغ]

الكلام صحيح مية مية

لحد ايقولي شالدليل بس الكلام صحيح وانا مسئول عنه

[المحاميه]

انا بعد سمعت هالكلام
وان فيه استبداد للقطريين
والاولويه للاجانب مع الاسف
والكلام جد يزعل ويبيله حل

[CH Engineer]

الي يجيك مشكلجي مسنود ولا ماتفرعن

[roma27]

اذا الكلام صحيح اتمنى من اي مسؤول في قناه الجزيره أنصاف الموظف القطري لانه له الاوليه في هذا البلد هؤلاء اقصد الأجانب يعملون في هذه القناه علشان الراتب المغري والامتيازات الاخرى بس اتجيلهم إغراءات ثانيه في بلد اخر سوف يتركون القناه والبلد ابكبرها ويروحون حق مصالحهم اما المواطن القطري بيصبر علشان بلده متى تفهمون بس

[Tomford_qtr]

ومدير القناه موطن ولا اجنبي ؟؟؟

[kitmat]

انا سمعت ان الاجنبي هو المفضل في هاي القناه

[معماري قطري]

التصرفات الصبيانية هذي يبي لها وقفة الا وقفات

[R 7 A L]

وين الي يقولون مافي الجزيرة قطريين

[بوخالد911]

خدعوكم فقالوا ( تقطيير )
!!!!

[السيف5]

خدعوكم فقالوا ( تقطيير )
!!!!

اتفق معاك

[~Bluo Moon ~]

خدعوكم فقالوا ( تقطيير )
!!!!

مافيه تقطير فيه تبخير

ماتوعون الا القطريين تبخروا منها.

[الأصيلة]

ومدير القناه موطن ولا اجنبي ؟؟؟

والله حتى القطري المسؤول متعسف
أعرف وحدة مخلصة ومجتهدة ولديها من الشهادات مايؤهلها لأن تكن المديرة
ولكن إبن البلد الأصيل إبن الأصول
يتفنن في الإستبداد وفرد العضلات..
والكثير من القطريين تركوا القناة للتخلص من الظلم الواقع عليهم..

[الدوحه1]

اللي عرفته ان القناه كانت تابعه لقطر فاونديشن وبعدين انقلوها لشبكة الجزيره مع ان القناه مالها أي علاقة بالشبكه والسبب الرئيسي ان المسئولين في القناه مايبغون مايخسرون المزايا الماليه "المغريه" فقاتلوا من اجل الانضمام للشبكه وكأن القناه شركه خاصة تمشي على اهواء ومزاج المسئولين!!!!

والقناه الحين تبغي تنفصل عن الشبكه وتنضم الى البي ان سبورت وأيضا القناه مالها أي علاقه بالبي ان سبورت؟؟؟؟؟؟؟

موضوع ان القناه تنتقل من مكان الى مكان يثير علامات الاستفهام والتسائل..
هل هناك فعلا رقابه اداريه على هالقناه؟؟؟

انا اشوف المفروض انها تنضم للمؤسسه القطريه للاعلام بدلا من هاللخبطه والمزاجيه!

[أم هشام]

ما اعتقد بوظفوا اجانب لاني اكثر من مرة احاول اقدملهم بكل الطرق الممكنة لكن ردهم دائما واحد فقط للقطريين. مع اني مواليد قطر ولي خبرة عملية جيدة.
اعتقد المدير المتعسف بكون متعسف مع الجميع مش لجنسية معينة .
انا كان مديري من نفس جنسيتي و طلع عيني لطفشت من البنك من سنين و للان مش لاقية شغل بسببه .

[Dana’1]

صحيح أم هشام
تعسف المدراء والمسؤلين مالها جنسيه لكن لما تجي من غريب لأبن البلد في مكانه طبيعي مشاعر الغبن تصير مضاعفه!

[أم هشام]

صحيح أم هشام
تعسف المدراء والمسؤلين مالها جنسيه لكن لما تجي من غريب لأبن البل في مكانه طبيعي مشاعر الغبن تصير مضاعفه!

صحيح ..

[aloosh]

جميع مسؤلين القناه يعرفون ان فيه عصابات في قنوات الجزيره ومحاربه كل قطري حتى البي ان سبورت
لحد يقول رئيس الشبكة ما يدري يعرف كل شي وفوق هذا مخليهم يسرحون ويمرحون
صحنا باعلى الاصوات اعملو تقطير في الجزيره وعطوا القطرين على الاقل نص راتب الاجانب من عرب وغير عرب

[Rider]

كلام معروف من زمان مادام اهل البدلات ماسكين المناصب

[asulaiti]

أنا إشتغلت في قناة الجزيرة سنة وحده فقط .. وبعدها دورت على شغل وقدمت استقالتي ..
والسبب فعلاً لا مكان للقطريين في هذه المؤسسة ...

خذوها مني ..........

[asulaiti]

جميع مسؤلين القناه يعرفون ان فيه عصابات في قنوات الجزيره ومحاربه كل قطري حتى البي ان سبورت
لحد يقول رئيس الشبكة ما يدري يعرف كل شي وفوق هذا مخليهم يسرحون ويمرحون
صحنا باعلى الاصوات اعملو تقطير في الجزيره وعطوا القطرين على الاقل نص راتب الاجانب من عرب وغير عرب

نعم المسؤولين الكبار يدرون بالوضع ... لكن بدون هالأجانب من موظفين ومسؤولين وإداريين .. لن تستطيع القناة مواصلة المسيرة والنجاح ..من وجهة نظر المسؤولين الكبار في هذه القناة ..
قد يكون وجهة نظرهم خاطئة وقد تكون صحيحة .. لذا يضعون في الحسبان مصلحة البلد ومصلحة استمرار هذه القناة وتطورها فوق مصلحة استفادة القطريين من وجود مؤسسة بهذه القوة وبالميزانية المخصصة لها .. وقوة رواتبها وامتيازاتها ..

الوضع فعلاً مخزي هناك بالنسبة للقطريين .. لدرجة أحسست وكأنني مغترب .. وليس في بلدي .. أنا أتكلم عن فترة مابين 2005 - 2006 .. وقتها كان مجلس الإدارة غير ومدير القناة وقتها كان وضاح خنفر ..
اليوم لا أعرف إذا تغير الوضع مع الإدارة الجديدة .. لكن واضح من الموضوع هذا أن الوضع لا زال على ماهو عليه ... وشخصياً أي صديق يسألني عن كيف الشغل في الجزيرة .. أقول له إذا تفكر إنك تتوظف هناك ..
ما أنصحك .. إلا إذا فرق في راتبك أكثر من 30%على الأقل .. بحيث حتى لو صادك ظلم .. فراتبك على الأقل فرق .. أما لو فرق بسيط ما يسوى الوضع هناك ..

والله المستعان ..

[الدوحه1]

الردود تؤيد وتؤكد وجود فساد في قناة "ج" وشبكة الجزيره وبي ان سبورت ويمكن حتى القنوات الاخري؟؟؟
هل المسئولين على علم بهالفساد؟؟؟
ولمتى السكوت عن اللي جالس يصير؟؟؟

لحل المشكله انا اشوف ان اسهل حل هو اخضاع هالقنوات لقانون الموارد البشريه..

[aloosh]

نعم المسؤولين الكبار يدرون بالوضع ... لكن بدون هالأجانب من موظفين ومسؤولين وإداريين .. لن تستطيع القناة مواصلة المسيرة والنجاح ..من وجهة نظر المسؤولين الكبار في هذه القناة ..
قد يكون وجهة نظرهم خاطئة وقد تكون صحيحة .. لذا يضعون في الحسبان مصلحة البلد ومصلحة استمرار هذه القناة وتطورها فوق مصلحة استفادة القطريين من وجود مؤسسة بهذه القوة وبالميزانية المخصصة لها .. وقوة رواتبها وامتيازاتها ..

الوضع فعلاً مخزي هناك بالنسبة للقطريين .. لدرجة أحسست وكأنني مغترب .. وليس في بلدي .. أنا أتكلم عن فترة مابين 2005 - 2006 .. وقتها كان مجلس الإدارة غير ومدير القناة وقتها كان وضاح خنفر ..
اليوم لا أعرف إذا تغير الوضع مع الإدارة الجديدة .. لكن واضح من الموضوع هذا أن الوضع لا زال على ماهو عليه ... وشخصياً أي صديق يسألني عن كيف الشغل في الجزيرة .. أقول له إذا تفكر إنك تتوظف هناك ..
ما أنصحك .. إلا إذا فرق في راتبك أكثر من 30%على الأقل .. بحيث حتى لو صادك ظلم .. فراتبك على الأقل فرق .. أما لو فرق بسيط ما يسوى الوضع هناك ..

والله المستعان ..

اذا بنجلس نقول القناه ما راح تمشي الى بالاجانب اجل لا يرسون عيالنا ويتعلمون ونعتمد على الاجنبي
القطري اذا وضع في مكان وحصل اهتمام يسوى الف اجنبي
وما حبط شبابنا غير الاجانب وتعسفهم على القطري ومحاربته

انا استغرب من المسؤلين اللي لهم القرار لماذا لم يفتح تحقيق او بيتم الفساد ينخر في ها المؤسسات والقطري هو المتضرر

[بوخالد911]

جميع مسؤلين القناه يعرفون ان فيه عصابات في قنوات الجزيره ومحاربه كل قطري حتى البي ان سبورت
لحد يقول رئيس الشبكة ما يدري يعرف كل شي وفوق هذا مخليهم يسرحون ويمرحون
صحنا باعلى الاصوات اعملو تقطير في الجزيره وعطوا القطرين على الاقل نص راتب الاجانب من عرب وغير عرب

يا ريت لو ( ينظفونها ) من الخمة العرب اللي فيها

[كاشف الغطاء]

أنا إشتغلت في قناة الجزيرة سنة وحده فقط .. وبعدها دورت على شغل وقدمت استقالتي ..
والسبب فعلاً لا مكان للقطريين في هذه المؤسسة ...

خذوها مني ..........

نفس الحالة والقسم كله أجانب

[المحاميه]

طيب انا استغرب
تقولون لا مكان للقطريين ..

طيب وانت ياقطري شسويت؟
انسحبت بكل بساطه ورحت تدور أسهل الحلول ؟

ليش؟

هذي بلادك
وهالوظايف انت اولى بها من غيرك
ليش تتركلهم المجال؟

ليش ماكافحت ..
دافعت
اشتكيت؟

ابذل كل الاسباب عقب قول مافي فايده ودورت شغل ثاني

بس تقعد ساكت
او تنسحب؟

عقب نقعد نتشكى؟؟؟؟!!!

[Bo jassim 33]

طيب انا استغرب
تقولون لا مكان للقطريين ..

طيب وانت ياقطري شسويت؟
انسحبت بكل بساطه ورحت تدور أسهل الحلول ؟

ليش؟

هذي بلادك
وهالوظايف انت اولى بها من غيرك
ليش تتركلهم المجال؟

ليش ماكافحت ..
دافعت
اشتكيت؟

ابذل كل الاسباب عقب قول مافي فايده ودورت شغل ثاني

بس تقعد ساكت
او تنسحب؟

عقب نقعد نتشكى؟؟؟؟!!!


لو ينفع اعطيج : لايك

جان عطيتج

[المحاميه]

لو ينفع اعطيج : لايك

جان عطيتج

وصل اللايك ..


هو الواقع صعب .. ومرات يبيله مجهود عشان يتغير
بس التغيير مب مستحيل ..
الواحد لازم اقلها يحاول ..

[ya3coub]

طيب انا استغرب
تقولون لا مكان للقطريين ..

طيب وانت ياقطري شسويت؟
انسحبت بكل بساطه ورحت تدور أسهل الحلول ؟

ليش؟

هذي بلادك
وهالوظايف انت اولى بها من غيرك
ليش تتركلهم المجال؟

ليش ماكافحت ..
دافعت
اشتكيت؟

ابذل كل الاسباب عقب قول مافي فايده ودورت شغل ثاني

بس تقعد ساكت
او تنسحب؟

عقب نقعد نتشكى؟؟؟؟!!!

القطري الي يدور مكان احسن ما يعتبر انسحاب انما تم بما فيه الكفاية و مافي غيره بهالمجال مثلا و يشوف الي حوله ياخذون حقهم و زياده
تكلم اجحدوه و اشتغل و خذو تعبه و اننسب لناس ثانية و تكرمو عليه و بعدها طلعو و خلوهم و تم القطري ليلحين يكفاح و يشتغل لأن يبي رزقه حلال...

السؤال لين متى مرده بيجي يوم ""بينسحب"" بكرامته من هالأماكن و بيروح لمكان فيه تواجد العنصر القطري او له قيمه كقطري و ايضا فوقها ماديا بيكون مرتاح اكثر.

ما اعتبره انسحاب بقدر ما انه ارتقاء من الشخص نفسه لنفسه.

و عن بعد ما يطلع يتكلم صحيح في اماكن ممنوع التحدث عن اسرار او بيئة العمل بس بعد الخروج محد له حق مالم يوقع على مستندات و بهالمجال انتي أخبر اختي المحامية.



انا مع ردج بأن القطري لازم يواجه و يشتغل و يسوي الي عليه عقب يتكلم و خلينا من النمطية الي موجودة عند البعض فالجيل السابق ترا شبابنا تبدلو جيلنا احسن من الي قبلنا و الي قبلنا تعلمو من الي قبلهم الله يرحم من توفى و يطول بعمر من بقى و يصلح و يهدي من لم يستقم بعد.

الجزيرة ما اعرف عن القطرين بس اعرف رواتب المهندسين الأجانب الي قدي و الي درسو معاي ما شاء الله بعضهم اكثر مني و انا قطري بس بعد طالما انها شركة خاصه محد يقدر يقول اي شي القطريين مالهم حق بأي شركه خاصه و قسم التقطير مجرد قسم موجود لملئ فراغ و استبيانات و تقارير دوريه من وقت لوقت, بعكس بعض الجهات الشبه حكومية و بعكس الحكومة في كل مجال و نمط في امتيازات و في تضحيات و السموحة عالرد الطويل مو لشخصك أختي المحامية انما للموضوع و لردج السابق فقط

[المحاميه]

^

ما اتفق معاك
كله تبريرات حق النفس لانها اختارت اسهل الطرق ..

[خسران من قلب]

المشكله اني اعرف هالمدير شخصين واعرف شكثر عانا من الظلم ....شلون صار يظلم وهو عارف اساسن معاناه الموظفين هاذي يبي لها خطوط مش خطين

[الدوحه1]

طيب انا استغرب
تقولون لا مكان للقطريين ..

طيب وانت ياقطري شسويت؟
انسحبت بكل بساطه ورحت تدور أسهل الحلول ؟

ليش؟

هذي بلادك
وهالوظايف انت اولى بها من غيرك
ليش تتركلهم المجال؟

ليش ماكافحت ..
دافعت
اشتكيت؟

ابذل كل الاسباب عقب قول مافي فايده ودورت شغل ثاني

بس تقعد ساكت
او تنسحب؟

عقب نقعد نتشكى؟؟؟؟!!!



ممكن ياالمحاميه ترشيدينا وتنورينا عن اشلون "قانونيا" نقدر ندافع ونشتكي؟؟؟
فمثلا اذا الموظف شاف ان هناك فساد اداري او مالي او أخلاقي شيسوي؟؟؟؟
هل يلجأ لوزارة التنميه الاداريه , النيابه العامه , المحكمه الاداريه؟؟؟؟

من واقع تجربه انصح بالجوء الى المحكمه الاداريه في حالة الظلم الإداري؟؟

[الشفق الحالم]

اللي يقولك القطري ليش مايحارب ويروح يشتكي وياخذ حقه! هههه مايقدر ببساطه وعن تجربه شخصيه القطري بيحارب ولكن بيقضون عليه ويقفلون كل البيبان بوجهه لين يطفش

[المحاميه]

المشكله اني اعرف هالمدير شخصين واعرف شكثر عانا من الظلم ....شلون صار يظلم وهو عارف اساسن معاناه الموظفين هاذي يبي لها خطوط مش خطين


اظاهر يطبق اللي تطبق عليه
من باب المعامله بالمثل
ولا تأثر نفسياً

!!!


الله يصلحه ..

[يوسف0]

اللي يقولك القطري ليش مايحارب ويروح يشتكي وياخذ حقه! هههه مايقدر ببساطه وعن تجربه شخصيه القطري بيحارب ولكن بيقضون عليه ويقفلون كل البيبان بوجهه لين يطفش

صحيح

للأسف البعض يفتي عباله الموضوع سهالات اشتك وخذ حقك ههه الله يعين

[المحاميه]

ممكن ياالمحاميه ترشيدينا وتنورينا عن اشلون "قانونيا" نقدر ندافع ونشتكي؟؟؟
فمثلا اذا الموظف شاف ان هناك فساد اداري او مالي او أخلاقي شيسوي؟؟؟؟
هل يلجأ لوزارة التنميه الاداريه , النيابه العامه , المحكمه الاداريه؟؟؟؟

من واقع تجربه انصح بالجوء الى المحكمه الاداريه في حالة الظلم الإداري؟؟




مرحبا اخوي ..

اذا شفت فيه فساد ..
ارفع كتاب حق المسؤول في جهتي .. مافاد .. ارفع حق اللي فوقه .. وهكذا بالتدرج .. لين اوصل الرساله .. او اخذ موعد واوصله المعلومه واعطيه صوره عن اللي صاير .. واشوف شنو الاجراء اللي راح يتبعونه ..

مافاد ..
يلجأ للوزير .. او رئيس مجلس الوزراء ..

اللجوء للنيابه يكون في حالة وجود جنايه .. وليس في الاحوال الاداريه ..

لا مانع من اللجوء لوزارة التنميه ان كانت تملك الحل ..

على أن تكون المحاكم هي الوجهة الأخيره بعد ان استنفذ الطرق المتاحه ..



هذي هي الحلول اخوي ... بس يبيلها صبر وطولت بال ومراكض .. ادري اغلب الناس مالها بارض .. ف بتشتري راحتها وبتغير مكانها وخلاص ..
هو على حسب الشخص .. يعني فيه ناس عنيده ماراح ترضى لين تاخذ حقها .. وفي ناس بتستسلم من اول مشكله ..

والله يوفق الجميع ..

[المحاميه]

صحيح

للأسف البعض يفتي عباله الموضوع سهالات اشتك وخذ حقك ههه الله يعين

لا والله مب سهالات
يبيله بارض وجهد ..

بس اذا سكت
الوضع بيتم على ما هو وبيتأزم أكثر وماراح ينحل ..

قلت الوضع صعب
لكن مب مستحيل ..

لكن محد يبي يتحرك
ف تحملوا :)

[يوسف0]

لا والله مب سهالات
يبيله بارض وجهد ..

بس اذا سكت
الوضع بيتم على ما هو وبيتأزم أكثر وماراح ينحل ..

قلت الوضع صعب
لكن مب مستحيل ..

لكن محد يبي يتحرك
ف تحملوا :)

اقرأي ردج السابق روح كهف افلاطون الي فقاع البحر وبعدها مر على جزيرة الكنز ومن ثم اذا مانفع روح تقهوى مع صاحب السمو عشان يمكن تاخذ حقك

وليش هذا التعقيد يالمحاميه ؟

الحق لي المفروض ايجي لين عندي او مكان واضح للشكوى واخذ الحقوق

اتم اراكض على كل صغيره وكبيره حادث,مخالفه,ضلم العمل وامور كثيره عايشين فزمبابوي ولا وين ؟

ولا عاد تعالي حق المحاكم الفاشله والسنين الي بتلته فيها والقضيه واضحه وبسيطه

[المحاميه]

^

اوكي ردك هذا عكسلي طريقة تفكيرك ..

واحلى شي قلته .. الحق المفروض ايجي لين عندي ..


اكتفي بهالنقاش
واسمحلي ماعندي تعقيب على ردك :)

[يوسف0]

^

اوكي ردك هذا عكسلي طريقة تفكيرك ..

واحلى شي قلته .. الحق المفروض ايجي لين عندي ..


اكتفي بهالنقاش
واسمحلي ماعندي تعقيب على ردك :)

على راحتج وهذا رأيي

[المحاميه]

^

اختلاف الآراء لا يعني انك غلط وانا صح ولا يعني انك صح وانا غلط ..

كل الموضوع ان كل واحد يشوف من زاويته بناء على قناعاته ..

ولا ليش الدستور كفل حرية الرأي والتعبير للجميع؟ ..

[الدوحه1]

مرحبا اخوي ..

اذا شفت فيه فساد ..
ارفع كتاب حق المسؤول في جهتي .. مافاد .. ارفع حق اللي فوقه .. وهكذا بالتدرج .. لين اوصل الرساله .. او اخذ موعد واوصله المعلومه واعطيه صوره عن اللي صاير .. واشوف شنو الاجراء اللي راح يتبعونه ..

مافاد ..
يلجأ للوزير .. او رئيس مجلس الوزراء ..

اللجوء للنيابه يكون في حالة وجود جنايه .. وليس في الاحوال الاداريه ..

لا مانع من اللجوء لوزارة التنميه ان كانت تملك الحل ..

على أن تكون المحاكم هي الوجهة الأخيره بعد ان استنفذ الطرق المتاحه ..

هذي هي الحلول اخوي ... بس يبيلها صبر وطولت بال ومراكض .. ادري اغلب الناس مالها بارض .. ف بتشتري راحتها وبتغير مكانها وخلاص ..
هو على حسب الشخص .. يعني فيه ناس عنيده ماراح ترضى لين تاخذ حقها .. وفي ناس بتستسلم من اول مشكله ..

والله يوفق الجميع ..


بس ياختي وين دور الجهات الرقابيه؟؟
هل هناك خلل في الية العمل الرقابي في هالجهات؟؟
هل فعلا مايدرون عن شلي جالس يصير داخل بعض الجهات الحكوميه وشبه الحكوميه من فساد اداري واخلاقي؟؟؟
وين هيئة الرقابه الاداريه والشفافيه؟؟
وين دور وزارة التنميه الاداريه في تطبيق البنود الخاصه في قانون الموارد البشريه بالقضاءعلى الفساد الإداري(التأكد من وجود الشخص المناسب في المكان المناسب)؟؟

وين الخلل؟؟؟؟؟

[المحاميه]

^

الخلل من وجهة نظري في التقارير المرفوعه .. كل جهه تأدي دورها
وتتم المحاسبه في حال وجود خلل
لكن اعتقد اذا كان فيه خلل، فتقوم الجهه بتغطيته ورفع تقرير سليم لجهة الرقابه، وعليه لا تتم الادانه

هذا والله اعلم ..

عشان جذي لازم الموظف العادي يتحرك ويطالب بحقه، اما اقول انا باقعد وابي حقي يجيني مكاني فهذي مشكله ..

[يوسف0]

^

اختلاف الآراء لا يعني انك غلط وانا صح ولا يعني انك صح وانا غلط ..

كل الموضوع ان كل واحد يشوف من زاويته بناء على قناعاته ..

ولا ليش الدستور كفل حرية الرأي والتعبير للجميع؟ ..

احيانا اختلاف الاراء يعني اني غلط وانتي صح والعكس صحيح وايضا مرات يكون الرأيين صح او الرأيين غلط

ونعم كل واحد يجوف من زاويته الفكريه بناء على قناعاته وهذا الي يسمونه نقاش على ما اعتقد والواحد يستفيد يقرأ رد الغير ويتفكر فيه احيانا يكون صح خطأ او رد هجومي ورد دفاعي او استهزائي لتكبر فالشخص نفسه

وبخصوص السؤال ماعندي اجابه له

[المحاميه]

كلن له الحق في التعبير عن آرائه

ولابد من احترام الاراء
والاستهزاء ابداً مب حل ..

[asulaiti]

طيب انا استغرب
تقولون لا مكان للقطريين ..

طيب وانت ياقطري شسويت؟
انسحبت بكل بساطه ورحت تدور أسهل الحلول ؟

ليش؟

هذي بلادك
وهالوظايف انت اولى بها من غيرك
ليش تتركلهم المجال؟

ليش ماكافحت ..
دافعت
اشتكيت؟

ابذل كل الاسباب عقب قول مافي فايده ودورت شغل ثاني

بس تقعد ساكت
او تنسحب؟

عقب نقعد نتشكى؟؟؟؟!!!

أحياناً تكون الإستقالة رداً !!

وعلى فكرة .. لست الوحيد الذي قدم استقالته .. بل سبقني الكثيرين ..
وبعدها بكم شهر مديري المباشر قدم استقالته !!

أنا أقولها للجميع .. لا مكان للقطريين هناك .. بل القطري هناك سهل إنهاء خدماته .. أسهل بكثير من غير القطري ..
وحالات إنهاء خدمات القطريين حصلت كذا مرة وقرينا عنها في الصحف وسمعنا شكواهم في وطني الحبيب صباح الخير ..

وأرجو أن لا تعطينا دروساً في الولاء !!
فنحن نخدم بلادنا في أي موقع كان .. ولكل شخص الحق في البقاء أو الرحيل لو وجد مكاناً أفضل من الحالي ..
المهم نخدم بلادنا في موقع نكون فيه مرتاحين نفسياً .. وإلا لن تستطيعي أن تعطي للوظيفة ..

وهذا ما حصل معي ..

[بن مسلم]

للأسف البعض من المدراء او حتي الرئيس التنفيذي يعتبر انه الشركه شركته وانه الراتب من عنده من جذي يعاملهم بطريقه اتخليهم يطفشون

طبعا لا هو اول مكان ولا اخر مكان يتم فيه هالمعامله



و

[معماري قطري]

الردود تؤيد وتؤكد وجود فساد في قناة "ج" وشبكة الجزيره وبي ان سبورت ويمكن حتى القنوات الاخري؟؟؟
هل المسئولين على علم بهالفساد؟؟؟
ولمتى السكوت عن اللي جالس يصير؟؟؟

لحل المشكله انا اشوف ان اسهل حل هو اخضاع هالقنوات لقانون الموارد البشريه..


بيرتفع البترول وبنشوف توسع وتعيينات مالها آخر وتشريد مستمر للقطري وللجيد من غير القطري

[R 7 A L]

يا جماعة الجهه ( الجزيرة بأكملها ) ليست جهه حكومية لكي يميزون القطري على غيرة
حال الجزيرة ك الشركات غير الحكومية

[معماري قطري]

يا جماعة الجهه ( الجزيرة بأكملها ) ليست جهه حكومية لكي يميزون القطري على غيرة
حال الجزيرة ك الشركات غير الحكومية

عيل من يملكها ومن مؤسسها ومن يصرف عليها ومن سرح 400 منها بعد ما نزلت أسعار البترول؟

[معماري قطري]

انا يوم زرتها كان مديرها يتكلم بصفة حكومية ومعين من الحكومة ويمكن باعتها الحكومة لمستثمرين الله أعلم .. زيارتي من فوق 15 سنة

[المحاميه]

الجزيره قطريه
وعلى ارض قطر
غير هالكلام ماعرف

[الدوحه1]

مصير موظفي "ج" و "براعم مجهول بعد انفصال القناتين عن "الجزيره"؟؟

الموظفين تلقوا اخطارات بانهاء معاملاتهم الماليه قبل 15 ديسيمبر!!!!



هل مصير القناه نفس مصير "الجزيره أمريكا" واللي سكرت قبل عدة شهور بعد ان كلفت خزينة الدوله المليارات؟؟؟؟؟؟

[بنت شرق]

مصير موظفي "ج" و "براعم مجهول بعد انفصال القناتين عن "الجزيره"؟؟

الموظفين تلقوا اخطارات بانهاء معاملاتهم الماليه قبل 15 ديسيمبر!!!!



هل مصير القناه نفس مصير "الجزيره أمريكا" واللي سكرت قبل عدة شهور بعد ان كلفت خزينة الدوله المليارات؟؟؟؟؟؟





الجزيرة ، البراعم ، وج لا تتبع المؤسسة القطرية للأعلام ، فالله اعلم أي قانون يسري عليهم

[كازانوفا]

هاي اخرتها حسبي الله عليهم

[بوخالد911]

الجزيره قطريه
وعلى ارض قطر
غير هالكلام ماعرف
وولكن أغلب الموظفين غير قطريين

!!!!

[الدوحه1]

الجزيرة ، البراعم ، وج لا تتبع المؤسسة القطرية للأعلام ، فالله اعلم أي قانون يسري عليهم



حتى قناة وإذاعة الريان لايتبعون المؤسسه القطريه للاعلام!!!!

وقناة الكأس مع انها نظريا تتبع المؤسسه ولكنها عمليا تدار من خارج المؤسسه!!!

عندنا فوضى اعلاميه في قطر؟؟ القنوات القطريه تدار حسب مزاج كل مسئول ولا تعمل أي حساب للمشاهدين!!
عطوني اسم برنامج يناقش قضايا ومشاكل المواطنين بكل صراحه وشفافيه؟؟

اعتقد ان قد أن الأوان لتطوير الإعلامي الحكومي واخضاعها تحت اداره واشراف جهه وحده!!


لو القرار بيدي لالغيت كل القنوات الحكوميه من اذاعه وتلفزيون وفتحت المجال للقنوات الخاصه!!

[محمد سعيد]

الوصول للمناصب في قطر بحب خشوم وزيارات ونفاق امام ولاة الامر

لذلك لاتنتظرون الناس الكفو يحصلون مناصب ويحترمون الامانه الي وصلولها بمجهودهم

نشوفكم على خير

[الدوحه1]

اليوم وحده من الاخوات العاملات في قناة "ج" للأطفال تشتكي من استبداد وتعسف مدير القناه"بالوكاله"؟؟؟
وتقول ان هناك العشرات من القطريات والقطرييين يعانون من هالمسئول وسوء ادارته وتصرفاته "الصبيانيه"!!!!

وتسألني شالحل؟؟
نصحتها برفع شكوى لرئيس مجلس إدارة شبكة الجزيره موقع باسم كل القطريين والقطريات المتضررين من هالمدير.

اللي اعرفه ان هالمسئول كان موظف عادي في قناة الجزيره الرياضيه وكان كثير المشاكل ولم يكن بالموظف المثالي.. فشلون صار مدير مره وحده؟؟؟؟؟

في حد منكم يعرف حد يشتغل في القناه؟؟؟؟







الأخت قدمت استقالتها من القناه !!!!

للعلم ان القناه انضمت تحت ادارة بي ان سبورت مع ان القناه مالها أي علاقه بالرياضه؟؟ يعني المفروض انها تنضم تحت إدارة المؤسسه القطريه للاعلام!!!!

أتمنى من الجهات المختصه الالتفات للي جالس يصير للقطرين في الجهات الاعلاميه الحكوميه(المؤسسه القطريه للاعلام , شبكة الجزيره , قناة الريان , بي ان سبورت)؟؟

تطفيش وتهميش!!
ناس مايملكون الا "الاعداديه" وصاروا مدراء ومؤهلهم الوحيد "النفاق والتملحس"؟؟؟؟

مؤخرا في احدى الجهات المذكوره أعلاه تم تهميش واحد من المهندسين القطريين؟؟؟؟؟؟

[أسد الجزيرة]

^ ^ ^

كيف الوضع الان سمعنا انه القناة تم الاستغناء عن الكثيرين من الاجانب خصوصا من المدراء الكبار

[وحيد-الشوق]

قناة ج بس كل مكان وانت الصادق