زحمة غير طبيعة والشوارع متوقفة

[brooq]

ما الذي يحدث .. هل بسبب زيارة الملك سلمان لمدة يوم!!؟

عجل كيف لو كأس العالم اللي راح يستمر لمدة شهر!؟

ألم يأن الأوان لرصف طرق سريعة داخل مدينة الدوحة؟

الله المستعان

[MAZEN37]

انا وقفت ساعه قبل الدوار وقطع فيني البترول وتبهدلت

[المحاميه]

اخوي الزحمه وين؟؟؟

[brooq]

اخوي الزحمه وين؟؟؟

في كل شوارع الدوحة بدون استثناء .. من شرقها لين غربها .. لا تخفى على ذي بصر.

اللهم طولك يا روح.

[بانغ بانغ]

دار الملك لو وين يبي

المشكلة في ربعنا اللي ما خططوا البلد حق اي كوارث او طوارئ

نزلت موضوع سابق على بطولة السياكل نفس العملية

[بنت شرق]

نريد حلا للزحمة اشدعوه نوصل بيوتنا على أذان المغرب

[.قطر.]

اليوم من جسر الخريطيات لين اشارات التضامن خذيت ساعه :eek5:

[bohilal191]

نعم بسبب زيارة الملك سلمان لأن الكورنيش مسكر

[R 7 A L]

الزحمة من امس مالها علاقة بزيارة الملك
امس واليوم طريق سلوى السريع من دوار الصناعية لين اشارات رمادا واقف

[المحاميه]

الله يرحمنا برحمته
شي ينرفز صراحه

[Rider]

على راسنا حكامنا بس نبغي حد يحس فينا فعلا تعبنا معاناه ليش مايكون فيه شي ثاني غير تسكير الشوارع ترى حنا بشر لنا طاقة مثلا اليوم ليش مايخلون موظفين الابراج يطلعون بدري مادام عارفين انهم بيسكرون الكورنيش الله يفرجها

[المحاميه]

الله المستعان
الله يسهلها

[R 7 A L]

على راسنا حكامنا بس نبغي حد يحس فينا فعلا تعبنا معاناه ليش مايكون فيه شي ثاني غير تسكير الشوارع ترى حنا بشر لنا طاقة مثلا اليوم ليش ماخلون موظفين الابراج يطلعون بدري مادام عارفين انهم بيسكرون الكورنيش الله يفرجها

اقتراح ممتاز
المفروض يطلعونهم في مثل هالمناسبات بدري



انصح اي واحد قبل لا يطلع اي مكان انه يستخدم قوقل ماب ويشوف هل الطريق الي بيروح له زحمه ولا لا

[وسمي2016]

واحد من الربع طلع من الدوام شارع حمد الساعه 4 وصل بيتهم
فالسد 5 ونص,,,,,يقول الشوارع مأساه,,,crazy,,,,

[وسمي2016]

احسن حل سياكل و بطابط,,,,,,:yawn:,,,,,

[بوخميس]

من كم يوم بروفات حق استقبال الملك سلمان

خذت في الكورنيش ساعتين إلا ربع

[pink pearl]

الوضع صاير لايطاق، والله فعلا مب قادرة أطلع من الزحمة..... بالنسبة لي صار الوضع معاناة يومية!!!

عندي أمور آبي أخلصها مب قادرة!!! بس لازم المسؤولين يدرسون أسباب الزحمة ويحاولون يحطون لنا حلول

حتى لو حلول مبدئية! مثلا يقسمون دوامات الموظفين والطلاب والمدارس أو يوقفون إصدار الليسن مؤقتا، يشجعون على استخدام الباصات ..... وغيره

الحلول المبدئية كثيرة والله بس يبي لها حد يلتفت للمشكلة أساسا!!!!


الله المستعان والله في بعض الناس أعرفهم يتريقون ويتغدون ويقرون جريدة بالسيارة!!!!

[ضوى]

زميلتي في الدوام توها مطرشه عالقروب انا داشه البيت من شوي تقول بالغلط راحت من سوق واقف ويحولونها طريق السيتي سنتر بيتها في الوكرة تعذبت فقيرة الله لطف بحالها راعيه سكر

[.قطر.]

احسن حل سياكل و بطابط,,,,,,:yawn:,,,,,

يبيله بطبطه
بس المشكله الثوب والغتره :nop:

[R 7 A L]

الحل للفترة المقبلة مع انه مزعج بس مافيه الاهو
هو عدم تجديد وعدم صرف رخص قيادة لموظفين الشركات (العزابية )

[.قطر.]

يبيله مايباخ مع سواق وخلك قاعد ورا وانسى هم الزحمه :playball:

[غير البشر]

https://twitter.com/qa6ar911/status/805823348743802880

[بريق الحق]

للاسف والله مادري شراح يصير يبون يفتحون القطار بسرعه عشان يخففون الزحمه
صج صج زحمه ياناس حادث واحد يصكر مداخل المنطقه كلها مافي طرق بديله مادري ليش كل شي في مكان واحد عندنا ارض قطر كبير وأكثرها صحراء ليش مجمعين كل شي في مكان واحد
ليش المدارء مايراعون الموظفين الي حياتهم صارت كلها فالدوام
الخط ساعه والدوام ثمان ساعات والرجعه ساعتين والله مادري شقول مافي حياة خلاص دوام بيت نوم
الله يصبرنا ونستغله فالاستغفار

[ابوالعبد]

هههه اليوم خلصت دوام ظ£ ونص قسم بالله دوامي لين بيتي فقط نص ساعه الايام العاديه اليوم خذت ساعتين تقريات يارب يسون اندر قراوند صدقوني بترك سياره ىبركب الاندر قراوند منها نقلل زحمه واوصلبسرعه ومنها اوفر بترول

[القلب المؤمن]

انا بستعد لبكره باخذ غداي معاي من الصبح ، يمكن الملك سلمان بيسافر :))

[شموخ دائم]

,

,


مرحبا


انا علقت اليوم المغرب وانا على طريق الشمال متجه للدوحه ساعتين
وما وصلت للمكتب للأسف
دخلت اقرب مول ارتاح وشربت قهوه ورجعت البيت والله
:con2:

,

,

[بنت شرق]

مادام في ضيف مهم وغالي على البلد يعطونا اجازة وخلاص مادام هم عارفين مافي طاقة استيعابية للشوارع عندنا
ماراح اطيح السما على الأرض لو خذنا يوم اجازة

[الحياة الخالدة]

وانا اليوم من مستشفى حمد للمعمورة ساعتين الا ربع

[غير البشر]

مادام في ضيف مهم وغالي على البلد يعطونا اجازة وخلاص مادام هم عارفين مافي طاقة استيعابية للشوارع عندنا
ماراح اطيح السما على الأرض لو خذنا يوم اجازة


الزحمه كل يوم ومن زمان ماله علاقه الضيف

[بنت شرق]

الزحمه كل يوم ومن زمان ماله علاقه الضيف
ما اعتقد الي اتقوله صح ، لأنه الطريق اليوم مسكرينه وكل يوم المرور فيه عادي
الزحمة كل يوم معقولة اليوم بزيادة

[معماري قطري]

الزحمة من امس مالها علاقة بزيارة الملك
امس واليوم طريق سلوى السريع من دوار الصناعية لين اشارات رمادا واقف

وهذا للحين ما انفتح مشروع مشيرب قلب الدوحة ما ادري قلب تعني Heart أو تعني Overturn إنقلب يعني

[معماري قطري]

وانا اليوم من مستشفى حمد للمعمورة ساعتين الا ربع

اف وايد والله قبل بعض الناس يوصلون الحسا كله دوس

[كيلو حديد]

حروة الساعتين
من الخليج الغربي لمسيمير

[khaldoon]

الحين من ابو سمره لدوار الصناعية تاخذ معاي 40 دقيقه
(تقريب 90 كيلو) و من دوار الصناعية لدوار مدماك (تقريبا 7 كلو) تاخذ معاي 45 دقيقه!!!!!!.....والله حرام

[عطر فرنسي]

من الهلال لين الدفنه امس طالع 3 واصل 5 ونص الله المستعان

[Abu Mahmoud]

امس الزحمة من الخريطيات لين دوار القومسيون الطبي طريق الصناعية

والسيارات لاصقة ورا بعض تتحرك بصعوبة .. سبب الزحمة وتكدس السيارات ليه لا ادري ...

وكل الطرق المقابلة لطريق 22 فبراير نفس الوضع .. لبعد الساعة 8 ليلاً

[Abu Mahmoud]

حروة الساعتين
من الخليج الغربي لمسيمير

لاننا من الخليج الغربي لغاية مسيمير نمر على كل شوراع الزحمة

[Dana’1]

للأمانه الزحمه من قبل زيارة الملك سلمان،، علقنا بالسد من عند السنتر بوينت واضطرينا نطلع لطرق ما نبغاها بس عشان نفتك من الزحمه ظنينا ان الزحمه بس بالطرق الداخليه عشان المحلات التجاريه رضيق الشارع وتفاجأتا إن الزحمه من الشوارع الخارجيه الي صوب مجوهرات الماحد والصالون الازرق وقوف ما يتحركون الا عقب الشين اعوذ بالله
وطبيعي تزيد الزحمه وقت تسكير الشوارع للمواكب عموما مثل ماحصل

وتو الناس ،،،الله مير يفرجها

[qatari911]

من الشرتون طالع الساعه 5 لغاية 8 مساء لحد ماوصلت المطار القديم
والمشكله يفتحون الشارع لك ولما تطلع تحصل شرطي اخر الشارع مسكر الشارع ويقول ارجعو يوتيرن لنفس الشارع الي جيت منه ويكون زحمه ؟؟!!!

[الدوحه1]

هل شوارع الدوحه الحاليه قادره على استيعاب حوالي 600 الف سياره؟؟؟؟؟؟

لو بس صفينا 300 الف سياره ورا بعض فهم بحاجه الى حوالي 1,500 كم يعني حوالي 750 كم شارع مسارين؟؟؟

[معماري قطري]

الحين من ابو سمره لدوار الصناعية تاخذ معاي 40 دقيقه
(تقريب 90 كيلو) و من دوار الصناعية لدوار مدماك (تقريبا 7 كلو) تاخذ معاي 45 دقيقه!!!!!!.....والله حرام

شوف المهندس الفذ والإداري الفذ اللي سوى طريق سلوى 5 حارات في البر تقل كلما وصلت داخل وتتعقد المخارج .. والمخارج مرتبطة بالدخول لطرق رئيسية والمفروض خط واحد جسر انسيابي خروج من سلوى بدون توقف ودخول في الشارع اللي تبيه

[معماري قطري]

انتوا شباب ما شاء الله عليكم استمتعوا في شوارع قطر وخلوا المتقاعدين وشبه المتقاعدين مثلي يرتاحون

[شيخ الديرة]

شوف المهندس الفذ والإداري الفذ اللي سوى طريق سلوى 5 حارات في البر تقل كلما وصلت داخل وتتعقد المخارج .. والمخارج مرتبطة بالدخول لطرق رئيسية والمفروض خط واحد جسر انسيابي خروج من سلوى بدون توقف ودخول في الشارع اللي تبيه

هل تتوقع المهندس الفذ حصل ما يريد لكي ينفذ ما يريد ؟ تعرف قصدي

[الماريّة]

الحل لاتطلعون خلكم في بيوتكم ^_^


بالنسبه لروحت الدوام انا اطلع بدري 6 الا ربع والحمدالله ماصادف زحمه كلش
اوصل دوامي ان تاخرت 6 وربع او وثلث مع العلم اني اجي من طريق الشمال
فوق جسر سوق العلي لين الدوحه

يعني طلعوا بدري وتفتكون من الزحمه

بس الظهر في الرده شوي اتاخر عند جسر سوق العلي
تقريبا يبي لي ربع ساعه

والله المستعان

[captin]

المفروض امس الكل يغني اغنية

زحمة يا دنيا زحمة
زحمة ولا عاد شي رحمة
زحمة وتاهوا الحبايب :)

[معماري قطري]

هل تتوقع المهندس الفذ حصل ما يريد لكي ينفذ ما يريد ؟ تعرف قصدي

سؤالك في الصميم وهنا مشكلة أشغال أعتقد .. لازم عندهم مخططين يخططون صح ويشوفون المشكلة قبل لا تقع

[shadad]

الحل للفترة المقبلة مع انه مزعج بس مافيه الاهو
هو عدم تجديد وعدم صرف رخص قيادة لموظفين الشركات (العزابية )

طيب ولو ما انحلت المشكلة وانا متأكد من جهتي انها ما بتنحل لان قطر قبل 5 سنين غير الحين وفي كثير من العوائل دخلوا البلد غير ازدياد السكان الطبيعي اللي ما يدخل فيه الوافدين ؟ اعتقد ان الحل الافضل واللي طرحه لنا مدرس العلوم الاجتماعية ايام الاعدادية وقتها الله يذكره بالخير - دوم يعطينا اسئلة بنهاية الحصة تخلي الواحد يتوهق فيها وما يراعي عمرنا ههههه - ان من افضل الحلول هو نقل العاصمه برا الدوحه لانها خلاص فعلا ما صارت تستوعب. شوف الكلام هاي قبل اكثر من 15 سنة ونصحنا فيها. وهذه تحل الزحمه بالاضافة الى زيادة او تسريع الازدهار في المناطق الثانيه.

الحين تلقى الواحد يهدم بيته وعادي يبني عمارة 3 طوابق او اربع بدون مراعاة لموضوع الباركنات وبدال المنطقه او المربع اللي كان فيها موترين على بيت صارت نفس المساحه بس بزايدة 7 او 8 سيارات لان التوسع حق صاحب العقار صار عمودي ما هو افقي . يعني عادي اللفة اللي بالفريج تدش فيها وانت مرتاح بثواني بعد 4 او 5 سنين تحصل زحمه مو طبيعية فيها.

والسموحه طولت عليك :)

[معطاب]

والله مفروض على الاقل يغيرون دوام المدارس يطلعون 12 ونص على الاقل نفتك من زحمه الظهر لاكن زحمه الظهر وفي الليل ماساه

[ya3coub]

الحل للفترة المقبلة مع انه مزعج بس مافيه الاهو
هو عدم تجديد وعدم صرف رخص قيادة لموظفين الشركات (العزابية )

أختلف و اعترض معاك أخوي 100% <<< السموحة هاي رابع رد اكتب اني اختلف مع رأي الكاتب نفسه شكلي صرت شوية سلبي
ما يصير نحرمهم و عقب انقول ساكنين صوب العوائل ترا كلنا كنا فيوم من الأيام عزاب فبلادنا او الي تغرب برع و في الي ليلحين عزاب بالعكس مساكين تلقاهم ببيكم الشركة مار على ربعه و رايحين البحر من الجمعه الصبح اليوم الوحيد الي عندهم اجازة يبون يرتاحون من الشغل و من الناس ترا حتى اهم يبون الفكة منا شعور متبادل.


وانا اليوم من مستشفى حمد للمعمورة ساعتين الا ربع

عيل يا رب انه ما شفتي عفيسة اليوم الصبح الي ساعتين من مطعم بيروت لين لوسيل << قلت ناقع ناقع فالزحمة خل اخذ تيك اواي من بيروت الي فبن محمود


امس الزحمة من الخريطيات لين دوار القومسيون الطبي طريق الصناعية

والسيارات لاصقة ورا بعض تتحرك بصعوبة .. سبب الزحمة وتكدس السيارات ليه لا ادري ...

وكل الطرق المقابلة لطريق 22 فبراير نفس الوضع .. لبعد الساعة 8 ليلاً

اعوذ بالله من كلمة انا امس بغيت اسوي حادث على الجسر الي من لوسيل و ينزل على جسر الشمال من الزحمة و تلاها نقعه إلى الساعه 9 إلا ربع يمكن دخلت البيت و انا متيقن لو اني جربت اي طريق مختصر غير 22 فبراير كان ما وصلت البيت قبل 9 ونص. مع العلم انه شارع واحد للبيت الهايواي و بس


من الشرتون طالع الساعه 5 لغاية 8 مساء لحد ماوصلت المطار القديم
والمشكله يفتحون الشارع لك ولما تطلع تحصل شرطي اخر الشارع مسكر الشارع ويقول ارجعو يوتيرن لنفس الشارع الي جيت منه ويكون زحمه ؟؟!!!
هذا ما حصل معاي اليوم الصبح و انقههههههههههرت تحويل المرور فبن محمود للدوار مال بيبي شوب او ما يسمى نفق المناعي سابقا. إغلاق المخارج الخلفية لمستشفى رميله,زحمة غير طبيعية لما توصل صوب الديوان يطلب منك تسوي يوتيرن و ترجع لإشارات نفس مستشفى حمد الي شارد منه بسبب الزحمة لتكتشف بنفسك انهم سبب الزحمة المتساوية من 4 مسارات :yes::eek2:
عساهم عالقوة بس امنيتي لو اعلنو انا ما شفت إلا سنابات من الشباب مصورين التلفزيون اما اجواء الإحتفالات الي صارت ما عرفت عنها ولا حسيت فيها إلا من اخبار المنتدى و السناب ياهلا و مرحبا بكل ضيوفنا انشيلهم عالراس و العين بس تكفون خلو الشوارع مفتوحه و سكرو الأهم و ما حول الديوان فقط او عجلو فالطرق البديله و ادعمو يالي بيدكم كلشي المشاريع الحالية سوائا ماديا او استشاريا او فالتصاميم ولا تتأخرون عالمقاول لما يكون في تدقيق و قبل التدقيق دعم لإنهاء المشاريع بأسرع وقت مو لوم بعض كلشي بينتهي بسلاسه و سهوله


الحل لاتطلعون خلكم في بيوتكم ^_^


بالنسبه لروحت الدوام انا اطلع بدري 6 الا ربع والحمدالله ماصادف زحمه كلش
اوصل دوامي ان تاخرت 6 وربع او وثلث مع العلم اني اجي من طريق الشمال
فوق جسر سوق العلي لين الدوحه

يعني طلعوا بدري وتفتكون من الزحمه

بس الظهر في الرده شوي اتاخر عند جسر سوق العلي
تقريبا يبي لي ربع ساعه

والله المستعان

أختي المارية انتي ماشاء الله عليج من اصحاب الفجر و من الي دواماتهم ان ما خاب ظني حكومية او شبه حكومية يعني تجين بدري تطلعين بدري او على ماقالو مرتاحه

الله يزيدج يا رب من خيره و من الراسحه و سعه البال و يهدينا لقومة الفجر اليومية.
انا اذا اطلع 6 إلا ربع بكمل 12 ساعه فالمكتب ما تسوى عل و فالطلعه او الرجعة بنقع عالأقل ساعه.


تخيلي نفسج عندج مشوار فالليل او حول المغرب إلى الدوحة نفس الشارع بياخذ منج عالأقل 30 دقيقة

[معماري قطري]

وبعد لو مكانه إخوي شيخ الديرة كان قلت مب لاعب معاكم

الهندسة مب بس رأي ضعيف الهندسة حجة وبقوة ووراها دلائل علمية لكن لو كان المسؤول ضعيف الكل بيمشي رايه

[معماري قطري]

طيب ولو ما انحلت المشكلة وانا متأكد من جهتي انها ما بتنحل لان قطر قبل 5 سنين غير الحين وفي كثير من العوائل دخلوا البلد غير ازدياد السكان الطبيعي اللي ما يدخل فيه الوافدين ؟ اعتقد ان الحل الافضل واللي طرحه لنا مدرس العلوم الاجتماعية ايام الاعدادية وقتها الله يذكره بالخير - دوم يعطينا اسئلة بنهاية الحصة تخلي الواحد يتوهق فيها وما يراعي عمرنا ههههه - ان من افضل الحلول هو نقل العاصمه برا الدوحه لانها خلاص فعلا ما صارت تستوعب. شوف الكلام هاي قبل اكثر من 15 سنة ونصحنا فيها. وهذه تحل الزحمه بالاضافة الى زيادة او تسريع الازدهار في المناطق الثانيه.

الحين تلقى الواحد يهدم بيته وعادي يبني عمارة 3 طوابق او اربع بدون مراعاة لموضوع الباركنات وبدال المنطقه او المربع اللي كان فيها موترين على بيت صارت نفس المساحه بس بزايدة 7 او 8 سيارات لان التوسع حق صاحب العقار صار عمودي ما هو افقي . يعني عادي اللفة اللي بالفريج تدش فيها وانت مرتاح بثواني بعد 4 او 5 سنين تحصل زحمه مو طبيعية فيها.

والسموحه طولت عليك :)

يا اخوي شوف طريق روضة راشد اللي مكلف نص مليار .. زرعوا وسطه ست دوارات مب دوار وتحصلهم كبار كبر راسهم وكبر مضمار سباق الصناعية اللي يقدر يدخل فيه محظوظ

المشكلة في العقليات مب في الإمكانيات

كله معتمدين النظام الدائري والدوار

[Qtr37]

الحل لاتطلعون خلكم في بيوتكم ^_^


بالنسبه لروحت الدوام انا اطلع بدري 6 الا ربع والحمدالله ماصادف زحمه كلش
اوصل دوامي ان تاخرت 6 وربع او وثلث مع العلم اني اجي من طريق الشمال
فوق جسر سوق العلي لين الدوحه

يعني طلعوا بدري وتفتكون من الزحمه

بس الظهر في الرده شوي اتاخر عند جسر سوق العلي
تقريبا يبي لي ربع ساعه

والله المستعان

يمكن دوامج 6 ونص، اللي دوامه 7 ونص ليش يطلع 5 ونص؟؟؟؟
من 6 ونص نطلع علشان يمكن نوصل 7 ونص ويمكن نتأخر، ونطلع 2 ونص الظهر واوصل البيت 3 ونص اذا الشوارع طبيعيه واذا غير طبيعيه الله اعلم متى نوصل!! الحمدلله على كل حال لكن احنا بشر ونتعب وطاقتنا محدودة .. عل الاقل يريحونا في الطريق فقططط
الله المستعان..

[ضوى]

مب حل اني اطلع خمس ونص من البيت اخيس بنتي في المدرسة من الساعة ست عسى ماشر ؟ مب هاي الحل باي شكل من الاشكال ، في حلول عملية كثيرة وماقصروا الشباب طلعوا لهم حلول لو طبقوها والله ماعاد نشوف الزحمة لكن للأسف اذن من طين واذن من عجين ولا حياة لمن تنادي

[ضوى]

مب امس الزحمة بس اليوم بعد لا تطاق الزحمة ، شنو هذا مب معقول ابدا ، ماظن ابدا عشان زيارة الملك سلمان ، شبنسوي لين 2020 ؟؟؟

[Rider]

الحل نخف من هالوافدين غير هالحل مافيه صدقوني انا متاكد بعضهم زيادة عدد

[ضوى]

الحل نخف من هالوافدين غير هالحل مافيه صدقوني انا متاكد بعضهم زيادة عدد

والله ياخوي رايدر مب هاي الحل في حلول جذرية تساهم بحل هالازمة ، الزحمة خنقتنا فعلا ، ليش اللكل عنده ليسن ؟ لازم تقنين منح الليسن للوافدين واصحاب المهن العادية ، تقليل عدد السيارات ضروري ؟ شسوى هذا مدير المرور العلي اللي في الكويت ؟ سيارة لكل وافد مع عايلته يقولون نتايج هالقرار كانت رائعة صعب تطبيقه عندنا ؟ ممكن سيارات موديل 2000 ونازل تنعدم مايكون لها وجود ، مسارات للباصات والشاحنات ، عيل باص اشكبره والا شاحنة جدامنا واقفة عند دوار مدماك ؟؟ هاي كلام !! ولحد يقولي ممنوع جدامنا والمرور واقف ولا خالفهم ولا طلب منهم يوقفون على جنب هذي مايسبب زحمة وعرقلة للمرور؟

[شيخ الديرة]

ضوى http://www.qatarshares.com/vb/image.php?u=9292&dateline=1384682682 زعلانة بدون شك.

ليس هناك حلول سحرية او سريعة، كل مدن العالم مرت بهذه المشاكل في مراحل توسعها، علينا ان نجد بدائل للرحلات غير الضرورية، تحمل بعض المضايقات، والمزيد من باكيتات السنيكرز بالسيارة :thumbup1:

[معماري قطري]

أُم العيال دوامها 7 تطلع 5 ونص شاك فيها يمكن حولت عسكرية

[معماري قطري]

ضوى http://www.qatarshares.com/vb/image.php?u=9292&dateline=1384682682 زعلانة بدون شك.

ليس هناك حلول سحرية او سريعة، كل مدن العالم مرت بهذه المشاكل في مراحل توسعها، علينا ان نجد بدائل للرحلات غير الضرورية، تحمل بعض المضايقات، والمزيد من باكيتات السنيكرز بالسيارة :thumbup1:

ما عشت فترة في أمريكا كان بتشوف الحلول السحرية شلون

يعتبرون نيويورك نموذج غلط ما يتكرر في المدن الثانية ونيويورك وهي بكامل طاقتها ما فيها زحمة الدفنة وهي بربع طاقتها

[المحاميه]

القطريين عددهم قليل

الزحمه من الاجانب

[شيخ الديرة]

ما عشت فترة في أمريكا كان بتشوف الحلول السحرية شلون

يعتبرون نيويورك نموذج غلط ما يتكرر في المدن الثانية ونيويورك وهي بكامل طاقتها ما فيها زحمة الدفنة وهي بربع طاقتها

عشت هناك اكثر مما تتوقع

اول الحلول هو تقييد متطلبات الراحة لانها ضد الكفاءة، ممنوع دخل السيارات التي داخلها اقل من راكبين، اجور عبور غالية، مواقف تكلف اكثر من ليلة بالفندق، هاي اذا تقصد منهاتن

[متواصل]

الحين الزحمة خفت ولا زادت ؟؟
لاني بروح مشوار بعد العصر
عشان اهون وأأجل لين يوم ثاني اذا زحمة

[شيخ الديرة]

الناس لما تواجه مشكلة هناك، تضطر ان تغير نمط معيشتها بطرق قد لا يمكن القيام بذلك هنا. اعرف كثير كان عنده بيت كبير على اطراف المدينة، لكنه مؤجر شقة قريبة على شغله لأيام الدوام.

المهم انه لا نقارن بدون الأخذ بنظر الاعتبار ثقافات ومتطلبات وتوقعات الشعوب.

[ضوى]

الحين الزحمة خفت ولا زادت ؟؟
لاني بروح مشوار بعد العصر
عشان اهون وأأجل لين يوم ثاني اذا زحمة

زايدة زايدة وبشكل مستفز

[متواصل]

زايدة زايدة وبشكل مستفز

شكرا على المعلومة

[why me]

الكورنيش كيف اموره ياجماعة الخير

[Rider]

والله ياخوي رايدر مب هاي الحل في حلول جذرية تساهم بحل هالازمة ، الزحمة خنقتنا فعلا ، ليش اللكل عنده ليسن ؟ لازم تقنين منح الليسن للوافدين واصحاب المهن العادية ، تقليل عدد السيارات ضروري ؟ شسوى هذا مدير المرور العلي اللي في الكويت ؟ سيارة لكل وافد مع عايلته يقولون نتايج هالقرار كانت رائعة صعب تطبيقه عندنا ؟ ممكن سيارات موديل 2000 ونازل تنعدم مايكون لها وجود ، مسارات للباصات والشاحنات ، عيل باص اشكبره والا شاحنة جدامنا واقفة عند دوار مدماك ؟؟ هاي كلام !! ولحد يقولي ممنوع جدامنا والمرور واقف ولا خالفهم ولا طلب منهم يوقفون على جنب هذي مايسبب زحمة وعرقلة للمرور؟

اختي ضوى سالتي نفسج ليش كل واحد يجي عندنا اول حلم يبغي يحققه هو رخصة السواقه بعدين يبلشنا بعمره في الشارع وسواقه الله بالخير معقوله كل هالعداد محتاجين رخصة السواقه بعدين مثل ماذكر احد الاخوان ليش مايكون هناك قانون يمنع الاجانب من امتالك اكثر من سيارة يعني العائله كلها تسوق ليش فالنهاية كم باقي عن كاس العالم

[شيخ الديرة]

الكورنيش كيف اموره ياجماعة الخير

كثير عندهم نفس السؤال، نحتاج شي مثل هذا اللي بالصورة، حتى يقل الازدحام لان اكثر الناس تقول لو ادري ازدحام ما جيت
https://lh4.ggpht.com/ZDl92V39bEwCV9Fcsc9XWwY4r2Sl2wXzRNGYhhTN2Si3Gb2Yle wHmN9D4DuJJ3B5zu0l=h900

[الماريّة]

يمكن دوامج 6 ونص، اللي دوامه 7 ونص ليش يطلع 5 ونص؟؟؟؟
من 6 ونص نطلع علشان يمكن نوصل 7 ونص ويمكن نتأخر، ونطلع 2 ونص الظهر واوصل البيت 3 ونص اذا الشوارع طبيعيه واذا غير طبيعيه الله اعلم متى نوصل!! الحمدلله على كل حال لكن احنا بشر ونتعب وطاقتنا محدودة .. عل الاقل يريحونا في الطريق فقططط
الله المستعان..

لا دوامي حكومي يبدأ 7 ونص

بس احب ابكر بجميع اموري

وفي حديث الرسول عَنْ صَخْرٍ الْغَامِدِيِّ رَضِيَ الله عَنْهُ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ
: "اللَّهُمَّ بَارِكْ لِأُمَّتِي فِي بُكُورِهَا". أخرجه الطبرانى

والله من تميت اطلع بدري وانا مرتاحه نفسيا اجي من وهل ارتب مكتبي وابخره
واخذ قهوتي واتم اشتغل والحمدالله احس بطاقه وحيويه وراحه

غير لما اتاخر بيوم يضيق خاطري

جربوا وادعوا لي :)

[المحاميه]

لا دوامي حكومي يبدأ 7 ونص

بس احب ابكر بجميع اموري

وفي حديث الرسول عَنْ صَخْرٍ الْغَامِدِيِّ رَضِيَ الله عَنْهُ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ
: "اللَّهُمَّ بَارِكْ لِأُمَّتِي فِي بُكُورِهَا". أخرجه الطبرانى

والله من تميت اطلع بدري وانا مرتاحه نفسيا اجي من وهل ارتب مكتبي وابخره
واخذ قهوتي واتم اشتغل والحمدالله احس بطاقه وحيويه وراحه

غير لما اتاخر بيوم يضيق خاطري

جربوا وادعوا لي :)

صادقه
هذا اسلوبي
ولله الحمد مرتاحه
وغيري يجي متأخر وهو مستضيق :)

[shadad]

يا اخوي شوف طريق روضة راشد اللي مكلف نص مليار .. زرعوا وسطه ست دوارات مب دوار وتحصلهم كبار كبر راسهم وكبر مضمار سباق الصناعية اللي يقدر يدخل فيه محظوظ

المشكلة في العقليات مب في الإمكانيات

كله معتمدين النظام الدائري والدوار

هههههههههههه ...

اعتقد الدوار خلاص في الاماكن اللي مسويه زحمه لازم يقلب اشارة .

[العقل المدمر]

امس حسيت بالام وانا فمستشفى حمد قلت بروح البيت ارتاح شوي لان عندي شغل
عاد من شفت الزحمة وانصدمت قعدت اغني الله يا عمري قطر من القهر اللي فيني :cry2:
وخلصت تدريباتي الشاقة والسيد ما يمشي وختمت الاغاني الوطنية وللحين فمكاني
قلت مالي الا الجوال اتصل واهذر وافضفض واسال الناس انتوا وين عشان يخف همي
وخلصت سوالفي والبيت للحين بعيد والناس سحبوا علي وشفت الكتاب يمي قلت يلا اقرا شوراي
وخلصت 20 صفحة وفجاة وصلت شارع غريييب حسيت نفسي في حلم .. لقيت الشارع جدامي فاضي
وصرت امشي وامشي واحس من زمااااااان ماسقت ومن الوناسة قررت اطلب لي فاست فود مكافأة على صبري
والحمد لله وصلت البيت عقب ساعتين الا ربع والالام اختفت وشغلي اضطريت اتاخر عليه وبس والله :yawn:

[المحاميه]

امس حسيت بالام وانا فمستشفى حمد قلت بروح البيت ارتاح شوي لان عندي شغل
عاد من شفت الزحمة وانصدمت قعدت اغني الله يا عمري قطر من القهر اللي فيني :cry2:
وخلصت تدريباتي الشاقة والسيد ما يمشي وختمت الاغاني الوطنية وللحين فمكاني
قلت مالي الا الجوال اتصل واهذر وافضفض واسال الناس انتوا وين عشان يخف همي
وخلصت سوالفي والبيت للحين بعيد والناس سحبوا علي وشفت الكتاب يمي قلت يلا اقرا شوراي
وخلصت 20 صفحة وفجاة وصلت شارع غريييب حسيت نفسي في حلم .. لقيت الشارع جدامي فاضي
وصرت امشي وامشي واحس من زمااااااان ماسقت ومن الوناسة قررت اطلب لي فاست فود مكافأة على صبري
والحمد لله وصلت البيت عقب ساعتين الا ربع والالام اختفت وشغلي اضطريت اتاخر عليه وبس والله :yawn:

ههههههههههههههههههههه

اشكرج على السرد العجيب :thumbup:

[فيصل99]

انا امس الساعه 2 من الشيراتون لي مدينة خليفة خذت ساعه وربع بالضبط
ارتفعت حرارة موتري بسبة انه الموتر واقف
الزحمة من اشارة لي اشارة
والسيد واقف

[ضوى]

ابشركم من اشارات السد لين الوعب سالك

[خالد31]

ابشركم حول مستشفى الرميلة ومدينة حمد الطبية افتحت الطريق وكل شي عاد لطبيعته

[معماري قطري]

عشت هناك اكثر مما تتوقع

اول الحلول هو تقييد متطلبات الراحة لانها ضد الكفاءة، ممنوع دخل السيارات التي داخلها اقل من راكبين، اجور عبور غالية، مواقف تكلف اكثر من ليلة بالفندق، هاي اذا تقصد منهاتن

ذكرت إن نموذج منهاتن ما يكررونه درس وتعلموه خلاص وحفظوه لكن تعال للمدن الثانية وشوف كيف تتطور

بس بعد نيويورك ما صبروا وسووا حلول كثيرة لها

[معماري قطري]

هههههههههههه ...

اعتقد الدوار خلاص في الاماكن اللي مسويه زحمه لازم يقلب اشارة .

لازم يقلب اشارة بدون دوار بميدان واسع وحسب الحاجة ممكن يسوون جسور بدون إشارات خصوصاً للتقاطعات المفصلية واللي عليها ضغط

[معماري قطري]

ابشركم حول مستشفى الرميلة ومدينة حمد الطبية افتحت الطريق وكل شي عاد لطبيعته

استوينا نستبشر بانفكاك الزحمة مثل استبشارنا بالمطر

الله يعيننا

[معماري قطري]

الناس لما تواجه مشكلة هناك، تضطر ان تغير نمط معيشتها بطرق قد لا يمكن القيام بذلك هنا. اعرف كثير كان عنده بيت كبير على اطراف المدينة، لكنه مؤجر شقة قريبة على شغله لأيام الدوام.

المهم انه لا نقارن بدون الأخذ بنظر الاعتبار ثقافات ومتطلبات وتوقعات الشعوب.

الا بنقارن وليش تحكم على المقارنة إنها خاطئة كلها تعتبر حلول

حتى القطريين بعضهم مستأجرين شقق وبيوت قريبة بس مشكلتنا الزحمة في كل مكان وأوقات ما تتحرك .. والمشكلة الأكبر الحلول بدائية

[غير عنهم]

انا والله العظيم مستغرب من المسؤولين في الطرق والبنيه التحتيه مافيه عقليه تساعد البلد بأنشاء طرق بديله تكون متنفس للمقيم والزائر و وجهه مشرق للبلد

[بنت شرق]

اليوم احسن من امس بس ياليت يخططون افضل إذا عندهم مناسبات اشلون بتكون انسابية الشوارع

[ya3coub]

https://s11.postimg.org/t3ipa3eoj/1481030314870135013241.jpg


نصيحه لحد يحاول يختصر

https://s4.postimg.org/kgk4nacj1/1481030497337222977950.jpg

اتحفونا بمعاناتكم

للاسف صبعي العود خرب الصور الاخيره كانت تبين الزحمه بكل المساراتمع النزله و علبال ما صورت هاي ما يبين شي

https://s15.postimg.org/3xt0a5z23/14810306450262060922722.jpg

[شيخ الديرة]

الا بنقارن وليش تحكم على المقارنة إنها خاطئة كلها تعتبر حلول

حتى القطريين بعضهم مستأجرين شقق وبيوت قريبة بس مشكلتنا الزحمة في كل مكان وأوقات ما تتحرك .. والمشكلة الأكبر الحلول بدائية

أخوي

لا يخفى عليك انك الحلول التقنية والهندسية لا تختلف من دولة الى أخرى, حلول موحدة, مثل الجسور والأنفاق وغير ذلك....

لكن, هناك حلول غير هندسية لا يمكن استنساخها بسهولة, حسب نظرة الشوب لتلك الحلول..

على سبيل المثال, لتقليل الازدحام في الشوارع الداخلية بالدوحة في الدفنة مثلا, يمكنك رفع مستوى اجور المواقف في تلك المنطقة, وعليه يضطر الشخص الى ايجاد حلول أخرى, مثل مشاركة شخص أخر في نفس السيارة في التوصيل والمواقف...

ولكن هذا لا يمكن الترحيب به هنا مطلقا, في الوقت الحالى على الأقل

هذا ما كنت اقصده بعدم المقارنة , اقصد الأمور اللا هندسية, لان لا يمكن للحلول الهندسية وحدها ان تؤدي الغرض

[سليمان احمد]

هو واحد من اثنين اما ان المسئولين يتنقلون في طيارات ولا يشوفون اللي نشوفه ونعانيه
واما ان المسئولين وصلوا الى قناعه ان الحلول باتت مستحيله وان اللي يصير من توسعه
وحلول فقط لذر الرماد في العيون وعشان عيون الشركات اللي لها اكثر من 20 سنه ونفس
الاخطاء تكرر الخطا اللي كان في عام 2000 هو نفسه تكرر في عام 2016 وبنفس الطريقه
انشتاين عرف الغباء تعريف خطير : وقال هو فعل نفس الشيء مرتين بنفس الاسلوب ونفس
الخطوات وانتظار نتائج مختلفه

[Rider]

ونتائج الزحمة حالات عصبية مشاجرة في الشوارع مناحس فقد للتركيز والنتيجة يا حادث يا مرقد في المستشفى

[ذيب ازغوى]

حل الزحمه هو حل مشكلة 22 فبراير

[معماري قطري]

أخوي

لا يخفى عليك انك الحلول التقنية والهندسية لا تختلف من دولة الى أخرى, حلول موحدة, مثل الجسور والأنفاق وغير ذلك....

لكن, هناك حلول غير هندسية لا يمكن استنساخها بسهولة, حسب نظرة الشوب لتلك الحلول..

على سبيل المثال, لتقليل الازدحام في الشوارع الداخلية بالدوحة في الدفنة مثلا, يمكنك رفع مستوى اجور المواقف في تلك المنطقة, وعليه يضطر الشخص الى ايجاد حلول أخرى, مثل مشاركة شخص أخر في نفس السيارة في التوصيل والمواقف...

ولكن هذا لا يمكن الترحيب به هنا مطلقا, في الوقت الحالى على الأقل

هذا ما كنت اقصده بعدم المقارنة , اقصد الأمور اللا هندسية, لان لا يمكن للحلول الهندسية وحدها ان تؤدي الغرض

فرضوا رسوم لمواقف المولات وصرنا نحصل مواقف .. كذلك مواقف المراجعين لو مخصصة فقط للمراجعين وبرسوم بنحصل مواقف

الحلول للمواقف بإقامة مواقف متعددة أدوار سهلة خصوصاً لو كانت جاهزة الصنع وعندنا شركات كبيرة وقوية تسويها وحولنا كذلك .. ما ادري ليش نبنيها بنيان تاخذ سنين لين تخلص وتطلع تصميم ثقيل ومبالغ فيه .. هندسياً صراحة إدارات أشغال والبلدية السابقة ما يتعلمون من دروس الواقع ويكررون توافه الأخطاء كثير

تكلمت عن الحمايات للطرق وقت التنفيذ وبعد التنفيذ كذلك وشفتها تنعمل للطرق المهمة واللي يمرون عليها شخصيات الدولة ولكن غيرها لا ما فيه اهتمام وهم عارفين شالصح هندسياً ما يفوتهم لكن مجاملة للمقاولين وتساهل معاهم .. نفس الشيء التوسعة سهلة والاستملاكات سهلة في بداية المشروع لكن نصبر عليها تستوي أصعب وأصعب ويقوم بنيان محاذي لرصيف الطريق وهذي مشكلة التخطيط

حتى الجهات الحكومية نحصل جهة راجعة للخلف 50 متر كحرم للطريق وهذي ملاحظة شخصية مرت علي ودخلت معمعتها .. وجهة ثانية بس 20 متر واللي يقهر محطة بترول مدنية يمكن 15 متر .. ياليت الفروق بآحاد الأمتار بالخمسات والعشرات

[معماري قطري]

حل الزحمه هو حل مشكلة 22 فبراير

ليش ما تكون خطة واضحة ومتواصلة يسوونها مختصين

الزحمة جلبت تلوث قوي للهواء بسبب عادم السيارات وهذي ليش نصبر أكثر ما نعالج العوادم بمصفيات رخيصة نطلبها في سياراتنا الجديدة ونركبها على القديمة .. حتى توفر البترول وتخفض الأصوات المزعجة

إستوى تسابق في تركيب عوادم تحرق البترول أكثر وتطلع دخان أكثر وجهاتنا للأسف المرور والفحص الفني ما لهم خص .. شاطرين لين جات سيارة بسلنسر خاص غير ملوث من دولة ثانية يطالبون بتغييره لنوع مناسب للخليج

[R 7 A L]

حالياً
الشارع من اشارات السد لين دوار الرياضة ( النساء والولادة ) متوقف
كذلك من اشارات الشورى لين دوار الرياضة متوقف

الناس الي عندها مواعيد بدري في مستشفى حمد راحت عليكم

[معماري قطري]

أمس بعد المغرب عندي موعد في عيادة الأسنان الساعة 8 وطلعت من البيت 6 و 45 وصلت هناك 7 ونص مع إني مريت في السد وكان رنج سبورت متعطل .. أمحق سيارة الرنج حد عنده رخيص للبيع

[R 7 A L]

مريت على اشارات الشورى وكان السبب حادث بسيط بدون حتى جروح بسيطة
ويقولون حادث صغير عند دوار الرياضة

يالمرور ولي يرحم والديكم شفوا لنا حل
يا انكم تخالفون الي يوقفون وحوادثهم صغيرة
يا انكم تنزلون رجال المرور للشوارع يفتحون الشوارع

[وحيد-الشوق]

ونتائج الزحمة حالات عصبية مشاجرة في الشوارع مناحس فقد للتركيز والنتيجة يا حادث يا مرقد في المستشفى

اي والله ههههههههههههه

[السفير العربي]

لا شك أننا في أزمة مستفحلة ويزداد عمقها يوماً بعد يوم ونتائجها كارثية ، قبل سنوات كان الحل علاجاً بسيطاً أما الأن فالعمليات الجراحية لاتجدي نفعاً ، وكلما تعمقت تعقدت .. حاولت اتخيل الوضع المروري في 2022 كيف سيكون ودون مبالغة وفي ظل تباطؤ مشروعات البنية التحتية ستنفلت الأمور من الأيادي .

[جبر ال جبر]

10 سنوات واحنا نكتب عن الزحمه شصار؟ الزحمه تزيد والحلول غير متوفره

[مستثمر رشيد]

لابد من وجود خبرات لوضع الحلول المناسبة

http://www.raya.com/File/Get/1bbb245a-7681-4d51-932e-a3114c8b840d

[دينالي]

انا شغلي في الابراج ورغم اني مادخلت شارع الكونيش بس قعدت اكثر من ساعتين في شارع واحد
الله يهديهم الشرطة ساعات هم اساس الزحمه وبعد الناس اللي تطلع في الاشارة وتغطي التقاطع ويبلشون اللي جايين من الصوبين

[بوخميس]

كل سنة في حوالي 100 ألف عليمي ياخذ ليسن

لا تظنون ان الزحمة راح تخف أبداً أبداً خالص خالص

[القلب المؤمن]

هالله هالله بالسياكل الهوائية توصلك شغلك اسرع وتخفف الوزن

[شيخ الديرة]

http://www.raya.com/File/GetImageCustom/0a11166e-98fe-44cc-ae6d-be28ba161821/316/235

"باريس - ا ف ب: حظرت باريس نصف عدد السيارات من التحرك في شوارع المدينة، بشكل مؤقت، وجعلت وسائل النقل العام مجانية طيلة اليوم، في إطار مكافحتها لذروة في التلوث وذكرت بلدية باريس، التي تواجه مستويات التأهب التي رفعت إلى الدرجة الحمراء منذ 30 نوفمبر، وجرى السماح فقط للسيارات التي تحمل لوحات زوجية الأرقام، بالحركة، أمس في العاصمة الفرنسية وضواحيها القريبة وينبه مسؤولو المدينة إلى أنها المرة التاسعة، هذا العام، التي تواجه فيها باريس ذروة تلوث."

المصدر الراية (http://www.raya.com/news/pages/2f762a1d-64d4-42f9-9b71-4b812138218d)

هل يمكن تطبيق هذا الأجراء في الدوحة ؟؟

[بوخالد911]

قمة المأساة.

[م ـحمد ^^]

نتيجة عدم كفاءة بعض المسؤوليـن " أنذاك " :unsure:

[معماري قطري]

http://www.raya.com/File/GetImageCustom/0a11166e-98fe-44cc-ae6d-be28ba161821/316/235

"باريس - ا ف ب: حظرت باريس نصف عدد السيارات من التحرك في شوارع المدينة، بشكل مؤقت، وجعلت وسائل النقل العام مجانية طيلة اليوم، في إطار مكافحتها لذروة في التلوث وذكرت بلدية باريس، التي تواجه مستويات التأهب التي رفعت إلى الدرجة الحمراء منذ 30 نوفمبر، وجرى السماح فقط للسيارات التي تحمل لوحات زوجية الأرقام، بالحركة، أمس في العاصمة الفرنسية وضواحيها القريبة وينبه مسؤولو المدينة إلى أنها المرة التاسعة، هذا العام، التي تواجه فيها باريس ذروة تلوث."

المصدر الراية (http://www.raya.com/news/pages/2f762a1d-64d4-42f9-9b71-4b812138218d)

هل يمكن تطبيق هذا الأجراء في الدوحة ؟؟

ياليت الجهات اللي قاست التلوث هناك تجي تقيسه هنا .. صدقني بيطلع أضعاف مضاعفة .. عندنا الكثير من السيارات تشرب بترول عن 3 من سياراتهم مع الملوثات الكثيرة في بترولنا بسبب تكنولوجيا التصفية وهذا من طريق مختصين ذاكرينه لي .. ضيف على ذلك لدانة ورطوبة الهواء في غالبية الأوقات والغبار يساهم في زيادة التلوث

[طلعة الروح]

حسبنا الله ونعم الوكيل صرنا نعاني من الشلل المروري على أقل حركه تصير في الطريق صباحا ومساءا زد على ذلك المفاجآت التي تقوم بها أشغال من تكسيرات واغلاقات مالها داعي طالت لفات الفرجان والله صرنا بالغصب نطلع من البيت عشان الدوام الي نعانى واحنا رايحين وجاين منه بسبب كل هالعوامل المذكوره

[معماري قطري]

حسبنا الله ونعم الوكيل صرنا نعاني من الشلل المروري على أقل حركه تصير في الطريق صباحا ومساءا زد على ذلك المفاجآت التي تقوم بها أشغال من تكسيرات واغلاقات مالها داعي طالت لفات الفرجان والله صرنا بالغصب نطلع من البيت عشان الدوام الي نعانى واحنا رايحين وجاين منه بسبب كل هالعوامل المذكوره

علمني مهندس طرق قطري من حملة الماجستير في الطرق إن بعض التقاطعات مصيرها للفشل خلال نقاش قديم معه وكانت توها في بداية انشاؤها وكنت مب مصدق واشكك في كلامه وشفته واقع ملموس

شيعني فشل التقاطع؟ يعني فشل مسارب الطريق من مداخل ومخارج وتكدس السيارات .. واستوينا نشوف الزحمة على تقاطع تسكر كل المسارات من 4 نحصل بس أقصى اليسار سالك والباقي يدخلون في بعض .. واللي ماسك أقصى اليمين يالله يالله يتحرك والسيارات سادة مخرج أو مدخل ثاني من طول الطابور الواقف

وصلنا لفشل طريق سريع مب فشل تقاطع والمرور يحسبون بتقليل السرعة بيحلون المشكلة وهم في تخبط كذلك مع أشغال ومع التخطيط

[بوخميس]

خلكم من زحمة الشوارع

رحت معرض الكتاب وعشان اطلع من المواقف خذت حول ساعة

دفعت فلوس المواقف قبل لا اطلع بالتذكرة

ولما وصلت بوابة الخروج يقولي تعديت الوقت المسموح للخروج، ادفع قيمة الفرقية. هاوشت الفلبيني المسكين شوي وقام فتح لي البوابة.

شالفايدة ادفع قيمة الموقف وما اقدر اطلع الا عقب ساعة؟؟ هذا والمعرض مب زحمة

شلون لو كان معرض العاب ولا معرض تجاري

[khaldoon]

http://www.raya.com/File/GetImageCustom/0a11166e-98fe-44cc-ae6d-be28ba161821/316/235

"باريس - ا ف ب: حظرت باريس نصف عدد السيارات من التحرك في شوارع المدينة، بشكل مؤقت، وجعلت وسائل النقل العام مجانية طيلة اليوم، في إطار مكافحتها لذروة في التلوث وذكرت بلدية باريس، التي تواجه مستويات التأهب التي رفعت إلى الدرجة الحمراء منذ 30 نوفمبر، وجرى السماح فقط للسيارات التي تحمل لوحات زوجية الأرقام، بالحركة، أمس في العاصمة الفرنسية وضواحيها القريبة وينبه مسؤولو المدينة إلى أنها المرة التاسعة، هذا العام، التي تواجه فيها باريس ذروة تلوث."

المصدر الراية (http://www.raya.com/news/pages/2f762a1d-64d4-42f9-9b71-4b812138218d)

هل يمكن تطبيق هذا الأجراء في الدوحة ؟؟

يعني لازم يكون عنا سيارتين على الاقل وحده ارقامها فرديه و الثانيه زوجيه و كثير ناس ما عندها هالاماكانات او اننا نقتنع بفكرة يوم اسوق السياره و يوم اركب المواصلات و الحل لو صادف يوم المواصلات حالة طارئه؟!!

[شيخ الديرة]

يعني لازم يكون عنا سيارتين على الاقل وحده ارقامها فرديه و الثانيه زوجيه و كثير ناس ما عندها هالاماكانات او اننا نقتنع بفكرة يوم اسوق السياره و يوم اركب المواصلات و الحل لو صادف يوم المواصلات حالة طارئه؟!!

لا يمكن خلق حلول لا تحتاجها، والحاجة ام الاختراع.

لو فعلاً تم قرار مشابه بالدوحة، او يوم للارقام الزوجية ويوم للارقام الفردية، سوف تسأل زملائك في العمل عن ارقام سياراتهم لكي تنسق توصيلهم وتوصيلك، وتسأل جيرانك، وتطلب نسخة من جدول الباصات وووو

الراحة ضد الكفاءة ، في كل شئ

[khaldoon]

لا يمكن خلق حلول لا تحتاجها، والحاجة ام الاختراع.

لو فعلاً تم قرار مشابه بالدوحة، او يوم للارقام الزوجية ويوم للارقام الفردية، سوف تسأل زملائك في العمل عن ارقام سياراتهم لكي تنسق توصيلهم وتوصيلك، وتسأل جيرانك، وتطلب نسخة من جدول الباصات وووو

الراحة ضد الكفاءة ، في كل شئ

هو مرات في حلول بخصوص الارقام الفرديه و الزوجيه انه الخط اليسار السريع بس للارقام الزوجيه في يوم او الفرديه في يوم اخر ....او انه الخط السريع بس مسموح للسياره اللي فيها راكبين على الاقل بمعنى انهم موفرين سيارة او اكثر و مب كل واحد مستعمل سيارته

بس يا اخوي هالثقافه صعبه شوي....يبيلنا وقت نتعلمها او نضطر نستخدمها

[جبر ال جبر]

المترو والترام اعتقد احد الحلول الي بتخف الزحمه فيها ناهيك عن وضع قيادات ذكيه وشابه وكفو لقياده هيئه الاشغال العامه الفتره المقبله

[معماري قطري]

المترو والترام اعتقد احد الحلول الي بتخف الزحمه فيها ناهيك عن وضع قيادات ذكيه وشابه وكفو لقياده هيئه الاشغال العامه الفتره المقبله

اللي قبل كانت نفس الشيء وكانت تقول خذنا شغل من الادارة السابقة يحتاج اعادة شغل .. المشكلة في سياسة شغل عامة مب في ادارة .. حتى قبل حق أشغال مجلس إدارة وبعدين تغير ومجلس الإدارة لو لهم نية يحطون المفروض يكون من المختصين مب كلهم تجار ويبون شركاتهم تشتغل .. والمفروض مجلس الادارة له سياسة عامة ويدير أشغال والتخطيط والمرور .. نقول هيئة تخطيط عليا

[جبر ال جبر]

صحيح كلامك يامعماري بس المشكله لازالت بلا حل وبصراحه امس واليوم زحمه لاتطاق واختناق مروري باللون العنابي خصوصا على الدائري الثالث وشارع 22 فبراير والغرافه شارع الاتحاد وانت داخل على خط 22 فبراير