استفسار بخصوص قواعد بناء الفيلا

[blueZircon]

السلام عليكم ورحمة الله وبركاته،

حبيت استفسر من اهل الخبره الفرق بين قواعد الاساسات المنفصله للفلل بشكل عام والفرق مابينها وبين القواعد الشريطيه المتصلع اللي تنصب بشكل عرضي على كامل محيط الملحق مثلا. لاحظت ان اغلب الفلل تستخدم القواعد المنفصله وهذا هو الدارج بينما الملاحق الخارجيه اللي تتكون من طابق واحد تكون الاساسات على شكل قواعد متصله. ممكن حد يشرح لي ايش الفرق وايش الافضل بالنسبه للملاحق

المقاول عندي مصر على ان تكون قواعد الاساسات للملاحق متصله بينها وبين بعض بالحديد والصبيه. بعكس ماهو موجود بالخرايط ، ) اساسات الملحق بالخرايط مصممه على صناديق متفرقه وليس متصله.

ارجو الافاده من ذوي الخبره وجزاكم الله خير

[لبيبة]

السلام عليكم ورحمة الله وبركاته،

حبيت استفسر من اهل الخبره الفرق بين قواعد الاساسات المنفصله للفلل بشكل عام والفرق مابينها وبين القواعد الشريطيه المتصلع اللي تنصب بشكل عرضي على كامل محيط الملحق مثلا. لاحظت ان اغلب الفلل تستخدم القواعد المنفصله وهذا هو الدارج بينما الملاحق الخارجيه اللي تتكون من طابق واحد تكون الاساسات على شكل قواعد متصله. ممكن حد يشرح لي ايش الفرق وايش الافضل بالنسبه للملاحق

المقاول عندي مصر على ان تكون قواعد الاساسات للملاحق متصله بينها وبين بعض بالحديد والصبيه. بعكس ماهو موجود بالخرايط ، ) اساسات الملحق بالخرايط مصممه على صناديق متفرقه وليس متصله.

ارجو الافاده من ذوي الخبره وجزاكم الله خير

وعليكم السلام ورحمة الله وبركاته،

الجواب اللي باكتبه معلوماتي فيه مب دقيقة،

ولكن حسب اللي اعرفه،

ان قاعدة الاساسات المتصلة افضل للبيوت والمباني اللي ما تتطلب اي تقسيم مستقبلا،

اما مباني مثل عمارة او برج تتطلب وجود قواعد اساسات منفصلة،

من ناحية العمر والمتانة، الافضل المتصلة،

لكن اذا كانت نية المالك تغيير تقسيم العقار في المستقبل،

يفضل ان يستخدم القواعد المنفصلة،

وممكن استخدام النوعين في نفس المبنى،

حيث يكون جزء منه بقاعدة متصلة،

وجزء بقواعد منفصلة.

[معماري قطري]

كلها يا اخوي اختيارات انشائية وحسب دراسات وحسابات ليسوي لك المقاول على كيفه

المتصلة اللي هي Strip Footings تستعمل للسور الخارجي وهي تحمل الطابوق وتستعمل للمباني اللي الطابوق يكون فيه حامل للسقف مب حشو بس

يعني في حالة السترب فاونديشن تقدر تصمم البيت بدون أعمدة والوزن يتوزع على الحوائط ومنه للأساسات .. أما على حسابات ألحين فالمفروض إنك تبني الخرسانات وبعدين تسوي القواطع الطابوقية وتشبكها بالخرسانات عن الضغوط الجانبية مثل الهواء أو أي اهتزاز خفيف أو التأثيرات الحرارية .. بعضهم يبني الطابوق ويصب عليه مما يعرضه لضغوط حرارية ويوفر المقاول في عامل الوقت وعامل عدم رش الخرسانة بماء وعامل أي تعشيش محد يدري به وعامل تقليل القوالب الخشبية

الأساسات المنفصلة تعني الوزن ينزل من الأسقف والأرضيات على الجسور ومنها على العمدان وثم إلى الأساسات المنفصلة ثم إلى الأرض

في فلوريدا للتوفير يستعملون النظام المتصل وعليه يركبون الطابوق وبعدين الأسقف .. وبعض المطورين يسوون البيوت قريبة من بعض ويربطونها مع بعض جانبياً بأبيام خشبية .. منها تعطي شكل تحديد للممرات ومنها ربط انشائي حتى لو جاء هواء قوي ما يدفع البيت دفع جانبي ويؤدي لسقوطه لعدم وجدود عمدان تربط

لكن اللي بيسوي عمدان وستريب فوتنغ وتحميل على الطابوق يكون سوى خلطة غريبة .. ممكن تنجح لكن فشلها ممكن يكون في الشلوخ .. للنجاح تحتاج عمل الطابوق بمونة كفاية وحتى ما تكسره للتمديدات والتمديدات تكون خارجية

[معماري قطري]

وعليكم السلام ورحمة الله وبركاته،

الجواب اللي باكتبه معلوماتي فيه مب دقيقة،

ولكن حسب اللي اعرفه،

ان قاعدة الاساسات المتصلة افضل للبيوت والمباني اللي ما تتطلب اي تقسيم مستقبلا،

اما مباني مثل عمارة او برج تتطلب وجود قواعد اساسات منفصلة،

من ناحية العمر والمتانة، الافضل المتصلة،

لكن اذا كانت نية المالك تغيير تقسيم العقار في المستقبل،

يفضل ان يستخدم القواعد المنفصلة،

وممكن استخدام النوعين في نفس المبنى،

حيث يكون جزء منه بقاعدة متصلة،

وجزء بقواعد منفصلة.

إختي لبيبة العمارات في الغالب أساس raft foundation هو عبارة عن صبية مثل السقف بس على الأرض وبنفس الوقت تصلح كمواقف تحت الأرض أما الأبراج تحتاج تكنولوجيا ثانية أما Pile foundation أو أنواع غير من الأساسات الطويلة والعميقة اللي تدخل في الأرض مثل الوتد .. لأن تأثير الرياح يكون قوي ويتسبب في انحناء المبنى ولو سوينا الأساسات العادية بيستوي مايل وأي ميلان تأثيره يزيد مع الارتفاع ويكون السقوط كارثي ومفاجيء

[معماري قطري]

الشركة اللي تشتغل في قطر حق أساسات الأبراج في الغالب سويسرية ومختصة وبالنسبة للحديد حتى ما يصدي يمررون فيه تيار كهربي بسيط يعكس عملية الصدأ .. هذي الأساسات عبارة عن بايب بجدار سميك ينضرب في الأرض لين يوصل عمق غزير وأرض صخرية وبعدين ينملىء بالخرسانة

[الوطنيه]

جزاك الله خير علي المعلومات المفيده

[blueZircon]

يعطيك الف عافيه اخوي معماري واختي لبيبة على الشرح التفصيلي, راجعت الموضوع مع الاستشاري والمقاول , وطلع المقاول زايد كمية الحديد للقواعد مما اعطى الملحق متانه اكبر

[معماري قطري]

يعطيك الف عافيه اخوي معماري واختي لبيبة على الشرح التفصيلي, راجعت الموضوع مع الاستشاري والمقاول , وطلع المقاول زايد كمية الحديد للقواعد مما اعطى الملحق متانه اكبر

الله يعافيك اخوي .. الأهم من زيادة الحديد شغل الصب ووجود مكان فاضي بين الحديد تدخل فيه الخرسانة .. وللملحق لا تهتم ما عليه خوف بانيين مباني قديمة بدون أساسات وبدون حديد وعايشة للحين

[سعود.]

الله يعافيك اخوي .. الأهم من زيادة الحديد شغل الصب ووجود مكان فاضي بين الحديد تدخل فيه الخرسانة .. وللملحق لا تهتم ما عليه خوف بانيين مباني قديمة بدون أساسات وبدون حديد وعايشة للحين

كانت على لساني

وخصوصا الملاحق مافوقها حمل كبير .تكثيف الحديد من اسباب ( التعشيش )

[معماري قطري]

كانت على لساني

وخصوصا الملاحق مافوقها حمل كبير .تكثيف الحديد من اسباب ( التعشيش )

قبل إخوي سعود ليعرفون الحديد والتسليح القوي كانوا يبنون بنايات متعددة أدوار في كل مدن اوروبا القديمة من الطوب الحراري اللي طين ورماد بركاني يعجن ويدخل في أفران .. كان الأساس عبارة عن قطع حجر كبيرة تنصف صح وينصف الطوب فوقها بسمك كبير ويقل كلما ارتفعنا

توجد بنايات قديمة في هذي المدن مبنية وتستعمل ولازالت مسكونة للآن والمدارس المعمارية تسوي لها زيارات للطلاب .. الأكوا دآكت في ايطاليا بنوها قبل ليخترع الإسمنت وبالإسمنت البركاني أو الرماد البركاني ما يسمى الاسمنت .. هذي مثل الأبراج وبينها أقواس والأقواس كلها تعمل بالحجر أو الطوب ذاك الوقت بدون خرسانة وبدون حديد والأصعب بدون إسمنت .. بحاول احط لها فلم تثقيفي ان شاء الله

في قطر كان الاسمنت طين وخوص ( الخوص عبارة عن ورق سعف النخل أو أجزاء منه ) .. عندنا بيت قديم مبني بهذي الطريقة وللحين مسكون وانبنى حوله بنيان بطابوق بس القديم باقي

[بوخالد911]

موفق.