ذكريات .. من الطفولة .. والمراهقة

[الحياة الخالدة]

السلام عليكم ورحمة الله وبركاته
مساكم الله بالخير

ذكرياتٌ عَبَــرت أفق خيالي
بارقاً يلمع في جنح الليالي
نبَّهت قلبيَ من غفـــوتهِ
وجَلَــت لي سِتر أيَّامي الخوالي

دورت على موضوع جديد .. ما لقيت أحسن من موضوع الذكريات
طبعاً في ذكريات حلوة .. وفي غير ذلك
اللي حاب يشارك بأي شي من ذكريات طفولته .. أو مراهقته
يتفضل مشكوراً

حياكم الله

[الحياة الخالدة]

هالمرة أنا ببتـــدي :nice:
طبعاً بصفتي أصغركم سناً .. فقد تبخرت من ذاكرتي أحداث كثيرة ههههههههههههههه

المهم .. بحاول أكتب كل ما طرا علي شي

أتذكر من ضمن ألعابنا البريئة : لعبة القيس .. والقيس المستخدم كان عبارة عن قوطي الباليس ( polish ) اللي يستخدم لتلميع الجواتي الله يعزكم .. لما يخلص نترسه تراب ونلعب فيه
اللعبة أن احنا نرسم مربعات على الأرض لاصقة ببعض ونحذف القيس وننط على ريل وحدة ونشوته من مربع لين مربع
والشاطرة اللي تحتل كل المربعات
أدري ما فهمتوا شي .. بس اللي تعرف هاللعبة بتكون فاهمة علي ( ولازم ما يكون عمرها أقل من 40 هههههههههه )

[معماري قطري]

كنا نسوي عربة من بقايا التواير للسياكل نركبها على قطعة خشب وواحد يدزها وواحد يسوق

في الغالب تكون مربطة بأسيام وحديدة ورا تمسك التواير وحديدة جدام حق تلف

[الحياة الخالدة]

كنا نسوي عربة من بقايا التواير للسياكل نركبها على قطعة خشب وواحد يدزها وواحد يسوق

في الغالب تكون مربطة بأسيام وحديدة ورا تمسك التواير وحديدة جدام حق تلف

ما شاء الله .. يعني من طفولتك مهندس
حد من اللي كانوا معاك طلع مهندس بعد ؟؟

[معماري قطري]

إحنا بما إن كان فريجنا في بر وحولنا سهول مليئة بالضبان كانت هوايتنا الهياتة فيها وقت الظهر .. وابوي لين عرف يعصب ويضربنا لأن واحد من شيابنا توفى في البر الله يغفر له .. كان قانص وتعطلت السيارة ومشى مسافة طويلة ورفيجه قعد عند السيارة وفك الرديتر وشرب مايه .. قبل الرديتر بماي عادي بس يستوي حلي ( مصدي ) من الحديد

المهم مرة طالعين كالعادة ولحقنا بالسيارة انا من شفته جاي من بعيد ركضت عنهم ورحت مكان نازل وخذت الأرض .. إتبعت سياسة التخفي ولا كشفني بعد ما غسلهم كان خلاص ما فيه طاقة حق ضربي

كنا مسوين خندق تحت الأرض وننخش فيه .. صج كنا عصابة لا تقهر قائدنا عمي اللي حول ست شهور أصغر مني .. الباقي ينفذون بدون نقاش لكن انا شوي افكر وأوقات ما ادخل معاهم المغامرة

عاد المغامرات أوقات توصل لين سطو على أحد البيوت لسرقة الحمام .. أو واحد مب عاجبنا نبنجر سيارته .. كان كهربائي اسمه على أحمد .. الله يرحمه أكيد توفى كان شيبة ويصلح أي شيء ودوم يمر الفريج والكل يعرفه .. عنده بيجو من الطوال ويمكن مشهور وقتها في كل الدوحة .. كان في بيت يدي يصلح وعصب علينا .. نبغي ننتقم شنسوي وعمي طلع بفكرة جاب سكاريب اثنين واحد حطه في التاير الجدامي يمين والثاني في التاير اليسار ورا .. وقعدنا نراقب الوضع عن كثب .. أول ما خلص وبيمشي بنجروا التواير وتموا يطلعون غبار من الهواء واحنا صج كنا براءة الأطفال مركزة فينا .. كنا تحت العشر كلنا

[معماري قطري]

ما شاء الله .. يعني من طفولتك مهندس
حد من اللي كانوا معاك طلع مهندس بعد ؟؟

صراحة هذا اختراع دارج مب مني

بس انا الله يسلمج عقب الخندق اللي مسوينه ومغطى بدرامات كنت احب الحمام وسويت لهم برج حديد وسحاحير .. مرتفع وايد وكله تربيط بس تربيط زين وكان قلبي قوي ما اخاف الارتفاعات حتى لين فترة بسيطة بس ألحين الركبة عرقلتني

[محب قطر 64]

ههههههههههه
كنا في اجازة نص السنة برد نطلع نلعب كورة بلاستيك اصابع رجلنا من البر د الصبح ما نقدر نشوت الكورة وريح صرصر برد لحين ما تقوى الشمس ونتدفا --- لكن نلعب
وفي الصيف كنا حوالي المغرب نلعب على الاسفلت قطعة صاج حديد اقعد عليها وواحد يدفعني ومع الصوت طيارة

[Dana’1]

موضوع حلو مثل صاحبته:)

الطفوله يازينها من مرحله... طفولتي مليئه بالمغامرات .. يقولون لي سبحان من حفظس هههه:shy:

[R 7 A L]

جيلنا
كنا نحط علب ماي الصحه الكبيرة في التاير الخلفي للسيكل ونمشي مجموعات بين الفرجان نسوي ازعاج ايام رمضان

[بانغ بانغ]

احلى واسطة اجتماعية ايامنا يوم الواحد ايعرف حد في المقصف في المدرسة

والا الوضع نفس هجوم الزومبي

[بانغ بانغ]

جيلنا
كنا نحط علب ماي الصحه الكبيرة في التاير الخلفي للسيكل ونمشي مجموعات بين الفرجان نسوي ازعاج ايام رمضان

ههههههه يعني تيربو

لا وانحط بجلي يعني زينون

طلعت من جيلنا

بس صراحة محد كان يتحداني في الشل او التنقز بالسيكل ( لن تفهمها البنات )

اتصدق كنت امشي السيكل على تاير واحد عادي نص كيلو او كيلو خط مسيعيد

[النهار]

احنا من وعينا على الدنيا
كل العابنا الكترونيه ايباد واي فون وفودا فون ههههههههههههههههه

[بانغ بانغ]

احنا من وعينا على الدنيا
كل العابنا الكترونيه ايباد واي فون وفودا فون ههههههههههههههههه

يابن الحلال لا تحسسني ان عمرك 22
ترى شيبتنا معماري موجود

وكلنا انولدنا ايام ابيض واسود ، او حتى قبل اختراع الالوان

[Dana’1]

ههههههه يعني تيربو

لا وانحط بجلي يعني زينون

طلعت من جيلنا

بس صراحة محد كان يتحداني في الشل او التنقز بالسيكل ( لن تفهمها البنات )

اتصدق كنت امشي السيكل على تاير واحد عادي نص كيلو او كيلو خط مسيعيد

نسميها حركة الغزاله كنت اسويها :shy:

[R 7 A L]

ههههههه يعني تيربو

لا وانحط بجلي يعني زينون

طلعت من جيلنا

بس صراحة محد كان يتحداني في الشل او التنقز بالسيكل ( لن تفهمها البنات )

اتصدق كنت امشي السيكل على تاير واحد عادي نص كيلو او كيلو خط مسيعيد


مانعرف لاتيربو ولا زينون
ايه من جيلكم ^--^

اكيد انك كنت قايد سرب ههههههههه

[سالم الزهران]

صباح الخير
ذكريات الصبا خالدة
كنا في الطائف في رحلة مع اعمامي و جالسين وحوالين صخور كبيرة وشجر و رمل
دخلت في مكان بين الصخور و احصل لي جراوة ,,لكن مب مثل اللي عندنا كانوا حلوين و ملونيين
نقيت لي واحد و زهمت العيال و انتبه لنا عمي (الله يرحمه) و خاصم عياله ويوم شافني عرف انها سواتي
قاموا الكبار يبون يضربوني و كلهم يهاوشون و اني احط رجلي و على الجبل من الصبح يمكن السعة 11
تغدوا وانا اتمشى في الجبل فوق فيه ممشى و لاحظوا ثنتين حريم ( اظنهم كويتيات ) ان البزر ذا رايح جاي وسألوني وعلمتهم

الحريم اوعدوني انهم ما يخلون احد يضربني .. وعلى غفلة ونا واقف الا نسمع صوت اللي يركض جاي مقبل علي و اشرد ..والحريم خافوا
ومسوين لي كمين من الناحية الثانية وصادوني و انا اناظر البنتين اقولهم ( هاي حزتكم .. الحقوا علي ) ويفتح الله خايفين حالتهم حالة

الله يذكرهم ويذكر ذيك الأيام بالخير ,, كانوا يبون يساعدون ههههه

[الماريّة]

هالمرة أنا ببتـــدي :nice:
طبعاً بصفتي أصغركم سناً .. فقد تبخرت من ذاكرتي أحداث كثيرة ههههههههههههههه

المهم .. بحاول أكتب كل ما طرا علي شي

أتذكر من ضمن ألعابنا البريئة : لعبة القيس .. والقيس المستخدم كان عبارة عن قوطي الباليس ( polish ) اللي يستخدم لتلميع الجواتي الله يعزكم .. لما يخلص نترسه تراب ونلعب فيه
اللعبة أن احنا نرسم مربعات على الأرض لاصقة ببعض ونحذف القيس وننط على ريل وحدة ونشوته من مربع لين مربع
والشاطرة اللي تحتل كل المربعات
أدري ما فهمتوا شي .. بس اللي تعرف هاللعبة بتكون فاهمة علي ( ولازم ما يكون عمرها أقل من 40 هههههههههه )




http://i.imgur.com/7uD1H1O.jpg%5b/IMG
ايّا على القيس :eek3: احبها وايد

عاد انا كنت العبها علموني بها خواتي :shy:
.
.

[الماريّة]

احنا من وعينا على الدنيا
كل العابنا الكترونيه ايباد واي فون وفودا فون ههههههههههههههههه

اي صح الكترونيه لعبه الاتاري ^_^ والطياره الي فيها هههه

[شبح الصمت]

العاب جميلة وكانت ممتعه
الحين تقول لليهال لعبوها

يعطيك نظرة من صجه ذي
هههههههههههاي


الخشيشه

قلينه وماطوع كانت لعبتنا المفضلة ..

دواره في الفرجان وصوب بحر الانقليز

المطارة الي نحطها على التاير عشان الصوت بالفيت هيدرز سويدي ..

كانت من هوايتي اتحدى مع واحد من يجمع نحل اكثر من دون ما تقرصه وكنت اعرف اشلون اصيدها ..

[شبح الصمت]

ونسيت بعد من هوايتي الهواش ..

ووجهي كان كله متشمخ

هههههاي
الحمد لله كبرنا وراحت الاثار ..

:shy:

[بانغ بانغ]

الله على املاحق سيارة راعي الدخان مالت البلدية

[الحياة الخالدة]

أشكركم جميعاً على مشاركاتكم وذكرياتكم التي عطرت الموضوع بعبق الماضي

ان شاء الله لي عودة بالمزيد من الذكريات

[الماريّة]

انزين كنا نلعب لعبه نط الحبل

بعد حلوووه موت

http://store2.up-00.com/2016-12/1481092564391.jpg (http://www.up-00.com/)


ولازم نغني بعد شبره امره شمس نجوم كواكب مراكب هوا غيوم ( في الحبل الي يمسك من صوبين وبنت تنقز في النص

يقصون علينا هل الشام يغنون اغانيهم واحنا معاهم

^_^

[الماريّة]

ولعبه انا الذيب باكلكم وانا امكم بحميكم

http://store2.up-00.com/2016-12/1481093618251.jpg (http://www.up-00.com/)

يصطفون لبنيات سيد ورى بعض والي قدام هي امهم
ووحده من البنات تسوي نفسها الذيب

والام تحامي على بناتها من الذيب لاياكلهم

يقول الذيب
انا الذيب باكلكم
وترد الام وانا امكم بحميكم

واااي ايا على العاب لول

[R 7 A L]

احنا من وعينا على الدنيا
كل العابنا الكترونيه ايباد واي فون وفودا فون ههههههههههههههههه

ايه ماعليه صدقناك
يقولون على ايامك مافيه مدارس تروحون مشي للمطاوعه ههههه

[حمد 2002]

احنا من وعينا على الدنيا
كل العابنا الكترونيه ايباد واي فون وفودا فون ههههههههههههههههه

النهار كلمنا عن ذكرياتك ايام الطفوله بسويسرا شوي ..

[الحياة الخالدة]

المارية الحمد لله انج معاي عالخط

فريجنا كان يدور فيه واحد بالسيكل يبيع زعتر وبيبسي
وطبعاً كان في خباز ايراني وأغلب الخبازين اسمهم حسن ههههههههه
يا حلات ريحة الخبز وهو طالع من التنور بس طبعاً كنت اخاف اروح نطرش حد اييب لنا
والصبح قبل لا نروح المدرسة أيام الشتا خبز مع حليب زنجبيل يدتي الله يرحمها تسويه على الدوة الموجودة في الغرفة

[الماريّة]

المارية الحمد لله انج معاي عالخط

فريجنا كان يدور فيه واحد بالسيكل يبيع زعتر وبيبسي
وطبعاً كان في خباز ايراني وأغلب الخبازين اسمهم حسن ههههههههه
يا حلات ريحة الخبز وهو طالع من التنور بس طبعاً كنت اخاف اروح نطرش حد اييب لنا
والصبح قبل لا نروح المدرسة أيام الشتا خبز مع حليب زنجبيل يدتي الله يرحمها تسويه على الدوة الموجودة في الغرفة

اي معاج علخط لاتحاتين

لحقت على بعض العاب لول وبعضها عرفته من خواتي لكبار

[الماريّة]

ومن لحق على سياره راعي الاسكريم

من نسمع هرن سيارته الهرن لضعيف تلاقين كل عيال الفريج برع
ينتظرونه

وكان يبيع مصاصه لكبيره الي كله تقص اللسان هههه

وغلوم راعي الخضره وسيارته البيك اب


والدوار راعي الطاسه راعي الخلاقين يسمونه عجايز الفريج راعي الطاسه
لانه يجي على بطبه ويلبس خوذه هههههههه

[الحياة الخالدة]

اي معاج علخط لاتحاتين

لحقت على بعض العاب لول وبعضها عرفته من خواتي لكبار
زين تمام
عيل اسأليهم عن لعبة لكتور اللي هي كرة زجاجية صغيرة مع مجموعة من الحصيات صغيرة الحجم واعتقد البعض يسميها اللقفة

[الحياة الخالدة]

الدوار طبعاً أذكره كان السوق المتنقل بالنسبة لنا اللي يوصلنا للبيت
أحلى شي لما يطق جرس البيت ونركض مع أمي الله يرحمها ونختار اللي نبيه من عنده ( طبعاً مب كل شي لأن ماديتنا كانت ضعيفة ولله الحمد )

[الحياة الخالدة]

حق العيد كنا نروح نشتري الجواتي الله يعزكم من بوتيك مبروك وفي الشارع المقابل نوفوتيه نجلاء حق الملابس

[الماريّة]

حق العيد كنا نروح نشتري الجواتي الله يعزكم من بوتيك مبروك وفي الشارع المقابل نوفوتيه نجلاء حق الملابس

هاي في وين اي سوق ؟؟؟ سوق واقف

انا اذكر فريدوني سنتر في سوق واقف مال الخرز والخيوط والمكاين

ومركز نجم المدينه في سوق سواقف

وسوق العلي اول بداياته محل خميس الريال الاسمر الي يبيع جلابيات حرير شك

ومحل فيروشيك في سوق العسيري :ok: للحين موجود تصدقين بس صار في سوق الديره

[النهار]

المارية الحمد لله انج معاي عالخط

فريجنا كان يدور فيه واحد بالسيكل يبيع زعتر وبيبسي
وطبعاً كان في خباز ايراني وأغلب الخبازين اسمهم حسن ههههههههه
يا حلات ريحة الخبز وهو طالع من التنور بس طبعاً كنت اخاف اروح نطرش حد اييب لنا
والصبح قبل لا نروح المدرسة أيام الشتا خبز مع حليب زنجبيل يدتي الله يرحمها تسويه على الدوة الموجودة في الغرفة

عيارتج الزعتر هههههههههه صح بس بيبسي وراعي سيكل قولي ايسكريم لان قبل مافي قوطي كله غراش والغرشه لازم تحطين تأمين

[الماريّة]

‏http://i.imgur.com/7kGLltO.jpg

هذي سياره راعي الاسكريم 👆☺

‏http://i.imgur.com/EeWfoGJ.jpg


‏http://i.imgur.com/dAAnfqf.jpg

والله نفس حالتي انا المرسال بينهم الي فوق يقول صفى والي مقابل التلفزيون يقول لي وانا اعلم اخوي الي فوق السطح
وهو يفر الاير واذا قلت اي صفى وحول تخرب وقام علي ويمط قرووني 😂 زين وشدخلني
كان صافي قبل لاتحول هههههههه

[qatarman8008]

حق العيد كنا نروح نشتري الجواتي الله يعزكم من بوتيك مبروك وفي الشارع المقابل نوفوتيه نجلاء حق الملابس

وين ذيه..؟؟
اي صوب..؟؟

[qatarman8008]

اتذكر كان يجي راعي الباص اللي يبيع شيبس وعصير بونص وصفايح زعتر ولحم على موعد مسلسل كلنا نحب نشوفه..
كلنا نبي نشتري من الباص وبنفس الوقت مانبي نفوت لحظة وحدة من المسلسل..
كنا بروح بالتناوب.. كل يوم على واحد..
المسلسل كان اسمه اهلا بالسكان.. من يتذكره..؟؟

[سالم الزهران]

المارية ، تصفية التلفزيون كانت معاناة، في جدة كانت قناة مصر تطلع في بعض الايام و نجتهد عشان نصفيها . بالايام الخوالي . فيه علبة كان تركب على الاير يبلفيت تصفي الارسال ؟ ابحط لكم افتتاحية القناة الثانية كان لقيتها باليوتيوب.

[الماريّة]

والله خووووش اخوي سالم تظهر لكم قناه مصر


احنا الامارات وبعد تشوش هههههه

[بانغ بانغ]

خاطري في عسكريم بوريال

[Dana’1]

اوووه تصفيه القنوات فيها متعه بالذات عند الوزنيه تكه ويلقط القناه انتصار ههههههه
كانت تظهر عندنا البحرين وكانت روعه بالذات البحرين 2 يجي فيها مسلسل اظن هو فيلم بس هم مخلينه مسلسل اسبوعي عن حصان اسود مع وليد اظن اسمه بلاك بيوتي
عقب الهيئه الملكيه وفرت لنا كيبل وكل القنوات الخليجيه تطلع صاااافيه
وكان فيه مكان استراتيجي قدام التي في ،،للسدحه والمتابعه الشيقه فنتسابق عليه واحتدامات تصير عند مدخل الجلسه واحيان يفوز اخوي بالقفزه اللولبيه وانا تعلمتها منه وانافسه هههههههههه

القناة الوحده كانت منوعه مو زي الحين وكان وقت تلاوة القرآن الكريم بعدها تفسير عالعصر
حتى توقيتهم كان مدروس واغلب الاطفال يتابعون عشان الرسوم تبتدي بعدها على طول الساعه4

[naklan]

اوووه تصفيه القنوات فيها متعه بالذات عند الوزنيه تكه ويلقط القناه انتصار ههههههه
كانت تظهر عندنا البحرين وكانت روعه بالذات البحرين 2 يجي فيها مسلسل اظن هو فيلم بس هم مخلينه مسلسل اسبوعي عن حصان اسود مع وليد اظن اسمه بلاك بيوتي
عقب الهيئه الملكيه وفرت لنا كيبل وكل القنوات الخليجيه تطلع صاااافيه
وكان فيه مكان استراتيجي قدام التي في ،،للسدحه والمتابعه الشيقه فنتسابق عليه واحتدامات تصير عند مدخل الجلسه واحيان يفوز اخوي بالقفزه اللولبيه وانا تعلمتها منه وانافسه هههههههههه

القناة الوحده كانت منوعه مو زي الحين وكان وقت تلاوة القرآن الكريم بعدها تفسير عالعصر
حتى توقيتهم كان مدروس واغلب الاطفال يتابعون عشان الرسوم تبتدي بعدها على طول الساعه4


هههههههههه حلوة القفزة اللولبية يا مشرفتنا ديور حسيت
انك تطيرين في الهوى ونتي تبرمين وتحتلين الموقع مغاوير
مهب لعب تحياتي

[naklan]

يبيلي اكتب لكم عن ذكرياتي مع شعوب جوف الارض
بني ملاعس وبني مقاعس

[سالم الزهران]

من الاشياء التي لا تنسى ، ومن حماقات وجهالات ايام الطفولة

في واحد من العيال قريبي ، ابوه ما خلاه يسوي احتفال عيد الفطر ( الاحتفال كان تجميع شجر يابس ويشب فيه)

فالمسكين ، راح على الحصاد حقهم كان مكوم في طرف المزرعة ،، وشب فيه ،،ههههههاااااي

تحقيقات الجريمة اتهمت اثنين من العيال ؟ الفاعل كان واحد منهم لكن ما اعترف الا عقب ضربوه .

المتهم الثاني ، ما صدق على الله تطلع براءته ، وسوى لنا خطبه في الآداب العامة و جلس يثني على نفسه :)

ما كملنا اسبوع ، الا والبريء راعي الخطبة ، شاب في حصاد حق عجوز ،،، عن سابق اصرار هههههههههه

والله الى اليوم اضحك من سالفتهم

[Dana’1]

هههههههههه حلوة القفزة اللولبية يا مشرفتنا ديور حسيت
انك تطيرين في الهوى ونتي تبرمين وتحتلين الموقع مغاوير
مهب لعب تحياتي

عودا حميدا نكلان:)
مغاوير مايمديهم على هالحركه ههههههه ياليت كانت لعبه!! هذا اكثر شي كان فيه الجديه ورانا متابعه افلام ورسوم لازم مكان مريح والسيطره عندك ههههههههه
أخوي أكبر مني ومو بس مجرد اخ كان صدييقي وكلو نغطي على بعض بلاوينا او بالاحرى بلاويه ههههههه بس عند هالمكان مايعرفني هههههه
واحيان يتم التنازل عنه يابلفيت تكرم منه او من اختي الاكبر منه بس بالاساس مافي شي عاجبهم بالتلفزيون !
واحيان تتم المعاهدات والاتفاقيات بالذات اذا بيقوم من المكان شوي ويرد هههه
شفت كيف الموضوع مهم و جدي .. أخر شي يوم تحول لكيبل فرج علينا أبوي غير مكان التلفزيون بكبره فصررنا كلننا نتسدح بأماكن استراتيجيه ههههههههه

لا تختفي ،،،، واكتب لنا شي من ذكرياتاك منهم ملاعس ومقاعس!

[محب قطر 64]

اتذكر كان يجي راعي الباص اللي يبيع شيبس وعصير بونص وصفايح زعتر ولحم على موعد مسلسل كلنا نحب نشوفه..
كلنا نبي نشتري من الباص وبنفس الوقت مانبي نفوت لحظة وحدة من المسلسل..
كنا بروح بالتناوب.. كل يوم على واحد..
المسلسل كان اسمه اهلا بالسكان.. من يتذكره..؟؟

تصدق اني بجضر اليوم والأن مسلسل اهلا بالسكان
دور على قناة ( ماسبيرو زمان ) تلاقي فيها احلى الذكريات
الان برنامج مصطفى محمود العلم والايمان وبرنامج زووووم وبرنامج حياتي ومسلسل اولاد آدم

[الماريّة]

من الذكريات الحلوه

عدنان ولينا عدنان ولينا فوق السفينه ومعاهم عبسي
هذي اغنيتنا مألفيتها ههههههه

وساندي بل خصوصا لما تقول
سان دي بل بيرو

سان دي بل بيرو

سان دي بل بيرو

^_^

وجورجي ومضعدها الي اكبر من يدها
وفلونه الشيطانه

[R 7 A L]

كم واحد فيكم حذف ضروس الحمار
هههههههه

[Dana’1]

الرسوم الي نشوفها جورجي وهايدي سينان عدنان ولينا وطبعا كلاسك كرتون ومعصقل( بينك بانثر)
سانشيرو كنت احب اغنيته بالذات إذا قالت هلا ياهلا بسانشيرو البطل المغوار اغني طربا معها هههههه
حكايات عالميه بعد احب الاغنيه بالبدايه احس اني احلق فرحا

هايدي آيه عليها اشتهي عيشتها وخبزتها وجبنة جدها وحتى لبسها يوم تشيله وتراكض وتتمرجح
لعبتها وشطانتها مع بيتر تذكرني بشطانتي مع صديق الطفوله سوا بالروضه وبالحي جيران فكملت :)
مره اهلنا استنفرو يدورون علينا والي حصلنا واحد من الامن بس من الجماعه:shy:
طبعا احنا طلعنا من الروضه حطينا الشناط ورحنا السوبرماركت لا بعد ماكان معنا فلوس كثير عالقد تقاسمنا المشروب ،،، عقب رحنا نلعب بالحديقة يم السوبر ماركت وفيها نوافير وطبعا لعبنا بالنوافير وزين ما صار التماس كهربائي عقب جانا رجل الامن وقال امشو قدامي وسلمنا لأهلنا الي قالبين الدنيا علينا سلمنا لهم مرشخين ماء من النافوره وفي الاستقبال امي وامه كلن بروحه عاد ما يحتاج أكمل الباقي :(
خن اكمل عن الرسوم ههههه
ليدي ليدي أموت عالخيول الي عندهم وطبعا ارثر وإدوارد وساره وكلهم :shy:

وفارس الفتى الشجاع وعمو شنبو وبومبو ورشا سبانك وكثيييييير رسوم

[معماري قطري]

من ذكريات طفولتي كنت لين قرب يخلص رمضان اتضايق وكنا لين عمر 6 سنين في بيت جدتي

خالي الله يغفر له بعد ما نقلنا من الدوحة هو بنى البيت حق جدتي وخالي الصغير ووالدتي كان جدي متوفي الله يرحمه ولا شفته .. وبنى حق امي بيت بعد في نفس الحوش وكنت توني مولود وقتها شهور أول ما انتقلوا .. البيت للحين موجود ومؤجر

أحياناً لو مريت على البيت اتذكر لقطات كثيرة من الماضي .. البيوت كانت مب كبيرة وايد بس إحنا نحسها كبيرة يمكن لأننا صغار

ومن ذكريات المدرسة كانت مدرستنا بس صفين صف حق أول وثاني وثالث ورابع كل صف عبارة عن صف كراسي وصف خامس بروحه كله شياب .. طلعت وقتها الثامن على الصف لأن عدد الطلاب 8

[معماري قطري]

من ذكريات الشغل بديت اشتغل وعمري 14 سنة مع الطلاب في الجيش قبل الدفعة الأُولى .. خذنا ابوي وكنا 4 إخوان وراء بعض واثنين صغار توهم .. دخلنا مكتب الزعيم الله يغفر له مع ابوي وجلسنا ننتظر وفجأة دخل والكل قام واقف .. انا شفتهم قمت معاهم ويطالع ابوي ويقول له انا قلت لك جيب واحد بس بندخله والباقي بعدين السنة الجاية

بعدين كشخت باللبس وبديت اداوم ويوم جاء آخر الشهر الهجري صفوا ربعي حق استلام المعاش وقالوا لي صف معانا .. قلت ليش قالوا رواتب قلت ابوي قال لي تدريب بس ما قال معاش .. كنت بريء وعلى ويهي خلوني اصف معاهم وما كنت مصدق فجأة استويت غني حق الدكان واللعبة .. كان الراتب 1865

الله يذكر ذيك الأيام بالخير ويرحم كل اللي توفوا سواء من ربعنا أو اللي عاشرناهم

كان عمي الله يغفر له مدير السجون في الداخلية وكنت لاجيء وقتها ادور مواصلات .. فضل الله السوداني كله معصب علي مع اللاندروفر اللي يحرق ديزل ويدخن علينا .. كنا نتسابق حق نقعد في البدي في الطرف حتى نشم شوية هواء .. وفضل الله يقول انا حدي اوصل الريان بس ودبر نفسك .. وكنت أول الأيام اقيل في بيت الزعيم الله يغفر له ولأُم عبدالله وبعدين يوصلوني البيت .. وحظي إن حمد في سني وكوننا عصابة انا وهو وعبدالرحمن بن أحمد البادي

بعد التدريب 45 يوم وزعونا على عدة مكاتب .. لكن ما علينا كله نجتمع مع بعض في مكتب .. ولزقنا نفسنا كلنا في مكتب اسمه المحاسبة وكله باكستانيين وشغلهم توزيع الرواتب على كم مكان .. كانوا يجيبون الفلوس في كيس أبيض كبير مثل كيس الطحين واحنا نسوي فوضى .. كنا نلعب بالكراسي اللي لهم تواير نتدازز بهم .. عسكريتنا كانت في الحضيض .. بعدين ثلاث أيام وقت توزيع الرواتب قاموا يطردونا .. نلوث في كم مكان وربعنا وايد

أذكر كان العرق يدخل عيوننا يحرقها وما نقدر نمش عيوننا وقت التدريب .. وكان للأكل طعم غير والخبز يجي حار والمطعم كبير وزحمة طابور كل واحد بصينيته وهم يحطون له اللي يبيه .. أحلى شيء كانت اللبنة مع زيت الزيتون

كنت أمشي لين دوار الفريج وقليل السيارات اللي تمر فرق عن زحمة الحين .. يوصلني أما عمي الله يغفر له أو ولد عمي كان توه ملازم ثاني قميل وتقاعد من فترة برتبة وزير الله يحفظه

بعد للذكريات بقية أكيد خصوصاً ذي وما قصروا مسؤولينا ذاك الوقت كنا نواة لكم دفعة بعدين

[معماري قطري]

كم واحد فيكم حذف ضروس الحمار
هههههههه

كانت ضروس غزلان ومكذبين علينا اللي بعدها ضروس حمير

[R 7 A L]

كانت ضروس غزلان ومكذبين علينا اللي بعدها ضروس حمير

ههههههاي
اي والله قاصين علينا

[الماريّة]

انا غير عنكم

كنت اقول

ياشمس اخذي سن الغزييل وعطيني سن الغزال

عمي معلمي اقول هالشكل ^_^

[Dana’1]

من الالعاب الي كنا نلعبها الصقله أمي الله يحفظها محد يقدر يغلبها :)
والعب الكيرم والشكه
عقب كبرنا شوي وقمنا نلعب خطوات اشتقت لبنات الجيران تنافس من يفوز:)

[Dana’1]

كانت ضروس غزلان ومكذبين علينا اللي بعدها ضروس حمير

هههههههههههههه

[qatarman8008]

الحين من تعليقاتكم وذكرياتكم..
صرنا نقدر نحدد اعمال الاعضاء..
واضح ان انكشف الغطاء عن البعض ههههه..
فيه ناس كنت افترض انهم اصغر مني ..
واتضح من تعليقاتهم انهم عتاوية عتاوية ههههه..

[الماريّة]

الحين من تعليقاتكم وذكرياتكم..
صرنا نقدر نحدد اعمال الاعضاء..
واضح ان انكشف الغطاء عن البعض ههههه..
فيه ناس كنت افترض انهم اصغر مني ..
واتضح من تعليقاتهم انهم عتاوية عتاوية ههههه..


ثرى جيل الثمانينات والسبعينات ليومكم*اشكالهم
تبين اصغر من الاجيال الي بعدهم ^_^

[ولد العرب]

ثرى جيل الثمانينات والسبعينات ليومكم*اشكالهم
تبين اصغر من الاجيال الي بعدهم ^_^
كلامك صحيح الله يرحم شيبانا

[محب قطر 64]

ههه رجعت الموضوع والذكريات يا ولد العرب
كان زمان نام بدري ونصحا بدري
نطلع نلعب كورة -- الدنيا برد واصابع رجلينا ما نقدر نشوت الكورة الا شوي وتحمى الشمس
اذكر هجومنا عند الجول واحد من الصاحب واقف جول واقع يمسك الكورة والفريقين علية وعلى الكورة دب طاخ دب طاخ جوووول
التلقزيون كان اسود وابيض وكبييير اثنين لما يقدروا يشيلوه
ويا سلام لما تسكر المحطة الساعة 12 او تفتح الصبح قبل ما تفتح تيجي صورة الايقاف تننننننننننننننننننننننننننننننننننننننننننننننننن ن نستنا بس بفتح
كنا نعمل عصابات الحارة وندافع بقوة ونمنع حد من اولاد الحارات المرور
ويا ويلنا لو اضطرينا للمرو من عندهم

[الرويـس]

هالمرة أنا ببتـــدي :nice:
طبعاً بصفتي أصغركم سناً .. فقد تبخرت من ذاكرتي أحداث كثيرة ههههههههههههههه

المهم .. بحاول أكتب كل ما طرا علي شي

أتذكر من ضمن ألعابنا البريئة : لعبة القيس .. والقيس المستخدم كان عبارة عن قوطي الباليس ( polish ) اللي يستخدم لتلميع الجواتي الله يعزكم .. لما يخلص نترسه تراب ونلعب فيه
اللعبة أن احنا نرسم مربعات على الأرض لاصقة ببعض ونحذف القيس وننط على ريل وحدة ونشوته من مربع لين مربع
والشاطرة اللي تحتل كل المربعات
أدري ما فهمتوا شي .. بس اللي تعرف هاللعبة بتكون فاهمة علي ( ولازم ما يكون عمرها أقل من 40 هههههههههه )

اصغركم سنا

اعتراف صريح


):

[حـ ن ـيـ ن]

من ضمن استراتيجيات طرق التدريس استراتيجية تمثيل ولعب الأدوار

كنتُ اطبقها منذ الصغر 😁

عندما كنّا أطفال أنا وأختي ... أختي أصغر منّي كان مع كل واحدة منا ربيان وعصير

بدأتُ بالأكل حتى انتهيت ، وأختي أكلت فيما بعد .... هنا جاءت استراتيجية تمثيل الأدوار 😈

اقترحت على أختي لعبة الطبيب والمريض ( أختي الطبيب وأنا المريض ) كل منا أدى دوره بإتقان

وقالت أختي خلاص انتهينا ....

قلت لا تبقى أن تصرفي لي دواء واقترحت عليها ( الربيان : الحبوب ، العصير : دواء سائل )

وجلست أكل من الدواء والطبيب ينظر إليه بحزن 😂

وقالت أختي كفى لم يتبقى لي شيئاً ، قلت نعم لأنني مريضة واحتاج للدواء حتى اتحسن 😂😂😂

عذراً أختي حبيبتي على الغش الذي بدر منّي

دمتِ بخير