العلاج بفلوس للقطري في "اسبيتار"؟؟؟؟

[الدوحه1]

عندي ألم بسيط في الركبه والدكتور في المركز الصحي نصحني بتجربة "سبيتار".

دشيت على موقع المستشفى عشان اعبي طلب للموعد..

اتصلوا فيني ثاني يوم لاخذ معلومات اضافيه عن الاصابه.. وبعدها بعدة ساعات اتصلوا فيني وعطوني الموعد ولكن اطلبوا مني احضار بطاقة البنك لدفع الرسوم(220 ريال)!!!!

فاستغربت وقلت انا مواطن و"سبيتار" مستشفى حكومي فليش ادفع رسوم للعلاج؟؟؟

فكنسلت الموعد!!!

السؤال:
ليش اللاعب "الأجنبي" يتعالج ببلاش و"المواطن" بفلوس؟؟؟؟؟؟؟؟؟؟؟؟؟؟؟؟؟؟

[kitmat]

لا هاي فتح ملف بس

[kitmat]

ليش اتكنسل بس اول مره تدفع وبعدي مافي دفع

[الدوحه1]

بس الموظف قال ان ال 220 ريال رسوم استشارة الطبيب وماجاب طاري "فتح الملف"؟؟؟؟؟؟

الحمدلله نتعالج في كل المستشفيات الحكوميه ببلاش(مستشفى حمد والمراكز الصحيه.....)؟؟؟

[لطيف الروح]

عندي ألم بسيط في الركبه والدكتور في المركز الصحي نصحني بتجربة "سبيتار".

دشيت على موقع المستشفى عشان اعبي طلب للموعد..

اتصلوا فيني ثاني يوم لاخذ معلومات اضافيه عن الاصابه.. وبعدها بعدة ساعات اتصلوا فيني وعطوني الموعد ولكن اطلبوا مني احضار بطاقة البنك لدفع الرسوم(220 ريال)!!!!

فاستغربت وقلت انا مواطن و"سبيتار" مستشفى حكومي فليش ادفع رسوم للعلاج؟؟؟

فكنسلت الموعد!!!

السؤال:
ليش اللاعب "الأجنبي" يتعالج ببلاش و"المواطن" بفلوس؟؟؟؟؟؟؟؟؟؟؟؟؟؟؟؟؟؟



الأجنبي اموره طيبه ما كل الأخضر واليابس ولا هو بس في اسبيتار في كل مكان للأسف

كلام الموظف صحيح العلاج للقطري بفلوس الا اذا عندك واسطة او تحويل من مكتب العلاج بالخارج

[راعي الكورفت]

اخوي انا سويت عملية رباط صليبي في الركبه في اسبيتار.

انت فاهم الموضوع غلط.

صحيح هو انك لو تسجل بالبطاقة القطريه لازم أول مره تدفع 220 ريال استشاره للطبيب ومن بعدها باقي العلاج يتحول ببلاش من بعد الاستشاره على حساب المجلس الأعلى للصحى.

يعني لو دفعت 220 ريال استشاره.
تصوير الاشعه والعمليه والعلاج الطبيعي كله ببلاش وعلى حساب الحكومه.

يعني غير ال220 ريال مش هاتدفع شي غيرها

الله يشفيك انشاء الله وماتشوف شر.

[بانغ بانغ]

يعني 220 بتغير الميزانية لو اعفوها

[السيف5]

كلام صحيح الدفع فقط بالبداية لفتح الملف

وبعدها بالمجان

[مدور عقلي]

سبيتار مؤسسة شبه حكوميه اولاً .. ثاني شي اللاعب النادي الاجنبي النادي يدفع له .. ثالثاً لما تجرب الخدمات الي تقدمها سبيتار مثلاً ابسط شي من لاباقت استقبال او اعلى مستوى علاجي .. ماراح تستخسر ال ظ¢ظ¢ظ* الي بتدفعهم مع دخولك للطبيب

[وحيد-الشوق]

اخبر وديت الوالدة في سنة 2010 مابي اقول شلون خذت الموعد خلني ساكت المهم الدكتور شاف حالتها قال مانقدر نسوي شيء كان عندها التهاب في العظم وعظم زايد في المرفق والورك يقولون مانعالج هالاصابات !!!!

هالمستشفى حق الرياضيين والإصابات الرياضية

[kitmat]

انا صديقتي توها مسوية عملية قطع عصب الاصبع فري بدون فلوس لانها قطرية

[بوخالد911]

كلام صحيح الدفع فقط بالبداية لفتح الملف

وبعدها بالمجان

بودي ملف بو عشرين ريال

ينفع؟!؟!؟!

[م ـحمد ^^]

قطري الجنسية لا يكلف بدفع أي مبلغ سواءً فتح الملف وقدره 220 ريال فقط .. الحمدلله أحسنت الحكومة

[محمد11]

السلام عليكم ..
بخصوص سبيتار ك خبرة 6 عمليات .. وك لاعب سابق
المواطن القطري يدفع فقط اول زياره له .. بعدها كل شي مجانا من تصوير وادويه وعمليات ولاعلاج طبيعي ( الاشياء المكلفه ) ..
وثاني شي مالخص ان اللاعب الاجنبي مجانا !!
اللاعب الاجنبي يدفع له النادي واللاعب القطري من اللجنه الاولمبيه ..
للعلم بالسابق ( المستشفى ) خاص للرياضين فقط !!
بعدها الدوله جزاها الله خير دخلت المواطن ف المستشفى بالعلاج مجانا ...
وحاليا تم انشاء صالة للعلاج الطبيعي خاص للمواطن او بالاخص الغير رياضي ..
ف قول الحمدالله انك تدفع 220 ريال .. بعدها كل شي مجانا ..
او تروح الاهلي / العمادي / الدوحه تدفع حتى حق سريرك مب بس ملف
قولوا الحمدالله على النعمه الي انتوا فيها

[محمد11]

سوال اخوي الدوحه ؟
يوم سالت الموظف قلت له ان المستشفى حكومي ؟
هل تمت الاجابه بنعم حكومي ؟

[وحيد-الشوق]

صراحه انا توني ادري ان المستشفى مجاني للقطريين طول هالوقت احسبه بفلوس !!!!

[محمد11]

صراحه انا توني ادري ان المستشفى مجاني للقطريين طول هالوقت احسبه بفلوس !!!!

مجانا طال عمرك .. الدفع اول مره لفتح الملف ..
وماتشوفون شر ان شاء الله

[معماري قطري]

قريب من بيتي باروح له بس قبل وزعوني بدون علاج .. شكلهم يلفون ويدورون يقولون احتكاك وخشونة ما نعالج

[الدوحه1]

توني متصل فيهم وقالوا فعلا ان العلاج "للقطريين" ببلاش بس في رسوم 220 ريال تدفع لمره وحده لفتح الملف..

اذا اللوم على الموظف اللي اتصل فيني وقال لي ان الرسوم للاستشاره؟؟؟؟

ولكن ليش مايكون في تعاون بين وزارة الصحه واسبيتار بحيث يسمح للطرفين بالدخول على ملفات المرضى؟؟

فمثلا اذا انا سويت اشعه اكس للركبه في المركز الصحى وصورة الاشعه موجوده في ملفي الصحي فليش اسوى مره ثانيه في اسبيتار او العكس؟؟

الا يعتبر هذا نوع من اهدار المال العام؟؟؟

[الوسيط العقاري]

عيبنا يا هل قطر نتشكى على كل شي

220 مابتأثر ع ميزانيتنا

تطلعون تعشون ف اي مكان مع هلك الحساب 300 وفوق اقل شي

:)

[الدوحه1]

عيبنا يا هل قطر نتشكى على كل شي
220 مابتأثر ع ميزانيتنا
تطلعون تعشون ف اي مكان مع هلك الحساب 300 وفوق اقل شي
:)



ياخوي
أولا: العلاج اجباري والعشا اختياري.
ثانيا: غلطت الموظف اللي ماشرح عدل وقال ان العلاج ببلاش للقطريين وان الرسوم لفتح الملف.
ثالثا: للعلم ترى في قطريين ماعندهم أي دخل غير معاش الشؤون وال 220 ريال مبلغ مب بسيط بالنسبه لهم!!!
وهل "اسبيتار" فعلا محتاجين لل 220 ريال؟؟؟؟؟؟
رابعا: الدوله ماقصرت ووفرت العلاج الصحي "مجانا" لكل المواطنين وأسبيتار مستشفى حكومي مادام ان ميزانيته 100% من خزينة الدوله..

مع تحياتي.

[معماري قطري]

توني متصل فيهم وقالوا فعلا ان العلاج "للقطريين" ببلاش بس في رسوم 220 ريال تدفع لمره وحده لفتح الملف..

اذا اللوم على الموظف اللي اتصل فيني وقال لي ان الرسوم للاستشاره؟؟؟؟

ولكن ليش مايكون في تعاون بين وزارة الصحه واسبيتار بحيث يسمح للطرفين بالدخول على ملفات المرضى؟؟

فمثلا اذا انا سويت اشعه اكس للركبه في المركز الصحى وصورة الاشعه موجوده في ملفي الصحي فليش اسوى مره ثانيه في اسبيتار او العكس؟؟

الا يعتبر هذا نوع من اهدار المال العام؟؟؟



معاك كل العذر .. انا دفعوني مرة لي ودخلت وطلعت كلها 5 دقايق شفت وجه الدكتور ونفس الوضع مع والدتي الله يحفظها

الربط الالكتروني المفروض مع كل دول العالم من خلال الانترنت العملية سهلة جداً وكل مركز صحي حتى الصغير في أمريكا مسويها .. ويقولون لك تبي وين نرسل لك التقارير .. ولو رحت أي مستشفى تقدر تطلب فحوصاتك حتى لو من سنين .. قبل كان عندهم تصوير الأسنان بدائي وعادي وفايل المريض يبقى الى فترة طويلة .. الآن بالثورة الرقمية كل شيء سهل بشرط إنت توقع على اقرار ببعث ملفك لأي جهة تطلبه نيابة عنك

[معماري قطري]

ياخوي
أولا: العلاج اجباري والعشا اختياري.
ثانيا: غلطت الموظف اللي ماشرح عدل وقال ان العلاج ببلاش للقطريين وان الرسوم لفتح الملف.
ثالثا: للعلم ترى في قطريين ماعندهم أي دخل غير معاش الشؤون وال 220 ريال مبلغ مب بسيط بالنسبه لهم!!!
وهل "اسبيتار" فعلا محتاجين لل 220 ريال؟؟؟؟؟؟
رابعا: الدوله ماقصرت ووفرت العلاج الصحي "مجانا" لكل المواطنين وأسبيتار مستشفى حكومي مادام ان ميزانيته 100% من خزينة الدوله..

مع تحياتي.



وخامساً وشو الملف ذيه؟ انا اشك يشترون بها سندويشات بيض حق الدكتور

[الوسيط العقاري]

ياخوي
أولا: العلاج اجباري والعشا اختياري.
ثانيا: غلطت الموظف اللي ماشرح عدل وقال ان العلاج ببلاش للقطريين وان الرسوم لفتح الملف.
ثالثا: للعلم ترى في قطريين ماعندهم أي دخل غير معاش الشؤون وال 220 ريال مبلغ مب بسيط بالنسبه لهم!!!
وهل "اسبيتار" فعلا محتاجين لل 220 ريال؟؟؟؟؟؟
رابعا: الدوله ماقصرت ووفرت العلاج الصحي "مجانا" لكل المواطنين وأسبيتار مستشفى حكومي مادام ان ميزانيته 100% من خزينة الدوله..

مع تحياتي.



لا تحاتي ال 220 ريال كلها بتروح ايرادات للدولة ..

نفس نفس اي جهه حكومية كالبلدية والمرور وغيرها

انا اشوف الموضوع عادي جدا بالنسبة ل 220 ريال

القطري ف مستشفى حمد يطلب تقرير طبي من الدكتور يدفعونه 50 ريال رسوم التقرير

وكل هالفلًًوس بتروح لايرادات الدولة ..

[ya3coub]

والله انها تسوى و هاذي فقط فالبطاية و صحيح كل مسج بيوصلك لموعدك مكتوب فيه انك نجهز فلوسك و بطاقتك للدفع عن طريق البطاقه البنكية بس مافي شي.

بصراحة خوش مستشفى و الحق ينقال بس للأسف ما قدرت استفيد منهم بسبب أوقات عملهم و ضغط المواعيد الغير طبيعيه يعني عندي علاج طبيعي مستعجل فالأسبوع مرتين و مرات تمر اسبوعين و احصل فالثالث فقط موعد للأسف

غيره بصراحه وايد كبير و انصدمت من الي شفته عندهم بس كنت اتمنى لو العلاج الطبيعي عالأقل يكون لين السابعه مسائا مثلا كونها مستشفى و بس. و ترا أخوي مو بسهوله مرات يعطلونك لين ما يسمحونلك ارجع تواصل معاهم و روح لا تحاتي.

[مدور عقلي]

ياخوي
أولا: العلاج اجباري والعشا اختياري.
ثانيا: غلطت الموظف اللي ماشرح عدل وقال ان العلاج ببلاش للقطريين وان الرسوم لفتح الملف.
ثالثا: للعلم ترى في قطريين ماعندهم أي دخل غير معاش الشؤون وال 220 ريال مبلغ مب بسيط بالنسبه لهم!!!
وهل "اسبيتار" فعلا محتاجين لل 220 ريال؟؟؟؟؟؟
رابعا: الدوله ماقصرت ووفرت العلاج الصحي "مجانا" لكل المواطنين وأسبيتار مستشفى حكومي مادام ان ميزانيته 100% من خزينة الدوله..

مع تحياتي.




لو انك قريت ردي بتعرف اني قلت انه شبه حكومي ..

[محمد11]

توني متصل فيهم وقالوا فعلا ان العلاج "للقطريين" ببلاش بس في رسوم 220 ريال تدفع لمره وحده لفتح الملف..

اذا اللوم على الموظف اللي اتصل فيني وقال لي ان الرسوم للاستشاره؟؟؟؟

ولكن ليش مايكون في تعاون بين وزارة الصحه واسبيتار بحيث يسمح للطرفين بالدخول على ملفات المرضى؟؟

فمثلا اذا انا سويت اشعه اكس للركبه في المركز الصحى وصورة الاشعه موجوده في ملفي الصحي فليش اسوى مره ثانيه في اسبيتار او العكس؟؟

الا يعتبر هذا نوع من اهدار المال العام؟؟؟




انت شكلك ادور المشاكل .. الحين لفيت على موضوع دمج وزارة الصحه مع سبيتار :tease: .. بعد ماتاكدت ان العلاج مجانا وان موضوعك غلط .. ودبسته ف الموظف:tease:
وزارة الصحه خلهم يشوفون مشاكلهم اول عقب قول دمج ..
ياخي اذا انت عندك اشعه روح خذها من المركز الصحي وودها لهم صح ولالا .. هذا مايعتبر توفير للوقت قبل هدر المال العام على قولتك ..
لو الواحد يبي يروح يعالج برع او يكشف .. بياخذ حتى مقاس ثوبه مب اشعه بس علشان يوفر الوقت .. هناك مايتاخر جيتوا هني على هدر المال العام !!

[محمد11]

عيبنا يا هل قطر نتشكى على كل شي

220 مابتأثر ع ميزانيتنا

تطلعون تعشون ف اي مكان مع هلك الحساب 300 وفوق اقل شي

:)

مافي شي اسمه الحمدالله رب العالمين للاسف !!
باقي بس نصرف على حليب اليهال ويطلبون الدعم للحليب

[محمد11]

ومن ناحية الربط الالكتروني ..
تقولون مع دول العالم !!
اول شي خلنا نربط ملفاتنا في المستشفيات ف الدوحه عقب تكلموا عن ربطها مع دول العالم ..
وماشوف حد تكلم عن العيادات الثانيه من الاهلي والدوحه والعمادي !!!