تحذير لرواد سوق واقف الوكرة

[بو راشد 1]

يرجى الانتباه الى الشخص العربي الذي يبيع ذرة مشوية (الحبة ب 15 ريال) و كستناء مشويه (10 حبات ب 25 ريال) في سوق واقف الوكرة، بغض النظر عن السعر المبالغ به، يرجى الانتباه لما يرجع باقي المبلغ لكم، تأكدو ان الردود صحيحة، وشكرا.

[صاروخ]

جزاك الله خير. على التنبيه.

[بوخالد911]

جزيت خيرا.

[qatar0991]

الله يجزاك خير على التنبيه

[nokia30]

الله يجزاك خير

[معماري قطري]

من أيام صارت معاي واستغربت ولا اعتقد غلطان في العد .. شريت غرض بحدود شيء وعشرين وعطيت البائع 500 عطاني خردة بينها خمسينات ومئات مسكتها بيدي وراح وبديت اعد .. كم مرة تطلع لي 370 وشوي .. سويت هرن وجاء وقلت له السالفة وعطته الفلوس يعدها هو حط معاها 100 الناقصة وعدها طلعت أكثر 570 وشوي .. ما اشك فيه وهو شخص طيب بس بعد ما اشك في نفسي عادها كم مرة وعادتي ما اعد بس الانتباه والحرص واجب

[alfarasha]

شكرا على التنبيه

[7aayaahh1]

المفروض ننتبه بكل وقت ومع الكل .. شكراً لك

[جبر ال جبر]

اوب والله امس شاري من عنده وليته ينكل عادي جدا والذره محروقه ولكن عديت الفلوس لقيتها مثل ماهي
والذره ب10 والكستنه ب25 وبعدين مطاعم سوق الوكره كلها جدا عاديه وماتسوى يليت يتعلمون من مطاعم الكويت الاكل فيه نطعه فيه لذه فيه نكه تستلذ ف الاكل مب عندنا مش حالك والاسعار دبل!!!

[جبر ال جبر]

اصلح عفوا غلطت الاسعار مش دبل 10 اضعاف بضبط والدليل الكيماء الساندويتش ب15 ريال يابسه ومافيها طعم وفي المعاصر الذ منه والبراتا لينه تحسها فرش ولذيذه بريال ونص الكرك ب10 وماتشرب نصه ثقيل وبرا بريال وتخلصه كامل وتطلب ثاني
الاسعار مبالغ فيها اتمنى الجهات المسؤله تتدخل في موضوع الاسعار وعلى راسها وزاره التربيه والتعليم

[راعي الكورفت]

المضحك والمبكي بعد هذه التسعيره الجنونيه بان إيجارات سوق واقف الوكره ب550 ريال شهريا للمحل .

قدمت سابقا على محل وماصار لي نصيب

طبعا ادارة السوق تقول انها متوزعه بالقرعه.
واعرف كم واحد ماخذينها بالواسطه.

الله يوفقهم ويستر عليهم :)

[امـ حمد]

خير ان شاء الله يبيع ذرة المشوية الحبة ب 15 ريال،الصندوق ب 15 ريال في السوق المركزي،
والكستناء المشويه 10 حبات ب 25 ريال، ولأسعار دبل
جزاك الله خير على التنبيه

[Saranay]

الأسعار جدا غالية مقارنة بسعر الايجارات
ليت حماية المستهلك أو وزارة الاقتصاد تدخل في هذا الشئ
السؤال
ماذا استفاد المواطن من الإيجار المنخفض إذا الأسعار نفس أسعار المطاعم خارج السوق

[ابوالعبد]

ههه كل شي غالي اجل زعتر علي خمس ريال وفطيره جبن علي سبع ريال وفلافل علي ست ريال