نسيت شي .. ورجعت له

[الحياة الخالدة]

السلام عليكم ورحمة الله وبركاته

مساكم الله بالخير

كم مرة نسيتوا شي مهم من أغراضكم في مكان ورجعتوا له ؟؟
لقيتوه والا ما لقيتوه ؟؟

اللي عنده تجربة أو موقف مماثل .. يشاركنا مشكوراً

[معماري قطري]

انا نسيت نظارتي ورجعت ولا لقيتها

[الحياة الخالدة]

انا نسيت نظارتي ورجعت ولا لقيتها

وين نسيتها ؟؟
وعسى ما كانت غالية

معوض خير إن شاء الله

[معماري قطري]

وين نسيتها ؟؟
وعسى ما كانت غالية

معوض خير إن شاء الله

قيمتها معنوية كانت بحدود 500 ريال بس صار لها فترة عندي وماخذها من أمريكا .. كنت اتسوق ومعلقها في العربة ومحاول اتذكرها لكن ما ادري شصار نسيتها أو حطيتها على صدام السيارة ومشيت .. رجعت سألت عنها قالوا لي ما حصلناها هذا في ألمانيا

وبنفس الوقت سافرت بالقطار باريس وكنت معلق جاكيت جنب كرسي ونزلت وافتقدته توقعت اني نسيته ورحت محطة القطارات ودخلني الموظف أشياء شكثر مفقودة بس مثل جاكيتي ما فيه .. بعدين ما ادري شلون حصلته على السرير الثاني اللي كل شوي ابدل واقط الثياب عليه وكان حبيبي تحت الثياب مسكته وعاتبته ليش منخش ولا قلت لي

[الحياة الخالدة]

مرة أنا وبنت أختي دشينا حمام ( وانتو بكرامة ) في أحد المولات نتوضأ للصلاة
عقب ما صلينا ومشينا .. إلا بنت أختي تطالع يدها ما لقت الساعة .. دورت في شنطتها على السريع ما لقت شي
ردينا بسرعة للحمام .. ما حصلناها
لقينا العاملة اللي تنظف .. سألناها وحققنا معاها .. وهي مصرة وتعيد وتزيد إنها ما شافت شي :(
طلعنا واحنا متأكدين يمكن 90 بالمية انها هي اللي ماخذتها .. وانا اتحلطم على بنت أختي واقول لها مليون مرة موصيتج لين فصختي الساعة تحطينها في الشنطة :anger2:
المهم .. واحنا ماشيين فتحت الشنطة تبي تطلع كلينكس منها والا الساعة متقلقصة تحت
طبعاً تقدرون تتخيلون شعورنا حزتها .. ومدى الاحساس بالذنب تجاه العاملة المسكينة
قلت لها الحين نرد ونعتذر لها ونطيب خاطرها بمبلغ من المال
ردينا ندورها .. لكن للأسف ما لقيناها

الله يغفر لنا سوء الظن ويعفو عنا

[الحياة الخالدة]

قيمتها معنوية كانت بحدود 500 ريال بس صار لها فترة عندي وماخذها من أمريكا .. كنت اتسوق ومعلقها في العربة ومحاول اتذكرها لكن ما ادري شصار نسيتها أو حطيتها على صدام السيارة ومشيت .. رجعت سألت عنها قالوا لي ما حصلناها هذا في ألمانيا

وبنفس الوقت سافرت بالقطار باريس وكنت معلق جاكيت جنب كرسي ونزلت وافتقدته توقعت اني نسيته ورحت محطة القطارات ودخلني الموظف أشياء شكثر مفقودة بس مثل جاكيتي ما فيه .. بعدين ما ادري شلون حصلته على السرير الثاني اللي كل شوي ابدل واقط الثياب عليه وكان حبيبي تحت الثياب مسكته وعاتبته ليش منخش ولا قلت لي

هههههههههه أهم شي إنك عاتبته .. عشان ما يعيدها

[حمد 2002]

انا مره كليت في مطعم بسوق واقف ونسيت ادفع الفاتوره مممم وراعي المطعم يلحقني :playball: .. وقلت له اسف ودفعت ..

موقف محرج خصوصا انه السوق كان زحمه :swoon2:

[حمد 2002]

نسيت جوالي بعد في مطعم ورجعت له ولقيته مكانه ..

الحمد لله ..

كنت مب خايف من ضياع الجوال ولكن خايف من المعلومات الي فيه فقط ..

[النهار]

انا اكثر شي انسي جوالي يمكن 6 مرات المصيبه ماتذكر الا بعد كم ساعه

[حمد 2002]

انا اكثر شي انسي جوالي يمكن 6 مرات المصيبه ماتذكر الا بعد كم ساعه


الحل انه تربط الجوال بخيط وتعلقه برقبتك ..

[الحياة الخالدة]

انا مره كليت في مطعم بسوق واقف ونسيت ادفع الفاتوره مممم وراعي المطعم يلحقني :playball: .. وقلت له اسف ودفعت ..

موقف محرج خصوصا انه السوق كان زحمه :swoon2:


نسيت جوالي بعد في مطعم ورجعت له ولقيته مكانه ..

الحمد لله ..

كنت مب خايف من ضياع الجوال ولكن خايف من المعلومات الي فيه فقط ..

إي صح .. أهم شي المعلومات اللي في الجوال

[الحياة الخالدة]

انا اكثر شي انسي جوالي يمكن 6 مرات المصيبه ماتذكر الا بعد كم ساعه

وكل مرة ترد وتحصله ؟؟

[النهار]

وكل مرة ترد وتحصله ؟؟

مرتين حصلت الجوال و4 مرات لا
واحد رزيل اتصل على جوالي الي ضاع يرد علي ويقول روح ياعم بكره هيتصدر اعمل الي تعمله ههههههههههههه

[مستـريــح البـــال]

مسابيحي الكهرم وايد تضيع بس مادري وين ، وكل ما اقول توبه ماراح اشتري، تحكني يدي ..

الواحد يتعلق باغرضه خصوصا لو رافقته في كل مكان ، ويتعود عليها ..

[الحياة الخالدة]

مرتين حصلت الجوال و4 مرات لا
واحد رزيل اتصل على جوالي الي ضاع يرد علي ويقول روح ياعم بكره هيتصدر اعمل الي تعمله ههههههههههههه

ههههههههههههه صج رزيل .. عاد كلش ما عرفنا جنسيته :nice:

[الحياة الخالدة]

مسابيحي الكهرم وايد تضيع بس مادري وين ، وكل ما اقول توبه ماراح اشتري، تحكني يدي ..

الواحد يتعلق باغرضه خصوصا لو رافقته في كل مكان ، ويتعود عليها ..

الله يعوضك خير .. اليد اللي تحك على المشترى مشكلة ههههههههههه
بس صج صعب انك تشوف شي تحبه وما تشتريه .. لكن تعال وانتبه عليه لا يضيع

[هيليوم]

من سنين طاح مني البوك وانا اركب السيارة في السوق قدام محل اعرفه مشيت بالسيارة مسافة عقب حطيت يدي على جيبي وما القاه
رجعت المحل وسألت قالي في واحد حصله وعطاه رقمه وفعلا اتصلت عليه وجاني ورده لي ما قصر مع انه مبين انه على قد حاله وعطيته المقسوم مع انه ما رضي يأخذ في البداية

[مستـريــح البـــال]

من سنين طاح مني البوك وانا اركب السيارة في السوق قدام محل اعرفه مشيت بالسيارة مسافة عقب حطيت يدي على جيبي وما القاه
رجعت المحل وسألت قالي في واحد حصله وعطاه رقمه وفعلا اتصلت عليه وجاني ورده لي ما قصر مع انه مبين انه على قد حاله وعطيته المقسوم مع انه ما رضي يأخذ في البداية

سبحان الله ،، عزة النفس كنز ،،

صارت لي في لندن ،، طاح جوالي وانا اعبر الشارع وما دريت عنه ،، وما اسمع الا وحده تنادي ،، يوم افتريت الا تعطيني التلفون ..

[Dana’1]

زماان نسيت ساعه في دورة مياه مطار الملك فهد الدولي بالدمام،،، كانت جديده من مكه ردينا الشرقيه لبستها مره عقب ثاني يوم حجزنا على قطر انا وابوي دخلت اتوضأ خليتها عالمغسله،، صليت وركبنا الطياره بشوف كم الساعه الا مافيه ساعه تروعت هههه
ابوي شفيك ؟! يبه نسيت ساعتي عالمغسله ياحياتي هو شاريها قال فاهين هههه
قلت اذا ردينا بروح قسم المفقودات يمكن احصلها،، قال بما معناه معليه ,, ابشري بالعوض:)

وطبعا مالقيتها بح

[الحياة الخالدة]

من سنين طاح مني البوك وانا اركب السيارة في السوق قدام محل اعرفه مشيت بالسيارة مسافة عقب حطيت يدي على جيبي وما القاه
رجعت المحل وسألت قالي في واحد حصله وعطاه رقمه وفعلا اتصلت عليه وجاني ورده لي ما قصر مع انه مبين انه على قد حاله وعطيته المقسوم مع انه ما رضي يأخذ في البداية


سبحان الله ،، عزة النفس كنز ،،

صارت لي في لندن ،، طاح جوالي وانا اعبر الشارع وما دريت عنه ،، وما اسمع الا وحده تنادي ،، يوم افتريت الا تعطيني التلفون ..

صحيح كلامكم .. للحين الدنيا بخير .. وفي ناس فيهم خير
يردون لك حاجتك .. سواء مسلمين أوغيرهم .. من باب الأمانة

[الحياة الخالدة]

زماان نسيت ساعه في دورة مياه مطار الملك فهد الدولي بالدمام،،، كانت جديده من مكه ردينا الشرقيه لبستها مره عقب ثاني يوم حجزنا على قطر انا وابوي دخلت اتوضأ خليتها عالمغسله،، صليت وركبنا الطياره بشوف كم الساعه الا مافيه ساعه تروعت هههه
ابوي شفيك ؟! يبه نسيت ساعتي عالمغسله ياحياتي هو شاريها قال فاهين هههه
قلت اذا ردينا بروح قسم المفقودات يمكن احصلها،، قال بما معناه معليه ,, ابشري بالعوض:)

وطبعا مالقيتها بح

الله يعوضج خير
هاذي هي .. دوم سالفة الساعة .. وعلى المغسلة بعد الوضوء

نفس الشي اختي نست ساعتها في السيتي سنتر .. في وقت كان فيه احتفالات ( ماذكر شنهي المناسبة )
وكان الحمام ( الله يعزكم ) في منطقة مجاورة لتجمع الناس
الساعة هاذي كانت هديتي لها في عرسها :(
طبعاً على ما اكتشفت غياب الساعة من يدها ورجعنا ندورها .. كانت على قولتج : بح

[Dana’1]

مره في مطار جده متجهين لمكه وقريب من باب الخروج واحد مضيع جواله خذناه وابوي احتفظ فيه قال اكيد بيتصل عليه
طلعنا للتكسي واحنا بالطريق اتصل طلع سعودي قال له ابوي اذا تحب تلحق تجينا احنا قريبين عادنا بجده ومتجهين لمكه قال حلو ما احتاجه ضروري الحين ولا نتعطل احنا بعد متجهين لمكه والوعد هناك
وسلمه ابوي الجوال بالحرم :)

[Dana’1]

الله يعوضج خير
هاذي هي .. دوم سالفة الساعة .. وعلى المغسلة بعد الوضوء

نفس الشي اختي نست ساعتها في السيتي سنتر .. في وقت كان فيه احتفالات ( ماذكر شنهي المناسبة )
وكان الحمام ( الله يعزكم ) في منطقة مجاورة لتجمع الناس
الساعة هاذي كانت هديتي لها في عرسها :(
طبعاً على ما اكتشفت غياب الساعة من يدها ورجعنا ندورها .. كانت على قولتج : بح

اكيد الرقص ماعندهم الا هالاحتفالات الثقافيه
الله يعوض عليكم بالخير تعيشون وتهدون يا رب

[khaldoon]

والله مره كنت حاطط جواز سفري في الجيبه الخلفيه للبنطلون و سقط مني من غير ما انتبه و طلعت بالسياره و رجعت البيت و بس انتبهت رجعت على الشركه اللي كنت ازورها و لقيت جواز السفر مرمي على الارض في غرفة الاجتماعات اللي كنت فيها و لا احد انتبه له ...الحمد لله طبعا الله ستر ...فقدان جواز سفر مصيبه كبرى اصعب من انه الواحد يفقد ولده هالايام مع التعقيدات و المشاكل اللي بواجهها

و مره وقعت مني المحفظه و روحت و بس انتبهت رجعت و لقيتها مكانها ما احد جلس مكاني في القهوه يمكن لانه الوقت كان متاخر و ربنا سترنا

لو بتذكر شي بعد برجع بذكره لكم ....بس انا مب من النوع اللي يحط اغراضه (محفظه و جوال و مفاتيح .....الخ) على الطاولات في المحلات و الكافيهات و القهاوي و ينساهم....

[الحياة الخالدة]

مره في مطار جده متجهين لمكه وقريب من باب الخروج واحد مضيع جواله خذناه وابوي احتفظ فيه قال اكيد بيتصل عليه
طلعنا للتكسي واحنا بالطريق اتصل طلع سعودي قال له ابوي اذا تحب تلحق تجينا احنا قريبين عادنا بجده ومتجهين لمكه قال حلو ما احتاجه ضروري الحين ولا نتعطل احنا بعد متجهين لمكه والوعد هناك
وسلمه ابوي الجوال بالحرم :)

جزاكم الله خير .. الجوال عديل الروح :nice:

[الحياة الخالدة]

اكيد الرقص ماعندهم الا هالاحتفالات الثقافيه
الله يعوض عليكم بالخير تعيشون وتهدون يا رب

تسلمين يا غالية

[ya3coub]

ياما و ياما الحين اي دوله فالخليج اسافرها لها لازم اقولهم اي زواجي ضاع مرة و بطاقتي ظ£ مرات و مرة مطراش خربان ابي ابلغ عن الجواز بلغ عن البطاقه

و اعطيهم التواريخ علشان ما اتعطل يقعدون يطالعوني اقولهم ترا انا يعقوب سئلوني اذا مظيع بطاقتي او جوازي

اعرفهم من عيونهم خصوصا أخوانا فالأمارات و البحرين وايد مشددين بسبب الربط الخليجي

[الحياة الخالدة]

والله مره كنت حاطط جواز سفري في الجيبه الخلفيه للبنطلون و سقط مني من غير ما انتبه و طلعت بالسياره و رجعت البيت و بس انتبهت رجعت على الشركه اللي كنت ازورها و لقيت جواز السفر مرمي على الارض في غرفة الاجتماعات اللي كنت فيها و لا احد انتبه له ...الحمد لله طبعا الله ستر ...فقدان جواز سفر مصيبه كبرى اصعب من انه الواحد يفقد ولده هالايام مع التعقيدات و المشاكل اللي بواجهها

و مره وقعت مني المحفظه و روحت و بس انتبهت رجعت و لقيتها مكانها ما احد جلس مكاني في القهوه يمكن لانه الوقت كان متاخر و ربنا سترنا

لو بتذكر شي بعد برجع بذكره لكم ....بس انا مب من النوع اللي يحط اغراضه (محفظه و جوال و مفاتيح .....الخ) على الطاولات في المحلات و الكافيهات و القهاوي و ينساهم....

عاد إلا الجواز
الجوال .. والجواز .. مع فارق الحرف هههههههههههه
والله أحسن شي تسويه إنك ما تحط شي من اغراضك على الطاولات .. لأن الذاكرة لا يُعتمد عليها أبداً هالايام

[لبيبة]

وعليكم السلام ورحمة الله وبركاته،

اي حصل لي ان نسيت مبلغ في خزنة الغرفة في الفندق،

وما تذكرت الا واحنا عند الدوار اللي جنب المطار بعد مشوار نص ساعة من الفندق،

والحمد لله كنا طالعين قبل بوقت كافي،

وطلبت من اخوي يرجع الفندق ويجيبه لي،

والحمد لله لما رجع ما دخل حد الغرفة للتنظيف ولقى المبلغ مكانه في الخزنة،

الحمد لله اني عادة ما احط الأغراض اللي في يدي في كل مكان،

ولكن من زود حرصي تركت المبلغ في الخزنة،

من يومها كله أشيك على الخزنة قبل لأطلع من الفندق.

[ya3coub]

عاد إلا الجواز
الجوال .. والجواز .. مع فارق الحرف هههههههههههه
والله أحسن شي تسويه إنك ما تحط شي من اغراضك على الطاولات .. لأن الذاكرة لا يُعتمد عليها أبداً هالايام

عندي مشكله متعود على وزن معين اذا زدت عليه لا شعوريا انسى شي و هاي عاده غلط

متعود بوك مفتاح جوال و بس تعطوني نظارة او امسك مؤقتا جوال شخص ثاني علبال ما يعدل غترته او لأي سبب كان لا شعوريا انسى شي من اشيائي عالطاولة او المكان الي احنا فيه و امشي

[JN000N]

نسيت شنو نسيت وشنو كنت بكتب

المهم لين تذكرت بقول عني

بس اذكر الكيمره اللي فيها صور عملية امي كامله وصورها ف المستشفى وقبل العمليه وكل شي
كانت عالكرسي حذاها ف الحديقه ف المانيا
قامت هي وابوي ثواني من عالكرسي تذكر الكيمره التفت بيرد بياخذها مالقاها

[R 7 A L]

سافرت مره لدبي
وانا راجع تذكرت اني نسيت الايباد في الفندق
كلمت الفندق قالو موجود
رحت لشركة dhl
ودفعت فوق قيمته مرتين ورجع لي بعد يومين

[khaldoon]

مرة سحبت فلوس من ماكينة الصراف الالي و في اللحظه اللي طلعت الفلوس من الماكينه جاني تليفون مهم من زوجتي بالمستشفى و اخذت البطاقه و ما اخذت الفلوس و مشيت و بعد ساعتين ثلاثه تذكرت لما شوفت المحفظه فاضيه ما في فلوس هههه المهم رجعتلي الفلوس بعد اسبوعين تقريبا

لهالسبب صار النظام انه تطلع الفلوس الاول في اغلب مكاين الصراف الاللى علشان الناس بس تشوف الفلوس ممكن تنسى نفسها و اللي حوليها من الفرحه

[ضوى]

ايه حصل ووايد

وايد انسى خواتمي وساعتي بالشغل لكن القاهم محد يتجرأ ياخذ شي

ومرة ولد اختي نسى الجوازات في خزنة الفندق في زيلامسي وكنا طالعين رايحين هايدي لاند ، وماتذكرنا الا عقب ساعتين طريج بغيت اطقه طق لكن الحمد لله ردينا وخذنا الجوازات وكملنا دربنا وتأخرنا وايد بالطريق بسبب هالساعتين

ومرة نسيت بوكي في الخياط وفيه فلوس ومفتاح البيت ولا تذكرت السالفة من خمسة وعشرين سنة وقلبت الدنيا مب علشان الفلوس عشان مفاتيح البيت ، ووكلنا امرنا لله وبدلنا المفاتيح وصدف اني رحت للخياط عقبها بشهرين الا يسلمني البوك ومب ناقص منه ريال وانا قاعدة افاصلة علة عشرة ريال وعشرين ريال

[بوحارب]

كنت راجع من لندن ونسيت الأيفون ف الطيارة :(

تذكرت وانا اختم جوازي في المطار

ورجعت بعد اذن الضابط

وقالوا لي موظفين المطار ممنووووووع ترجع للطيارة مره ثانيه

وعقب رجعت العصر واستلمته


فلوس حلال ماتضيع :)

[khaldoon]

كنت راجع من لندن ونسيت الأيفون ف الطيارة :(

تذكرت وانا اختم جوازي في المطار

ورجعت بعد اذن الضابط

وقالوا لي موظفين المطار ممنووووووع ترجع للطيارة مره ثانيه

وعقب رجعت العصر واستلمته


فلوس حلال ماتضيع :)



انا مب متفق معاك يا زلمة في هذه المقوله....يعني اللي يضيع منه فلوس ما يلقاها تكون فلوس حرام؟؟!!!

[لبيبة]

انا مب متفق معاك يا زلمة في هذه المقوله....يعني اللي يضيع منه فلوس ما يلقاها تكون فلوس حرام؟؟!!!

كنت أردد نفس المقولة سابقًا،

ولكني غيرت من قناعتي بعدين لما استوعبت إن مب لازم كل شي ضايع ورد لصاحبه بالضرورة إنه من رزق حلال،

ومب كل شي ضاع من صاحبه وما رد له يكون من كسب حرام،

العبرة هي أن الله كتب لك هذا الرزق في هذا الوقت، وأراد الله أن يبقى هذا الرزق لك فعاد إليك،

اما اللي ضاع له شي، الله قسم لك هذا الرزق لوقت محدد، وبعده قسمه لغيرك،

أمر المؤمن كله خير، وإن ضاع لك شي احتسبه عند رب العالمين،

يعني المبلغ اللي نسيته في الفندق، رجع لي وكان من كسب حلال،

والساعات اللي ضاعت عندنا، بعد من نفس الكسب الحلال،

كلهم حلال، لكن الله كتب لنا اللي كتبه منهم.

[khaldoon]

كنت أردد نفس المقولة سابقًا،

ولكني غيرت من قناعتي بعدين لما استوعبت إن مب لازم كل شي ضايع ورد لصاحبه بالضرورة إنه من رزق حلال،

ومب كل شي ضاع من صاحبه وما رد له يكون من كسب حرام،

العبرة هي أن الله كتب لك هذا الرزق في هذا الوقت، وأراد الله أن يبقى هذا الرزق لك فعاد إليك،

اما اللي ضاع له شي، الله قسم لك هذا الرزق لوقت محدد، وبعده قسمه لغيرك،

أمر المؤمن كله خير، وإن ضاع لك شي احتسبه عند رب العالمين،

يعني المبلغ اللي نسيته في الفندق، رجع لي وكان من كسب حلال،

والساعات اللي ضاعت عندنا، بعد من نفس الكسب الحلال،

كلهم حلال، لكن الله كتب لنا اللي كتبه منهم.

ما في بعد هذا الكلام اي كلام......الله يزيدك علم و فهم

[Riku3]

الحمد لله انا وايد اوسوس في هالاشياء .. لازم من اوقف ابي اتحرك من مكاني .. اشيك المخابي .. ولو مريت في مكان فيه زحمة تلاقي يدي على مخباي وكل شي اشيك على الاغراض @_@ ..

لو دفعت بالبطاقة لازم اتأكد اني رجعت البطاقة مكانها في البوك وما يطلع من مخباي .. ومرات وانا قاعد اعيد التأكيد من الوسواس @_@ .. حتى في البيت قبل لا افصخ الثوب اتأكد مافي شي في المخابي .. وقبل لا اقطه حق الغسيل بعد ..

هو صج وسواس اكثر من اللازم بس دامه لشي طيب مب مهم :] ..

طبعاً الاهل شي ثاني ولازم كل مره اذكرها تأكدي من كل اغراضج قبل لا نمشي .. مره بنتي بغت تروح الحمام في مجمع .. عقبنا تمينا نتمشى فترة الا اقولها وين شنطتج ! .. رجعنا وعند الباب تقابلنا مع وحده طالعه بالشنطة وخذناها منها وحسب كلامها كانت تبي تسلمه للادارة .. وما كان في شي ناقص ..

ومره في مستشفى الولادة قالت تعال عند الباب .. لما وصلت بالسيارة وركبت معاي الا تقول لحظة وين الايفون شكلي نسيته على الطاولة وانا ادفع الحساب في الكافتيريا !! .. بسرعه وقفت مكاني وقطيت السويج على الموظف هناك ودخلنا واروح بسرعه هناك اقول في جوال كان هنا .. ثواني بس استهبلت الموظفة بس من شافت اني ناوي على شر فجأة تذكرت ان في جوال لقوه من دقيقة وحاطته في الدرج :mad: .

وغيره الكثير +_+ .

[@north_star@]

مرة بمطار دبي عند التفتيش الشخصي على الجهاز حطيت الموبايل والمفاتيح والاشياء المعدنية وانا طالع خذيت كل شي وخليت خاتمي العزيز اللي صارله معاي تقريبا 13 سنة وانتبهت وانا بالباص اللي يودينا على الطيارة وطبعا خلاص مافي رجعة

[بانغ بانغ]

انا مرة في مول دبي ..... بعد يوم طويل وعناء كبير

رحت للموقف ....

اكتشفت اني نسيت زوجتي في المول ومعاي الاغراض والاكياس واليهال

مسكينة قالت لي بكون في المكان الفلاني واخوكم طار عقله من التعب

طبعا رجعت لها عقب

[بانغ بانغ]

اتذكر ايام الثانوية

كنا نركب السيارات وانخلي الكتب فوق السقف ( سقف السيارة )

ونمشي والا اوراق تتطاير ... انوقف والا الكتب لحينها فوق

اخبر كتاب الجغرافيا كأنه طابوقة ... من ثقله ما يطيح

اما الاشياء الثانية ... حدث ولا حرج بس الحمدلله كل شي احصله

[الحياة الخالدة]

انا نسيت فستان عرسي في ريجنسي ههههههههههه
ما تذكرته اصلاً الا عقب سنين .. وما رديت أدوره طبعاً
بس زين ضاع عشان ما اتوهق وين اوديه

[ya3coub]

انا نسيت فستان عرسي في ريجنسي ههههههههههه
ما تذكرته اصلاً الا عقب سنين .. وما رديت أدوره طبعاً
بس زين ضاع عشان ما اتوهق وين اوديه

حد ينسى فستان عرسه انا بشتي يمكن ابروزه هههههههههههه
اخليه من التراث حق احفادي

[Dana’1]

نسيت جوالي بالسياره بعد ما اتصلت بزوجي اطمنه انه وصلت بيت جدتي هذا وهو مان قريب من عندنا ههههههه
المهم كانت سهره صباحيه مع الاهل والبنات من السعوديه فماعاد شيكت عليه حتى توقعت بالشنطه
رحت للسياره وقبل لا احرك ابغى اطلع الجوال من الشنطه مالقيته،، اقلب مني مناك بالشنطه وبالسياره ماليقته يو! وين راح جوالي النوكيا الخطير كان اذا ماخانتني الذاكره نوكيا n95
ارد لهم والشعب مبسوط يحسب بكمل السهره قلت جوالي ضايع واستنفررتهم يدورون فمالقينااه طبعا


عقب عرفت إن زوجي اتصل مره مرتين واكثر ماحصل اي رد وهو عارف انه حروة ردتي للبيت فيبي يتطمن احرق الجوال اتصالات وقام يحاتي دعمت شي هههه:shy:
عقب دق سلف جاء للبيت شاف السياره تطمن بس فتحها اخذ الجوال وراح ههههههههههه

[العقل المدمر]

مرة نسيت بوكي فمطعم
رجعت عقب جم يوم وعطوني اياه

مرة نسيت جوالي فمحل
دقيت عليه من جوالي الثاني وردوا علي ورحت خذته

مرة حجزنا مع هلي ففندق كان عندنا عرس وكنا غرفتين
اليوم الثاني طلعوا قبلنا وادور جوتيي ومالقيته وطلعت بسليبر الفندق :(
واخرتها الاذكيا سلموه الامانات قالوا مب مالنا .. نسوا النص الثاني اللي فالغرفة الثانية :( المهم بعد رجعت خذته

مرة نسيت شي فالطيارة ماذكر شنو
بعد كلمتهم وجابوا لي اياه

ومرتين نسيت فلاشي فالكلية
مرة لقيته ومرة راح علي

بس اكثر موقف احرجني
وانا ماشية فمحل وكان زحممة ما وعيت الا اجنبية ساحبتني
فيدها ماعرف كم 500 تقول لي طايحين مني
اطالع الشنطة الا مفتوحة وتنبع منها خمسميات :(
المهم من ذاك اليوم وانا مفلسة مادري من عباله مليونيرة وحسدني

[العقل المدمر]

مرتين حصلت الجوال و4 مرات لا
واحد رزيل اتصل على جوالي الي ضاع يرد علي ويقول روح ياعم بكره هيتصدر اعمل الي تعمله ههههههههههههه


هالموقف حلمانة فيه انا
واحد بايق جوال امي ولما اتصلت عليه قعد يضحك ويقول صوركم فجوال امكم مصخرة
ويقول ببيع الجوال وببيع الصور وانا شوي واصيح من القهر واترجاه ولا في فايدة
اشوه كان مجرد حلم :(

[العقل المدمر]

انا مرة في مول دبي ..... بعد يوم طويل وعناء كبير

رحت للموقف ....

اكتشفت اني نسيت زوجتي في المول ومعاي الاغراض والاكياس واليهال

مسكينة قالت لي بكون في المكان الفلاني واخوكم طار عقله من التعب

طبعا رجعت لها عقب

هاه :looking:
:funny::funny::funny:

[بريق الحق]

اول يوم دوام حطيت نظارتي الشمسية وهي اول نظاره اشتريها وانباقت فالدوام
الحين اذا حصلت الشخص لابس نظارتي بصكه بوحده فعينه عشان يطالع الشمس عدل

[المحاميه]

القانوني لازم يكون حريص وحذر
وماينسى شي من اغراضه

< اشرايكم ف الهياط

[المحاميه]

مرة نسيت بوكي فمطعم
رجعت عقب جم يوم وعطوني اياه

مرة نسيت جوالي فمحل
دقيت عليه من جوالي الثاني وردوا علي ورحت خذته

مرة حجزنا مع هلي ففندق كان عندنا عرس وكنا غرفتين
اليوم الثاني طلعوا قبلنا وادور جوتيي ومالقيته وطلعت بسليبر الفندق :(
واخرتها الاذكيا سلموه الامانات قالوا مب مالنا .. نسوا النص الثاني اللي فالغرفة الثانية :( المهم بعد رجعت خذته

مرة نسيت شي فالطيارة ماذكر شنو
بعد كلمتهم وجابوا لي اياه

ومرتين نسيت فلاشي فالكلية
مرة لقيته ومرة راح علي

بس اكثر موقف احرجني
وانا ماشية فمحل وكان زحممة ما وعيت الا اجنبية ساحبتني
فيدها ماعرف كم 500 تقول لي طايحين مني
اطالع الشنطة الا مفتوحة وتنبع منها خمسميات :(
المهم من ذاك اليوم وانا مفلسة مادري من عباله مليونيرة وحسدني

هههههههههههه

[qatarman8008]

انا كل مرة انسى شي وارجع له ..
لكن يطلع معاي وانا مش منتبه..
اتذكر مرة كان فيني كسل غير طبيعي..
وكنت رايح اواجه جماعة الربع في كوفي..
ويوم نزلت من فوق ورحت عند السيارة ادوس الزر مال الباب مايفتح..
واذا بي انتبه ان المفتاح فوق..
واطلع فوق وادور عليه ما حصلته..
واحط يدي في جيبي باطلع الموبايل واذا به في جيبي من اول هههه والله ضحكت على نفسي..