الكرم يستر عيوب الرجال

[جبر ال جبر]

هل تؤمن بهذا المثل ؟؟؟ الموضوع للمناقشه ومجال النقاش مفتوح وبعدها سأسرد قصتين حقيقيتن وحده حصلت من فتره بسيطه في قطر والاخرى حصلت للملك فهد بن عبدالعزيز رحمه الله عليه

[بانغ بانغ]

اتوقع صحيحة

[هيليوم]

وإنْ كثرتْ عيوبكَ في البرايا وسَركَ أَنْ يَكُونَ لَها غِطَاءُ
تَسَتَّرْ بِالسَّخَاء فَكُلُّ عَيْب يغطيه كما قيلَ السَّخاءُ

الامام الشافعي

[غريب الدّار]

هل تؤمن بهذا المثل ؟؟؟ الموضوع للمناقشه ومجال النقاش مفتوح وبعدها سأسرد قصتين حقيقيتن وحده حصلت من فتره بسيطه في قطر والاخرى حصلت للملك فهد بن عبدالعزيز رحمه الله عليه
والله ياخوي جبر من ناحية الواقع العملي :
هالشي حاصل فعلا واشوفه بعيني

[شموخ دائم]

,

,

مرحبا


شكرا على الموضوع


المال والمنصب

يستر أمور كثيره

وبعض الناس بعد فيها ( نفاق )

والدليل

شوف عرس ولد واحد غني وعنده منصب وهو ( خمار ) سكير

شوف زحمه الناس بالعرس من العصر الى اخر الليل

يقولك

نقوم بالواجب

وشوف

عرس ولد واحد ( خايف الله ) وعلى قد حاله

تعد الضيوف على أصابع يدك

:)


يمكن طلعت عن الموضوع

سبحان الله

أشياء غريبه تصير والناس تمارسها وكانها شي عادي

نقوم بالواجب

والواجب مع الغني

:)


,

,

[جبر ال جبر]

اشكركم على المشاركه في النقاش ،،، والي لمسته انه قصه الملك فهد مع الرويلي الاغلب عارفها ومنتشره بمواقع النت

[جبر ال جبر]

,

,

مرحبا


شكرا على الموضوع


المال والمنصب

يستر أمور كثيره

وبعض الناس بعد فيها ( نفاق )

والدليل

شوف عرس ولد واحد غني وعنده منصب وهو ( خمار ) سكير

شوف زحمه الناس بالعرس من العصر الى اخر الليل

يقولك

نقوم بالواجب

وشوف

عرس ولد واحد ( خايف الله ) وعلى قد حاله

تعد الضيوف على أصابع يدك

:)


يمكن طلعت عن الموضوع

سبحان الله

أشياء غريبه تصير والناس تمارسها وكانها شي عادي

نقوم بالواجب

والواجب مع الغني

:)


,

,

واحد من وجهاء قطر وماشاءالله عليه في كل عرس وواجب تحصله موجود جزاه الله خير ومن النوع يسلم ويبارك ويشرب فنجال قهوه ويطلع وفي واجب العزاء كذلك او اي مناسبه اجتماعيه يعني غير انه راعي واجب يعجبني في دبلوماسيته ويزور الفقير قبل الغني وكريم ولكن الزين مايكمل عيبه كثير الكذب ومهايطي من الطراز الاول المحترف ولكن يجوز كرمه وانه واصل ف الناس يستر هالعيب الله العالم

[السيف5]

كلام سليم 100%
الكرم يستر عيوب كثيرة
مع ان الناس يعرفون الناس انه هذا الشخص به عيوب
لكن لأنه كريم فهذا الشي يحسبونه له

[جبر ال جبر]

والله ياخوي جبر من ناحية الواقع العملي :
هالشي حاصل فعلا واشوفه بعيني

ذكر لي صديق موقف صارله من فتره وبكل امانه هذا الي خلاني اطرح هذا الموضوع يقولي هالصديق انه مره كان في جمعيه الميره التابعه لمنطقتهم وحصل واحد يعرفه فيه بعض الصفات السيئة الي ماله داعي اذكرها ولنرمز لهذا الصديق السيء برمز الخميني ،،،يقول عند الكاشير زحمه وفيه ناس من هل قطر والمقيمين وكانت عجيز قطريه تكلم الكاشير وتقوله ناسيه بوكها في البيت وبترجع تعطيه الفلوس الكاشير رفض والحساب مايتعدى 700او800 ريال فقط والناس تشوف المشهد قام الخمييني ودفع المبلغ عن العجيز وقالها الله يحفظج يمه خلاص روحي واصرت العجيز الا تعرف الرجال وتنشد عن اسمه وهو رافض يقولي صديقي كبر في عيني الخميني وجات ع بالي شيله حي من يقدم ولا يحسب حساب الظروف ،،، وعاد حسابته في علاقته مع السيد الخميني،،
رديت على صديقي وقلت له وشقمومك مادفعت عن العجوز المبلغ وقديت احسن من الخميني قالي السلاحه ،، فهذي القصه مع انها عاديه جدا ويمكن تحصل لكل شخص بس العبره والقيم الي فيها كبيره ومهمه

[كيلو حديد]

الخميني عاد ،، ما أكرمته يا خوك ههه

نعم مؤمن بأن الكرم يعفو كل المثالب و السيئات والعيوب
كذلك البخل يمحق كل الحسنات

و كل ما كان الكرم طبع دايم كان أجمل
وكل ما كان من فقير كان أوقع و أرفع

[غريب الدّار]

ذكر لي صديق موقف صارله من فتره وبكل امانه هذا الي خلاني اطرح هذا الموضوع يقولي هالصديق انه مره كان في جمعيه الميره التابعه لمنطقتهم وحصل واحد يعرفه فيه بعض الصفات السيئة الي ماله داعي اذكرها ولنرمز لهذا الصديق السيء برمز الخميني ،،،يقول عند الكاشير زحمه وفيه ناس من هل قطر والمقيمين وكانت عجيز قطريه تكلم الكاشير وتقوله ناسيه بوكها في البيت وبترجع تعطيه الفلوس الكاشير رفض والحساب مايتعدى 700او800 ريال فقط والناس تشوف المشهد قام الخمييني ودفع المبلغ عن العجيز وقالها الله يحفظج يمه خلاص روحي واصرت العجيز الا تعرف الرجال وتنشد عن اسمه وهو رافض يقولي صديقي كبر في عيني الخميني وجات ع بالي شيله حي من يقدم ولا يحسب حساب الظروف ،،، وعاد حسابته في علاقته مع السيد الخميني،،
رديت على صديقي وقلت له وشقمومك مادفعت عن العجوز المبلغ وقديت احسن من الخميني قالي السلاحه ،، فهذي القصه مع انها عاديه جدا ويمكن تحصل لكل شخص بس العبره والقيم الي فيها كبيره ومهمه

مب سهل اخوي جبر في السرد :thumbup1:
والشاطر يفهم الاسقاطات

ونرجع للموضوع :
معاك ان الكرم يستر عيوب كثيرة
بس بالنسبة للخميني : في ناس يمكن يشوفون عيبه ماينستر ابد
وفي ناس العكس


وقواك الله

[حمد 2002]

ادهن سير الواحد وعطه من هالهدايا بتطلع بنظره كأنك ملاك ..

الحين زمن الفلوس ..

والي ماعنده فلوس ..

يشرب كرك ويشتري خبز ايراني وايقطه بالشاي ..

[شبح الصمت]

شالفايده اكرم العالم

عزايم وتصوير
واروح واجي ووجب

واخرتها لي طاح اخوي والا ولد عمي والا خوياً لي عطيته ظهري والا كاني اشوفه ..


خلها على الله ياجبر

[فخر الشمال]

ترا فيه فرق بين

الغني و الكريم


يمكن واحد على قد حاله و كريم
و شخص غني و لكنه شحيح بخيل



عموما انا متأكد بان الكرم يوما ما سيعز صاحبه
بطريقة او بأخرى

[كيلو حديد]

شالفايده اكرم العالم

عزايم وتصوير
واروح واجي ووجب

واخرتها لي طاح اخوي والا ولد عمي والا خوياً لي عطيته ظهري والا كاني اشوفه ..


خلها على الله ياجبر


شو مان مب كريم
الكريم يكرم الجميع أولهم أهله و قرايبه و ربعه و من سواهم لأنه طبع فيه
وليس مظهر وعرض عضلات
الكريم لا يهمه من علم ومن لم يعلم

[جبر ال جبر]

قواكم الله ... بين البخل والاقتصاد شعره وبين الكرم والتبذير شعره صعب جدا تقدر تعرف كل مفرده بنفسها لانها تعتمد على حسب الظروف المكانيه والزمانيه اوقات الاقتصاد في بعض الامور شي طيب واوقات شي خايب والعكس صحيح

[بانغ بانغ]

ادهن سير الواحد وعطه من هالهدايا بتطلع بنظره كأنك ملاك ..

الحين زمن الفلوس ..

والي ماعنده فلوس ..

يشرب كرك ويشتري خبز ايراني وايقطه بالشاي ..

والله يا حمد انت غلطان

في ناس عرب ... الخير والكرم يسري في عروقهم سري الدم

لا تقوللي فلوس او املاك بتغيرهم .. ايقومون بالفقير والغني

اما هاي اللي توهم شافوا النعمة خشومهم فوق السطح اتوقل انخلة وهم من داخل ... ما يسوون قرش

[alshammari]

الكرم ماهو انك تعطي وانت في خير ونعمه
الكرم تعطي شي محتاجة

فلوس
حب
حنان
اهتمام

موضوع الكرم معقد نوعاّ ما !

عند البعض الكرم انك تذبح ذبايح وتقيم ولايم تكفي 100 شخص عشان شخص او اثنين لهم وجاهة !
طبعا النعمة الباقية تنقط بالزبالة اكرمكم الله وهذا موكرم بل تبذير الله يهديهم

والبعض لو تطلبه ثوبه وماعنده غيره عطاك لانك اشد حاجة منه للثوب وهذا الكرم


لاتنسون الكرم مع اهلكم اطيب الكرم من جميع النواحي

[alshammari]

بمناسبة الكرم حفظت بيتين من سنين وماعرف شاعرهم

يقول

حبه مضيعني ولا اشوف عيبه
لو كان حبه ساقني للتهاويل

عجزت اميز خبث قلبه وطيبه
مثل الكرم يمحي عيوب الرجاجيل

[عيسى111]

وكنْ رجلاً على الأهوالِ جلداً = وشيمتكَ السماحة والوفاءُ
وإنْ كثرتْ عيوبكَ في البرايا = وسَركَ أَنْ يَكُونَ لَها غِطَاءُ
تَسَتَّرْ بِالسَّخَاء فَكُلُّ عَيْب = يغطيه كما قيلَ السَّخاءُ