لا تروح المركز الصحي و لا طوارىء الاطفال لو ما في حرارة...

[khaldoon]

نصيحة لوجه الله...لا تروح المركز الصحي و لا طوارىء الاطفال لو ما في حرارة...يا ويلك لو ما سمعت كلامي.... انا حذرتك....اللهم اني بلغت اللهم فاشهد

لو ما في حراره و رحت المركز الصحي و بيسوون له فحص بقولون لك روح خذ موعد ....يعني بتروح السالفه كم يوم او الاسبوع الجاي....و حالتك مب مستعجله وما في اي تفاهم والله لو ايش

اما لو حبيت تتشاطر و تروح الطوارىء بيعطونك رقم 5000 و فوق و طبعا انسى موضوعك....والله تحس انك من المغضوب عليهم او المهمشين او المنسيين او من المعذبين في الارض او من الناس اللي مالهم اي حقوق ولا كيان ولا وجود ولا شي .....انت ولا شي ....انت nothing

هذا بالزبط ما حصل معي امس

امس رحت طوارىء الاطفال بالسد و بعد ما خصلنا من فحص الممرضه و بسرعه كبيره لا تتعدى عشر دقايق من دخولي الطوارىء....الممرضه الله لا يسامحها ولا يوفقها اعطتني رقم من فئة ال 5000...اتطلعت على طول اشوف كم واحد قدامي لقيت بس 8 اشخاص ...قولت والله بسيطه بنخلص بسرعه....انتظرت و راحت علي نومه و صحيت مفزوع لقيت انه مضى 42 دقيقه و الرقم ما تحرك الا رقم واحد....والله العظيم بس رقم واحد والله يشهد

رحت اشوف ايش السالفه و كيف الارقام اللي بخانة 4000 و 3000 تمشي مثل الصاروخ... ففهمت انها حالات طارئه و انهم لازم يمشون الحاله الطارئه قبل العاديه
-ماشي بس يا اخوي بعد هذه طفله وما تقدر تنتظر...عاملوها حالها حال الاطفال الثانيين
-لا مستحيل مب منطق نمشي الاطفال اللي حالتهم عاديه
- طيب خصصوا طبيب واحد للحالات العاديه و الا واضح انه ما عندكم اطباء كفايه
-لا عنا كيف تقول ما عنا ...ما تشوف الدور يمشي
-اشوف الدور يمشي على الارقام 3000 و 4000 ......بس خط ال 5000 ميت....متوقف.....42 دقيقه ما استقبلتوا ولا مريض ....واضح انه ما في احد يشتغل فيه....غرفة رقم سبعه اللي معينه للحالات العاديه مهجوره فيها اشباح
عندي اقتراح....كل 3 حالات طارئه مرقوا بالنص حاله عاديه...مشوا الخط شوي
-والله هذا سيستم وما نقدر نتحكم فيه (كذب في كذب في كذب)

على العموم بعد الهوشه لقيت السيستم والله خلال خمس دقايق مشى خمس حالات عاديه وقولنا جاء الفرج و قدامي شخص واحد بس.... و يرجع السيستم يموت مره ثانيه...و انا اقول يا مصبر الوحش على السيستم الجحش (و انتوا بكرامه)

بالنهايه نشبت لهم نشبة مره ثانيه و دخلوني و خلصت منهم و الموضوع كله اخذ معي ساعتين و نص من ساعة دخولي طوارىء الاطفال لين طلعت ...مثل ما يقولون الداخل مفقود و الخارج مولود


الخلاصه و العبر اللي نقدر نشوفها من هذه القصه ....تبي تسلك امورك في المراكز الصحيه و طوارىء الاطفال....لازم يكون في حرارة...دبرها....او صاحب الممرض/الممرضه و خليهم يحنوا عليك...السيستم ماشي على كلامهم...هل هم نزيهين فعلا لابعد حد وما عندهم محسوبيه ولا واسطات و لا شي ولا حيمشوا اصحابهم و معارفهم.....ما احط بذمتي بس هم اللي لهم الكلمة الاولى و هم اساس البلاء......لو قرروا انك حالة طارئه فامورك في السليم ....بس لو قرروا انه حالتك عاديه راحت عليك....اطلب عشا واسهر ....او لازم تتهاوش لاني دخلت على الدكتور بعد انتظار ساعتين و خمس دقايق بس في غيري اشوفه على السيستم والله 2:40 دقيقه.....يكتبون على السيستم رقم البطاقة الصحيه لكل مريض و عمره و كم ينتظر و رقم الغرفه ...و يلعبون فيه حسب المزاج و المحسوبيه بدليل انهم مشووا خمس اشخاص ع السريع بعد الهوشه الاولى و اللي يقول ما نقدر نتحكم بالسيستم كذاب بناء على القصه في الاعلى

و شكرا

[ضوى]

نتمنى صوتك يوصل لمدير المركز الدكتور ابراهيم الجناحي والله يعينكم ويشفي مريضكم

[khaldoon]

نتمنى صوتك يوصل لمدير المركز الدكتور ابراهيم الجناحي والله يعينكم ويشفي مريضكم

بارك الله فيكي اختي...الله يبعد عنك كل مكره.........ان شاء الله يا رب

بس يعني بالله عليكي هو ما يدري....هو مدير القسم صارله يمكن فوق عشر سنوات.....

بصراحة انا لو بدخل تويتر و بصير اكتب فيه لساني طويل ولاذع و خايف على حالي مب على الجهات اللي اشتكي عليها

[ضوى]

الحق مايخوف ياخلدون ، تردي الخدمات التعليمية والخدمات الصحية اللي هي اهم شيئين يمسان المواطن والمقيم والمفروض التصريح باي شي يخل بهالموضوعين يجب أن يكون بشكل معلن

[monatee]

الله يشافي مريضكم ياخلدون .. ويعينكم على المراكز الصحيه



الحق مايخوف ياخلدون ، تردي الخدمات التعليمية والخدمات الصحية اللي هي اهم شيئين يمسان المواطن والمقيم والمفروض التصريح باي شي يخل بهالموضوعين يجب أن يكون بشكل معلن

عادي جدا .. اهم شي نكون عاصمه الرياضه :)

[بانغ بانغ]

خلدون

عليك بحليب الابل مع كرواسون زعتر احسن لك من المراكز

ما تشوف شر

[Gentleman]

نتمنى صوتك يوصل لمدير المركز الدكتور ابراهيم الجناحي والله يعينكم ويشفي مريضكم

الدكتور إبراهيم الجناحي كان مدير المركز حتى سنة 2008 وفي أيامه كان المريض ينتظر 10 دقائق أو أقل سواءً كان قطرياً أو مقيماً

[(عبدالله)]

مرحبا الشيخ

أولاً الحمدلله ع السلامة وما تشوف شر البنية الله يواليها العافية

بشكل عام طواري السد تطورت خدماته مقارنة بالخدمات في الفترة الماضية مع زيادة عدد السكان.. لكن مازلت أعيب على خدمات طواري الأطفال الاقتصار على محدودية الموارد

مادري ليش ما يبغون يوسعون المبنى ويسوونه مثلاً كذا طابق ويزيدون عدد الدكاترة

واضح من القصة اللي ذكرتها ان السسيتم كان تعبان والدليل انهم ما مشوك الا لما نشبت لهم

الوضع في قسم القطريين أفضل بوايد نظراً لطبيعة الحال ان عددهم أقل من عدد المقيمين

عني شخصياً لما اليهال يمرضون أتابع حرارتهم وأحط لهم كمادات باردة وأدوية رشح وكحة وأدول من الصيدلية.. مادام الحرارة أقل من 39

لكن من 39 وطالع أو أذا شفت أعراض غير عادية مصاحبة مثل اثار على الجلد او عدم نزول الحرارة لفترة ..ما اروح عيادة خاصة اللي كلهم شغل تجاري للأسف على طول اروح طواري السد ..

أشهد إن دكاترتهم محترمين وممتازين..

تبي الصج... بشكل عام عالرغم من بعض حالات الإهمال والقصور في النظام في الخدمات الصحية عندنا.. أقارن الوضع اللي عندنا بالوضع في المستشفيات الحكومية

في وايد دول .. أنا جربت تركيا وبريطانيا والسعودية والبحرين.. الحمدلله عندنا أحسن بوايد سواء للمواطن او الوافد أو الزائر.. اللهم لك الحمد

الله يحفظ لكم عيالكم ويبعد عنهم كل شر ويديم الخير والنعمة

[شبح الصمت]

خلدون عزيزي اخوي المنقذ

تسمح لي وتسمع كلامي بسعة صدر ..
اول شيء الله يشفي لك مريضك يارب شفاء عاجلا غير اجل ويشفي عيالنا المرضى وعيال المسلمين آجمعين

هالايام الجو متغير
صخونة اطفال
حبوب تطلع للاطفال من 5 سنين وتحت وهو فايروس فالجو وتحسب انه عنقز وهو مب عنقز ويتم من 4 لين 6 ايام

حالات كثير منها
انت تنتظر وخايف على طفلك وغيرك ينتظر وخايف على طفله
وكلن يبي طفله يشوفه الدكتور باقرب وقت
والكشف لحالته اذا مستعجله تكون عن طريق النيرس اهي تحدد استعجال الحالة او في امكانية لنتظارها
والساعتين هذه ترى والا شيء لعلمك مره انتظرت في طواري الريان قريب ال3 ساعات ..

الصبر الصبر ياخوي

وطوارى السد للامانة من افضل المستشفيات ..
وبخصوص الستتم ترى اوقات الحالة اتم داخل ما يقل عن 10 لين 20 دقيقة

[khaldoon]

الحق مايخوف ياخلدون ، تردي الخدمات التعليمية والخدمات الصحية اللي هي اهم شيئين يمسان المواطن والمقيم والمفروض التصريح باي شي يخل بهالموضوعين يجب أن يكون بشكل معلن

متفق معاكي بس يا ريت هم بعد متفقين معاكي بهالكلام الحلو الجميل ...كل الشكر و التقدير

[khaldoon]

الله يشافي مريضكم ياخلدون .. ويعينكم على المراكز الصحيه




عادي جدا .. اهم شي نكون عاصمه الرياضه :)

بارك الله فيكي اختي و الله يبعد عنكم الشر.....الحمد لله على كل حال و الله المستعان

[khaldoon]

خلدون

عليك بحليب الابل مع كرواسون زعتر احسن لك من المراكز

ما تشوف شر

بارك الله فيك يا الغالي على المرور الطيب......شوف احنا نحاول نتفادى الوصول للمركز الصحي او الطوارىء لحد ما صار استفراغ و ترجيع هنا قولنا ما في مجال و ادويه الصيدليه بعد ليست البديل

[khaldoon]

الدكتور إبراهيم الجناحي كان مدير المركز حتى سنة 2008 وفي أيامه كان المريض ينتظر 10 دقائق أو أقل سواءً كان قطرياً أو مقيماً

والله مب عشر دقايق ولا مثل الحين....بس الاكيد انه الوضع كان افضل من الحين. مثل ما تفضلت ...جد الحين صارت مسخره و مب مقبوله ...ٍسيستم غبي لتطفيش الناس بس

[khaldoon]

مرحبا الشيخ

حياك الله يا اخوي عبدالله ...

أولاً الحمدلله ع السلامة وما تشوف شر البنية الله يواليها العافية

الله يسلمك و يبارك فيك و يعاقيك و يحفظلك اهلك و حبايبك يا رب و يبعد عنكم كل مكروه

بشكل عام طواري السد تطورت خدماته مقارنة بالخدمات في الفترة الماضية مع زيادة عدد السكان.. لكن مازلت أعيب على خدمات طواري الأطفال الاقتصار على محدودية الموارد

مادري ليش ما يبغون يوسعون المبنى ويسوونه مثلاً كذا طابق ويزيدون عدد الدكاترة

متفق تماما معاك و للاسف ما في تفكير لمدى بعيد....توسعات محدوده جدا.....ما يبون يخلونه مستشفى يبون ييتم بس مركز طوارىء ...مع العلم انه الكل يعرف انه مركز طوارىء السد اهم من باقي مراكز الطوارىء و انه هو مثل عاصمة الطوارىء و المفروض الاهتمام فيه يكون اكبر و الدكاتره حريصين اصلا انهم يشتغلون فيه و ما يطلعون لفروع اخرى

واضح من القصة اللي ذكرتها ان السسيتم كان تعبان والدليل انهم ما مشوك الا لما نشبت لهم

والله ما مشوني الا لاني نشبت لهم لانه غيري ما نشب لهم و جاي قبلي و راحت عليه و انا خلصت قبله ...و اقول و انا شايف السيستم و الارقام لما دخلت غرفة الفحص

الوضع في قسم القطريين أفضل بوايد نظراً لطبيعة الحال ان عددهم أقل من عدد المقيمين

الله يهنيهم و يديم عليهم النعم

عني شخصياً لما اليهال يمرضون أتابع حرارتهم وأحط لهم كمادات باردة وأدوية رشح وكحة وأدول من الصيدلية.. مادام الحرارة أقل من 39

لكن من 39 وطالع أو أذا شفت أعراض غير عادية مصاحبة مثل اثار على الجلد او عدم نزول الحرارة لفترة ..ما اروح عيادة خاصة اللي كلهم شغل تجاري للأسف على طول اروح طواري السد ..


الله يحفظهم و يبعد عنهم كل مكروه.....شوف الاهل عندي صار عندهم خبره طويله في الادويه و مرات كثير يعطونها الدوا و نروح الطوارىء و يقولون لنا اوكي طالما انتوا جربتوا كذا و كذا فأنا بصرف لكم شي ثاني ...يعني هو كان يبي يصرف نفس الدوا اللي ما مشي حاله معنا

أشهد إن دكاترتهم محترمين وممتازين..

انا بعد اشهد لهم و عندي تامين صحي اقدر اروح اتعالج فيه خاص بس ثقتي في الحكومي اكثر مع اني متلعوز مع السيستم الاعوج و الانتظار ...انا انتقد دايما السيستم و ليس مستوى الاطباء

تبي الصج... بشكل عام عالرغم من بعض حالات الإهمال والقصور في النظام في الخدمات الصحية عندنا.. أقارن الوضع اللي عندنا بالوضع في المستشفيات الحكومية

في وايد دول .. أنا جربت تركيا وبريطانيا والسعودية والبحرين.. الحمدلله عندنا أحسن بوايد سواء للمواطن او الوافد أو الزائر.. اللهم لك الحمد

الله يحفظ لكم عيالكم ويبعد عنهم كل شر ويديم الخير والنعمة

الحمد لله على كل حال و نتوقع دايما الافضل و الاعظم منهم و لا ننظر لمن هم اقل منهم في المستوى و الامكانيات و الله يديم النعمه على قطر و اهلها

[@north_star@]

انتظار طوارئ السد وخاصة احنا بموسم الامراض مرات تضطر تقعد من ساعتين وأكثر على حسب المراجعين والسستم وبالاغلب اذا الطفل عنده حرارة عالية الممرضة بتعطيه خافض حرارة أو تحاميل على حسب الحالة والله يشفيها ويحفظها .
وأهم شي متابعة الارقام على الشاشة لانه مرات يصير خلل والشاشات تعدي الارقام لاني من اسبوعين تقريبا كنت هناك وطبعا بعد 3 ساعات انتظار شفت الرقم على الشاشة تغير من الرقم اللي قبلي مباشرة الى الأرقام اللي بعدي بقارق 8 أو 9 أرقام فقمت ورحت سالت الممرضة تقولي يمكن خلل بالسستم قلتلها المفروص اذا في خلل تيجوا وتنادوا على الارقام الي عدت ارقامهم بدون ما تظهر على الشاشة المهم دخلتنا على طول عند غرف الاطباء الي بالممرات وخلصنا حول الساعه 12 بالليل

[معماري قطري]

نتمنى صوتك يوصل لمدير المركز الدكتور ابراهيم الجناحي والله يعينكم ويشفي مريضكم

من ربعنا الله يذكره بالخير .. كنا شريكين في السكن .. يبي لي امر عليه اقول له ليش تزعلون الناس

الله يعينك اخوي خلدون ويشفي عيالك ولا يشوفون مكروه بإذن الله

صراحة صج تعذيب ويفترض إضافة أطباء تتابع الحالات وبعضهم صج علاجه بسيط وتشخيص حالته سريع وسهل .. صدقوني في الحالات ذي أما امر الصيدلية أو أرسل حد للصيدلية ويكلمني من هناك واكلم الصيدلي .. بلادنا تفوقوا فيها الصيادلة على الأطباء وعلى الأنظمة العقيمة

دخلت مرة طواريء مستشفى في أمريكا وكان زحمة وحالتي بسيطة عضة حشرة من حشرات فلوريدا الاستوائية وسببت لي حكة قوية وألم .. بس خلصوا أوراقي سرعة وانتظار بسيط مع عدة أشخاص وكل شوي ينادون شخص والمكان يفضى بسرعة .. دخلوني غرفة بسرير وخصوصية وقالوا انتظر الطبيب والطبيب صج تأخر علي .. شفت اسمه على الورقة وبين لي إنه مصري .. الا داخل علي وسلمت عليه وسئلني من وين قلت من قطر وشوي الا بيزنطني من القهر .. حسسني إني مسؤول عن الجزيرة وما تقول .. بس أدى واجبه بالغصب وعطاني مراهم ومضاد حيوي والحمد لله ارتحت سريع لين تشافى جرح العضة .. تحول لجرح وضعف الجلد بس زين عارفين لهذي الأمراض وعلاجي ما خذ دقيقة وراح الطبيب .. كان يشتكي إن هو الوحيد في الطواريء بس عليه التحرك بسرعة وتخليص الحالات وتحويلها حسب الحاجة

[@north_star@]

نتمنى انهم يفتحون طوارئ أطفال 24 ساعة بمركز مسيمير الصحي لانه غالبية الناس تروح مركز طوارئ السد ودائما زحمة

[معماري قطري]

انتظار طوارئ السد وخاصة احنا بموسم الامراض مرات تضطر تقعد من ساعتين وأكثر على حسب المراجعين والسستم وبالاغلب اذا الطفل عنده حرارة عالية الممرضة بتعطيه خافض حرارة أو تحاميل على حسب الحالة والله يشفيها ويحفظها .
وأهم شي متابعة الارقام على الشاشة لانه مرات يصير خلل والشاشات تعدي الارقام لاني من اسبوعين تقريبا كنت هناك وطبعا بعد 3 ساعات انتظار شفت الرقم على الشاشة تغير من الرقم اللي قبلي مباشرة الى الأرقام اللي بعدي بقارق 8 أو 9 أرقام فقمت ورحت سالت الممرضة تقولي يمكن خلل بالسستم قلتلها المفروص اذا في خلل تيجوا وتنادوا على الارقام الي عدت ارقامهم بدون ما تظهر على الشاشة المهم دخلتنا على طول عند غرف الاطباء الي بالممرات وخلصنا حول الساعه 12 بالليل

تحصل الخلل فيروس فلبيني علشان يمشون طفل فلبيني .. يا رجال كلهم عصابات .. أعالج عن دكتورة من جنسية عربية .. وصدقني مرتين اجي موعدي وانتبه احصل واحد من جنسيتها جاي بدون موعد بس يخلونه ينتظر شوي ويدخل بين المواعيد .. زين لو دخل يحصل أحسن علاج صدقني متأكد من اللي شفته .. دخلوني في وقتي وهو ينتظر بس أول ما جات الممرضة قام يبي يدخل قالت لا موعدي قبل .. الا الدكتورة نفسها سوبر خايسة .. حتى قالت لي تبي اسوي العلاج ألحين ولا عادي نأجل .. قلت لها شهرين انطر الموعد .. وعالجتني غش صراحة .. سحب عصب وخربت ضرسي حكته لين ضعف وحشته وتمت تدك الحشو بدكاكة من دكاكات أشغال بس صغيرة على قد الحلج ( مبالغة لحد يصدق ) المهم عطتني موعدين حق اكمال العلاج بعد شهرين بعد وشهرين واسبوع .. مذلة وبعد كم يوم الا الضرس منكسر وصبرت عليه لين موعدي .. في موعدي بعد ينطرها واحد من جنسيتها بس شافت ضرسي قالت لي ما ينفع يبي له خلع وللخلع دكتور ثاني وزين حولتني للزراعة بعد ما طلبت والزراعة مشوارها طويل ( عليك يالقطري ) وقصير على اللي يحبون يدخلونه بين المواعيد

سؤالي وين المشرف القطري من هذي التجاوزات؟ لنا عيون ونشوف بس عند من نقدر نشتكي؟

المفروض فيه مشرفين يراقبون الوضع وما دام اعتمدوا نظام التحويل والمواعيد يفترض يمشي على الكل .. أشوف الممرضة تقول للي كان ينطر جدامك ثلاثة نخلصهم وبادخلك

[ساراام]

المفروض كل المراكز يكون فيها طواري طول اليوم

بعدين المفروض المريض يقدر يروح اي مركز صحي مب شرط اللي تابعين له

متى بنتطور بس

[@north_star@]

تحصل الخلل فيروس فلبيني علشان يمشون طفل فلبيني .. يا رجال كلهم عصابات .. أعالج عن دكتورة من جنسية عربية .. وصدقني مرتين اجي موعدي وانتبه احصل واحد من جنسيتها جاي بدون موعد بس يخلونه ينتظر شوي ويدخل بين المواعيد .. زين لو دخل يحصل أحسن علاج صدقني متأكد من اللي شفته .. دخلوني في وقتي وهو ينتظر بس أول ما جات الممرضة قام يبي يدخل قالت لا موعدي قبل .. الا الدكتورة نفسها سوبر خايسة .. حتى قالت لي تبي اسوي العلاج ألحين ولا عادي نأجل .. قلت لها شهرين انطر الموعد .. وعالجتني غش صراحة .. سحب عصب وخربت ضرسي حكته لين ضعف وحشته وتمت تدك الحشو بدكاكة من دكاكات أشغال بس صغيرة على قد الحلج ( مبالغة لحد يصدق ) المهم عطتني موعدين حق اكمال العلاج بعد شهرين بعد وشهرين واسبوع .. مذلة وبعد كم يوم الا الضرس منكسر وصبرت عليه لين موعدي .. في موعدي بعد ينطرها واحد من جنسيتها بس شافت ضرسي قالت لي ما ينفع يبي له خلع وللخلع دكتور ثاني وزين حولتني للزراعة بعد ما طلبت والزراعة مشوارها طويل ( عليك يالقطري ) وقصير على اللي يحبون يدخلونه بين المواعيد

سؤالي وين المشرف القطري من هذي التجاوزات؟ لنا عيون ونشوف بس عند من نقدر نشتكي؟

المفروض فيه مشرفين يراقبون الوضع وما دام اعتمدوا نظام التحويل والمواعيد يفترض يمشي على الكل .. أشوف الممرضة تقول للي كان ينطر جدامك ثلاثة نخلصهم وبادخلك

للاسف على الأغلب الرقابة غايبة عنهم ........... المهم سلامات وما تشوف شر لانه حتى شغلة المواعيد خاصة الاسنان شي عقيم الصراحة لو طالب موتر طلبية كان وصل

[لبيبة]

السلام عليكم ورحمة الله وبركاته،

سلامة عيالك يا خلدون،

بالنسبة لطوارئ السد، وللأمانة،

هو المكان اللي أعرف انهم يقدمون العلاج الصح،

لكن أي مرة نحتاج نروح لهم،

أعرف مسبقا ان احتمال في تأخير،

لكن مالنا الا ان نصبر،

وهم يهتمون فعلا بارتفاع الحرارة وكذلك الترجيع.

[القلب المؤمن]

انا عندي الحل
يسوون القطار اللي يوصل بين قطر ودبي وروح مستشفى الاطفال بدبي وعالج اطفالك افضل لاتنتظر الوضع يتعدل الا بعد ظ¢ظ*ظ¢ظ¢ ههه

[مرتبش]

النظام الجديد اللي صار فيه الدكتور يدخل البيانات في الكمبيوتر والممرضة تدخل بيانات بعد.. هو اللي ضيعنا.
والوزارة مصرة على نجاح وتفوق النظام.
العبرة بالنتايج.. قبل شكثر كنت تنتظر والحين شكثر

[جبر ال جبر]

انا اقول يخصصون مركز صحي متطور خاص للشيوخ وبعض من ابناء القبائل يكون تصنيفه a وجميع الستاف من امريكا وبريطانيا واوروبا والعباقره في الطب يجبونهم في هالمركز ومركز خاص للقطريين تصنيفه b ومركز للمقيمن وهشكل ماراح نشوف زحمه ابدا على المراكز الطبيه ويكون في المركز الخاص بالمقيمين مختبر وهالمختبر يجري فحوصاته ع الجميع ويشيك عليها ويتدرب فيها ونتايج الباهره والمستفاد منها يوديها للمركز a وبهشكل نحقق زؤيه قطر 2030 نحو الصحه الشامله
فاد

[JN000N]

طواري السد معروف التنقع فيه
انا رحت ذاك اليوم 4 ونص والله ماطلعت الا 7 وزود
قاعدين وننطر دورنا
زين نطرو واحد من العمال النيباليين يشتكي عشان ينكتب فالجرايد الاجنبيه وعقب يعدلون النظام خخخ

[إبوراشد]

أشكركم على الموضوع الحلو

ولي مداخلة بسيطة في دكتور عندهم كله جالس ع الجوال سوالف ولا يطلع بريك نص ساعة برى

[مرتبش]

انا اقول يخصصون مركز صحي متطور خاص للشيوخ وبعض من ابناء القبائل يكون تصنيفه a وجميع الستاف من امريكا وبريطانيا واوروبا والعباقره في الطب يجبونهم في هالمركز ومركز خاص للقطريين تصنيفه b ومركز للمقيمن وهشكل ماراح نشوف زحمه ابدا على المراكز الطبيه ويكون في المركز الخاص بالمقيمين مختبر وهالمختبر يجري فحوصاته ع الجميع ويشيك عليها ويتدرب فيها ونتايج الباهره والمستفاد منها يوديها للمركز a وبهشكل نحقق زؤيه قطر 2030 نحو الصحه الشامله
فاد

الموضوع مو بهالسهولة.. اعطيك مثال
ندفع اعلى الرواتب واللي يجون لاعبين منتهيين الصلاحية
ندفع اعلى الاسعار للمشاريع في العالم.. والنتيجة الكل يشوفها ليل نهار.
في عيب جوهري بطريقة تعاملنا مع الفلوس..لازم ينحل

[khaldoon]

خلدون عزيزي اخوي المنقذ

تسمح لي وتسمع كلامي بسعة صدر ..
اول شيء الله يشفي لك مريضك يارب شفاء عاجلا غير اجل ويشفي عيالنا المرضى وعيال المسلمين آجمعين

هالايام الجو متغير
صخونة اطفال
حبوب تطلع للاطفال من 5 سنين وتحت وهو فايروس فالجو وتحسب انه عنقز وهو مب عنقز ويتم من 4 لين 6 ايام

حالات كثير منها
انت تنتظر وخايف على طفلك وغيرك ينتظر وخايف على طفله
وكلن يبي طفله يشوفه الدكتور باقرب وقت
والكشف لحالته اذا مستعجله تكون عن طريق النيرس اهي تحدد استعجال الحالة او في امكانية لنتظارها
والساعتين هذه ترى والا شيء لعلمك مره انتظرت في طواري الريان قريب ال3 ساعات ..

الصبر الصبر ياخوي

وطوارى السد للامانة من افضل المستشفيات ..
وبخصوص الستتم ترى اوقات الحالة اتم داخل ما يقل عن 10 لين 20 دقيقة

صديقي العزيز شبح الصمت....حياك الله و انت عزيز و غالي و الله يبعد عنك كل مكروه

فكرت موضوعي انه سياسة طوارىء الاطفال مخصصه ارقام للحالات اللي يشوفها الممرض او الممرضه عاجله و خط ثاني ميت ما يتحرك للحالات غير الطارئه و هو فعلا خط
ميت و لا يتحرك لانه اي فحص نشوفه لا يتجاوز عشر دقايق مع كتابة الوصفه للمريض....الفحص دايما هو هو....و بنفس الترتيب....دقات القلب ....الاذنين و الحلق و لما يلاقي التهاب و احتقان بالاذنين او الحلق يكتب الوصفه ....وهالشي ما يحتاج 40 دقيقه انتظار و الرقم ما تحرك الا بعد ما نشبت لهم

بكل بساطه يحطون دكتور واحد او اثنين على خط الحالات غير الطارئه و العدد اللي يشوفونه مناسب للحالات الطارئه حسب القدرة الاستيعابيه للمركز و اللي تحقق رؤيتهم و اهدافهم و انجازاتهم اللي يرضون عنها

ما ننسى احنا نتعامل مع اطفال....يعني صحيح في حالات طارئه و في حالات لا بس كلهم اطفال...و الانتظار لهم متعب و مزعج و يمرض بعد

بنتم طول عمرنا نشوف العوج و الغلط و بنسكت عليه و بنتقبله و بتصير الساعتين ولاشي لما اشوف غيري جلس اربع ساعات و الا احاول اغير و اطرح بدائل و اقتراحات؟

لمتى بنظل نقول لو تشوف مصيبة غيرك اللي جلس اربع ساعات بتهون عليك مصيبتك

[khaldoon]

انتظار طوارئ السد وخاصة احنا بموسم الامراض مرات تضطر تقعد من ساعتين وأكثر على حسب المراجعين والسستم وبالاغلب اذا الطفل عنده حرارة عالية الممرضة بتعطيه خافض حرارة أو تحاميل على حسب الحالة والله يشفيها ويحفظها .
وأهم شي متابعة الارقام على الشاشة لانه مرات يصير خلل والشاشات تعدي الارقام لاني من اسبوعين تقريبا كنت هناك وطبعا بعد 3 ساعات انتظار شفت الرقم على الشاشة تغير من الرقم اللي قبلي مباشرة الى الأرقام اللي بعدي بقارق 8 أو 9 أرقام فقمت ورحت سالت الممرضة تقولي يمكن خلل بالسستم قلتلها المفروص اذا في خلل تيجوا وتنادوا على الارقام الي عدت ارقامهم بدون ما تظهر على الشاشة المهم دخلتنا على طول عند غرف الاطباء الي بالممرات وخلصنا حول الساعه 12 بالليل


لا يا حبيبي ...ما في خلل و لا شي بالارقام.... كله مقصود و يدوي ...كلهم قالولي يوم نشبت لهم انه هذا سيستم ما نقدر نغيره يعني ما نقدر نعجل دخول المريض عل الدكتور و بخمس دقايق مشوا خمس ارقام مب مستعجله قدامي و لما جاء الرقم اللي قبلي قولت خلصينا عاد اضغطي على رقمي خليني اخلص و هذا اللي صار

الله يبعد عنك هالمركز و يريحك منه انت و الجميع يا الغالي

[Gentleman]

انا اقول يخصصون مركز صحي متطور خاص للشيوخ وبعض من ابناء القبائل يكون تصنيفه a وجميع الستاف من امريكا وبريطانيا واوروبا والعباقره في الطب يجبونهم في هالمركز ومركز خاص للقطريين تصنيفه b ومركز للمقيمن وهشكل ماراح نشوف زحمه ابدا على المراكز الطبيه ويكون في المركز الخاص بالمقيمين مختبر وهالمختبر يجري فحوصاته ع الجميع ويشيك عليها ويتدرب فيها ونتايج الباهره والمستفاد منها يوديها للمركز a وبهشكل نحقق زؤيه قطر 2030 نحو الصحه الشامله
فاد

رؤية قطر 2030 لا تتضمن تقسيم القطريين إلى فئة a وفئة b.