+ الله يشل اياديكم يلي ما تخافون الله فينا +

[شبح الصمت]

السلام عليكم ورحمة الله وبركاته ،،،

الموضوع
عن فيديو انتشر ويتبع كثير من الفيديوهات وايد شفناها عن تخزين الطعام في اماكن غير صالحه للتخزين
او تقطيعه او .. الخ ..

وموضوعنا عن شاب دخل مكان نفس المطبخ لمطعم يقطع اللحم في مكان الله يعزكم حتى الواحد ما يقدر يغسل يده فيه ..

وذي قاعد يقطع الدجاج او اللحم او اياً كان ويقدمونه وجبات لنا ولغيرنا ..

لي متى هالاستهتزاء فينا ونقل الامراض المعدية

ودور البلدية واضح وضوح الشمس في الحملات بيض الله وجيهم
بس الي نبيه انتشر اكثر واكبر
الي مصور المقطع مبين عليه واحد في الطلاب الله يجزاه خير .


نتمنى انه مش مخالف اغلاق نهائي لمثل هالمطاعم الي ما تخاف الله فينا .

[حمد بن سعد]

وش حادكم ع المطاعم اكلو في البيت

[@north_star@]

جاني الفيديو أمس وبصراحة شي يلوع الجبد الله ياخذهم ..... والله المفروض اغلاق نهائي وغرامة و يسجنونهم لانه هذا شي يتعلق بصحة وسلامة الناس بشكل مباشر

[بوحارب]

توني اشوفه شي مغززززززززززززززززز

[بانغ بانغ]

قلناها قبل .... سجن وعقاب واغلاق نهائي

ارواح الناس مب لعبة

الحين خلكم من النظافة ... مب مشكلة الله الحافظ

السؤال ؟ هل هاي لحم حمير كلاب قطاوة او شنو

[@north_star@]

قلناها قبل .... سجن وعقاب واغلاق نهائي

ارواح الناس مب لعبة

الحين خلكم من النظافة ... مب مشكلة الله الحافظ

السؤال ؟ هل هاي لحم حمير كلاب قطاوة او شنو

دجاج :omen2:

[بانغ بانغ]

دياي هالكبر

[R 7 A L]

اكيد تقصد الي في ام صلال

[الحياة الخالدة]

توني اشوفه شي مغززززززززززززززززز

قصدك مقزززززززززززززززز
بالفعل .. ولو اني ما شفت بس مصدقتك

[R 7 A L]

قصدك مقزززززززززززززززز
بالفعل .. ولو اني ما شفت بس مصدقتك



انتي لو شفتي الي في الزاويه

يومين بتصومين عن الاكل والماي

[بانغ بانغ]

انتي لو شفتي الي في الزاويه

يومين بتصومين عن الاكل والماي


ما عليك اليوع احيانا ايخليك تناكل اي شي

خاصة باربكيو

[الحياة الخالدة]

انتي لو شفتي الي في الزاويه

يومين بتصومين عن الاكل والماي
الحمد لله إني ما شفت

[بانغ بانغ]

رحال نزل الفيديو

مشكلة اني ماعرف

[شبح الصمت]

وش حادكم ع المطاعم اكلو في البيت



الحمد لله ياخوي

قد ما اقدر اكل فالبيت
بس اوقات ثلاجتنا فاضيه عايش على الماي


هههههههههههاي

[شبح الصمت]

جاني الفيديو أمس وبصراحة شي يلوع الجبد الله ياخذهم ..... والله المفروض اغلاق نهائي وغرامة و يسجنونهم لانه هذا شي يتعلق بصحة وسلامة الناس بشكل مباشر



يلوع الجبد الا يعطيك بلووك في انظمة العقل وتخليك تفكر مليون مره تاكل من هالمطاعم ..

استغفر الله العظيم

[شبح الصمت]

توني اشوفه شي مغززززززززززززززززز



اسكت بوحارب مادري ليش تذكرت مطعم ... الي مستانسين عليه اشهر مطعم واشهر مطعم ..
لا ويجيك ويفلت الصحن تقول يالس في ميز السجن

الله يكرم النعمة

[شبح الصمت]

اكيد تقصد الي في ام صلال



ما ركزت على مكانه

ياخي ناس ما اعرف اشلون عايشه او متعايشه معانا هذولي اوصخ بشر

[شبح الصمت]

دياي هالكبر


خلك من الدياي حتى لونه احمر صاير
مادري مركضينهم

[شبح الصمت]

الحمد لله إني ما شفت



الحمد لله

احسن لج بتصومين شهر

[معماري قطري]

يا اخوي قذارة بعض البايعين تغثك قبل لا تفكر تطلب .. مرة جاني واحد ثيابه وصخة وعيونه كلها غمص كان السكر نازل عندي من شفته صادتني مناعة لين حصلت مطعم زين ويسوى

[شبح الصمت]

يا اخوي قذارة بعض البايعين تغثك قبل لا تفكر تطلب .. مرة جاني واحد ثيابه وصخة وعيونه كلها غمص كان السكر نازل عندي من شفته صادتني مناعة لين حصلت مطعم زين ويسوى


صدقت يا بوعبد الله

يقولك المكتوب مبين من عنونه

نحاول قد ما نقدر ناكل فالبيت
بس اوقات نحتد خلاص ..

اتمنى اتمنى تكثيف المفتشين عليهم وعدم التساهل معاهم نهائياً

[بوحارب]

شباب السناب اللي يبي يشوفه يراسلني

[كيلو حديد]

المفروض يحطون كاميرات في المطاعم والمطابخ و اماكن تخزين الأغذية وتراقبها البلدية

أو نتخلى عن المطاعم ونكتفي بطبخ البيت

اليوم أكلم الطباخ الهندي بالعمل قلت له جايبين كيمه من .........
قال بالحرف ما آكل من المطاعم لأن اللحم وطريقة غسله ونوعه جدا جدا سيء :rolleyes2:
قال صار لي اربعين سنه ما أكل من المطاعم :victory:

[ak-74]

هذا المطعم سبق ان تخالف للعلم، نتمنى اتخاذ اجراء صارم.

[لبيبة]

وعليكم السلام ورحمة الله وبركاته،

اي مقطع تتكلمون عنه؟

واي مطعم؟

[بومحمد المطاوعه]

حسبي الله ونعم الوكيل
بروح اليوم اشوف المطعم صكرووه او لا

صج مصخرررررررررررره

[MAZEN37]

الكل يقول انه المطعم مخالف
طيب
وين مفتش البلديه
وين الرقابه وين الرسوم وين الموظفين الميدانيين
وانا مع تركيب كاميرات للمطاعم

[بومحمد المطاوعه]

هذي الفيديوااات

http://a.top4top.net/m_356c5dxi0.mov


http://b.top4top.net/m_356ysyyi1.mov

http://c.top4top.net/m_356ibfhy2.mov

[وحيد-الشوق]

توني طالب من مطعم :(

[Dana’1]

البلديه لازم تفرض على كل المطاعم يشتغلون بمكان واضح للعميل او شاشه تلفزيون كبيره تعرض الي يشتغلون داخل وقياس دوري لدرجه برودة غرفة الطبخ والتخزين وكلو
ضروري يكوون الزامي لكل من يفتح مطعم

[معماري قطري]

هذي الفيديوااات

http://a.top4top.net/m_356c5dxi0.mov


http://b.top4top.net/m_356ysyyi1.mov

http://c.top4top.net/m_356ibfhy2.mov

خايف على اللي صور مسكين ينسجن

[معماري قطري]

الكل يقول انه المطعم مخالف
طيب
وين مفتش البلديه
وين الرقابه وين الرسوم وين الموظفين الميدانيين
وانا مع تركيب كاميرات للمطاعم

المفروض من وزير البلدية يحاسب البلدية المسؤولة عن هالمنطقة وأكثر محاسبة على المفتش المسؤول عن هالمطعم

[شبح الصمت]

خايف على اللي صور مسكين ينسجن



لو القرار بيدي اكرمه

هذه انقذ ارواح من هالامراض ومن هالاكل الغير صحي ..

[معماري قطري]

صدقت يا بوعبد الله

يقولك المكتوب مبين من عنونه

نحاول قد ما نقدر ناكل فالبيت
بس اوقات نحتد خلاص ..

اتمنى اتمنى تكثيف المفتشين عليهم وعدم التساهل معاهم نهائياً



كلنا الله يسلمك ناكل برا سواء قطريين أو مقيمين حتى العمال

واحد فتح صندقة للعمال قرب زرع العطية يقول مدخول يومي 35000 من كثر العمال اللي يشترون سندويشات رخيصة

[MAZEN37]

المفروض من وزير البلدية يحاسب البلدية المسؤولة عن هالمنطقة وأكثر محاسبة على المفتش المسؤول عن هالمطعم

طبعا وخصوصا انه المكان مهمل باين من فترة طويله
لازم اليه عمل والمفتشين مطلوب منهم تقارير شفافه

[معماري قطري]

لو القرار بيدي اكرمه

هذه انقذ ارواح من هالامراض ومن هالاكل الغير صحي ..

معاك حق بس عندنا الوضع لو حبوا يزينونه بيزينونه وبيقولون كل شيء مغسول

واحد يكلمني أمس شك في سرقة وسجل رقم السيارة وبلغ الشرطة بالتلفون قالوا له تعال اشتك .. قال تبون تعالوا ما تبون كيفكم انا ابلغكم وانا مب متضرر وبس بعد شوي والظاهر بعد مشاورات ومداولات تحركت كم جهة واتصلوا به وجاوا عاينوا وخذوا بصمات وبيسحبون أصحاب السيارة وعلى البصمات بيعرفون كل واحد والعملية سهلة .. لو ما بلغ راح حلال ناس ولو تبلغوا وقت متأخر ممكن يتغير مكان الجريمة

[معماري قطري]

طبعا وخصوصا انه المكان مهمل باين من فترة طويله
لازم اليه عمل والمفتشين مطلوب منهم تقارير شفافه

على اللي شفته اتوقع القطو يمر يقطون له شوي من اللي عندهم والزهيوي يدخل الكلك اللي طايح ولا يطلع ويشوونه مع الدياي الدقاق الدوجاج

[بوخالد911]

توني اشوفه شي مغززززززززززززززززز

بليييز

طررررررررررررررررشه لي

لا هنت

[بوخالد911]

هذي الفيديوااات

http://a.top4top.net/m_356c5dxi0.mov


http://b.top4top.net/m_356ysyyi1.mov

http://c.top4top.net/m_356ibfhy2.mov

اأعوووذ بالله

الله يقرفهم

:(

[MAZEN37]

على اللي شفته اتوقع القطو يمر يقطون له شوي من اللي عندهم والزهيوي يدخل الكلك اللي طايح ولا يطلع ويشوونه مع الدياي الدقاق الدوجاج

دوقاق برازيلي بنكهة الزهيوي الامريكي
ههههه اجل دوقاق يا معماري

[لبيبة]

هذي الفيديوااات

http://a.top4top.net/m_356c5dxi0.mov


http://b.top4top.net/m_356ysyyi1.mov

http://c.top4top.net/m_356ibfhy2.mov

شكرا لك،

فعلا شغل مقرف.

[حمد 2002]

دنا عشر سنين بتلاجتنا بس ماي ..


الحمد لله

[مستـريــح البـــال]

المفروض من وزير البلدية يحاسب البلدية المسؤولة عن هالمنطقة وأكثر محاسبة على المفتش المسؤول عن هالمطعم

واتمنى بعد محاسبة المدير المسؤال على اي مطعم ( سواء قطري او غيره) ، يتم اكتشاف قذارته ،، والا ليش مدييير كبير !!!!

[السيف5]

الصراحة المفروض تسكير نهائي للمطعم

مع سجن المسئول عن المطعم وابعاده

[الرايــق]

اعوذ بالله
وش هالقرف

نتمني اغلاق المطعم ومحاسبة المقصرين اشد حساب
يا ليت الجرايد الرسمية تفضحهم

[بومحمد المطاوعه]

ابشركم المطعم مريت عليه بنفسي


مسكر ولله الحمد
ولكن شنو راح يصير معاهم الله اعلم

[سعود.]

واتمنى بعد محاسبة المدير المسؤال على اي مطعم ( سواء قطري او غيره) ، يتم اكتشاف قذارته ،، والا ليش مدييير كبير !!!!


الصراحة المفروض تسكير نهائي للمطعم

مع سجن المسئول عن المطعم وابعاده


اعوذ بالله
وش هالقرف

نتمني اغلاق المطعم ومحاسبة المقصرين اشد حساب
يا ليت الجرايد الرسمية تفضحهم


نتمنى كذا

[الشمالي111]

إنّ مَنْ أمِنَ العقوبة أساءَ الأدب


على حسب ما سمعت ان هالمطعم مخالف من قبل ومثل ما قالو الاعضاء هذا يدل على الواسطه اللي عنده او على ان البلدية عندنا ما همتهم سلامه الناس علشان كذا صاحب المطعم مش مهتم اهم شي عنده المدخول السريع


الله يقرفهم

[النهار]

على فكره كل مطعم او معصره عندهم جنب المطعم او لازق في المطعم استور وسكن وتخزين وتقطيع وتخزين الاشياء المنتهيه الصلاحيه
البلاء كل البلاء في هاي الاماكن من كم يوم شفت اشوف حاطين لزقه على هالمخزن في بن عمران مسوين مداهمه الساعه 9 في الليل
والمكان بن عمران من حوالي شهرين شفت سياره فان فيها اسماك قلت اكيد اسعارهم زينه وقفت عنده وهو فاتح الباب راعي المطعم قاعد يشتري من عنده
السياره مش مجهزه لنقل مثل هذه الاشياء والسمك مقطوط في سطول بلاستيك بدون تبريد ريحه وذباب في الاول خاف بعدها تتطمن اني مهب من البلديه
شفت عنده كم كنعده سألته بكم الكيلوا قال ب 20 :eek5:وفي سوق السمك على 45 شفت كنعده حجمها كبير قلت ابي هاي قال لي هاي ماتصلح فاسده وراني وحده ثانيه قال هاي زينه
اي شي منتهي صلاحيته او قرب على الانتها يتم تصريفه لمثل هالمطاعم بأقل من ربع السعر

[مرتبش]

على فكره كل مطعم او معصره عندهم جنب المطعم او لازق في المطعم استور وسكن وتخزين وتقطيع وتخزين الاشياء المنتهيه الصلاحيه
البلاء كل البلاء في هاي الاماكن من كم يوم شفت اشوف حاطين لزقه على هالمخزن في بن عمران مسوين مداهمه الساعه 9 في الليل
والمكان بن عمران من حوالي شهرين شفت سياره فان فيها اسماك قلت اكيد اسعارهم زينه وقفت عنده وهو فاتح الباب راعي المطعم قاعد يشتري من عنده
السياره مش مجهزه لنقل مثل هذه الاشياء والسمك مقطوط في سطول بلاستيك بدون تبريد ريحه وذباب في الاول خاف بعدها تتطمن اني مهب من البلديه
شفت عنده كم كنعده سألته بكم الكيلوا قال ب 20 :eek5:وفي سوق السمك على 45 شفت كنعده حجمها كبير قلت ابي هاي قال لي هاي ماتصلح فاسده وراني وحده ثانيه قال هاي زينه
اي شي منتهي صلاحيته او قرب على الانتها يتم تصريفه لمثل هالمطاعم بأقل من ربع السعر

هذا بسبب اعتمادنا على العمالة الرخيصة.. عايشين كأنهم في بلادهم على حسابنا

[ابوعلي]

وين مارحنا نفس الشي سواء في البيوت او المطاعم مدام اعتمادنا على العمالة الوافدة

وخاصة في البيوت الا اذا تعبت نفسها راعية البيت ودخلت المطبخ

[جبر ال جبر]

مفتشين البلديه عساهم ع القوه شادين حيلهم وعندي واحد من الربع عنده محل عصايرً و ايس كريم ناشبين له نشبه ولا ظ¥ مرات ف السنه يسكرون محله

[ابوعلي]

اخوي جبر كثرة تسكير المحل دليل فشل البلدية بواجبها

والواجب عقوبات رادعه لأن صحة الإنسان ما تتعوض

[راجي الْعفو]

وين بوحارب المتحدث الرسمي للمعاصر المحلية ^_^

بص شوف

الصرصور بيعمل ايه ^_^


اتوقع كثير من امراضنا من هالمطاعم

[thelord007]

انا عندي قناعة ان اكل حتى قطعة جبن وخبز في البيت اشرف لي بمليوووون مرة
على ان اقترب من المطاعم ....من الاشياء الي شاهدتها عندهم بام عيني والتي جعلتني اقاطع اكل المطااعم نهائيااااا
المصيبة ان معظم عمالتهم من بيئات موبوئة بالامراض والقذارة اعزكم الله
تشرب الفئران والصراااصييير معاهم عادي ...
الحل الفعال معاهم هو تركيب كميرات مراقبة من قبل الصحة لمطابخهم واماكن التجهيز والتخزين والتحضير
ومتابعتهم بشكل مستمر
وكذلك الانتباه لنوعية العمالة التي تعمل بهذا المجال
والله يكفيكم شر الامراض

[بوخميس]

بعدين تقولون لا تاكلون من كنتاكي وهارديز

والله ابرك من هالمطاعم

ذولاك اللهم يجيبون الدجاج وهو مثلج ويقلونه