ضروروي:مطلوب افضل وضيفه من حيث الراتب

[qtri2013]

الصراحه احترت شنو احسن مكان بنك ولا وزاره ؟!

اهم شي بعيد عن العسكريه :rolleyes2::rolleyes2:


من العلم نسبتي 70 وخريج هذه السنه

اتمنى حد يساعدني للي عندهم خبره

[المحقق كونان]

روح وزارة التنمية الادارية عندهم نظام الابتعاث الحكومي تحصل راتب وتدرس

[بوخالد911]

البنك أفضل

ولكن من حيث الاجازات ، الوزارة أفضل

مثال : إجازة العيد ، بالوزارة تحصل على 10 أيام ( يعتمد على متى دخول العيد + الويك إنك )
بالبنك فقط 3 أيام.

فكر فيها عدل.

[monatee]

طبعا البنك افضل راتب

لكن ... تحتها مليون خط لكن

كل ريال يعطيك اياه البنك بيطلعه من عينك :protest:

[QtrGate]

الوزاره أفضل من حيث الدوام والإجازات

البنك او الشركات الخاصة أفضل من حيث الراتب والخبرة

( البترول ومؤسسة قطر) أفضل من جميع ماسبق

[ya3coub]

نصيحه أخوي قدم على الجامعه داخل او برع

و الشرطات بتبتعثك و يمشيلك راتب تقريبا موظف ثنوي اثناء دراستك

و تتعين سينير نصيحه جرب الحين حتى لو ما قدرت ولا تنقرص بعدين كثير من الناس الي اتجهو لسلك العمل بعد الثنوية الحين تلقاهم ندمانين و ارجعو بعد اربع و خمس سنين شغل يدورون على الجامعات و يكملون دراستهم

و وقتها حسب الي اشوفه من الي حولي قطاع البترول اكثر الرواتب و العسكرية ايضا

[وحيد-الشوق]

كمل دراستك احسن لاحق عالشغل واذا محتد شوف وزارة التنمية يمشون لك 6000 وتقدر تدرس في كلية المجتمع او غيرها بس نصيحة الدراسة اولاً واسأل مجرب