ابيكم تساعدوني باماكن ببتصميم الداخلي

[S.T.Y.L.E]

السلام عليكم

مثل ماهو بالعنوان
ابي محلات تسوي تصميم داخلي للبيوت ( صالة - مجلس - غرفة نوم - حمامات وانتو بكرامه )
بطريقة روعه واسعار مب مبالغ فيها

ومشكورين

[بوحارب]

تصميم شنو بالضبط ؟؟

[q6ryah]

برسل رقم مهندسه ديكور اسعارها ممتازه
عل

[بانغ بانغ]

السلام عليكم

مثل ماهو بالعنوان
ابي محلات تسوي تصميم داخلي للبيوت ( صالة - مجلس - غرفة نوم - حمامات وانتو بكرامه )
بطريقة روعه واسعار مب مبالغ فيها

ومشكورين

في وايد محلات اتصمم شي خرافة ..... بس من اللي اينفذ

فلا يخدعونكم بصور وتصاميم

[سعود.]

شفت لي كمن محل وشردت منهم غاليييين
واحد قالي تصميم مع تنفيذ 6 الاف للمتر !!!!!

[S.T.Y.L.E]

شكرا على الردود
ابي محلات تطبق التصميم بعد مب شخص يصمم وبس
قابلت كذا شخص ، وحسسوني ان اكلم ناس من كوكب ثاني ، اسعار فلكية

اذا في محلات او مكاتب في بالكم ياريت تفيدوننا

[QtrGate]

في شركة قولدن في الخور
عندهم شخص مصري
صمم ديكور اليخت
شي روعة

[asulaiti]

لا تدفع مبالغ خيالية لتصميم دون تنفيذ ...

إذا مصر على القيام بذلك .. فعليك بشركة تصمم وتنفذ ..
وإلا ستخسر مبلغ التصميم ..

أذكر أن هناك كم شركة تصمم فقط، لكن تستطيع أن تقوم بالإشراف على التنفيذ (مقابل دفعات شهرية طبعاً) ..
هذه الشركات (والشركات الأخرى التي تصمم وتنفذ) لا يقومون بالتصميم عشوائياً ..
بل .. يصممون بحيث عند بدء العمل، ينفذون التصميم بالمواد المتوفرة في السوق المحلي .. وبنفس نتيجة التصميم ..
هم يقومون بالتصميم بدراسة طلبات الزبون، وبالميزانية التي خصصها للديكور، وبمعرفة المواد الموجودة في السوق المحلي ..

أما الشركات الأخرى .. وخاصة اللي أسعارها معقولة نوعاً ما .. يصممون دون التأكد هل المواد اللازمة للتنفيذ متوفرة في السوق المحلي ؟؟
أم توجد صعوبة في إيجادها !!

لذا احذر من الوقوع في هذا الخطأ ..

[S.T.Y.L.E]

قطر قيت ، شكرا لك

السليطي ، كلامك صحيح وهاللي ابيه انا بالضبط
بس من هالناس ؟ في شركات معينه اسعاره معقوله ؟

[معماري قطري]

شوف الشركة اللي عندها أغلب المواد والشغلات مثل رافكو

تبغي مكتب مشارك مع أرابيسك وهو مكتب أمريكي للتصميم الداخلي بعد هذا زين وتصاميمهم أغلبها نقوش قديمة وبالجبس واخفاء للتكييف وتصميم الخشب والأبواب بحيث يتناسب التصميم كله .. المكتب عمار في السد فوق النيسان

فيه مكتب بعد حق مغربي اسمه اتيليه 99 صوب وكالة الجاكوار عند السنتر وهذا جربته في شغلات بسيطة .. ومكتب اتحاد قطر للتخطيط كذلك عندهم مصممات داخليات ومصممين ويشرفون .. حتى مكتب ابراهيم الجيدة يسوي تصميم داخلي وتقريباً غالبية المكاتب

[معماري قطري]

شفت لي كمن محل وشردت منهم غاليييين
واحد قالي تصميم مع تنفيذ 6 الاف للمتر !!!!!

سرقة علنية

[معماري قطري]

واحد من الربع اشتغل مع ايطالية بعد ما تعبوه العرب هنا وتسوي التصميم مع التصميم الداخلي وتستعين بمكاتب ثانية وتتابع التنفيذ بس غالي سعرها

[سعود.]

سرقة علنية

يمكن عباله

الفيلا ( مفاعل نووي ) ههههههههههه
عسى ماشر المتر 6 الاف
والله لو اني ( دونالد ترامب )

[blueZircon]

بالتوفيق اختي , عندي مصمم اسعاره بلاش وسويت بيتي عنده. بس مشكلته موجود خارج قطر والتصاميم والفيد باك كله عالواتس.

موفقه ان شاءالله