استفسار عن شركات توريد رخام كريما مارفل اسباني

[N203]

السلام عليكم

رحت الصناعية ولقيت ولقيت شركات تور رخام واجد..
انا ادور علئ كريما مارفل اسباني سلابات او قطع 60 في 60....

عندي تصاميم البيت بالكامل بالقياسات.

فياليت تنصحوني بشركات اشتري من عندها من بعد تجربتكم , من أي شركة في الصناعيه ؟؟

وبعد لو عندكم ناس للتركيب ومجربينهم , قولولي عنهم ولا تهونون.


والله يجزيكم خير الجزاء

[الســـهم]

شركة الرخام الذهبي في الصناعية الجديدة ..

لو لفيت قطر كلها ما راح تلقى افضل من اسعار جلال وتعامله المحترم جدا ..

[شموخ دائم]

,

,


مرحبا


عليك الانتباه الى أمور كثيره خاصه في الكريم مارفيل

اختار الاسلابات الكبيره ( متشابهه اللون والعروق )
وما يخلطون لك اكثر من ( فرز ) بالتركيب بيطلع المكان مختللف وغير ( متوحد )
احرص اذا في اختلاف ( ترجعه ) قبل التركيب

يعني العامل قبل ما يركب الرخام بالموقع
يفكه من الصناديق وينشره بالحوش
بيوضح معاه الي متشابه والي مختلف
( يختار الكميه المتشابهه الاكثر ) للصاله الكبيره مثلا
( واللون المختلف الكميه الاقل ) لصاله أخرى او ممرات البيت
( والغير متجانس ) يرجعه لهم يستبدله
خل اتفاقك كذا معاهم
ويكون مكتوب بالفاتوره او العقد
ان المختلف يستبدل

تركيب الرخام يحتاج ( عامل ماهر ) بفرز الرخام وحسن توزيعه بالبيت
التركيب يبتدي من الفرز وافراغ الصناديق كلها دفعه وحده بالحوش
وينقيهم حبه حبه
ويشوف الكميه تكفي لاي مكان في الفيلا قبل ما يركب
يكون عارف الكميه الي بيركبها انها متشابه صح

الرخام الذهبي ( جلال )
خيار طيب

كونيهور ( شهاب )
خيار طيب أيضا
لان هو مسئول عن التركيب


,

,

[بوخالد911]

الله يوفقك.