غريب الدّار
25-12-2016, 08:59 AM
صبحكم الله بالخير :)
أفكار تجي على البال بدون ترتيب ، من واقع اللي الشخص يسمع عنه ويقرا عنه ويشوفه بعض المرات من تجارب آخرين ، أكتب لكم هالموضوع :
الخاطرة الأولى :
قريت مواضيع كثيرة عن حريم يكتشفون خيانة ازواجهم ، ويطلبون حل ، ومعظم الردود تكون : اصبري عليه مرده بيعقل ، وهذا أبو عيالج ، ومن هالكلام
طيب اذا كان الرجل هو اللي اكتشف خيانة زوجته ؟؟ الردود تكون عكس ذلك تماما
ادري ان المجتمع وثقافته يلعبون دور ،
لكن ماتحسون ان في ظلم (او خلونا نقول تناقض) في الموضوع ؟؟
(طبعا هناك تحفظات على مصطلح (خيانة زوجية) من قبل البعض لكن طرحته لتقريب الفهم ، مع ملاحظة ان الخيانة مرفوضة من الطرفين ، والقرآن الكريم وضح هالشي)
الخاطرة الثانية :
إلى أي مدى ممكن الزوجة او الزوج يحافظون على بيتهم؟
طبعا السؤال غير واضح ، لكن راح اضرب لكم امثلة :
1- وحدة اشترطت على زوجها السواقة ، وبعد ماتزوجوا وجابوا عيال ، منعها من السواقة ، راحت طلبت الطلاق
هل فيكم حد يؤيد هالفعل؟
(مع الايمان التام بان العقد شريعة المتعاقدين والمسلمين عند شروطهم)
2-وحدة طلب زوجها منها انها تتغطى او تتنقب ، وهي رافضة لدرجة انها مستعدة تطلب الطلاق ، هل فيكم من يؤيد هالفعل؟ خصوصا انها كانت قبل الزواج غير متغطية
3- زوج كان يبي يبني بيت مثلا او يفتح له مشروع ، وطلب من زوجته تساعده وكانت مقتدرة فعلا ، لكنها رفضت ، زعل عليها وهجرها وهددها بالطلاق ، هل فيكم حد يؤيد فعله ؟؟
(مع التسليم بأن الحياة الزوجية شراكة في كل شي ، وان الزوج ملزم شرعا بالانفاق ، والزوجة مب ملزمة أصلا )
4- زوجة صادها مرض ، ماعادت تقدر تلبي جميع متطلبات الزواج ، الزوج راح تزوج عليها ، او طلقها ، هل من مؤيد لذلك الفعل؟ ونفس الشي ينطبق على الرجل بعد اللي يصيبه مرض يمنعه من القيام بواجباته الزوجية.
الخاطرة الرابعة : زوج يقعد الصبح ، وهو اللي يرتب ثيابه ، والخدامة تسوي له ريوقه ، وزوجته غاطة في نومها ، ولا رجع يروح يسال الخدامة عن الغدا ، وعقب تلومه اذا ماتقرب منها وتقرب من حد ثاني
وين دورج كزوجة ؟؟
الخاطرة الرابعة : زوج دايم لاهي ويا ربعه ، وكل احتياجات البيت على الدريول ، ومايدري عن زوجته صاحية ولا مريضة ، ومع هذا دايما يتهم زوجته بالتقصير !!!! انت قوم بدورك اول عقب لومها
أعتقد ان الموضوع واضح الحين للجميع
على فكرة : اعتقد ان نسبة الطلاق المرتفعة في الدولة لها أسباب كثيرة قد تدخل من ضمنها الحالات المذكورة أعلاه كإطار عام
والله تعالى اعلم
والموضوع للنقاش ويامرحبا بالجميع
أفكار تجي على البال بدون ترتيب ، من واقع اللي الشخص يسمع عنه ويقرا عنه ويشوفه بعض المرات من تجارب آخرين ، أكتب لكم هالموضوع :
الخاطرة الأولى :
قريت مواضيع كثيرة عن حريم يكتشفون خيانة ازواجهم ، ويطلبون حل ، ومعظم الردود تكون : اصبري عليه مرده بيعقل ، وهذا أبو عيالج ، ومن هالكلام
طيب اذا كان الرجل هو اللي اكتشف خيانة زوجته ؟؟ الردود تكون عكس ذلك تماما
ادري ان المجتمع وثقافته يلعبون دور ،
لكن ماتحسون ان في ظلم (او خلونا نقول تناقض) في الموضوع ؟؟
(طبعا هناك تحفظات على مصطلح (خيانة زوجية) من قبل البعض لكن طرحته لتقريب الفهم ، مع ملاحظة ان الخيانة مرفوضة من الطرفين ، والقرآن الكريم وضح هالشي)
الخاطرة الثانية :
إلى أي مدى ممكن الزوجة او الزوج يحافظون على بيتهم؟
طبعا السؤال غير واضح ، لكن راح اضرب لكم امثلة :
1- وحدة اشترطت على زوجها السواقة ، وبعد ماتزوجوا وجابوا عيال ، منعها من السواقة ، راحت طلبت الطلاق
هل فيكم حد يؤيد هالفعل؟
(مع الايمان التام بان العقد شريعة المتعاقدين والمسلمين عند شروطهم)
2-وحدة طلب زوجها منها انها تتغطى او تتنقب ، وهي رافضة لدرجة انها مستعدة تطلب الطلاق ، هل فيكم من يؤيد هالفعل؟ خصوصا انها كانت قبل الزواج غير متغطية
3- زوج كان يبي يبني بيت مثلا او يفتح له مشروع ، وطلب من زوجته تساعده وكانت مقتدرة فعلا ، لكنها رفضت ، زعل عليها وهجرها وهددها بالطلاق ، هل فيكم حد يؤيد فعله ؟؟
(مع التسليم بأن الحياة الزوجية شراكة في كل شي ، وان الزوج ملزم شرعا بالانفاق ، والزوجة مب ملزمة أصلا )
4- زوجة صادها مرض ، ماعادت تقدر تلبي جميع متطلبات الزواج ، الزوج راح تزوج عليها ، او طلقها ، هل من مؤيد لذلك الفعل؟ ونفس الشي ينطبق على الرجل بعد اللي يصيبه مرض يمنعه من القيام بواجباته الزوجية.
الخاطرة الرابعة : زوج يقعد الصبح ، وهو اللي يرتب ثيابه ، والخدامة تسوي له ريوقه ، وزوجته غاطة في نومها ، ولا رجع يروح يسال الخدامة عن الغدا ، وعقب تلومه اذا ماتقرب منها وتقرب من حد ثاني
وين دورج كزوجة ؟؟
الخاطرة الرابعة : زوج دايم لاهي ويا ربعه ، وكل احتياجات البيت على الدريول ، ومايدري عن زوجته صاحية ولا مريضة ، ومع هذا دايما يتهم زوجته بالتقصير !!!! انت قوم بدورك اول عقب لومها
أعتقد ان الموضوع واضح الحين للجميع
على فكرة : اعتقد ان نسبة الطلاق المرتفعة في الدولة لها أسباب كثيرة قد تدخل من ضمنها الحالات المذكورة أعلاه كإطار عام
والله تعالى اعلم
والموضوع للنقاش ويامرحبا بالجميع