أرجو الحذر من قناة bein sports

[نايم سهران]

بسم الله الرحمن الرحيم ،،،

الله يصبحكم بالخير ،،

اخواني أرجو الحذر من قناة bein sports ، في موضوع صار لي معاهم وحبيت أحذركم لأخذ الحيطه والحذر ،، والموضوع كتالي :

انا سنويا أجدد باقة توب سبورتس ( الي يكون فيها جميع الدوريات الأوروبيه ) ، وكالعاده أروح المحل أدفع كاش ويتجدد ،

لكن هالسنه بما إن سفراتي واجد ف قلت بجدد شهريا ، يعني الشهر الي بكون متواجد فيه في الدوحه راح اجدد ما يحتاج اجدد حق سنه كامله ،، ( لكن دايما التجديد السنوي يكون أرخص من الشهري ) السنه تقريبا عندهم ب 800 ، واذا بتجدد شهريا الإجمالي بيطلع عليك أكثر من 1000 ريال ،،

المهم جددت عن طريق البطاقه شهر 11 فقط بما اني كنت متواجد في الدوحه، ويوم دخلنا شهر 12 تفاجأت انه شهر 12 تجدد أتوماتيك وانخصم المبلغ من عندي !!!!

فدخلت حسابي أشوف انه في علامة صح عند التجديد التلقائي ، المهم رحت اشيلها علشان اغير الخيار لكن مايصير، علامة الصح موجوده لكن ماتقدر تشيلها .!!!!

المهم اتصلت فيهم وشرحت لهم الموضوع كامل ، وكان ردهم انه التجديد صحيح شهريا لكن بينخصم من عندك لمدة سنه كاملة !!!!!

قلت لهم يابوك مابغي اجدد سنويا مش على كيفكم أنه ابغي شهر بشهر ، وليش المبلغ بينخصم شهريا لمدة سنه كامله !! لو أدري كان جددت سنويا كان أرخص وريحت نفسي ليش كل شهر ينخصم وبيطلع علي أغلى ،،

المهم قالوا هذا القانون عندنا مايصير تلغي أصلا دام جددت وراح يخصم عليك لمدة سنه كامله شهريا ، واذا جاء وقت التجديد وطلع مافي مبلغ في الحساب راح يتجدد وبيحسب عليك أقساط سابقه ، ههههههههههههههههههه قمة المسخره صراحه ،

وقالوا لي لو جيت بعد كم شهر تبغي تجدد مره ثانيه بيحسب عليك أقساط قديمه مستحقه !!! ،

المهم قلت لهم انا أراويكم ، كلمت البنك يوقف البطاقه لين تخلص المده كامله ،، وقبل شوي رحت محلهم طلعت بطاقة جديده باسم رفيجي ونشوف من يقدر على الثاني والله لو على جثتي . ( ماعمري شفت أحد يجبر أحد على شي ، لايكون على كيفهم أجدد ويسحبون فلوسي !! ) . والله بسبة هالحركه راح اجيب الرسيفر الي عندي ف أمريكا مفتوح وفيه كل القنوات ونشوف اذا السالفه غصب ولالا !!!

فأرجوا من الجميع الحذر من هالحركه الوصخه وعدم الشفافيه لان يوم تبغي تشترك أو تجدد المفروض يكون مكتوب انه راح يخصم اتوماتيك .

وشكرا

[كيلو حديد]

الله المستعان
في أمور ما تقدر توصفها بصراحه


الحمد لله ما احب الكوره ولا ادانيها

[شموخ دائم]

,

,



مرحبا


شكرا على الموضوع


افضل قناه رياضيه في العالم

واغبى شركه في التسويق في العالم أيضا


حتى منافذ بيع الكروت سابقا ( مأساه ) والله

وكل الدول تشتكي من تجديد الاشتراك

وطريقه معرفه المتبقي

والاشاره كل كم يوم توقف

وتنتظر الاشاره تجيك



,

,

[shadad]

سؤال يالذيب ..يوم وقعت عقد الاشتراك هل حددت ان المدة سنويا؟ لانك لو وقعت ما اعتقد وقتها تقدر تغير العقد او الاشتراك الين تنهي السنة وهذا المتعارف عليه في كل مكان. انه بعد العقد يحق لك التغيير. بس انهم يلزمونك بعد السنة بعد تدفع سنة ؟ هههههههههههه ليش؟ زين ما ابي اجدد غصب يعني بعد السنة ؟ ما لي بالكورة خلاص ..حولت كيرم ؟ اتابع بطولة التيلة ؟ ...على كيفهم ؟ الا اذا سووا لك عقد جدي وخلوك توقع عليه اخر مرة تدفع شهريا لمدة سنة وهذا ما اعتقد يصير لانك يا تدفع سنة وتصير ملزوم بالسنة وعقب تقطع..او تدفع شهريا وبنهاية الشهر يحق لك تقطع. ( اورييدو عندهم مثلا 3 شهور اقل شي وبعدها اي شهر تقطع ).

تسويق عجيب صراحه.

[بوخالد911]

هلا بكم

اخوي راسلهم على تويتر
وبيحلون مشكلتك

اطلب مسؤول يكلمك
وليس موظف عادي


المشكلة هي لما سألتهم مرة ووين الكوول سنتر هل بقطر؟
قالوا لا بالمغرب او تونس

!!!!!!!!!!!!!

[مرتبش]

اعتقد اشتراكك لمدة سنة.. بس تدفع بالاقساط شهريا..لذلك حصلت المشكلة.
السؤال هل يوجد عندهم اشتراك لمدة شهر؟ اتوقع لايوجد

[الدوحه1]

لولا الدعم الحكومي "السخي" للقناه لافلست من زمان!!!!
القناه قائمه على مبدأ الأحتكار والشراء باي سعر..
القناه لم ولن تحقق أي أرباح ولا بعد 100 سنه اذا ماخذنا في الاعتبارالمبالغ اللي انصرفت على القناه من انشائها واللي اعتقد انها فوق ال 15 مليار ريال؟؟

اللي يبغي يتفرج ويشوف اكثر من 1000 قناه عالميه مشفره عليه ان يجرب خدمة ال iptv
وبسعر لايزيد عن 600 ريال في السنه..

[نايم سهران]

سؤال يالذيب ..يوم وقعت عقد الاشتراك هل حددت ان المدة سنويا؟ لانك لو وقعت ما اعتقد وقتها تقدر تغير العقد او الاشتراك الين تنهي السنة وهذا المتعارف عليه في كل مكان. انه بعد العقد يحق لك التغيير. بس انهم يلزمونك بعد السنة بعد تدفع سنة ؟ هههههههههههه ليش؟ زين ما ابي اجدد غصب يعني بعد السنة ؟ ما لي بالكورة خلاص ..حولت كيرم ؟ اتابع بطولة التيلة ؟ ...على كيفهم ؟ الا اذا سووا لك عقد جدي وخلوك توقع عليه اخر مرة تدفع شهريا لمدة سنة وهذا ما اعتقد يصير لانك يا تدفع سنة وتصير ملزوم بالسنة وعقب تقطع..او تدفع شهريا وبنهاية الشهر يحق لك تقطع. ( اورييدو عندهم مثلا 3 شهور اقل شي وبعدها اي شهر تقطع ).

تسويق عجيب صراحه.

اخوي لا وقعت عقد ولا هم يحزنون انا جددت الاشتراك عن طريق الموقع فقط ، وبعدين مش مكتوب اصلا انه يتجدد اتوماتيك ،، وبعدين لو فرضنا يتجدد أتوماتيك خليه يتجدد لكن أي وقت ابغي ألغي الاشتراك المفروض ينلغي ، مش مايصير وهذا قانون ومادري أيش !! وين قاعدين داخلين سنة 2017 ومادري لين متى هالشركات بتستخف بالعقول !!! وبتستمر .......على حساب العميل ؟

أنا ما وقعت لا على أوراق ولا جددت عندهم في الفرع ، التجديد في عن طريق الانترنت .

وبالضبط كلامك صحيح على قولتك حولت كيرم او بطولة تيله غصب اتابع كوره شسالفه هههههههههه

[نايم سهران]

هلا بكم

اخوي راسلهم على تويتر
وبيحلون مشكلتك

اطلب مسؤول يكلمك
وليس موظف عادي


المشكلة هي لما سألتهم مرة ووين الكوول سنتر هل بقطر؟
قالوا لا بالمغرب او تونس

!!!!!!!!!!!!!

بجرب اكلمهم الشهر الجاي لكن مش الحين ،، هالشهر عناد بيني وبينهم واشوف منو الي يمشي الثاني غصباً عنه ،،

مشكور ماقصرت اخوي

[نايم سهران]

اعتقد اشتراكك لمدة سنة.. بس تدفع بالاقساط شهريا..لذلك حصلت المشكلة.
السؤال هل يوجد عندهم اشتراك لمدة شهر؟ اتوقع لايوجد

اخوي بالعقل وبالمنطق انا مش شاري سياره من عندهم بالاقساط والمفروض تندفع كامله ، هاي عباره عن خدمه أبغيها بدفع مابغيها محد له خص يلزمني ف الخدمه ويدفعني غصب ،،

واي نعم عندهم خدمه شهريه لكن فقط على اللابتوب والجوال ،

يعني شمعنى هناك في وهني مافي؟ الا السالفه واضحه

[s4qatar]

لولا الدعم الحكومي "السخي" للقناه لافلست من زمان!!!!
القناه قائمه على مبدأ الأحتكار والشراء باي سعر..
القناه لم ولن تحقق أي أرباح ولا بعد 100 سنه اذا ماخذنا في الاعتبارالمبالغ اللي انصرفت على القناه من انشائها واللي اعتقد انها فوق ال 15 مليار ريال؟؟

اللي يبغي يتفرج ويشوف اكثر من 1000 قناه عالميه مشفره عليه ان يجرب خدمة ال iptv
وبسعر لايزيد عن 600 ريال في السنه..

1

Royal Iptv
120 دولار في السنة
جميع قنوات العالم + جميع القنوات الرياضية و ال OSN
HD بدون أي تقطيع

[بوخالد911]

بجرب اكلمهم الشهر الجاي لكن مش الحين ،، هالشهر عناد بيني وبينهم واشوف منو الي يمشي الثاني غصباً عنه ،،

مشكور ماقصرت اخوي

العفوووو
وليش الشهر الجاااي؟؟؟؟
من بكرة الصبح احشرررررررهم.

[حاير]

لولا الدعم الحكومي "السخي" للقناه لافلست من زمان!!!!
القناه قائمه على مبدأ الأحتكار والشراء باي سعر..
القناه لم ولن تحقق أي أرباح ولا بعد 100 سنه اذا ماخذنا في الاعتبارالمبالغ اللي انصرفت على القناه من انشائها واللي اعتقد انها فوق ال 15 مليار ريال؟؟

اللي يبغي يتفرج ويشوف اكثر من 1000 قناه عالميه مشفره عليه ان يجرب خدمة ال iptv
وبسعر لايزيد عن 600 ريال في السنه..



طيب من ينباع هالجهاز

[ابراهيم 2012]

1

Royal Iptv
120 دولار في السنة
جميع قنوات العالم + جميع القنوات الرياضية و ال OSN
HD بدون أي تقطيع

وين نحصل الجهاز اوكيفيه الاشتراك

[الدوحه1]

طيب من ينباع هالجهاز



جرب "مزاد قطر" بس اسعارهم غاليه؟؟
مره كنت في محل للاكترونيات في سفاري مول ابوهامور وعرض علي الاشتراك في خدمة ال iptv ب 500 ريال في السنه .

واذا عندك تلفزيون "سمارت" فانت مب محتاج تشتري الجهاز بس تدفع قيمة الاشتراك السنوي يعني تقدر تتفرج على القنوات المشفره بدون أي اجهزه اضافيه!

[بومحمد المطاوعه]

اكتب ف تويتر

ومنشن حسن الساعي
ووزاره الاقتصاد
وبين سبورت

وشوف الرد السريع ان شاءالله

[nisyeno]

أخوي أنا يوم رحت اشترك سألت عن هالأشياء كلها
سواء كان اشتراك جديد أو تجديد إشتراك لازم سنة ما في شي اسمه شهري
الشهري أو السنوي أو ستة أشهر هي فقط طريقة دفع الإشتراك السنوي
ناس تقول لك أبي ادفع شهري بطريقة القسط ولا أدفع سنة كاملة
المهم هو عقد سنة والتجديد نفس الشي ولازم دفع السنة كاملة سواء قسط أو دفعة واحدة
الله المستعان