اكتشفت ان في بنات وشباب خذو سلفيات علشان يكشخون ليما فلسوا

[قطري2022]

معقولة وصلوا الناس لهالمرحلة ؟ اتسلف علشان اشتري ساعات وشنط وسيارات واسافر على الدرجة الاولى واخرتها افلس ؟ وين المثل الي يقول مد ريولك على قد لحافك ؟ متى بنشفى من داء تقليد الفقير للغني ؟ ترى هذي افة لازم نتخلص منها ، الي يتسلفون حق هالمواضيع لاينسون ان وراهم عيال اولى بهالفلوس الي رايحة في السلفيات والكشخة الكذابة ، كفاية غش ولبس ثوب مب ثوبنا ، والكلام موجه حتى للي مايتسلف والي يصرف كل راتبه ع المظاهر ، ترى القرش الابيض ينفع في اليوم الاسود ، والبنات الي يدورون المناسبات دوارة بس علشان يشترون هدايا لصديقاتهم ، مب منطق ان كل اسبوع ماخذة هدية بثلاث واربع الاف حق وحدة من ربعج ، ارحمو نفسكم وتركو عنكم المظاهر الخداعة ولاتحملون نفسكم فوق طاقتها ، ترى في ناس ماياكلون الا خبز طول اليوم الله يرزقهم ويحفظ النعمة ، اصحوا من غفلتكم

[كيلو حديد]

يا كثرهم

[style]

الشيخ توك صاحي،،،وينك من زمان هذا الموضوع ماينفع فيه هالكلام .بس مايمنع انك تنصح

[mr. abdulla]

الموضوع قديم و للأسف ناس ما تنفع معاهم النصيحة ... تالي يجون يطالبون الحكومة يسددون عنهم ديونهم ...

[ساراام]

اي والله شكثرهم

اخرتها هم بيتلعوزون

ناس تاخذ قرض على شي يستاهل والباقي حسبالهم لعبه والله حاله

[Rider]

ياخي فعلا مثل ماقالوا الاخوان الموضوع قديم لكن الحين بزود

[راجي الْعفو]

منذ مبطي

طبعا الاجابه المشهورة : شعليك هذا من عرق جبينّا

والرد الأشهر: السفهاء لا يُتركون في تصرفاتهم المالية !

وشكرا

[قطري2022]

ماتلاحظون ان محد ايدنا من الحريم ؟ ��
اكيد الموضوع مب عاجبهم ��

[بوخالد911]

الله لا يبلانا
والحمدلله الذي عافانا.

[fooz55]

ماتلاحظون ان محد ايدنا من الحريم ؟ ï؟½ï؟½
اكيد الموضوع مب عاجبهم ï؟½ï؟½ بالعكس الموضوع اوكى أنا أيدكم وبقوه فعلا شي زاد عن حدة

[الدوحه1]

الو "وطني الحبيب" عندي شكوى على البنك؟؟
خذت سلفه 200 الف من بنك ***** من سنتين والمبلغ للحين ماقل عن ال 200 الف ريال؟؟؟
ويوم سألت البنك ليش المبلغ للحين فوق ال 200 الف ريال قالو ان الأقساط الشهريه اللي اندفعت لحد الان هي عباره عن الفوائد بس؟؟؟

ارجوكم ساعدوني لمتى بتم ادفع عندي ظروف صعبه؟؟؟

[معماري قطري]

شتفيدك فيه الكشخة

سيارة تشتريها ب 500000 لو بتبيعها تجيب 400 بعد ما تطلعها من الوكالة لا تغرك الدعاية ولو مضطر كلش خذها مستعملة بأرخص سعر

دوم الواحد لازم يحط له هدف سواء من السلفة ومتى يخلصها لو احتاج أو من الاستفادة من أي سلعة .. دوم احب اعطي أمثلة للبناء .. خلوني افترض الدارج ألحين نبتلش بالحجر وشغله وسعره الغالي ومجال الغش الكبير فيه ودخول عمالة صعب تعرف خبرتهم ويكلفنا حول 20% من تكلفة البناء .. والصبغ الجيد بيكلفنا أقل بكثير حول 4% وممكن نجدد بعد 10 - 15 سنة لكن الحجر لو طاحت قطعة صعب نبدلها ولو تغير اللون وتشربت ماء بعد منظرها مزعج يكون .. والمالك لازم يوازن

[نفسي عزيزه]

الله كريم

[الدوحه1]

http://gulf-up.com/do.php?img=235322 (http://gulf-up.com/)

[toyota]

مشكلتنا الزبووووووو ،، ولين سافرنا برع لازم نبين للناس هناك ان عندنا فلوس وعقب يشتكون ويقولون باقونا وسوو فينا اللي مايستوي
خلك طبيعي وسافر واستانس بس ابعد عن الزبووو اللي ماله داعي

[العقل المدمر]

ماتلاحظون ان محد ايدنا من الحريم ؟ ��
اكيد الموضوع مب عاجبهم ��

ليش لازم يأيدونك شاك بعمرك ؟
هذاك اول اللي الموضوع مرتبط بالحريم
الحين الرياييل صاروا ينافسونهم ويمكن اخس منهم بعد

[R 7 A L]

واحد اعرفه من الاغنياء الي ربي منعم عليهم
قابلته الصيف في الدوحه بعد ماسلمت عليه قلت غريبة هالوقت وفي الدوحه وينك من لندن هالسنه
قال الفقراء زاحمونا هناك يلبسون نفسنا ويركبون نفسنا ويكشخون نفسنا ويسكنون نفسنا ضربوا علينا السوق
خلنا في الدوحه خلاص مافيه فايده سفريات وخساير هههههههه

[mr. abdulla]

ليش لازم يأيدونك شاك بعمرك ؟
هذاك اول اللي الموضوع مرتبط بالحريم
الحين الرياييل صاروا ينافسونهم ويمكن اخس منهم بعد


للأسف معاك حق.. في شباب و من عوائل كبيرة صاروا يزاحمون البنات في الربو و الكشخة .. و هم من نفس الحال.. من يمسك وظيفة يروح البنك و يأخذ قرض و يلعب في الفلوس...

[mr. abdulla]

واحد اعرفه من الاغنياء الي ربي منعم عليهم
قابلته الصيف في الدوحه بعد ماسلمت عليه قلت غريبة هالوقت وفي الدوحه وينك من لندن هالسنه
قال الفقراء زاحمونا هناك يلبسون نفسنا ويركبون نفسنا ويكشخون نفسنا ويسكنون نفسنا ضربوا علينا السوق
خلنا في الدوحه خلاص مافيه فايده سفريات وخساير هههههههه


أوافق الرأي.. لندن صارت ما تنطاق بسبب المهايط و الزبو الزايد

[كيلو حديد]

قصص الإسراف ثم الإفلاس كثيرة بعضها صار قدامنا
من يتعظ

احيانا أعذرهم لأن منطق الحكم على الأمور أصبح ظاهري
وتعليقات البعض و طنازة البعض وكثير من الأسباب التي
روجت لها البيئه ، رسمت لهم هالطريق لأنهم ما يريدون
يكونون أقل من غيرهم .

[قطري2022]

اشكركم ويعطيكم العافية واتمنى المسرفين يتعظون ويخافون الله في نفسهم

[فيصل99]

خلهم خلهم بيصحون لاغرقوا في البحر

اقصد الدين :taunt:

[يمامـة]

ماتلاحظون ان محد ايدنا من الحريم ؟ ��
اكيد الموضوع مب عاجبهم ��

وانت لازم تتنقشر في الحريم يا مستر تخسير؟

الموضوع برمته مرفوض.. لكن هل تعتقد اللي مقتنع ان هالشي هو الصح
سواء كانت حرمة ولا كان بو شوارب.. بينفع فيه كلام؟

[جبر ال جبر]

السفاهه تؤدى الى اكبر من هذا الشي

[aloosh]

انصحوا ولا تدخلون في امور الناس

لو كاتب موضوع بصيغه مختله لتنبيه افضل