استفسار بخصوص فيزة الشنغن

[هارودز قطر]

انا مسافر على ايطاليا وعقب على فرنسا وكذا دوله

بس بطلع الفيزه من السفاره الفرنسيه لان مدتها اطول فالجواز

هل في مشكله على هالشي

معنى المندوب الي بسويلي الفيزا قالي عادي

يقول بس السفاره الالمانيه هي الي مشدده اف هالموضوع

فحبيت اتأكد منكم

ويعطيكم العافيه

[monatee]

بما ان الفتره الاطول في فرنسا .. يجب ان تكون الفيزا من الفرنسيه

شغلك صح

[ضوى]

بما ان الفتره الاطول في فرنسا .. يجب ان تكون الفيزا من الفرنسيه

شغلك صح

هو يقصد انه مدة صلاحية الفيزا اطول اذا صدروها من السفارة الفرنسيه

[ya3coub]

اتوقع لازم تبتدي اول دخول يكون من فرنسا أخوي

بس صحيح كلامك السفارة الفرنسيه متساهلين مقارنه بالباقي

بس حسب علمي تبتدي الدخول من فرنسا اول مة و عقب كيفك اي مكان تبي تروحله

[monatee]

انت تقصد انك تبي الفيزا من الفرنسيه لانها بتعطيك فتره اطول ؟

اخوي الصحيح انك اطلع الفيزا من الدوله اللي بتقعد فيها ايام اكثر حتى لو ما كانت هي دوله الوصول

اما اذا بتقعد ايام متساويه في دولتين مختلفتين .. اطلع الفيزا من الدوله اللي بتدخل لها اول

[غير البشر]

انت تقصد انك تبي الفيزا من الفرنسيه لانها بتعطيك فتره اطول ؟

اخوي الصحيح انك اطلع الفيزا من الدوله اللي بتقعد فيها ايام اكثر حتى لو ما كانت هي دوله الوصول

اما اذا بتقعد ايام متساويه في دولتين مختلفتين .. اطلع الفيزا من الدوله اللي بتدخل لها اول


هذا الكلام الصح

[غير البشر]

اخوي عطني مخططك وتقسيم الايام

اذا كانت المده في فرنسا مش الاطول !!

الحل الثاني انك ترتب حجوزات وهميه لفنادق وتاخذها معاك للمطار
بحيث تكون الاقامه في فرنسا هي الاطول

[غير البشر]

انا مسافر على ايطاليا وعقب على فرنسا وكذا دوله

بس بطلع الفيزه من السفاره الفرنسيه لان مدتها اطول فالجواز

هل في مشكله على هالشي

معنى المندوب الي بسويلي الفيزا قالي عادي

يقول بس السفاره الالمانيه هي الي مشدده اف هالموضوع

فحبيت اتأكد منكم

ويعطيكم العافيه


صح السفاره الالمانيه مشددين كثير
وانا اتجنب بالنزول في المطارات الالمانيه

يعني انا بعد كم يوم بسافر زيلامسي وانتر لاكن
الافضل اني انزل بميونخ اقرب لزيلامسي
لكن فضلت النزول في زيوريخ مسافه اطول واريح راسي

هي مافيها مشكله المطارات الالمانيه الا انهم متشددين اشوي
وانا عندي الاستطاعه اني انزل بمطار ثاني عشان كذا مابغي اعور راسي

[بوخالد911]

طيب س
والسموحة من راعي الموضوع

فرضا صاحبنا أخذ الفيزا
وحاب السنة الياية يسافر دول اوروربية غير المانيا وفرنسا وإيطاليا
مثلا بينزل في النرويج

هل عادي مسموح له؟
ولا بعد بيسون له سالفة؟

[غير البشر]

طيب س
والسموحة من راعي الموضوع

فرضا صاحبنا أخذ الفيزا
وحاب السنة الياية يسافر دول اوروربية غير المانيا وفرنسا وإيطاليا
مثلا بينزل في النرويج

هل عادي مسموح له؟
ولا بعد بيسون له سالفة؟


هلا بوخلودي

لا مافي مشكله خلاص
هذا الكلام ينطبق فقط اذا الفيزا جديده
اما اذا كنت مستخدمها قبل عادي تنزل النرويج او السويد او اي دوله في الاتحاد الاوربي عادي

[هارودز قطر]

يعطيكم العافيه جميعا ع المشاركه

صحيح بتكون الفتره في ايطاليا اكثر بيومين عن فرنسا

بس مثل ماقلتلكم حبيت اطلعها من الفرنسيه لان الفيزا تقعد فالجواز اكثر

الايطاليه على كلام المندوب سنيتن شي جي والفرنسيه على ماظن 4 سنين

وسئلت ناس وايد الكل يقول مب مشكله حتى لو الايام اكثر في ايطاليا

بس المانيا وهولندا هم الي مشددين اف هالموضوع

[ذكي جدااا]

من رأيي انك تلتزم بالقانون افضل تجنبا للمشاكل. لكن بخصوص المدة ممكن اذا جددت جوازك وكان جواز جديد ممكن يعطونك مده أطول.

[بوخالد911]

هلا بوخلودي

لا مافي مشكله خلاص
هذا الكلام ينطبق فقط اذا الفيزا جديده
اما اذا كنت مستخدمها قبل عادي تنزل النرويج او السويد او اي دوله في الاتحاد الاوربي عادي

الف شكر لك
دووم ما تقصر.

[قطري 777]

عقوبتها بلوك ومنع سفر الى اوربا حاسب : )

ابدى بدوله الي الي انت مطلع منها الفيزا وخل منك مكاتب التذاكر ترى حده يطلع تذكره مايدري شطبخه .

[هارودز قطر]

لااخوي الي خلصلي الفيزا عن طريق مندوب ثقه يعرفونه تقريبا نص هل قطر

وسئلت قبل ماطلعها وطلعت الامور طيبه وعادي تنزل ايطاليا قبل فرنسا حتى لو كنت مطلعها من السفاره الفرنسيه

وفي شباب توهم رايحين وعادي امورهم مشت

بس اذا مسافر هولندا ولا المانيا لازم تسوي الفيزا من سفاراتهم هاذي الدولتين فقط حاليا

والبلوك مايجيك على اوروبا كلها يجيك من الدوله الي منعتك فقط