معاناة لإستخراج شهادة اتمام بناء

[بوخالد911]

هلا بكم

بيوم الثلاثاء الفايت
رحت بلدية الريان عشان آخذ شهادة إتمام بناء
قالوا موعدك بكرة الأربعاء وخلك موجود من 7:30 - 8:00 ص عشان تأخذ المفتش !!!
وجيت 7:15
وطلع معاي المفتش 8
رحنا البيت وقعد يأخذ القياسات
ولله الحمد كل شي
ولا مخالفة عندي

واليوم الأثنين 26/12/2016 رحت ابي استلم شهادة إتمام بناء

وفاجأوني انهم عطوني كتابين
واحد موجه للصرف الصحي
وواحد حق أوريدوو

قلت ووين مكان الصرف الصحي؟
قالوا صوب السوق المركزي جمب محطة البترول

ورحت مناك
وأتفاجأ بالموظف يقول : لا لازم تروح البرج بالدفنة !!!

قلت له الاخوان ببلدية الريان قالوا عندكم!!
قالوا لااا

وأروووووح للبرج وسط الزحمة وعدم توفر المواقف

رحت المبنى الثاني لأشغال
الطابق ال 10
قالوا لازم يطلع بكرة مفتش يفتش على المنولات
وبعدين نصدر كتاب للبلدية!!

قلت اووك

وعقب رحت حق أورويدوو في المطار جمب مبنى القطرية
الطابق الخامس
إدارة تخطيط الشبكات
قالوا لازم يطاع فني ويشوف هل بايب التلفون موجود!!!

الصراحة ما توقعت مثل هالعقد من الإجراءات!!!

بفترض التسهيل ع الناس

[معماري قطري]

ولا عمري دخلت في هذي المتاهات دوم شروط العقد توضح إن المقاول مسؤول عن شهادات اتمام البناء وهذا شغله لازم عنده ناس متمرسين فيه وعارفين شيسوون

[سعود.]

تستاهل المخلاص

والله ييسر امورك .

[وسمي2016]

الله يعينك,,,, ولازم عزيمه لما تخلص علشان تتم الفرحه:thumbup:

[معماري قطري]

تعقيب

الله يهنيك ويبارك لك يا بو خالد

وصحيح المفروض الإجراءات سهلة وواضحة ومعروفة ونسخة لسعادة الوزير الطيب والنشيط حسب معرفتي به القديمة ولازم طريق معروف وعارفينه الموظفين ما يخطون فيه مب كل واحد عنده فكرة والوضع في النهاية غير

[بوخالد911]

ولا عمري دخلت في هذي المتاهات دوم شروط العقد توضح إن المقاول مسؤول عن شهادات اتمام البناء وهذا شغله لازم عنده ناس متمرسين فيه وعارفين شيسوون

المقاول
خلاااااص شته بوزززززز من سنتين لأنه أخرني وايد
والحمدلله ان عقدي معاه عظم بس.

[بوخالد911]

تستاهل المخلاص

والله ييسر امورك .

تستاهل خير.
اللهم امين.

[بوخالد911]

الله يعينك,,,, ولازم عزيمه لما تخلص علشان تتم الفرحه:thumbup:

ويعين الجميع.

نقول يا رب وتتسهل الأمور.

[بوخالد911]

تعقيب

الله يهنيك ويبارك لك يا بو خالد

وصحيح المفروض الإجراءات سهلة وواضحة ومعروفة ونسخة لسعادة الوزير الطيب والنشيط حسب معرفتي به القديمة ولازم طريق معروف وعارفينه الموظفين ما يخطون فيه مب كل واحد عنده فكرة والوضع في النهاية غير

يبارك بعمرك بش مهندس
اللي استفدت من نصايحك ما الله به عليم.
رحم الله والديك وما قصرت.

[معماري قطري]

يبارك بعمرك بش مهندس
اللي استفدت من نصايحك ما الله به عليم.
رحم الله والديك وما قصرت.

ووالديك في الجنة إن شاء الله

والله يتمم عليك بالسكن الزين والصحة وكل خير

[$الملياردير$]

الله يهنيك اخوي بوخالد ويبارك لك و تنزله وانت بموفور الصحة و العافية .... تأكد اكيد بيطلبون منك تقرير مساحي من إدارة الاراضي و المساحة حديث والعلم عندالله

[سعود.]

البناء كلة معاناة
لازم الواحد مع اتمام البناء .
يعطونة الدولة اجازة رسمية 6 شهور
( نقاهه )

[$الملياردير$]

قصدك علاج من الأمراض المزمنة اللي جاته ههههههه

[بوخالد911]

الله يهنيك اخوي بوخالد ويبارك لك و تنزله وانت بموفور الصحة و العافية .... تأكد اكيد بيطلبون منك تقرير مساحي من إدارة الاراضي و المساحة حديث والعلم عندالله

تسلم اخوي

لا هنت. للمرور

[بوخالد911]

البناء كلة معاناة
لازم الواحد مع اتمام البناء .
يعطونة الدولة اجازة رسمية 6 شهور
( نقاهه )

اكيد تعب ومعاناة

أتفق مع رأيك :)

[بوخالد911]

قصدك علاج من الأمراض المزمنة اللي جاته ههههههه

صحيح
يبييله رحلة علااااج طوووووويلة.

[سعود.]

قصدك علاج من الأمراض المزمنة اللي جاته ههههههه

ههههههههههه

اهم شي يشيك ضغط وسكر من فترة لفترة

[سعود.]

اكيد تعب ومعاناة

أتفق مع رأيك :)

ههههههههه

[بوخالد911]

الحمدلله.
اليوم استلمت شهادة اتمام بناء.
ولا دفعت رسوم
ولما سألت قالوا : لا توجد رسوم على كبار الموظفين.

[سعود.]

تستاهل المخلاص يابوخالد
جعله منزلآ مبروك وعامر بذكر والعبادة

[بوخالد911]

تستاهل المخلاص يابوخالد
جعله منزلآ مبروك وعامر بذكر والعبادة

تستاهل خير اخوي سعود
اللهم آمين.
رحم الله والديك.