المساعد الشخصي الرقمي

مشاهدة النسخة كاملة : الحذر ... ثم الحذر ........... ثم الحذر .... هناك محاولات للضغط على الاسعار بالدليل


ابن السادة
19-09-2006, 04:16 PM
لاحظ معي كميات العرض لشركة العقارية على سبيل المثال لهذا اليوم

ولاحظ امر البيع بعدد 10000 سهم .......




ومن تابع بالامس اوامر عرض العقارية فسوف يجد امر بيع

لعدد 20000 سهم بسعر 40 وخمسون درهما ....

فيبدو لي والله اعلم انه يوجد هناك من يحاول جر صغار المستثمرين

لبيع اسهمهم بسعر السوق والله اعلم

لذا وجب التنويه والحذر
نمر بن عدوان
19-09-2006, 06:39 PM
هذي الحركه تكررت اليوم بعد 40دقيقه م التداول ,,لما بدات بروه تطلع 31.2 والاسمنت 32.10 والريان رجع 23 والسلام 17.70 الي صار شي ملاحظ ويمكن انتبه له البعض عرض كميات كبيره في كل هالشركات فجأءه وفنفس الوقت لمحاولة منعها من الصعود وفعلا نجحوا بجر الصغار للبيع بسعر السوق, انتبهوا ترى الي يصير شي مو طبيعي
ابن السادة
19-09-2006, 07:19 PM
شكرا ابو السنافر

انت وانا وبعضنا انتبه

لكن المشكله ان السواد الاعظم من صغار المستثمرين

ما انتبهوا او مو راضين ينتبهون .... والي صار اليوم شي

مو طبيعي العالم تتصل على الوسطاء عشان يبيعون بسرعة

ولما الوسيط يسأل بكم احط السعر يقولون له بيع بسعر السوق

وهذا الي اربك السوق للاسف

لكن صدقني هذولي الي باعوا بسعر السوق هم الي رايحين يرجعون يشترون

اسهمهم الي باعهوا با اغلى الاثمان
The mask
19-09-2006, 08:08 PM
شكرا لك اخوي ابن الساده على النصيحه ...بس السوق على ما اظن يبيله اشويه وقت علشان يتعدل...والعقاريه شكلها فزتها مع طلعت السوق
وتحياتي لك
الحلال فقط
19-09-2006, 11:02 PM
لاحظت نفس الملاحظة التي ذكرتها ولعلمك هذا الأمر صار له مدة يتكرر ، كل ما بدأ السهم يرتفع يتم عرض كمية ضخمة للبيع لايقاف الصعود وكأن العملية متعمدة لانزال سعر السهم
كحيلان
20-09-2006, 02:27 PM
وشقاعدين تسووووووون ؟:anger1: تحشوووون في العقاريه:mad:

مهما تقولون .. العقاريه وغيرها في السوق وضعها متقارب .

ملاحظتكم ع اللي صاير للعقاريه هوفقط ضغط واضح للسوق كله .
مقيم
20-09-2006, 03:11 PM
اللي يبيع اسهمه في العقارية ... ماقرأ جيدا خبر الصكوك الاسلامية
بومتعب
20-09-2006, 04:07 PM
ياجماعة مايحتاج تمنون انفسكم وتقولون هذا ضغط على الاسهم ولعبة وعليكم بالصبر
هالكلام خلاص ماعاد يوكل خبز
الواحد الحين تعلق في هالبورصة والمؤشر يوم بعد يوم في نزول من ثمان شهور ومب عارفين لي متى ورايح يستمر ينزل وما بيدينا اي شي نقدر نسويه غير ان احنا نشوف فلوسنا تاكلها البورصة كل يوم ومايندرى على كم رايح نصفي في النهاية
الله كريم ان شاء الله
عبــ الرحمن ــد
20-09-2006, 04:07 PM
ضغط واضح ومستمر كم من يوم
CNBC
20-09-2006, 10:26 PM
وشقاعدين تسووووووون ؟:anger1: تحشوووون في العقاريه:mad:

مهما تقولون .. العقاريه وغيرها في السوق وضعها متقارب .

ملاحظتكم ع اللي صاير للعقاريه هوفقط ضغط واضح للسوق كله .
كحيلان شفت شسوو في عقاريتك :strong
غالي ألأثمان
21-09-2006, 04:34 PM
ضغط ضغط على الاسهم للتجميع وبعرض كميات كبيره للبيع للتخويف وتنزيل السهم اقصى قدر ممكن..................................الاسعار في الحضيض ولما توصل الناقلات عشرين والريان عشرين يعني شدو الاحزمه