&& الفاشنيستات وتأثيرهم على بناتنا &&

[ضوى]

انتشرت في الفترة الاخيرة ظاهرة الفاشنيستات بشكل كبير جدا وواسع ، والفاشينستات للي مايعرفهم هم هم أبطال مواقع التواصل الاجتماعي الاشهر عالاطلاق السناب والانستغرام .وهذا المعنى من العم جوجل الفاشنيستا هي الفتاة المتذوقة لعالم الموضة بعيداً عن هموم وغموم السياسة والاقتصاد والحسرة على انخفاض أسعار النفط المتهاوية .للعلم هذا من احدهم الله يعطيه العافية .
نتصفح الانستغرام وغصب علينا نشوف في التايم لاين الفاشنيستا المشهورة فلانه تروج لقطرة عين تطول الرموش ، والفاشنيستا الثانية اللي تروج لفيتامينات لتطويل الشعر ، وفاشينيستا اخرى تروج لفيتامينات عناية بالوجه .
وحتى اكون صريحة معاكم عندي بنت مراهقة متابعة لهالفاشينيستات وتضغط علي بشكل كبير انها تشتري المنتجات اللي يروجون لها الفاشنيستات ، وطبعا الضغط ينتج عنه إني ارضخ في أحيان كثيرة في حدود طبعا ، باقولكم تجاربنا كنوع من التحذير والتنبيه :
من فترة بنتي تحن علي تبي تشتري فيتامينات خاصة بالشعر ، طبعا عرفتها عن طريق وطبعا عقب ماقصرت عمري بالحنة جبتها لها وبعد فترة الله الهمني اقرأ عنها ولقيت واحدة من الفاشنيستات حاطة تجربتها وانها اصيبت بالخبيث بعيد الشر عن قلب امة محمد من استخدام هالحبوب ، وتميت ابحث لين حصلت اكثر من واحدة نفس الاعراض ونفس المرض وطبعا وقفت لها الحبوب ، وبروحها فهمت وعرفت ، بعدها بفترة حنت على تبي فيتامينات للشعر وطبعا عن طريق احدى الفاشنيستات وهالحبوب لها صيت كبير ومشهورة وانا اعرفها بحكم شغلي ، وجبتها لها وحسيت انه في شي في بنتي تغير وطلبت لها تحليل وتبين انه رفع نسبة الزنك عندها وهالشي سلبي ويكون منذر بسوء وقفتها لها بعد وحرمت عليها اي فيتامينات لين اتفحصها عدل وتسوي التحاليل اللازمة ، هاي تجربة ثانية
التجربة الثالثة طلبت مني قطرة تستخدم لتطويل الرموش ، قلت ياللا استخدام سطحي وخارجي ماراح يتأثر الجسم ، وانا اللي جبتها لها وكانت كله اوت اوف ستوك وطبعا عن طريق الفاشنيستات وجبتها وقلت انا باستخدمها وفعلا استخدمتها على سطح الرمش ، يومين حسيت بحكة وتحول بياض عيوني لاحمر استغربت في البداية وعقب عرفت ىانه من القطرة وشفت نفس الاعراض مع بنتي مع ضبابية في الرؤية وقلت لها وقفيها فورا ، ويوم قرأت عنها عرفت انها تستخدم لعلاج المياه الزرقاء ومن اعراضها الجانبية انها تنبت الشعر في الرمش وتسبب الأعراض اللي قلتها وهي الاحمرار والحكة وضبابية الرؤية.
طبعا هذي تجارب كبيرة ومخاطر عظيمة غير الأشياء الخفيفة واللي تأثيرها قد يكون عالمدى القصير لكن عواقب تبين بعدين عالمدى الطويل

المراد لا تصدقون الفاشنيستات ابدا ابدا ابدا هم ياخذون فلوس على ترويجهم هذا ومهما كانوا واثقين من المنتج احذروا ترا الصحة ماتتعوض ، وبنتي حذرتها والحين لو شنو يصير ماتستخدم الا الماكياج وهالخرابيط العادية اللي ماتأثر عالصحة

وتنبيه ثاني دائما تأكدوا من جودة المنتج وانه أصلي ترى الفيتامين المشهور مال الشعر اللي يدش بكميات خيالية البلد اغلبه مضروب وينصاد وينعدم ، يعني خسارة فلوس بس ، تاجرات يهمهم الفلوس بس والا المصداقية صفر خذوا المنتجات من مواقعها الاصلية والموثوقة واللي اساسا مصرح عنها في هيئة الغذاء والدواء الامريكية fda

ولكم مني أجمل تحية

[شبح الصمت]

ما وراهم هالفشينستات غير المضره في كل شيء

[Qtr37]

أنا وحدة كنت اضيفهم واضيع وقت او اشوف عندهم شنو الجديد
لكن بصراحة حذفت اغلبهم لانهم صاروا مصدر ازعاااااااج
تضيفين وحدة تخصصها مكياج، وتلقين نص سناباتها مطاعم وطلعات ودعاياااات وكلام فاضي

الله المستعان

[راعي الاصفر]

ما وراهم هالفشينستات غير المضره في كل شيء

كلام العقل والمنطق

[سعود.]

ما وراهم هالفشينستات غير المضره في كل شيء


بالضبط

[JN000N]

والله اللي صج صج صج ابتلشنا بهالفشنستات ومصاختهم
بنات مب بس تاثرو بالمنتجات الدعايات
الا بالحركات والكلام والجرأه والتصوير وكلن يدور الشهره
وصارو 24 ساعه المكياج مايطيح من ويوههم ولبس ضيق وتصوير عالسنابات
رموش وعدسات ووصلات وفلرز وبوتكس ومكياج كامل وتفاهه ف التعامل وغباء < هذا الواقع صج
وين قبل البنت تخاف تطلع صورتها لحد
الحين هم ينشرون
انشر ولك الاجر صارت موضه بعد كل وحده تعطي رفيجتها صورتها عشان رفيجتها تعرضها
واي. التاثير سلبي على جيل المستقله الي ماتعلمو الشرعيه والدين صح ولا يردهم لا عيب ولا منكر
الحين فوق انهم ضرو نفسهم معنويا وتساهلو ف اشيا وايد
قامو ينجرون ورا دعايات هالفاشنيستات اللي الوحده منهم تحلف انه منتج زين ومضمون ومايضر! ومحد صج يتضرر عقب الا بناتنا

[نوفا91]

اللي يرفع الضغط ان محل سيفورا موجود من زماااان بس الحين صار غريب ومستحيل تدش مجمع وماتدش هالمحل وتقعد تصور ، صار المكياج اكسجين بالنسبة لهم عقب هالفاشنيستا المخبل


انا عن نفسي حاذفتهم كللللهم مكياج ومطاعم ومصاخه وقلة أدب

[R 7 A L]

الشرهه على الي يتابعونهم

[شموخ دائم]

,

,


مرحبا


شكرا على الموضوع

اكبر ضرر للمجتمع

الجرأة وعدم الاحتشام

والاعلام يصورهم انهم ( مشاهير )

وحقيقتهم لاثقافه ولا دين ولا علم

اسواء شي ممكن تتعرض له المجتمعات

هو ما يحدث الان

الاهتمام بالناس السطحيه

لازم السطحي يرجع لمكانه

والمثقف يعود لمكانته



,

.

[كيلو حديد]

ترويج للتفاهة وجعلها شغل الناس وهمهم الوحيد

بس العيب على من يتابع ويزيد برصيدهم ويدعم تفاهتم

معروف كل ما زاد المتابعين زادت الدعايا التافهة إلا من رحم ربي

[راجي الْعفو]

ولذلك لما يكثر بعض الناس من مواضيع الحريم والكلام فيها

لأنه يدرك مدى خطورة انسلاخ المرأة عن اوامر الشرع على المجتمع

مثل هالاشكال يحتاجون قوانين من الدولة تردعهم

مثل ما بدأت فيه السعودية

[بومحمد المطاوعه]

الشرهه على الي يتابعونهم

بااااااااااااااااااااااااالضبط

اشكرك

[شبح الصمت]

مره واحد من الربع شفته ضايف له فيشه اختصار للفشينستا لانها المسمى ملغ نفس وجيهم


الا قلت له اشدعوه ضايف فيشه اش تبي فيها
قال ياخي اتابعها ادور العالم
قلت له اهي ادور العالم وانت ادور وراها مثلا
تحط مكياج انت مستفيد شيء
ملابس نسائيه مستفيد شيء


ما غير تشوفها وتحرق قلبك
ههههههههههاي
قام قالي ياخي انت اشدخلك

قلت له ياخي انا اخاف على مشاعرك وثاني شيء من بين العالم لا تفكر انها تدري انك اتابعها
ما غير اثم على الفاضي
احذفها


هههههههههههههاي

قد مره شفتم فيشه تقول حق البنات صلوا قد مره سوووت وحده منهم هالشيء

هذولي مثل الوباء الي ينتشر فالمجتمع

الشره مب عليهم على الذكور الي وراهم
الي تقول ابوي واخواني يدرون ومستانسين

مستانسين لانهم ثيران وضاعت الغيره منهم يالغبيه يالبلشتيه

[الحياة الخالدة]

مسميات طلعت لنا ما أنزل الله بها من سلطان
ولقوا لهم اللي يقلدهم ويتابعهم ويشجعهم على الاستمرار
هم مستفيدات .. ومتابعينهم خرفان وراهم ما يدرون شالطبخة
والنتيجة باينة في المولات والتجمعات ووسائل التواصل الاجتماعي .. أشكال ممسوخة منسلخة عن مجتمعنا لا تمت لنا بصلة .. لكنها محسوبة علينا رغماً عنا

[بوسيف الهاجري]

الرجال الي يتابعهمم اعتقد مب رجال
ايتحجب ويسوي مثلهم

[لبيبة]

السلام عليكم ورحمة الله وبركاته،

هذول الفاشنيستات هم عينة من الدجال،

اللي بيمشون عالم وراه،

واللي يمشون ورى الفاشنيستات،

هم نفسهم اللي بيمشون ورى الدجال،

لأنهم سهلين الانقياد وبلا ثوابت دينية وعقائدية.

[JN000N]

السلام عليكم ورحمة الله وبركاته،

هذول الفاشنيستات هم عينة من الدجال،

اللي بيمشون عالم وراه،

واللي يمشون ورى الفاشنيستات،

هم نفسهم اللي بيمشون ورى الدجال،

لأنهم سهلين الانقياد وبلا ثوابت دينية وعقائدية.

والله نفس التساؤل اللي كان يمر ع بالي من فتره
الحين هذول فاشنستات وقلبو العالم جذي
شلون لو الدجال
صج ماستغربت شلون بيكون الانجراف وراه
الا بالعكس هم تمهيد للي بيصير عقب

[بريق الحق]

ابي أصير فشنستل يصير (:

[شبح الصمت]

ابي أصير فشنستل يصير (:

شنو مؤهلاتك يا بريق ..

:eek5:

[بريق الحق]

السلام عليكم ورحمة الله وبركاته،

هذول الفاشنيستات هم عينة من الدجال،

اللي بيمشون عالم وراه،

واللي يمشون ورى الفاشنيستات،

هم نفسهم اللي بيمشون ورى الدجال،

لأنهم سهلين الانقياد وبلا ثوابت دينية وعقائدية.

كنت اقول هالشي من زماااااان الله المستعان

[بريق الحق]

شنو مؤهلاتك يا بريق ..

:eek5:
وين التقديم السيفي مراح يكفيهم

[شبح الصمت]

وين التقديم السيفي مراح يكفيهم



ما يحتاج تقدم في مكان

قدم نفسك بنفسك للمجتمع اذا تحس انك تفيد المجتمع ..

وان شاء الله يا بريق انك من الناس الي نستفيد منهم علماً ..

وللامام

[Qtr37]

لا ويضحكون بعض الفاشينستات يقولون: وايد ناس يقولون لي انتي مثال للبنت ( جنسية خليجية) !!
عفوا مثال وقدوة في ايش؟؟ مثال وقدوة للبنت اللي تحط مكياج كااامل وهي رايحة مجمع ولا مطعم؟؟ مثال للبنت للي ما تخلي عطر ولا بخور ما حطته قبل ما تطلع من بيتها ويمكن طالعه مع دريول بعد؟؟؟ تتصور وهي فل ميك اب وتتعطر ويلا رايحين المول الفلاني :)
نسوا كلام الله سبحانه وتعالى: ( وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَىظ° جُيُوبِهِنَّ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَىظ° عَوْرَاتِ النِّسَاءِ وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ غڑ وَتُوبُوا إِلَى اللَّهِ جَمِيعًا أَيُّهَ الْمُؤْمِنُونَ لَعَلَّكُمْ تُفْلِحُونَ)
صارت الزينة للجميع ، صار العطر عادي ونسوا كلام الرسول صلى الله عليه وسلم: روى النسائي عن أبي موسى الأشعري قال: قال رسول الله صلى الله عليه وسلم: أيما امرأة استعطرت فمرت على قوم ليجدوا من ريحها فهي زانية.
انتي قدوة في هالأمور!!! هذي الحرية؟؟؟

اتقوا الله في بناتنا :oops:

[بانغ بانغ]

كل من هب ودب

مسك جوال

ونزل له كم مقطع

وصار شخصية مرموقة

واصبح له متابعين





الحين عرفت الحديث الشريف ان المسيخ الدجال ..... سيتبعه معظم البشر

[بومحمد المطاوعه]

شبوووح
قم نصيح
فيش انا وانت

هههههه ونسووق حق التواير والرنقات escape
ندلعهم بالرش وبالستي بي ههههههه

ونخلي بوسعود يضرب لهم بولش
لعبته هههههههههه

[دااانة قطر]

مسميات طلعت لنا ما أنزل الله بها من سلطان
ولقوا لهم اللي يقلدهم ويتابعهم ويشجعهم على الاستمرار
هم مستفيدات .. ومتابعينهم خرفان وراهم ما يدرون شالطبخة
والنتيجة باينة في المولات والتجمعات ووسائل التواصل الاجتماعي .. أشكال ممسوخة منسلخة عن مجتمعنا لا تمت لنا بصلة .. لكنها محسوبة علينا رغماً عنا


كفيتي ووفيتي
المشكله بنات صغاار مدري امهاتهم ولا ابهاتهم شلون يسكتون عنهم
بنتي تحن ابي اسوي واسوي لأن رفيجتي مسويه خذت استشارة الدكتورة انصدمت قالت انا مستغربه منكم تحت الـ15 تفكرون في شغلات الفلر وتوريد ووووو شخليتوا لبعد الـ30 قلت لها جبتها عشان تتاكد
ومشكلة الفيتامينات اتوقع بنتي قامت تشتكي من الام المفاصل من بعد استعمالها لهالحبوب الله المستعان
اتمنى الجهات المعنية يكون لها دور في موضوع الترويج لبعض المنتجات الغريبة وخاصة اللي التاجرات تجيبها وتروج لها

[دااانة قطر]

لا ويضحكون بعض الفاشينستات يقولون: وايد ناس يقولون لي انتي مثال للبنت ( جنسية خليجية) !!
عفوا مثال وقدوة في ايش؟؟ مثال وقدوة للبنت اللي تحط مكياج كااامل وهي رايحة مجمع ولا مطعم؟؟ مثال للبنت للي ما تخلي عطر ولا بخور ما حطته قبل ما تطلع من بيتها ويمكن طالعه مع دريول بعد؟؟؟ تتصور وهي فل ميك اب وتتعطر ويلا رايحين المول الفلاني :)
نسوا كلام الله سبحانه وتعالى: ( وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَىظ° جُيُوبِهِنَّ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَىظ° عَوْرَاتِ النِّسَاءِ وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ غڑ وَتُوبُوا إِلَى اللَّهِ جَمِيعًا أَيُّهَ الْمُؤْمِنُونَ لَعَلَّكُمْ تُفْلِحُونَ)
صارت الزينة للجميع ، صار العطر عادي ونسوا كلام الرسول صلى الله عليه وسلم: روى النسائي عن أبي موسى الأشعري قال: قال رسول الله صلى الله عليه وسلم: أيما امرأة استعطرت فمرت على قوم ليجدوا من ريحها فهي زانية.
انتي قدوة في هالأمور!!! هذي الحرية؟؟؟

اتقوا الله في بناتنا :oops:



ابي اقلد مجموعة منهم لين جو يمدحون عطر ولا كريم ولا .......
والله مو صججج..
خ يااااال
ق ووووي

حتى الشيفاات حسسوني ان الاكل اللي يطبخونه ناازل من السما
مقدر اوصف لكم الريحة خطيرة
ولا طعمه خو راافي
ولا دعااية على اكاونتات يجيهم الشي مرتب ويشوق تطلبين يطلع غير
الله يهديهم بس

اتمنى كلن يشوف بناته وخواته ويفكون بناتنا من شغلة فلانة سوت واهلها ما مايسوون اللي انتي تسوينه

[العقل المدمر]

الحين الدكاترة اللي المفروض انهم دارسين وعندهم خبرة مرات يطلعون فاصلين
اروح اصدق وحدة افتحت عبايتها ومخلية اللي تحتها فرجة ولبست قناع على ويهها فامور طبية ليييش

الصراحة كل شي مطلعينه هبة من مكياج وماركات ملابس وشناط واكسسوارات واكل وحسابات كلها تطلع فالنهاية خرطي
والمسالة مسالة حظ بس والا الناس اغلبها تسلك ومع الخيل يا شقرا وماتدري شالسالفة

[ورد الدوحه]

مره واحد من الربع شفته ضايف له فيشه اختصار للفشينستا لانها المسمى ملغ نفس وجيهم


الا قلت له اشدعوه ضايف فيشه اش تبي فيها
قال ياخي اتابعها ادور العالم
قلت له اهي ادور العالم وانت ادور وراها مثلا
تحط مكياج انت مستفيد شيء
ملابس نسائيه مستفيد شيء


ما غير تشوفها وتحرق قلبك
ههههههههههاي
قام قالي ياخي انت اشدخلك

قلت له ياخي انا اخاف على مشاعرك وثاني شيء من بين العالم لا تفكر انها تدري انك اتابعها
ما غير اثم على الفاضي
احذفها


هههههههههههههاي

قد مره شفتم فيشه تقول حق البنات صلوا قد مره سوووت وحده منهم هالشيء

هذولي مثل الوباء الي ينتشر فالمجتمع

الشره مب عليهم على الذكور الي وراهم
الي تقول ابوي واخواني يدرون ومستانسين

مستانسين لانهم ثيران وضاعت الغيره منهم يالغبيه يالبلشتيه

ههههههههههههه
أنا كنت ضايفه كمن وحده معاي في السناب
بس حذفتهم
واااااايد يتكلمون
شدعوه بالعين رادو
طول اليوم هذره من الصبح لين فليل كله برع
ماعندهم بيوت
اضعفه على هالعافيه:rolleyes2:

[بوحارب]

الله يفكنا منهم استغرب من عدد المضافين عندهم على ايييييييش هذا كله !!!


والله اتابع لي خبيرة طبخ ولا اتابع ذولي التافهين

لاتربيه ولا حيا ولا شي مفيد بس فالحين في قلة الحيا والمصخره

والله يحفظ بنات المسلمين منهم

[جبر ال جبر]

كله في كوم وهذيك الخليجيه الي سافرت لندن مع واحد من نفس بلادها بروحها في الغربه في كوم ثاني عشان يسون دعايه في لندن وين اهلها وين ابوها وين امها وين ولد جيرانهم وين النخوه العربيه وين الغيره وين الاحترام وين مكارم الاخلاق وين التربيه والمصيبه الموضوع مر عادي والامور طيبه.. وحده ثانيه بروحها مسافره وتستعرض جسمها ويوم مذيع استلم الفاننشستيات عموما ماقصدها
قالت انا وراي ابوي واخوي شنو هذا شيقول واستمرت تستعرض بشكل اوقح من قبل خوش ابو واخو عندج

[المرحب]

الله يستر على خلقه
ويحفظ الجميع

[ضوى]

الحمد لله اجد الكثير منكم يوافقني فيما طرحته ، طيب من يحاسبهم هالفاشينيستات ؟؟ الاضرار اللي اصابت هالناس منهو مسؤول عنها ؟ مابي احمل البلد والا حكومة المسؤولية لكن فعلا لما يسوون دعاية لقطرة عين علاجيه لانبات الرموش اهني منهو ممكن يتدخل ؟؟

[Qtr37]

الحل يا ضوى، ان اللي مب عاجبه هالتصرفات ما يضيفهم علشان ما نتأذى وعلشان ما نكون سلعة عندهم تزيد فلوسهم كلما زادوا متابعينهم،،،
ترى وايد عليهم ملاحظات، يسوون دعاية حق صالون مثلا او خدمة ولما انتي تروحين ما تلقين نفس الخدمة،،، دعايه * دعايه

[ضوى]

عزيزتي أنا ماضفتهم ، بس بنات مراهقات يشوفون هذي ضافتها وهذي ضافتها ويقلدون بعض ، إحنا علينا توجيههم وتوجيه اهتماماتهم لاشياء مفيدة اكثر ونطلب الله وندعيه أنه يصلحهم ويهديهم ويكبر عقلهم مانقدر نمنعهم ولا نقدر نجبرهم ولا نقدر حتى ناخذ تلفوناتهم خلاص كبار وصعب هالشي

[nooora]

من فتره مستغربه من جروب بنات مراهقات يرقصن بالسيارة على اغاني كاتي بيري وياريت يفهمون

[ضوى]

بصراحة انا اشوف الفاشينستا خطر على البنات ولازم يكون في تدخل مايصير كل من هب ودم صار في السوشيال ميديا ويتكلم بكل شي ويفهم كل شي ، عيل وين اصحاب العلم والشهادات ؟

[alfarasha]

الفاشينستات مامنهم فايده فهم للاسف أثروا تأثير سلبي في عقول المراهقين بشكل كبير

[خالدي القصيم]

صحيح اثرو على بناتنا وصارو قدوة للكثير للاسف

[مــاي ورد]

هذي هي عولمة المرأه عشان تبقى غبية طول عمرها وبس تمشي وتقلد الغربيات في تفاهتهن

[يمامـة]

جدا تأثيرهم سيء على اللي يتابعونهم من البنات.. وخاصة اللي يظنون ان تقليد هالنماذج
نوع من أنواع التطور الحضاري..

وما بالكم لو امنوا ان كل ما يقدمونه هالبنات من منتج ويروجون له فهو منتج يستحق الاقتناء؟

فمن جذيه لابد من وجود تصاريح للدعاية والاعلان على المنتجات في النت هذا اذا حبينا نكون شعوب
فاهمة و واعية..

اما كل من هب ودب يروج لنا المنتج اللي في يده.. والأنظمة والقوانين ساكتة عنهم..
فخلوني احط اعلان على سيارتي واروج حق بهاراتي من غير أي تعب.. اقلها بهاراتي ما بتضرهم
مثل ما نشوف اعلاناتهم حبوب و مراهم وغيرها!!

وشكرا لكم..

[nooora]

جدا تأثيرهم سيء على اللي يتابعونهم من البنات.. وخاصة اللي يظنون ان تقليد هالنماذج
نوع من أنواع التطور الحضاري..

وما بالكم لو امنوا ان كل ما يقدمونه هالبنات من منتج ويروجون له فهو منتج يستحق الاقتناء؟

فمن جذيه لابد من وجود تصاريح للدعاية والاعلان على المنتجات في النت هذا اذا حبينا نكون شعوب
فاهمة و واعية..

اما كل من هب ودب يروج لنا المنتج اللي في يده.. والأنظمة والقوانين ساكتة عنهم..
فخلوني احط اعلان على سيارتي واروج حق بهاراتي من غير أي تعب.. اقلها بهاراتي ما بتضرهم
مثل ما نشوف اعلاناتهم حبوب و مراهم وغيرها!!

وشكرا لكم..

هههههههههههه بهارات

[يمامـة]

هههههههههههه بهارات

الخطوة الأولى بهارات.. الثانية محشي ورق عنب وملفوف ان شاء الله http://www.pic4ever.com/images/2uge4p4.gif

[دااانة قطر]

الحمد لله اجد الكثير منكم يوافقني فيما طرحته ، طيب من يحاسبهم هالفاشينيستات ؟؟ الاضرار اللي اصابت هالناس منهو مسؤول عنها ؟ مابي احمل البلد والا حكومة المسؤولية لكن فعلا لما يسوون دعاية لقطرة عين علاجيه لانبات الرموش اهني منهو ممكن يتدخل ؟؟

سمعت من فترة انهم يدخلون من ورى القضايا اللي يرفعونها ضد اي احد يسبهم او يغلط فيهم ملااايين




اللي مب مقتنع ولا عاجبه شي منهم لايضيفهم ولا يرد ويعور راسه معاهم
لكن انا مع نقطة لازم حد يردعهم

[ضوى]

شاكرة لكم مروركم الطيب

[كيلو حديد]

هالموضوع مضايقني
موضوع الفاشينستات والمشهورين إلاعلاميا وليسوا إلا تافهين في الحضيض إلا من رحم ربي

ورغم تفكيري من جميع الجوانب والجهات
لا أجد إلا أن العيب ليس منهم فقط
بل العيب كل العيب على من يتابعهم ويتخذهم قدوة ويلاحقونه أينما ذهب
يأكل حيث يأكل و يلبسون ما يلبس

ليس العيب فيهم فلوا حقرهم الناس لما وجدوا لبضاعتهم مشتر ولا متابع
ولكن المتابعة مهما كان مرجعها وقصدها تزيد رصيدهم

البعض يتابع تسلية فيزيد رصيدهم رغم أنه يكرههم
البعض يتابع شغفا فيزيد قيمتهم ورفعتهم بينما ينحطون هم فليس لهم قيمة عنده
البعض يتابع من باب الفضول فيزيد رصيدهم وتمكنهم
البعض يتابع لمعرفة الجديد فيزيد متابعة الناس لما يروجون

المتابعون جميعهم هم من يزيدون رصيدهم ويجعلونهم في قمة المجتمع
فيسيطرون على عقول فئة كثيرة ويصبحون الراسمين لخط سير المجتمع

وفي جميع الأحول ليس العيب إلا على المتابعين
وليست المضرة إلا على المتابعين والمجتمع

لو افترضنا فاشنستا لديها مئة ألف متابع
حذفوها ولم يبق عندها إلا مئة متابع هل سيصبح لها تأثير
هل سيلاحقها الناس هل سيهتمون ماذا تفعل ولماذا؟

لماذا ننتقدهم ولا ننتقد من يتابعهم ويزيد رصيدهم ويقوي سطوتهم ؟؟

النقد كل النقد عندي وفي نظري للمتابعين أما هم فقد وجدوا من القطيع من يوجهونه فلا ريب أنهم سيوجهونه حسب قناعاتهم
وما يجلب الربح لهم

فلا تلوموهم ولوموا أنفسكم

[ضوى]

والله ياخوي الكريم اني لست متابعة لهؤلاء ، بنتي متابعة بحكم سنها للاسف ، وانا اذا اشوف اشوف بالتايم لاين نفسه وازعل واتضايق من كمية المتابعين وكمية الاعلانات الهابطة والسخيفة واتحسر على حال هالبنات ، يارب تحفظ بناتنا وبنات المسلمين

[Abdulraman]

الله يهديهم والله فعلا انا اشوف بناتي متأثرين فيهم
مره كنت في كتاره مع العيال وماوعيت الا بنتي تقولي يبا ابي اصور مع مادري من نبيل حتى نسيت اسمها بس اتذكر اسم ابوها نبيل وعقب سألت من هالمشهوره قالولي فاشنيستا كويتيه وكانت مذيعه وشاعره وو
الله يهديهم يارب

[ضوى]

نهى نبيل ، للاسف كانت وايد محترمة وزينة وتقدم اشياء اوكي يوم كانت بغربة بامريكا من ردت استخفت وزادت الفلوس بايدها صارت تستعرض كل شي اللي قابل للعرض والغير قابل للعرض ، الله يهدينا واياها