موقف مخزي من سكيورتي حديقته الفريج

[brwnzya]

السلام عليكم و رحمه الله
الموقف الي بذكره للجميع للحيطة و الحذر و الحرص علي اطفالكم اذا أخذتوهم للحدائق الموجودة في الفرجان.
الموقف هذا صار يوم الأحد الموافق 2016/12/25 في حديقه فريجنا ، كنت رايحه الحديقة الساعه 7 المسا امشي دخلت الحديقة مافيها واجد ناس في عوائل أسويه معاهم اطفالهم صغار و حرمتين من جنسيه عربيه معاهم اطفالهم بنات و اولاد صغار.
وانا امشي لاحظت ان في 2 أفارقه قاعدين علي الكراسي الي بوسط الحديقة واحد منهم لابس لَبْس السكيورتي الي يلبسونه حراس الحديقة و في حضنه طفل عربي صغير عمره تقريبا 6 سنوات او 7 يلعب معاه و يسولف معاه و اليهال يسولف معاه و يضحك و يمسك سماعه البلوتوث في إذن السكيورتي و يمازحه و انا امشي كل ما الف من ناحيتهم عيني عليهم بعدها شفت ان الطفل قاعد على فخذ السكيورتي و يلعب معاه انا قلت بعد يمكن يلعب معاه و الواحد ما يسئ الضن.
و بعدها لاحظت ان مقعد الطفل في حضنه و لمساته له مو طبيعية بصراحه تنرفزت و قعدت علي كرسي ان اشوفه يكون في مجال نظري و أتأكد من شكي .
شفته تمادى مع الطفل و حركاته و لمساته كلش مو طبيعية و قام يمشي و يتكلم مع الطفل يمشيه و رَآه رايح جهت غرفته مشيت بسرعه و مسكت الطفل من أيده و قلت له وين أمك انت مع من جاي الحديقة لحظتها بسرعه اختفى الحارس دخل غرفته و سكر عليه الباب.
هاوشت الياهل و قلت له روح عند أمك و رحت للام قلت لها ولدج كان يلعب مع الحارس و بعدها حطه في حضنه ولعبه و لمساته للطفل ما كانت طبيعية و تحرش فيه و استدرجه بيدخله الغرفه انت كيف تخلين عيالج بدون مراقبه و شلون تثقين في شخص غريب يحط ولدج في حضنه و يلعب معاه بعيد عن عينج
الام هاوشت الولد و شكرتني و تمت تدعي لي و تشكرني.
و انا طالعه الأفريقي الثاني يدور و يراقب الموقف صرخت عليه قلت له قول لصديقك السكيورتي من باب أني أخوفه انا صورته و صورت كل شئ صار مع الطفل و ان حاول ياخذه للغرفه و ببلغ عليك الشرطه. و مشيت.
راح و قال له الا السكيورتي يركض و رأي لين السياره و يقول لي انه أسف و ماراح يعيدها ركبت السياره وفتحت الشباك صرخت عليه و هددته قلت له انا صورتك و صورت كل الموقف و انت مو شغلك تمسك الأطفال و لا لك حق حتى تلعب معاهم انت شغلتك الحراسة بس و انت جاي من بلدك تشتغل و تصرف على اهلك مو تتعرض للأطفال ومشيت و هو كل شوي يقول لي انا أسف انا أسف.
اتصلت على العضيد قلت لهم الموقف كله و عطتيهم مكان الحديقة لكن للأسف قالوا لي هي مو اختصاصنا لازم تروحين مركز شرطه تبلغين قلت لهم صعبه انا اروح مركز شرطه قالوا لي طيب عطينا اسمج و رقمج و بنشوف الموضوع و عطتيهم .
لكن للأسف ثاني يوم اتصلوا لي قالوا لي مانقدر نسوي له شئ لازم تروحين مركز شرطه تقدمين بلاغ قلت انا بريت ذمتي و بلغتكم و الباقي في ذمتكم .
خذت رقم شركه الأمن الي السكيورتي تابع لها و كلمتهم قلت لهم الموقف كامل و ان اذا ما اتخذوا اي اجراء ببلغ الشرطه ردوا على بكل برود و لا عطوا الموضوع اي اهميه و قال لي الموظف بنشوف مسؤلة اذا بيحقق معاه.*
قلت له هذا إنسان عنده ميول مو طبيعية وهي المره الله سبحانه وتعالى نجى الطفل منه و أكيد راح يعيدها مع طفل ثاني وثالث و هذا إنسان مو امين ان ينحط في حديقه او مدرسه او اي مكان فيه أطفال وبعد ما عطوا الموضوع اي اهتمام.
انا اشوف ان المفروض كل الحدائق يكون فيها كاميرات مراقبه و أوصي كل الأمهات و الآباء يأخذون الحيطه و يكونون حريصين على عيالهم وياخذون عبره من هذا الموقف.

[PathFinder]

جزاك الله خير الجزاء على كل ما فعلتيه لإنقاذ الطفل الصغير من براثن هذا الوحش البشري. موجودين بحدائق الأطفال ولا ندري من اي بيئة قد اتو.

[أسد الجزيرة]

واجبج يحتم عليج تروحين و تبلغين الشرطة
اليوم انقذتي الولد بكرة غيره يتضرر

هذا وحش بشري

[R 7 A L]

جزاك الله خير

اتمنى تروحين للشرطة
اذا مارحتي ماراح يصير اي اجراء

[المزن الرياني]

ممكن أختي أسم الحديقه وبأي منطقه ؟

[المحاميه]

امحق ام
وامحق سكيورتي
وامحق اجراءات
والله الموضوع قهرني ورفع ضغطي

بيض الله ويهج اختي وماقصرتي
المفروض الام صاحبة الحق تشتكي
وشلون العضيد يقولون مالنا شغل
ياعزالنا
من اللي له شغل عيل

انبطت جبدي والله :anger2::mad::anger1:

[المحاميه]

اختنا ماقصرت

ام الطفل المفروض تتحرك وتاخذ اجراء

[@north_star@]

بارك الله فيج اختي وهالاشكال لازم يقطونهم بالسجن وتسفير لانهم خطر على المجتمع

[Dana’1]

الام هاوشت ولدها البرئ،،، وتركت المجرم بحق ولدها! ،، والمفروض الي يقدم البلاغ أهل الطفل ومايمنع تروحين كشاهده عالجرم
بس للأسف اذا هم ما تحركوا الافضل انتي تبلغين هذا مجرم ومسلمينه امانه حديقه كلها اطفال!
وجزاك الله خير

[R 7 A L]

خلنا نفترض ان اهل الطفل غير مهتمين
او خلاص نجى ولدهم وراح يراقبونه

وش المشكلة ان الي شاف يروح يبلغ الشرطة ؟

[brwnzya]

الي قدرت عليه كله سويته و حاولت بكل الطرق الي اقدر عليها و يوم اتصلت علي العضيد عطيتهم اسمي و رقم تلفون لكن اكثر من كذا للأسف مااقدر أسوي و منقهره من الموقف الي شفته لحد اللحين.
و الكل عارف لا عاداتنا و لاتقاليدنا و لا أعراف مجتمعنا و بيئتنا و احترامي لأسرتي بالاول ولآخر يسمح لي او اي حد من بنات الناس يدخلون مراكز الشرطه و اعتقد الكل عارف هذا الشئ
انا أقترح على الداخلية يسون خط للتواصل معاهم لمثل هي المواقف و المواقف المشابهه لان الكل عارف ان في قطر ماعندنا بنات يدخلون مراكز شرطه
و الجهه المسئوله عن الحدائق يحطون كاميرات مراقبه تسجل كل الي يصير في الحديقة.
و اذا كان مسموح من اداره المنتدى أني اذكر اسم الحديقة و مكانها ياليت تبلغوني و بقول اسم الحديقة لكن هي الموقف ممكن يتكرر في اي حديقه ثانيه بعد و أتمنى الكل يكون حريص و ينتبه لعياله و يراقبهم بنفسه عدل في مثل هي الأماكن.

[العرابي]

ماقصرتي اختي بيض الله ويهج

[technical]

بسم الله الرحمن الرحيم ، ما قصرت صاحب الموضوع والأخوه الذين تفاعلوا مع الموضوع بايجابية ،
ذكرني موضوع السيكورتي الي ذكرته الأخت الغيورة على الأمن في بلادها ، سالفة صارت قدامي في اللؤلؤة في حدى نهايات الإسبوع ، جا راعي دراجة نارية وقام يغازل بنات ستيرات في سيارة بطريقة فيها منهى البجاحة وقلة الأدب وإذا قلت ان طريقة مغازلة توصل الى الإعتداء ما غلطت !

الشاهد كلمت السيكورتي الي هناك وسألته خذت رقم دراجتة وبلغت المرور الي لهم فرع في اللؤلؤة ؟ قال لا ، سألته ليه؟ قال مو شغلي ؟ قلت اذا شغلك مش تنظيم المرور ولا الحفاظ على الأمن العام ايه خانتك ؟

الجيش و الشرطة لهم شرطة عسكرية ؟ ليه ما يخضع هؤلاء الى الشرطة العسكرية ؟ وإذا كانوا يخضعون لهم ليه ما يتم اعلان ذلك ؟ اتمنى ان يخضعوا الى المحاسبة لأن متى ما عرفوا ان محاسبتهم تتم من خلال بيروقراطية الشركة علموا الى انهم لن يخضعوا الى محاكمات عسكرية، والسلام.

[R 7 A L]

الي قدرت عليه كله سويته و حاولت بكل الطرق الي اقدر عليها و يوم اتصلت علي العضيد عطيتهم اسمي و رقم تلفون لكن اكثر من كذا للأسف مااقدر أسوي و منقهره من الموقف الي شفته لحد اللحين.
و الكل عارف لا عاداتنا و لاتقاليدنا و لا أعراف مجتمعنا و بيئتنا و احترامي لأسرتي بالاول ولآخر يسمح لي او اي حد من بنات الناس يدخلون مراكز الشرطه و اعتقد الكل عارف هذا الشئ
انا أقترح على الداخلية يسون خط للتواصل معاهم لمثل هي المواقف و المواقف المشابهه لان الكل عارف ان في قطر ماعندنا بنات يدخلون مراكز شرطه
و الجهه المسئوله عن الحدائق يحطون كاميرات مراقبه تسجل كل الي يصير في الحديقة.
و اذا كان مسموح من اداره المنتدى أني اذكر اسم الحديقة و مكانها ياليت تبلغوني و بقول اسم الحديقة لكن هي الموقف ممكن يتكرر في اي حديقه ثانيه بعد و أتمنى الكل يكون حريص و ينتبه لعياله و يراقبهم بنفسه عدل في مثل هي الأماكن.

انتي لابقتي ولا سرقتي ولا اخطيتي
على شان تقولين عاداتنا وتقاليدنا

ليش للحين الناس عندنا تخاف تدخل مركز شرطة ؟

[technical]

انتي لابقتي ولا سرقتي ولا اخطيتي
على شان تقولين عاداتنا وتقاليدنا

ليش للحين الناس عندنا تخاف تدخل مركز شرطة ؟

بسم الله الرحمن الرحيم ، الكلام الي قالته الأخت صحيح ، والرد من ايام ذاك الإنجليزي الي كان في الشرطة هو هو ! والسلام.

[بوخالد911]

جزيتِ خيرا.
يفترض دور أكبر وفعال من العضيد
ما له داعي الوحده تروح تبلغ.

وووين كاميرات المراقبة؟؟؟؟

[بصمة قطرية]

المفروض في تواصل بين الشرطة و العضيد ..
يعني هي بلغت العضيد
الموضوع على قولتهم مش تابع لهم
يحولونه على الشرطة والشرطة تتواصل معاها
و تستفسر منها و تتخذ باقي الإجراءات ..
ليش ما في تعاون بينهم ..!!!
ذكرتيني يوم اتصلت حماية المستهلك اشتكي على محل حلويات
باعني سويت داخله حشرات
يقولون لي ما لنا شغل هاي يتبع البلدية
و البلدية يقولون لي اتصلي الصبح ..!!

[دنيا الاسهم]

جزاج الله خير عجبتيني ماكنتي سلبية وقلتي وش خصني اتمنى تشتكين عند الشرطة المواقف هذي ماينسكت عنها

[ضوى]

لو مكانج ماتحرك من مكاني الا لما تجي الشرطه ومايعدي هالموضوع بالساهل ، مبين انه مب اول مرة يسويها دامه سحب الطفل لغرفته ، يعني متعود ، الله يحفظ عيالنا وعيال المسلمين ، دورج مانتهى ولازم تبلغين مراكز الشرطه للفصل بين الحق والباطل ولا لها خص بعادات وتقاليد

[كيلو حديد]

جزاك الله خير
و الله يلعن هالاشكال النجسه

بس رد الام ما عجبني المفروض هي تبلغ و تلعن خامس هالملعون

[معماري قطري]

اللي قهرني ليش أجهزتنا الأمنية تعقد الموضوع

العضيد والشرطة والفزعة يفترض شغلهم يكون متكامل وأهل قطر خصوصاً النساء وكثير من الرجال ما يبغون القصة تطول والمفروض في هذي الحالات الشرطة يتواصلون ما بينهم ويرسلون المحقق المسؤول .. ما اعتقد حد بيبلغ عن حادثة يدخل فيها سكيورتي ( من قوم من أقوام أفريقيا ) ويكون متبلي عليه والتحقيق المبدئي البسيط يمكن يردعه

[khalid525]

بارك الله فيج على تصرفج وفزعتج وما يصدر هالشي الا من شخص اخلاقه كريمة ، انا اتفهم ان الشرطة ما تدخلت لأن البلاغ جاي من شخص غريب ما يقرب حق الطفل غير انهم يحتاجون توقيع المشتكي حسب الاجراءات المطلوبة من النيابة ، بس اعتقد الافضل بها المواقف انه يتم تصويرها وتتطرش عبر خدمة مطراش فيه خدمة بلاغات امنية يقدر الواحد يحمل فيها صور او مقطع فيديو وبهالحالة راح يكون البلاغ رسمي وبياخذ مجراه بدون ما يضطر الواحد انه يروح مركز

[راجي الْعفو]

وعليكم السلام و رحمة الله و بركاته

جزاج الله خير و بيض الله وجهج

وبالإمكان الاستعانة بأحد الرجال من محارمك لمتابعة الموضوع في الشرطه


------

طالبت سابقا ان تكون هناك دورات لأمثال هالوظايف

يوضحون فيه ايش اللي لهم و ايش اللي عليهم

لما تجيب شخص من بيئة ما تدري وش البلاوي اللي فيها

وتوظفه ع طول في مثل هالاماكن وش تتوقع النتيجه ؟

[بن يوسف الثقفي]

مر علي نفس الموقف وفي حديقة عامة وكانت بنت عمرها تقريبا 9 سنوات والمصيبة كانت ماخذه راحتها مع السكيورتي وكانت كل شوي تفرص خدود السكيورتي والمشكلة أن الخدامات اللي معاها ولا كأنهم موجودين صج كنت مقهور حدي وسبيت امها وابوها لين قلت بس في قلبي

[غريب الدّار]

اختي الكريمة برونزية

اذا كان الموقف حصل فعلا مثل ماتقولينه بتفاصيله فأقول لج :

والله انج بنت اجواد وكفو عليج
موقفج اسمحي لي أقول لج انه (رجولي)
بيض الله ويهج وويه من جابج


مع اني كنت أتمنى بصراحة لو رحتي المركز وبلغتي باللي شفتيه ، لكن مااقدر الومج انج ماسويتي هالشي لان اللي سويتيه والحق ينقال هو الصح وقمتي بالواجب

الله يكثر من امثالج

[بانغ بانغ]

للأسف بعض الفرق الأمنية لما يتعلق الموقف بقطري ... ايجون مثل فرقة swat

لو أجنبي ... ياخذون راحتهم

عن تجربة اتكلم

[khaldoon]

امحق ام
وامحق سكيورتي
وامحق اجراءات والله الموضوع قهرني ورفع ضغطي

بيض الله ويهج اختي وماقصرتي
المفروض الام صاحبة الحق تشتكي
وشلون العضيد يقولون مالنا شغل
ياعزالنا
من اللي له شغل عيل

انبطت جبدي والله :anger2::mad::anger1:

بارك الله فيكي يا صاحبة الموضوع و متفق معاكي يا المحاميه

ارجو صاحبة الموضوع تكمل معروفها و تروح الشرطه ...و الله يكثر من امثالك

[الحياة الخالدة]

جزاكِ الله خير أختي برونزية .. وكثر الله من أمثالك

[بومحمد المطاوعه]

العقال اهو الحل الوحيد على ظهر السكيورتي
اذا كان موجود رجال فالحديقه
لأن موقف الصراحه يخرع ومحد يقدر يشوف ويسكت


لو اتصلتي 999 في نفس الوقت وتقولين في تحرش في الحديقه من قبل السكيورتي للأطفال
على طول بتوصل لج دوريه الفزعه

[بومحمد المطاوعه]

جزاك الله خير

اتمنى تروحين للشرطة
اذا مارحتي ماراح يصير اي اجراء

المفروض في نفس الوقت تتصل 999 اهم بيوصلون لين عندها

[بومحمد المطاوعه]

الي قدرت عليه كله سويته و حاولت بكل الطرق الي اقدر عليها و يوم اتصلت علي العضيد عطيتهم اسمي و رقم تلفون لكن اكثر من كذا للأسف مااقدر أسوي و منقهره من الموقف الي شفته لحد اللحين.
و الكل عارف لا عاداتنا و لاتقاليدنا و لا أعراف مجتمعنا و بيئتنا و احترامي لأسرتي بالاول ولآخر يسمح لي او اي حد من بنات الناس يدخلون مراكز الشرطه و اعتقد الكل عارف هذا الشئ
انا أقترح على الداخلية يسون خط للتواصل معاهم لمثل هي المواقف و المواقف المشابهه لان الكل عارف ان في قطر ماعندنا بنات يدخلون مراكز شرطه
و الجهه المسئوله عن الحدائق يحطون كاميرات مراقبه تسجل كل الي يصير في الحديقة.
و اذا كان مسموح من اداره المنتدى أني اذكر اسم الحديقة و مكانها ياليت تبلغوني و بقول اسم الحديقة لكن هي الموقف ممكن يتكرر في اي حديقه ثانيه بعد و أتمنى الكل يكون حريص و ينتبه لعياله و يراقبهم بنفسه عدل في مثل هي الأماكن.

اختي بأختصار مره ثانيه اتصلي 999 وبلغي
بيطرشون لج دوريه على طول

قولي تحرش في الحديقه والسكيورتي وضعه غريب

بيطرشون دوريه الفزعه على طول
مب لازم تروحين تشتكين ولا شي

[غريب الدّار]

العقال اهو الحل الوحيد على ظهر السكيورتي
اذا كان موجود رجال فالحديقه
لأن موقف الصراحه يخرع ومحد يقدر يشوف ويسكت


لو
بو محمد صل على نبيك يابن الحلال


يعني لو انك موجود هناك بتلشطه بالعقال ؟ :)

يعني كل موقف مايعجبك تروح تلشط صاحبه بالعقال ؟؟ خلك من العنتريات ياخوي العزيز بو محمد


وأتمنى ان اللي سوته الأخت برونزية يكون درس للكل في كيفية التعامل مع هالنوع من المواقف

[عطر فرنسي]

العقال اهو الحل الوحيد على ظهر السكيورتي
اذا كان موجود رجال فالحديقه
لأن موقف الصراحه يخرع ومحد يقدر يشوف ويسكت


لو اتصلتي 999 في نفس الوقت وتقولين في تحرش في الحديقه من قبل السكيورتي للأطفال
على طول بتوصل لج دوريه الفزعه

ههههههههههههه اشلطه احسن شي

مثل ماقال بومحمد 999 دورية الفزعه موقف جميل منك

[شبح الصمت]

بيض الله وجهج يالبرونزية ..

سويتي الي عليج بحكم انج آمراة والشره على الام عقب ما درت فالسالفة المفروض تتصل في زوجها او حد الرجاجيل عندهم يجيه ويتله من غرفته لين يجون الشرطة ..

وليتج صورتي الحدث كامل عشان يكون دليل قاطع عليه
نفس هالاشكال المريضة المفروض وبالتحديد الحدائق السكورتي ما يتحرك من مكانه يكون في غرفته ولا يتخالط مع الاطفال
بس هالانسان الي ذكرتيه شكله مريض وانسان حقير وكلمة حقير اشوي عليه

استغفر الله العظيم

[بومحمد المطاوعه]

بو محمد صل على نبيك يابن الحلال


يعني لو انك موجود هناك بتلشطه بالعقال ؟ :)

يعني كل موقف مايعجبك تروح تلشط صاحبه بالعقال ؟؟ خلك من العنتريات ياخوي العزيز بو محمد


وأتمنى ان اللي سوته الأخت برونزية يكون درس للكل في كيفية التعامل مع هالنوع من المواقف

عليه الصلاة والسلام
الله لايقول لو حد من عيالي طاح ف يد سكيورتي مثل هذي

يمكن اقص يده حزتها مب بس الشطه بالعقال ,,
الموقف مافيها عنتر ما عنتر


عقب خل يطالب بحقوقه

بس ياخي شي يقهر تقولك اتصلت على العضيد يقولون لها مالنا خص
شسالفه عيل وين الخص فالموضوع .؟

انا عن نفسي بتصل 999
لو شفت مثل هالموقف وبطلب دوريه الفزعه وانا قاعد لا اروح افتح بلاغ ولا شي
الدوريات شكثر ويوصلون لين عندك لو اتصلت 999

[بومحمد المطاوعه]

ههههههههههههه اشلطه احسن شي

مثل ماقال بومحمد 999 دورية الفزعه موقف جميل منك

هههههههههه
ياريال لو الواحد شاف ولده طايح ف حضن هالشخص اتحداه يروح ويقوله كيف حالك صديق انت بخير ويسلم عليه

غير ان بيتهاوش وبيسوي حلبه مصارعه فالحديقه

وبعدين 999 اهو الحل الوحيد
لاتقولي العضيد ولا تقول شي
اتصل 999 واهم يحولونك على الجهه المختصه
يا الفزعه يا التحريات يا اي مكان والجهه المختصه

[غريب الدّار]

عليه الصلاة والسلام
الله لايقول لو حد من عيالي طاح ف يد سكيورتي مثل هذي

يمكن اقص يده حزتها مب بس الشطه بالعقال ,,
الموقف مافيها عنتر ما عنتر


عقب خل يطالب بحقوقه

بس ياخي شي يقهر تقولك اتصلت على العضيد يقولون لها مالنا خص
شسالفه عيل وين الخص فالموضوع .؟

انا عن نفسي بتصل 999
لو شفت مثل هالموقف وبطلب دوريه الفزعه وانا قاعد لا اروح افتح بلاغ ولا شي
الدوريات شكثر ويوصلون لين عندك لو اتصلت 999
الله يحفظ الجميع يابو محمد ويبعد عيال الحرام

بس كلامك يطرح تساؤل في محله يابو محمد :

حد يقدر يوضح تخصصات العضيد الرسمية ؟ قصدي الدور المنوط بإدارة العضيد؟
كدور رسمي
علشان الواحد يعرف متى يتصل فيهم وشنهي الحالات بالضبط
ومحد يظلمهم في حالة عدم التجاوب مع شغلة مب من اختصاصهم

[بومحمد المطاوعه]

بيض الله وجهج يالبرونزية ..

سويتي الي عليج بحكم انج آمراة والشره على الام عقب ما درت فالسالفة المفروض تتصل في زوجها او حد الرجاجيل عندهم يجيه ويتله من غرفته لين يجون الشرطة ..

وليتج صورتي الحدث كامل عشان يكون دليل قاطع عليه
نفس هالاشكال المريضة المفروض وبالتحديد الحدائق السكورتي ما يتحرك من مكانه يكون في غرفته ولا يتخالط مع الاطفال
بس هالانسان الي ذكرتيه شكله مريض وانسان حقير وكلمة حقير اشوي عليه

استغفر الله العظيم


صاحبه الموضوع بيض الله وجهها
العتب على ام الولد الصراحه ,,

على الأقل تتصل وتبلغ وتكون راعيه الموضوع شاهده لها ,,

اما ام الولد على ماتبين فالموضوع انها ماهمها ولا عورها قلبها على الي صار
هذا الي تبين في طرح الموضوع

[شبح الصمت]

صاحبه الموضوع بيض الله وجهها
العتب على ام الولد الصراحه ,,

على الأقل تتصل وتبلغ وتكون راعيه الموضوع شاهده لها ,,

اما ام الولد على ماتبين فالموضوع انها ماهمها ولا عورها قلبها على الي صار
هذا الي تبين في طرح الموضوع



استغفر الله العظيم
مفروض يا بومحمد نفس هالسكورتي تربطه في بطي الجمس وتزحفه لين مركز الشرطة

[بومحمد المطاوعه]

الله يحفظ الجميع يابو محمر ويبعد عيال الحرام

بس كلامك يطرح تساؤل في محله يابو محمد :

حد يقدر يوضح تخصصات العضيد الرسمية ؟ قصدي الدور المنوط بإدارة العضيد؟
كدور رسمي
علشان الواحد يعرف متى يتصل فيهم وشنهي الحالات بالضبط
ومحد يظلمهم في حالة عدم التجاوب مع شغلة مب من اختصاصهم

اللهم امين يارب ,,
صدقني هالموقف صعب ترى انا اقولك
لان مره صار جدامي بس الحمدلله ان الأب كان موجود وزين ماذبح الدريول
هذي دريوله كان
تخيل لو يشوف ولده وبيدخله غرفه
والله هالموقف صعب يالغالي


شوف علشان تكون في اكمل صوره وتعرف وين تتصل

دق 999 اهم يحولون ويعرفون وين الجهه

اي شي تبيه اتصل 999 حتى لو مضيع مستشفى او عيادة او مركز شرطه او اي شي
مره من المرات انا متصل 999 ومضيع مستشفى ام صلال علي
كانو ناقلين من مستشفى الى فيلا
وحولوني على الاسعاف دلاني المكان عادي ياخوي اتصل 999 وقولهم الموضوع وهم بيتصرفون وبيطرشون لك دورية الفزعه


انت تدري لو اي دورية وقفتك ف الشارع وصار بينك وبين الشرطي سوء تفاهم اتصل 999 وقولهم سوء تفاهم مع الدوريه يطرشون لك دوريه ثانيه

هذا للعلم

[بومحمد المطاوعه]

استغفر الله العظيم
مفروض يا بومحمد نفس هالسكورتي تربطه في بطي الجمس وتزحفه لين مركز الشرطة



ياريال خلها على الله
هذي المفروض يبعد من البلاد
شكثرهم هالافارقه محذفين فالبلاد ,,
وخاصه سواقين كروه ,,

[وليف الشوق]

انا اللي اتمناه من وزارة الداخليه مشكورة انها تكتفي بالاتصال او البلاغ وعدم حضور بناتنا الى مراكز الشرطه وهذا املي في رجال الداخليه اللي يقدرون وضعنا الاجتماعي وانا متأكد انهم راح يشوفون الموضوع بعين الاعتبار والاهم والمبدأ في الموضوع اهو (( البلاغ )) او الجرم وليس مهم حضور المشتكي

[غريب الدّار]

انا اللي اتمناه من وزارة الداخليه مشكورة انها تكتفي بالاتصال او البلاغ وعدم حضور بناتنا الى مراكز الشرطه وهذا املي في رجال الداخليه اللي يقدرون وضعنا الاجتماعي وانا متأكد انهم راح يشوفون الموضوع بعين الاعتبار والاهم والمبدأ في الموضوع اهو (( البلاغ )) او الجرم وليس مهم حضور المبلغ
يعني اخوي لو وحدة تبلت عليك سواء قطرية او غير قطرية مثلا وبلغت بدون ماتروح وتقدم بلاغ رسمي ، وامسكوك

هل راح تقبل بالشي هذا ؟

[qatarman8008]

اشكرج اختي صاحبة الموضوع ..
اولا على غيرتج تجاه المجتمع وابناء المجتمع..
ثانيا على عدم السكوت على الخطا..
..
الحين معقول ان العضيد ما اتحذ اي اجراء..
شنو اختصاص العضيد عيل..؟؟
ومسؤول السيكيوريتي يقول ( بنحاول ) نكلم مسؤوله يحقق معاه..
يعني هذي تعتبر جريمة تحرش وانت بتحاول..!!
واخر شي بيجيبونه كم سؤال على كم جواب واشرب شايك وروح ماكان صار شي..
صراحة وضع ماساوي جدا..
طيب ولو تدخل اب الولد وضرب السيكيوريتي لين ذبحه من بيدافع عنه..؟؟

[شبح الصمت]

ياريال خلها على الله
هذي المفروض يبعد من البلاد
شكثرهم هالافارقه محذفين فالبلاد ,,
وخاصه سواقين كروه ,,

اسف بومحمد اقصد بدي الجمس

مادري اشفيني على بوبطي من امس

[بومحمد المطاوعه]

اسف بومحمد اقصد بدي الجمس

مادري اشفيني على بوبطي من امس

هههههههههههه
ماعليك فهمتك لاتحاتي ههههههههه

بوبطي شكله مادفع حساب العشى خخخخخخخ

[بومحمد المطاوعه]

اشكرج اختي صاحبة الموضوع ..
اولا على غيرتج تجاه المجتمع وابناء المجتمع..
ثانيا على عدم السكوت على الخطا..
..
الحين معقول ان العضيد ما اتحذ اي اجراء..
شنو اختصاص العضيد عيل..؟؟
ومسؤول السيكيوريتي يقول ( بنحاول ) نكلم مسؤوله يحقق معاه..
يعني هذي تعتبر جريمة تحرش وانت بتحاول..!!
واخر شي بيجيبونه كم سؤال على كم جواب واشرب شايك وروح ماكان صار شي..
صراحة وضع ماساوي جدا..
طيب ولو تدخل اب الولد وضرب السيكيوريتي لين ذبحه من بيدافع عنه..؟؟

الحل الوحيد يالذيب 999

شوف انا مره اتصلت 999 وحولوني على العضيد لموقف صار في الكورنيش من شخص وشخصه
من الجنسيات العربيه
لبنانيين كانو
فالكورنيش على وجهه الفجر ومجابلين البحر ويسوون حركات مال امها داعي تبوس وحركات ماتصير فالشارع
المهم ان العضيد وصلو لين عندي وشلوهم الاثنين

بس اول اتصالي كان 999 وعقبها حولوني على العضيد
وهالكلام يمكن في 2013 مادري 14

[JN000N]

الله يجزيج خير وماقصرتي

بصراحة عني انا يمكن ما تجرأ حتى اروح اتدخل او ادور هله
يمكن يمكن افكر اتصل للشرطه يجون
بس لان مسبقا عارفين البلبله واللويه الي بتصير ف ما راح اعور راسي
واللي يقول ليش مارحتي مركز الشرطه

اذا ام الولد نفسه ماراحت تروح هي الغريبه ع اساس شافت موقف وتعالو يالشرطه حاسبو الاطراف
واذا انكرو الاطراف ومالقت البرونزيه دليل؟ واذا لاسمح الله ياب له شهود ضدها من ربعه السكورتيه والخ الخ
بعدين البنت ماقصرت كلمت العضيد
ليش العضيد ما يتلحلح ويتصرف
اي والله مب تخصصنا عيل شنو تخصصهم؟
هم حتى اللبس الفاضح ف المجمعات ما عادو يسوون له شي والله مصخره
يتبعون من كلهم هالعضيد وهالشرطه والفزعه وربعهم؟ كلهم تحت وزارة الداخليه وين التواصل بينهم

خل نفترض ان بلاغ الاخت كاذب مثلا
وانها لازم تقدم دليل او تروح تشتكي بنفسها
ليش المركز مايرسل دوريات بين فتره وفتره يجيكون؟
ليش ما يكون في تشديد ورقابه
مايخافون على عيالنا
والا ينطرون نيبالي يشتكي عشان يحطون قانون بعد !!

[qatarman8008]

اشكرك عالمداخلة اخوي بومحمد..
المطلوب الان ان نتابع الموضوع ونعرف اش صار في السيكيوريتي..
لازم ياخذ عقابه دبل ويكون عبره لغيره ..
ولو ان الاخت صاحبة الموضوع ما قالت اسم الحديقة..

[JN000N]

مال تشتكين على ام الولد نفسها عند حقوق الطفل
يمال الويعه ولدج يتحرشون فيه تروحين تزفينه هالياهل وتخلين الحيوان الي زخه!
صج احساس طوفه مافي



الا صج سؤال
مع زيادة هالجنسيات وبمختلف ثقافاتهم
كم وكم حاله ممكن تصير من هالحالات؟
هل عندنا قانون مفعل ضد هالامور؟ ولو كان في فعلا هل يعتبر رادع صج او قانون ع ورق
زين مثل ما تفعل دور حقوق الانسان حق هالعمال بيتفعل حقوق الطفل حق هالامور؟

شنو الاجراءات اللي ممكن تصير لو حد اشتكى؟ ايش بيسوون فالمتحرش! غرامه وتسفير؟ سجن مع وقف التنفيذ وابعاد؟
عني انا اتمناها اعدام والله :)

[MirusS]

الي مستغرب منه كيف تعين هذا الشخص وصار حارس امن ؟
واضح من تصرفه انه شخص مريض ومش سوي..
الحين حاطينك سيكوريتي عشان تحمي الناس يجي البلا منك ؟
هاي خيانه للثقه ولازم يتحاسب هالافريقي والي شافوا الموقف لابد يبلغون ومايستكون عن الغلط..
وجزاج الله خير اختي على التنبيه..

[السيف5]

البرونزية عز الله انك ماقصرتي

والقصور بدور وزارة الداخلية المفروض يكون في تنسيق بينهم

واجراء مو كل واحد يقول مالي خص ..اشدوركم انتم يالعضيد يقولون أمن مجتمعي

وهذه القضية مب أمن مجتمعي ..خلاص انتم تعاملون معاها وحولوها لمركز الشرطة اذا هي تحتاج

مب انا المواطن العادي وش عرفني باختصاصاتكم انتم ويا الامن الوقائي ..كلكم تحت مظلة واحدة


امن المجتمع الوقائي .....والسلام

[الحياة الخالدة]

الي مستغرب منه كيف تعين هذا الشخص وصار حارس امن ؟
واضح من تصرفه انه شخص مريض ومش سوي..
الحين حاطينك سيكوريتي عشان تحمي الناس يجي البلا منك ؟
هاي خيانه للثقه ولازم يتحاسب هالافريقي والي شافوا الموقف لابد يبلغون ومايستكون عن الغلط..
وجزاج الله خير اختي على التنبيه..
وانت من صجك ياخوي كل اللي يتعينون في الشركات الامنية مؤهلين للوظيفة تماماً ؟؟!!
ياما لاقيناهم حتى أبسط الاشياء ما يعرفونها .. مجرد شكل نفس خيال المآتة .. يعني لا يحلون ولا يربطون

[بومحمد المطاوعه]

اشكرك عالمداخلة اخوي بومحمد..
المطلوب الان ان نتابع الموضوع ونعرف اش صار في السيكيوريتي..
لازم ياخذ عقابه دبل ويكون عبره لغيره ..
ولو ان الاخت صاحبة الموضوع ما قالت اسم الحديقة..


الشكر لله تعالى

المفروض
ولكن الواجب على الأم ماتسكت
الاخت صاحبه الموضوع كلمت الأم وتدخلت ومسكت الطفل ووصلت الطفل لين الأم
والام بارده
شتسوي بعد ياخوي
يمكن عاجبهم الموضوع ..

ماعتقد في أب او أم تشوف هذا المنظر وتسكت
اقل شي بتسوي مصيبه تحضر الشرطه
ولكن للأسف الأم تبين في الموضوع انها ماتبي تشتكي

[shadad]

الشكر لله تعالى

المفروض
ولكن الواجب على الأم ماتسكت
الاخت صاحبه الموضوع كلمت الأم وتدخلت ومسكت الطفل ووصلت الطفل لين الأم
والام بارده
شتسوي بعد ياخوي
يمكن عاجبهم الموضوع ..

ماعتقد في أب او أم تشوف هذا المنظر وتسكت
اقل شي بتسوي مصيبه تحضر الشرطه
ولكن للأسف الأم تبين في الموضوع انها ماتبي تشتكي

موافقك في كل كلمه :) .
صاحبة الموضوع سوت اللي عليها وزياده ومع ذلك ام الولد نايمه بالعسل وفي جهات راقده كل واحد يقط على الثاني بنفس السينارويو اللي حصل معايي المرة اللي راحت بس بموضوع اخر. يعطيك العافيه.

[بومحمد المطاوعه]

موافقك في كل كلمه :) .
صاحبة الموضوع سوت اللي عليها وزياده ومع ذلك ام الولد نايمه بالعسل وفي جهات راقده كل واحد يقط على الثاني بنفس السينارويو اللي حصل معايي المرة اللي راحت بس بموضوع اخر. يعطيك العافيه.

اي والله انشهد انها ما قصرت ,,
العتب على ام الولد ..

يعافيك ربي ياخوي
والمفروض 999 بين عيوونا على طول
مره من المرات تلاغيت مع الشرطي اتصلت وقلت لهم سوء تفاهم مع الدوريه شرايك

[ريتويت]

اوسخ جنسيه الافارقه والعماله الي جنسياتهم هالشكل لادين ولا ضمير حسبي الله عليهم بس الشرهه علي الام الي ماتخاف علي عيالها وتخليهم يراكضون فكل مكان قسم بالله لو انا بمكان هالام اكسر باب الغرفه واكسر الغرفه فوق راسه اذبحه والله ولا يلمس شعره من شعر ولدي

[جرير]

جزاج الله خير

بس تعقيبي على كل هالنقاشات الطويله في القروب

شنهي المحصله النهايه . . . Output


هل تم معاقبه الشخص . . .لا طبعا

هل اخذ جزاه نتيجه جرمه المخزي . . . ؟

بيتم الشخص مثل ما هو وبيحاول يصيد له ضحايا من هلالطفال البريائيين المساكين

واحنا مجرد نقاشات . . . لا تغني ولا تسمن من جود . . اذا ما كان لها رده فعل على ارض الواقع

تحياتي

[الحياة الخالدة]

جزاج الله خير

بس تعقيبي على كل هالنقاشات الطويله في القروب

شنهي المحصله النهايه . . . Output


هل تم معاقبه الشخص . . .لا طبعا

هل اخذ جزاه نتيجه جرمه المخزي . . . ؟

بيتم الشخص مثل ما هو وبيحاول يصيد له ضحايا من هلالطفال البريائيين المساكين

واحنا مجرد نقاشات . . . لا تغني ولا تسمن من جود . . اذا ما كان لها رده فعل على ارض الواقع

تحياتي

وانت بعد جزاك الله خير
بس يعني شالمطلوب ؟؟ نروح كلنا مركز الشرطة نشتكي والا شنو ؟؟
الأخت ما قصرت وسوت اللي عليها
ومن قال النقاش لا يسمن ولا يغني من جوع ( وليس من جود ) بالعكس النقاش اللي صار استفدنا منه : توعية وتنبيه .. وعرفنا عالاقل حتى لو ما قدرنا نسوي شي زيادة لهذا الطفل .. لو صادفتنا حالة مماثلة شلون بنتصرف .. أقل ما فيها نكلم 999
والا تبينا نسكر الموضوع خلاص
كنت اتمنى لو انك عطيتنا اقتراح أو حل بدل تكسير المجاديف والتحبيط

[غريب الدّار]

وانت بعد جزاك الله خير
بس يعني شالمطلوب ؟؟ نروح كلنا مركز الشرطة نشتكي والا شنو ؟؟
الأخت ما قصرت وسوت اللي عليها
ومن قال النقاش لا يسمن ولا يغني من جوع ( وليس من جود ) بالعكس النقاش اللي صار استفدنا منه : توعية وتنبيه .. وعرفنا عالاقل حتى لو ما قدرنا نسوي شي زيادة لهذا الطفل .. لو صادفتنا حالة مماثلة شلون بنتصرف .. أقل ما فيها نكلم 999
والا تبينا نسكر الموضوع خلاص
كنت اتمنى لو انك عطيتنا اقتراح أو حل بدل تكسير المجاديف والتحبيط

:ok:
.

[جرير]

وانت بعد جزاك الله خير
بس يعني شالمطلوب ؟؟ نروح كلنا مركز الشرطة نشتكي والا شنو ؟؟
الأخت ما قصرت وسوت اللي عليها
ومن قال النقاش لا يسمن ولا يغني من جوع ( وليس من جود ) بالعكس النقاش اللي صار استفدنا منه : توعية وتنبيه .. وعرفنا عالاقل حتى لو ما قدرنا نسوي شي زيادة لهذا الطفل .. لو صادفتنا حالة مماثلة شلون بنتصرف .. أقل ما فيها نكلم 999
والا تبينا نسكر الموضوع خلاص
كنت اتمنى لو انك عطيتنا اقتراح أو حل بدل تكسير المجاديف والتحبيط




ليس القصد تكسير مجاديف وتحبيط . . . لا والله حتى لا يفهم قصدي بهالطريقه

ولكن مثل هالمواضيع معروفه مش محتاجه توضيح وكثره النقاش فيها تبرد السالفه لدرجه انه يضيع فيها

الحق . . . اعيد واكرر جزاها الله خير الاخت ما قصرت حاولت القيام بفعل ما يمليه ضميرها

ولكن رده الفعل كانت غير مقبوله او متوقعه من جميع الاطراف كشركه وكعضيد

وتمنيت لو انها اتصلت من نفس المكان والزمان للشرطه وراح يطرشون اقرب دوريه

واكرر يجب ان لا يمر هذا الموضوع مرور الكرام . . .

[وحيد-الشوق]

بارك الله فيج وجزاج الله كل خير على حسن تصرفج وأُحيي فيج شجاعتج وعدم سكوتج عن هذا القذر حسبي الله ونعم الوكيل مستغرب من ردة فعل الداخلية والعضيد وادارة الامن !!!!

حتى الاطفال مايسلمون منهم ومن قذراتهم اتمنى يعاقبونه هالحيوان ياناس لاتخلون عيالكم بروحهم ويطلعون مع السواقين والخدم

ربي يحفظج ويحفظ عيالنا

[الحياة الخالدة]

ليس القصد تكسير مجاديف وتحبيط . . . لا والله حتى لا يفهم قصدي بهالطريقه

ولكن مثل هالمواضيع معروفه مش محتاجه توضيح وكثره النقاش فيها تبرد السالفه لدرجه انه يضيع فيها

الحق . . . اعيد واكرر جزاها الله خير الاخت ما قصرت حاولت القيام بفعل ما يمليه ضميرها

ولكن رده الفعل كانت غير مقبوله او متوقعه من جميع الاطراف كشركه وكعضيد

وتمنيت لو انها اتصلت من نفس المكان والزمان للشرطه وراح يطرشون اقرب دوريه

واكرر يجب ان لا يمر هذا الموضوع مرور الكرام . . .

طيب .. وين الغلط ان الاعضاء ناقشوا وأبدوا آراءهم

[غريب الدّار]

ليس القصد تكسير مجاديف وتحبيط . . . لا والله حتى لا يفهم قصدي بهالطريقه

ولكن مثل هالمواضيع معروفه مش محتاجه توضيح وكثره النقاش فيها تبرد السالفه لدرجه انه يضيع فيها

الحق . . . اعيد واكرر جزاها الله خير الاخت ما قصرت حاولت القيام بفعل ما يمليه ضميرها

ولكن رده الفعل كانت غير مقبوله او متوقعه من جميع الاطراف كشركه وكعضيد

وتمنيت لو انها اتصلت من نفس المكان والزمان للشرطه وراح يطرشون اقرب دوريه

واكرر يجب ان لا يمر هذا الموضوع مرور الكرام . . .

مع اني ماعرفت شلون يضيع الحق في مثل هالمواضيع !!!!


لكن اخوي انا طرحت تساؤل ومحد رد ، لكن بما انك ذكرت النقطة فراح أسألك مباشرة عن هالجزئية:

رده الفعل كانت غير مقبوله او متوقعه من جميع الاطراف كشركه وكعضيد

ليش ردة الفعل مب متوقعة من العضيد؟


تقدر تقول لي يخوي ولا عليك امر شنهي وظيفة العضيد الرسمية ؟؟ قصدي جهاز العضيد شنهي اختصاصاته؟

لانك نقدت عليهم عدم تدخلهم في الموضوع

نورني بارك الله فيك يالشيخ

[غريب الدّار]

مستغرب من ردة فعل الداخلية !!!!



ياجماعة تحسسوني ان الكل غلطان والأجهزة الأمنية مب قايمة بدورها ابد !
وش كان مطلوب من الداخلية اخوي وحيد الشوق على حسب المعطيات في الموضوع ؟؟
يعني ليش مستغرب من ردة فعلهم ؟

[بومحمد المطاوعه]

جزاج الله خير

بس تعقيبي على كل هالنقاشات الطويله في القروب

شنهي المحصله النهايه . . . Output


هل تم معاقبه الشخص . . .لا طبعا

هل اخذ جزاه نتيجه جرمه المخزي . . . ؟

بيتم الشخص مثل ما هو وبيحاول يصيد له ضحايا من هلالطفال البريائيين المساكين

واحنا مجرد نقاشات . . . لا تغني ولا تسمن من جود . . اذا ما كان لها رده فعل على ارض الواقع

تحياتي

على الاقل الغافلين يعرفون ان الموضوع يصير
يعني مايثق في الخدم ولا يثق في السكيورتي

الحرص واجب وهذا منتدى نطرح فيه المواضيع التوعويه

علشان الواحد يدري

انا عن نفسي ماكنت ادري ان السكيورتيه جذي بيسوون في نص الحديقه ولكن الحين لو تعطيني شيك مفتوح مافي امل
افكر اترك عيالي ولو دقايق في الحديقه مع الخدم ,,

حزات اودي العيال حديقه برزان بدون امهم
يعني عيالي وخدامه وحده
اغير لهم جو خفيف لو ام العيال عندها امتحانات الجامعه او اي شغله ثانيه

ما اقدر اتركهم دقيقه مع ان يدخل علينا حزة صلاة العشاء ويأذن وتقيم الصلاة وانا قاعد معاهم

مافي امل اترك عيالي مع خدامه وفي الحديقه حتى لو فيها سكيورتيين عند الباب او داخل الحديقه ,,
الله اعلم شيصير وشراح يصير في هالوقت البسيط

اما من بعد هذا الموضوع مافي امل اثق في اي سكيورتي في الحديقه
ولا سمح الله لو صار قدامي
بتصل 999 ببلغ قبل لا اروح اكلمه بالأساس

[غريب الدّار]

على الاقل الغافلين يعرفون ان الموضوع يصير
يعني مايثق في الخدم ولا يثق في السكيورتي

الحرص واجب وهذا منتدى نطرح فيه المواضيع التوعويه

علشان الواحد يدري

انا عن نفسي ماكنت ادري ان السكيورتيه جذي بيسوون في نص الحديقه ولكن الحين لو تعطيني شيك مفتوح مافي امل
افكر اترك عيالي ولو دقايق في الحديقه مع الخدم ,,

حزات اودي العيال حديقه برزان بدون امهم
يعني عيالي وخدامه وحده
اغير لهم جو خفيف لو ام العيال عندها امتحانات الجامعه او اي شغله ثانيه

ما اقدر اتركهم دقيقه مع ان يدخل علينا حزة صلاة العشاء ويأذن وتقيم الصلاة وانا قاعد معاهم

مافي امل اترك عيالي مع خدامه وفي الحديقه حتى لو فيها سكيورتيين عند الباب او داخل الحديقه ,,
الله اعلم شيصير وشراح يصير في هالوقت البسيط

اما من بعد هذا الموضوع مافي امل اثق في اي سكيورتي في الحديقه
ولا سمح الله لو صار قدامي
بتصل 999 ببلغ قبل لا اروح اكلمه بالأساس
:app2: جعل من جابك الجنة :app2:


ولا سمح الله لو صار قدامي
بتصل 999 ببلغ قبل لا اروح اكلمه بالأساس
مع ان قبل شوي تلشط بالعقال :deal:


لكن بيض الله وجهك يابو محمد ع المداخلة أعلاه

[جرير]

مع اني ماعرفت شلون يضيع الحق في مثل هالمواضيع !!!!


لكن اخوي انا طرحت تساؤل ومحد رد ، لكن بما انك ذكرت النقطة فراح أسألك مباشرة عن هالجزئية:


ليش ردة الفعل مب متوقعة من العضيد؟


تقدر تقول لي يخوي ولا عليك امر شنهي وظيفة العضيد الرسمية ؟؟ قصدي جهاز العضيد شنهي اختصاصاته؟

لانك نقدت عليهم عدم تدخلهم في الموضوع

نورني بارك الله فيك يالشيخ









رساله العضيد . . . من موقعهم الرسمي
العضيد يقدم خدمة التواصل بين أفراد المجتمع بكافة شرائحه بهدف الحفاظ على امن المجتمع واستقراره لننعم بحياة آمنه،
ويعمل على إقامة الفعاليات والمهرجانات التي تدعم الشراكة الحقيقية بين المجتمع والأمن ويتواصل من خلال جميع أجهزة
الاتصال الحديثة "الهاتف المجاني والبريد الإلكتروني والفاكس والاتصال المباشر" ومن خلال تواجده في المؤسسات
والأماكن العامة وذلك من أجل تلقي الملاحظات و الأفكار التي يتم عرضها من خلال هذه الخدمة و اتخاذ اللازم حيالها

[غريب الدّار]

رساله العضيد . . . من موقعهم الرسمي
العضيد يقدم خدمة التواصل بين أفراد المجتمع بكافة شرائحه بهدف الحفاظ على امن المجتمع واستقراره لننعم بحياة آمنه،
ويعمل على إقامة الفعاليات والمهرجانات التي تدعم الشراكة الحقيقية بين المجتمع والأمن ويتواصل من خلال جميع أجهزة
الاتصال الحديثة "الهاتف المجاني والبريد الإلكتروني والفاكس والاتصال المباشر" ومن خلال تواجده في المؤسسات
والأماكن العامة وذلك من أجل تلقي الملاحظات و الأفكار التي يتم عرضها من خلال هذه الخدمة و اتخاذ اللازم حيالها

بيض الله ويهك ولو حاط الرابط افضل ياطويل العمر

هل من ضمن الكلام المذكور أعلاه اخوي مايدل على ان العضيد قصر في التعامل مع مسالة الأخت اللي هي صاحبة الموضوع ؟

مب مكتوب أي شي يدل ان لازم يقبض على أصحاب الجرايم الأخلاقية او المشتبه بهم


والجملة التالية :
بهدف الحفاظ على امن المجتمع واستقراره لننعم بحياة آمنه،


هذا كلام عام جدا
(وعلى فكرة الجملة فيها خطأ املائي أتمنى ينتبهون له الاخوان أصحاب الموقع او مصممينه) :
كلمة (آمنة) التاء فيها مربوطة


اشكرك انك نورتني بدورهم وتوني ادري ان لهم موقع خاص وبحثت عنه وهذا هو الرابط لمن أراد :
https://www.moi.gov.qa/aladeid/Arabic/


ولازال التساؤل مطروح :
هل القضية اللي ذكرتها الأخت صاحبة الموضوع تدخل في نطاق عمل العضيد حتى يتم اتهامهم بالتقصير؟


في انتظارالاجابة

[بومحمد المطاوعه]

:app2: جعل من جابك الجنة :app2:


مع ان قبل شوي تلشط بالعقال :deal:


لكن بيض الله وجهك يابو محمد ع المداخلة أعلاه

وجهك ابيض يالشيخ
اللهم امين ,,

ههههههه بلشطه بعقال اذا قالو مالنا خص

هني يكون عقالي له خص وانا على ثقه بعد :eek2:

[قطري 777]

برونزيه موقف نبيل منج اجرج ع الله
كفوووووووووووووووو

[القلب المؤمن]

وجهك ابيض يالشيخ
اللهم امين ,,

ههههههه بلشطه بعقال اذا قالو مالنا خص

هني يكون عقالي له خص وانا على ثقه بعد :eek2:

علشان سلامتك لاتدخل في ضرابه مع هالاشكال من فترة مدخلين شاب قطري الطواري وجهه مكسر تقول داعمته شاحنة اتاريه متهاوش مع بتاني !! قسم بالله هشم وجهه ضاعت ملامحه دخلوه العمليات على طول الله نجاه برحمته

[بومحمد المطاوعه]

علشان سلامتك لاتدخل في ضرابه مع هالاشكال من فترة مدخلين شاب قطري الطواري وجهه مكسر تقول داعمته شاحنة اتاريه متهاوش مع بتاني !! قسم بالله هشم وجهه ضاعت ملامحه دخلوه العمليات على طول الله نجاه برحمته

صح كلامك الضرب والمعركه الواحد بيتحمل كل شي
يا متعور يا مافيك شي
مدام بدأ الضرب والدفاع عن النفس خلاص راحت ملامح الوجهه


طبعآ عادي جدأ
الباكستاني يسرح ويمرح فالشارع ولا دقيقه توقف
ومسكين القطري المتكسر فالمستشفى
بحجه شنو
اداره العمل لحقوق العمال


يعوييينه والله
الله يشفيه ويعافيه

[R 7 A L]

بيض الله ويهك ولو حاط الرابط افضل ياطويل العمر

هل من ضمن الكلام المذكور أعلاه اخوي مايدل على ان العضيد قصر في التعامل مع مسالة الأخت اللي هي صاحبة الموضوع ؟

مب مكتوب أي شي يدل ان لازم يقبض على أصحاب الجرايم الأخلاقية او المشتبه بهم


والجملة التالية :
بهدف الحفاظ على امن المجتمع واستقراره لننعم بحياة آمنه،


هذا كلام عام جدا
(وعلى فكرة الجملة فيها خطأ املائي أتمنى ينتبهون له الاخوان أصحاب الموقع او مصممينه) :
كلمة (آمنة) التاء فيها مربوطة


اشكرك انك نورتني بدورهم وتوني ادري ان لهم موقع خاص وبحثت عنه وهذا هو الرابط لمن أراد :
https://www.moi.gov.qa/aladeid/Arabic/


ولازال التساؤل مطروح :
هل القضية اللي ذكرتها الأخت صاحبة الموضوع تدخل في نطاق عمل العضيد حتى يتم اتهامهم بالتقصير؟


في انتظارالاجابة

اعتقد الي صار ليس من نطاق عمل العضيد

[GENIUS]

تم إرسال الموضوع للشرطة المجتمعية عن طريق مطراش 2 وننتظر الرد.

[brwnzya]

بس تعليقا على كلام الأخ الي قال ان العضيد كيف ممكن يتأكد ان الشخص المتصل مو قاعد يتبلا او يدعى شئ ما صار بس ابلغه ان اي شخص يتصل على مثل هذي الجهات يطّلع رقمه و يعطيهم بعد رقمه واسمه فا اعتقد ما في مجال للمزح او اختلاق قصص من الخيال.
و في واحد من الاخوان عرض ان ممكن يساعد في الموضوع في رساله على الخاص و طلب بعض البيانات مثل اسم الحديقة و المنطقة الي فيها الحديقة و حاولت الرد عليه لكن للأسف تطلع لي رساله ان للرد على البريد الخاص لازم يكون عندي 50 مشاركه.
مادري اذا ممكن اذكر اسمه الحديقة والمنطقه الي فيها الحديقة و اسم الشركه الي تابع لها السكيورتي هنا او لا ياليت حد يفيدني في الموضوع لان ممكن حد من الأخوه او الأخوات يمكن يأخذ اجراء او تصرف ضد السكيورتي.

[R 7 A L]

تم إرسال الموضوع للشرطة المجتمعية عن طريق مطراش 2 وننتظر الرد.


بيض الله وجهك اخوي جنيوس
وقواك الله


يالربع سألت واحد عن العضيد قال شغلهم يعالجون المدمنين
مالهم شغل في قضية تحرش

[الحياة الخالدة]

بس تعليقا على كلام الأخ الي قال ان العضيد كيف ممكن يتأكد ان الشخص المتصل مو قاعد يتبلا او يدعى شئ ما صار بس ابلغه ان اي شخص يتصل على مثل هذي الجهات يطّلع رقمه و يعطيهم بعد رقمه واسمه فا اعتقد ما في مجال للمزح او اختلاق قصص من الخيال.
و في واحد من الاخوان عرض ان ممكن يساعد في الموضوع في رساله على الخاص و طلب بعض البيانات مثل اسم الحديقة و المنطقة الي فيها الحديقة و حاولت الرد عليه لكن للأسف تطلع لي رساله ان للرد على البريد الخاص لازم يكون عندي 50 مشاركه.
مادري اذا ممكن اذكر اسمه الحديقة والمنطقه الي فيها الحديقة و اسم الشركه الي تابع لها السكيورتي هنا او لا ياليت حد يفيدني في الموضوع لان ممكن حد من الأخوه او الأخوات يمكن يأخذ اجراء او تصرف ضد السكيورتي.

أختي إذا تحبين ممكن تكتبين موضوع في قسم التواصل مع الادارة تذكرين فيه اسم الحديقة والمنطقة والشركة التابع لها السيكيوريتي
واسم العضو اللي طلب المعلومات عالخاص عشان نوصلها له

[معماري قطري]

بيض الله وجهك اخوي جنيوس
وقواك الله


يالربع سألت واحد عن العضيد قال شغلهم يعالجون المدمنين
مالهم شغل في قضية تحرش

زين بكل سهولة يوجهون المشتكي أو يحولونه من عندهم للجهة المختصة .. كلهم جهات أمنية وهذا واجبهم

[معماري قطري]

أكيد معالي رئيس مجلس الوزراء ووزير الداخلية ما يرضى بهالأُمور وبيتدخل .. صراحة آلية الشكوى معقدة وسبق وتواصلت مع مكتبه بخصوص عدة شكاوي وكلمني واحد صراحة غريب الأطوار .. يقول جيت ولا حصلت شكوى من اللي تقولهم ووين المكان .. وانا مطرش خريطة واضحة من قوقل ايرث شارح عليها كل شيء

[aloosh]

العضيد مو جهه امنيه مفروض هي بدورها تتواصل معا الشرطه ولا ايش دور الجهات الامنيه اذا كل واحد بيقط المشكله للاخر مفروض تكون مترابطه معا بعض
هذا الطفل الله حطه بعيونك والاطفال الباقين

وجزاك الله خير

[العقل المدمر]

اختي الكريمة برونزية

اذا كان الموقف حصل فعلا مثل ماتقولينه بتفاصيله فأقول لج :

والله انج بنت اجواد وكفو عليج
موقفج اسمحي لي أقول لج انه (رجولي)
بيض الله ويهج وويه من جابج


مع اني كنت أتمنى بصراحة لو رحتي المركز وبلغتي باللي شفتيه ، لكن مااقدر الومج انج ماسويتي هالشي لان اللي سويتيه والحق ينقال هو الصح وقمتي بالواجب

الله يكثر من امثالج


يعني اذا تبون تذمون الريال تشبهونه بالمرا
واذا تبون تمدحون المرا تشبهونها بالريال
ظلم .. عنصرية :(

[غريب الدّار]

يعني اذا تبون تذمون الريال تشبهونه بالمرا
واذا تبون تمدحون المرا تشبهونها بالريال
ظلم .. عنصرية :(
لا :)

التشبيه يكون بصفة معينة مثل لما نقول عن شخص انه ذيب
هل نقصد انه حيوان ؟ لا طبعا
نقصد صفة في الذيب ، ممكن تكون الشجاعة او الجرأة او الفطنة مثلا

وبعدين يالعقل المذمر من قال لج اذا نبي نمدح المرأة نشبهها بالريال دايما؟

مثلا :
هل المسترجلة مدح ؟ :)


التشبيه طال عمرج يكون بصفة في المشبه به (سواء مدح او ذم ) يعني مب شرط دايما مدح ، وهالشي يبين في سياق الكلام وثنايا الحوار
يعني استعارة تصريحية


والسموحة على الخروج عن صلب الموضوع لكن هاذي العقل المدمر لازم نرد عليها لاتدمرنا :ok:

[brwnzya]

السلام عليكم و رحمه الله و بركاته.*
جزاكم الله الف خير جميع و ربي مايرويكم مثل هي المواقف يارب.
و شكر خاص للاخوه الي عرضوا مساعدتهم و طلبوا اسم الحديقه و المنطقه الي فيها الحديقه
و ارسلت في قسم التواصل مع الاداره
اسم الحديقه و المنطقه و الشركه الي يتبع لها السكيورتي
و اسماء الاخوان الي عرضوا مساعدتهم عشان توصل لهم البيانات
و جزاكم الف خير جميع الف شكر لكم و في ميزان حسناتكم يارب.