المساعد الشخصي الرقمي

مشاهدة النسخة كاملة : ::: استفسار: موافقة بلدية الظعاين المبدئيه على الخرائط؟ :::


إعلامي قطر
30-12-2016, 09:50 AM
..

بسم الله الرحمن الرحيم..


صباحكم خير وبركه..

عندي شخص قاعد يعااااني مع بلدية الظعاين بخصوص
الموافقات المبدئيه للخرايط وصار له أكثر من أربع شهور
مراجعات معاهم بدون أي نتيجه تذكر رغم إن مخالفاته
بسيطه جداً مقارنةً بالاستثناءات إللي ماخذينها غيره
وأيضاً عنده مبررات منطقيه جداً لطلباته البسيطه..

وحسب مافهمته إن المدراء السابقين في هذي البلديه
القحطاني وآل خليفه والنعيمي كانوا متعاونين
جداً مع أهل قطر أما الإداره الجديده إللي
مسكت في الصيف فلا تعليق !

ممكن نصيحه وشو ممكن يسوي أو يرفع موضوعه
لمن وممكن تعطوني أسماء لأشخاص أو على الأقل
مسمياتهم الوظيفيه بالوزاره عشان يراجعهم؟

وهل يقدم شكوى بخصوص البهدله إللي تبهدلها
أو فقط يقدم طلب بالشغلات المطلوبه وخلاص؟

ممكن نصيحه جزاكم الله خير..

تحياتي للجميع

..
معماري قطري
30-12-2016, 01:15 PM
لو الوضع متأزم على شغلات بسيطة يشوف مدير التخطيط أو الوزير

ولو ملاحظات يقدر يعدلها بسهولة يعدلها ويحاول هو يقابل المهندس ليعتمد على الاستشاري
إعلامي قطر
30-12-2016, 01:43 PM
لو الوضع متأزم على شغلات بسيطة يشوف مدير التخطيط أو الوزير

ولو ملاحظات يقدر يعدلها بسهولة يعدلها ويحاول هو يقابل المهندس ليعتمد على الاستشاري

من هو مدير التخطيط يالخبير ووين مكتبه؟

..
blueZircon
30-12-2016, 02:11 PM
بلدية الظعاين من اصعب البلديات اللي تقدر تاخذ منها استثناءات. وايد مشددين على موضوع الارتدادات ومساحات البناء المسموحه مقارنه بالبلديات الاخرى. بس ماتوقع انهم يوقفون الموافقات المبدئيه على الخرايط, انا مريت بتجربه معاهم خلال الشهرين اللي راحوا, خذت تقريبا شهرين لانهاء كافة الاجراءات. انا نصيحتي انك تعدل على الخرائط بما يتوافق مع شروطهم, لانه الاستثناءات الكبيره صعب جدا تحصل عليها موافقه. ممكن يمشوون موضوع ان البنتاهاوس بنائه يكون بمساحة 40% من مساحة الدور الاول, بس انك اكثر من جذي صعب جدا, هذا مثال وقيس عليه باقي الشروط.
سعود.
30-12-2016, 02:56 PM
البلدية

لما تراجعهم يحسسونك ان الارض لهم
وبناء البيت من فلوسهم . انا معهم في موضوع اشتراطات الدفاع المدني في الارتدادات . وتجميل والواجهات
اما الباقي مجرد تعقيدات .
معماري قطري
31-12-2016, 03:39 AM
البلدية

لما تراجعهم يحسسونك ان الارض لهم
وبناء البيت من فلوسهم . انا معهم في موضوع اشتراطات الدفاع المدني في الارتدادات . وتجميل والواجهات
اما الباقي مجرد تعقيدات .

شفت تصاميم يابانية الارتداد حول نص متر بس للتمديدات عندنا ما ادري ليش معقدين .. وأصلاً فكرة الارتداد علشان محد يطل في حوش الجار
معماري قطري
31-12-2016, 03:41 AM
من هو مدير التخطيط يالخبير ووين مكتبه؟

..

كان القحطاني وكأنه تغير

الله يعين رفيجك يبي له هجوم مباشر وزيارات كم مرة خله يحاول لو استثناءاته منطقية
بوخالد911
01-01-2017, 10:41 PM
الله يسهل أمورك.
عايش فرحان
02-01-2017, 09:14 AM
الله يعينك اخوي .. و الحمدلله انك بعيد عن بلدية ام صلال .. ام صلال أشد بمراحل..
إعلامي قطر
19-02-2017, 11:51 PM
البلدية

لما تراجعهم يحسسونك ان الارض لهم
وبناء البيت من فلوسهم . انا معهم في موضوع اشتراطات الدفاع المدني في الارتدادات . وتجميل والواجهات
اما الباقي مجرد تعقيدات .

هههههه