من جرب الخروف الأردني

[فريج النجادة]

اخواني واخواتي منتدى اسرتي وأحبتي

السلام عليكم ورحمة الله وبركاتة

من جرب الخروف الأردني

وما هي افضل الإعمار والأوزان

ولكم جزيل الشكر

[كشمه]

الخروف الأردني الله يعز النعمه
لكن رايي وايد عرد وفيه صنه
جنك تاكل حطب
بالنسبة لي مافي بديل للنجدي او السوري

[بوحارب]

ممتاز اخوي ومن احلى ما يكون طبعا اذا كانت طريقة الطبخ بيرفكت

ولاتنسى ان الخرفان المدعومة السنة اللي راحت كانت كلها خرفان اردنية

وشرينا منها وكانت ممتازة

وبكل تأكيد مب نفس الخروف السوري وهو الأحلى والألذ وجوعتنا على الصبح

[ضوى]

ماعجبني كلش الاردني طعمته مب حلوة

حاليا استخدم بلغاري بصراحة شي عجيب ، لحمته طرية ومافيه ريحة ومافيه دسم وايد

[غريب الدّار]

الأردني = السوري




نص اللي يقول لك الفرق يقوله بناء على الاسامي فقط ، ولو تطبخ له طبخة سنعة استحالة يعرف يفرّق


مراعي الأردن وسوريا تقريبا متشابهة في أمور كثيرة

التفرقة صعبة جدا جدا جدا


لو تقول لي سوري وسوداني ممكن اقول لك نعم
سوري ونيوزلندي مثلا ممكن اقول لك نعم
سوري واسترالي ممكن اقول لك نعم

لكن سوري واردني :) قالوا صفوا صفين قالوا احنا اثنين

اهم شي الطباخ يكون يعرف شغله
وهني وعافية مقدما

[@north_star@]

الأردني = السوري




نص اللي يقول لك الفرق يقوله بناء على الاسامي فقط ، ولو تطبخ له طبخة سنعة استحالة يعرف يفرّق


مراعي الأردن وسوريا تقريبا متشابهة في أمور كثيرة

التفرقة صعبة جدا جدا جدا


لو تقول لي سوري وسوداني ممكن اقول لك نعم
سوري ونيوزلندي مثلا ممكن اقول لك نعم
سوري واسترالي ممكن اقول لك نعم

لكن سوري واردني :) قالوا صفوا صفين قالوا احنا اثنين

اهم شي الطباخ يكون يعرف شغله
وهني وعافية مقدما

:victory::victory: كلام صحيح وبطبيعة الحال ريحة اللحم البلدي غير عن الاسترالي والنيوزلندي

[ساراام]

الاردني زين بس وينه

كله غش يقولك اردني ويطلع شي ثاني

قبل كم سنه كنت اخذ الاردني حجم صغير من احلى مايكون

بس حاليا غش

[سهم ماينزل]

الأردني = السوري




نص اللي يقول لك الفرق يقوله بناء على الاسامي فقط ، ولو تطبخ له طبخة سنعة استحالة يعرف يفرّق


مراعي الأردن وسوريا تقريبا متشابهة في أمور كثيرة

التفرقة صعبة جدا جدا جدا


لو تقول لي سوري وسوداني ممكن اقول لك نعم
سوري ونيوزلندي مثلا ممكن اقول لك نعم
سوري واسترالي ممكن اقول لك نعم

لكن سوري واردني :) قالوا صفوا صفين قالوا احنا اثنين

اهم شي الطباخ يكون يعرف شغله
وهني وعافية مقدما

100 %

[بعيد النظر]

ممتااز ولا في عقبه ..
بس تعامل مع قصاب امين !

[فريج النجادة]

ما قصرتو يا الربع

بس فية شق ثاني من الاستفسار محد رد علية

وهو افضل الإعمار والأوزان

وكل ما كان أصغر في السن واكبر في الحجم كان افضل

ما هو افضل عمر مع الوزن ؟

ولكم جزيل الشكر

[بوحارب]

أفضل عمر بو 8 شهور

خذ لحم يطيب الخاطر هههههه

[فريج النجادة]

https://www.youtube.com/watch?v=XZroZ95ukrE

تقرير رائع عن معرفة الخروف الانواع والاعمار

[بوخالد911]

الأردني طعمه قريب من السوري
أعطيه 7/10

مووفق.

[بوخالد911]

ماعجبني كلش الاردني طعمته مب حلوة

حاليا استخدم بلغاري بصراحة شي عجيب ، لحمته طرية ومافيه ريحة ومافيه دسم وايد
أول مرة ادري ان في بلغاري بقطر

[سهم طايح]

مثل ما قالوا بعض الاخوان
الاردني اخو السوري

[فريج النجادة]

أول مرة ادري ان في بلغاري بقطر

موجود في الجمعيات ممتاز ولا يعلا علية سعرة فوق الخمسين ولكن يستاهل

[وليف الشوق]

انصح اللي ياخذ خروف اردني مايتجاوز عمره شهر وفوق هالعمر كلش ماانصح

[qatarman8008]

فيه مزارع محلية يربون فيها خرفان سورية..
اشوفها افضل من اللي في السوق..

[بوخالد911]

فيه مزارع محلية يربون فيها خرفان سورية..
اشوفها افضل من اللي في السوق..

وحتى في بعض العزب

[حمد 2002]

شريت لي خروف اردني مال شركه ودام ب ظ©ظ¥ظ* ..

بس للحين ماكليته

[ولد العرب]

شريت لي خروف اردني مال شركه ودام ب ظ©ظ¥ظ* ..

بس للحين ماكليته
ههههههههههههههههه وين شنبك يامعيض عطها العين الحمراء وخلها تسنع لك فطور غداء عشاء :anger1:

[فريج النجادة]

فيه مزارع محلية يربون فيها خرفان سورية..
اشوفها افضل من اللي في السوق..

الكل يقول فيه مزارع

بس وين هذة المزارع ؟

[ولد العرب]

الكل يقول فيه مزارع

بس وين هذة المزارع ؟

اعتقد يقصدون مرزعة بلدنا ذي نااااااااار طلي ب 1200 سلاماااااااااات

[غريب الدّار]

طيب عطنا من خبرتك ياولد العرب :
هل تشوف فعلا ان في فرق بين الأردني والسوري؟ :)

ولا بس مجرد اسامي ؟

[حمد 2002]

طيب عطنا من خبرتك ياولد العرب :
هل تشوف فعلا ان في فرق بين الأردني والسوري؟ :)

ولا بس مجرد اسامي ؟

انا من خبرتي الامر متوقف على الطباخ ..

سواءا استرالي ولا سوري ولا اردني ..

الطباخ وشطارته ...


تحياتي ..

[غريب الدّار]

انا من خبرتي الامر متوقف على الطباخ ..

سواءا استرالي ولا سوري ولا اردني ..

الطباخ وشطارته ...


تحياتي ..

معاك ياحمد
بالنسبة للسوري والأردني مافي فرق أصلا

لكن بغيت اشوف راي ولدا لعرب لاني خابر ان له فس هالسوالف

[ولد العرب]

طيب عطنا من خبرتك ياولد العرب :
هل تشوف فعلا ان في فرق بين الأردني والسوري؟ :)

ولا بس مجرد اسامي ؟
ارحب ياغريب الدار انت الحاجب ماتعلى عليه العين

ابد مستعد اذبح لك اردني واطبخه بالبيت اتحدى اي واحد يقولي انه اردني مافيه فررق ابدا
ودايما اخذ الاردني مابين 750 لين 900 ولا يتعداى السعر
الاردني يصلح ودام وثلاجه ومفطح للضيوف ولا به اي عذروب لحم طيب طيب وابيض

رحت للسعوديه والربع هناك عقليتهم نفس اللي عندنا شريت لي خروف اردني وقطعته وطبخنا في البر كشته والربع ياسلام ياحلو لحمته يالله زبده ومادري من ذى الاطراء

قلت لهم ذا الاردني مهب سوري فقط اختلاف اسماء لا اكثر ولا اقل

[ولد العرب]

انا من خبرتي الامر متوقف على الطباخ ..

سواءا استرالي ولا سوري ولا اردني ..

الطباخ وشطارته ...


تحياتي ..

شيل الاسترالي من القائمه لوسمحت ههههههههههههههههههههه

[ولد العرب]

معاك ياحمد
بالنسبة للسوري والأردني مافي فرق أصلا

لكن بغيت اشوف راي ولدا لعرب لاني خابر ان له فس هالسوالف

رحت بيوت ناس وذبايح سوريه ولكن ماتبلع استغفر الله
مثل ماقلنا على طباخ
وبعدين حتى البربري حلووو :eek2:

[حمد 2002]

ارحب ياغريب الدار انت الحاجب ماتعلى عليه العين

ابد مستعد اذبح لك اردني واطبخه بالبيت اتحدى اي واحد يقولي انه اردني مافيه فررق ابدا
ودايما اخذ الاردني مابين 750 لين 900 ولا يتعداى السعر
الاردني يصلح ودام وثلاجه ومفطح للضيوف ولا به اي عذروب لحم طيب طيب وابيض

رحت للسعوديه والربع هناك عقليتهم نفس اللي عندنا شريت لي خروف اردني وقطعته وطبخنا في البر كشته والربع ياسلام ياحلو لحمته يالله زبده ومادري من ذى الاطراء

قلت لهم ذا الاردني مهب سوري فقط اختلاف اسماء لا اكثر ولا اقل

950 شريته من شركه ودام ..

شريت 4 ..

بس مادخلت داخل الحضيره للأختيار ..

لاني اخاف من قرونهم واخاف ينطحوني ..

خليت العامل يختارلي وقلت له ابي خروف زين رجل زين ضروس زين عمر زين ..


وتالي حملتهم بالموتر ..

وناديتلي جزارين للبيت وذبحوهم وقطعوهم للثلاجه ..

[غريب الدّار]

ارحب ياغريب الدار انت الحاجب ماتعلى عليه العين

ابد مستعد اذبح لك اردني واطبخه بالبيت اتحدى اي واحد يقولي انه اردني مافيه فررق ابدا
ودايما اخذ الاردني مابين 750 لين 900 ولا يتعداى السعر
الاردني يصلح ودام وثلاجه ومفطح للضيوف ولا به اي عذروب لحم طيب طيب وابيض

رحت للسعوديه والربع هناك عقليتهم نفس اللي عندنا شريت لي خروف اردني وقطعته وطبخنا في البر كشته والربع ياسلام ياحلو لحمته يالله زبده ومادري من ذى الاطراء

قلت لهم ذا الاردني مهب سوري فقط اختلاف اسماء لا اكثر ولا اقل
:app2:

[غريب الدّار]

رحت بيوت ناس وذبايح سوريه ولكن ماتبلع استغفر الله
مثل ماقلنا على طباخ
وبعدين حتى البربري حلووو :eek2:
البربر عاد؟؟من صجك ؟

[بوحارب]

يالربع خاطري اشتري استرالي بس اخاف اتوهق فيه

للعلم لما نطلب وجبات من المطاعم يكون الطعم ولا اروع

بس هل يا ترى طباخ البيت بيكون نفس الشي

i dont think that :(

[ضوى]

جرب تاخذ الاسترالي من مواشي ذبح محلي والله يا انه سويته لمناسبة عندي محد عرف انه استرالي ماشاء الله لحمته تجنن ولا صدقوا انه استرالي

[بوحارب]

جرب تاخذ الاسترالي من مواشي ذبح محلي والله يا انه سويته لمناسبة عندي محد عرف انه استرالي ماشاء الله لحمته تجنن ولا صدقوا انه استرالي

ما شاء الله

ايه يمدحونه واجد وخصوصا سعر الكيلو رخيص 14.5 ريال

عيل عشا الربع في العزبة هالويكند استرالي محلي والله يبغي يروح كنتاكي هههه

تسلمين ضوى

[حمد 2002]

ما شاء الله

ايه يمدحونه واجد وخصوصا سعر الكيلو رخيص 14.5 ريال

عيل عشا الربع في العزبة هالويكند استرالي محلي والله يبغي يروح كنتاكي هههه

تسلمين ضوى



بودام ب 350. تقريبا ..


برسل لك لوكيشن بيتنا ارسل لنا المقسوم

[حمد 2002]

جرب تاخذ الاسترالي من مواشي ذبح محلي والله يا انه سويته لمناسبة عندي محد عرف انه استرالي ماشاء الله لحمته تجنن ولا صدقوا انه استرالي

بكم يطبخونه المطابخ ؟ ولا طبخ بيت ..

[ضوى]

طبخ بيت

[بوحارب]

بودام ب 350. تقريبا ..


برسل لك لوكيشن بيتنا ارسل لنا المقسوم

بطرش لك لحم قطاوه هههههه

[النهار]

بطرش لك لحم قطاوه هههههه

انا بطلب له لحم من مصر يستاهل معيض

[النهار]

يالربع خاطري اشتري استرالي بس اخاف اتوهق فيه

للعلم لما نطلب وجبات من المطاعم يكون الطعم ولا اروع

بس هل يا ترى طباخ البيت بيكون نفس الشي

i dont think that :(

الاسترالي المحلي او المستورد ممتاز مافيه ازفره كلش

[حمد 2002]

طبخ بيت

ماشاء الله ..

[حمد 2002]

بطرش لك لحم قطاوه هههههه

انت البخل ذابحك هه

مامنك فايده ..

[فريج النجادة]

جرب تاخذ الاسترالي من مواشي ذبح محلي والله يا انه سويته لمناسبة عندي محد عرف انه استرالي ماشاء الله لحمته تجنن ولا صدقوا انه استرالي

اغلب المطاعم في قطر 99,99 % يستخدمونة

ويقدمونة لناس حتى المطابخ

بعضهم يقولك سوري وياخذ عليك 1500 ريال قيمة الخروف

وهو دافع في الخروف 350 ريال ويحط عليك 300 ريال طبخ

يساوي 1800 ريال المطبخ ربحنا من وراك 1500 ريال في الذبيحة

[ضوى]

الاسترالي المحلي او المستورد ممتاز مافيه ازفره كلش


اتفق معاك

[بوحارب]

انا بطلب له لحم من مصر يستاهل معيض
يستاهل معيضوه هههه




الاسترالي المحلي او المستورد ممتاز مافيه ازفره كلش
المشروع الجاي شراء خروف استرالي هههههههه


انت البخل ذابحك هه

مامنك فايده ..

خلاص النهار بيعطيك لحم حمير من مصر لاتصيح علينا

[حمد 2002]

حمار يرفسك انت وعكرمه ..

[بوحارب]

النهار لاتنسى تجيب له راس الحمار

ترا معيض يعشق لحمت الراس ههههههههههههههه

[فريج النجادة]

اتصلت في شركو ودام 8000056

وقلت لهم ابي خاروف اردني صغير وزنة 15 كيلو

و قطع اللحم على كبر كف اليد

وفي كل صحن حط لي كيلو لحم

صراحة ترتيب جميل من جميع النواعي

والنظافة والتقطيع والصحون كل شي حطة لي

حتى الكوارع والكرشة والراس وشفل الخروف

والطعم حدث ولا حرج فوق الممتاز

[فريج النجادة]

والسعر الف ريال مع التوصيل

[عاشق العديد]

الي بسوق يبيعون الإيراني ع انه اردني ..

ونفس الشي الأردني يبيعه ع انه سوري ..

فصعب تصيد لك واحد الا شخص تتعامل معاه من زمان وبذمه ..

عن نفسي جربت الإيراني كلته مره كان لذيذ والأردني كذالك ..

مافي فرق بينه وبين سوري .. لكن يضل السوري الأصلي فنان ولحمه غير

[وليف الشوق]

جرب تاخذ الاسترالي من مواشي ذبح محلي والله يا انه سويته لمناسبة عندي محد عرف انه استرالي ماشاء الله لحمته تجنن ولا صدقوا انه استرالي

والله ياضوى كلش مو مقتنع في الاسترالي او اني اطبخه ومستحيل اشترية حتى بالكيلو

[فريج النجادة]

والله ياضوى كلش مو مقتنع في الاسترالي او اني اطبخه ومستحيل اشترية حتى بالكيلو

عندك مطابخ الدوحة يسوي لك استرالي وسوري

تاخذ صحون صغيرة لشخص واحد فقط

اطلب الاثنين وجرب الفرق بينهم

[Bo jassim 33]

اذا للعزايم خذ البلدي الاردني او السعودي لان السوري مب متوفر علشان البرستيج والجفن


اما اذا للبيت وطباخ البيت اليومي : خذ استرالي من 8 الى 14 كيلو وعليك بالطباخ

[فريج النجادة]

اذا للعزايم خذ البلدي الاردني او السعودي لان السوري مب متوفر علشان البرستيج والجفن


اما اذا للبيت وطباخ البيت اليومي : خذ استرالي من 8 الى 14 كيلو وعليك بالطباخ

انا أمس شريت استرالي من مواشي

وزنة 18 كيلو ولا حصلت اصغر

نجرب ونعطيكم النتيجة

[فريج النجادة]

انا أمس شريت استرالي من مواشي

وزنة 18 كيلو ولا حصلت اصغر

نجرب ونعطيكم النتيجة

طبعآ الاسترالي يحتاج الى طبخ خاص

يحتاج الى ان يطبخ على الناس لمدة ساعة

ثم يكب الماء

ثم يحط اللحم في ماء جديد على النار لمدة ساعة

ثم يكب الماء

وبعد ذالك يكون جاهز للطبخ وبشكل ممتاز

جربناة في المكبوس و الملوخية و المرقوق ممتاز نعطية 8 من 10

[ذكي جدااا]

ليش ماتشترون بلدي من بعض العزب بالشمال. انا اتعامل مع بعض اصحاب العزب شي بلدي وطعم ولا اروع

[ولد العرب]

ليش ماتشترون بلدي من بعض العزب بالشمال. انا اتعامل مع بعض اصحاب العزب شي بلدي وطعم ولا اروع

مرحبا اخوي
ايش معنات بلدي

اي شي قاموا بتربيته بقطر
استرالي
اردني
سوري
ايراني

لما اروح السوق الغنم يحلف علي انه بلدي ويطلق ب3 :eek5:
واقوله لوسمحت ايش نوعه بالضبط عارف انه بلدي بس قولي ايش نوعه هنا يبداء يتلعثم وانا عارف انه اردني
انتبهوا من كلمه بلدي

[ذكي جدااا]

مرحبا اخوي
ايش معنات بلدي

اي شي قاموا بتربيته بقطر
استرالي
اردني
سوري
ايراني

لما اروح السوق الغنم يحلف علي انه بلدي ويطلق ب3 :eek5:
واقوله لوسمحت ايش نوعه بالضبط عارف انه بلدي بس قولي ايش نوعه هنا يبداء يتلعثم وانا عارف انه اردني
انتبهوا من كلمه بلدي

كلامك صحيح. بس غير لما تعرف عزبه وتعرف راعيها اكيد بتعرف شنو النوع. انا مااتكلم عن اللي بسوق الغنم. حتى لحم العجول نفس الشي اجيب من مزارع او عزب بقطر وماشاء الله اللحم والطعم يفرق.

[لبيبة]

كلامك صحيح. بس غير لما تعرف عزبه وتعرف راعيها اكيد بتعرف شنو النوع. انا مااتكلم عن اللي بسوق الغنم. حتى لحم العجول نفس الشي اجيب من مزارع او عزب بقطر وماشاء الله اللحم والطعم يفرق.

ممكن تقول لنا عن المزارع اللي تبيع العجول؟

[فريج النجادة]

مشكلة اصحاب المزارع ما عندهم اعلانات وغير معروفين

ولا عندهم حتى توصيل

زد على ذالك المصداقة في نوع الخروف !!!