لوسيل

[سالي 123]

انا عندي شقة في الوسيل ابي اجرها بس سمعت الاجارات وايد اشوى شنو الافضل ابيعها ولا الاجار ابي احد يفيدنى بخبرته في هاى المجال .:shy:

[سهم ماينزل]

مكانها بالضبط ومواصفاتها يحدد الامر

[sanad81]

دام المغامرة بالشراء صارت و صارت .. لا أنصحك بالبيع ابدا.
أنصح بالسعي في تأجيرها و ان شا الله بيجي المستأجر حتى لو تأخر.

حاليا على موقع قطر بروبيرتي فايندر تقدرين تشوفين المعروض..
عدد 25 ستديو بأسعار من 4 الى 6.5 الاف
عدد 12 شقة غرفه بأسعار من 6 الى 8 الاف
عدد 10 شقتين غرفتين بأسعار من 7 الى 10.5 الاف

السعر أكيد حسب المواصفات و المساحات و الموقع و الفرش

طبعا تذكري أن سعر العرض لا يعني سعر التأجير الفعلي و انما يعطي مؤشر بس. لاحظي أن المعروض كثير لأن المنطقة مش أي حد يرغبها الحين. بس بإذن الله الخير جاي.. الصبر الصبر

لو مكانك بسلمها أي شركة عقارات يدللون عليها.. و بهاود في السعر اذا المستأجر بيدفع مقدم أو بيوقع عقد سنتين مش سنة.

بالتوفيق

[سالي 123]

بصراحه موقعها بالنسبة لي حلو واطلالته حلوه وفيها جيم ومسبح

[ممنوع اللمس]

بالتوفيق وانصح بالانتظار لان الوسيل بعد فتره بترتفع جدا