المطبخ الامريكي

[HSMK]

السلام عليكم ورحمة الله وبركاته
ياجماعه حد منكم تعامل مع المطبخ الامريكي
الي بطريق سلوى عند جسر مدماك لان ناوي اسوي مطبخي الداخلي
عنده لان نوعية الخشب الي عارضها بالمحل روعه
ولكم جزيل الشكر

[HSMK]

للرفغ

[معماري قطري]

ما عندي فكرة بس لو عاجبك المعروض رتب عقدك وخذ عينات ورسومات دقيقة وتابع التنفيذ وحاول تخلي الدفعة الأخيرة كبيرة

[HSMK]

الله يعطيك العافيه على الرد اخوي
بصراحه عاجبني المعروض حيل بس مدري عن سمعة المحل لهذا سالت اذا حد مسوي عندهم
والمشكله حتى لو العقد دقيق والخ لكن بالنهايه لو بغوا يلفون ويدورون مع الزبون ماتقدر لهم
الله يعطيك العافيه اخوي

[معماري قطري]

الله يعطيك العافيه على الرد اخوي
بصراحه عاجبني المعروض حيل بس مدري عن سمعة المحل لهذا سالت اذا حد مسوي عندهم
والمشكله حتى لو العقد دقيق والخ لكن بالنهايه لو بغوا يلفون ويدورون مع الزبون ماتقدر لهم
الله يعطيك العافيه اخوي

خلك من السمعة الأهم العقد الواضح والعينات .. حتى لو تشتكي عليه يطلع حقك بسهولة لو خالف

بعض المحلات المعروض عندهم غير واللي يوفرونه لك يكون عن طريق ناس غير ورخيص عليهم ويبيعونك غالي لكن لو عقدك واضح بيحسبون لك ألف حساب وخصوصاً الدفعة الأخيرة والعينات اللي عليها ستكر موقع ومكتوب رقم العقد وتاريخه .. يعني هذا الستكر تابع للعقد

[(عبدالله)]

انا تعاقدت معاهم في شغلتين:

(1) المطبخ الداخلي

(2) بانتري.

بخصوص المطبخ الداخلي موادهم ممتازة وتركيبهم للمطبخ الخشبي والأجهزة ممتاز.
حاول تقاصصهم في السعر لأن أسعارهم عالية.
واجهتني معاهم مشكلتين: في العقد مذكور ان مب من اختصاصهم أعمال الماء والكهرباء والصرف.. هم بدورهم ممكن ينسقون مع الكهربائي والبايفيتر أماكن نقاط الكهرباء والماي والصرف... تخيل 4 مرات عطوني تغييرات في أماكن هالنقاط وفي النهاية طلعت غلط!! .. مثلاً نقطة كهرباء لتشغيل الميكروويف طلعت في مكان تلاقي زوايا الكبتات وبالتالي ما تقدر تشبك على السوكيت أي شي!!.. ارتفاع مستوى بيبات مصدر الماي والصرف للمغسلة طلعوا وايد فوق في النهاية جبت بايفيتر ينزلهم لي بعد ماركبوا!!

المشكلة الثاني.. انهم أحيانا يستغفلونك.. مثلاً في العقد مذكور انك دافع لمروحة الشفط اللي فوق الفرن أو عدد معين من الكراسي أو موديل معين للمقابض... عادي يطنشون او يحطون موديلات ثانية من عندهم.. اذا ما تابعت معاهم يستغفلونك.

أما البانتري... فارتكبوا معاي خطئين فادحين... حسب العقد يتم تركيب رخام طبيعي دارك امبارادور.. الرخام الطبيعي مب من اختصاصهم ولا عندهم تعامل معاهم.. فتعاقدوا مع مصريين يركبون لي.. ركبوا نفس القطعة 4-5 مرات وانا ارفض الاستلام لانهم كانوا يجيبون رخام مرقع.. + العمالة اللي نفذت مب عمالهم من شركة ثانية الظاهر اول مرة يشتغلون او شغل مصاروة... هذا الخطأ الأول وهو جودة التوريد والتركيب..
الخطأ الثاني لما استدعيت مديرهم السوري راعي المحل رويته الأخطاء وعطاني وعود محددة واطار زمني محدد.. طنشني ولا صار يرد عالتلفونات ولا راضي يعوضني.. مع انه طول فترة التعامل كان لبق ومحترم في الكلام لكن وقت تحمل الخسارة طلع معدنه كحال غيره والله المستعان

للأمانة خدمة ما بعد البيع عندهم ممتازة في اختصاصهم.. ممكن يرسلون لك النجار ويجيك على الخشب والتركيب والمفصلات.. لأن اختصاصهم وحدود عمل العمالة اللي عندهم.

اسف على الاطالة والاسهاب

والله يوفقك