وبعدين يالمرور شوفوا دورياتكم

[ابوالعبد]

السلام عليكم والرحمه الله وبركات

المرور مشدد بالمخالفات ومافي تفاهم او مايكلمونك ولا ينزل لك من دوريه عطول يخالف ورساله تجي من مطراش عليك مخالفه يا اخوان قله المواقف مب ذنبي ليش مافيه مواقف واجد يعني شنو ذنبي اتخالف عشان كرك بريال والمشكله لا مسوي اعاقه للطريق ولا شي الغرامه 500ريال اي نعم اعترف غلطان بس مب معقوله شدعوه هل هالمخالفه تستحق غرامه طيب تعال كلمني نبهني انزل من دوريه قولي امش بس تبي تخلص دفترتك والله تعكر مزاجي المرور بدال ماينبهه يخالف عطول عندنا واكثرهم من جنسيات مختلفه عالعموم اسموحه طولت عليكم بس شي يضايق

[مستثمر رشيد]

اعذرني يا خوي تراك غلطان .... انا اعاني فترة المساء بالذات من المرور داخل محطة دحيل للبترول والسبب تجمع هالشباب على هالكرك .... دون أدنى مراعاة للسيارات الأخرى وحقها في المرور .....

[ساراام]

فعلا احيانا الشباب يتجمعون ويسببون زحمه

حاول تصف ف باركن او خذ الطلب ع السريع وحرك

عموما ياليت لو الشرطي ينبهك قبل المخالفه

اعتقد ف امريكا اذا شافك الشرطي متعاون ومعترف بغلطتك ممكن يكتفي بانذار

[ابوالعبد]

انا غلطان ماقلت لا بس خل يسون باركينات او علي الاقل يجي شرطي يوريني ويهه مب يخالفني بدون ما ادري من الي خالفني وشي ثاني ينبهني يقولي حرك ترى كلنا نسافر ماعمره احد يخالف جذي بالخفيه شدعوه القصد نبهني قولي حرك ولا بخالفك

[ابوالعبد]

يا اخوان القصد ليش ماينبهني ولا بس يبي يخلص الدفتر ولا يمكن رقمي رباعي مميز قال هذا عنده فلوس وايد خل اخالفه سريع سريع

[الرايــق]

الله يعينك
تذكرت شارع النصر التجاري نص الشارع زحمة بس عند التي تايم

[MAZEN37]

ابوالعبد احمد ربك ما جاك عرقلة سير وحزام

[ابوالعبد]

^^^ الحمدالله علي كل حال بس القصد ليش مايجي يكلمني ويقول حرك ولا بخالفك ليش يخالف بالخفيه ولا هو تحريات ولا شي مخالفه مروريه من شرطي القصد وين التوعيه المروريه شدعوه ادفع فلوس عقب توعيه

[شيخ الديرة]

حان الوقت لوقف تجديد رخص المحلات والاسواق التي يتكرر فيها المخالفات

[وليف الشوق]

اخوي ابو العبد شفيك ياخوي ماسك علينا كلمة (( ليش مايجي الشرطي يكلمني ) وترددها كثير ؟
انت دامك سائق مالك حجه دام انك تعرف القانون ومعترف بخطاك !! والشي الثاني لو بسألك هل انت مقتنع بالزحمة اللي صايرة قدام محلات الكرك ؟
تدري ان هالزحمة مسببة ضيق على كثير من السائقين ؟ تدري اني عندي محل معين اروح له بشكل مستمر وعشان اخذ حاجتي من هالمحل اعاني من زحمة السيارات ومشاكل وازعاج واللي واقف سيارته بالغلط واللي واقف بنص الطريق واللي معرقل الشارع كله !! وفوق هذا قاعد تشتكي وتقول مالي ذنب

[احبك يابلد]

اخوي ابو العبد المفروض يكون الالتزام من داخلنا ولا نتظر شرطة المرور تخالفنا هذا قبل لا يكون مطلب وحق للمجتمع وسلطة المرور يجب عليها حماية هذا الحق
ترى واجب ديني بارك الله فيك الطريق للجميع وشرطة المرور وجبها ان يكون صالح لاستخدام الجميع

[PathFinder]

في احدى المدن العربية تم منع خدمة السيارات لمحلات القهوة والشاي .

[غريب الدّار]

بيض الله وجه شرطة المرور والله يعينهم على المخالفات منك ومن غيرك يابو العبد

سؤال :
هل راح تعيدها الحين ؟

[qatarman8008]

اخوي الكريم صاحب الموضوع..
ارجوا انك ماتكون من هالشباب اللي يحشر العالم وراه ساعتين عشان يطلب كرك ..!!
لان هالتصرفات سببت الكثير من المشاكل بين الناس وخصوصا فئة الشباب..
اما اذا كنت بس وقفت لفترة بسيطة في مكان لا يعيق حركة المرور ولا يسبب اي مضايقات للاخرين فالمفروض ان الشرطي مايعتبرها مخالفة..

[غريب الدّار]

اما اذا كنت بس وقفت لفترة بسيطة في مكان لا يعيق حركة المرور ولا يسبب اي مضايقات للاخرين فالمفروض ان الشرطي مايعتبرها مخالفة..
يعني لو صفيت الموتر في نص الشارع في مكان لا يعيق حركة المرور ولا يسبب اي مضايقات للاخرين ودخلت البيت ونمت مثلا اخوي الساعة ثنتين تالي الليل والعالم رقود وماسببت ازعاج لحركة المرور خبرك الناس نايمين ، المفروض مايخالفوني؟

[JN000N]

ممم يصير الشرطي ياخذ مخالفه ع سيارتك بدون ما ينزل لك ؟

[qatarman8008]

يعني لو صفيت الموتر في نص الشارع في مكان لا يعيق حركة المرور ولا يسبب اي مضايقات للاخرين ودخلت البيت ونمت مثلا اخوي الساعة ثنتين تالي الليل والعالم رقود وماسببت ازعاج لحركة المرور خبرك الناس نايمين ، المفروض مايخالفوني؟

انت ليش دائما سلبي اخوي..!!
خلك ايجابي وناقش الموضوع نفسه لاتناقش الردود وتدقق فيها ..

[بوحارب]

ممم يصير الشرطي ياخذ مخالفه ع سيارتك بدون ما ينزل لك ؟

يصير وأغلب المخالفات تتم بدون ما ينزل الشرطي

بس ماعرف اذا في القانون يجوز او لا





الله يعين الجي أكس مطلوب للحجز توني مشيك عليه:confused:

[بانغ بانغ]

يصير وأغلب المخالفات تتم بدون ما ينزل الشرطي

بس ماعرف اذا في القانون يجوز او لا





الله يعين الجي أكس مطلوب للحجز توني مشيك عليه:confused:

ههههه مشاكس بوحارب

[Al-Kuwari]

مع كامل احترامي لك اخوي ابو العبد دامها مخالفه معروفة سلفاً للجميع فمن حق الشرطي ان يحذرك او يخالفك لان هذا الشي انت تدري انه مخالفه وانا ادري وهو يدري والكل يدري , فماله داعي كل مره اجي احذرك وبتمشي , يعني هل مثلا الشرطي بيجي لشخص مب رابط الحزام وبيقوله اربط الحزام وبيرفض السايق ؟ اكيد من باب المستحى اقل شي بيربط الحزام واول مايعدي الشارع بيشيله , فالقانون واضح والعقوبة واضحه ومعلنه فماله داعي انطر كل مره يجي يحذرني اذا جذي ماراح حد يربط الحزام ابداً

ولو تحط نفسك مكان الشرطي تخيل كل شوي اجي اقول لكل شخص اشوفه امش حرك السيارة وانت اربط حزامك وانت هد الجوال اللي بيدك ! بالله عليك من يستحمل كل هذا لا تقيس الموقف فقط فيك انت شخصياً انت تشوف شرطي واحد باليوم لكن هالشرطي خلال ساعات دوامه اليومي يشوف 40 و 50 مخالف غيرك ,

للمعلومية فقط انا ما اربط الحزام لكن لو جاتني مخالفة ماراح ازعل لان فعلاً انا غلطان سواء كلمني الشرطي او ماكلمني , اذا اشر لي بيده اربط الحزام فجزاه الله خير وان خالفني فمالي حق ازعل منه

[JN000N]

يصير وأغلب المخالفات تتم بدون ما ينزل الشرطي

بس ماعرف اذا في القانون يجوز او لا





الله يعين الجي أكس مطلوب للحجز توني مشيك عليه:confused:

والله ياليت حد يفيدنا ف النقطه
نبي نعرف حقوقنا
حتى لو ايينا واحد مخيس ونفسيه ويتسبب علينا نعرف شلون نتصرف معاه!
لان مب كلهم ملايكه


صبغه وركب رقم فالبيت ثاني هههههههههههه

[قطريه ماركه]

المفروض ينبهك مب على طوول مخالفة لأنك ف السيارة ما خليتها ف مكان و رحت عنها

[المرحب]

الله يعينك

[JN000N]

يعني مثلا

هذا ف السعوديه احد حقوق المخالفين ضد شرطي المرور


https://youtu.be/bl0UphO9YEA

[شيخ الديرة]

في احدى المدن العربية تم منع خدمة السيارات لمحلات القهوة والشاي .

عندهم خبير نستعيره منهم ؟؟

[بوحارب]

ههههه مشاكس بوحارب
دنا غلباااااان .... بصوت عادل امام هههه




والله ياليت حد يفيدنا ف النقطه
نبي نعرف حقوقنا
حتى لو ايينا واحد مخيس ونفسيه ويتسبب علينا نعرف شلون نتصرف معاه!
لان مب كلهم ملايكه


صبغه وركب رقم فالبيت ثاني هههههههههههه

ياريت لو يصير ههه

بس تكلفة الصبغ بتكلفي اكثر من قيمة الحجز ههههههههههههه

المهم لاتعبين نفسج وتقولين نبي نعرف حقوقنا لأن لو جت عليج مخالفة

بتدفعينها وانتي تضحكين

واذا عندج واسطة بسيطة بتطيح المخالفة طوااالي

[JN000N]

دنا غلباااااان .... بصوت عادل امام هههه



ياريت لو يصير ههه

بس تكلفة الصبغ بتكلفي اكثر من قيمة الحجز ههههههههههههه

المهم لاتعبين نفسج وتقولين نبي نعرف حقوقنا لأن لو جت عليج مخالفة

بتدفعينها وانتي تضحكين

واذا عندج واسطة بسيطة بتطيح المخالفة طوااالي

عيل بس امش عدل يحتار عدوك فيك
مال لين خالفني واحد اقوله مخالفاتي عن راتبك وادفعها وجنه العيد واحرق قلبه ههههه
بس عادي يكون بالي طويل نفس الناس الاغبياء الي تعرفهم وانشب لهم سين وجيم واقعد على كل حرف وجمله احقق وادقق هههههههه

[شيخ الديرة]

يا اخوان القصد ليش ماينبهني ولا بس يبي يخلص الدفتر ولا يمكن رقمي رباعي مميز قال هذا عنده فلوس وايد خل اخالفه سريع سريع

اعتقد الحين تم تنبيهك بطريقة لا يمكن تنساها ابداً

[eXpert*]

يا ريت يمنعون تقديم طلبات السيارات ..

الحل يا الواحد يوقف عدل في الموقف وينزل يطلب ويستلم طلبه .. بدل الزحمة والعفسة والمناحس والعمال اللي متنثرين بالشارع يتهاوشون على بخشيش الزباين .

أو يكون شرط إجباري المحل يكون له Drive Through للطلبات نفس المطاعم السريعة توقف بالدور تطلب وتستلم طلبك الشباك الثاني بانتظام .

[بوحارب]

عيل بس امش عدل يحتار عدوك فيك
مال لين خالفني واحد اقوله مخالفاتي عن راتبك وادفعها وجنه العيد واحرق قلبه ههههه
بس عادي يكون بالي طويل نفس الناس الاغبياء الي تعرفهم وانشب لهم سين وجيم واقعد على كل حرف وجمله احقق وادقق هههههههه

ههههههههههههههههه

ايه قولي للمرور وليش هذي المخالفه؟
ومن وين القانون ؟

والسيارة هذي شد شركة ولا عليها تزويد شباب هههههههه

نفس ما قلتي امش عدل يحتار عدوك فيك :)...,, هذا اللي انا مطبقة حاليا :(

[Rider]

لا تزعل ياخوي لكن الغلط غلط تاخذ كرك ولا غيره مشكله الواحد لازم ينقرص علشان يتعلم لكن اذا الشرطي بيقعد ينبه الناس ماحد بيسمع الكلام بيقول عادي مره ثانيه بكرره وشرطي بيمشيها

[ابوالعبد]

اشكركم عنفاعل يا اخوان الغلط غلط لكن ماكنت معرقل طريق ثاني شي ليش شرطي ماجالي يعني وينه شدعوه لابس طاقيه خفيه القصد من حقي انا شخص تعرضت للمخالفه يجيني مو يخالف بدون ما ادري من هو ولا هو تحريات ولا شي ممتوب بالمخالفه من دوريه يعني شرطي وشكرا عتفاعلكم يا اخوان والله يبعد عليكم المخالفات

[الدوحه1]

كل هالبلبله عشان كرك بوريال؟؟؟؟
مب مشكلة المرور ان مافي مواقف!! هاي مشكلة التخطيط العمراني؟؟؟
شرطي المرور ينفذ القانون!!
وهل "الكرك" صار من الضروريات القسوى!!! أوقف في الممنوع عشان شاي كرك؟؟؟؟

لاحظ ان المرور مايخالفون المخالفين اللي يوقفون سياراتهم في الشارع ويعرقلون السير في صلاة الجمعه لان الصلاه من الضروريات..

[JN000N]

ههههههههههههههههه

ايه قولي للمرور وليش هذي المخالفه؟
ومن وين القانون ؟

والسيارة هذي شد شركة ولا عليها تزويد شباب هههههههه

نفس ما قلتي امش عدل يحتار عدوك فيك :)...,, هذا اللي انا مطبقة حاليا :(

صدقني يتحسف عاليوم الي فكر يخالفني فيه ههههه
وعليه كسرت خاطري

[MAZEN37]

الحين المخالفات بالكاميرا تكون فوق الدوريه
اتوقع هذه الي صادتك

[جبر ال جبر]

للامانه مره كنت مب رابط الحزام وكانت دوريه ثبوت وكان رجل المرور واقف يوم شافني اشرلي بالحزام وربطته وتوقعت انه سجل لي مخالفه ولكن ماسجلها موقف مثل هذا يخليك دايمن تحترم قوانين المرور لانها في الاخير لمصلحتك وسلامتك...
اما شرطي شغال مخالفات في العالم صحيح هذا دوره ومحد ينكر عليه بس من وجهه نظري لو كل شرطي محترم سوى نفس رجل المرور الي ذكرته بالموضوع اعتقد بتخف المخالفات وايد وكاني قريت مره احصائيه مب متاكد منها انه اغلب المخالفات من المقيمين والاجانب مب من القطريين

[ابوالعبد]

احسنت جبر. هذا المقصد وبالعكس انا مخالف واستاهل المخالفه القصد مفروض يكلمني يجيني ويرشدني ويقولي امشي ممنوع الوقوف واليوم انا رحت. المرور ووشرحت الموضوع للظابط قالي كيف يخالفك وماشفته ولا جالك حتى ظابط تعجب فسويت تظلم وان شاء الله خير

[غريب الدّار]

طيب ياجماعة علموني عن القانون اللي يجبره يكلمني قبل لا يخالفني علشان اقدر احاجج أي شرطي يخالفني وانا مادري

وقواكم الله

[شيخ الديرة]

طيب ياجماعة علموني عن القانون اللي يجبره يكلمني قبل لا يخالفني علشان اقدر احاجج أي شرطي يخالفني وانا مادري

وقواكم الله

وكاميرات السرعة كيف ؟

[ahmed1111]

تراك غلطان ياخوي واهم مب لازم ينزلون يكلمون كل واحد ولو انزلوا هذا المفروض تشكره ولا عاد توقف مكان مخالف المره الجايه

[سيف الحق]

للآسف انتشرت لدى اغلب الشباب ثقافة المخالفات او اللامبالاة
وانا اكتب هالرد (واحد وقف في مكان مخالف و3مواقف
تبعد عنه 3 امتار فقط )
لا حول ولا قوة الا بالله

[مرتبش]

المرور مع الحلول السهلة.. ينزل من سيارته ويتعني يكلمك ويخالفك .. واجد تكليف بعدين

[بـن عدوان]

عاد قبل كم يوم وانا راجع البيت الظهر على خط الشمال


كان فيه باص واقف على سيد اليسار وصايرة زحمة

وانا تميت ماشي عالخط ولما وصلت عند الباص لقيت شرطي قاعد يمشّي السيد

يأشر حق الناس انه تروح يمين وتمشي وانا طبعا خذت يمين عشان اكمل وماذكر اذا ضربت هرن خفيف او لا بس انه سلمت بيدي عليه بمعنى " يعطيك العافية "

ومشيت واطالع بالمنظرة الاخ يشوف موتري وسجل الرقم بالجهاز

توني اجيك ع مطراش اجوف مخالفة عدم استخدام حزام الامان

وانا ماكنت حاطه اساسا بس شي غريب يعني العالم تمشي ولا همها وانا بس حبيت اسلم عليه

هل بس اقدر اوصل له عالملاحظة عن طريق المخالفة ؟

[كاشف الغطاء]

أو يكون شرط إجباري المحل يكون له Drive Through للطلبات نفس المطاعم السريعة توقف بالدور تطلب وتستلم طلبك الشباك الثاني بانتظام .

يارييييييت

[عنيــــد]

الرجال غلطان و معترف انه غلطان ،، لكن معترض على الاسلوب و انا اتفق معاه ،،

فيه شي اسمه روح القانون و الشرطي منا و فينا و بيكون اسلوبه احسن لو كلمني و قال لي لو سمحت انت موقف غلط .. رجاءاً حرك سيارتك ،،

في كثير من الدول يتعاملون معانا الشرطة باسلوب محبب للسائق حتى و هو يعطيك مخالفه يكلمك و يوضح لك الغلط ،،

[بوخالد911]

يفترض تنبيهك