فلل البندري من سمع عنها

[umhend]

اخواني في فلل في اخر الخيسه او روضه الحمامه

مااعرف تصنيف موقعها بالضبط هي كثيره اظنها 800 فلة اسعارها تتفاوت بين 2مليون وثمان مائه وخمسين
وتوصل لين 3 مليون ومائتين افكر اشتري واسكن ماستثمر بأيش تنصحوني هل تنفع ذيك المنطقه لاهل قطر للسكن
واذا هونت ماابي اسكن هل سهل أجرها ...مستقبل المنطقه شلون ... تعرفون احد شاري وساكن ايش يقول عنها

ياريت احد يفيدني وجزاكم الله خير

[جبر ال جبر]

عندهم في كذا مكان اي منطقه الي تقصدها اذا كنت تقصد الي في المنطقه الي يسمونها الخيسه الجديده وهي بعيده نسبيا عن الخيسه ماعرف من سمها الخيسه الجديده وهي اقرب لحلبه الوسيل وبتحديد جنوب حلبه الوسيل رحت لها من كم شهر لحد الان مافيها شوارع مابين البيوت الحين مادري اذا فيها او لا او تقصد الي بالوكره حدد المنطقه وانصحكك انت بنفسك تشوف الفلل وتشوف نوع التشطيب
دامك بتسكن

[الوسيط العقاري]

اخواني في فلل في اخر الخيسه او روضه الحمامه

مااعرف تصنيف موقعها بالضبط هي كثيره اظنها 800 فلة اسعارها تتفاوت بين 2مليون وثمان مائه وخمسين
وتوصل لين 3 مليون ومائتين افكر اشتري واسكن ماستثمر بأيش تنصحوني هل تنفع ذيك المنطقه لاهل قطر للسكن
واذا هونت ماابي اسكن هل سهل أجرها ...مستقبل المنطقه شلون ... تعرفون احد شاري وساكن ايش يقول عنها

ياريت احد يفيدني وجزاكم الله خير

كاستثمار فقط للايجار منطقه زينه كلها موظفين موجرين ف المنطقه

كاستثمار مؤقت وعقب تسكن الفيلا ما انصحك

[الشريف90]

هيه زينه نوعا ما بس على حسب المساحه انا انصح تاخذين ماساحه من 525 و فوق لان اقل من هذه المساحه راح يكون الحوش صغير و ماتكفي حتى لسياره وحده تدخل

انا ناوي ان شاء الله اشتري وحده سكن للعائله

بي في ملاحظات على الفله و المنطقه :
1- المنطقه ممكن تكون فيها عوائل من الوافدين لان اغلب الفلل ياجرونها للوافد
2- الفله فيها حوض سباحه صغير انا عن نفسي راح اكسر الحوض عشان اكبر الحوش وطبها هذا بكلف مبلغ
3- الفله تجاريه يعني تحتاج لصيانه و اعاده صبغ البيت من الخارج و الداخل
4- الحمامات غير مرتبه حسب ما انا اشوف ولكن ممكن عند بعض الناس يشوف انها مرتبه
5- مافيها شوارع لحد الان يعني رمل والله اعلم متى راح ينشؤن الشوارع
لكن ايجابياتها كثيره اكثرها موقعها الممتاز
1- قريبه من فستفل و ايكيا
2- قريبه من اغلب و اهم المراكز الولو و غلف مول و ازدان مول و لاندمارك و المول الجديد بواوبه الشمال
3- قريبه من المدارس الجديده في الخيسه ، ام صلال
4- المنطقه فيها حمعيه ميغا مارت
5- وفي جسر يربط الخيسه مع لوسيل و الجسر قريب من البندري*

عندي بعض الصور للفله اذا مسموح لي اعرضهم في المنتدى
او اطرشها عن طريق الواتس

ارجوا اني افتج في الموضوع

[الشريف90]

كاستثمار فقط للايجار منطقه زينه كلها موظفين موجرين ف المنطقه

كاستثمار مؤقت وعقب تسكن الفيلا ما انصحك

ليش المنطقه ماتنفع للعوائل القطريه؟ و شنو السبب

[umhend]

جزاكم الله خير اخواني انا شفتها من داخل ومن برا ومن وقت لي وقت اروح اشوف التطورات

وفعلا ايجابياتها اكثر من سلبياتها عشان جيه حبيتها بس للامانه على كثر مااروح مااشوف غير

الوافدين انا طالعه من المنطقه الي انا فيها الان لهسبب يخافون من صرف الكهرب المنطقه على
طول ظلام وتخوف والفله الوحدة جدامها 10 سيارات صراحه الجيرة مهمه لا وايد مهمه

بس هل صحيح هي ملك للشيخ جوعان اذا هالكلام صح بيكون مستقبلها مضمون وكل شي بيوصلها بسرعه

ولا ايش رايكم

[البعيد]

اغلب سكانها موظفي فنادق وشركات ضيافة ومهندسيين والفلل تتشابة اشوف دام فيه نزول في العقار حاد الواحد يتجة للاماكن الي كانت صعبة والافضل ينتظر فيه شي صاير الكل يبي يبيع حتى الي يعتبر قوي في السوق يبي يبيع السبب غير معروف سامعين شي هم احنا ماندري عنه الله اعلم

[umhend]

والله ردك يخوف

عيل شكل الي شروها أجروها على أجانب يعني اشتري وأجرها ...الله المستعان

[بوحارب]

اختي دام تبين الجيرة قبل كل شي انصحج تاخذين في المناطق اللي حولها

مثل الخيسة وفريج النعيم والخريطيات وازغوى

وتقريبا الأسعار نفس اسعار البندري او زيادة بسيطة

وقالوها الأوليين الجار قبل الدار:)

بالتوفيق ان شاء الله

[umhend]

ماشاءالله اخوي بو حارب عضو قديم وماتقصر دوم الله يعطيك العافيه

اخوي انا الان في الخيسه في في المنطقه الي حولين مدرسه لعبيب كلها غربتيه تبارك الله

والبيت وايد صغير يعني فلل البندري اكبر وأشرح قلت اغير شوي

[بوحارب]

ماشاءالله اخوي بو حارب عضو قديم وماتقصر دوم الله يعطيك العافيه

اخوي انا الان في الخيسه في في المنطقه الي حولين مدرسه لعبيب كلها غربتيه تبارك الله

والبيت وايد صغير يعني فلل البندري اكبر وأشرح قلت اغير شوي

الله يعافيج اختي

والله اذا تبين نصيحتي طلعي غرب شوي صوب الخريطيات وازغوى والناصرية

حتى اسعار الفلل فيها مقاربه لمنطقة الخيسة وحولها

والموقع افضل بكثير من فلل البندري

[الوسيط العقاري]

ليش المنطقه ماتنفع للعوائل القطريه؟ و شنو السبب

بسبب ان المنطقه اغلبيتها يسكنونها موظفين وليس عوائل

[umhend]

اها جزاكم الله خير شةركم وهدايه الله

[بوخالد911]

كل التوفيق.