الأستعراضات عند مدارس البنين

[أبو سعود]

ما أن يخرج الطلاب من المدرسه عند نهايه الدوام

ومن الأمتحانات أيضآ بالمرحله الثانويه للبنين


الأ ويبدأ بعض الطلبه بالأستعراضات والتحفيصات

بالسيارات خارج المدرسه مما يعرضوا حياتهم

وحياه الآخرين للخطر


وكذلك بعض الطلبه نراهم يشعلون السجائر لتدخينها


وأحيانآ نسمع من بعضهم يتلفظون بالألفاظ غير لائقه

تجاه زملائهم


لكن تعالوا و شوفوا نتائجهم بالأمتحانات تجد

الكثير منهم للأسف ضعاف و راسبون


هذه الملاحظات ليست جديده وأنما هي قديمه وتتجدد

كل عام خاصه عند المدارس الثانويه للبنين


ولم نرى الأجراءات و برامج التوعيه التي توجه

لهؤلاء الطلبه أي تأثير إيجابي عليهم


وأتمنى من أولياء الأمور خاصه الذين سلموا أبنائهم

هذه السيارات بهدف أنتقالهم من و إلى المدرسه

أن يخصصوا من وقتهم بين الحين والآخر بأن يقفوا

من بعيد ليراقبوا كيفيه قياده أبنائهم لسياراتهم

ومراقبه سلوكهم عند نهايه الدوام


وأن أكتشفوا بأنهم يستعرضون أو يقوموا بتدخين السجائر

عليهم أن يعاقبونهم ويحرمونهم لفتره من الوقت

وذلك حتى يلتزموا بالأنضباط


ويا كثر الحوادث اللي وقعت من قبل وراح بها

الكثير من الضحايا وهم في مرحله الشباب


وسلامتكم

[معماري قطري]

مسؤولية ذا غوفرمنت

كلها كيمرة وحدة تصور المدرسة ومحيطها واتصال للي السيارة مسجلة بإسمه ويقولون له سيارتك بتنسحب وتنحجز وتكون المخالفة تصاعدية

أولها إنذار ثم مبلغ بسيط ثم أكثر ثم حجز

انا بالغلط بالف يمين وكم واحد لاف قبلي حسبت المسار سالك ما خذت الا رصيف يعني لازم ادخل على السيد اليمين كم متر والف يمين .. والكيمرة شادختني بصورة وسيدة مخالفة 1000 ريال وقالوا لي تعال شرف عندنا .. وواحد من اقربائي عمره 63 مر بنفس المشكلة

خططوا الشوارع صح وحطوا كيمراتكم وقبل المخالفة خلوه انذار .. يقول لي ضابط لو ما رحت لهم يسحبون سيارتك .. راضي لو أستحق ولو كررتها لكن غلطة وغصب عني حتى حسيت باحراج كأني بالقي محاضرة على 100 شخص وانا واقف انطر حد يفتح لي

هذي صورة توضح الطلعات الثنتين من العزيزية .. واللي حاط عندها علامة طلعة ما لها داعي المفروض تتسكر وينشال الرصيف اللي جدامها حتى يسمح بدخول السيارات للمسرب اللي بيلف يمين عند تقاطع الاشارات .. بنفس الوقت المخرج الأول اللي يبين بخط أبيض يسار العلامة هذا يتوسع شوي وخطوط أرضية توضح عدل إنه لازم أما ياخذ يمين ويلف يمين أو ياخذ يسار شوي ويروح سيدة أو لو قدر ياخذ يسار ويلف يو تيرن للخلف

أوقات نحصل ناس يطلعون يمين من الطلعة الثانية ويتمون يمين يمشون بالعدال ويلفون يسار وين؟ على راس الاشارات يكونون حكروا السيارات اللي بتلف يمين خلفهم وعرقلوا السيارات اللي بتروح سيدة .. ولا ينعطون مخالفة والتصوير شغال والفلبيني اللي يراقب معلمينه شيسوي والمفروض حد يفكر ويعرف من يستحق المخالفة وبعد تعديل الطريق

http://i.imgur.com/YL5cuO7.jpg

معليش طلعت عن صلب الموضوع بس الكاميرات ولو عليها ناس مختصين والمخالفات تدريجية الكل بيعرف وبيخاف حتى في الفرجان الكاميرات مطلب ضروري

[qatarman8008]

من غير المقبول ان تكون المدارس هي مقر للاستعراض بالسيارات وتدخين السجائر..
هذا سلوك غير مقبول من المجتمع والمفروض ادارة المدرسة ان تتخذ اجراء صارم مع هالطلاب..
هؤلاء الطلاب يؤثرون سلبيا على الطلاب الاخرين وسيكون له نتائج سلبية كبيرة اذا تم تجاهل مثل هذه التصرفات..

[معماري قطري]

من غير المقبول ان تكون المدارس هي مقر للاستعراض بالسيارات وتدخين السجائر..
هذا سلوك غير مقبول من المجتمع والمفروض ادارة المدرسة ان تتخذ اجراء صارم مع هالطلاب..
هؤلاء الطلاب يؤثرون سلبيا على الطلاب الاخرين وسيكون له نتائج سلبية كبيرة اذا تم تجاهل مثل هذه التصرفات..

مساكين ادارات المدارس ينهد حيلهم داخل ولا بفايده شبيغطون عليه

وين الشرطة يا اخوي نبغي ( عباس ) الأمريكي يجي ينظف شوارع قطر من أشكال كثيرة ومنها اللي معتمدين بطيئاً سر

[qatarman8008]

والله قمنا نشوف تطور ملحوظ من هالناحية..
اللي يوقف غلط عشان يطلب كرك يتخالف واللي بطيئا سر يعطونه مخالفة عرقلة حركة المرور وهالشكل..
لكن تعال وحط عند كل مدرسة شرطي مناوب.. اعتقد هالشي صعب..
لكن الحل بيد ادرة المدرسة نفسها..
اي طالب يستعرض بالسيارة او يقود برعونه ينفصل وينعطى تحذير او يتم استدعاء ولي امره او يرفعون فيه للوزارة عندهم اكثر من اجراء ممكن ياخذونه..

[qatari 111]

والله قمنا نشوف تطور ملحوظ من هالناحية..
اللي يوقف غلط عشان يطلب كرك يتخالف واللي بطيئا سر يعطونه مخالفة عرقلة حركة المرور وهالشكل..
لكن تعال وحط عند كل مدرسة شرطي مناوب.. اعتقد هالشي صعب..
لكن الحل بيد ادرة المدرسة نفسها..
اي طالب يستعرض بالسيارة او يقود برعونه ينفصل وينعطى تحذير او يتم استدعاء ولي امره او يرفعون فيه للوزارة عندهم اكثر من اجراء ممكن ياخذونه..
ادارة المدرسة ماعندها صلاحيه ومب شأنها خارج المدرسه اللي عليهم يبلغون ولي الامر والشرطه

المفروض يحطون تحريات علشان محد يعارفه ويسجل الارقام
عند بيتي مدرسه ثانويه والشباب الله يهديهم طيران مايعترفون فالمطبات ولكن اللي اسويه اوقفه واعطيه كلمتين عن الاخلاق والحمد لله يتجاوبون معاي ولكن بعضهم يبيلهم سجن وحجز السياره فيهم قلة ادب واحترام وطايح استعراض قدامي ولا مفتكر اللي حوليه ولكن اللي علي اتصل وابلغ الشرطه واعطيهم الرقم واطلب منهم يتواجدون وقت انصراف الطلاب والصراحه ماقصروا الشرطه سنعوهم عدل وعالنيابه دايركت .