وقف خروج الصقور من منفذ ابوسمرة :(

[المبرمج]

السلام عليكم ورحمة الله وبركاتة ..

تم وقف دخول الصقور كـ اجراء جديد من منفذ سلوى السعودي .
لابد من الي يبغي يدخل طيره للسعودية فقط يأخذ أذن استيراد من السعودية .. الموضوع فيه شروط يالربع

الحاضر يبلغ الغائب ..
الله المستعان ،،،

[معماري قطري]

بعضهم يخدرونه ويهربونه

[جبر ال جبر]

من متى هالقرار!! الربع دخلو طيورهم وامورهم طيبه

[المبرمج]

بعضهم يخدرونه ويهربونه

كلامك صحيح .. الكلام هذا قبل لكن اللحين يدرون بكل شي .. حتى تبديل شريحة الطير يعرفون وفي النهاية غرامه بالالاف .
الربع غرموهم ع الطير مش اقل من 7000 ريال


من متى هالقرار!! الربع دخلو طيورهم وامورهم طيبه

القرار من اليوم أخوي .. تقدر تتأكد .
الدخول عادي أنا اتكلم عن خروج الطيور من قطر

[aloosh]

اكثرهم يخدر الطير وهذا شايع بين اهل طيور في تهريبها

[BoFahed]

يعطيهم العافيه واتمنى يمنعون تهريب الحيوانات المفترسه ( الشيتا وغيرها ) لانه الوضع زاد عن حده

[المبرمج]

كما وصلني .. تم حل الموضوع بخصوص تصدير الصقور للسعودية
شرط وجود فحص للطير رسمي صادر من مبنى الثروة الحيوانية القديم الي في طريق المطار .
مايحتاج اذن استيراد من السعودية ..

موفقين يالربع ،،

[المبرمج]

اكثرهم يخدر الطير وهذا شايع بين اهل طيور في تهريبها

بعض الطيور ما ترقع بعد التخدير والاغلبيه يفضلون بدون تخدير . لكن هالكلام قبل اللحين مركز سلوى يعرفون هالسوالف


يعطيهم العافيه واتمنى يمنعون تهريب الحيوانات المفترسه ( الشيتا وغيرها ) لانه الوضع زاد عن حده

كلامك صحيح ..

[بوخالد911]

المسؤولين أخبر.