مشكلة فالجبس

[بوسعد82]

السلام عليكم و رحمة الله و بركاته ،،،

حبيت أستفسر عندي جبس السقف جديد ما كمل الشهر و ألا جاته تشققات في أماكن مختلفة في أكثر من غرفة ، جبت واحد قال لي لازم سنفرة و بعدين معجون و ينصبغ مرة ثانية ، و بعد فترة جات التشققات مرة آخرى ، في حد يعرف فني جبس يشوف أي السالفة ، و الحمدلله على كل حال ...

و جزاكم الله خير ...

و السلام عليكم و رحمة الله و بركاته ،،،

[معماري قطري]

عليكم السلام ورحمة الله وبركاته

سوء تنفيذ أكيد واحتمال ألواح الجبس مغشوشة أو طريقة تعليقها خاطئة

شوف حد فاهم وأكيد الشباب يعرفون ناس ومب مقصرين معاك .. عن معرفتي تعاملت مع رافكو وشغلهم كثير زين

[sweet qatar]

واحد من الخبرا في البنيان قال اذا الجبس اخترب ما ينفع ترقع فيه لازم تغيره كامل

الله يعينك

[معماري قطري]

واحد من الخبرا في البنيان قال اذا الجبس اخترب ما ينفع ترقع فيه لازم تغيره كامل

الله يعينك

حي الله إختنا الغايبة لها فترة

الجبس من أسهل مواد التشطيب وأخفها للأسقف وللجدران وحتى تكرمون للحمامات والمطابخ .. ممكن نركب عليها البلاط وندعمها بخشب عادي وتستعمل في غالبية الأبراج بدون طابوق .. يعني ممكن نسوي برج طابوقلس

اللي ذكر إن الجبس لازم يبدل صراحة مب متعمق أو يحاول يسوي شغل كبير .. الجبس من أسهل المواد لعمل رقعة وفيه طرق كثيرة للرقع وهذي وحدة منها


https://www.youtube.com/watch?v=K37G2j0K8BA

وأتوقع مشكلة صاحب الموضوع بسيطة ونحتاج صور حتى نعرف حدودها وأي فني جبس فاهم وعنده ذمة بيحلها له .. توقعاتي من نوعية الصبغ أو طريقة خلطه ويحتاج صنفرة ويمكن نفس الشبك الخفيف ولاصق وصبغ جديد

[بوسعد82]

السلام عليكم
أشكرك أخوي على ردك ألي خلاني أتفاءل خير ، وبالنسبة للتشققات هي بسيطة تجيك مثل خط بالقلم الرصاص ، فإن شاء الله بألقى لها حل ...

فجزاك الله خير

و السلام عليكم ...

[معماري قطري]

السلام عليكم
أشكرك أخوي على ردك ألي خلاني أتفاءل خير ، وبالنسبة للتشققات هي بسيطة تجيك مثل خط بالقلم الرصاص ، فإن شاء الله بألقى لها حل ...

فجزاك الله خير

و السلام عليكم ...

العفو يا اخوي وانت في الغالب تحتاج صباغ زين يصنفر ويصبغ ولا تحتاج عامل أو فني جبس وكل واحد بيحب يبالغ حتى يحصل شغل أكثر

[معماري قطري]

فيه طريقة حلوة كانت تستعمل ومنتشرة في أمريكا اللي هي الرش بحبات حجر صغيرة وهذي تخفي أي عيوب وتعطي طبقة طلاء حول 3 ملم ويعتبر طلاء جبسي في أغلب مكوناته .. بعض الوحوش اللي عندنا يخلطون بودرة حجر مع الصبغ وهذي من تيبس تتشقق .. إنتبه لمواد الصبغ وقت الخلط وابتعد عن العرب بتفلح لو تحصل باكستاني زين أو فلبيني أو هندي افضل .. هذي مخترعينها البنقال ثرى .. يوفر كثير في الصبغ ويبين الصبغ زين لكن بعدين يخترب

[معماري قطري]

الطريقة اللي فوق فيه مكاين تسويها وبدرجات مختلفة لو تحب وحتى بعض المقاولين يستأجرون هذي المكاين

[sweet qatar]

الله يحييك استاذ معماري

السموحة منك ومن بوسعد على المعلومة الخطأ :)

يمكن كان يقصد مشكلة ثانية وانا لخبطت بينها وبين الخدوش


الله يوفقك بوسعد والسموحة مرة ثانية

[معماري قطري]

الله يحييك استاذ معماري

السموحة منك ومن بوسعد على المعلومة الخطأ :)

يمكن كان يقصد مشكلة ثانية وانا لخبطت بينها وبين الخدوش


الله يوفقك بوسعد والسموحة مرة ثانية

إنتي سامحينا بس المعلومة انا سامعها من زمان إن الجبس من أسهل المواد للصيانة ورخيصة وسهلة التشكيل وكان لازم اذكرها

[Aozomblue]

السلام عليكم...
اخوي ان شاء الله انحلت مشكلتك ؟
اذا بعد محتاج عندي لكن فنين ان شاء الله يعالجولك السقف

[سعود.]

سماكة بلاطات الجبس المستخدمة هنا
هي نصف سم
والأصل أن لا تقل عن 1.5سم
والمثالي 2سم..

منقول

https://twitter.com/majedmohaimeed/status/843090078880677888/video/1

[معماري قطري]

سماكة بلاطات الجبس المستخدمة هنا
هي نصف سم
والأصل أن لا تقل عن 1.5سم
والمثالي 2سم..

منقول

https://twitter.com/majedmohaimeed/status/843090078880677888/video/1

الله يعوض على صاحب الشغل صج مأساة

ميزة السمك الضعيف رخصه وبسهولة يسويه ويشكله العامل لكن عيبه ضعفه ويخترب وكل ما ذكر صحيح 100% البنقال خبرة في هذا الغش

[سعود.]

الله يعوض على صاحب الشغل صج مأساة

ميزة السمك الضعيف رخصه وبسهولة يسويه ويشكله العامل لكن عيبه ضعفه ويخترب وكل ما ذكر صحيح 100% البنقال خبرة في هذا الغش

صادق ابا عبدالله

بعد عندك الشبك الالمنيوم الي يشيل الجبس بورد البعض يزيدة عن 60 سم وهذا بعد يسبب ( تقعر ) وكركات

[معماري قطري]

صادق ابا عبدالله

بعد عندك الشبك الالمنيوم الي يشيل الجبس بورد البعض يزيدة عن 60 سم وهذا بعد يسبب ( تقعر ) وكركات

واحد يقول لي سالفته .. يقول جاه لبناني عنده كتلوج وراواه تصاميم جبس حلوة واتفق معاه .. يقول راح وطول كم يوم لين جاء جايب عمال الظاهر أرخص شيء .. وماخذ عليهم نسبة كبيرة أو مقاولة بدون ما يكون له دخل في الشركة

يقول التصميم كله منحنيات لكن في الطبيعة ركبوا قطع كورنيش سيدة تبين بكسراتها .. تخيلوا بدون انحناء وتقوس ناعم قطع سيدة .. يقول طردته وهاوشته بس اتوقع اللبناني لهف العربون وذيلا عارفين شلون يصيدون القطري

[سعود.]

الله يعينه

[سعود.]

https://twitter.com/majedmohaimeed/status/843419187775180804

اول مرة اشوف كذا ؟؟؟
لاحظ قوة الالمنيوم !!!

[معماري قطري]

https://twitter.com/majedmohaimeed/status/843419187775180804

اول مرة اشوف كذا ؟؟؟
لاحظ قوة الالمنيوم !!!

شغل متقن