تشويه ابراج دبي تاورز لمنظر كورنيش الدوحة ومنطقة والابراج

[the_end]

السلام عليكم ورحمة الله وبركاته

99142


99143



استغرب من عدم اكتمال ابراج دبي تاورز ، والاعمال الانشائية للبرج متوقفة من عام 2010 !!

وموقع البرج استراتيجي ومهم في منطقة الكورنيش

وسبب تشويه للمنظر بسبب عدم اكتماله وتوقف الاعمال الانشائية للبرج

وعلى الكلام الي سمعته انه بسبب الازمة المالية الي حصلت لدبي عام 2009

الي ادت لعدم التزام الشركة بتسديد الدفعات المالية للمقاول وتوقفه عن استكمال المشروع

اليس من الافضل طرح بيع هذا المشروع للمستثمرين وشراءه واستكمال بناءه او هدم هذا المشروع الي سبب تشويه لمنظر الكورنيش العام

[وليف الشوق]

اعتقد هالموضوع تكرر عدة مرات في المنتدى والاقوال كثيره

[aziz4z]

هاي تابعة للحبتور ، تعرض لازمة مالية أثناء الازمة المالية العالمية و من بعديها المشروع توقف
بس أعتقد مرة ثانية أموره تحسنت فما أدري ليش مايكمل

[نمر بن عدوان]

ليش الدوله ماتبيع البرج بالمزاد للي يدفع اكثر وتعطي المالك الاماراتي لفلوس والي شرا يكمل البرج فعلا المنظر يشوه الكورنيش

[Rider]

صار معلم حاضري بين الابراج في الكورنيش هههه

[بانغ بانغ]

محد ايعرف ايش العقود القديمة المبرمة عشان نحكم فيه

والا مسئولي الحكومة يوميا ايمرون من الكورنيش

معقول محد يقدر ايسوي شي !!

[معماري قطري]

لو هذا البرج حق قطري أو حق حكومة قطر في دبي كان من زمان تلحلح موضوعه

ممكن يغطونه مثل برج النصر اللي احترق قبل الأسياد بفترة .. وكانت تغطيته بمنظر من بلاستيك ما ادري قماش وطلع المنظر حلو

وقتها راسلت سمو الأمير الوالد على ايميله التابع للديوان الأميري بخصوص المنظر اللي مشوه منطقة الأبراج وكان البرج داخل شوي مب نفس ذيه .. ما ادري ليش وزارة البلدية ولا وزارة السياحة ما تتحرك بحل

[معماري قطري]

محد ايعرف ايش العقود القديمة المبرمة عشان نحكم فيه

والا مسئولي الحكومة يوميا ايمرون من الكورنيش

معقول محد يقدر ايسوي شي !!

يكون السواق يسوق بالمسؤول والمسؤول مشغول بالوتس أب

[النهار]

لو البرج كان مكتمل بيكون اعلى بنايه في قطر 72 طابق

[mr. abdulla]

اذا راعي البرج يبي يبع يكلمني على الخاص ...

[فهد الخاطر]

البرج تم بيعه من فتره على شخصين من داخل قطر ومبلغ البيع مليار و200 مليون مع العلم انه دبي للعقارات حاولت تبيعه بسعر اعلى

[SeniorTrader]

افتح السوم مليون ريال

[دايموند]

البرج تم بيعه من فتره على شخصين من داخل قطر ومبلغ البيع مليار و200 مليون مع العلم انه دبي للعقارات حاولت تبيعه بسعر اعلى

حلو وليش الي شروا البرج ما اشتغلوا عليه؟

[بوخميس]

خلكم من المنظر

هالرافعات اللي صار لها سنين ما تحركت ما صدت؟

ما يخافون تطيح على الكورنيش وتسبب كارثة؟؟

والله خطورتها أسوء من المنظر

[معماري قطري]

اذا راعي البرج يبي يبع يكلمني على الخاص ...

واذا راعية البرج مرة تخطبني وتكتبه باسمي

[mr. abdulla]

خلكم من المنظر

هالرافعات اللي صار لها سنين ما تحركت ما صدت؟

ما يخافون تطيح على الكورنيش وتسبب كارثة؟؟

والله خطورتها أسوء من المنظر


اخوي بو خميس انا اشتغل قريب من البرج.... كل كم يوم يتم تحريك الرافعات و اشوف شغل صيانة على الرافعات.. و المكان فيه الأمن مشدد لعدم سرقة معدات