استفسار عن أفضل الدول للسفر شهر يوليو-اغسطس

[أم محمد 90]

السلام عليكم

بغيت أسالكم وين أفضل مكان لقضاء شهر العسل نهاية يوليو الى منتصف اغسطس ؟

مثلا دولة نقدر نتنقل فيها مانقعد في مدينه وحدة .

غير بريطانيا وفرنسا

وجزاكم الله كل خير

[حمد 2002]

لندن وباريس

من اروع الاماكن ..

[بعيد النظر]

على البركة ان شاء الله ..


كل الدول الاوروبية تصلح ..
ارشح المانيا + النمسا ..

[شمس المغيب]

أمريكا كل ولاية فيها ميزه

[بانغ بانغ]

بالمبارك ان شاء الله والله يسعدك

انصحك روحي انترلاكن 4 ايام تتنقلين كل يوم منطقة ( ريفية - جبلية - جزيرة - غابة ) وفي قطارات طول اليوم لين المساء وترجعين في نفس اليوم للفندق الرئيسي في انترلاكن

طبعا التحركات حسب الرغبة والخريطة ومب شرط برنامج قبل السفر ،

وعقبها عندك اي جهة اتفضلينها قبل الدوحة

انا سنويا اودي المرة سويسرا ونتنقل داخل الzone

طبعا الجو خيالي لانها جبلية

عن نفسي ما احب العواصم لانها زحمة واتعكر المزاج

بالتوفيق

[غير البشر]

وعليكم السلام

ياهلا ومرحبا ام محمد

ارشح لج وطبعا حسب عدد ايام السفره

الوصول ميونخ - كابرون - بيرتساو - انترلاكن - لوغانو - ميلانو

https://www.google.ae/maps/dir/%D9%85%D9%8A%D9%88%D9%86%D8%AE,+%D8%A3%D9%84%D9%85 %D8%A7%D9%86%D9%8A%D8%A7%E2%80%AD/Kaprun,+Austria/Pertisau,+Austria/%D8%A5%D9%86%D8%AA%D8%B1%D9%84%D8%A7%D9%83%D9%86,+ %D8%B3%D9%88%D9%8A%D8%B3%D8%B1%D8%A7%E2%80%AD/%D9%84%D9%88%D8%BA%D8%A7%D9%86%D9%88,+%D8%B3%D9%88 %D9%8A%D8%B3%D8%B1%D8%A7%E2%80%AD/%D9%85%D9%8A%D9%84%D8%A7%D9%86%D9%88,+%D9%85%D9%82 %D8%A7%D8%B7%D8%B9%D8%A9+%D9%85%D9%8A%D9%84%D8%A7% D9%86%D9%88,+%D8%A5%D9%8A%D8%B7%D8%A7%D9%84%D9%8A% D8%A7%E2%80%AD/@46.7781383,8.110669,7z/data=!3m1!4b1!4m38!4m37!1m5!1m1!1s0x479e75f9a38c5f d9:0x10cb84a7db1987d!2m2!1d11.5819806!2d48.1351253 !1m5!1m1!1s0x47771b485c24ec93:0xe79984a7f033db37!2 m2!1d12.759674!2d47.2728876!1m5!1m1!1s0x479d7ed8a7 5a7c3b:0xf7aafb066e30a930!2m2!1d11.69131!2d47.4384 9!1m5!1m1!1s0x1453996a31921a05:0x9c111af14c02be00! 2m2!1d7.8632049!2d46.6863481!1m5!1m1!1s0x47842df76 a4211f1:0xef8c04212ea1f8e0!2m2!1d8.951052!2d46.003 6778!1m5!1m1!1s0x4786c1493f1275e7:0x3cffcd13c6740e 8d!2m2!1d9.1859243!2d45.4654219!3e0

او

ميونخ - كابرون - بولزانو ( الشمال الايطالي ) - بليد ( سلوفينيا ) - فينيسيا - ميلان

ممكن تلغون بولزانو وتطلعون من كابرون الى بليد مباشره اسهل لكم

https://www.google.ae/maps/dir/%D9%85%D9%8A%D9%88%D9%86%D8%AE,+%D8%A3%D9%84%D9%85 %D8%A7%D9%86%D9%8A%D8%A7%E2%80%AD/Kaprun,+Austria/%D8%A8%D9%88%D9%84%D8%B2%D8%A7%D9%86%D9%88,+%D8%A5 %D9%8A%D8%B7%D8%A7%D9%84%D9%8A%D8%A7%E2%80%AD/Bled,+Radovljica,+Slovenia/%D9%81%D9%8A%D9%86%D9%8A%D8%B3%D9%8A%D8%A7,+%D9%85 %D9%82%D8%A7%D8%B7%D8%B9%D8%A9+%D9%81%D9%8A%D9%86% D9%8A%D8%B3%D9%8A%D8%A7,+%D8%A5%D9%8A%D8%B7%D8%A7% D9%84%D9%8A%D8%A7%E2%80%AD/%D9%85%D9%8A%D9%84%D8%A7%D9%86%D9%88,+%D9%85%D9%82 %D8%A7%D8%B7%D8%B9%D8%A9+%D9%85%D9%8A%D9%84%D8%A7% D9%86%D9%88,+%D8%A5%D9%8A%D8%B7%D8%A7%D9%84%D9%8A% D8%A7%E2%80%AD/@46.7443032,9.5613167,7z/data=!3m1!4b1!4m38!4m37!1m5!1m1!1s0x479e75f9a38c5f d9:0x10cb84a7db1987d!2m2!1d11.5819806!2d48.1351253 !1m5!1m1!1s0x47771b485c24ec93:0xe79984a7f033db37!2 m2!1d12.759674!2d47.2728876!1m5!1m1!1s0x4782a738d2 8c4f11:0x307098715907eb0!2m2!1d11.2888015!2d46.734 0955!1m5!1m1!1s0x477a8e1dd7139961:0x400f81c823fec5 0!2m2!1d14.1145798!2d46.3683266!1m5!1m1!1s0x477eb1 daf1d63d89:0x7ba3c6f0bd92102f!2m2!1d12.3155151!2d4 5.4408474!1m5!1m1!1s0x4786c1493f1275e7:0x3cffcd13c 6740e8d!2m2!1d9.1859243!2d45.4654219!3e0

[land]

وعليكم السلام ورحمة الله وبركاته

إذا التنقل بين مدن دولة واحدة عندج النمسا معالم الاستقطاب السياحي من طبيعة وثقافة وتسوق وترفيه، وغالباً هي معظم دول أوروبا الغربية مثل ألمانيا وسويسرا بلجيكا ..الخ

إذا التنقل بين عدة دول ممكن خط سير بين ألمانيا - النمسا - سويسرا - إيطاليا (وحتى فرنسا - وليس بالضرورة بهذا الترتيب) وانتقاء المدن القريبة من الحدود المتاخمة للدولة التالي زيارتها للداخل، بما أن هذه الدول تشترك في حدودها مع بعضها البعض.

[غير البشر]

واذا تبغون مناطق ابرد اشوي

مخطط 3 دول اسنكدنافيه

الوصول كوبنهاغن ( الدنمارك ) - غوتينبرغ ( السويد ) - اوسلو - بيرغن - فلام - جيرانجير - والعوده من اوسلو ( النرويج )

[Al-Kuwari]

على البركة ان شاء الله

ابعدوا عن دول اسيا لأن الجو بيكون حار جداً وماينفع للتنقل والخروج والروحة والجية

اوروبا تعتبر الأفضل والاقرب فما فيها تعب كثير ان شا الله

استراليا ونيوزلندا بالصيف عندنا يكون موسم الشتاء عندهم وكذلك جنوب افريقيا وبعض ولايات امريكا لكن للأسف المسافات بعيدة ومتعبه وفالغالب رحلات شهر العسل تكون رحلات استجمامية وخفيفه مهب متعبة كثير لذلك انصح بالابتعاد عن هالدول

نرجع لأوروبا

بالنسبة لي وبدون منازع الأفضل سويسرا والنمسا والمانيا , لكن المشكلة هي انه خلال هذه الشهور الدول هذه تكون زحمه بشكل ممكن يكرهج بالسفرة وصعب تحصلين حجوزات وفنادق اذا ماحجزتي بدري خصوصا فالمناطق الريفية لقلة الفنادق والغرف

لكن لو حجزتوا بدري وماعندكم مشاكل مع الزحمة فاختياري بلا منازع سويسرا

النزول يكون في زيورخ وتأجير سيارة ومن ثم الذهاب للمناطق المحيطه مثل لوزيرن وانترلاكن وجريندلولد وطبعاً حسب الأيام ممكن تنزلين تحت صوب ايطاليا مع اني ما انصح لان الجو حار , وممكن الذهاب للأعلى صوب المانيا والحدود الالمانية الفرنسية او الاكتفاء بسويسرا والعوده من جنيف

طبعاً القرار يعود لج حسب الكثير من المعطيات

عدد الايام المخصصه للسفرة
عدد الايام اللي تبين تجلسين فيها بكل مدينه
الذوق العام في ناس تحب المدن الكبيرة وفي ناس تحب الريف والراحة والاستجمام
الميزانية كذلك

فممكن تبدين من هالشرح اعلاه وبناء عليه تحددين مسار الرحلة

لكن لو كان الاختيار لي فهو كالتالي

الهبوط في زيورخ والجلوس 3 ايام
ثم الذهاب الى لوزيرن والجلوس 2-3 ايام
ثم الذهاب الى جريندلولد والجلوس 3 ايام
ثم الذهاب الى بيرن والجلوس يومين
ثم الذهاب الى بازل والجلوس 2-3

ويوم العودة الخروج من بازل الى مطار زيورخ تسليم السيارة والعودة بما ان القطرية ماتطير لبازل

الجميل في هذا الجدول انه مريح اغلب الاماكن ماتبعد كثير

كمثال

زيورخ الى لوزيرن حوالي 55 كيلو فقط

لوزيرن الى جريدنلولد 85 كيلو فقط

جريندلولد الى بيرن 75 كيلو فقط

بيرن الى بازل 100 كيلو فقط

بازل الى مطار زيورخ 91 كيلو فقط

والله يوفقكم ويسعدكم يارب

[أم محمد 90]

الله يجزاكم خير جميعا ويبارك في حياة الجميع

تسلمون

[خالدي القصيم]

اوروبا بشكل عام جميله لشهر العسل

بالتوفيق،،

[zego]

الحب ايطاليا .. الجدول المقترح بالترتيب

الوصول:

روما Rome- مدينة تاريخية وفيها محلات وماركات ومطاعم نفس ميلان (4 أيام)

ساعه ونص بالقطار الى:

فلورنس Florence- طبيعتها ساحرة وأجواءها العامة هادئة ومريحة (يومين)

ساعتين تقريبا بالقطار الى:

فينيسيا Venice- معروفة كأفضل مدينة رومنسية فالعالم (يومين)

ساعتين بالسيارة الى:

بحيرة غاردا Garda- مجموعة منتجعات حول البحيرة وأكبر مدينة ملاهي في إيطاليا (5 أيام)
كمركز للتنقل الى ميلان، لوغانو، فيرونا، بولزانو وغيرها من المدن القريبة

[JN000N]

الف مبروك والله يتمم لج على خير


لندن فالصيف زحمه موت
وباريس كذلك
ايطاليا حاره فالصيف
ماعرف مانصح ف اوروبا
روحي امريكا ومن هناك تنقلي

والا عادي عندج الزحمه خلج ف اوروبا بس ابتعدي قد ماتقدرين عن جو المدن
شهر عسل استمتعي بالطول والعرض ف فنادق مضبوطه 100% واماكن هاديه ومطاعم وكافيهات
عادي حسبي حساب انج لو ما طلعتي يكفي الفندق حلو ويونس

[ya3coub]

الف مبروك اختي ام محمد الأخوان فوق الكحواري و غير البشر ما قصرو و تذكرت اني كتبت رد مشابه فرحت سويتله كوبي بيست فالإقتباس الي تحت


اختي مراحب انتي و ريلج شنو ميولكم و شنو الي تبونه

شهر العسل في وايد اشياء تحبون المغامرة تبون طبيعه على حسب.



عندج زنجبار و تنزانيا رووووووووووووووووووووووووووووووووووووووووووووووووو وعه و رخيصة.

جنوب افريقا ايضا مع رحلة بالهلكوبتر فالسفاري بس حاسبي من المناطق النائية.


بلدان عربية عندج المغرب و لبنان و الأردن الاردن مادري كثير ادري شهر 3 اتكون روعه الأردن, مصر يمكن مادري والله على حسب شنو تحبون.


اسيا اندونيسيا بالي و الفلبين في عندهم منتجعات رووووووووعه و رخيصه جدا جدا جدا.

كمبوديا و فيتنام. فيتنام روعه بس سمعت عندهم نهضة عمرانية كبيرة قبل كانت برخص التراب عشا فاخر حق 6 اشخاص ما يكلف 160 ريال قطري.

كروز مثل ما قال أخونا رحال مالت شرق اسيا الطويلة اخذي الي فيها اليابان و فيتنام روعه و يمدحونها الكثير من الشباب و العوائل ايضا و ابعدي عن الي فيها بس سنغافورة و ماليزيا الصغيرة كشهر عسل مو مريحة جدا بحكم كثرة بعض الجنسيات ربعي الي راحو مع اهلهم ما ارتاحو لها وايد.


في كروز اوربي بعد حليو.

و احسن شي اذا تحبون المغامرة بعد مرة و ما تبون مكان واحد و مو من النوع الي كثرة الشناط لأن اغلب المعاريس الزوج يبي اكثر عدد ممكن من الطبيعه/ العاب/ او الأماكن و الزوجة اتكون متبهدلة كونها عروسة بشنطتها و لمي ثيابج و شنطتج و يعدها يومين او ثلاثه ترد تسكرها علشان التنقل من مدينة لمدينة و فندق لفندق.


اذا هالشي ما يضايقج و شناطكم مو وايد عليج بامريكا او المغرب اجرو سيارة و استمتعو و جدولكم سووه بنفسكم طالما حلمج امريكا أختي.

حطي الولايات الي بخاطرج و سويها على فترتين مثلا اول شي الـــEast coast و بعد سنة روحي الــWest coast و اخذيها من الشمال مثلا من Niagra Falls فنيويورك لين شواطء و جسور ميامي بولاية فلوريدا جنوبا

مرورا ببنسلفانيا الولاية الدراسية اسميها و هدوئها بس حاسبو من شرطتهم ما يتساهلون
بعدها ببالتيمور فولاية ماري لاند ليلة فبالتيمور عالبحر و ثاني يوم دي سي للمتاحف و المعالم الرئاسية المهمة إلى فرجينيا و خضارها و جمالية شوارعها و هدوئها بنسلفانيا فيها بيوت رخيصه و نيويورك ابتدو اول شي من مطارهم و المدينة و صوب التايم سكوير بس لما بتروحون نياجرا فالز جربو الـــBed & Breakfast الي عالطريق ترا روووووعه و اكلهم حلو الصبح الوافلز مالتهم و فالرجعة في شفف الهلتون وايد حلوة.

بعد ديسي و فيرجينيا عندج نورث كارولينا ولاية عنصرية جدا بس على حسب الجو اذا برد جدا و عواصف بعدي عنها كملي دربج جنوب اذا الجو اوكي في عندهم بيوت خشبية على البحر عند الــPieer و الأحلى اذا ريلج من محب المحركات تلقين عندهم على مدار السنة السيارات الكبيرة Monster Trucks روووووعه.
السمر و الخوال فــNorth Carolina وايد وايد يسحبون يساعدون المسلمين و المتحجبات خصوصا الي صوب البحر معنه اشكالهم ما تطمن "للأسف الواحد ياخذ بالتعامل الشكل قبل اي شي" و انحرجت مع اهلي اكثر من مرة معاهم كون اني اقول لأخوي جهز نفسك أو حاسبو منهم و فالنهاية بس يسلمون في منهم نسبة مسلمين و يعطون نصايح فقط لا اكثر ولا اقل كونهم اقلية او يمكن بس لأنهم يرحبون بالسياح.
اذا عندكم وقت في قرية اسمها Asheville فيها مناظر طبيعية و جبال مو عالية "هضاب" تتمشين فيها.

بعدها ولاية جنوب كارولينا ما اتذكر بالظبط اي شي مميز فيها في مدينة العاب كبيرة جدا جدا مو متذكر بأي ولاية كانت بعد نورث كارولينا فيها واحد من اصل 6 قطارات فالعالم الي تنزل بزاوية 90 درجة هالمدينة يبيلكم فيها يوم كامل لعب ولا بتشبعون و اكلهم وايد وايد وايد حلو خصوصا البيتزا. في مدينة ملاهي مائية ما انصحج فيها.


جيورجيا ما اتذكر عنها اي شي كنت يا اسوق او راقد او ما فيها شي كان مميز جدا او يشد انتباهي

ولاية فلوريدا عندج كلشي غير عالم ثاني تامبا اورلاندو شارع النخيل الي على البحر لين توصلين ميامي كلن يقول الزود عندي تنوع و اكل و وناسة بس بعد شهر 2 قد تكون بارده و عواصف الله لا يقول.


في من ضمن الأشياء الي نسيتها قرية اتوقع بفرجينيا او قريبة منها كلشي فيها قديم

كللللللللللللللللللللللللشي ممنوع السيارات اللبس قديم و الحياة هناك خبزهم روعه مع الزبدة و الجام الطبيعي مالهم. تقضين يوم كامل ايضا فيها و فيها سكن و كلشي عندهم بالطرازز و الستايل القديم مع التنقل يكون على عربة يجرها حصان ما يستحضرني اسمها او اسم مدينة الملاهي حاليا.

و السموحة عالرد الطويل

ايضا زيدي عليهم اليابان المناطق الشمالية الجو فيها يكون روعه و من ضمنها جبل فوجي أعلى قمه فاليابان تكون مفتوحه من بداية شهر 7 لين سبتمبر
بيكون صيف فاليابان و جوهم شويه حار و رطوبه بس المناطق العالية و الجبليه و الطبيعه بيكون الجو احسن جو بحيث انه شمس و براد

و بيكون توه مخلص موسم الأمطار الي ينتهي بنص شهر 7


The rainy season (tsuyu) typically ends in the first half of July. It is hot and humid in most of Japan, and just standing outdoors can make you sweat. The conditions are more comfortable in higher elevations and in Hokkaido, a highly popular destination among outdoor lovers during the summer months.

Many local festivals and fireworks are held. Mount Fuji is opened for climbing. Cormorant fishing can be observed. It is also a very good time of the year for beach holidays in Okinawa. With the summer school holidays from late July through August, domestic travel activity increases considerably.


هاي من موقع http://www.japan-guide.com
ايضا في موقع https://www.onthegotours.com/Japan/Best-time-to-visit

[blueZircon]

استراليا . يوليو واغسطس عندهم شتا والجو بهالوقت روعه تستمتع بكل انواع الطبيعه واللنشطه . انا رحت شهر العسل نفس هالوقت من السنه واستانسنا وايد. الحلو هو ان القطريه تروح دايركت الى سيدني وملبورن . طبعا الجدول لازم يكون كالاتي ،

ملبورن اربع ليالي
سيدني خمس ليالي
قولد كوست عشر ليالي

الفيزا اجراءاتها سهله رتقدر تسويها اون لاين
بالتوفيق ان شاءلله

[الحياة الخالدة]

السلام عليكم ورحمة الله
ما عندي رد بخصوص الاستفسار ( الأخوات والإخوان ما قصروا جزاهم الله خير )
بس حبيت أبارك لج أختي أم محمد .. الله يتمم لكم على خير ويسعدكم

[ذكي جدااا]

اوروبا انصحك فقط سويسرا والنمسا. او امريكا وممكن بعد استراليا بس راح تكون بارده لانه بيكون عندهم موسم الشتاء

[بانغ بانغ]

حطي في بالك شي اختي ام محمد والمهتمين

ان شهر العسل لا يفضّل فيه التنقل وايد من بلد لبلد

الاسترخاء والتأقلم اهم من التنقل والصرقعة لحظة الشك ان والشك أوت وووو

بالتوفيق

[monatee]

اذا شهر عسل ،، خلووه داخل سويسرا فقط

سويسرا بروحها جمالها يغني عن اوروبا كلها

[naklan]

استراليا . يوليو واغسطس عندهم شتا والجو بهالوقت روعه تستمتع بكل انواع الطبيعه واللنشطه . انا رحت شهر العسل نفس هالوقت من السنه واستانسنا وايد. الحلو هو ان القطريه تروح دايركت الى سيدني وملبورن . طبعا الجدول لازم يكون كالاتي ،

ملبورن اربع ليالي
سيدني خمس ليالي
قولد كوست عشر ليالي

الفيزا اجراءاتها سهله رتقدر تسويها اون لاين
بالتوفيق ان شاءلله

أنا مع هالراي استراليا في الصيف جنة وفيها فرجة ورحلات سياحية خيال
ومنها جبل مونت بولي تشوفون التزلج والثلج مافيه احلا من استراليا

والخيار الثاني فينا وسويسرا ترتيب اخوي غير البشر بعد
طبيعة وبراد اما ايطاليا وامريكا فما فيهم جو بارد في الصيف
الا سان فرانسسكو ولوس انجلس متوسط البرودة معتدل

موفقين ومبروك الزواج ان شاء الله

[أم محمد 90]

الف مبروك والله يتمم لج على خير


لندن فالصيف زحمه موت
وباريس كذلك
ايطاليا حاره فالصيف
ماعرف مانصح ف اوروبا
روحي امريكا ومن هناك تنقلي

والا عادي عندج الزحمه خلج ف اوروبا بس ابتعدي قد ماتقدرين عن جو المدن
شهر عسل استمتعي بالطول والعرض ف فنادق مضبوطه 100% واماكن هاديه ومطاعم وكافيهات
عادي حسبي حساب انج لو ما طلعتي يكفي الفندق حلو ويونس

الله يبارك في عمرج وحياتج يارب وتسلمين .

عاد تصدقين اكره لندن كررررره العمى يعني مخليتها اخر احتمال في حالة الملل القاتل مع ان عمري مارحت لها

بس احب باريس وجنيف واااايد ف بنزل باريس 3 ايام وبروح جنيف من هناك

[أم محمد 90]

السلام عليكم ورحمة الله
ما عندي رد بخصوص الاستفسار ( الأخوات والإخوان ما قصروا جزاهم الله خير )
بس حبيت أبارك لج أختي أم محمد .. الله يتمم لكم على خير ويسعدكم

وعليكم السلام ورحمة الله وبركاته

الله يبارك بحياتج
وتسلمين جزاج الله كل خير

[معماري قطري]

اذا شهر عسل ،، خلووه داخل سويسرا فقط

سويسرا بروحها جمالها يغني عن اوروبا كلها

صحيح الجمال الواحد يستمتع فيه ولا بسهل استكشاف المناطق القريبة والتردد عليها .. مدينتين يكفون وتمشي في المناطق الهادئة أفضل

وبالمبارك أُم محمد والله يونس أيامكم بالطاعات

[Dana’1]

مبروك.. الله يتمم لكم على خير ويسعدكم