جزيرة بالي

[fzaa_qatar]

السلام عليكم ورحمة الله.. ي جماعة الخير ناوي اسافر انا والعيال لبالي من تاريخ 20 هالشهر ل 27 كلها فبالي فهل المده تعتبر وايد ع بالي ولا اروح للجبل بشناك وعقب بالي وياليت احسن وافضل المنتجعات فيها والاماكن السياحيه واذا فيه رقم سواق يكون امين ومحترم .. جزاكم الله خير

[بعيد النظر]

وعليكم السلام ورحمة الله وبركاته ..


7 ايام كافية وممكن تكون قليلة على بالي ..
جبل بونشاك اتوقع انه قريب جاكارتا وبالي جزيرة تبعد عنها مدة ما عندي علم بها ..
المقصد 7 ايام كافية لمكان واحد عشان السفرة ما تكون ثقيلة !


السواقين كثر وهناك واسعارهم زينة وللاسف ما عندي رقم احد ..
اما المنتجعات ممكن تجوف عن طريق booking وتختار اللي يناسب ميزانيتك ..

انصحك فالسكن في منطقتين .. semnyak + ubud


سمنياك مدينة .. وابود جبال وخضرة ..


الاماكن السياحية كثيرة .. والتكاسي عندهم كتلوج طب وتنقى !


بس ما عندي علم عن جوهم هل هو ممطر الحين ولا شلون



وبالتوفيق

[بوخالد911]

هلا بك

القطرية تروح بالي دايركت

انصحك خط السير :
الدوحة - بالي ع القطرية
بالي - جاكرتا ع جارودا

بالي : تقعد فيها 3 أيام
جاكرتا باقي المدة

بونشاك : تبعد بالسيارة من جاكرتا حول ال 45 دقيقة
تكفيك تروحها الصبح مثلا ساعة 10 وتتم فيها ليين مغيب الشمس وترجع لجاكرتا

منطقة باندونق : اللي فيها الجبال البركانية
أنصحك تروحها
تبعد حول ال50 دقيقة


بخصوص السواقين
تقدر تأخذ ارقامهم من موقعي :
زاد المسافر
المسافرون العرب
===========================================

ملحوظة : شي عجبني جدا في أندونيسيا : سعر التذاكر بالأماكن السياحية للأندونيسيين مخفض عن الأجانب


كل التوفيق.

[بوخالد911]

هذا رابط لسفرتي لأندونيسيا بسنة 2009

http://www.qatarshares.com/vb/showthread.php?284476-اندونيسيا-كما-رأيت-بقلم-بوخالد911-وتصويره

[راحة فيشن]

بالي جميلة

[captin]

السلام عليكم ورحمة الله.. ي جماعة الخير ناوي اسافر انا والعيال لبالي من تاريخ 20 هالشهر ل 27 كلها فبالي فهل المده تعتبر وايد ع بالي ولا اروح للجبل بشناك وعقب بالي وياليت احسن وافضل المنتجعات فيها والاماكن السياحيه واذا فيه رقم سواق يكون امين ومحترم .. جزاكم الله خير


جزيرة بالي من الجزر الخيالية وتسمى Paradise اي جنة السائحين

الزائر لبالي لديه عدة انشطة يقوم بها مثل الاستجمام والسبا والتدليك
الانشطة والرياضات البحرية المختلفة من غطس وسباحة وزوراق وصيد الخ
بالي يزورها السياح من كافة مناطق العالم وخصوصا الاسترالين نظرا لقربها من استراليا
طبعا الحياة الليلية في بالي صاخبة جدا بمعظم المطاعم و البارات حيث ينتهي اليوم السياحي لدى معظم السياح
الاجانب بوجبة عشاء في احد المطاعم او البارات على الشاطيء او بالفنادق المختلفة.

http://www.bali-indonesia.com/attractions/top-ten.htm

https://www.tripadvisor.com/Attractions-g294229-Activities-Jakarta_Java.html

يرجى الاطلاع على الروابط واحد لباالي والثاني عن جاكرتا

بما انك راح تزور اندونيسيا يفضل تقضي اربع ليالي في بالي وتاخذ رحلة القطرية المباشرة من الدوحة
ومن بالي تطير تقضي ثلاث ليالي في وسط العاصمة جاكرتا وتكون العودة على رحلة القطرية جاكرتا الدوحة

[fzaa_qatar]

الله يعطيكم الف عافيه لكل اللي ردوا ماقصرتوا وبيض الله وجيهكم جميع .

[بوشاهين2]

السلام عليكم .. طويل العمر أنا رحتها شهر 2015/8 وطبعاً البوذا والأصنام بكل مكان وبشكل كثير ، وبنصحك نصيحه رتب أمورك بخصوص حجز الفنادق من الدوحة لأن عادي ماتحصل حجز أهناك وتتوهق نفس ما أنا ماتوهقت .. وخذها دايركت عالقطرية وتقريباً تاخذ لك 7:45 دقيقه المهم وخذت كل أحتياطك نفس أنا ماسويت بخصوص التطعيمات لأن عندهم بمنطقة أوبود منطقة حلوه وطبيعة وشلالات ولكن يكثر فيها (النامس) وخذلك مرهم للنامس .. وبعد منطقة سيميناك وبصراحة عندهم الفلل بمسبح خاص وايد حلوه ونصيحت أخو إذا عندك عيال صغار لتروح لأن بتعاني بسالفة الأكل والله أني بس حصلت مطعم هندي وأسمه بالأنجليزي (ملكات الهند) وأغلب السواح من استراليا لأن كانت مستعمرة أسترالية وحالياً يكثرون فيها ، وياليت أدش على موقع المسافرون العرب وتستفسر زيادة .. وبالتوفيق.
ملاحظة هامة : أنا جاني تفكير أهناك لو أنسرقت محفظتي ولا عندي أي وسيلة لأن هناك مافي سفارة قطرية فقط في جاكرتا .. لو أنا بنفسي بدبر عمري ولكن معاي هلي وهذا ألي خوفني بصراحة.