فود ترك

[F.A1]

السلام عليكم ورحمة الله وبركاته

اخواني عندي مشروع بسيط وصغير وحبيت اخذ رايكم ومشورتكم فيه وماخاب من استشار

المشروع عبارة عن فود ترك نفس اللي متواجد في امريكا واوربا تقريبا بس بطريقة احترافيه اكثر

اقتراحاتكم ومشورتكم مع العلم ان المشروع في طور التفيذ والي الحين مراكض لاستخراج التصاريح اللازمه ان شاءالله

السيارة مجهزه بالكامل بالمعدات مع العلم اني استطيع اخليها كوفي ولكن كوفي شوي مطور وبتصاميم عصرية مميزه او اني اخليها وجبات سريعه
يعني برقر هوت دوق سندويتشات

عطوني اقتراحاتكم ورايكم وشنو لازم اسويه عشان اخلي الاخوان يعتمدونه ويعطوني التصريح

شكرا لكم مقدما :)

[F.A1]

109 مشاهدات ولا احد فيكم عطاني نصيحه او قال كلمة

[البحر الرائق]

المشروع جميل يا أخي بس المهم المكان هايكون فين ؟

[F.A1]

فود ترك يعني سيارة متنقله في اي مكان اقدر اوقف فيه سؤالك شوي غريب :)

ع العموم انت احسن من غيرك اللي شافو الموضوع ومحد تكرم حتى يقول (الله يوفقك) او يعلق

للأسف خاب ظني مثل ماخابت مع غيرهم


شكرا

[البحر الرائق]

انا عمال أفكر في أماكن مميزة مفتقدك لهذه الخدمة ويكون عليها رجل بس مش عارف اية انت شايف اية

[F.A1]

شنهي الاماكن طيب عطني افكارك اللي عندك

بس وش تقصد يكون عليها رجل مافهمت الكلمة هذي ؟؟!

[mr. abdulla]

اخوي F .. اول شي أحيك على طموحك.. بارك الله فيك.. ثاني شي ركز على الماشي في السوق هاليومين .. المستهلك في قطر مستهلك هبات.. يعني اذا صار الشي موضة ركض ورآه .. و المستهلك جديد على العالم و يحب التقليد.. ما صار له رأي خاص او ذوق خاص... في مطاعم كثيرة في قطر تعبانة و لكن سوقهم ماشي لان هبة الموسم... تبي تربح في مشروعك شوف الشعب شيحب... الناس ما يحب الاكل اللذيذ و الرخص و و .. لا يبي يروح مكان يقدر يصور فيه و يصور الوجبة و يقول كاني في المكان .. يعني ركز على الsocial media .. بعدين لا تعقد الأمور.. شوف مطعم
كشته او جباتي كرك.. menu بسيط و لكن بطريقة عصرية و ماشي سوقهم.. keep it simple .. و مميز يتماشى مع اخر الهبات...

[mr. abdulla]

في شركات صينية و تايلندية يسون لك الPR عن طريق الانترنت.. يعني ديزاين الlogo و الmenu و حتى قراطيس الأمل يسون لك ديزاين.. بعد ما تتعاقد معاهم يرسلون لك الblue print للديزاين و تقدر تطبعه في الدوحه اذا كانت الكمية صغيرة او تطبعه عندهم اذا الكمية كبيرة ..

[F.A1]

اخوي F .. اول شي أحيك على طموحك.. بارك الله فيك.. ثاني شي ركز على الماشي في السوق هاليومين .. المستهلك في قطر مستهلك هبات.. يعني اذا صار الشي موضة ركض ورآه .. و المستهلك جديد على العالم و يحب التقليد.. ما صار له رأي خاص او ذوق خاص... في مطاعم كثيرة في قطر تعبانة و لكن سوقهم ماشي لان هبة الموسم... تبي تربح في مشروعك شوف الشعب شيحب... الناس ما يحب الاكل اللذيذ و الرخص و و .. لا يبي يروح مكان يقدر يصور فيه و يصور الوجبة و يقول كاني في المكان .. يعني ركز على الsocial media .. بعدين لا تعقد الأمور.. شوف مطعم
كشته او جباتي كرك.. menu بسيط و لكن بطريقة عصرية و ماشي سوقهم.. keep it simple .. و مميز يتماشى مع اخر الهبات...




اولا اشكرك على ردك المحفز وكلامك الطيب .

بالنسبه للمشروع انا جدا متحمس له ومجهز له كل شي اللوقو والاسم وحتى طريقة التقديم والاكياس والصحون ولبس العمال وكل شششييي يعني على الهبه على مايقولون هههه

بس التعقيدات في استخراج التصاريح والموافقات والشروط هي عائق كبير لنا .

السعوديه ماشاءالله توجهت الي مثل هالمشاريع وسوت لهم حدائق ومهرجانات ودعمتهم وعطتهم التصاريح اللازمه ومشت امورهم ولا وقفت عائق امامهم

لان هالشي يحقق رؤية قطر 2030 للتنميه وتنوع مصادر الدخل وتنشيط السياحه .

يعني دول العالم كلها مصرح لهم الا قطر يعني معقوله هالدوله اذا بنفتح نفس هالمشاريع فيها بصير مشاكل بتوقف الدنيا يعني او شلون ؟؟!


والله مسوي لهم برزنتيشن ومجهز عينات من الاكياس مع العلم ان التغليف والصحون والاكياس كلها مساعدة للبيئة وماتضرها لاني معتمد على ان التقديم والتغليف يكون هو
سبب دعاية المحل بعضها خشب وبعضها اكياس خوص والاكواب خشبيه مالها اي اضرار على الصحه ومن ظمن شروط الصحه .

بس ان شاءالله يرى النور قريبا بأذن الله


مع ذالك ما استغني منكم ومن رايكم وتعلقياتكم واقتراحاتكم

لانه هو الدافع المعنوي الكبير لي :)

شكرا لك اخوي عبدالله على رايك وتعليقك اللي عطاني دفعه معنويه كبيره :) بعد ماتحطمت من قل الردود وكثرة المشاهدات للأسف

[البحر الرائق]

شنهي الاماكن طيب عطني افكارك اللي عندك

بس وش تقصد يكون عليها رجل مافهمت الكلمة هذي ؟؟!

عليها رجل يعني ناس كتير تيجي المكان او تمر علية . بس عايزين نعرف منك الاصناف اللي هاتقدمها عشان نقدر نقترح الاماكن المناسبة.

[محمد بغداد]

شكرا لك مشروع جيد و بالتوفيق لك بس ممكن أعرفك كم كلفك المشروع كرأس مال ؟ أنا شفت بالسعودية كثير مثل كدا و ناحجين ما شاء الله. ربي يوفقك و لو في فكرة اشاركها معك

[F.A1]

شكرا لك مشروع جيد و بالتوفيق لك بس ممكن أعرفك كم كلفك المشروع كرأس مال ؟ أنا شفت بالسعودية كثير مثل كدا و ناحجين ما شاء الله. ربي يوفقك و لو في فكرة اشاركها معك



حياك الله اخوي محمد وشكرا لك على دعائك وكلامك الطيب

فعلا في السعودية ماشاءالله تبارك الرحمن الشباب شغالين صح ومشاريع ممتازه ومبدعين فيها ومعروف ان الشباب السعودي طموح ومقدام في جميع الامور الله يوفقهم

المشروع كرأس مال مش كبير جدا ويختلف رأس المال من مشروع لأخر
يعني مثلا مشروع المؤكولات السريعه غير تكلفته وتجهيزه غير عن مشروع الكوفي والسويت من حيث التجهيزات والتكلفه
وكل شخص له طريقة ابداع يعني تقدر بس تشتري السيارة بالتجهيز اللي تبيه بمبلغ يقارب 50 الف ريال تقريبا وتاخذ باقي الشغلات من تغليف وكراتين واكياس عاديه
ما تكلفك تقريبا ثلاث الالف ريال >انا اتكلم بشكل تقريبي وليس فعلا هذي الارقام صحيحه للعلم يعني


بالنسبه لمشروعي جهزته تجهيز كامل من معدات ايطاليه الي مواد بعضها ايطالية مثل الكوفي ily كوفي المعروف والاكواب وصحون التقديم نوعها خشب لانها صحيه اكثر ومامنها مضر
بأذن الله والاكياس نوع خيش عليها اللوقو حق الكوفي كنوع من الدعايه لي وعشان يستفيد منه الزبون بعد الطاولات والجلسات شريت نوعين وفصلت في الدوحه شكل

كنوع من التغيير بس ما اخفيك سر عشان تستفيد انت ويستفيد الشباب اللي عندهم طموح انه يبدا مشروع صغير

التجهيزات والاكسسوارات وثلاجة العرض حق الكيك والسويتات وجهاز الوافل والاكواب وصحون التقديم والاكياس اخذتها من الصين عدد يعتبر قليل لين يبدأ فعليا تشغيل المشروع
وبعدها اقدر اطلب عدد كثير للعلم الصين فيها الجودة العالية وفيها الرديئ مثل اللي يوصل لنا في الخليج بشكل عام وانت وقدرتك المادية تقدر تاخذ

بالنسبه لي والشاهد علي الله اخذت اجودها واحسنها اولا حرصا على السمعه الطيبه ثانيا لان الفرق بينهم جدا بسيط اذا الشخص فكر في السمعه وليس التوفير .


اتمنى وصلت لك الفكرة مع اني ادري طولت بالكلام بس حاولت اوصل لك معلومات قد تفيدك ان شاءالله في مشروع :) تمنياتي لك بالتوفيق

[وسيطك]

مشروع جبار اخوي وانصح باختيار الاماكن المزدحمه مثل الحدائق الفعاليات الخ

[اناهيد]

السلام عليكم
مشروعك جدا حلو ، محتاج ان الواحد يتفرغ له وحاب هالشغلة عشان يبدع فيها
انا عكسك ، اوفر العربات المتنقلة لمشاريع الاكل ، وحطيت اعلان في منتدى السوق العام ، ولا لقيت مشتري
اللحين افكر في الفنادق اللي على البحر، لو يشترون العربات او يأجرونهم من عندي لمطعاهم بتكون الفكرة واااايد ممتازة لهم ولي
بس للاسف ، ما عندي حد يوصلني لاصحاب القرار في الفنادق

اتمنى حد من الاخوان في المنتدى يساعد

وشكرا

[alhurmsi]

احييك اخوي على طموحك ونشد على ايدك والله يوفقك وللعلم هذا النوع من البزنس هو الماشي اللحين وبدأ يأخذ حيز كبير لدى التجار الصغار
ولكن هناك نقاط معينه لازم تنتبه لها :
1- المنافسين
2- العملاء
3- العمالة
4- الأدارة
5- نوعية الخدمة والتخصص
6- وهو الأهم التفرغ ومراقبة حلالك ( نقطة مهمه جدا )

[mohammedali]

يعطيك العافيه اخوي